(ភ្នំពេញ)៖ កាលពីថ្ងៃទី១០ ខែឧសភា ឆ្នាំ២០២៤ ក្រុមហ៊ុនភ្នាក់ងារពាណិជ្ជកម្ម Prakit Advertising Cambodia បានចុះកិច្ចសហប្រតិបត្តិការយ៉ាងជោគជ័យមួយ ជាមួយគណៈគ្រប់គ្រងប្រចាំស្ថានីយទូរទស្សន៍ ប៉ុស្តិលេខ 7HD ដែលបានធ្វើឡើងនៅសណ្ឋាគារ Fairfield by Marriott ភ្នំពេញកន្លងទៅនេះ។ ការចុះអនុស្សារណៈយោគយល់គ្នានេះ បានផ្ដល់ឱកាសឲ្យក្រុមហ៊ុនភ្នាក់ងារពាណិជ្ជកម្ម Prakit Advertising Cambodia បានទទួលតារាល្បីៗផ្ដាច់មុខពីប្រទេសថៃ មកក្នុងប្រទេសកម្ពុជារបស់យើងផងដែរ។

នៅក្នុងព្រឹត្តការណ៍នេះដែរក៏មានការចូលរួមពីសំណាក់ថ្នាក់ដឹកនាំសំខាន់ៗនៅក្នុងរាជធានីភ្នំពេញនេះផងដែរ។

មានការចូលរួមពីសំណាក់ឥស្សរជនដ៏លេចធ្លោធំៗមួយចំនួនដូចជា ឯកឧត្តម ឈឺគៀត អាត់ថាករ ឯកអគ្គរាជទូតថៃប្រចាំព្រះរាជាណាចក្រកម្ពុជា លោក Chantup Desabaedya (ចាន់ថាប់ ថេសាផេត) អគ្គនាយកក្រុមហ៊ុន ភ្នាក់ងារពាណិជ្ជកម្ម Prakit Advertising Cambodia និងលោក Pattanapong Nuphan (ផាត់ថាណាក់ភុង នូផាន់) អគ្គនាយកគ្រប់គ្រង ស្ថានីយទូរទស្សន៍ BBTV ប៉ុស្តិលេខ 7HD ។

លោក Chantup Desabaedya (ចាន់ថាប់ ថេសាផេត) អគ្គនាយកក្រុមហ៊ុន ភ្នាក់ងារពាណិជ្ជកម្ម Prakit Advertising Cambodia ក៏បានផ្ដល់ជាអនុសាសន៍ខ្លះៗទាក់ទងនឹងចក្ខុវិស័យក្នុងដៃគូពាណិជ្ជកម្មផងដែរ។

«ពួកយើងស្រឡាញ់និងគោរពអ្នកគាំទ្រដែលជាប្រជាជនកម្ពុជាជាខ្លាំង។ ព្រឹត្តិការណ៍ដ៏អស្ចារ្យនេះ ត្រូវបានចាត់ទុកជាចំណុចចាប់ផ្ដើមមួយនៃការពង្រឹងមិត្តភាពដែលជាដៃគូពាណិជ្ជកម្មរវាងក្រុមហ៊ុនភ្នាក់ងារពាណិជ្ជកម្ម Prakit Advertising Cambodia បានចុះកិច្ចសហប្រតិបត្តិការយ៉ាងជោគជ័យ ជាមួយគណៈគ្រប់គ្រងប្រចាំស្ថានីយទូរទស្សន៍ ប៉ុស្តិលេខ៧ រួមទាំងមានចក្ខុវិស័យនៅក្នុងការបង្កើតមាតិកាដែលមានគុណភាព ឲ្យកាន់តែទាក់ទាញទស្សនិកជនបន្ថែមទៀត។ គោលបំណងដ៏ធំរបស់យើងគឺ ការផលិតនូវមាតិកាដែលទាក់ទាញនិង បម្រីទស្សនិយភាពទៅកាន់អ្នកគាំទ្រទាំងអស់នៅក្នុងប្រទេសកម្ពុជា។

ដោយមានបណ្តាញទំនាក់ទំនងយ៉ាងរឹងមាំជាមួយនឹងតារាល្បីៗលំដាប់កំពូលនៅក្នុងប្រទេសថៃ ក្រុមហ៊ុនភ្នាក់ងារពាណិជ្ជកម្ម Prakit Advertising Cambodia នឹងរិះរកអ្វីដែលថ្មី ដើម្បីផ្តល់ឲ្យអតិថិជនរបស់យើងនូវ លក្ខខណ្ឌដែលច្បាស់លាស់មួយ ដែលអាចធានាបានថា ពួកយើងមិនមែនត្រឹមតែផ្តល់ជាមាតិកាដែលផលិតទៅជាមួយគុណភាពខ្ពស់ប៉ុណ្ណោះទេ គឺអាចយកទៅប្រើបាស់បានដោយមានទំនុកចិត្ត។»

ក្រុមហ៊ុនភ្នាក់ងារពាណិជ្ជកម្ម Prakit Advertising Cambodia គឺជាក្រុមហ៊ុនផ្សាយពាណិជ្ជកម្មឈានមុខគេមួយដែលមានបុគ្គលិក មានទាំងចំណេះដឹង និងការយល់ដឹង រួមទាំងមានបទពិសោធន៍ស្តង់ដារអន្តរជាតិដ៏យូរអង្វែងផងដែរ។ ក្រុមហ៊ុនយើងនឹងនាំយកនូវកំពូលតារាល្បីៗប្រចាំស្ថានីយទូរទស្សន៍ BBTV ប៉ុស្តិលេខ 7HD ផ្ដាច់មុខមកកាន់ប្រទេសកម្ពុជា ។

មិនតែប៉ុណ្ណោះ នៅក្នុងព្រឹត្តិការណ៏នេះ ក៏មានការចូលរួមសម្តែងពីសំណាក់វត្តមានតារាថៃល្បីៗមួយចំនួនដូចជា លោក Mike Pattaradet (ម៉ាយ ផាត់ថារ៉ាដេត) , លោក Mik Thongraya មីក ថងរ៉ាយា, កញ្ញា Pinkploy Papawadee (ពីងផ្លយ ប៉ាផាវាឌី) កញ្ញា Pupe Kessarin (ផុបពេផាសារីន) និង កញ្ញា Ms. Garn Nuttacha (កានណាត់តាឆា) ផងដែរ។