(ភ្នំពេញ)៖ តំបន់ប្រាសាទកោះកេរ គឺជាអតីតរាជធានីបុរាណនាសតវត្សទី១០ ប៉ុន្តែនៅចុងសតវត្សទី១០ ព្រះរាជាខ្មែរក៏បានចាកចេញពីកោះកេរនេះមកក្រុងអង្គរវិញ។ លុះដល់សតវត្សទី១៩ ក៏មានជនជាតិអឺរ៉ុបបានទៅដល់តំបន់ប្រាសាទដ៏អស្ចារ្យនេះ។ តើអ្នកដឹងទេថា ជនបរទេសរូបណាដែលបានទៅដល់តំបន់រាជធានីកោះកេរមុនគេបង្អស់? តំបន់កោះកេរ មានចម្ងាយប្រមាណ៧០គីឡូម៉ែត្រ ភាគឦសានរាជធានីអង្គរ ដោយបច្ចុប្បន្នស្ថិតក្នុងឃុំស្រយង់ ស្រុកគូលែន ខេត្តព្រះវិហារ។ តំបន់កោះកេរធ្លាប់មានឈ្មោះដើមជាភាសាខ្មែរបុរាណថា «ឆោកគគ៌្យរ» ឬ «ឆោកគគីរ» ដែលជាទីប្រជុំជនមួយរបស់អាណាចក្រខ្មែរនាសម័យអង្គរ។ ប៉ុន្តែនៅពេលព្រះបាទជ័យវម៌្មទី៤ (ជ័យវរ្ម័នទី៤) តាំងរាជធានីនៅតំបន់នេះ ព្រះអង្គក៏បានប្រសិទ្ធនាមថ្មីដល់រាជធានីនេះថា «លិង្គបុរៈ»។ ខណៈដែលប្រទេសកម្ពុជាធ្លាក់ក្រោមអាណាព្យាបាល និងអាណានិគមនិយមបារាំង ក៏មានអ្នកស្រាវជ្រាវជនជាតិបារាំងចូលទៅដល់តំបន់កោះកេរនេះជាបន្តបន្ទាប់ ក្នុងនោះមានជាងគំនូរជនជាតិបារាំងម្នាក់ គឺលោក ល្វី ដឺឡាព័រ (Louis De Laporte) បានធ្វើដំណើរទៅដល់តំបន់ប្រាសាទកោះកេរដំបូងគេបង្អស់នៅឆ្នាំគ្រិស្ដសករាជ១៨៧៣។ លោក ល្វី ដឺឡាព័រ បានហៅទីនោះថា បន្ទាយកកែវ (Banteay Ka-Keo)។ លោកបានសិក្សាស្រាវជ្រាវនៅតំបន់នេះអស់ពេលជាច្រើនឆ្នាំ។ ក្រោយមក លោកក៏បានសរសេរជាសៀវភៅមួយក្បាល «សៀវភៅ Voyage au Cambodge- Architectures Khmers» បកប្រែជាខេមរភាសាថា «ការធ្វើដំណើរនៅកម្ពុជា- ស្ថាបត្យកម្មខ្មែរ» ដែលបានបោះពុម្ភផ្សាយនៅគ្រិស្ដសករាជ១៨៨០។ នៅអំលុងឆ្នាំគ្រិស្ដសករាជ១៨៨២ ក៏មានអ្នកប្រាជ្ញខាងភាសាវិទ្យាជនជាតិបារាំងម្នាក់ទៀត គឺលោក អេជែន អៃម៉ូនីញ៉េ […]

(ភ្នំពេញ)៖ សិលាចារឹកនៅប្រាសាទបក្សីចាំក្រុងបានផ្ដល់ព័ត៌មានគួរជាទីចាប់អារម្មណ៍ក្រៃលែង ព្រោះមាននិទានអំពីការផ្សារភ្ជាប់រវាងរាជវង្សសោមវង្ស (រាជវង្សនៅនគរភ្នំ) ជាមួយរាជវង្សសូរ្យវង្ស (រាជវង្សនៅនគរចេនឡា) ព្រមទាំងដើមកំណើតនៃឈ្មោះប្រទេសកម្ពុជាផងដែរ។ ប្រាសាទបក្សីចាំក្រុង (មិនស្គាល់ឈ្មោះដើម) ត្រូវបានកសាងឡើងដំបូងក្នុងរាជ្យព្រះបាទហស៌វរ្ម័នទី១ ឬហស៌វម៌្មទី១ (៩១០-៩២២) ដែលព្រះអង្គគឺជាព្រះរាជបុត្រមួយអង្គក្នុងចំណោមព្រះរាជបុត្ររបស់ព្រះបាទយសោវរ្ម័នទី១ ឬយសោវម៌្មទី១ (៨៨៩-៩១០)។ ព្រះបាទយសោវរ្ម័នទី១ ជាក្សត្រដែលបានផ្លាស់រាជធានីពីហរិហរាល័យ (តំបន់រលួស) មកកាន់យសោធរបុរៈ (តំបន់អង្គរ) និងបានកសាងប្រាសាទភ្នំបាខែងសម្រាប់ជាប្រាសាទរាជ្យរបស់ទ្រង់។ នៅពេលព្រះបាទយសោវរ្ម័នទី១សោយទិវង្គតនៅឆ្នាំ៩១០នោះទៅ ព្រះបាទហស៌វរ្ម័នទី១ក៏បានឡើងសោយរាជ្យបន្ត។ នៅចុងរជ្ជកាល ពោលគឺនៅឆ្នាំ៩២១ ព្រះអង្គបានបញ្ជាឱ្យកសាងប្រាសាទបក្សីចាំក្រុង។ ប្រវត្តិវិទូ មីសែល ត្រាណេ បានឱ្យដឹងថា កាលជំនាន់កសាងដំបូងនោះ ប្រាសាទបក្សីចាំក្រុងពុំទាន់មានសិលាចារឹកអ្វីឡើយ។ លុះដល់រាជ្យព្រះបាទរាជេន្ទ្រវរ្ម័នទី២ ឬរាជេន្ទ្រវម៌្មទី២ (៩៤៤-៩៦៨) ព្រះអង្គក៏បានផ្លាស់រាជធានីពីលិង្គបុរៈ (តំបន់កោះកេរ្តិ៍) មកតាំងនៅយសោធរបុរៈ (តំបន់អង្គរ) វិញ ទើបព្រះអង្គឱ្យគេចារឹកកាព្យសំស្ក្រឹតនៅលើមេទ្វារ ដូចឃើញសព្វថ្ងៃនេះ នេះបានន័យថា ប្រាសាទបក្សីចាំក្រុងត្រូវបានបញ្ចប់ការកសាងក្នុងរាជ្យព្រះបាទរាជេន្ទ្រវរ្ម័នទី២។ លោក មីសែល ត្រាណេ បានបន្តថា ​នៅ​ផ្ទាំងមេទ្វារ​ខាងឆ្វេង និង​ស្តាំ​នៃ​​ប្រាសាទ គេ​ឃើញ​មាន​សិលាចារឹក​រៀបរាប់​អំពី​ព្រឹត្តិការណ៍ប្រវត្តិសាស្ត្រ​ជា​ចរន្ត​វប្បធម៌នា​សម័យបុរាណ​។ សារសំខាន់​នៃ​ផ្ទាំង​សិលាចារឹក​ទាំងពីរ​នេះ គឺ​ការបញ្ជាក់​អំពី​ការភ្ជាប់​សន្តតិវង្សនគរចេនឡា និងសន្តតិវង្ស​នគរ​ភ្នំ ពោលគឺ​រវាង​សូរ្យ​វង្ស និង​សោម​វង្ស​។ […]

(ភ្នំពេញ)៖ នៅតាមតំបន់ខ្ពស់ៗ ឬដូចជាភ្នំជាដើមនោះ តែងតែមានអាកាសធាតុត្រជាក់ជាងនៅលើដីរាបធម្មតា តួយ៉ាងដូចជានៅប្រទេសកម្ពុជាយើង អាកាសធាតុត្រជាក់តែងកើតមាននៅតំបន់ភូមិភាគឦសាន តំបន់ជួរភ្នំក្រវាញ និងនៅតាមតំបន់ភ្នំផ្សេងទៀតដែលមានរយៈកម្ពស់ខ្ពស់ៗ។ តើអ្នកដឹងទេថា ហេតុអ្វីបានជាបែបនេះ? តាមការបកស្រាយរបស់អ្នកជំនាញ ហេតុអ្វីដែលនៅទីខ្ពស់ៗ ឬនៅលើភ្នំមានអាកាសធាតុត្រជាក់ជាងនៅខាងក្រោមបែបនេះ គឺដោយសារនៅលើទីខ្ពស់មានកម្លាំងទំនាញផែនដីខ្សោយជាងទីទាប ជាហេតុធ្វើឱ្យសីតុណ្ហភាពធ្លាក់ចុះទៅតាមរយៈកម្ពស់ផងដែរ។ ម្យ៉ាងទៀត ក៏មកពីម៉ូលេគុលរបស់អាកាសកាន់តែស្តើង ស្រាល ជាហេតុនាំឱ្យសីតុណ្ហភាពរួមថយចុះ។ នៅលើសម្បកផែនដីយើងនេះ ធម្មជាតិសាងឡើងមក គឺសម្រាប់តម្រូវនឹងភាវៈមានជីវិត។ វាទាញពន្លឺពីព្រះអាទិត្យ តែនៅពេលពន្លឺជះត្រឡប់ទៅវិញ (ភ្នែកអាចមើលឃើញ) វាប្រែក្លាយជារស្មីកម្តៅ ដែលភ្នែកមើលមិនឃើញ។ ការជះពន្លឺត្រឡប់របស់ផ្ទៃសម្បកផែនដី មិនដូចគ្នានឹងការជះត្រឡប់ពន្លឺរបស់កញ្ចក់ដែលជះពន្លឺពណ៌សចេញមកវិញទេ ប៉ុន្តែវិមាត្រលោកផ្លាស់ប្តូរពន្លឺពណ៌សឱ្យទៅជាកាំរស្មីកម្ដៅ ដើម្បីឱ្យភាវៈមានជីវិតលើលោកនេះទទួលបានភាពកក់ក្តៅ។ មូលហេតុដែលទំនាញមានផលចំពោះសីតុណ្ហភាពខ្លាំង ព្រោះកម្លាំងទំនាញរបស់ផែនដីនៅបរិវេណសម្បកផែនដីទាញយកម៉ូលេគុលពីបរិយាកាស មានដូចជាកាបូនឌីអុកស៊ីត មេតាន និងចំហាយទឹកជាដើម។ ពិសេសជាងនេះទៅទៀតនោះ គឺកាបូនឌីអុកស៊ីត និងចំហាយទឹក គឺជាអង្គធាតុស្រូបទាញកាំរស្មីកម្តៅទុកនៅក្នុងខ្លួនបានយ៉ាងល្អប្រសើរ។ ហេតុដូច្នេះហើយទើបកម្តៅដែលជះពីសម្បកផែនដី ត្រូវចំហាយទឹក និងកាបូនឌីអុកស៊ីតស្រូបយកទុកសិន មុននឹងអណ្តែតទៅកាន់ទីខ្ពស់ ទើបធ្វើឱ្យសីតុណ្ហភាពនៅលើសម្បកផែនដីក្ដៅជាងនៅលើកំពូលភ្នំ។ ណាមួយបរិមាណទឹកនៅលើផែនដី ទាំងទឹកនៅលើផ្ទៃដី នៅលើព្រៃដែលមានសំណើម ទឹកនៅក្នុងទន្លេ មហាសមុទ្រជាដើម បានស្រូបយកកម្តៅមកទុកជាមួយវា បន្ទាប់មកទើបបំភាយថាមពលក្តៅចេញមកបន្តិចម្តងៗ ជាហេតុធ្វើឱ្យបរិវេណផ្ទៃសម្បកផែនដីមានថាមពលកម្តៅភាយចេញពីទឹកជាប់ជានិច្ច៕ ផ្ដល់សិទ្ធិដោយ៖ Freshnews

(សុខភាព)៖ អាកាសធាតុ​ឡើង​ក្តៅ​ខ្លាំង អាច​បង្ក​គ្រោះថ្នាក់ ​ផលវិបាកនៃ​អាកាសធាតុ​ក្តៅ​ខ្លាំង ប៉ះពាល់​​ដល់​សុខភាព​​ ដែលអាចគំរាមកំហែងដល់អាយុជីវិត។ ប្រសិនបើអ្នកជាបុគ្គលិកការិយាល័យ ធ្វើការតែនៅក្នុងម៉ាស៊ីនត្រជាក់នោះមិនសូវមានបញ្ហានោះទេ ប៉ុន្តែបើអ្នកធ្វើការនៅខាងក្រៅក្នុងអាកាសធាតុក្តៅនោះ ពិតជាមានហានិភ័យខ្លាំងប្រសិនបើអ្នកមិនមានវិធីសាស្ត្រក្នុងការការពាររក្សាភាពត្រជាក់របស់ខ្លួនដើម្បីសុខភាពរបស់លោកអ្នក។ ដោយចងចាំថាទាំងនេះគឺជាគន្លឹះដើម្បីការពារអ្នកដែលធ្វើការក្រោមអាកាសធាតុក្តៅខ្លាំង៖ រក្សាជាតិទឹក ករណីខ្សោះជាតិទឹកធ្ងន់ធ្ងរអាចបង្កជាអាការៈគ្រុនក្ដៅនិងព្រឺរងារ។ ដូច្នេះការផឹកទឹកគឺជាសកម្មភាពដ៏ល្អបំផុតដែលអ្នកអាចធ្វើដើម្បីការពារផលប៉ះពាល់នៃកំដៅថ្ងៃ។ ការបែកញើសធ្វើឱ្យរាងកាយរបស់អ្នកបាត់បង់ជាតិទឹក។ ដូច្នេះកំណត់កាលវិភាគផឹកហើយត្រូវប្រាកដថាអ្នកមានសារជាតិទឹកគ្រប់គ្រាន់ក្នុងខ្លួន។ សម្រាកឱ្យបានច្រើន រកពេលសមស្របណាមួយដើម្បីឱ្យចៀសឆ្ងាយពីពន្លឺព្រះអាទិត្យ កុំធ្វើការហួសប្រមាណ តាមដានសុខភាពរបស់អ្នកជានិច្ចហើយព្យាយាមកុំឱ្យត្រូវថ្ងៃខ្លាំងរហូតដល់ហត់ខ្លាំង។ ស្លៀកពាក់ឱ្យជិតៗ ឬខោអាវរលុង ពាក់មួកបាំងថ្ងៃ ប្រសិនបើក្រុមហ៊ុនរបស់អ្នកមិនកំណត់ក្នុងការស្លៀកពាក់ទេ អ្នកអាចស្លៀកពាក់ខោអាវរលុងៗឱ្យមានខ្យល់ចេញចូល។ ពាក់មួកដែលគ្របត្រចៀក និងផ្នែកខាងក្រោយនៃក។ ប្រើកន្សែងសើម នៅពេលធ្វើការក្រោមកម្តៅថ្ងៃក្តៅខ្លាំង អ្នកគួរតែបន្ថែមជាតិសំណើមបន្ថែមបន្តិចដោយជូតខ្លួនដោយកន្សែងសើមធម្មតា ឬកន្សែងត្រជាក់ដែលអ្នកទុកនៅក្នុងទូទឹកកក។ កុំភ្លេចប្រើឡេការពារកម្តៅថ្ងៃ ការរក្សាភាពត្រជាក់មិនមែនជាកង្វល់តែមួយគត់របស់អ្នកនៅពេលធ្វើការក្រោមពន្លឺព្រះអាទិត្យទេ។ ត្រូវថ្ងៃក្តៅខ្លាំងអាចបង្កឱ្យមានហានិភ័យធ្ងន់ធ្ងរផងដែលបណ្តាលឱ្យមហារីកស្បែក។ ដើម្បីទប់ទល់នឹងគ្រោះថ្នាក់នេះអ្នកគួរតែប្រើឡេការពារកម្តៅថ្ងៃឱ្យបានត្រឹមត្រូវ៕ ប្រភព៖ www.hse.gov.uk

(សុខភាព)៖ នៅពេលបរិភោគបាយរួច ពេលខ្លះយេីងហាក់មានអារម្មណ៍ងោកងុយ ទន់ត្របកភ្នែក ពិសេសពេលយេីងបរិភោគអាហារដែលសំបូរជាតិស្ករ (Carbohydrates ឬGlucides) និងជាតិសាច់ឬប្រូតេអ៊ីន។ អារម្មណ៍ងោកងុយ ទន់ត្របកភ្នែកក្រោយបរិភោគអាហារនេះ ក្នុងភាសាវេជ្ជសាស្ត្រ គេហៅថា Postprandial Somnolence ។ ពេលជាតិប្រូតេអ៊ីនចូលទៅដល់ក្រពះ អង់ហ្ស៊ីមនៅក្នុងរសក្រពះកាត់ជាតិប្រូតេអ៊ីនឱ្យទៅជាម៉ូលេគុលអាស៊ីអាមីណេតូចៗ។ អាស៊ីតអាមីណេមួយប្រភេទ គេហៅថាទ្រីពតូហ្វាន(Tryptophan C11H11N2O2)។ នៅពេលដែលអាស៊ីអាមីណេទ្រីពតូហ្វាននេះជ្រាបចូលក្នុងចរន្តឈាមនៅពោះវៀនតូច វារត់ទៅភ្ញោចឱ្យកោសិកាខួរក្បាលផលិតជាតិអ័រម៉ូនមួយប្រភេទហៅថា សេរ៉ូតូនីន (Serotonin) គឺសេរ៉ូតូនីននេះហេីយដែលដេីរតួរសំខាន់ក្នុងវដ្តដំណេករបស់មនុស្សយេីង (Sleep Cycle)។ ភាពងោកងុយក្រោយបរិភោគអាហារនេះ​ វាជារឿងធម្មតា​ មិនមានអ្វីគួរឱ្យបារម្ភឡេីយ។ វាអាចប្រែប្រួល​ទៅតាមបុគ្គល​ និងកត្តាមួយចំនួនដូចជា៖​ ​-​ ប្រភេទ​ និងបរិមាណអាហារដែលយេីងបរិភោគ។ អាហារដែលសំបូរជាតិស្ករ​ និងសាច់ច្រេីន​ អាចធ្វេីឱយយេីងងោកងុយខ្លាំង។ ហូបច្រេីនងងុយជាងញ៉ាំតិច។ -​ ពេលវេលាដែលយេីងបរិភោគ។ បរិភោគអាហារពេលថ្ងៃ​ ច្រេីនងោកងុយជាបរិភោគនៅពេលយប់។ -​ អត់ងងុយពីយប់​។ ទោះជាយ៉ាងណាក៏ដោយ​ មានជំងឺមួយចំនួនដែលអាចធ្វេីឱ្យអ្នកជំងឺងោកងុយខ្លាំងខុសធម្មតា។ ជំងឺទាំងនោះអាចជា៖ – ទាស់ចំណី​ (Food Intolerances) ឬអាលែកហ្ស៊ី – រលាកពោះវៀនដោយសារប្រតេអ៊ីនប្រភេទ​ […]

ផ្សិតម្ជុលដែលគេនិយមដាក់ក្នុងស៊ុប​ អាចមានផ្ទុកមេរោគមួយចំនួន​ ក្នុងនោះមេរោគប្រភេទបាក់តេរីឈ្មោះ​ Listeria Monocytogenes ដែលបង្កជំងឺមួយចំនួន​ ដែលករណីខ្លះអាចគ្រោះថ្នាក់ដល់ជីវិតផងពិសេសអ្នកមានប្រព័ន្ធការពារខ្លួនខ្សោយ​ មានមនុស្សចាស់​ និងអ្នកមានជំងឺប្រចាំកាយរាំរៃមួយចំនួនជាដើម។ ចំពោះស្រី្តមានផ្ទៃពោះ​ មេរោគ​ Listeria នេះ​ អាចធ្វើស្ត្រីជាម្តាយឈឺតិចតួច​ តែវាបង្កគ្រោះថ្នាក់ខ្លាំងចំពោះទារកក្នុងផ្ទៃ​ មានជាអាទិ៍​ កើតមុនខែ​ រលូត​ កូនស្លាប់ក្នុងផ្ទៃជាដើម​ ឬទារកស្លាប់ក្រោយពេលកើត។ក្រៅពីផ្សិតម្ជុល​ មេរោគListeriaក៏អាចមានក្នុងបន្លែផ្សេងទៀត​ ផលិតផលទឹកដោះគោ​ និងសាច់មួយចំនួនផងដែរ។ គេអាចការពារមិនឱ្យឆ្លងមេរោគListeriaនេះបានតាមរយៈការអនុវត្តអនាម័យបែបសាមញ្ញ​ មានដូចជា៖ – បរិភោគបន្លែ​ ត្រី​ សាច់​ ដែលឆ្អិនល្អ​។ ចំអិនក្នុងសីតុណ្ហភាពយ៉ាងតិច​ ៧៣អង្សាសេ​ ឬ១២១អង្សាសេក្នុងរយៈពេលយ៉ាងតិច៤នាទី។ – ចំពោះទឹកដោះគោ​ គួរទិញទឹកដោះគោណាដែលគេបានយកទៅសំលាប់មេរោគបានត្រឹមត្រូវ​ ឬហៅថា​ Pasteurisation (វិធីសំលាប់មេរោគតាមវិធីលោកប៉ាស្ទ័រ)។ – ចៀសវាងម្ហូបអាហារ​ បន្លែ​ ផ្លែឈើដែលចិតសំបករួច​ ទុកចោលច្រើនថ្ងៃ​៕ ប្រភព​៖ Medical Education/cdc  

កាលពីពេលថ្មីៗនេះ ករណីនារីវ័យក្មេងម្នាក់ដែលរស់នៅក្នុងបន្ទប់ជួលពោរពេញដោយគំនរសំរាម បានល្បីល្បាញខ្លាំងនៅលើបណ្ដាញសង្គម។ ករណីនេះ មិនមែនមានតែនៅប្រទេសកម្ពុជាយើងទេ គ្រាន់តែមិនសូវសំបូរដូចនៅក្រៅប្រទេស ហើយបើតាមអ្នកវិទ្យាសាស្រ្ត និងការសិក្សាស្រាវជ្រាវ ករណីនេះ គឺជាជំងឺផ្លូវចិត្តម្យ៉ាង ដែលគេហៅថា “hoarding disorder”។ យោងតាមការចុះផ្សាយរបស់សារព័ត៌មាន BBC និងគេទំព័រសុខភាពធំៗជាច្រើន បានឱ្យដឹងថា “hoarding disorder” គឺជាសញ្ញានៃរោគផ្លូវចិត្ត ដែលនាំឱ្យបុគ្គលដែលមានជំងឺនេះ ចូលចិត្តទុក និងពង្រាយរបស់របស់អត់ប្រយោជន៍ ពាសពេញផ្ទះ ឬ បន្ទប់ដូចគំនរសំរាម ដោយពួកគេយល់ថា របស់ទាំងនោះមានតែមួយគត់ និងពួកគេអាចត្រូវការប្រើនៅពេលក្រោយ។ លើសពីនេះ ពួកគេ ទុកវាដើម្បីរម្លឹកអនុស្សាវរីយ៍ ហើយពួកគេចូលចិត្តរស់នៅក្នុងសភាពបែបនេះ ដោយយល់ថាវាមានសុវត្ថិភាព។ តើ ជំងឺផ្លូវចិត្ត “hoarding disorder” បង្ហាញសញ្ញាអ្វីខ្លះ? អ្នកកើតរោគ “hoarding disorder” ខុសពីអ្នកចូលចិត្តប្រមូលស្តុកទុករបស់ស្រលាញ់ដូចជា តុក្កតា សៀវភៅចាស់ៗ ជាដើម ដែលគេហៅថា “collecting”។ សញ្ញាដែលបញ្ជាក់ថា អ្នកកើត “hoarding disorder” មានដូចជា៖ – ចូលចិត្តប្រមូល […]

ឆ្មាជា​​សត្វ​ចិញ្ចឹមដ៏ពេញនិយម​បំផុតក្នុង​​ពិភព​លោក។ ជាការពិតឆ្មា​ពីដំបូងឡើយអាច​នឹង​ត្រូវបាន​គេ​ទុក​ចិញ្ចឹម​ពីព្រោះពួកវា​ស៊ីកណ្ដុរ ប៉ុន្តែក្រោយ​មក​ទៀត​ ពួកវា​ត្រូវ​បាន​គេ​ចិញ្ចឹម​ចាត់ទុកដូចជាសមាជិកគ្រួសារ ហើយ​ជាមិត្តល្អ។ ថ្ងៃនេះក៏មកស្គាល់ប្រភេទពូជ​ឆ្មា​ទាំង១០ ដែលមានតម្លៃថ្លៃដូចមាស ក្នុងឆ្នាំ២០២៣ ៖ Ashera: យោងតាម ​​The Scotsman ឆ្មា Ashera គឺជាពូជឆ្មាថ្លៃបំផុត និងកម្របំផុតនៅលើពិភពលោក។ តម្លៃ​របស់​ឆ្មា Ashera បាន​ឡើង​ដល់​កម្រិត​ខ្ពស់​បំផុត​រហូត​ដល់​ទៅ ១២៥,០០០ដុល្លារអាម៉េរិក។ Savannah: ឆ្មា Savannah តម្លៃលក់របស់ពួកគេអាចឡើងដល់ ៥០,០០០ដុល្លារអាម៉េរិក។ Bengal: ឆ្មា Bengal តម្លៃរបស់ពួកគេប្រហែល ២៥,០០០ដុល្លារអាម៉េរិក។ Persian: តម្លៃ​ឆ្មា​មួយ​ក្បាល​នេះ​ប្រហែល ៥,៥០០ដុល្លារអាម៉េរិក។ Sphynx: ឆ្មា Sphynx ពូជ​ឆ្មា​អត់រោមនេះតម្លៃអាចឡើងដល់ ៣,០០០ដុល្លារអាម៉េរិក។ Peterbald: ឆ្មា Peterbald មានដើមកំណើតនៅប្រទេសរុស្ស៊ី។ តម្លៃរបស់ឆ្មា Peterbald អាចឡើងដល់ ៥,០០០ដុល្លារ ។ Scottish Fold: ឆ្មា​មួយ​ក្បាល​នេះ​អាច​លក់​បាន​ក្នុង​តម្លៃ ​៣,០០០ដុល្លារអាម៉េរិក។ Russian Blue: តម្លៃ​ឆ្មា​មួយ​ក្បាល​នេះ​គឺ​ប្រហែល […]

ការដឹងថាអាហារណាដែលលោកអ្នកអាចរក្សាទុកបានយូរនឹងជួយអ្នកឱ្យកំណត់អាទិភាពមុខម្ហូបដែលត្រូវកែច្នៃ។ ខាងក្រោមជាបន្លែ ផ្លែឈើមួយចំនួនដែលអាចរក្សាទុកបានយ៉ាងតិច ២សប្តាហ៍នៅក្នុងទូរទឹកកក៖ ការ៉ុត៖ អាហារនេះគួររក្សាទុកក្នុងថង់ប្លាស្ទិក ហើយអាចរក្សាទុកក្នុងទូទឹកកករយៈពេលជាច្រើនសប្តាហ៍។ ប្រសិនបើការ៉ុតចាប់ផ្តើមទន់បន្តិច អាចយកទៅធ្វើជាស៊ុបភ្លាមៗ មុនពេលវាខូច។ សាច់ក្រក៖ ចំពោះសាច់ក្រកដែល ចម្អិនទាំងស្រុង និងមិនទាន់បើក អាចរក្សាបានក្នុងទូទឹកកករយៈពេល២ សប្តាហ៍។ Bacon៖ ដូចនឹងសាច់ក្រកដែរ baconដែលមិនទាន់បើកហើយនៅស្រស់ អាចទុកបានរយៈពេល ២សប្តាហ៍។ ប្រសិនបើបន្ទាប់ពីបើកចូលខ្យល់ហើយ អ្នកមិនអាចញ៉ាំវាទាំងអស់ក្នុងរយៈពេល៥ថ្ងៃទេ ចូររុំវាឱ្យតឹង ហើយដាក់វាក្នុងទូរទឹកកក ព្រោះនេះជារបៀបរក្សាអាហារនេះឱ្យបានយូរខែ។ ស៊ុត៖ ស៊ុត ជាអាហារពេលព្រឹក អាហារថ្ងៃត្រង់ និងអាហារពេលល្ងាច។ អាហារនេះមានប្រូតេអ៊ីនខ្ពស់ និងខ្លាញ់ដែលមានសុខភាពល្អ។ ស៊ុតអាចត្រូវបានរក្សាទុកក្នុងទូទឹកកកប្រហែលមួយខែឯណោះ។ ផ្លែ​ប៉ោម៖ ពេល​ដែល​អ្នក​ទុក​ផ្លែ​ប៉ោម​ក្នុង​ទូទឹកកក អាចទុករយៈពេលពី ២-៣ សប្តាហ៍៕

លោកអ្នកប្រហែលជាបានដឹងច្រើនហើយអំពីវិធីសាស្ត្រក្នុងការថែទាំសុខភាពផ្លូវកាយ ពេលនេះ យើងខ្ញុំសូមលើកយកមកចែកជូនលោកអ្នកនូវគន្លឹះល្អៗចំនួន ៥ ដែលលោកអ្នកអាចយកទៅអនុវត្តដើម្បីទទួលបាននូវសុខភាពផ្លូវចិត្តល្អ។ ១) យកចិត្តទុកដាក់ចំពោះរបបអាហារ ពិតណាស់ របបអាហារក៏ជះឥទ្ធិពលដល់សុខភាពផ្លូវចិត្តផងដែរ។ ការបរិភោគអាហារទៀងពេល សមស្រប និងសម្បូរបែបក៏ជួយឲ្យសុខភាពផ្លូវចិត្តមានភាពល្អប្រសើរដែរ។ ម្យ៉ាងទៀត សូមចៀសវាងសារធាតុញៀន ជាតិស្រវឹង ឬភេសជ្ជៈប៉ូវកម្លាំងមួយចំនួនដែលអាចភ្ញោចឱ្យខួរក្បាលយើងដំណើរការមិនល្អ ងាយមានជំងឺផ្លូវចិត្ត។ ២) ធ្វើសកម្មភាពរាងកាយឱ្យច្រើន ការធ្វើសកម្មភាពរាងកាយឱ្យច្រើនដូចជាការដើរ ឬហាត់ប្រាណជាដើមជួយឲ្យបន្ថយភាពតានតឹងចិត្ត បញ្ចេញជាតិពុល ហើយជួយឱ្យយើងមានអារម្មណ៍ល្អ។ ៤) សម្រាន្តឱ្យបានគ្រប់គ្រាន់ ទាំងកាយ ទាំងចិត្តយើងសុទ្ធតែត្រូវការការសម្រាក។ យកល្អ យើងគួរគេងឲ្យបាន ៨ម៉ោងក្នុងមួយថ្ងៃ ដើម្បីឱ្យខួរក្បាលយើងមានភាពស្រស់ស្រាយ និងអាចបន្តដំណើរការយ៉ាងល្អនៅថ្ងៃស្អែក។ ៥) ចែករំលែកពីអារម្មណ៍ខ្លួនឯងជាមួយមនុស្សជាទីទុកចិត្ត ការចែករំលែកពីអារម្មណ៍ខ្លួនឯង អាចរាប់ថាជាតម្រូវការមូលដ្ឋានសម្រាប់សុខភាពផ្លូវចិត្ត។ សូមស្វែងរកមនុស្សជាទីទុកចិត្ត ហើយរៀនពីរបៀបចែករំលែកអារម្មណ៍ខ្លួនឯង ដែលមានលក្ខណៈសាមញ្ញៗ ទាំងអារម្មណ៍ល្អ និងអារម្មណ៍មិនល្អ នោះដល់ពេលមានរឿងធំ យើងក៏អាចចែករំលែកបានដូចគ្នា។ ៥) ពិភាក្សាជាមួយវេជ្ជបណ្ឌិតឯកទេសផ្លូវចិត្ត ប្រាកដណាស់ លោកអ្នកក៏អាចជួបពិភាក្សាជាមួយវេជ្ជបណ្ឌិតឯកទេសផ្លូវចិត្តដើម្បីទទួលបានការវាយតម្លៃ ព្យាបាល និងដំបូន្មានល្អៗទាក់ទងនឹងបញ្ហាសុខភាពផ្លូវចិត្ត ក្នុងករណីចាំបាច់៕