(ភ្នំពេញ)៖ សម្តេចតេជោ ហ៊ុន សែន ប្រធានព្រឹទ្ធសភាកម្ពុជា នៅរសៀលថ្ងៃទី១៦ ខែធ្នូ ឆ្នាំ២០២៥នេះ បានចេញមកបដិសេធ ចំពោះការផ្សាយរបស់សារព័ត៌មានថៃមួយចំនួន ដែលថា កម្ពុជាមានទាហានរុស្ស៉ី និងជនបរទេស ជួយប្រយុទ្ធប្រឆាំងការឈ្លានពានរបស់ថៃ។ សម្តេចតេជោ ហ៊ុន សែន បញ្ជាក់ថា កម្ពុជាពុំមានជនជនជាតិរុស្ស៉ី ឬជនជាតិបរទេសផ្សេងទៀត ចូលរួមការប្រយុទ្ធលើសមរភូមិ ឬធ្វើជាទីប្រឹក្សាយោធាសម្រាប់កងទ័ពកម្ពុជានោះឡើយ។ សម្តេចតេជោ ហ៊ុន សែន បានបង្ហោះសារដូច្នេះថា «ប៉ុន្មានថ្ងៃមកនេះ មានការចុះផ្សាយដោយសារព័ត៌មានថៃមួយចំនួនដោយបានលើកឡើងថា មានទាហានរស្ស៉ី និងជនបរទេសមួយចំនួនកំពុងចូលរួមប្រយុទ្ធនៅកម្ពុជា។ ដើម្បីរក្សានូវសេចក្តីថ្លៃថ្នូររបស់កម្ពុជាក៏ដូចជារបស់រុស្ស៉ី និងជនបរទេសផ្សេងទៀតដែលត្រូវបានគេចោទ។ ខ្ញុំសូមបញ្ជាក់ជូនថាកម្ពុជាពុំមានជនជនជាតិរុស្ស៉ី ឬជនជាតិបរទេសផ្សេងទៀត ចូលរួមការប្រយុទ្ធលើសមរភូមិ ឬធ្វើជាទីប្រឹក្សាយោធាសម្រាប់កងទ័ពកម្ពុជានោះឡើយ។ យើងមិនមានយោធាបរទេសលើទឹកដីកម្ពុជា កើតមានតាំងពីអ៊ុនតាក់ដកចេញចេញពីកម្ពុជានាឆ្នាំ១៩៩៣មកម្ល៉េះ។ យើងទទួលស្គាល់ថាយើងធ្លាប់មានយោធាបរទេស ចូលមកដើម្បីធ្វើសមយុទ្ធចម្រុះជាតិសាសន៍ ឬទ្វេភាគីនៅលើទឹកដីកម្ពុជាពិសេសកងទ័ពជើងទឹកបរទេស ដែលមកតាមច្រកសមុទ្រខេត្តព្រះសីហនុ ដែលនេះជាទម្លាប់ធម្មតាដែលប្រទេសផ្សេងទៀតធ្លាប់បានធ្វើដូចគ្នាក្នុងក្របខ័ណ្ឌនៃកិច្ចសហការក្នុងវិស័យការពារជាតិ។ យើងក៏ទទួលស្គាល់ផងដែរថា ពេលនេះមានជនជាតិបរទេសជាច្រើនជាតិសាសន៍ កំពុងស្នាក់នៅកម្ពជា ដែលជាទេសចរណ៍ វិនិយោគិន អ្នកបច្ចេកទេស អ្នកធ្វើការឲ្យក្រុមហ៊ុនបរទេសឬក្នុងស្រុក។ល។ តែអ្នកទាំងនោះមិនពាក់ពន្ធ័ជាមួយវិស័យយោធា ឬការប្រយុទ្ធនោះឡើយ»៕ ផ្ដល់សិទ្ធិដោយ៖ Fresh News

(ភ្នំពេញ)៖ លោក ទេព អស្នារិទ្ធ អនុរដ្ឋលេខាធិការ និងជាអ្នកនាំពាក្យក្រសួងព័ត៌មាន បានគូសបញ្ជាក់យ៉ាងច្បាស់ថា ការគោរពក្រមសីលធម៌ វិជ្ជាជីវៈ គឺជាមូលដ្ឋានគ្រឹះដ៏សំខាន់ និងមិនអាចខ្វះបាន ដែលផ្តល់សុវត្ថិភាព និងការពារដល់អ្នកសារព័ត៌មានពីការប្រឈមខាងផ្លូវច្បាប់នានា។ ជាមួយគ្នានេះ ក្នុងកាលៈទេសៈនៃជម្លោះព្រំដែនកម្ពុជាថៃ អ្នកសារព័ត៌មាន និងអ្នកអនុវត្តសកម្មភាពក្នុងវិស័យសារព័ត៌មាន និងសោតទស្សន៍ទាំងអស់ត្រូវគោរពច្បាប់ និងលិខិតបទដ្ឋានជាធរមានដោយមិនត្រូវផ្សាយព័ត៌មានដែលប៉ះពាល់ដល់សន្តិសុខជាតិ ការរក្សាស្ថិរភាព និងសណ្តាប់ធ្នាប់សាធារណៈឡើយ ខណៈពេលដែលកម្ពុជាកំពុងជួបការលំបាកនេះ។ ក្នុងឱកាសអញ្ជើញជាវាគ្មិនកម្មវិធីសន្ទនាមតិ «ជីវិតយើង សង្គមយើង» នៃវិទ្យុជាតិកម្ពុជា ក្រោមប្រធានបទស្ដីពី៖ «ក្រមសីលធម៌វិជ្ជាជីវៈ និងសណ្ដាប់ធ្នាប់សារព័ត៌មាន» នៅថ្ងៃអង្គារ ទី១៦ ខែធ្នូ ឆ្នាំ២០២៥ លោក ទេព អស្នារិទ្ធ បានរម្លឹកដាស់តឿន និងជំរុញទឹកចិត្តដល់អ្នកសារព័ត៌មានឱ្យបង្កើនការទទួលខុសត្រូវ ភាពម៉ត់ចត់ និងភាពស្មោះត្រង់ក្នុងការបំពេញភារកិច្ចផ្សព្វផ្សាយព័ត៌មាន ដើម្បីរក្សាបាននូវភាពជឿជាក់ និងភាពត្រឹមត្រូវតាមស្មារតីច្បាប់។ លោក ទេព អស្នារិទ្ធ បានគូសបញ្ជាក់យ៉ាងដូច្នេះថា៖ «ការប្រើពាក្យអសុរោះ ជេរប្រមាទ ទាំងតាមរយៈរូបភាព ឬការអត្ថាធិប្បាយ ជាទង្វើប្រាសចាសក្រមសីលធម៌ ដោយបំពានលើសិទ្ធិបុគ្គល ឬការធ្វើឱ្យប៉ះពាល់ដល់សិទ្ធិ កិត្តិយស សេចក្តីថ្លៃថ្នូររបស់អ្នកដទៃ ដែលគឺជាទង្វើបំពានច្បាប់ជាធរមាន ហើយគេអាចប្តឹងបាន ហើយអ្នកពាក់ព័ន្ធនឹងត្រូវប្រឈម ផ្លូវច្បាប់។ រីឯការផ្សាយប៉ះពាល់ដល់សន្តិសុខជាតិ ស្ថិរភាព […]

(ព្រំដែន)៖ គិតត្រឹមវេលាម៉ោង ៣រសៀលថ្ងៃទី១៦ ខែធ្នូ ឆ្នាំ២០២៥នេះ សមរភូមិមុខតាមបន្ទាត់ព្រំដែនកម្ពុជា-ថៃ នៅតែបន្ដក្ដៅ លើកលែងតែទិសព្រះវិហារ រៀងស្ងាត់ជាងគេបន្ដិច។ * នៅសមរភូមិថ្មដា យោធាថៃបានបន្ដបាញ់ផ្លោង ចូលតំបន់អូរភ្លក់ដំរី និងច្រកច១* នៅសមរភូមិបន្ទាយមានជ័យ ក៏យោធាថៃនៅតែបន្ដបាញ់ផ្លោងចូលដែនអធិបតេយ្យកម្ពុជាដដែល* នៅសមរភូមិឧត្តរមានជ័យ ប្រាសាទតាក្របី ប្រាសាទតាមាន់ ថ្មដូន ក៏យោធាថៃបន្ដបាញ់ផ្លោងដូចគ្នា តែរៀងរវើល* នៅសរមភូមិព្រះវិហារ រៀងស្ងាត់ជាងគេបន្ដិចនៅមុននេះ។ ជាការឆ្លើយតប កម្ពុជាបានប្រើប្រាស់សិទ្ធិការពារដែនអធិបតេយ្យ និងបូរណភាពទឹកដី ដោយបាញ់ទៅកាន់យោធាថៃវិញ និងបន្តឈរជើងការពារទឹកដីយ៉ាងរឹងមាំ៕ ផ្ដល់សិទ្ធិដោយ៖ Fresh News

(ភ្នំពេញ)៖ ឧត្តមសេនីយ៍ឯក រ៉ាត់ ដារ៉ារ័ត្ន រដ្ឋលេខាធិការក្រសួងការពារជាតិ បានអំពាវនាវឱ្យគណៈកម្មាធិការអន្តរជាតិ នៃកាកបាទក្រហម (ICRC) ជួយជំរុញឱ្យយោធាថៃបញ្ឈប់រាល់អរិភាពជាបន្ទាន់ ដោយដកកម្លាំងចេញពីដែនអធិបតេយ្យរបស់កម្ពុជា និងចៀសវាងសកម្មភាពឈ្លានពានដែលគំរាមកំហែងដល់សន្តិភាព និងស្ថិរភាព នៅក្នុងតំបន់។ ការអំពាវនាវបែបនេះរបស់ឧត្តមសេនីយ៍ឯក រ៉ាត់ ដារ៉ារ័ត្ន បានធ្វើឡើងនៅព្រឹកថ្ងៃទី១៦ ខែធ្នូ ឆ្នាំ២០២៥ ក្នុងឱកាសទទួលជួបសម្តែងការគួរសម និងពិភាក្សាការងារ ជាមួយគណៈប្រតិភូគណៈកម្មាធិការអន្តរជាតិនៃកាកបាទក្រហម (ICRC) ដឹកនាំដោយលោក Jurg Montani ប្រធានប្រតិភូគណៈកម្មាធិការអន្តរជាតិនៃកាកបាទក្រហម ប្រចាំភូមិភាគ។ នៅក្នុងជំនួបនោះ លោក Jurg Montani ក៏បានចែករំលែកផងដែរនូវព័ត៌មានអំពីការចុះសួរសុខទុក្ខជា លើកទី៤នាយទាហានទាំង ១៨រូប នៃកងយោធពលខេមរភូមិន្ទ ដែលកំពុងស្ថិតនៅក្រោមការឃុំ គ្រងរបស់យោធាថៃ ក្រោយការចាប់ខ្លួនកាលពីថ្ងៃទី២៩ ខែកក្កដា ឆ្នាំ២០២៥។ ចំពោះការចុះសួរសុខទុក្ខលើកទី៤ ពីសំណាក់គណៈកម្មាធិការកាកបាទក្រហមអន្តរជាតិនោះបានបញ្ជាក់ថា ទាហានយើងទាំង ១៨រូប នៃកងយោធពលខេមរភូមិន្ទ ដែលកំពុងស្ថិតក្រោមការឃុំគ្រងរបស់ភាគីថៃនោះ គឺមានសុវត្ថិភាព និងមានសុខភាពល្អទាំងអស់គ្នា។ លោកក៏បានបញ្ជាក់បន្ថែមថា លោកបានប្រគល់ជូនលិខិតដំណឹងគ្រួសាររបស់យុទ្ធជនទាំង១៨រូប សម្រាប់ជូនដល់ក្រុមគ្រួសាររបស់ពួកគាត់ជាលើកទី៤ តាមរយៈការសម្របសម្រួលរបស់កាកបាទក្រហមកម្ពុជា។ ឧត្តមសេនីយ៍ឯក រ៉ាត់ ដារ៉ារ័ត្ន […]

(វ៉ាស៉ីនតោន)៖ នាថ្ងៃចន្ទ ទី១៥ ខែធ្នូ ប្រធានាធិបតីអាមេរិក លោក ដូណាល់ ត្រាំ បានដាក់ពាក្យបណ្តឹងជាផ្លូវការប្រឆាំង ប្រព័ន្ធផ្សព្វផ្សាយរបស់ចក្រភពអង់គ្លេស BBC ពីបទបរិហារកេរ្តិ៍ ដោយទាមទារសំណងរហូតដល់យ៉ាងហោច ១០ពាន់លានដុល្លារ ជុំវិញវីដេអូឯកសារមួយ ដែលបានកាត់តការថ្លែងសុន្ទរកថាមួយរបស់លោក ទៅកាន់ក្រុមអ្នកគាំទ្រ កាលពីដើមឆ្នាំ២០២១ មុនព្រឹត្តិការណ៍កុបកម្មនៅវិមានសភាអាមេរិក។ នេះបើតាមការចេញផ្សាយដោយ ទីភ្នាក់ងារព័ត៌មាន Reuters។ ពាក្យបណ្តឹងខាងលើ ដែលត្រូវបានដាក់ទៅកាន់តុលាការសហព័ន្ធក្នុងទីក្រុង Miami ទាមទារសំណងគិតជាទឹកប្រាក់មិនតិចជាង​៥ពាន់លានដុល្លារ សម្រាប់បទចោទប្រកាន់នីមួយៗ ក្នុងចំណោមបទចោទប្រកាន់សរុបចំនួន២ ប្រឆាំងសារព័ត៌មាន BBC រួមមាន​ពីបទបរិហារកេរ្តិ៍ និងពីបទបំពានច្បាប់ប្រឆាំងការឆបោកពាណិជ្ជកម្មរបស់រដ្ឋ Florida។ គួរបញ្ជាក់ថា វីដេអូឯកសាររបស់ BBC ដែលចេញផ្សាយកាលពីឆ្នាំ២០២៤ មុនការបោះឆ្នោតប្រធានាធិបតីអាមេរិក បានកាត់បញ្ចូលចំណុច២ដាច់ដោយឡែកពីគ្នា នៃសុន្ទរកថារបស់លោក ត្រាំ កាលពីថ្ងៃទី៦ ខែមករា ឆ្នាំ២០២១ ក្នុងលក្ខណៈមួយដែលស្តាប់ទៅ គឺធ្វើឱ្យរូបលោកហាក់បីដូចជា បានជំរុញឱ្យក្រុមអ្នកគាំទ្ររបស់លោក នាំគ្នាវាយប្រហារលើវិមានសភាជាតិ Capitol ជាទីដែលក្រុមតំណាងរាស្រ្តអាមេរិក ផ្តល់ការទទួលស្គាល់ជាផ្លូវការ ចំពោះជ័យជម្នះរបស់លោក ចូ បៃដិន ក្នុងការបោះឆ្នោតឆ្នាំ២០២០៕ ផ្ដល់សិទ្ធិដោយ៖ […]

(បាងកក)៖ រដ្ឋមន្ត្រីពាណិជ្ជកម្មថៃ លោកស្រី Suphajee Suthamphan នៅថ្ងៃអង្គារ ទី១៦ ខែធ្នូ បានទទួលស្គាល់ថាកិច្ចចរចាពាណិជ្ជកម្មជាមួយសហរដ្ឋអាមេរិកមិនមានភាពរីកចម្រើននោះទេ ជាមួយការបញ្ជាក់ថា សហរដ្ឋអាមេរិកបានកែប្រែលក្ខខណ្ឌរបស់ខ្លួនឡើយ។ នេះបើតាមកាសែតថៃ Khaosod។ លោកស្រី​ Suphajee បាននិយាយថាថៃកំពុងរង់ចាំលទ្ធផលនៃកិច្ចពិភាក្សានៅឯកិច្ចប្រជុំគណៈរដ្ឋមន្ត្រី បន្ទាប់ពីការគូសបញ្ជាក់ថាក្រុមប្រឹក្សាសន្តិសុខជាតិថៃ អាចនឹងរឹតបន្តឹងលើការគ្រប់គ្រងការនាំចេញប្រេងឥន្ធនៈ និងសម្ភារៈយុទ្ធសាស្ត្រទៅកាន់កម្ពុជា។ ដោយឡែក នៅពេលត្រូវបានសាកសួរថាតើសហរដ្ឋអាមេរិកអាចនឹងប្រើប្រាស់ពន្ធគយដើម្បីដាក់សម្ពាធលើថៃឱ្យបញ្ឈប់ការប្រយុទ្ធជាមួយកម្ពុជាដែរឬទេ រដ្ឋមន្ត្រីពាណិជ្ជកម្មរូបនេះ បាននិយាយថាបញ្ហានេះមិនត្រូវបានលើកឡើងជាផ្លូវការជាមួយលោកស្រីនោះឡើយ៕ ផ្ដល់សិទ្ធិដោយ៖ Fresh News

(ភ្នំពេញ)៖ ​លោក ហែម វណ្ណឌី រដ្ឋមន្រ្តីក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ និងជាប្រធានគណៈកម្មាធិការសម្របសម្រួលការអភិវឌ្ឍសេដ្ឋកិច្ចក្រៅប្រព័ន្ធ បានលើកឡើងថា ក្នុងខណៈដែលកម្ពុជា​កំពុងរងការឈ្លានពាន​ពីថៃ ត្រូវនាំគ្នាប្តេជ្ញាប្រែក្លាយការឈឺចាប់របស់យើង ទៅជាកម្លាំងស្នូលរបស់ជាតិ តាមរយៈការពង្រឹងការផលិតឱ្យកាន់តែខ្លាំងជាងមុន ដើម្បី​ជួយដល់សេដ្ឋកិច្ចជាតិឱ្យកាន់តែខ្លាំង ដែលជាផ្នែកមួយជួយដល់ការការពារបូរណភាពទឹកដី។ ថ្លែងអ្នកទៅកាន់អ្នកប្រកបរបរសេដ្ឋកិច្ចក្រៅប្រព័ន្ធជាង៣ពាន់នាក់ ក្នុងខេត្តកំពង់ចាម ក្នុងយុទ្ធនាការផ្សព្វផ្សាយ និងចុះឈ្មោះអ្នកសេដ្ឋកិច្ចក្រៅប្រព័ន្ធ​ នាថ្ងៃទី១៥ ខែធ្នូឆ្នាំ២០២៥ លោកបានគូសបញ្ជាក់បន្តថា«ការជួបជុំគ្នានៅថ្ងៃនេះ នឹងធ្វើឱ្យស្មារតីបងប្អូននឹងនរ ជឿជាក់លើរដ្ឋាភិបាល ជឿជាក់លើការដឹកនាំរបស់សម្តេចមហាបវធិបតី។ សង្រ្គាមកើតឡើងនៅទល់ដែនក៏ពិតមែន ប៉ុន្តែយើងទាំងអស់គ្នានៅទីនេះត្រូវខិតខំកសាង នូវសេដ្ឋកិច្ចរបស់យើង ខិតខំពង្រីក ដើម្បីជួលបងប្អូនយើងដែលត្រឡប់ពីថៃមកវិញ ម្នាក់ជួលបានតែ១ ឬ២នាក់ថែម ក៏យើងអាចជួលបានរាប់ម៉ឺន រាប់ពាន់បានដែរ»។ ​លោកមានប្រសាសន៍​ថា ខណៈដែលប្រទេសជាតិកំពុងត្រូវបានគេឈ្លានពាន ស្មារតីស្នេហាជាតិ​ គឺមានន័យថា ការជួយអភិវឌ្ឍធ្វើឱ្យសេដ្ឋកិច្ច និងប្រទេសជាតិរបស់យើងរឹងមាំ។ ការពង្រឹងជំនាញ និងគុណភាពផលិតផលរបស់ខ្លួន ក៏ជាទម្រង់មួយនៃការស្នេហាជាតិដែរ។ លោកបន្ថែមថា «ដើម្បីឱ្យប្រទេសជាតិយើងខ្លាំងបាន យើងជាបុគ្គលម្នាក់ៗត្រូវតែខ្លាំង អាជីវកម្មត្រូវតែខ្លាំង ខេត្តនីមួយៗត្រូវខ្លាំង»។​ ជាមួយគ្នានេះ លោក ស្នើដល់អាជ្ញាធរខេត្ត និងមន្ទីរឧស្សាហកម្មទាំងអស់ ជួយសម្រួលនិតិវិធី និងផ្តល់ភាពងាយស្រួលដល់ម្ចាស់អាជីវកម្មទាំងអស់ ក្នុងការប្រកបអាជីវកម្ម៕ ផ្ដល់សិទ្ធិដោយ៖ […]

(ភ្នំពេញ)៖ ក្រសួងការពារជាតិ នៅថ្ងៃទី១៦ ខែធ្នូ ឆ្នាំ២០២៥នេះ បានសង្ខេបស្ថានការណ៍នៅតាមបន្ទាត់ព្រំដែនកម្ពុជា-ថៃ អំពីករណីកងកម្លាំងយោធាថៃបន្តការបាញ់ប្រហារ មកលើកងកម្លាំងកម្ពុជានៅយោធភូមិភាគទី៤ និងយោធភូមិភាគទី៥។ ទី១៖ ស្ថានការណ៍ជួរមុខនៅសមរភូមិទិសយោធភូមិភាគទី៤ ក្នុងភូមិសាស្រ្តខេត្តឧត្តរមានជ័យ និងខេត្តព្រះវិហារ ភាគីថៃបានបន្តបាញ់ប្រហារមកលើកម្ពុជា៖ គិតចាប់ពីម៉ោង ១:០០នាទីរំលងអាធ្រាត្រ រហូតដល់ម៉ោង ៨:០០នាទីថ្ងៃទី១៦ ខែធ្នូ ឆ្នាំ២០២៥ – ម៉ោង ១:០០នាទីរំលងអាធ្រាត្រ យោធាថៃបានធ្វើការបាញ់ផ្លោងចូលក្នុងភូមិសាស្ត្រប្រាសាទ តាក្របី និងជប់អង្គុញឥតដាច់។– ម៉ោង ៥:៣០នាទី យោធាថៃចាប់ផ្តើមធ្វើការបាញ់ប្រហារ ដោយប្រើប្រាស់កាំភ្លើងធំ ១៥៥ម.ម ចូលភូមិសាស្ត្រប្រាសាទព្រះវិហារ។– ម៉ោង ៦:០០នាទី យោធាថៃបានបាញ់ផ្លោងចូលភូមិសាស្ត្រប្រាសាទតាក្របី, ប្រាសាទតាមាន់ និងថ្មដូន។– ម៉ោង ៧:២០នាទី យោធាថៃបានបាញ់ចូលភូមិសាស្ត្រភ្នំខ្មោច ដោយប្រើប្រាស់កាំភ្លើងដៃបំពាក់លើរថក្រោះ។ ចំពោះស្ថានការណ៍នៅក្នុងភូមិសាស្រ្តផ្សេងទៀតមានសភាពស្ងប់ស្ងាត់ ប៉ុន្តែកងកម្លាំងរបស់យើងបន្តតាម ដានយ៉ាងយកចិត្តទុកដាក់ និងប្រុងប្រយ័ត្នខ្ពស់ជានិច្ច។ ទី២៖ ស្ថានការណ៍ជួរមុខនៅសមរភូមិទិសយោធភូមិភាគទី៥ ក្នុងភូមិសាស្រ្តខេត្តបន្ទាយមានជ័យ និងខេត្តពោធិ៍សាត់ ភាគីថៃបានបន្តបាញ់ប្រហារមកលើកម្ពុជា៖ គិតចាប់ពីម៉ោង ១៨:០០នាទី ថ្ងៃទី១៥ ខែធ្នូ ឆ្នាំ២០២៥ រហូតដល់ម៉ោង ៨:០០នាទីព្រឹក ថ្ងៃទី១៦ […]

(ភ្នំពេញ)៖ លោក Anatoly Borovik ឯកអគ្គរដ្ឋទូតរុស្ស៉ីប្រចាំនៅកម្ពុជា បានចេញមកទាត់ចោលការផ្សាយរបស់ថៃថា មានពលរដ្ឋរុស្ស៉ីធ្វើជាទាហានស៉ីឈ្នួលឲ្យកម្ពុជា ក្នុងសង្គ្រាមឈ្លានពានថៃលើកម្ពុជា។ លោក Anatoly Borovik បានច្រានចោលបែបនេះ ក្នុងសន្និសីទសារព័ត៌មានរបស់លោក ស្តីពីលទ្ធផលគោលនយោបាយការបរទេសរុស្ស៉ី នាថ្ងៃទី១៦ ខែធ្នូ ឆ្នាំ២០២៥។ លោកបានបញ្ជាក់យ៉ាងដូច្នេះថា «សេចក្តីប្រកាសរបស់ថៃ? មិនដែលមានព័ត៌មានបែបនេះទេ។ ដូច្នេះមិនមានភស្តុតាងអ្វីឡើយ។ បើថៃចោទដោយព័ត៌មានក្លែងក្លាយ យើងខាតពេលច្រើន។ ខ្ញុំមិនធ្វើអត្ថាធិប្បាយទេ»។ សូមជម្រាបថា ស្ថានទូតរុស្ស៉ី នៅក្នុងទីក្រុងបាងកក ប្រទេសថៃ ក៏បានថ្លែងសារថា សេចក្ដីរាយការណ៍របស់ប្រព័ន្ធផ្សព្វផ្សាយថៃមួយចំនួនដែលអះអាងថា មានពលរដ្ឋរុស្ស៉ីបានធ្វើជាទាហានស៊ីឈ្នួល នៅក្នុងជម្លោះព្រំដែន រវាងថៃ និងកម្ពុជា គឺជារឿងមិនពិតនោះទេ។ ស្ថានទូតរុស្ស៉ី អះអាងថា ព័ត៌មានដែលពលរដ្ឋរុស្ស៉ីមួយចំនួនធ្វើជាទាហានស៊ីឈ្នួលក្នុងជម្លោះរវាងប្រទេសទាំង២ គឺជារឿងមិនពិត ហើយ ទំនងជាត្រូវបានប្រឌិតឡើងដោយពីប្រភពនៅខាងក្រៅតំបន់។ ស្ថានទូតបន្ថែមថា ការចោទប្រកាន់បែបនេះអាចធ្វើឱ្យប៉ះពាល់ដល់ សិទ្ធិរបស់ពលរដ្ឋរុស្ស៉ីនៅក្នុងប្រទេសថៃ ដែលស្នាក់នៅក្នុងប្រទេសមួយនេះ ជាភ្ញៀវទេសចរណ៍ ឬធ្វើជំនួញ ហើយក៏អាចបំផ្លាញដល់ទំនាក់ទំនងយូរអង្វែងរវាងរុស្ស៉ី និងថៃផងដែរ។ ស្ថានទូតរុស្ស៉ី រក្សាទំនាក់ទំនងមិត្តភាព និងកិច្ចសហប្រតិបត្តិការទាំងជាមួយកម្ពុជា និងថៃ ហើយគាំទ្រដល់ដំណោះស្រាយសន្តិវិធីដើម្បីបិទបញ្ចប់ជម្លោះព្រំដែន។ យោធាថៃ បានបើកការឈ្លានពានលើកកម្ពុជា កាលពីថ្ងៃទី៧ […]

(ព្រំដែន)៖ នៅវេលាម៉ោងជាង៩ព្រឹក ថ្ងៃទី១៦ ខែធ្នូ ឆ្នាំ២០២៥នេះ យោធាថៃបានបន្ដបាញ់ផ្លោងចូលសមរភូមិភ្នំខ្មោច និងអានសេះ ខេត្តព្រះវិហារ ដើម្បីឈ្លានពានកម្ពុជា។ ជាការឆ្លើយតប កម្ពុជាបានប្រើប្រាស់សិទ្ធិការពារដែនអធិបតេយ្យ និងបូរណភាពទឹកដី ដោយបាញ់ស្រោចទៅកាន់យោធាថៃវិញយ៉ាងចាស់ដៃ៕ ផ្ដល់សិទ្ធិដោយ៖ Fresh News