សូមចូលរួមរំលែកទុក្ខ! មនុស្ស ៤នាក់បានបាត់បង់ជីវិត និងរងរបួសធ្ងន់ស្រាល ៥នាក់ ក្នុងហេតុការណ៍អគ្គិភ័យឆាបឆេះផ្ទះលកនំខេកកាលពីយប់មិញ
(រាជធានីភ្នំពេញ)៖ មនុស្ស ៤នាក់បានបាត់បង់ជីវិត និងរងរបួសធ្ងន់ស្រាល ៥នាក់ ក្នុងហេតុការណ៍អគ្គិភ័យឆាបឆេះផ្ទះលកនំខេកមួយកន្លែងនៅចំណុចផ្ទះលេខ 8D-9D ផ្លូវបេតុង ក្រុមទី១៤ ភូមិបឹងសាឡាង សង្កាត់ឫស្សីកែវ ខណ្ឌឬស្សីកែវ រាជធានីភ្នំពេញ កាលពីវេលាម៉ោង ២២:២០នាទីយប់ ថ្ងៃព្រហស្បតិ៍្ត ៣កេីត ខែមាឃ ឆ្នាំម្សាញ់ សប្តស័ក ព.ស ២៥៦៩ ត្រូវនឹងថ្ងៃទី១៩ ខែកុម្ភៈ ឆ្នាំ២០២៦។
បើតាមការបញ្ជាក់នៅលើផេក បានឱ្យដឹងថា នៅវេលាម៉ោង ២២:២០នាទីយប់ ថ្ងៃព្រហស្បតិ៍្ត ៣កេីត ខែមាឃ ឆ្នាំម្សាញ់ សប្តស័ក ព.ស ២៥៦៩ ត្រូវនឹងថ្ងៃទី១៩ ខែកុម្ភៈ ឆ្នាំ២០២៦ មានករណីអគ្គីភ័យឆាបឆេះលំនៅដ្ឋាន មួយកន្លែង កេីតឡេីងនៅចំណុចផ្ទះលេខ 8D-9D ផ្លូវបេតុង ក្រុមទី១៤ ភូមិបឹងសាឡាង សង្កាត់ឫស្សីកែវ ខណ្ឌឬស្សីកែវ រាជធានីភ្នំពេញ។
– ទី១ម្ចាស់ផ្ទះឈ្មោះ: សន សុខឃីម ភេទប្រុស អាយុប្រហែល ៣៨ឆ្នាំ ជនជាតិ ខ្មែរ
– មុខរបរ: លក់នំខេក។
– មូលហេតុ: កំពុងស្រាវជ្រាវ។
– ប្រភេទសំណង់: ផ្ទះល្វែង ២ល្វែង ថ្មបេតុង ទំហំ (៤ម៉ែត្រ x ១៦ម៉ែត្រ)
– ខូចខាតសម្ភារៈ ផ្ទះល្វែង ៣ល្វែង ទំហំ (៤ម៉ែត្រ x ១៦ម៉ែត្រ) អស់ទាំងស្រុង និងសម្ភារៈប្រេីប្រាស់ប្រចាំថ្ងៃទាំងស្រុង។
– ស្លាប់មនុស្ស : ចំនួន០៤នាក់ (ប្រុស០១នាក់ ស្រី០៣នាក់)។
– របួសមនុស្ស : ចំនួន០៥នាក់ (ស្រី០១នាក់រងរបួសធ្ងន់, ប្រុស០៣នាក់ ជាក្រុមជំនួយស្ម័គ្រចិត្ត)។
– រថយន្តការិ. អគ្គិភ័យ : ចំនួន ២២គ្រឿង ប្រេីប្រាស់ទឹកអស់ចំនួន ១៧៦ឡាន ស្មើនឹង ១០៥៦ម៉ែត្រគូប ។
– រថយន្តជំនួយ: រថយន្តក្រសួងមហាផ្ទៃ ចំនួន០៣គ្រឿង ប្រើប្រាស់ទឹកអស់ចំនួន ០២ឡាន ស្មើនឹង ១២ម៉ែត្រគូប។
– រថយន្តសាលាខណ្ឌឬស្សីកែវ ចំនួន០៣គ្រឿង ប្រេីប្រាស់ទឹកអស់ចំនួន០៤ឡាន ស្មេីរនឹង១៦ម៉ែត្រគូប។
– រថយន្តក្រុមហ៊ុនស្រាបៀរកម្ពុជាចំនួន០១គ្រឿង ប្រេីប្រាស់ទឹកអស់០២ឡាន ស្មេីរនឹង១២ម៉ែត្រគូប។
– ពន្លត់ចប់ : នៅម៉ោង ២និង០០នាទីយប់រំលងអាធ្រាតឈានចូលថ្ងៃទី២០ ខែឆ្នាំដដែល៕
ប្រភព៖