(ម៉ានីល)៖ អាជ្ញាធរនៅក្នុងប្រទេសហ្វីលីពីន បានចាប់ខ្លួនមនុស្សប្រហែល ១០០នាក់ កាលពីថ្ងៃសុក្រ ទី៣១ ខែមករា នៅក្នុងប្រតិបត្តិការឆ្មក់បង្រ្កាបលើទីតាំងឆបោកតាមប្រព័ន្ធអនឡាញ មួយកន្លែង នៅក្នុងទីក្រុងម៉ានីល ដែលបានជំរិតទារប្រាក់ពីជនរងគ្រោះជាច្រើននាក់។ នេះបើតាមការចេញផ្សាយដោយទីភ្នាក់ងារសារព័ត៌មាន AFP។ ប្រតិបត្តិការឆ្មក់បង្រ្កាបខាងលើត្រូវបានធ្វើឡើងនៅក្នុងសង្កាត់ហិរញ្ញវត្ថុ Makati នៃទីក្រុងម៉ានីល ក្រោមក្របខណ្ឌនៃការបង្រ្កាបប្រឆាំងពួកជនឆបោកតាមប្រព័ន្ធអនឡាញដែលបន្លំខ្លួននៅក្រោម ស្លាកក្រុមហ៊ុនផលិតហ្គេម។ អាជ្ញាធរហ្វីលីពីនបានចុះឡោមព័ទ្ធការិយាល័យ២កន្លែង និងបានចាប់ខ្លួនជនសង្ស័យជាច្រើននាក់។ ជនសង្ស័យភាគច្រើនជាជនជាតិហ្វីលីពីន ដែលបានក្លាយជា ជនរងគ្រោះនៃអំពើឆបោក​តៗគ្នា តាមរយៈ Tiktok និងបណ្ដាញទំនាក់ទំនងសង្គមដៃទៀត ដោយពួកគេបានធ្លាក់ចូលអន្ទាក់ តាមរយៈការសន្យាផ្ដល់កម្ចីដោយមិនចាំបាច់មានទ្រព្យបញ្ចាំ ក្នុងចំនួនទឹកប្រាក់ ៤២៨ដុល្លារ។ ប៉ុន្តែ ម្ចាស់កម្ចីបានទារការប្រាក់ប្រចាំសប្ដាហ៍ ៣៥ភាគរយ ហើយអ្នកដែលខកខានបង់ នឹងត្រូវរងការធ្វើបាប និងការគំរាមបង្ហោះព័ត៌មានផ្ទាល់ខ្លួននៅលើអនឡាញ ខណៈជនរងគ្រោះមួយចំនួន ដែលរងការធ្វើបាប មានបញ្ហាផ្លូវចិត្ត រហូតដល់មានអ្នកខ្លះសម្រេចចិត្តសម្លាប់ខ្លួនឯង។ គួរបញ្ជាក់ថា ការិយាល័យអង្គការសហប្រជាជាតិប្រយុទ្ធប្រឆាំងគ្រឿងញៀន និងឧក្រិដ្ឋកម្ម បានចាត់ទុកតំបន់អាស៊ីអាគ្នេយ៍ជាមជ្ឈមណ្ឌលឆបោកតាមប្រព័ន្ធអនឡាញដ៏ធំ និងសកម្មមួយ នៅលើ ពិភពលោក៕ ផ្ដល់សិទ្ធិដោយ៖ Fresh News

(ភ្នំពេញ)៖ សូមបង្ហាញស្នាមញញឹម និងផ្តល់សុវត្ថិភាព ទៅកាន់ភ្ញៀវទេសចរបរទេស ព្រោះទីក្រុងភ្នំពេញ របស់កម្ពុជាយើង បានជាប់ជាទិសដៅពេញនិយមបំផុតទាំង ២៥ទីក្រុង នៅលើពិភពលោក សម្រាប់ឆ្នាំ២០២៥។ នេះបើតាមប្រភពពី Tripadvisor និងដកស្រង់ដោយ SEA Infographics នៅថ្ងៃទី១ ខែកុម្ភៈ ឆ្នាំ២០២៥។ រាជធានីភ្នំពេញ ដែលជាបេះដូងប្រទេសកម្ពុជា ក៏ធ្លាប់បានជាប់ក្នុងចំណាត់ថ្នាក់លេខ៩ នៃគោលដៅទេសចរណ៍ពេញនិយមទាំង១០ នៅលើពិភពលោក សម្រាប់ឆ្នាំ២០២៤ ផងដែរ ខណៈគេហទំព័រឌីជីថលទេសចរណ៍ ឈ្មោះថា Agoda បានផ្តល់ចំណាត់ថ្នាក់លេខ១ ដល់រាជធានីភ្នំពេញ គឺជាទិសដៅចូលឆ្នាំសកល ដែលមានតម្លៃសមរម្យបំផុតនៅអាស៉ី។ Tripadvisor’s Travelers’ Choice Awards Best of the Best 2025 បានឲ្យដឹងថា ទីតាំងទាំង ២៥ ខាងក្រោមនេះ គឺជាកន្លែងដែលត្រូវទៅទស្សនាជុំវិញពិភពលោក រួមមាន៖ ១៖ ទីក្រុងអូសាកា របស់ជប៉ុន២៖ ទីក្រុងកូឡាឡាំពួរ របស់ម៉ាឡេស៉ី៣៖ ទីក្រុង Buenos Aires របស់អាហ្សង់ទីន៤៖ ទីក្រុងម៉ាណាម៉ា របស់បារ៉ែន៥៖ ទីក្រុងលីម៉ា របស់ពែរ៊ូ៦៖ ទីក្រុង Medellin […]

(ភ្នំពេញ)៖ លោក ឡាំង មាំ នាយកនៃនាយកដ្ឋានឌីជីថល ធនាគារ May Bank និងជាអ្នកជំនាញបច្ចេកវិទ្យាឌីជីថល បានក្រើនរំលឹកដល់អ្នកដែលនិយមប្រើប្រាស់កម្មវិធី Mobile Bank App ក្នុងការទូទាត់ប្រាក់ សូមមានការប្រុងប្រយ័ត្នឱ្យបានខ្ពស់ ដើម្បីបញ្ចៀសការឆបោកតាមប្រព័ន្ធឌីជីថល។ លោកលើកឡើងបែបនេះធ្វើឡើងបែបនេះ ធ្វើឡើងក្នុងកម្មវិធី RESH BUSINESS ជជែកពីសន្តិសុខសាយប័រ លើប្រធានបទ៖ «យន្តការលើកកម្ពស់ទំនុកចិត្តអតិថិជនលើការប្រើប្រាស់ Mobile Banking ឬធនាគារចល័ត»។ លោកបានលើកឡើងថា ជនខិលខូចតែងតែរកវិធីសាស្រ្តថ្មីៗ ដើម្បីលួចបន្លំប្រាក់ពីជនរងគ្រោះ ប៉ុន្តែប្រសិនបើ អ្នកប្រើប្រាស់យល់ដឹងកាន់តែទូលំទូលាយ ពីទម្រង់នៃការលួចបន្លំនោះ នឹងអាចទប់ទល់ពីការលួចបន្លំនោះបាន ។ លោកបានលើកឡើងថា បញ្ចៀសការឆបោកតាមប្រព័ន្ធឌីជីថល អ្នកប្រើប្រាស់ត្រូវប្រុងប្រយ័ត្នឱ្យបានខ្ពស់ទាក់ទងនឹងលេខសម្ងាត់ កុំមានការចែករំលែកផ្តេសផ្តាស ឬផ្ទុកលេខសម្ងាត់ ឬព័ត៌មានទាក់ទងនឹងប្រព័ន្ធធនាគារនៅក្នុងទូរសព្ទដៃ។ ទន្ទឹមគ្នានេះ ការវេរប្រាក់ឱ្យគ្នាទៅវិញទៅមក ត្រូវមានការផ្ទៀងផ្ទាត់ឱ្យបានច្បាស់ពីបុគ្គល ដែលយើងវេរទៅពិតជាត្រឹមត្រូវដែរឬទេ? សូមស្តាប់ការពន្យល់លម្អិត របស់ លោក ឡាំ មាំ៖ ផ្ដល់សិទ្ធិដោយ៖ Fresh News

(ភ្នំពេញ)៖ ក្រសួងបរិស្ថាន សម្រេចផ្អាកផលិតកម្មក្រុមហ៊ុន Win Ta Garment & Finishing Co., Ltd. បន្ទាប់ពីរកឃើញបង្ហូរសំណល់រាងមានពណ៌ចូលក្នុង​ស្ទឹង​ព្រែកត្នោត បង្កផលប៉ះពាល់ដល់បរិស្ថាន គុណភាពទឹក និងសុខភាពរបស់ប្រជា​ពលរដ្ឋ។ កាលពីរសៀលថ្ងៃទី៣១ ខែមករា ឆ្នាំ២០២៥ ក្រុមការងារអធិការកិច្ច​នៃអគ្គនាយក​ដ្ឋាន​គាំពារបរិស្ថាន និងនាយកដ្ឋាន EIA ដឹកនាំដោយលោក ធីវ សុភារិទ្ធ អគ្គនា​យក​រង និងមានការចូលរួមពីតំណាងមន្ទីរបរិស្ថានខេត្តកណ្តាល រដ្ឋបាលស្រុក​អង្គ​ស្នួល និងអាជ្ញាធរមូលដ្ឋានពាក់ព័ន្ធ បានចុះត្រួតពិនិត្យក្រុមហ៊ុន Win Ta Garment & Finishing Co., Ltd.។ ការចុះពិនិត្យបន្ទាប់ពីទទួលបានការរាយ​ការណ៍​ថា ក្រុមហ៊ុននេះ បង្ហូរសំណល់រាវមានពណ៌ចូលស្ទឹងព្រែកត្នោត បង្កឱ្យប៉ះពាល់ដល់ការប្រើប្រាស់ទឹក និងសុខភាពសាធារណៈ ស្ថិតនៅភូមិសរមាំង ឃុំព្រៃពួច ស្រុកអង្គស្នួល ខេត្តកណ្តាល។ ឆ្លងតាមរយៈការពិនិត្យនៅទីតាំងជាក់ស្តែង និងការផ្តល់ព័ត៌មានពីតំណាងក្រុមហ៊ុន និងអាជ្ញាធរមូលដ្ឋាន មន្ត្រីជំនាញក្រសួងបរិស្ថានមើលឃើញថា ក្រុមហ៊ុននេះ ជា​ប្រភេទរោងចក្របោកគក់សម្លៀកបំពាក់សុទ្ធ និងបានបើកដំណើរការនៅខែតុលា ឆ្នាំ២០២៤ ប៉ុន្តែរហូតមកដល់ពេលនេះ ក្រុមហ៊ុនពុំទាន់រៀបចំរបាយការណ៍ EIA រួចរាល់ទេ […]

(បាងកក)៖ តុលាការមួយនៅក្នុងប្រទេសថៃ កាលពីថ្ងៃសុក្រ ទី៣១ ខែមករា បានផ្ដល់ការអនុញ្ញាតឱ្យអតីតនាយករដ្ឋមន្ត្រីលោក​ Thaksin Shinawatra អាចធ្វើដំណើរទៅក្រៅប្រទេស ដែលនេះជាករណីលើកលែង ដ៏កម្របំផុត សម្រាប់ជនជាប់ចោទម្នាក់ដែលកំពុងប្រឈមមុខនឹងបទចោទប្រមាថព្រះមហាក្សត្រ។ នេះបើតាមការចេញផ្សាយដោយទីភ្នាក់ងារសារព័ត៌មាន AFP។ លោក Thaksin មានអាយុ ៧៥ឆ្នាំ ធ្លាប់ត្រូវបានផ្តន្ទាទោសដាក់ពន្ធនាគារ ៨ឆ្នាំពីបទពុករលួយ និងរំលោភអំណាច បន្ទាប់ពីលោកត្រឡប់ចូលប្រទេសថៃវិញកាលពីជាង២ឆ្នាំមុន ក្រោយរស់នៅនិរទេសខ្លួននៅក្រៅប្រទេស ហើយរូបលោកត្រូវបានព្រះមហាក្សត្រលើកលែងទោស ៦ខែក្រោយការធ្វើមាតុភូមិនិវត្តន៍។ ប៉ុន្តែ កាលពីឆ្នាំមុន លោកត្រូវបានចោទប្រកាន់ពីបទប្រមាថព្រះមហាក្សត្រជុំវិញការអត្ថាធិប្បាយរបស់លោក នៅក្នុងបទសម្ភាសន៍ ជាមួយប្រព័ន្ធផ្សព្វផ្សាយកូរ៉េខាងត្បូង កាលពីជាង៩ឆ្នាំមុន និងគ្រោងប្រឈមមុខនឹងសវនាការនៅខែកក្កដាខាងមុខ។ យ៉ាងណាក៏ដោយ កាលពីថ្ងៃសុក្រ តុលាការមួយបានសម្រេចអនុញ្ញាតឱ្យលោក Thaksin អាចធ្វើដំណើរទៅក្រៅប្រទេស ដោយសំអាងទៅលើផលចំណេញនៃទំនាក់ទំនងអន្តរជាតិ ជាហេតុផលសម្រាប់ការធ្វើដំណើរទៅ ក្រៅប្រទេស ទោះបីជាមិនមានការបញ្ជាក់លម្អិតពីវត្ថុបំណងនៃដំណើរទស្សនកិច្ចក៏ដោយ។ តុលាការបានគូសបញ្ជាក់ក្នុងសេចក្ដីថ្លែងការណ៍មួយដូច្នេះថា «តុលាការបានពិចារណា និងសម្រេចអនុញ្ញាតឱ្យជនជាប់ចោទ ចាកចេញពីប្រទេស ចន្លោះពីថ្ងៃទី២ ខែកក្កដា ដល់ថ្ងៃទី៣ ខែកក្កដា ដែលនឹងមិនប៉ះពាល់ដល់សវនាការនោះទេ»។ គួរបញ្ជាក់ថា​ នៅក្រោមការអនុញ្ញាតពីតុលាការ លោក Thaksin ត្រូវតែរាយការណ៍ជូនអាជ្ញាធរថៃក្នុងរយៈពេល៣ថ្ងៃ ពីការត្រឡប់ចូលប្រទេសវិញ។ កាលពីខែធ្នូ […]

(ភ្នំពេញ)៖ ថ្ងៃពុធ ឆ្មក់ចុះមើលការបូមទឹកដាក់ស្រែប្រាំងរបស់ប្រជាកសិករ​នៅខេត្ត​កណ្តាល និងខេត្តតាកែវ ដោយឡែកនៅព្រឹកថ្ងៃសុក្រ ទី៣១ ខែមករា ឆ្នាំ២០២៥​នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានឆ្មក់ចុះជួប​ជា​មួយ​ប្រជាសហគមន៍ និងពិនិត្យវឌ្ឍនភាពនៃការរៀបចំសហគមន៍កសិកម្ម​ទំនើប​ប្រាសាទ​សំបូររុងរឿង ដែលផ្តោតលើដំណាំស្វាយចន្ទី ស្ថិតនៅក្នុងឃុំគោល ស្រុក​ប្រា​សាទ​សំបូរ ខេត្តកំពង់ធំ។ ចាប់តាំងពីឡើងកាន់ការងារជានាយករដ្ឋមន្ត្រីមក ក្រៅពីបំពេញការងារផ្លូវការនានា​ហើយនោះ សម្តេចមហាបវរធិបតី ក៏ចូលចិត្តឆ្មក់ចុះនៅតាមមូលដ្ឋានដោយមិន​ប្រកាស​​មុនផងដែរ។ កុំថាឡើយមន្ត្រីជាន់ខ្ពស់ ជាន់ទាប សូម្បីអ្នកសារព័ត៌មាន​ក៏មិន​ឱ្យដឹង​នោះដែរ។ ការមិនប្រកាសឱ្យដឹងមុននូវដំណើរចុះទៅកាន់កន្លែងណាមួយនេះ ដើម្បីបានជ្រាបការពិតជាក់ស្តែងពីវឌ្ឍនភាព​ការងារ ក៏ដូចជាបញ្ហាក្នុងវិស័យ​ទាំង​ឡាយ។ នៅក្នុងជំនួបជាមួយប្រជាពលរដ្ឋដាំស្វាយចន្ទីថ្ងៃនេះ មិនមានរៀបចំពិធីការអ្វីច្រើន​នោះឡើយ សម្តេចនាយករដ្ឋមន្ត្រី អមដោយមន្ត្រីពាក់ព័ន្ធមួយចំនួនតូច បានក្រាល​តង់ ក្រោមដើមស្វាយចន្ទី ហើយជជែកត្រង់ទៅត្រង់មកជាមួយប្រជាពលរដ្ឋតែម្តង។ តាមរយៈវីដេអូ ដែលចែកចាយលើបណ្តាញសង្គមរបស់សម្តេចនាយករដ្ឋមន្ត្រី, សម្តេចមហាបវរធិបតី ហ៊ុន ម៉ាណែត បានអនុញ្ញាតឱ្យប្រជាពលរដ្ឋសម្តែងមតិ និងលើកឡើងពីបញ្ហារបស់គាត់ផងដែរ។ ក្នុងវីដេអូនោះ ប្រជាពលរដ្ឋ បានបង្ហាញពីស្ថានភាពថែទាំង ក៏ដូចជាការប្រមូលផល​ស្វាយចន្ទីរ មានភាពល្អប្រសើរជាងមុន ក្រោយពេលចូលរួមក្នុងសហគមន៍ទំនើប។ សហគមន៍កសិកម្មទំនើបប្រាសាទសំបូររុងរឿង គឺជាសហគមន៍ទំនើបមួយ ក្នុង​ចំណោម​សហគមន៍ទំនើបទាំង៣ (សហគមន៍កសិកម្មទំនើបកំពង់ ធំសាលា វិស័យ និងសហគមន៍កសិកម្មទំនើបទំរីងកំពង់ធំ) ដែលផ្តោតលើដំណាំស្វាយចន្ទី […]

(រតនគិរី)៖ លោក ញ៉ែម សំអឿន អភិបាលខេត្តរតនគិរី នាថ្ងៃទី៣១ ខែមករា ឆ្នាំ២០២៥នេះ បានអនុញ្ញាតឲ្យបើកទីតាំងផលិតស្រា.ស ឡើងវិញនៅទូទាំងខេត្ត បន្ទាប់ពីរកឃើញថា ករណីមានមនុស្ស៥នាក់ ដែលស្លាប់ ៣នាក់ និង២នាក់ទៀតធ្លាក់ខ្លួនឈឺ កំពុងព្យាបាលនៅស្រុកបរកែវ ខេត្តរតនគិរី មិនបានជាប់ពាក់ព័ន្ធនឹងការពុលស្រា.ស នោះទេ។ នេបើយោងតាមរបាយការណ៍ដែលផ្តល់ដោយលោកវេជ្ជបណ្ឌិត អេង គុណវុឌ្ឍ ប្រធានការិយាល័យជំងឺឆ្លង និងចាក់ថ្នាំបង្ការនៃមន្ទីរសុខាភិបាលខេត្តរតនគិរី នាល្ងាចថ្ងៃទី៣១ ខែមករា ឆ្នាំ២០២៥នេះ ដោយបានបញ្ជាក់ទៀតថា ករណីដែលមានមនុស្សស្លាប់ និងសម្រាកព្យាបាលនៅមន្ទីរពេទ្យទាំងនោះ មិនមានពាក់ព័ន្ធជាមួយនឹងស្រា.សនោះទេ ហើយមន្ទីរសុខាភិបាលកំពុងស្វែងរកនូវហេតុផលផ្សេង និងរង់ចាំលទ្ធផលពីមន្ទីរពិសោធន៍វត្ថុវិភាគមួយចំនួនទៀត។ លោកវេជ្ជបណ្ឌិត អេង គុណវុឌ្ឍ បន្តថា ចំណែកម្ហូបអាហារក៏នៅមិនទាន់ដឹងថា មានសារធាតុជាតិពុលអ្វីនោះទេ គឺកំពុងយកសំណាកម្ហូបអាហារ ទៅមន្ទីរពិសោធន៍ទាល់តែចេញជាលទ្ធផលសិន បានអាចយកជាផ្លូវការបាន។ ដោយឡែកលទ្ធផលបឋម ចំពោះសំណាកស្រា.ស ដែលប្រមូលពីផ្ទះអ្នកស្លាប់ មិនមានសារធាតុមេតាណុលនោះទេ។ ចំពោះសំណាកផ្សេងទៀតកំពុងបន្តរង់ចាំលទ្ធផល។ លោក ថា មនុស្ស ២នាក់ដែលជួយសង្គ្រោះបន្ទាន់នោះ ឥឡូវបានធូស្រាលហើយចាកចេញពីមន្ទីរពេទ្យទៅផ្ទះវិញផងដែរ។ គួររំលឹកថា៖ កាលពីថ្ងៃទី២៩ ខែមករានេះ ប្រជាពលរដ្ឋនៅក្នុងឃុំស៉ើង […]

(ភ្នំពេញ)៖ ក្រសួងបរិស្ថានជាថ្មីម្តងទៀត បានជំរុញឱ្យមានការចូលរួមកាន់តែប្រសើរថែមទៀត បង្ការ និងទប់ស្កាត់ករណីមានភ្លើងឆេះ ជាពិសេសការឆេះវាលស្មៅ ដើមឈើ និងព្រៃភ្នំ ដែលជាការព្រួយបារម្ភ ចំពោះការបង្កឱ្យមានការបំភាយផ្សែង ប៉ះពាល់បរិយាកាស ប៉ះពាល់ធនធានធម្មជាតិ ជីវៈចម្រុះ ខណៈក្នុងរដូវប្រាំងអាកាសធាតុក្តៅ ស្ងួតខ្លាំង ងាយបង្កនូវភ្លើងឆេះព្រៃ។ លោក ខ្វៃ អាទិត្យា អ្នកនាំពាក្យក្រសួងបរិស្ថានបានបញ្ជាក់ថា ករណីខ្លះអាចបណ្តាលមកពីការមិនមានការប្រុងប្រយ័ត្នខ្ពស់ ក្នុងការប្រើប្រាស់ភ្លើង សម្រាប់ជាមធ្យោបាយ ដើម្បីចម្អិនអាហារ ការយកឃ្មុំ ការដុតស្មៅព្រៃ ការដុតស្ទាក់ចាប់សត្វ និងការប្រមូលផលអនុផលព្រៃឈើជាដើម។ ក្រសួងរិស្ថាន បានជូនដំណឹង និងស្នើសុំឱ្យអ្នកពាក់ព័ន្ធទាំងអស់ ជាពិសេសអាជ្ញាធរថ្នាក់ក្រោមជាតិ ក៏ដូចជាអាជ្ញាធរមូលដ្ឋាន រួមទាំងសហគមន៍ ប្រជាពលរដ្ឋ ចូលរួមអនុវត្តវិធានការអប់រំ ផ្សព្វផ្សាយ ណែនាំដល់ប្រជាពលរដ្ឋ ជាមួយគ្នានេះ ទប់ស្កាត់ការកាប់ឆ្ការ ទន្ទ្រាន ឈូសឆាយ ដុតព្រៃឈើ និងព្រៃលិចទឹក ដើម្បីយកដីខុសច្បាប់ ឬក្នុងគោលបំណងផ្សេងៗទៀត ដែលជាសកម្មភាព ល្មើសច្បាប់ និងបង្កឱ្យមានភ្លើងឆេះព្រៃ និងរាលដាលរហូតដល់ភូមិកររបស់ប្រជាពលរដ្ឋ តំបន់រដ្ឋបាលសាធារណៈ ហេដ្ឋារចនាសម្ព័ន្ធ រូបវន្តនានា។ អ្នកនាំពាក្យក្រសួងបរិស្ថាន បានបន្ថែមថា ប្រសិនបើមានករណីភ្លើងឆេះព្រៃ […]

(ភ្នំពេញ)៖ ការដ្ឋានសាងសង់ស្ពានអាកាសភ្លោះសម្តេចមហាបវរធិបតី ហ៊ុន ម៉ាណែត សាងសង់សម្រេចបានប្រមាណ៥២%ហើយ ដែលស្ថិតនៅតាមបណ្ដោយមហាវិថីសម្ដេចតេជោ ហ៊ុន សែន ប្រសព្វនឹងផ្លូវជាតិលេខ២ ត្រង់ព្រំប្រទល់រវាងរាជធានីភ្នំពេញ និងខេត្តកណ្តាល។ លោកស្រី ដោ សម្ផស្ស នាយិការរងរដ្ឋបាល និងជាអ្នកនាំពាក្យរដ្ឋបាលរាជធានីភ្នំពេញ បានឱ្យដឹងនៅថ្ងៃទី៣១ ខែមករា ឆ្នាំ២០២៥នេះថា គិតមកដល់ពេលនេះ ការដ្ឋានសាងសង់ស្ពានអាកាសភ្លោះសម្តេចមហាបវរធិបតី ហ៊ុន ម៉ាណែតទាំងមូលសម្រេចបានប្រមាណ៥២%ហើយ។ ចំពោះស្ពានដែលមានទិសដៅពីមហាវិថីសម្តេចតេជោ ហ៊ុន សែន (ផ្លូវ៦០ម៉ែត្រ) ទៅមហាវិថីព្រលានសម្តេចតេជោ បានសាងសង់គ្រឹះ និងសសរស្ពានរួចរាល់ហើយ។ បច្ចុប្បន្នកំពុងតែដំឡើងធ្នឹមបេតុង បានប្រមាណជាង៦០% (៤ប្រឡោះ/៧ប្រឡោះ) ហើយ គ្រោងនឹងបញ្ចប់អ៊ុតកៅស៊ូផ្លូវស្ពាននៅចុងខែមិនាខាងមុខនេះ។ ចំពោះស្ពានដែលមានទិសដៅ ពីមហាវិថីព្រលានសម្តេចតេជោ ទៅមហាវិថីសម្តេចតេជោ ហ៊ុន សែន (ផ្លូវ៦០ម៉ែត្រ)បានសាងសង់គ្រឹះនិងសសររួចហើយ។ឯការដំឡើងធ្នឹម នឹងរៀបចំចាប់ពីខែមេសាខាងមុខនេះ។ លោកស្រី ដោ សម្ផស្ស បានបញ្ជាក់ផងដែរថា ចំពោះការសាងសង់ដំឡើងធ្នឹមស្ពាននេះ នឹងមានបិទចរាចរណ៍ រវាងមហាវិថីសម្តេចតេជោ ហ៊ុន សែន (ផ្លូវ៦០ម៉ែត្រ) មហាវិថីព្រលានសម្តេចតេជោនិងផ្លូវជាតិលេខ២ (ក្នុងបរិវេណការដ្ឋាន) ម្តងម្កាល ដោយសារការដ្ឋានត្រូវការប្រើប្រាស់គ្រឿងចក្រធំៗ […]

(ភ្នំពេញ)៖ ដែក៣ដុំធំៗមិនទាន់ដឹងប្រភព បានធ្លាក់ទៅលើផ្ទះ និងបន្ទប់ជួលរបស់ប្រជាពលរដ្ឋខូចខាត បង្កឱ្យមានការភ្ញាក់ផ្អើលយ៉ាងខ្លាំង។ ហេតុការណ៍នេះ បានកើតឡើងកាលពីវេលាម៉ោង១៖៥០នាទីរសៀលថ្ងៃទី៣១ ខែមករា ឆ្នាំ២០២៥ នៅក្នុងភូមិអង្គ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។ ប្រជាពលរដ្ឋនៅកន្លែងកើតហេតុ បានឱ្យដឹងថា នៅមុនពេលកើតហេតុ ខណៈពួកគាត់កំពុងស្ថិតនៅក្នុងផ្ទះ និងខ្លះទៀតកំពុងធ្វើការលក់ដូរ ស្រាប់តែដុំដែកមិនដឹងប្រភពបានធ្លាក់លើផ្ទះពួកគាត់ និងធ្លាក់លើផ្លូវរួចខ្ទាតបុកចូលផ្ទះតែម្ដង។ ប្រជាពលរដ្ឋនៅកន្លែងកើតហេតុមិនដឹងថា ដុំដែកនោះ មិនដឹងធ្លាក់មកពីណានោះឡើយ ខណៈនៅកន្លែងកើតហេតុពុំមានការដ្ឋានសំណង់ខ្ពស់ៗនោះឡើយ។ ដុំដែកនោះ ក្នុងមួយដុំៗមានទម្ងន់រាប់សិបគីឡូក្រាម។ ផ្ទះ និងបន្ទប់ជួល ដែលរងទម្ងន់ដែកនោះ បានរងការខូចខាតយ៉ាងខ្លាំង។ ទោះបីជាយ៉ាងណា ហេតុការណ៍នេះ មិនបណ្តាលឱ្យពលរដ្ឋរងគ្រោះថ្នាក់ដល់ជីវិតនោះឡើយ គ្រាន់តែរងរបួសស្រាល។ ក្រោយកើតហេតុ អាជ្ញាធរ និងសមត្ថកិច្ចមូលដ្ឋាន បានចុះទៅកាន់កន្លែងកើតហេតុ និងរកប្រភពដែកនោះ៕ ផ្ដល់សិទ្ធិដោយ៖ Fresh News