(ភ្នំពេញ)៖ រាជរដ្ឋាភិបាលកម្ពុជា នៅព្រឹកថ្ងៃទី២៧ ខែមិថុនានេះ បានប្រគល់ប្រាក់រង្វាន់លើកទឹកចិត្តដល់គ្រូបង្វឹក គ្រូជំនួយ និងកីឡាករ-កីឡាការិនីជ័យលាភីកីឡាស៊ីហ្គេម លើកទី៣២ និងអាស៊ានប៉ារ៉ាហ្គេម លើកទី១២ ឆ្នាំ២០២៣ ដែលមានទឹកប្រាក់សរុបចំនួន ២៧,៣០៣,៦០០,០០០រៀល ស្មើនឹងប្រមាណ ៦,៦៥៩,៤១៤ដុល្លារអាមេរិក។ ការប្រគល់ប្រាក់រង្វាន់លើកទឹកចិត្តរបស់រាជរដ្ឋាភិបាលកម្ពុជា ធ្វើឡើងក្រោមអធិបតីភាពសម្ដេចពិជ័យសេនា ទៀ បាញ់ ឧបនាយករដ្ឋមន្ដ្រី រដ្ឋមន្ដ្រីក្រសួងការពារជាតិ និងជាប្រធានគណៈកម្មាធិការជាតិ CAMSOC/CAMAPGOC តំណាងដ៏ខ្ពង់ខ្ពស់របស់សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា នៅក្នុងកិច្ចប្រជុំបូកសរុបលទ្ធផលការងាររៀបចំការប្រកួត និងពិធីប្រគល់ប្រាក់រង្វាន់លើកទឹកចិត្ដដល់អត្តពលិកជ័យលាភី និងគ្រូបង្វឹក-គ្រូជំនួយ ។ លោកបណ្ឌិត ថោង ខុន រដ្ឋមន្ដ្រីក្រសួងទេសចរណ៍ និងជាអនុប្រធានអចិន្ដ្រយ៍ CAMSOC/CAMAPGOC បានបញ្ជាក់ថា ដោយទទួលបានការយកចិត្ដទុកដាក់ខ្ពស់ពីរាជរដ្ឋាភិបាល គឺបានចេញអនុក្រឹត្យផ្ដល់ប្រាក់រង្វាន់ជូនអត្តពលិកជាតិ និងគ្រូបង្វឹក-គ្រូជំនួយ ដោយមេដាយមាស ទទួលបាន ៤០លានរៀល មេដាយប្រាក់ ៣០លានរៀល និងមេដាយសំរឹទ្ធ ១៦លានរៀល ខណៈគ្រូបង្វឹក ទទួលបានដូចកីឡាករមេដាយខ្ពស់បំផុតរបស់ខ្លួន និងគ្រូជំនួយក៏ទទួលបាន ៧០% នៃគ្រូបង្វឹកផងដែរ ។ គួរដឹងថា […]

(សិង្ហបុរី)៖ កីឡាការិនីចំបាប់ជម្រើសជាតិកម្ពុជា ឌិត សំណាង ដណ្ដើមបានមេដាយប្រាក់ នៃព្រឹត្តិការណ៍កីឡាចំបាប់ឆ្នេរខ្សាច់ពិភពលោក (Beach Wrestling World Series 2023 in Singapore) នៅល្ងាចថ្ងៃទី១១ ខែមិថុនា ឆ្នាំ២០២៣នេះ នៅប្រទេសសិង្ហបុរី។ តាមការបញ្ជាក់របស់លោក ខេស៊ី បាណេត អនុប្រធានសហព័ន្ធកីឡាចំបាប់កម្ពុជា និងជាអ្នកឧបត្ថម្ភដល់បេសកកម្មរបស់ប្រតិភូ និងអត្តពលិកកម្ពុជាខាងលើ បានបញ្ជាក់ថា នេះជាលើកដំបូងហើយ ដែលកម្ពុជាបានបញ្ចូនកីឡាករ-កីឡាការិនីចូលរួមប្រកួតកីឡាចំបាប់ឆ្នេរខ្សាច់ពិភពលោកនេះ។ ជាលទ្ធផលកីឡាការិនី ឌិត សំណាង ធ្វើបានយ៉ាងល្អ ដោយទទួលបានមេដាយប្រាក់ បន្ទាប់ពីឆ្លងកាត់ប្រកួតដ៏ស្វិតស្វាញចំនួន ៦ប្រកួត ពោលគឺបានយកឈ្នះកីឡាការិនីអាហ្វ្រិក កេនយ៉ា បារាំង អេស្ប៉ាញ និងកីឡាការិនីចិន នៅក្នុងវគ្គពាក់កណ្ដាលផ្ដាច់ព្រ័ត្រ តែសោកស្ដាយប្រកួតចុងក្រោយ សំណាង ចាញ់កីឡាការិនីរ៉ូម៉ានី Priceputu នៅផ្ដាច់ព្រ័ត្រ។ យ៉ាងណាក្ដី អនុប្រធានសហព័ន្ធខាងលើ បានចាត់ទុកនេះ គឺជាសមិទ្ធផលថ្មីមួយទៀត សម្រាប់វិស័យកីឡាចំបាប់កម្ពុជា ។ អ្វីដែលពិសេស គឺជោគជ័យរបស់កីឡាការិនី ឌិត សំណាង នេះ […]

(ភ្នំពេញ)៖ អត្តពលិក គង់ សិលា បន្តឈ្នះមេដាយមាស ១គ្រឿងបន្ថែមទៀត នៃការប្រកួតក្នុងវិញ្ញាសាលើកទម្ងន់ជនពិការ ប្រភេទទម្ងន់ ១០៧កីឡូក្រាម ក្នុងព្រឹត្តិការណ៍អាស៊ានប៉ារ៉ាហ្គេម លើកទី១២ ដែលនេះជាការឈ្នះមេដាយមាស លើកទី២ របស់រូបគេ ក្រោយការបូកសរុបការលើកទាំង ៣ជុំ ដោយធ្វើបានសរុប ១៥៨គីឡូក្រាម ដែលការប្រកួតធ្វើឡើងនៅមជ្ឈមណ្ឌលជាតិជនពិការ នៅព្រឹកថ្ងៃទី៧ ខែមិថុនា ឆ្នាំ២០២៧។ អត្តពលិកជនពិការកម្ពុជា គង់ សិលា គឺជាកីឡាករបុរសដំបូងគេបង្អស់ ដែលបានមេដាយមាស ២គ្រឿង ក្នុងព្រឹត្តិការណ៍អាស៊ានប៉ារ៉ាហ្គេម លើកទី១២។ ហើយជោគជ័យនេះ ធ្វើឲ្យកម្ពុជា កើនមេដាយមាស ៨គ្រឿង៕ ផ្តល់សិទ្ធិដោយ៖ freshnews

(ភ្នំពេញ)៖ អបអរសាទរ! កីឡាករ វ៉ាន់ វុន ដែលបានឈ្នះមេដាយប្រាក់ ប្រភេទកីឡាអត្តពលកម្ម លើវិញ្ញាសាប្រណាំងរទេះ T54 ចំងាយ១០០ម៉ែត្រ នៃព្រឹត្តិការណ៍កីឡាអាស៊ានប៉ារ៉ាហ្គេម លើកទី១២ ដែលការប្រកួតធ្វើឡើងនៅពហុកីឡដ្ឋានជាតិមរតកតេជោ, ថ្ងៃទី០៥ ខែមិថុនា ឆ្នាំ២០២៣៕ ផ្តល់សិទ្ធិដោយ៖ freshnews

(ភ្នំពេញ)៖ គិតត្រឹមម៉ោង ១៖០០នាទី នាព្រឹកថ្ងៃទី០៥ ខែមិថុនានេះ ម្ចាស់ផ្ទះកម្ពុជា កំពុងមានមេដាយសរុប ១២គ្រឿង ឈរលេខរៀងទី៨ រួមមានមេដាយមាស ២, ប្រាក់ ៥ និងសំរឹទ្ធ ៥គ្រឿង, ខណៈក្រុមឥណ្ឌូនេស៊ី នៅតែបន្តឈរនាំមុខកំពូលតារាង ដោយរកបានមេដាយសរុប ៩៧គ្រឿងជាបណ្តោះអាសន្ន, នៃព្រឹត្តិការណ៍កីឡាអាស៊ានប៉ារ៉ាហ្គេម លើកទី១២ ឆ្នាំ២០២៣៕ ផ្តល់សិទ្ធិដោយ៖ freshnews

(ភ្នំពេញ)៖ អបអរសារទ ក្រុមបាល់បោះជិះរទេះជនពិការនារីកម្ពុជា ដណ្ដើមបានមេដាយមាស ក្រោយយកឈ្នះនារីថៃ ១១-៩ លើវិញ្ញាសានារី (៣នាក់ ទល់ ៣នាក់) នៃការប្រកួតកីឡាអាស៊ានប៉ារ៉ាហ្គេម លើកទី១២ ឆ្នាំ២០២៣ ដែលការប្រកួតធ្វើឡើងនៅមជ្ឈមណ្ឌលកីឡាក្នុងសាល នៃពហុកីឡដ្ឋានជាតិមរតកតេជោ នៅព្រឹកថ្ងៃទី០៣ ខែមិថុនា ឆ្នាំ២០២៣។ នេះជាមេដាយមាសលើកដំបូង នៃការដណ្តើមបានមេដាយមាស ក្នុងព្រឹត្តិការណ៍កីឡាអាស៊ានប៉ារ៉ាហ្គេម លើកទី១២ ឆ្នាំ២០២៣ សម្រាប់ក្រុមម្ចាស់ផ្ទះកម្ពុជា លើកប្រភេទកីឡាបាល់បោះរទេះជនពិការផ្នែកនារី ក្នុងវិញ្ញាសា (៣នាក់ ទល់ ៣នាក់) និងជាការការពារមេដាយមាស បានសម្រេចរបស់ក្រុមកម្ពុជា បន្ទាប់ពីធ្វើបាននៅអាស៊ាប៉ារ៉ាហ្គេម លើកទី១១ នៅឥណ្ឌុនេស៊ី ឆ្នាំ២០២២ ៕ ផ្តល់សិទ្ធិដោយ៖ freshnews

(ភ្នំពេញ)៖ ៣ប្រភេទកីឡាកំពុងចាប់ផ្តើមប្រកួតនាព្រឹកនេះ ស្របពេលពិធីបើកជាផ្លូវការនៃព្រឹត្តិការណ៍កីឡាអាស៊ានប៉ារ៉ាហ្គេម លើកទី១២ មានការអញ្ជើញចូលរួមដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នៅពហុកីឡដ្ឋានជាតិមរតកតេជោ នឹងធ្វើឡើងនៅល្ងាចនេះ សម្រាប់ថ្ងៃទី០៣ ខែមិថុនា ឆ្នាំ២០២៣។ ៣ប្រភេទកីឡាដែលកំពុងចាប់ផ្តើមប្រកួតនាព្រឹកនេះ មានកីឡាអុក, កីឡាបាល់បោះរទេះ និងកីឡាវាយសីជនពិការ ក្នុងនោះក្រុមបាល់បោះជិះរទេះនារីកម្ពុជា បានឈានមកដល់វគ្គផ្ដាច់ព្រ័ត្រ លើវិញ្ញាសា ៣នាក់ ទល់ ៣នាក់ ក្នុងការប្រកួតការពារមេដាយមាស របស់កម្ពុជា ដោយត្រូវជួបក្រុមថៃ នាព្រឹកនេះ៕ ផ្តល់សិទ្ធិដោយ៖ freshnews

(ភ្នំពេញ)៖ ទង់ព្រឹត្តិការណ៍កីឡាជនពិការ អាស៊ានប៉ារ៉ាហ្គេម លើកទី១២ ឆ្នាំ២០២៣ ដែលប្រទេសកម្ពុជាធ្វើជាម្ចាស់ផ្ទះនោះ ត្រូវបានរៀបចំពិធីបង្ហូតជាផ្លូវការហើយនាព្រឹកថ្ងៃសុក្រ ទី០២ ខែមិថុនានេះ នៅមុខពហុកីឡដ្ឋានជាតិមរតកតេជោ ជាទីតាំងបើក និងបិទការប្រកួតតែម្តង។ ពិធីបង្ហូតទង់ប្រចាំយុទ្ធនាការមានរយៈពេល ២ម្តងនេះដែរ គឺត្រូវបានប្រារព្ធធ្វើឡើងមុន ១ថ្ងៃនៃពិធីបើកជាផ្លូវការ ក្រោមវត្តមានលោក ហ៊ុន ម៉ានី ប្រធានសហភាពសហព័ន្ធយុវជនកម្ពុជា (ស.ស.យ.ក) រួមទាំងលោក ថោង ខុន និងលោក វ៉ាត់ ចំរើន រួមទាំងថ្នាក់ដឹកនាំមកពី ១០ប្រទេសក្នុងតំបន់អាស៊ានផងដែរ ដោយមានការអញ្ជើញចូលរួមពីថ្នាក់ដឹកនាំគណៈកម្មាធិការជាតិ CAMAPGOC សហព័ន្ធកីឡាជនពិការអាស៊ីអាគ្នេយ៍ (APSF) ទៀតផង៕ ផ្តល់សិទ្ធិដោយ៖ freshnews

(ភ្នំពេញ)៖ ការប្រកួតកីឡាបាល់បោះជិះរទេះជនពិការ នៃព្រឹត្តិការណ៍កីឡាអាស៊ានប៉ារ៉ាហ្គេម លើកទី១២ នឹងត្រូវចាប់ផ្ដើមការប្រកួត នៅថ្ងៃទី០២ ខែមិថុនា ឆ្នាំ២០២៣ នេះហើយ នៅមជ្ឈមណ្ឌលកីឡាក្នុងសាល(សាលដំរី) នៃពហុកីឡដ្ឋានជាតិមរតកតេជោ សម្រាប់វិញ្ញាសា ៣នាក់ ទល់ ៣នាក់ ទាំងផ្នែកបុរស និងនារី ខណៈក្រុមកីឡាការិនីកម្ពុជា ត្រូវការពារតំណែងមេដាយមាសរបស់ខ្លួនលើវិញ្ញាសានេះ ។ សម្រាប់វិញ្ញាសា ៣នាក់ ទល់ ៣នាក់ ចំពោះផ្នែកបាល់បោះជិះរទេះបុរស គឺមានបេក្ខភាព ៥ក្រុមប្រទេសចូលរួម គឺមានថៃ ឥណ្ឌូនេស៊ី ម៉ាឡេស៊ី ហ្វីលីពីន និងម្ចាស់ផ្ទះកម្ពុជា គ្រាដែលផ្នែកនារី មានបេក្ខភាព ៤ប្រទេសចូលរួម គឺមានថៃ ឡាវ ហ្វីលីពីន និងម្ចាស់ផ្ទះកម្ពុជា ។ ចំពោះរូបមន្ដប្រកួត ទាំងផ្នែកបុរស និងនារី គឺត្រូវធ្វើការប្រកួតសន្សំពិន្ទុវិលជុំ បន្ទាប់មកក្រុមមានពិន្ទុខ្ពស់ជាងគេ ២ក្រុម គឺក្រុមឈរលេខ១ និងលេខ២ ត្រូវជួបគ្នានៅវគ្គផ្ដាច់ព្រ័ត្រ ដើម្បីដណ្ដើមមេដាយមាស ខណៈក្រុមលេខ៣ និងលេខ៤ ត្រូវជួបគ្នា ដើម្បីដណ្ដើមមេដាយសំរឹទ្ធ ។ […]

(ភ្នំពេញ)៖ នៅសល់ ៥ថ្ងៃទៀតប៉ុណ្ណោះ ការប្រកួតកីឡាអាស៊ានប៉ារ៉ាហ្គេម លើកទី១២ នៅកម្ពុជា នឹងមកដល់ ពោលគឺចាប់ផ្ដើមការប្រកួតពីថ្ងៃទី០៣-០៩ ខែមិថុនា ឆ្នាំ២០២៣ ខាងមុខ នៅតាមបណ្ដាទីលាន ក្នុងរាជធានីភ្នំពេញ។ ក្រឡេកមកចាប់អារម្មណ៍ប្រតិភូកីឡា ដែលត្រូវចូលរួមព្រឹត្តិការណ៍កីឡាជនពិការប្រចាំតំបន់លើកដំបូងនៅកម្ពុជានេះ គឺមានចំនួនសរុប ២,៦៩២នាក់ មកពី ១១ប្រទេស រួមទាំងម្ចាស់ផ្ទះកម្ពុជា ខណៈថៃ គឺជាប្រទេស ដែលបញ្ចូនអត្តពលិកមកប្រកួតច្រើនជាងគេ ក្នុងនោះមានអត្តពលិក ៣០៤នាក់ និងមន្ដ្រីបច្ចេកទេស ៣២៥នាក់ សរុប ៦២៩នាក់។ ចំណែកឥណ្ឌូនេស៊ី បញ្ជូនប្រតិភូកីឡាសរុប ៥៨០នាក់ (អត្តពលិក ២៧៥នាក់ និងមន្ដ្រីបច្ចេកទេស ៣០៥នាក់) គ្រាដែលកម្ពុជា មានប្រតិភូកីឡាចូលរួមសរុប ៣៤៣នាក់ (អត្តពលិក ២៥២នាក់ និងមន្ដ្រីបច្ចេកទេស ៩១នាក់) ។ ហ្វីលីពីន បញ្ចូនប្រតិភូកីឡាសរុប ២៧២នាក់ (អត្តពលិក ១៧៦នាក់ និងមន្ដ្រីបច្ចេកទេស ៩៦នាក់)។ ម៉ាឡេស៊ី បញ្ចូនប្រតិភូកីឡាសរុប ២៩០នាក់ (អត្តពលិក […]