ព័ត៌មានជាតិ

កសិករដាំមៀនមានសង្ឃឹមឡើងវិញ ក្រោយឯកអគ្គរដ្ឋទូតចិនប្រកាសថា ផ្លែមៀនកម្ពុជានឹងអាចនាំចេញផ្ទាល់ទៅទីផ្សារចិន នៅរដូវប្រមូលផលឆ្នាំក្រោយ

Khmerpress December 7, 2021 07/12/2021

(ភ្នំពេញ)៖ អ្នកដាំមៀនប៉ៃលិន បានសម្តែងការសាទរ ដែលចិនបានសម្រេចចិត្តក្នុងសិក្សា និងវិភាគហានិភ័យលើផ្លែមៀន តាមរយៈវីដេអូពីចម្ងាយ ដែលធ្វើឱ្យផ្លែមៀនរបស់កម្ពុជា នឹងអាចនាំចេញទៅកាន់ទីផ្សារប្រទេសចិន នាពេលរដូវប្រមូលផលលើកក្រោយ។ លោក តុំ សោភ័ណ្ឌ រដ្ឋបាលសមាគមមៀនប៉ៃលិន និងជាអ្នកដាំមៀនប៉ៃលិន នៅខេត្តប៉ៃលិន បានប្រាប់បណ្តាញព័ត៌មាន Fresh News នៅថ្ងៃទី៧ ខែធ្នូនេះថា ការប្រកាសរបស់ស្ថានទូតចិននេះ គឺជាក្តីសង្ឃឹមរបស់កសិករដាំមៀនប៉ៃលិន ដែលពួកគេរំពឹងថា មៀនប៉ៃលិននឹងនាំចេញបាន ក្នុងឆាប់ខាងមុខនេះ ដើម្បីដោះស្រាយការកកស្ទះទីផ្សារ។ លោកបន្តថា កសិករដាំមៀនភាគច្រើន ទាំងសមាជិករបស់សមាគមមៀនប៉ៃលិន និងកសិករមិនមែនជាសមាជិករបស់សមាគមសុទ្ធ តែទទួលបានការបណ្តុះបណ្តាល ការអនុវត្តកសិកម្មល្អ តាមស្តង់ GAP ក្នុងនោះចម្ការមួយចំនួនក៏បានចុះបញ្ជីអនុវត្តកសិកម្មល្អ ពីក្រសួងកសិកម្មដែរ ដែលជំរុញឱ្យការវាយតម្លៃទៅលើបច្ចេកទេស ភូតគាមអនាម័យ និងការវិភាគហានិភ័យលើផ្លែមៀននឹងដំណើរការទៅដោយរលូន។ លោកបញ្ជាក់ថា «គាត់ចុះបង្រៀនទាក់ទងនឹងអនុវត្តកសិកម្មល្អហើយ យើងផ្ញើសំណាក ផ្ញើផ្លែមៀនទៅឱ្យគាត់ពិនិត្យ ហើយគាត់វាយតម្លៃរួច គាត់ចេញជាវិញ្ញាបនបត្រ បញ្ជាក់ជាចម្ការអនុវត្តកសិកម្មល្អ»។ លោកបានលើកឡើងថា បន្ទាប់ពីមៀនប៉ៃលិន នាំចេញទៅប្រទេសចិនជាផ្លូវការនោះ នឹងជួយបើកទីផ្សារបន្ថែម ក៏ដូចជាបង្កើនតម្លៃផងដែរ។ «សម្រួលដល់បញ្ហាទីផ្សារ ដែលកន្លងមកយើងមានបញ្ហាស្ទះរឿងទីផ្សារ គាត់ដាំហើយចេះតែព្រួយបារម្ភ បានហើយលក់នៅឯណា។ […]

រដ្ឋបាលរាជធានីភ្នំពេញ ជូនដំណឹងពីការបញ្ចៀសចរាចរយានយន្តគ្រប់ប្រភេទជាបណ្ដោះអាសន្នក្នុងព្រះរាជពិធីបុណ្យ ព្រះសពសម្ដេចក្រុមព្រះ នៅថ្ងៃស្អែកនេះ

Khmerpress December 7, 2021 07/12/2021

រាជធានីភ្នំពេញ៖ យោងតាមការចុះផ្សាយរបស់ រដ្ឋបាលរាជធានីភ្នំពេញ នៅថ្ងៃទី០៧ ខែធ្នូ ឆ្នាំ២០២១ បានចេញសេចក្ដីជូនដំណឹង ស្ដីពីការបញ្ចៀសចរាចរយានយន្តគ្រប់ប្រភេទជាបណ្ដោះអាសន្នក្នុងព្រះរាជពិធីបុណ្យ ព្រះសពសម្ដេចក្រុមព្រះ នរោត្ដម រណឫទ្ធិ ប្រធានក្រុមឧត្ដមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា នឹងមានរៀបចំពិធីដង្ហែ និងបូជាព្រះសព នៅថ្ងៃទី០៨ ខែធ្នូ ឆ្នាំ២០២១ ចាប់ពីម៉ោង ០៥៖០០នាទី ចេញពីព្រះដំណាក់ ឆ្ពោះទៅមុខវត្តបទុមវតី។ ដើម្បីឱ្យកម្មវិធីខាងលើប្រព្រឹត្តិទៅដោយរលូន រក្សាបាននូវសន្តិសុខ សុវត្ថិភាព សណ្ដាប់ធ្នាប់ និងរបៀបរៀបរយសាធារណៈ ព្រមទាំងបញ្ចៀសបាននូវការកកស្ទះចរាចរ រដ្ឋបាលរាជធានីភ្នំពេញ នឹងធ្វើការផ្អាកចរាចរជាបណ្ដោះអាសន្ន ដោយមិនអនុញ្ញាតឱ្យយានជំនិះគ្រប់ប្រភេទឆ្លងកាត់ចាប់ពីមុខព្រះដំណាក់ តាមរុក្ខវិថីសម្តេចប៉ាន(ផ្លូវលេខ២១៤) ឆ្ពោះទៅមហាវិធីព្រះនរោត្តម(ផ្លូវលេខ៤១) បន្តទៅវិមានឯករាជ្យមហាវិថីព្រះសីហនុ នាគបាញ់ទឹក មហាវិថីសម្តេចសុធារស ចាប់ពីម៉ោង ០៥៖០០នាទី រហូតដល់ពិធីដង្ហែព្រះសពត្រូវបានបញ្ចប់កម្មវិធី។ អាស្រ័យហេតុនេះ សូមបងប្អូនប្រជាពលរដ្ឋ ដែលជាម្ចាស់យានយន្តគ្រប់ប្រភេទ និងម្ចាស់អាជីវកម្មទាំងអស់ដែលធ្វើដំណើរឆ្លងកាត់នៅតាមដងផ្លូវខាងលើ មេត្តាជ្រាប យោគយល់ អធ្យាស្រ័យ និងបញ្ចៀសការធ្វើដំណើរឆ្លងកាត់តាមទីតាំង និងកាលបរិច្ឆេទខាងលើដោយអនុគ្រោះ។ ផុតរយៈពេលហាមឃាត់បណ្ដោះអាសន្ននេះ រដ្ឋបាលរាជធានីភ្នំពេញ នឹងបើកឲ្យធ្វើចរាចរជាធម្មតាវិញ ៕ ប្រភព៖ រដ្ឋបាលរាជធានីភ្នំពេញ

ឧបនាយករដ្ឋមន្ត្រី ជា សុផារ៉ា ចុះពិនិត្យស្ថានភាពការកាន់កាប់ដីរដ្ឋក្នុងដែនព្រៃលិចទឹក នៅតំបន់បឹងទន្លេសាបភូមិសាស្ត្រខេត្តបាត់ដំបង ដែលឈ្មួញខិលខូចទន្ទ្រានយកធ្វើជាកម្មសិទ្ធិឯកជន

Khmerpress December 7, 2021 07/12/2021

(បាត់ដំបង)៖ ឧបនាយករដ្ឋមន្រ្ដី ជា សុផារ៉ា រដ្ឋមន្រ្ដីក្រសួងរៀបចំដែនដី នគរូបនីយកម្ម និងសំណង់ បានដឹកនាំក្រុមការអន្តរក្រសួង ចុះពិនិត្យមើលស្ថានភាព នៃការកាន់កាប់ដីរដ្ឋនៅទីតាំងបង្គោលព្រំប្រទល់ដីតំបន់២ និងដីតំបន់៣ ត្រង់ចំណុចបឹងអាញ៉ូត ឃុំតាម៉ឺន ស្រុកថ្មគោល និងទីតាំងដីព្រៃលិចទឹក ដែលរងការកាប់ទន្ទ្រានដីព្រៃលិចទឹកក្នុងចំណុចក្រពើស្គម ឃុំព្រៃចាស់ ស្រុកឯកភ្នំ ខេត្តបាត់ដំបង ដែលឈ្មួញខិលខូចបានទន្ទ្រានចូលយកធ្វើ ជាកម្មសិទ្ធិឯកជនរបស់ខ្លួន។ ការចុះពិនិត្យមើលស្ថានភាពដីព្រៃលិចទឹកនេះ បានធ្វើឡើងនាថ្ងៃទី០៦ ខែធ្នូ ឆ្នាំ២០២១ ដោយមានការអមដំណើរពីលោក សុខ លូ អភិបាលខេត្តបាត់ដំបង ព្រមទាំងមន្ត្រីពាក់ព័ន្ធមួយចំនួនផងដែរ។ ការចុះពិនិត្យមើលភាពជាក់ស្តែង នៃការកាន់កាប់ដីរដ្ឋក្នុងដែនព្រៃលិចទឹក នៅតំបន់បឹងទន្លេសាបភូមិសាស្ត្រស្រុកថ្មគោល និងទីតាំងដីព្រៃលិចទឹក ដែលរងការកាប់ទន្ទ្រានក្នុងភូមិសាស្រ្ដស្រុកឯកភ្នំនេះ គឺដើម្បីស្រង់ទិន្ន័យឱ្យ បានច្បាស់លាស់ ដើម្បីធ្វើរបាយការណ៍ជូនទៅថ្នាក់ដឹកនាំកំពូលពិនិត្យនិងសម្រេចតាមផ្លូវច្បាប់។ សូមជម្រាបថា សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា កាលពីថ្មីៗនេះ បានចេញបទបញ្ជាយ៉ាងម៉ឺងម៉ាត់មួយ ឱ្យក្រសួងស្ថាប័នពាក់ព័ន្ធ និងអភិបាលខេត្តជាប់បឹងទន្លេសាប ត្រូវធ្វើការទប់ស្កាត់ និង បង្រ្កាបជាបន្ទាន់ចំពោះការលួចកាប់ព្រៃលិចទឹក និងវាទទីយកដីនៅតាមបឹងទន្លេសាប ជាពិសេសនៅខេត្តកំពង់ឆ្នាំងតែម្តង។ សម្តេចបានបញ្ជាទៅឧបនាយករដ្ឋមន្ត្រី ជា សុផារ៉ា […]

BREAKING: សម្តេចតេជោ ហ៊ុន សែន នឹងអញ្ជើញទស្សនកិច្ចនៅមីយ៉ាន់ម៉ា នាដើមខែមករា ឆ្នាំ២០២២

Khmerpress December 7, 2021 07/12/2021

(ភ្នំពេញ)៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា នឹងអញ្ជើញទៅទស្សនកិច្ចនៅមីយ៉ាន់ម៉ា នៅដើមខែមករា ឆ្នាំ២០២២ តបតាមការអញ្ជើញរបស់ប្រធានក្រុមប្រឹក្សារដ្ឋ និងជានាយករដ្ឋមន្ត្រីរបស់មីយ៉ាន់ម៉ា។ លិខិតអញ្ជើញសម្តេចតេជោ ហ៊ុន សែន បំពេញទស្សនកិច្ចនៅមីយ៉ាន់ម៉ា របស់ប្រធានក្រុមប្រឹក្សារដ្ឋ និងជានាយករដ្ឋមន្ត្រីរបស់មីយ៉ាន់ម៉ា ត្រូវបានលោក វុន ម៉ោងលីន (Wunna Maung Lwin) រដ្ឋមន្ត្រីការបរទេសមីយ៉ាន់ម៉ា ជូនសម្តេចតេជោក្នុងជំនួបសម្តែងការគួរសម និងពិភាក្សាការងារនៅព្រឹកថ្ងៃទី០៧ ខែធ្នូ ឆ្នាំ២០២១នេះ។ លោក អ៊ាង សុផល្លែត ជំនួយការសម្តេចតេជោ ហ៊ុន សែន បានប្រាប់ក្រុមអ្នកព័ត៌មាននៅក្នុងជំនួបនេះថា សម្តេចតេជោ ហ៊ុន សែន បានទទួលយកការអញ្ជើញនេះហើយ ហើយសម្តេចនឹងអញ្ជើញទស្សនកិច្ចនៅថ្ងៃទី០៧ និងទី០៨ ខែមករា ឆ្នាំ២០២២។ បើតាមលោក អ៊ាង សុផល្លែត នៅក្នុងជំនួបដ៏មានសារៈសំខាន់នាព្រឹកមិញនេះ សម្តេចតេជោ ហ៊ុន សែន និងលោករដ្ឋមន្ត្រីការបរទេសមីយ៉ាន់ម៉ា បានពិភាក្សាផ្តោតជាសំខាន់ទៅលើការពង្រឹងកិច្ចសហប្រតិបត្តិការទ្វេភាគ ហើយក៏បានពិភាក្សាទៅលើបញ្ហារបស់អាស៊ាន។ បញ្ហាអាស៊ាន គឺពិភាក្សាលើការស្វែងរករកមធ្យោបាយធ្វើឱ្យអាស៊ាន មានកិច្ចសហប្រតិបត្តិការ […]

ក្រសួងសុខាភិបាល នឹងរៀបចំបទសម្ភាសន៍រួមគ្នា ដើម្បីធ្វើបច្ចុប្បន្នភាពអំពីវីរុសកូវីដ-១៩ បំប្លែងថ្មីឈ្មោះ “អូមីក្រុង”

Khmerpress December 7, 2021 07/12/2021

រាជធានីភ្នំពេញ៖ យោងតាមការចុះផ្សាយរបស់ ក្រសួងសុខាភិបាល នៅថ្ងៃទី០៧ ខែវិច្ឆិកា ឆ្នាំ២០២១ បានចេញសេចក្ដីជូនដំណឹង ដល់បណ្តាញសារព័ត៌មានទាំងអស់ និងសាធារណជនមេតា្តជ្រាបថា ក្រសួងសុខាភិបាល នឹងរៀបចំបទសម្ភាសន៍រួមគ្នាមួយរវាង លោកជំទាវវេជ្ជបណ្ឌិត ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាល និងលោកជំទាវវេជ្ជបណ្ឌិត លី អាយលែន តំណាងអង្គការសុខភាពពិភពលោកប្រចាំកម្ពុជា។ ដើម្បីធ្វើបច្ចុប្បន្នភាពអំពី​ វីរុសកូវីដ-១៩ បំប្លែងថ្មីឈ្មោះ អូមីក្រុង នៅថ្ងៃព្រហស្បតិ៍ ទី៩ ខែធ្នូ ឆ្នាំ២០២១ វេលាម៉ោង ១៣៖០០ ដល់ម៉ោង ១៤៖០០រសៀល នៅទីស្ដីការក្រសួងសុខាភិបាល។ សេចក្ដីជូនដំណឹងនេះ ចាត់ទុកជាការអញ្ជើញអ្នកសារព័ត៌មានទាំងអស់ចូលរួមផ្ដិតយកទិដ្ឋភាពទាំងស្រុងនៃបទសម្ភាសន៍ ក៏ដូចជាជម្រាបជូនប្រជាពលរដ្ឋកម្ពុជាទាំងអស់ឲ្យបានជ្រាបជាព័ត៌មាន ៕ ប្រភព៖ ក្រសួងសុខាភិបាលនៃព្រះរាជាណាចក្រកម្ពុជា

ក្រសួងទេសចរណ៍ ហាមលក់គ្រឿងស្រវឹង និងឲ្យម្ចាស់ខារ៉ាអូខេ ក្លឹបកម្សាន្ត រង្គសាល ឌីស្កូតែក និងបៀរហ្កាឌិន ផ្អាកអាជីវកម្ម នៅថ្ងៃទី០៨ ខែធ្នូ ដើម្បីកាន់ទុក្ខព្រះវិញ្ញាណក្ខន្ធ សម្តេចក្រុម ព្រះនរោត្តម រណឫទ្ធិ

Khmerpress December 7, 2021 07/12/2021

(ភ្នំពេញ)៖ ដើម្បីចូលរួមគោរពព្រះវិញ្ញាណក្ខន្ធ ព្រះសពសម្តេចក្រុមព្រះ នរោត្តម រណឫទ្ធិ ប្រធានក្រុមឧត្តមទីប្រឹក្សាផ្ទាល់ព្រះមហាក្សត្រ នៃព្រះរាជាណចក្រកម្ពុជា អតីតនាយករដ្ឋមន្ត្រីទី១ និងជាអតីតប្រធានរដ្ឋសភានៃកម្ពុជា និងអនុវត្តន៍តាមការណែនាំរបស់រាជរដ្ឋាភិបាលបាន ប្រកាសយកថ្ងៃទី០៨ ខែធ្នូ ឆ្នាំ២០២១ ជាថ្ងៃកាន់ទុក្ខជាផ្លូវការ, ក្រសួងទេសចរណ៍ បានដាក់ចេញសារាចរណែនាំ៣ចំណុច ដល់អ្នកគ្រប់គ្រងអាជីវកម្មសេវាកម្មទេសចរណ៍ ត្រូវចូលរួមអនុវត្តន៍ឱ្យមានប្រសិទ្ធភាពខ្ពស់។ យោងតាមសារាចរណែនាំរបស់ក្រសួងទេសចរណ៍ ដែល Fresh News ទទួលបាននៅល្ងាចថ្ងៃទី០៦ ខែធ្នូ ឆ្នាំ២០២១នេះ បានឱ្យដឹងថាសារាចរណែនាំទាំង ៣ចំណុច រួមមាន៖ * ទី១៖ ម្ចាស់ ឬអ្នកគ្រប់គ្រងអាជីវកម្មខារ៉ាអូខេ (KTV) ក្លឹបកម្សាន្តរង្គសាល-ឌីស្កូតែក និងបៀរហ្កាឌិន នៅទូទាំង រាជធានីខេត្ត ត្រូវផ្អាកសកម្មភាពអាជីវកម្មរយៈពេល១ថ្ងៃ គឺនៅថ្ងៃទី០៨ ខែធ្នូ ឆ្នាំ២០២១។ * ទី២៖ ម្ចាស់ ឬអ្នកគ្រប់គ្រងអាជីវកម្មភោជនីយដ្ឋាន និងអាហារដ្ឋានទេសចរណ៍ ត្រូវផ្អាកសកម្មភាពលក់គ្រឿងស្រវឹង។ * ទី៣៖ ប្រធានមន្ទីរទេសចរណ៍រាជធានីខេត្ត ត្រូវចុះធ្វើការផ្សព្វផ្សាយ និងអប់រំណែនាំដល់ម្ចាស់ ឬអ្នកគ្រប់គ្រងអាជីវកម្មសេវាកម្មទេសចរណ៍ខាងលើ ឱ្យអនុវត្តការផ្អាក អាជីវកម្មតាមសារាចរណែនាំនេះឱ្យមានប្រសិទ្ធភាព […]

ក្រសួងធនធានទឹក ជូនដំណឹងពីស្ថានភាពធាតុអាកាសនៅកម្ពុជា ចាប់ពីថ្ងៃទី៨-១៤ ខែធ្នូ, ខេត្តជាប់ជួរភ្នំដងរែក និងខ្ពង់រាបឦសាន ត្រជាក់ដល់១៧អង្សាសេ

Khmerpress December 7, 2021 07/12/2021

(ភ្នំពេញ)៖ ក្រសួងធនធានទឹក និងឧតុនិយម នៅថ្ងៃទី៧ ខែធ្នូ ឆ្នាំ២០២១នេះ បានចេញសេចក្តីជូនដំណឹង ស្តីពីស្ថានភាពធាតុអាកាសនៅកម្ពុជា ចាប់ពីថ្ងៃទី៨ ដល់ ១៤ ខែធ្នូ ឆ្នាំ២០២១។ ក្រសួងធនធានទឹកបានបញ្ជាក់ថា ព្រះរាជាណាចក្រកម្ពុជា បន្តទទួលរងឥទ្ធិពលពីទ្រនុងសម្ពាធខ្ពស់ពីប្រទេសចិន ជាមួយនឹងខ្យល់មូសុងឦសាន បក់ពីមធ្យមទៅបង្គួរ។ ស្ថានភាពបែបនេះនឹងធ្វើឲ្យ៖ ១៖ បណ្តាខេត្តនៅតំបន់វាលទំនាបកណ្តាល * សីតុណ្ហភាពអប្បបរមា មានពី ១៩-២២ °C * សីតុណ្ហភាពអតិបរមា មានពី ២៨-៣០ °C ២៖ បណ្តាខេត្តជាប់ជួរភ្នំដងរែក និងខ្ពង់រាបឦសាន * សីតុណ្ហភាពអប្បបរមា មានពី ១៧-២០ °C * សីតុណ្ហភាពអតិបរមា មានពី ២៧-២៩ °C * សម្រាប់ខេត្តមណ្ឌលគិរី រតនគិរី ព្រះវិហារ និងខេត្តឧត្តរមានជ័យ សីតុណ្ហភាព អប្បបរមានៅក្នុងរង្វង់ ១៧°C ។ ៣៖ តំបន់មាត់សមុទ្រ […]

ខ្លែងហោះប៉ះខ្សែបណ្ដាញតង់ស្យុងមធ្យម(MV) ដែលបណ្តាលឲ្យដាច់ចរន្តអគ្គិសនីនៅតំបន់មួយចំនួន ក្នុងរាជធានីភ្នំពេញ និងខេត្តកណ្តាល

Khmerpress December 6, 2021 06/12/2021

បើយោងតាមការបញ្ជាក់របស់ អគ្គិសនីកម្ពុជា បានអោយដឹងថា នៅថ្ងៃចន្ទ ២កើត ខែកត្តិក ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី០៦ ខែធ្នូ ឆ្នាំ២០២១ មានករណីដាច់ចរន្តអគ្គិសនីពីអនុស្ថានីយទី១០ (GS10-F6&F7) )មូលហេតុបណ្ដាលមកពីខ្លែងហោះប៉ះខ្សែបណ្ដាញតង់ស្យុងមធ្យម(MV) ដែលបណ្តាលឲ្យដាច់ចរន្តអគ្គិសនីនៅតំបន់មួយចំនួនស្ថិតនៅ៖ ១.ផ្លូវជាតិលេខ៤ និងមហាវិថីសហព័ន្ធរុស្ស៊ី សង្កាត់ចោមចៅ សង្កាត់កាកាប សង្កាត់ត្រពាំងក្រសាំង ខណ្ឌពោធិ៍សែនជ័យ។ ២.សង្កាត់កន្ទោក និងសង្កាត់កំបូល ខណ្ឌកំបូល រាជធានីភ្នំពេញ។ ៣.ឃុំបែកចាន ស្រុកអង្គស្នួល ខេត្តកណ្តាល។ ក្រុមការងារបច្ចេកទេសបានធ្វើការភ្ជាប់ចរន្តជូនអតិថិជនឲ្យមានចរន្តអគ្គិសនីប្រើប្រាស់ឡើងវិញនៅវេលាម៉ោង ១៤៖៣០នាទីរសៀល។ អគ្គិសនីកម្ពុជា សូមសំណូមពរឲ្យបងប្អូនប្រជាពលរដ្ឋមេត្តាកុំធ្វើការបង្ហោះខ្លែងនៅក្បែរគន្លងខ្សែបណ្តាញអគ្គិសនី ពីព្រោះអាចបណ្ដាលឲ្យមានការរអាក់រអួលក្នុងការផ្គត់ផ្គង់ចរន្តអគ្គិសនី និងគ្រោះថ្នាក់ជាយថាហេតុ។ អាស្រ័យហេតុនេះ សូមសម្តេច ទ្រង់ ឯកឧត្តម លោកជំទាវ អ្នកឧកញ៉ា លោកលោកស្រី មេត្តាជ្រាបជាព័ត៌មាន ៕ ដោយ៖ ខ្មែរណូត

សម្ដេចតេជោនាយករដ្ឋមន្ត្រី បង្ហាញពីគម្រោងហេដ្ឋារចនាសម្ព័ន្ធធំៗមួយចំនួន ដែលត្រូវកសាងនាពេលខាងមុខ

Khmerpress December 6, 2021 06/12/2021

ខេត្តព្រៃវែង៖ យោងតាមការចុះផ្សាយរបស់ ក្រសួងព័ត៌មាន នៅថ្ងៃទី០៦ ខែធ្នូ ឆ្នាំ២០២១ បានឲ្យដឹងថា ប្រមុខរាជរដ្ឋាភិបាលកម្ពុជា សម្ដេចអគ្គមហាសេនាបតីតេជោ ហ៊ុន សែន បានមានប្រសាសន៍លើកឡើងអំពីគម្រោងហេដ្ឋារចនាសម្ព័ន្ធធំៗមួយចំនួន ដែលត្រូវកសាងនាពេលខាងមុខ ដែលក្នុងនោះរួមមានគម្រោងផ្លូវ និងស្ពានឆ្លងកាត់ទន្លេមេគង្គ រវាងខេត្តក្រចះ និងខេត្តកំពង់ធំ គម្រោងផ្លូវ និងស្ពានឆ្លងកាត់ទន្លេសាបរវាងខេត្តកំពង់ឆ្នាំង និងខេត្តកំពង់ធំ គម្រោងផ្លូវតភ្ជាប់ពីខេត្តបាត់ដំបង ទៅកាន់ខេត្តសៀមរាប និងកំពុងសិក្សាផ្លូវតភ្ជាប់រវាងស្រុកល្វាឯម ខេត្ដកណ្ដាល ភ្ជាប់មកផ្លូវលេខជាតិលេខ១១ ខេត្តព្រៃវែង រហូតដល់ព្រំដែនវៀតណាមផងដែរ។ ការលើកឡើងរបស់សម្ដេចតេជោ ហ៊ុន សែន ដែលបានថ្លែងយ៉ាងដូច្នេះ ក្នុង ពិធីសម្ពោធដាក់ឱ្យប្រើប្រាស់ជាផ្លូវការផ្លូវជាតិលេខ១១ និងផ្លូវក្នុងក្រុងព្រៃវែង ប្រវែងសរុប ៩៦,៤៨គីឡូម៉ែត្រ ចាប់ពីអ្នកលឿង(ចំណុចប្រសព្វផ្លូវជាតិលេខ១) ខេត្តព្រៃវែង ដល់ថ្នល់ទទឹង(ចំណុចប្រសព្វផ្លូវជាតិលេខ៧) ខេត្តត្បូងឃ្មុំ ដែលស្ថាបនាឡើងក្រោមហិរញ្ញប្បទាន របស់សាធារណរដ្ឋប្រជាមានិតចិន នាព្រឹកថ្ងៃទី០៦ ខែធ្នូ  ឆ្នាំ២០២១ នៅខេត្តព្រៃវែង។ សម្តេចតេជោ ហ៊ុន សែន បានសម្ដែងនូវមោទកភាព និងអបអរសាទរចំពោះសមិទ្ធផលផ្លូវជាតិ១ខ្សែទៀត សម្រាប់បងប្អូនប្រជាពលរដ្ឋនៅខេត្តព្រៃវែង និងខេត្តត្បូងឃ្មុំ ក៏ដូចជាបងប្អូនប្រជាពលរដ្ឋទូទាំងប្រទេស។ ការសម្ពោធដាក់ឱ្យប្រើប្រាស់ផ្លូវនាពេលនេះ […]