(ភ្នំពេញ)៖ កញ្ញា ងិន ម៉ារ៉ាឌី បវរកញ្ញាចក្រវាឡតំណាងប្រទេសកម្ពុជា ក្នុងឆ្នាំ២០២១ បានចាកចេញពីមាតុប្រទេសនៅថ្ងៃនេះហើយ ដើម្បីចូលរួមប្រកួតកម្មវិធី «Miss Universe» ជាលក្ខណៈអន្តរជាតិ ជាមួយបណ្ដាបេក្ខនារីផ្សេងទៀត មកពីជុំវិញពិភពលោកនៅក្នុងប្រទេសអ៉ីស្រាអែល ខណៈដែលប្រទេសមួយនេះ ត្រូវបានរាយការណ៍មកថា ទើបរកឃើញវីរុសកូវីដ-១៩ បំប្លែខ្លួនងថ្មី «Omicron»។ បើតាមការចេញផ្សាយ របស់ទីភ្នាក់ងារព័ត៌មាន Reuters បានឲ្យដឹងថា មកទល់ពេលនេះ ក្រៅពីប្រទេសអាហ្វ្រិកខាងត្បូង និងប្រទេសជិតខាងផ្សេងទៀត ដូចជាបុតស្វាណា, ទីក្រុងហុងកុងរបស់ចិន, ប្រទេសអ៊ីស្រាអែល និងប្រទេសប៊ែលហ្សិក សុទ្ធតែបានប្រកាសរកឃើញ ករណីឆ្លងដំបូងៗនៃវីរុសបំប្លែងថ្មី Omicron។ តាមផេកផ្លូវការរបស់ Miss Universe Cambodia នៅព្រឹកថ្ងៃទី២៧ ខែវិច្ឆិកា ឆ្នាំ២០២១នេះ បានបង្ហាញពីសកម្មភាពរបស់បវរកញ្ញា ងិន ម៉ារ៉ាឌី នៅអាកាសយាន្តដ្ឋានអន្តរជាតិភ្នំពេញ រៀបចំចេញដំណើរទៅប្រទេសអ៉ីស្រាអែល ដើម្បីចូលរួមប្រកួតក្នុងកម្មវិធី «Miss Universe» ដែលជាកម្មវិធីប្រឡងបវរកញ្ញាលក្ខណៈអន្តរជាតិដ៏ធំមួយ ធ្វើឡើងជារៀងរាល់ឆ្នាំ។ ក្នុងឆ្នាំនេះ ត្រូវបានគេដឹងថា ជាលើកទី៧០ នៃការរៀបចំកម្មវិធី «Miss Universe» […]

រាជធានីភ្នំពេញ៖ ស្ដែងចេញថ្មីៗ នៅក្នុងបណ្ដាញសង្គម យើងឃើញមានការផុសអំពីវិដេអូខ្លីមួយដែលក្នុង នោះមានបង្ហាញអំពីស្លឹករឹត និង ហាសថែក (#វិរនារី #topofthelady)។ ក្នុងការផុសនេះដែរ គឺសុទ្ធតែជាតារាល្បីៗ ដែលមានប្រជាប្រិយភាព នាំគ្នាផុសអំពីស្លឹករឹត ដែលនៅលើនោះ បានបង្ហាញនូវគម្ពីពាក្យបាលីដែលដាក់ចម្ងល់ទៅដល់ទស្សនិកជន គ្រប់រូបដោយពាក្យនៅក្នុងគម្ពីស្លឹករឹតនោះមានន័យយ៉ាងណា គឺពុំទាន់មានអ្នកបកស្រាយនៅឡើយ សូម្បី Pages កម្សាន្តជាច្រើន ក៏បានផុសនិយាយពី រឿងវិដេអូនេះផងដែរ។ រូបភាព Page កម្សាន ទទឹមនឹងនេះដែរ ប៉ុន្នានថ្ងៃមុន យើងឃើញមានវិដេអូ Teaser MV របស់កញ្ញា ទេព បូព្រឹក ដែលរូបភាពក្នុងនោះ ផ្ដោតសំខាន់ទៅលើ វប្បធម៌សិល្បៈ បុរាណខ្មែរ រួមទាំងសម្លៀកបំពាក់ និងឈុតខ្លះបង្ហាញអំពីប្រវត្តិសាស្ត្រចម្បាំងរបស់ខ្មែរ។ លើសពីនេះទៅទៀត កញ្ញា ទេព បូព្រឹក បានបង្ហោះវិដេអូឃ្លិបមួយទៀតនៅព្រឹកមិញ ដែលជាវិដេអូ ពិធីក្រុងពាលី ហើយនៅក្នុងនោះយើងបានឃើញរូបភាពប្រាសាទ ព្រះវិហារដែលបានបង្ហាញនៅក្នុងវិដេអូ Teaser របស់ MV វិរនារី ដែលបានផុសកាលពីថ្ងៃអង្គារ ទី១៦ មកម្លេះ។ […]

កំពូលតារា Cam.pop Galaxy navatraតន់ ចន្ទសីម៉ា កាលពីយប់មិញនេះបានប្រកាស បរិច្ចាគថវិកាផ្ទាល់ខ្លួនចំនួន ១០០លានរៀល ដើម្បីលើកកម្ពស់សិល្បៈបុរាណខ្មែរ ដោយការបរិច្ចាគនេះអាចនិយាយបានថានាងគឺជាតារាចម្រៀងទី១នៅក្នុងប្រទេសកម្ពុជាដែលហ៊ានបរិច្ចាគថវិកាផ្ទាល់ខ្លួនយ៉ាងច្រើនសន្ធឹកសន្ធាប់បែបនេះ។ ការប្រកាសបរិច្ចាគថវិកាយ៉ាងច្រើនសន្ធឹកសន្ធាប់ ជួយផ្នែកសិល្បៈបុរាណបែបនេះ បន្ទាប់ពីនាង ទើបតែទទួលបានការងារពីក្រុមហ៊ុនធំៗចំនួន៣ ដោយតម្លៃខ្លួនលើការងារការផ្សព្វផ្សាយពាណិជ្ជកម្មឲ្យក្រុមហ៊ុនទាំង ៣នោះ តន់ ចន្ទសីម៉ា ទទួលបានរហូតដល់ទៅជាង ៥០ម៉ឺនដុល្លារឯណោះ។ នេះបើតាមការបង្ហើបពីលោកលោក យឹម តាស្រង់ អ្នកគ្រប់គ្រងទូទៅរបស់ផលិតកម្ម Galaxy Navatra។ ថវិកា១០០លានរៀល ដែលម្ចាស់បទ “Are you ok” បរិច្ចាគនោះ នាងបានផ្ដោតទៅជួយសិល្បៈបូរាណ មានដូចជា ល្ខោនខោល ចាប៉ីដងវែង សមាគមអ្នកនិពន្ធខ្មែរ ។ល។ តាមរយៈនាយកដ្ឋានភាពយន្ត នៃក្រសួងវប្បធម៌ និងវិចិត្រសិល្បៈ។ ជាមួយនិងភាពជោគជ័យនេះផងដែរ កំពូលតារា Cam-pop Galaxy navatra តន់ ចន្ទសីម៉ា បានថ្លែងអំណរគុណដល់ពុកម៉ែបងប្អូនជាខ្លាំង ដែលតែងតែគាំទ្ររូបនាង ទើបធ្វើឲ្យនាងមានឱកាសទទួលបានការងារពីក្រុមហ៊ុនធំបែបនេះ៕

កាលពីមិ្សលមិញនេះ ទេព បូព្រឹក្ស បានបង្ហោះវីដេអូចម្រៀងឈុតខ្លីថ្មីមួយ ដែលបានទាក់ទាញចំណាប់អារម្មណ៍មនុស្សជាច្រើននៅលើបណ្តាញសង្គមដែលធ្វើអោយអ្នកគាំទ្រកោតសរសើរឥតឈប់។ បទថ្មីរបស់ បូព្រឹក្ស គឺបង្ហាញអត្ថន័យពីការលើកស្ទួយ និង គាំទ្រ ស្ត្រីជាមាតានៃពិភពលោក ដែលក្នុងនោះបូព្រឹក្សបាននិយាយថា “សំណេរចុងក្រោយនេះសម្រាប់ វីរនារី ទូទាំង សកល ចូលចាំ ថា អ្នកគឺជា មាតា អ្នក គឺជា ស្តេច អ្នកគឺជា មេទ័ព អ្នកគឺជាអ្នកប្រយុទ្ធ ដ៏ អង់អាច ចូលអ្នកមើលអោយឃើញនូវតម្លៃដ៏អស្ចារ្យ របស់អ្នក ដោយក្តីស្រលាញ់ពីខ្ញុំ ទេព បូព្រឹក្ស បុត្រីនៃ បុព្វបុរស ខ្មែរ។” ទេព បូព្រឹក្ស តែងតែព្យាយាមស្វែងរកអ្វីថ្មីដើម្បីផ្សព្វផ្សាយពីសិល្បៈខ្មែរទាំងសម័យទាំងបូរាណ ជាពិសេសលើកស្ទួយវិស័យតន្រ្តីពីការច្នៃប្រឌិតលើចម្រៀង និង រូបភាពវីដេអូចម្រៀងជាដើម។ ក្នុងនោះពេលខ្លះក៏មានអ្នកគាំទ្រហើយចូលចិត្ត តែក៏មានមតិមួយចំនួនមិនគាំទ្រដែរ។ បើមើលតាមសន្ទុះរបស់អ្នកគាំទ្រនៅលើបណ្តាញសង្គម យើងឃើញថាមានអ្នកគាំទ្រជាច្រើនបាននាំគ្នាបង្ហោះសារថានឹងគាំទ្របូព្រឹក្សដោយរង់ចាំមើលវីដេអូចម្រៀងឲ្យបាន 1 លានដងក្នុងរយះពេល ២៤ ម៉ោង ៕ ដោយ៖ ខ្មែរណូត

កាលពីពេលថ្មីៗនេះតារាសម្តែង អៀង ចេនឡា បានបង្ហោះសារជាមួយនឹងអារម្មណ៍រំភើបរីករាយយ៉ាងខ្លាំងក្រោយពេលទទួលបានអំណោយដ៏ថ្លៃថ្លារបស់ សម្ដេចអគ្គមហាសេនាបតី តេជោហ៊ុនសែន នាយករដ្ឋមន្ត្រី និង សម្ដេចកិត្តិព្រឹទ្ធបណ្ឌិតប៊ុន រ៉ានីហ៊ុនសែន ចំនួន១ម៉ឺនដុល្លារ ព្រមទាំងទទួលបានប័ណ្ណសរសើរពីសមាគមអ្នកនិពន្ធខេមរៈ ថែមទៀតផង។ នាយចេនឡាន បានរៀបរាប់នៅលើ Facebook ថា៖ “ខ្ញុំបាទពិតជារំភើប និងសូមគោរពថ្លែងអំណរយ៉ាងជ្រាលជ្រៅ ចំពោះឯកឧត្តម ចាន់ កុលបុត្រ ដែលបានផ្ដល់កត្តិយសមកសួរសុខទុក្ខខ្ញុំដល់ផ្ទះ ហើយបាននាំយកថវិការ ជាអំណោយដ៏ថ្លៃថ្លារបស់ សម្ដេចអគ្គមហាសេនាបតី តេជោហ៊ុនសែន នាយករដ្ឋមន្ត្រី និង សម្ដេចកិត្តិព្រឹទ្ធបណ្ឌិតប៊ុន រ៉ានីហ៊ុនសែន ចំនួន១មុឺនដុល្លារ មកអោយខ្ញុំសំរាប់ព្យាបាលជំងឺ ហើយថែមទាំងមានបណ្ណ័សរសើរពី សមាគមអ្នកនិពន្ធខេមរៈ ដល់រូបខ្ញុំផងដែរ។ សូមគោរពជូនពរសម្ដេចពុក និងក្រុមគ្រួសារ ក៏ដូចជាឯកឧត្តម ចាន់ កុលបុត្រ និងក្រុមគ្រួសារ សូមជួបប្រទះតែពុទ្ធពរទាំង៤ប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ” ដោយ៖ ខ្មែរណូត

កាលពីពេលថ្មីៗនេះ តារាចម្រៀងស្រីដ៏មានប្រជាប្រិយភាព គឺកញ្ញា ទេព បូព្រឹក្ស បានដាក់បង្ហាញវីដេអូឈុតខ្លីៗ M/V TEASER បទចម្រៀង៖ វីរនារី ឬជាភាសាអង់គ្លេស Top Of The Lady ដែលបង្ហាញពីឈុតឆាកបែបបុរាណខ្មែរ ហើយបានធ្វើឲ្យមហាជនជាច្រើន ជាពិសេស Fan របស់កញ្ញាសរសើរមិនដាច់ពីមាត់ និងទន្ទឹងរងចាំមើលវីដេអូចម្រៀងពេញ។ ទន្ទឹមនឹងនោះផង លោក Athika ដែលជាតារាសម្តែងដ៏ល្បីឈ្មោះមួយរូបបានធ្វើការបង្ហោះសារនៅលើបណ្តាញសង្គមហ្វេសប៊ុកបង្ហាញពីអារម្មណ៍ពិត ក្រោយបានចូលរួមផលិតវីដេអូចម្រៀងនោះ ដោយមិននឹកស្មានថា កញ្ញា ទេព បូព្រឹក្ស ហ៊ានលះបង់ច្រើនបែបនេះដើម្បីសម្រិតសម្រាំងវីដេអូចម្រៀងនោះឲ្យបានល្អឥតខ្ចោះ។ លោក Athika បានឲ្យដឹងថា: (ខ្ញុំពិតជាមានមោទនភាពចំពោះចែព្រឹក្សណាស់ ​❣ Tep Boprek ខ្ញុំមកនេះមិនមែនមកនិយាយយកឡូយអោយអ្នកទាំងអស់គ្នាមើលមកខ្ញុំល្អនោះទេ​ តែខ្ញុំចង់ចែករំលែករឿងដែលយើងទាំងអស់គ្នាគួរដឹង ⬇️ ​
មួយរយះក្រោយនេះខ្ញុំមានការងារច្រើនដែលបានប៉ះជាមួយចែព្រឹក្ស ដែលធ្វើអោយខ្ញុំ និង​ ក្រុមការងារ PATRÓN បានមានឪកាសធ្វើការក្នុង Project បទចម្រៀង វីរនារី | Top of the Lady […]

(ភ្នំពេញ)៖ កញ្ញា ប៉ូ គឹមថេងសុតធីតា ដែលជាកញ្ញាឯកតំណាងឲ្យប្រទេសកម្ពុជាប្រចាំឆ្នាំ ២០២១ បានចាកចេញពីមាតុប្រទេស នៅព្រឹកថ្ងៃទី១៦ ខែវិច្ឆិកា ឆ្នាំ២០២១នេះហើយ ដើម្បីចូលរួមប្រកួតប្រជែងសម្រស់ និងសមត្ថភាព ជាមួយបេក្ខនារីមកពីបណ្តាប្រទេសជាច្រើនទៀត លើពិភពលោកក្នុងកម្មវិធី «Miss Grand Cambodia 2021» ដែលមានប្រទេសថៃធ្វើជាម្ចាស់ផ្ទះ។ បើតាមផេកផ្លូវការរបស់ «Miss Grand Cambodia» បានបង្ហោះពីសកម្មភាពរបស់កញ្ញា ប៉ូ គឹមថេងសុតធីតា នៅអាកាសយានដ្ឋានអន្តរជាតិភ្នំពេញ ភ្ជាប់ជាមួយសារយ៉ាងដូច្នេះថា «ពេលនេះកញ្ញា ប៉ូ គឹមថេងសុតធីតា កញ្ញាឯកដ៏អស្ចារ្យនៃកម្ពុជា២០២១ (Miss Grand Cambodia 2021) បានត្រៀមនឹងចេញដំណើរហោះហើរពីមាតុភូមិ នៃព្រះរាជាណាចក្រកម្ពុជា ទៅកាន់ព្រះរាជាណាចក្រថៃឡង់ដ៍ ខេត្តភូកេតហើយ ជូនពរកញ្ញាធ្វើដំណើរប្រកបដោយសុខសុវត្ថិភាព និងនាំមុខមាត់ជូនមកប្រទេសកម្ពុជាវិញ»។ សម្រាប់កម្មវិធី «Miss Grand International 2021» ត្រូវបានគេដឹងថា មានការចូលរួមពីសំណាក់បេក្ខនារី តំណាងប្រទេសជាច្រើននៅលើពិភពលោក មកជួបជុំគ្នាក្នុងឆាកបវរកញ្ញាតែមួយ ដើម្បីបង្ហាញសម្រស់ និងសមត្ថភាព ចំណេះដឹងទូទៅរៀងៗខ្លួន។ ឆ្នាំ២០២១នេះ […]

(ភ្នំពេញ)៖ កូនប្រុសរបស់លោកតា ស៊ូ សាវ៉ាង ហៅហ្វុយស្សូ គ្រូសិល្បៈបុរាណជើងចាស់ និងជាតារាកំប្លែងផងនោះ បានបង្ខំចិត្តប្រកាសដាក់លក់ផ្ទះរបស់ខ្លួន ក្នុងតម្លៃ១៥ម៉ឺនដុល្លារអាមេរិក ដើម្បីយកថវិកាព្យាបាលជំងឺឪពុក និងសងទៅធនាគារ ដោយសារតែនៅពេលនេះ គឺលោក និងគ្រួសារអស់លទ្ធភាព ក្នុងការស្វះស្វែងរកថវិកាទៀតហើយ។ លោក ស៊ូ វណ្ណៈ បានថ្លែងប្រាប់ Fresh News Plus ឲ្យដឹងថា នៅពេលនេះស្ថានភាពជំងឺរបស់លោក ស៊ូ សាវ៉ាង ហៅលោកតា ហ្វុយស្សូ បានធូរស្បើយបន្តិចហើយ បន្ទាប់ពីសម្រាកព្យាបាល នៅក្នុងមន្ទីរពេទ្យរ៉ូយ៉ាល់ភ្នំពេញ អស់រយៈពេល២០ថ្ងៃរួចមក ពោលគឺអាកាៈឪពុករបស់លោកមិនសូវហត់ខ្លាំង ហើយមិនសូវក្ដៅខ្លួនញឹកញាប់ និងក្អកតិចជាងមុន។ ប៉ុន្តែថ្លើមរបស់លោកតា ហ្វុយស្សូ ដែលនៅសល់តែមួយចំហៀង ក្រោយការវះកាត់ កាលពីលើកមុននោះ ក៏មានការរលាកដោយមានខ្ទុះ ដូច្នេះត្រូវបូមខ្ទុះនោះចេញ ដើម្បីយកមកពិនិត្យបន្ត ហើយត្រូវចេញចូលមន្ទីរពេទ្យញឹកញាប់ ពោលគឺពេលគាត់ធ្វើទុក្ខត្រូវនាំចូលមន្ទីរពេទ្យ ធ្វើការពិនិត្យយ៉ាងហោចណាស់ ក៏ ៣ទៅ៤ថ្ងៃម្ដងដែរ។ លោក ស៊ូ វណ្ណៈ បានថ្លែងប្រាប់បន្តទៀតថា ដោយសារតែជីវភាពខ្វះខាត លោកបានធ្វើលិខិតស្នើសុំទៅស្ថាប័នក្រសួងមួយចំនួន ដែលមាន […]

នៅថ្ងៃអាទិត្យ ៩រោច ខែកត្តិក ឆ្នាំឆ្លូវ ត្រីស័ក ព.ស.២៥៦៥ ត្រូវនឹង ថ្ងៃទី២៨ ខែវិច្ឆិកា ឆ្នាំ២០២១ នាពេលខាងមុខ ដើម្បីអបអរសាទរ សម្បត្តិបេតិកភណ្ឌវប្បធម៌រូបីនិងអរូបីដែលត្រូវបានចុះក្នុងបញ្ជីបេតិកភណ្ឌពិភពលោក និងបេតិកភណ្ឌអរូបីនៃមនុស្សជាតិ ពិសេសអបអរសាទរខួប៣ឆ្នាំនៃការដាក់បញ្ជូលល្ខោនខោលកម្ពុជាចូលជាសម្បត្តិបេតិកភណ្ឌវប្បធម៌អរូបីនៃមនុស្សជាតិ។ ឯកឧត្តម ហ៊ឺ វីរៈ រដ្ឋលេខាធិការក្រសួងវប្បធម៌ និងវិចិត្រសិល្បៈ និងជាប្រធានក្រុមការងាររៀបចំព្រឹត្តិការណ៍នាឱកាសសំណេះសំណាលក្នុងពិធីហាត់សមនាពេលកន្លងមក បានមានប្រសាសន៍ថាព្រឹត្តិការណ៍សិល្បៈនេះ ក្រៅពីមានការសម្តែងនូវទស្សនីយភាពសិល្បៈចម្រុះទាំងបុរាណនិងសម័យ គឺមានការសម្តែង ល្ខោនខោល ក្នុងគោលបំណងចង់ឱ្យសាធារណជនជាតិនិងអន្តរជាតិ បានឃើញកាន់តែច្បាស់អំពីកិត្យានុភាពនៃវប្បធម៌ជាតិខ្មែរខណៈដែលល្ខោនខោលសហគមន៍វត្តស្វាយអណ្តែតតំណាងឱ្យល្ខោនខោលកម្ពុជា ត្រូវបានទទួលស្គាល់ដោយអង្គការ UNESCO អស់រយៈពេល៣ឆ្នាំកន្លងទៅ ក្នុងការចុះបញ្ជីជាសម្បត្តិបេតិកភណ្ឌវប្បធម៌អរូបីនៃមនុស្សជាតិ។ ឯកឧត្តមបន្តថាព្រឹត្តិការណ៍ដ៏មានសារៈសំខាន់នេះ នឹងមានការផ្សាយផ្ទាល់តាមរយៈផេកផ្លូវការរបស់ ក្រសួងវប្បធម៌ និងវិចិត្រសិល្បៈ និងតាមបណ្តាស្ថានីយ៍ទូរទស្សន៍-សារព័ត៌មាន-បណ្តាញទំនាក់ទំនងសង្គម មួយចំនួនដែលនឹងរួមគ្នាផ្សព្វផ្សាយឱ្យកាន់តែទូលំទូលាយ ដើម្បីឱ្យពិភពលោកបានឃើញពីតម្លៃល្ខោនខោលកម្ពុជាដែលជាតម្លៃនៃមនុស្សជាតិ ហើយនេះក៏ជាបំណងដែលយើងគ្រប់គ្នាចង់បាន។ ឯកឧត្តម ក៏បាន អំពាវនាវឱ្យប្រជាជនខ្មែរជាពិសេសយុវជនបន្តសកម្មភាពគាំទ្រឱ្យបានកាន់តែខ្លាំងក្លាបន្ថែមទៀត ដើម្បីថែរក្សាសម្បត្តិបេតិកភណ្ឌវប្បធម៌ដ៏សម្បូរបែបដែលដូនតាខ្មែរយើងបន្សល់ទុកឱ្យនៅបានយូរអង្វែងតទៅមុខទៀត។ដោយឡែក ឯកឧត្តម ទិត ថាវរិទ្ធ អនុរដ្ឋលេខាធិការ និងជាអនុប្រធានអចិន្រ្តៃយ៍ក្រុមការងារទទួលបន្ទុករៀបចំព្រឹត្តិការណ៍និងជាប្រធានក្រុមការងារបច្ចេកទេសរៀបចំព្រឹត្តិការណ៍ និងសិល្បទស្សនីយភាព បានបញ្ជាក់បន្ថែមទៀតថា នេះជាលើកទី២ហើយដែលក្រសួងវប្បធម៌និងវិចិត្រសិល្បៈ បានរៀបចំនូវព្រឹត្តិ្កការណ៍នេះឡើងបន្ទាប់ពីបានរៀបចំនូវព្រឹត្តិការណ៍រាត្រីចងចាំលើកទី១ នៅលើទឹកដីអង្គរខេត្តសៀមរាប ដែលមានអ្នកចូលរួមទស្សនាដោយផ្ទាល់ប្រមាណជាង២ម៉ឺននាក់។ ប៉ុន្តែឆ្នាំ២០២១នេះ […]

យោងតាមការបញ្ជាក់ពី សមាគមសិល្បករខ្មែរ បានឲ្យដឹងថា តាងនាម សមាគមសិល្បករខ្មែរ និងក្នុងនាមខ្ញុំផ្ទាល់ យើងខ្ញុំមានសេចក្តីរន្ធត់ចិត្តយ៉ាងក្រៃលែង និងសោកស្តាយជាទីបំផុត ដែលតារាចម្រៀង និងសម្តែងជើងចាស់ លោកស្រី កែវ មន្ថា បានទទួលមរណភាព នៅថ្ងៃព្រហស្បតិ៍ ៧កើត ខែកត្តិក ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី១១ ខែវិច្ឆិកា ឆ្នាំ២០២១ វេលាម៉ោង ១២:២០នាទី អធ្រាត្រ ក្នុងជន្មាយុ ៧៧ឆ្នាំ ដោយរោគាពាធ។ មរណភាពរបស់លោកស្រី កែវ មន្ថា គឺជាការបាត់បងនូវសិល្បករផ្នែកចម្រៀង និងសម្តែង ដ៏មានទេពកោសល្យមួយរូប ក្នុងបុព្វហេតុលើកស្ទួយតម្លៃវប្បធម៌ជាតិខ្មែរ និងជាការបាត់បង់ភរិយា ម្តាយ ប្រកបដោយស្វាមីភក្តិ ព្រហ្មវិហារធម៌ របស់ស្វាមី និងកូនៗ។ យើងខ្ញុំទាំងអស់គ្នាសូមចូលរួមសម្តែងមរណទុក្ខដ៏សែនក្រៀមក្រំ និងសោកស្តាយជាទីបំផុតជា មួយ លោក សុត ហុល និងក្រុមគ្រួសារ សូមឧទ្ទិសបួសសួងសុំឲ្យដួងវិញ្ញាណក្ខន្ធលោកស្រី កែវ មន្ថា ទៅកាន់សុគតិភពកុំបីឃ្លៀងឃ្លាតឡើយ។ សូម […]