ខេត្តកំពត៖ យោងតាមការចុះផ្សាយរបស់ រដ្ឋបាលខេត្តកំពត នៅថ្ងៃទី០២ ខែធ្នូ ឆ្នាំ២០២២ បានចេញសេចក្ដីជូនដំណឹង ដល់បងប្អូនប្រជាពលរដ្ឋរស់នៅក្នុងខេត្តកំពត មេត្តាជ្រាបថា៖ ដើម្បីអបអរសាទរឆ្លងឆ្នាំសកល ឆ្នាំ២០២៣ នាពេលខាងមុខ រយៈពេល០៣ថ្ងៃ ចាប់ពីថ្ងៃទី២៩ ដល់ថ្ងៃទី៣១ ខែធ្នូ ឆ្នាំ២០២២។

រដ្ឋបាលខេត្តបានត្រៀមរៀបចំកម្មវិធីកម្សាន្ដសប្បាយជាច្រើនដូចតទៅ៖

-ការប្រណាំងទូកនេសាទ
-ការសម្តែងឆ័ត្រយន្តហោះ
-កម្មវិធីប្រដាល់សេរី និងសម្ដែងក្បាច់គុនបុរាណខ្មែរ
-ការប្រគុំតន្ត្រីចំនួន ០៣ទីតាំង (ពហុកីឡាដ្ឋានខេត្ត ទីលានរូបសំណាកព្រះបាទអង្គឌួង និងឆ្នេរ ព្រែកកំពតកោះស្មៅ)
-ទស្សនាការបាញ់កាំជ្រួច និងរាប់ថយក្រោយ។

ដើម្បីញ៉ាំងបរិយាកាសនៃកម្មវិធីខាងលើឲ្យកាន់តែមានភាពអធិកអធម និងសប្បាយរីករាយ រដ្ឋបាលខេត្តមានកិត្តិយសសូមគោរពអញ្ជើញ សាធារណៈជន និងបងប្អូនប្រជាពលរដ្ឋរស់នៅក្នុងខេត្ត ក្រៅខេត្ត ភ្ញៀវទេសចរជាតិ និងអន្តរជាតិ មកទស្សនាកម្សាន្តប្រកបដោយភាពសប្បាយរីករាយ ។

សេចក្ដីដូចបានគោរពជម្រាបជូនខាងលើ សូមសាធារណៈជន និងបងប្អូនប្រជាពលរដ្ឋរស់នៅ ក្នុងខេត្តកំពត និងក្រៅខេត្ត ភ្ញៀវទេសចរជាតិ និងអន្តរជាតិ មេត្តាជ្រាបជាព័ត៌មាន និងអញ្ជើញចូលរួមឲ្យបាន ច្រើនកុះករកុំបីអាក់ខាន និងចូលរួមថែរក្សាអនាម័យ បរិស្ថានស្អាតទាំងអស់គ្នា៕

ប្រភព៖ រដ្ឋបាលខេត្តកំពត