ព័ត៌មានអន្តរជាតិ

ប្រទេសដីកោះម៉ាល់ឌីវប្រកាសរកឃើញ «ករណីវិជ្ជមានដំបូង» នៃមេរោគបំប្លែងថ្មី «អូមីក្រុង»

Khmerpress December 7, 2021 07/12/2021

(ម៉ាល់)៖ ប្រទេសម៉ាល់ឌីវ ដែលជាប្រជុំកោះតូចៗនៅមហាសមុទ្រឥណ្ឌា ទើបតែបានប្រកាសរកឃើញ «ករណីវិជ្ជមានដំបូង» នៃវីរុស COVID-19 បំប្លែងថ្មី អូមីក្រុង (Omicron) ដែលពិភពលោកទាំងមូលកំពុងតែតាមដាន និងស្វែងយល់ អំពីឥទ្ធិពលពិតប្រាកដរបស់វានៅឡើយ។ នេះបើតាមការចេញផ្សាយដោយ ទីភ្នាក់ងារព័ត៌មានចិនស៊ីនហួរ នារសៀលថ្ងៃអង្គារ ទី០៧ ខែធ្នូ ឆ្នាំ២០២១។ អាជ្ញាធរសុខាភិបាលម៉ាល់ឌីវ បានប្រកាសឲ្យដឹងនៅថ្ងៃអង្គារនេះទៀតថា ករណីវិជ្ជមាន Omicron ដំបូងគេនេះ ត្រូវបានរកឃើញទៅលើអ្នកទេសចរម្នាក់ ដែលបានធ្វើដំណើរមកពីប្រទេសអាហ្វ្រិកខាងត្បូង កាលពីថ្ងៃទី២៧ ខែវិច្ឆិកា កន្លងទៅថ្មីៗនេះប៉ុណ្ណោះ។ បន្ទាប់ពីអង្គការសុខភាពពិភពលោក (WHO) បានដាក់បញ្ចូល Omicron ទៅជាវីរុសដែលស្ថិតក្នុងក្តីព្រួយបារម្ភនោះ រដ្ឋាភិបាលម៉ាល់ឌីវបានសម្រេច ហាមឃាត់អ្នកដំណើរមកពីប្រទេសចំនួន ៨ នៅតំបន់អាហ្វ្រិកខាងត្បូង ក្នុងនោះមានដូចជា ប្រទេសអាហ្វ្រិកខាងត្បូង, ណាមីប៊ី, ម៉ូរីទុស, ម៉ូហ្សំប៊ីក, ឡេសូថូ, បុតស្វាណា, អេស្វាទីនី និងហ្ស៊ីមបាវ៉េជាដើម។ គួរបញ្ជាក់ថា ប្រទេសដីកោះម៉ាល់ឌីវ ដែលពឹងផ្អែកខ្លាំងលើវិស័យទេសចរណ៍ បានបើកដំណើរការយ៉ាងឆាប់រហ័ស នូវវិស័យទេសចរណ៍របស់ខ្លួនឡើងវិញ បន្ទាប់ពីស្ថានការណ៍ COVID-19 បានធូរស្រាលបន្តិច។ […]

អាជ្ញាធរទេសចរណ៍ថៃ៖ ករណីវ៉ារ្យ៉ង់ថ្មី “អូមីក្រុង” ដំបូងរបស់ប្រទេសថៃ នឹងមានផលប៉ះពាល់តិចតួច ហើយក្នុងរយៈពេលខ្លីលើវិស័យទេសចរណ៍

Khmerpress December 7, 2021 07/12/2021

អាជ្ញាធរទេសចរណ៍ថៃ (TAT) បាននិយាយកាលពីថ្ងៃច័ន្ទថា ការរកឃើញករណីកូវីដ-១៩ វ៉ារ្យ៉ង់ថ្មី “Omicron” លើកដំបូងរបស់ប្រទេសថៃនាពេលថ្មីៗនេះ មិនទាន់ប៉ះពាល់ដល់ឧស្សាហកម្មទេសចរណ៍នៅឡើយទេ។ អភិបាលនៃ TAT លោក Yuthasak Supasorn បាននិយាយថា ការរកឃើញដំបូងនេះ គ្រាន់តែបញ្ជាក់ថា ការត្រួតពិនិត្យ និងវិធានការត្រួតពិនិត្យជំងឺរបស់ប្រទេសថៃមានប្រសិទ្ធភាព។ លោកបាន​បន្តថា៖ « ក្រៅពីនេះ បច្ចុប្បន្នមិនមានភស្តុតាងច្បាស់លាស់ណាមួយដែលថាការឆ្លងពីវ៉ារ្យ៉ង់ “Omicron” គឺអាក្រក់ជាងវ៉ារ្យ៉ង់ផ្សេងទៀតនៃ Covid-19 នោះទេ។ យើងជឿថាការលេចឡើងនៃវ៉ារ្យ៉ង់ “Omicron” នៅក្នុងប្រទេសថៃនឹងមានផលប៉ះពាល់រយៈពេលខ្លីដល់វិស័យទេសចរណ៍ ប៉ុន្តែឥទ្ធិពលរយៈពេលវែង ក៏មិនទាន់ត្រូវបានគេមើលឃើញថាមាននៅឡើយដែរ» ។ គួរបញ្ជាក់ថា វ៉ារ្យ៉ង់ “Omicron” ដំបូងរបស់ប្រទេសថៃត្រូវបានរកឃើញនៅក្នុងជនជាតិអាមេរិក ដើមកំណើតថៃ ដែលបានមកពីប្រទេសអេស្ប៉ាញកាលពីថ្ងៃទី៣០ ខែវិច្ឆិកា។ ភ្ញៀវបានឆ្លងកាត់ការធ្វើតេស្ត កូវីដ-១៩ លើកដំបូងនៅពេលមកដល់ ប៉ុន្តែការធ្វើតេស្តលើកទីពីរនៅថ្ងៃទី៣ ខែធ្នូ បានរកឃើញវ៉ារ្យ៉ង់ វ៉ារ្យ៉ង់ “Omicron”៕ ដោយ៖ ខ្មែរណូត

អង្គការសុខភាពពិភពលោកបានប្រឆាំងជាដាច់ខាត ចំពោះការប្រើប្លាស្មាពីឈាមរបស់អ្នកជំងឺកូវីដ១៩ដែលបានជាសះស្បើយ ទៅព្យាបាលឱ្យអ្នកជំងឺកូវីដ១៩ដទៃទៀត

Khmerpress December 7, 2021 07/12/2021

អង្គការសុខភាពពិភពលោកនៅថ្ងៃអង្គារនេះ បាននិយាយថា ការព្យាបាលជំងឺ COVID-19 ដោយប្រើប្លាស្មា ដែលយកចេញពីឈាមរបស់អ្នកជំងឺដែលបានជាសះស្បើយ មិនគួរត្រូវបានផ្តល់ឱ្យអ្នកដែលមានជំងឺប្រភេទស្រាល ឬមធ្យមនោះទេ។ ថ្វីបើកន្លងមកគេបានមើលឃើញថា ប្លាស្មា Convalescent បង្ហាញពីលទ្ធផលវិជ្ជមានមួយចំនួន នៅពេលចាក់បញ្ចូលតាមសរសៃឈាមដល់អ្នកដែលមានជំងឺ COVID-19 ប៉ុន្តែឥឡូវនេះ WHO បាននិយាយថា៖«ភស្តុតាងបច្ចុប្បន្នបង្ហាញថា វាមិនបានធ្វើឱ្យអត្រារស់រានមានភាពប្រសើរឡើង ឬកាត់បន្ថយតម្រូវការជំនួយដង្ហើមទេ ហើយវាក៏ចំណាយច្រើន និងចំណាយពេលវេលាក្នុងការរៀបចំ»។ WHO បានចេញអនុសាសន៍ដ៏តឹងរឹងរបស់ខ្លួន ប្រឆាំងនឹងការប្រើប្រាស់ប្លាស្មាឈាមចំពោះមនុស្សដែលមិនមានរោគសញ្ញាជំងឺ COVID-19 ធ្ងន់ធ្ងរ ហើយបាននិយាយថា សូម្បីតែចំពោះអ្នកជំងឺដែលមានជំងឺធ្ងន់ធ្ងរ និងធ្ងន់ធ្ងរខ្លាំងយ៉ាងណាក៏ដោយ ការព្យាបាលគួរតែត្រូវបានផ្តល់ឱ្យតែជាផ្នែកមួយនៃការសាកល្បងព្យាបាលប៉ុណ្ណោះ។ ជម្រាបដែរថា ប្លាស្មា Convalescent គឺជាផ្នែករាវនៃឈាមពីអ្នកជំងឺ COVID-19 ដែលបានជាសះស្បើយ ដែលមានអង្គបដិប្រាណការពាររួចជាស្រេច ក្រោយពេលដែលពួកគេបានឆ្លងជំងឺ COVID-19 ។ វាគឺជាជម្រើសនៃការព្យាបាលដ៏មានសក្តានុពលមួយ ដែលត្រូវបានគេយកចិត្តទុកដាក់នៅដំណាក់កាលដំបូងនៃជំងឺរាតត្បាត ប៉ុន្តែបានបង្ហាញអត្ថប្រយោជន៍មានកម្រិតក្នុងការសាកល្បងព្យាបាល។ អង្គការសុខភាពពិភពលោកបាននិយាយថា អនុសាសន៍ចុងក្រោយបំផុតរបស់ខ្លួន គឺផ្អែកលើភស្តុតាងពីការសាកល្បងចំនួន ១៦ ដែលពាក់ព័ន្ធនឹងអ្នកជំងឺ ១៦,២៣៦ នាក់ ដែលមានការឆ្លងជំងឺ COVID-19 មិនធ្ងន់ធ្ងរ ធ្ងន់ធ្ងរបង្គួរ និងធ្ងន់ធ្ងរខ្លាំង។ […]

អាហ្សង់ទីនរកឃើញករណីវិជ្ជមានកូវីដបំប្លែងថ្មីអូមីក្រុងជាលើកដំបូង ចំពោះអ្នកដំណើរម្នាក់បានធ្វើតេស្ត២ដងអវិជ្ជមាន តែតេស្តលើកទី៣ ឃើញវិជ្ជមាន

Khmerpress December 7, 2021 07/12/2021

អាហ្សង់ទីន៖ ប្រទេសអាហ្សង់ទីនបានរកឃើញករណីអ្នកឆ្លងជំងឺកូវីដ ១៩ បំប្លែងខ្លួនថ្មីប្រភេទអូមីក្រុងជាលើកដំបូងហើយ នេះបើយោងតាមការចុះផ្សាយនៅក្នុងបណ្តាញសារព័ត៌មាន Channel News Asia កាលពីល្ងាចថ្ងៃចន្ទ ទី៦ ខែធ្នូ ម្សិលមិញនេះ។ អ្នកជំងឺកូវីដ ១៩ រូបនេះគឺជាពលរដ្ឋអាហ្សង់ទីនមានអាយុ ៣៨ ឆ្នាំ រស់នៅក្នុងខេត្ត San Luis ភាគខាងលិចប្រទេសអាហ្សង់ទីន ហើយរូបគាត់ធ្លាប់មានប្រវត្តិធ្វើដំណើរមកពីប្រទេសអាហ្វ្រិកខាងត្បូងកាលពីថ្ងៃទី ៣០ ខែវិច្ឆិកាកន្លងទៅនេះ។ ប្រភពខាងលើបានបន្តថា មុនពេលចេញដំណើរមកពីប្រទេសអាហ្វ្រិកខាងត្បូងអ្នកជំងឺរូបនេះបានធ្វើតេស្តរកជំងឺកូវីដ ១៩ ដោយម៉ាស៊ីនធំម្តង (PCR ) ហើយពេលទីដល់ទីក្រុង Buenos Aires ប្រទេសអាហ្សង់ទីនភ្លាមគាត់ក៏បានធ្វើតេស្តដោយឧបករណ៍តេស្តរហ័សម្តងទៀត​ តែលទ្ធផលគឺអវិជ្ជមានទាំងអស់។ យ៉ាងណាក្តី ប៉ុន្មានថ្ងៃចុងក្រោយនេះគាត់បានទទួលដំណឹងថា មិត្តភក្តិរួមការងាររបស់គាត់នៅក្នុងប្រទេសអាហ្វ្រិកខាងត្បូងបានឆ្លងជំងឺកូវីដ ១៩ ហើយរូបគាត់ក៏សម្រេចទៅធ្វើតេស្តម្តងទៀត ហើយលទ្ធផលចុងក្រោយនេះបង្ហាញគាត់បានឆ្លងជំងឺកូវីដ ១៩ អូមីក្រុង។ បើតាមអាជ្ញាធរសុខាភិបាលអាហ្សង់ទីនបានសន្និដ្ឋានថា មេរោគអូមីក្រុងអាចបន្តរាតត្បាតក្នុងសហគមន៍ជាច្រើនករណីបន្ថែមទៀត ព្រោះអ្នកជំងឺខាងលើនេះបានពាក់ព័ន្ធជាមួយមនុស្សច្រើនផ្សេងទៀតរួចទៅហើយមុនពេលគាត់ធ្វើតេស្តវិជ្ជមាន៕ ដោយ៖ ខ្មែរណូត

ចំនួនករណីឆ្លងវីរុសបំប្លែងថ្មី Omicron នៅក្នុងចក្រភពអង់គ្លេស កើនដល់ ៣៣៦ករណី

Khmerpress December 7, 2021 07/12/2021

(ឡុងដ៍)៖ គិតត្រឹមថ្ងៃចន្ទសប្ដាហ៍នេះ ចំនួនករណីឆ្លងវីរុស COVID-19 បំប្លែងថ្មី Omicron សរុបនៅចក្រភពអង់គ្លេស បានកើនឡើងដល់ ៣៣៦ករណីហើយ បន្ទាប់ពីករណីឆ្លងថ្មីៗចំនួន ៩០ករណីបន្ថែមទៀតត្រូវបានរកឃើញ ដែលកើនឡើងពី ៨៦ករណីកាលពីថ្ងៃអាទិត្យចុងសប្ដាហ៍កន្លងទៅនេះ។ នេះបើយោងតាមការចេញផ្សាយដោយសារព័ត៌មានចិន CGTN នៅថ្ងៃអង្គារ ទី០៧ ខែធ្នូ ឆ្នាំ២០២១។ បើតាមទីភ្នាក់ងារសន្តិសុខសុខាភិបាលចក្រភពអង់គ្លេស (UKHSA) ក្នុងចំណោមករណីឆ្លងថ្មីៗចំនួន ៩០ករណីខាងលើ មាន ៦៤ករណី ត្រូវបានរកឃើញនៅក្នុងប្រទេសអង់គ្លេស (England), ២៣ករណីនៅក្នុងប្រទេសស្កុតឡែន (Scotland) និង០៣ករណីផ្សេងទៀត នៅក្នុងប្រទេសវេលស៍ (Wales) ខណៈប្រទេសអៀរឡង់ភាគខាងជើង (Northern Ireland) មិនទាន់រាយការណ៍ពីការរកឃើញករណីឆ្លង វីរុស COVID-19 បំប្លែងថ្មី Omicron ណាមួយទេ រហូតមកដល់ពេលនេះ។ គួរបញ្ជាក់ថា ការលេចឡើងនៃវីរុស COVID-19 បំប្លែងថ្មី Omicron បានជំរុញឱ្យចក្រភពអង់គ្លេស ដាក់ចេញនូវវិធានការរឹតត្បឹតលើ ការធ្វើដំណើរចូលមកក្នុងដែនដីរបស់ខ្លួន លើអ្នកដំណើរមកពីតំបន់ប៉ែកខាងត្បូងនៃទ្វីបអាហ្វ្រិកចំនួន ១០ ជាទីដែលវីរុសនេះ ត្រូវបានរកឃើញដំបូងគេនៅប្រទេសទាំងនោះ ខណៈមានក្ដីព្រួយបារម្ភថា […]

ទីក្រុងហាណូយ នឹងហាមឃាត់ការប្រើប្រាស់ម៉ូតូនៅបណ្ដា​តំបន់សំខាន់ៗនៅក្រោយឆ្នាំ២០២៥ ដើម្បីសម្រេចរឿង ២នេះ

Khmerpress December 7, 2021 07/12/2021

ទីក្រុងហាណូយ គ្រោងនឹងហាមឃាត់ការប្រើប្រាស់ម៉ូតូនៅបណ្ដា​តំបន់សំខាន់ៗ ក្រោយឆ្នាំ២០២៥ ដើម្បីកាត់បន្ថយការកកស្ទះចរាចរណ៍ និងការបំភាយឧស្ម័នពុល នេះបើយោងតាមការចុះផ្សាយរបស់សារព័ត៌មាន vnexpress ។ ការហាមប្រាម នឹងអនុវត្តចំពោះគ្រប់ស្រុកទាំងអស់ដែលស្ថិតនៅលើផ្លូវក្រវ៉ាត់ក្រុងទី៣ និងលើផ្លូវធំៗចំនួនបីរួមមាន៖ Truong Sa, Hoang Sa និងផ្លូវជាតិលេខ៥ យោងទៅតាមផែនការដែលត្រូវបានរៀបចំដោយរដ្ឋបាលក្រុង។ សារព័ត៌មានដដែលបានឱ្យដឹងថា ក្រោយឆ្នាំ២០៣០ ការហាមប្រាមនឹងពង្រីកដល់គ្រប់ស្រុកទាំងអស់ដែលស្ថិតនៅលើផ្លូវក្រវ៉ាត់ក្រុងទី៤។ ជាមួយគ្នានេះដែរ ផែនការនេះនឹង​ត្រូវ​បោះឆ្នោត​នៅ​ថ្ងៃ​អង្គារ។ គួរឱ្យដឹងថា ការអភិវឌ្ឍន៍ការដឹកជញ្ជូនសាធារណៈមិនល្អ បានជំរុញឱ្យមានការប្រើប្រាស់យានជំនិះផ្ទាល់ខ្លួននៅក្នុងប្រទេសវៀតណាមទាំងមូល និងជាពិសេសនៅតាមទីក្រុងធំៗរបស់ខ្លួន។ ជាក់ស្ដែង ទីក្រុងហាណូយមានម៉ូតូប្រហែល ៥.៦ លានគ្រឿង និងរថយន្ត ៦០០,០០០ គ្រឿង ហើយបច្ចុប្បន្ននេះ នៅទីក្រុងប្រព័ន្ធរថយន្តក្រុងសាធារណៈអនុវត្តបាន ១៤០ផ្លូវ ដែលឆ្លើយតបនឹងការប៉ាន់ប្រមាណ ៣១ភាគរយនៃតម្រូវការសរុប៕ ដោយ៖ ខ្មែរណូត​

ទោសជាប់ពន្ធនាគាររបស់ អតីតប្រធានាធិបតីមីយ៉ាន់ម៉ា និងលោកស្រី ស៊ូ ជី ត្រូវស្នើឲ្យកាត់បន្ថយមកត្រឹម «២ឆ្នាំ» វិញ

Khmerpress December 7, 2021 07/12/2021

(រ៉ង់ហ្គូន)៖ ប្រមុខរដ្ឋាភិបាលយោធាមីយ៉ាន់ម៉ា បានស្នើឲ្យបន្ធូរបន្ថយទោសជាប់ពន្ធនាគាររបស់លោកស្រី អោង សាន ស៊ូ ជី មកនៅត្រឹម ០២ឆ្នាំវិញ បន្ទាប់ពីត្រូវបានផ្តន្ទាទោសដាក់ពន្ធនាគាររយៈពេល ០៤ឆ្នាំ ពីបទញុះញង់ឱ្យមានការបះបោរប្រឆាំងយោធា និងបំពានវិធានការទប់ស្កាត់ COVID-19។ នេះបើតាមការចេញផ្សាយដោយ ទីភ្នាក់ងារសារព័ត៌មាន Reuters នៅព្រឹកថ្ងៃអង្គារ ទី០៧ ខែធ្នូ ឆ្នាំ២០២១។ បើតាមអ្នកនាំពាក្យយោធាមីយ៉ាន់ម៉ាលោក សរ មីន តាន់ (Zaw Min Tun) កាលពីថ្ងៃចន្ទដើមសប្ដាហ៍នេះ តុលាការមីយ៉ាន់ម៉ាបានផ្ដន្ទាទោសលោកស្រី ស៊ូ ជី ដាក់ពន្ធនាគារ ០២ឆ្នាំ ពីបទញុះញង់ឱ្យមានការបះបោរប្រឆាំងយោធា និង ០២ឆ្នាំទៀត ពីបទបំពានច្បាប់គ្រប់គ្រងគ្រោះមហន្តរាយ ដែលមានជាប់ពាក់ព័ន្ធនឹង COVID-19។ ចំណែកឯ លោក វីន ម្យីនត៍ (Win Myint) ជាអតីតប្រធានាធិបតីមីយ៉ាន់ម៉ា ក៏ត្រូវបានតុលាការផ្តន្ទាទោសដាក់ពន្ធនាគារ ០៤ឆ្នាំផងដែរ នៅក្រោមបទចោទដូចគ្នានឹងលោកស្រី ស៊ូ ជី។ ប៉ុន្មានភ្លាមៗ នៅយប់ថ្ងៃចន្ទដដែល ស្រាប់តែប្រមុខរដ្ឋាភិបាលយោធាមីយ៉ាន់ម៉ា […]

បារាំង អាចបញ្ចៀសវិធានការបិទខ្ទប់ និងសង្រ្គោះពិធីបុណ្យណូអែល ចំពោះមុខការឆ្លងរាលដាលនៃវីរុសបំប្លែងថ្មី Omicron, នេះបើតាមលោក Jean Castex

Khmerpress December 7, 2021 07/12/2021

(ប៉ារីស)៖ នាយករដ្ឋមន្ត្រីបារាំង លោក ហ្សង់ កាស្តិច (Jean Castex) នៅថ្ងៃចន្ទដើមសប្ដាហ៍នេះបាននិយាយថា ប្រទេសរបស់លោកនឹងដាក់ ចេញនូវវិធានការរក្សាគម្លាតសុវត្ថិភាព ក៏ដូចជាបិទក្លឹបរាត្រី នៅមុនថ្ងៃបុណ្យណូអែល ដើម្បីឆ្លើយតបទៅនឹងវីរុសបំប្លែងថ្មី Omicron ដែលត្រូវ បានរកឃើញនៅក្នុងប្រទេសចំនួន ២៥ករណី តែមិនចាំបាច់ដាក់ចេញនូវវិធានការបិទខ្ទប់ ឬបម្រាមគោចរសារជាថ្មីឡើយ។ នេះបើយោងតាម ការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃអង្គារ ទី០៧ ខែធ្នូ ឆ្នាំ២០២១។ បើតាមលោក Jean Castex រលកទី៥ នៃជំងឺឆ្លងរាតត្បាតដ៏កាចសាហាវនេះ នាពេលឥឡូវនេះ កំពុងកើនឡើងនៅទូទាំងប្រទេសបារាំង។ ប៉ុន្តែ ប្រជាជនជាង ៥២លាននាក់ នាពេលឥឡូវនេះ បានទទួលការចាក់វ៉ាក់សាំងរួចរាល់ហើយ ដែលជិត៩០ភាគរយនៃអ្នកដែលមានសិទ្ធិ ទទួលការចាក់វ៉ាក់សាំង ហើយស្ថានភាព ក៏ប្រសើរជាងការផ្ទុះឡើងពីមុនផងដែរ ដែលមិនចាំបាច់ដាក់ចេញនូវវិធានការរឹតត្បឹត ដ៏តឹងរ៉ឹងខ្លាំងនោះទេ។ រដ្ឋមន្ត្រីក្រសួងសុខាភិបាលបារាំង លោក អូលីវីយេ វ៉ែរ៉ង់ (Olivier Veran) ក៏បានលើកឡើងដែរថាការចាក់វ៉ាក់សាំងដូសជំរុញ និងការរក្សា គម្លាតសុវត្ថិភាពយ៉ាងតឹងរ៉ឹងជាងមុន នឹងអនុញ្ញាតឱ្យប្រទេសបារាំងចៀសវាងពីការបិទខ្ទប់សារជាថ្មី ដែលកំពុងត្រូវបានដាក់ឱ្យអនុវត្តក្នុង […]

កូរ៉េខាងត្បូង សម្រេចរឹតត្បិតវិធានការកូវីដ១៩ កាន់តែតឹងរ៉ឹងថែមទៀត

Khmerpress December 6, 2021 06/12/2021

(សេអ៊ូល)៖ ប្រទេសកូរ៉េខាងត្បូង នៅថ្ងៃចន្ទ ទី០៦ ខែធ្នូ ឆ្នាំ២០២១នេះបានដាក់ចេញនូវវិធានការកាន់តែតឹងរ៉ឹងថែមទៀត ដើម្បីទប់ស្កាត់ការឆ្លងរីករាលដាលនៃ COVID-19 ក៏ដូចជាវីរុសបំប្លែងថ្មី Omicron ដោយចំណាត់ការនេះ នឹងធ្វើឲ្យជនបរទេសមួយចំនួន ដែលមានទីលំនៅនៅកូរ៉េខាងត្បូង តែបានទទួលការចាក់វ៉ាក់សាំងនៅបរទេស មិនអាចចូលទៅក្នុងភោជនីយដ្ឋាន ហាងកាហ្វេ និងរោងភាពយន្តបាន។ នេះបើយោងតាមការចេញផ្សាយដោយ ទីភ្នាក់ងារសារព័ត៌មាន Reuters។ ប្រទេសកូរ៉េខាងត្បូង ទទួលស្គាល់ស្ថានភាពចាក់វ៉ាក់សាំងរបស់ពលរដ្ឋកូរ៉េ ដែលបានទទួលការចាក់នៅក្រៅប្រទេស ប៉ុន្តែមិនទទួលស្គាល់ជនបរទេសឡើយ លុះត្រាតែពួកគេចូលមកកាន់ប្រទេសកូរ៉េខាងត្បូង ក្រោមកម្មវិធីលើកលែងការធ្វើចត្តាឡីស័ក។ ជនបរទេសមួយចំនួនស្នាក់នៅកូរ៉េខាងត្បូង ជាពិសេសអ្នកដែលមកពីអ៊ឺរ៉ុប និងសហរដ្ឋអាមេរិក គឺបានទទួលការចាក់វ៉ាក់សាំងមុនពេល ដែលកូរ៉េខាងត្បូងមានវ៉ាក់សាំងទៅទៀត ហើយពេលនោះ ពួកគេក៏មិនមានសិទ្ធិទទួលបានការលើកលែងការធ្វើចត្តាឡីស័ក ដែលត្រូវបានពង្រីកបន្ថែម ដល់ក្រុមបុគ្គលមួយចំនួន ក្នុងវិស័យធុរកិច្ច និងវិស័យអប់រំ ឬសម្រាប់ហេតុផលមនុស្សធម៌ផងដែរ។ គួរបញ្ជាក់ថា បើតាមទីភ្នាក់ងារគ្រប់គ្រង និងបង្ការជំងឺកូរ៉េខាងត្បូង (KDCA) រហូតមកទល់ពេលនេះ ប្រទេសកូរ៉េខាងត្បូង បានកត់ត្រានូវករណីឆ្លងជំងឺ COVID-19 សរុបនៅទូទាំងប្រទេស ៤៧៧,៣៥៨ករណី រួមទាំង ២៤ករណីនៃវីរុសបំប្លែងថ្មី Omicron ខណៈ អ្នកស្លាប់មាន ៣,៨៩៣នាក់ និងអ្នកជាសះស្បើយ […]

BREAKING! ប្រទេសថៃបានរកឃើញវត្តមានដំបូងបំផុតនៃជំងឺកូវីដ១៩​ បំប្លែងខ្លួនថ្មី​ «អូមីក្រុង» ពីអ្នកដំណើរមកពីប្រទេសអេស្ប៉ាញ

Khmerpress December 6, 2021 06/12/2021

យោងតាមការចុះផ្សាយរបស់សារព័ត៌មាន Khaosod English នៅថ្ងៃច័ន្ទ ទី០៦ ខែធ្នូ ឆ្នាំ២០២១ បានរាយការណ៍ថា ប្រទេសថៃបានរកឃើញករណីដំបូងនៃមេរោគកូវីដ១៩​ បំប្លែងថ្មី​ អូមីក្រុង (Omicron) ចេញពីអ្នកដំណើរម្នាក់ ដែលបានចូលមកប្រទេសថៃពីប្រទេសអេស្ប៉ាញ តាំងតែពីជិតមួយសប្ដាហ៍មុនមកម្ល៉េះ។ លោក Suphakit Sirilak អគ្គនាយកនៃនាយកដ្ឋានវិទ្យាសាស្ត្រវេជ្ជសាស្ត្រ បាននិយាយថា បុគ្គលនោះត្រូវបានធ្វើតេស្តរកជំងឺ COVID-19 លើកដំបូងនៅថ្ងៃទី៣០ ខែវិច្ឆិកា ហើយលទ្ធផលចេញមកនៅថ្ងៃបន្ទាប់បង្ហាញថាវិជ្ជមាន ហើយក៏ទំនងថាវាជាវ៉ារ្យ៉ង់អូមីក្រុងផងដែរ។ រហូតដល់ថ្ងៃទី០៣ ខែធ្នូ គាត់ត្រូវបានគេធ្វើតេស្ដម្ដងទៀត ហើយលទ្ធផលចេញមកគឺដដែល។ អ្នកជំងឺដែលមិនបញ្ចេញឈ្មោះម្នាក់នោះ គឺជាអ្នកដំណើរអាយុ ៣៥ឆ្នាំ មកពីអាមេរិកខាងត្បូង ទោះបីជាសញ្ជាតិរបស់គាត់មិនត្រូវបានកំណត់អត្តសញ្ញាណក៏ដោយ។ លោក Suphakit បាននិយាយថា ពេលនេះអ្នកជំងឺកំពុងទទួលការព្យាបាលនៅក្នុងមន្ទីរពេទ្យ ដោយបន្ថែមថា គ្មាននរណាម្នាក់មានហានិភ័យប៉ះពាល់ជាមួយបុរសនោះទេ ដោយសារតែបុរសនោះបានប្រុងប្រយ័ត្នសុវត្ថិភាពយ៉ាងតឹងរ៉ឹងក្នុងអំឡុងពេលធ្វើដំណើររបស់គាត់។ លោក Suphakit ក៏បាននិយាយផងដែរថា បច្ចុប្បន្ននេះមិនមានរបាយការណ៍អំពីការផ្ទុះឡើងក្នុងតំបន់ពាក់ព័ន្ធនឹងវ៉ារ្យ៉ង់ថ្មីនេះទេ ហើយការឆ្លងរបស់អ្នកដំណើរត្រូវបានចាត់ថ្នាក់ជាករណីនាំចូល៕ ដោយ៖ ខ្មែរណូត