រដ្ឋមន្ត្រី៖ ក្រសួងនឹងតភ្ជាប់បណ្ដាញខ្សែកាប្លិ៍ក្រោមបាតសមុទ្រ ពីហុងកុងមកកម្ពុជា ដែលគ្រោងបញ្ចប់នៅឆ្នាំ២០២៤ នឹងជួយឲ្យអ៉ីនធឺណិតស្ថិរភាពល្អ និងធូរថ្លៃជាងមុន

(ភ្នំពេញ)៖ លោក ជា វ៉ាន់ដេត រដ្ឋមន្ដ្រីក្រសួងប្រៃសណីយ៍ និងទូរគមនាគមន៍ នៅថ្ងៃទី០៤ ខែសីហា ឆ្នាំ២០២២បានថ្លែងឲ្យដឹងថា ក្រសួងមានគម្រោងតបណ្តាញបណ្តាញខ្សែកាប្លិ៍អុបទិក ក្រោមបាតសមុទ្រពីហុងកុង មកព្រះសីហនុ ប្រវែង២ ៧១៥គីឡូម៉ែត្រ ដែលគម្រោងនឹងចាប់ផ្តើមនៅខែតុលាឆ្នាំនេះ និងអាចបញ្ចប់នៅក្នុងឆ្នាំ២០២៤។