(ភ្នំពេញ)៖ ធនាគារជាតិនៃកម្ពុជា នៅថ្ងៃទី៩ ខែតុលា ឆ្នាំ២០២៤នេះ​ បានចេញសារាចរណែនាំ ស្តីពីការលើកទឹកចិត្តឱ្យគ្រឹះស្ថានធនាគារ និងហិរញ្ញវត្ថុសម្រួល ក្នុងការបើកគណនីសន្សំ និងផ្តល់សេវាហិរញ្ញវត្ថុ ជូនសហគ្រាសធុនមីក្រូ តូច និងមធ្យម និងបុគ្គលស្វ័យនិយោជន៍។ យោងតាមសារាចរណែនាំចេញផ្សាយនៅថ្ងៃទី៩ ខែតុលា ឆ្នាំ២០២៣នេះ បានបញ្ជាក់ថា ក្នុងគោលបំណងចូលរួមចំណែក​ អនុវត្តយុទ្ធសាស្ត្រជាតិ ស្តីពី ការអភិវឌ្ឍសេដ្ឋកិច្ចក្រៅប្រព័ន្ធឆ្នាំ២០២៣-២០២៨ ព្រមទាំងជួយសម្រួល ដល់ប្រតិបត្តិការទូទាត់សងប្រាក់ របស់សហគ្រាសធុនមីក្រូតូច និងមធ្យម និងបុគ្គលស្វ័យនិយោជន៍ ធនាគារជាតិនៃកម្ពុជា សូមណែនាំដល់គ្រឹះស្ថានធនាគារ និងហិរញ្ញវត្ថុទាំងអស់ ដូចខាងក្រោម៖ ១៖ បើកគណនីឱ្យសហគ្រាសធុនមីក្រូ និងបុគ្គលស្វ័យនិយោជន៍ក្នុងរូបភាពជា «ឈ្មោះអាជីវកម្ម», «ឈ្មោះសហគ្រាស» «ឈ្មោះហាង» ក្នុងករណីសហគ្រាសធុនមីក្រូ និងបុគ្គលស្វ័យនិយោជន៍ បានបំពេញបែបបទរដ្ឋបាលពេញលេញ និងងាយស្រួលកំណត់អត្តសញ្ញាណ តាមរយៈការចុះបញ្ជីនៅច្រកចេញចូលតែមួយ នៃរដ្ឋបាលថ្នាក់ក្រោមជាតិ ដែលគណនីនោះកំណត់បាននូវអត្តសញ្ញាណម្ចាស់អាជីវកម្ម ជាឯកត្តជននោះដោយផ្ទាល់។ ២៖ សម្រួល និងលើកទឹកចិត្តឱ្យសហគ្រាសធុនមីក្រូតូច និងមធ្យម និងបុគ្គលស្វ័យនិយោជន៍ ទទួលបានសេវាហិរញ្ញវត្ថុ សម្រាប់ប្រតិបត្តិការអាជីវកម្មរបស់ខ្លួន។ ទន្ទឹមនេះការបើកគណនីសន្សំ និងផ្តល់សេវាហិរញ្ញវត្ថុ ជូនសហគ្រាសធុនមីក្រូ តូច និងមធ្យម ត្រូវគោរពតាមច្បាប់ និងបទប្បញ្ញត្តិពាក់ព័ន្ធជាធរមាន៕ សូមអានសារាចរ ណែនាំរបស់ធនាគារជាតិនៃកម្ពុជា […]

(រាជធានីភ្នំពេញ)៖ ក្រសួងទេសចរណ៍ នាថ្ងៃទី០៩ ខែតុលា ឆ្នាំ២០២៤ នេះ បានប្រកាសបដិសេធ ចំពោះការចុះផ្សាយព័ត៌មានមិនពិតរបស់សារព័ត៌មាន The Nation Thailand បានចុះផ្សាយព័ត៌មានតាមបណ្តាញសង្គម ដោយបានលើកឡើងថា មូលហេតុមួយនៃការលុបចោលកម្មវិធី Miss Grand International ២០២៤នៅកម្ពុជាបណ្ដាលមកពី ឯកឧត្ដមរដ្ឋមន្ត្រីក្រសួងទេសចរណ៍ មិនបានចូលរួមសន្និសីទកាសែតក្នុងកម្មវិធីនេះ។ ខាងក្រោមនេះជាសេចក្ដីប្រកាសបដិសេធលម្អិតរបស់ក្រសួងទេសចរណ៍៖

(ភ្នំពេញ)៖ នាឱកាសពិធីសម្ពោធជាផ្លូវការប៊ូយ៉ុងថោន នៅព្រឹកថ្ងៃទី០៨ ខែតុលានេះ លោកឧបនាយករដ្ឋមន្ត្រី សាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានស្នើឱ្យក្រុមហ៊ុនពិចារណាកំណត់តម្លៃលំនៅឋានឱ្យសមស្រប តាមសមត្ថភាពប្រជាជនកម្ពុជា។ លោកបានចូលរួមអបអរសាទរ និងកោតសរសើរចំពោះក្រុមហ៊ុនប៊ូយ៉ុង ដែលបានសហការយ៉ាងសកម្មក្នុងការអភិវឌ្ឍវិស័យសំណង់ និងអចលនទ្រព្យនៅកម្ពុជា។ លោកឧបនាយករដ្ឋមន្ត្រី បានចាត់ទុកការកសាងលំនៅឋានបែបនេះថា ជាការចូលរួមដ៏ត្រឹមត្រូវក្នុងការកសាងលំនៅឋានទំនើប ឆ្លើយតបតាមតម្រូវការជាក់ស្ដែងរបស់ប្រជាជនកម្ពុជា និងស្របតាមគោលដៅដែលរាជរដ្ឋាភិបាលកម្ពុជាចង់បាន។ បន្ថែមពីនេះ លោករដ្ឋមន្ត្រី មានបំណងចង់បានស្ថាបត្យកម្មដូចប៊ូយ៉ុងថោននេះ ដើម្បីផ្លាស់ប្ដូរផ្នត់គំនិតរបស់ប្រជាជនកម្ពុជា ដោយចង់ឃើញប្រជាជនកម្ពុជានាថ្ងៃអនាគត ជាប្រជាជនដែលមានវប្បធម៌ អរិយធម៌ ទំនៀមទម្លាប់ ប្រពៃណីវាងវៃ និងសមត្ថភាពខ្ពស់។ ឧបនាយករដ្ឋមន្ត្រី សាយ សំអាល់ បានថ្លែងអំណរគុណដល់ក្រុមហ៊ុនប៊ូយ៉ុង ដែលបានចូលរួមឆ្លើយតបនឹងទស្សនវិស័យវែងឆ្ងាយរបស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា។ ជាមួយនេះ លោករដ្ឋមន្ត្រី ក៏បានស្នើដល់ក្រុមហ៊ុនប៊ូយ៉ុងធ្វើយ៉ាងណាពិចារណាលើការកំណត់តម្លៃលំនៅឋានឱ្យបានសមរម្យ ស្របតាមលទ្ធភាព និងសមត្ថភាពជាក់ស្ដែង របស់ប្រជាជនកម្ពុជាផងដែរ។ លោករដ្ឋមន្ត្រី បានបញ្ជាក់ថា ក្រសួងរៀបចំដែនដី នគរូបនីយកម្ម និងសំណង់ នឹងនៅជួយជ្រោមជ្រែងធ្វើយ៉ាងណារក្សាដំណើរការឧស្សាហកម្មសំណង់ ឧស្សាហកម្មអចលនទ្រព្យ ឧស្សាហកម្មគ្រឿងបង្គុំសំណង់ ឧស្សាហកម្មគ្រឿងសង្ហារឹម និងឧស្សាហកម្មគ្រឿងលម្អផ្ទះ […]

(កណ្តាល)៖ អ្នកចេះគឺជាប់ជាពាក្យដែលលោក គួច ចំរើន អភិបាលខេត្តកណ្ដាល បានថ្លែងទៅកាន់សិស្សានុសិស្សទាំងអស់ ដែលជាបេក្ខជនប្រលងសញ្ញាបត្រមធ្យមសិក្សាទុតិយភូមិ ឆ្នាំសិក្សា២០២៣-២០២៤ ក្នុងខេត្តកណ្ដាល នាឱកាសដែលលោកអញ្ជើញកាត់វិញ្ញាសាប្រឡងសញ្ញាបត្រ មធ្យមសិក្សាទុតិយភូមិ ឆ្នាំសិក្សា២០២៣-២០២៤ នៅវិទ្យាល័យ ហ៊ុន សែន តាខ្មៅ ស្ថិតក្នុងក្រុងតាខ្មៅ ខេត្តកណ្ដាល នាព្រឹកថ្ងៃទី០៨ ខែតុលា ឆ្នាំ២០២៤។ បន្ថែមលើសនេះ លោកអភិបាលខេត្តលើកទឹកចិត្តថា សិសាណាជាប់និទ្ទេស A នោះនឹងទទួលបានម៉ូតូមួយគ្រឿង សម្រាប់ធ្វើដំណើរបន្តការសិក្សានៅថ្នាក់ឧត្តមសិក្សាបន្តទៀត។ លោកអភិបាលខេត្តបានបន្តថា ក្នុងកំណែទម្រង់របស់ក្រសួងអប់រំយុវជន និងកីឡា សិស្សានុសិស្សទាំងអស់ ត្រូវតែមានសមត្ថភាព ហើយអ្នកចេះគឺជាប់ ដូច្នេះសមត្ថភាពដែលក្មួយៗទាំងអស់ បានខិតខំយកចិត្តទុកដាក់រៀនក្នុងរយៈពេលកន្លងមក ត្រូវបញ្ចេញឱ្យអស់ពីសមត្ថភាពនៅពេលនេះ ដើម្បីទទួលបាននូវលទ្ធផលល្អ និងឈានទៅបន្តការសិក្សាថ្នាក់ឧត្តមសិក្សាបន្តទៀត។ ជាមួយគ្នានេះ លោក ចេង សំអុល ប្រធានមន្ទីរ អប់រំយុវជន និងកីឡាខេត្តកណ្ដាល បានឱ្យដឹងថា ខេត្តកណ្ដាលមានមណ្ឌលប្រឡងសញ្ញាបត្រមធ្យមសិក្សាទុតិយភូមិ ចំនួន ១៨មណ្ឌល ស្មើនឹង ៤៥១បន្ទប់ នៅតាមសាលាក្នុងក្រុង-ស្រុក ចំនួន៦ រួមមាន៖ ក្រុងតាខ្មៅ មាន៤មណ្ឌល, ស្រុកស្អាង […]

(ភ្នំពេញ)៖ ដំណើរការសំណេរនាព្រឹកថ្ងៃទី២ នៃការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង៖ ០៨ តុលា ២០២៤ ពេលព្រឹកមានពីរមុខវិជ្ជាគឺ អក្សរសាស្ត្រខ្មែរ និងរូបវិទ្យា (ថ្នាក់វិទ្យាសាស្ត្រ) និងគណិតវិទ្យា និងសីលធម៌ ពលរដ្ឋវិជ្ជា (វិទ្យាសាស្ត្រសង្គម) បានប្រព្រឹត្តទៅដោយរលូនល្អ មិនមានបាតុភាពមិនប្រក្រតីណាមួយកើតឡើងគួរឲ្យកត់សម្គាល់ឡើយ។ តាមការចុះផ្សាយរបស់ក្រសួងអប់រំ នៅថ្ងៃទី០៩ ខែតុលា ឆ្នាំ២០២៤នេះ បានឲ្យដឹងថា នាព្រឹកថ្ងៃទី២នេះ បេក្ខជនអវត្តមានសរុប ២.៣៦៤ នាក់ ស្រី៩០៧ នាក់ (កើនលើសថ្ងៃទី៨ ខែតុលា ចំនួន៤៦នាក់) ក្នុងនោះបេក្ខជនស្វៃរិនអវត្តមានចំនួន១.៩៥៥នាក់។ បេក្ខជនមានបញ្ហាសុខភាពចំនួន ៤៤នាក់ ក្នុងនោះ ៤នាក់បោះបង់ការប្រឡង ៧នាក់ត្រូវបានបញ្ជូនទៅប្រឡងក្នុងបន្ទប់ដាច់ដោយឡែក និងរងគ្រោះថ្នាក់ចរាចរណ៍ ៤នាក់។ អនុរក្ស អប្បមាទ និងគណៈកម្មការ ដែលមានបញ្ហាសុខភាព មានចំនួន១០នាក់ (ករណីគ្រុនពោះវៀន និងលើសឈាម)។ អនុរក្សអនុវត្តខុសបទបញ្ជាមាន ២ ករណី (អនុរក្ស ១នាក់ប្រើទូរសព្ទថតវិញ្ញាសា នៅមណ្ឌល វិទ្យាល័យវឌ្ឍនៈឈូងលាភ ខេត្តកណ្តាល និងអនុរក្ស ១នាក់ […]

(ភ្នំពែញ)៖ លោក ហែម សុវត្ថិ ប្រធានក្រុមការងាររាជរដ្ឋាភិបាលចុះមូលដ្ឋានឃុំកោះសូទិន បានប្រកាសថា គ្រប់សិស្សទី១២ ប្រឡងបាក់ឌុបឆ្នាំ២០២៤ ទទួលបាននិទ្ទេស A ក្នុងឃុំកោះសូទិន ស្រុកកោះសូទិន ខេត្តកំពង់ចាម នឹងទទួលបានថវិកាឧបត្ថម្ភ ចំនួន ២លានរៀល។ ការឧបត្ថម្ភថវិកានេះ គឺជាការលើកទឹកចិត្តដល់ប្អូនៗ សិស្សថ្នាក់ទី១២ ទាំងអស់ខិតខំប្រឡងឱ្យបាននិទ្ទេស A មានចំនួនច្រើន។ គួរបញ្ជាក់ថា ការប្រឡងសញ្ញាបត្រមធ្យមសិក្សាទុតិយភូមិ មានរយៈពេល ២ថ្ងៃ ចាប់ពីថ្ងៃទី០៨ ដល់០៩ ខែតុលា ឆ្នាំ២០២៤ ជាមួយបេក្ខជនចូលរួមប្រឡងសរុបជាង១៣ម៉ឺននាក់៕ ផ្ដល់សិទ្ធិដោយ៖ Fresh News

(ពោធិ៍សាត់)៖ បុរសម្នាក់ ត្រូវបានសមត្ថកិច្ចជំនាញ ការិយាល័យនគរបាលព្រហ្មទណ្ឌកម្រិតស្រាល នៃស្នងការដ្ឋាននគរបាលខេត្តពោធិ៍សាត់ ធ្វើការឃាត់ខ្លួន ក្រោយទទួលពាក្យបណ្តឹង ពីនាយកប្រតិបត្តិ សាខាកាកបាទក្រហមខេត្តពោធិ៍សាត់ ប្តឹងពីករណីឆបោក បញ្ជាឱ្យចែកលុយ និងសម្ភារៈដល់គ្រួសារក្រីក្រ ចំនួន០៤គ្រួសារ ដោយអះអាងថា ជាលោក សេង ទៀង ជំនួយការផ្ទាល់សម្តេចនាយករដ្ឋមន្ត្រី។ ប្រភពពីលោកឧត្តមសេនីយ៍ត្រី ហៀង ស៊ីថា ស្នងការរងនៃស្នងការដ្ឋាននគរបាលខេត្តពោធិ៍សាត់ បានឱ្យដឹងថា កាលពីថ្ងៃទី០៥ ខែតុលា ឆ្នាំ២០២៤ វេលាម៉ោង១០ និង០០នាទី សមត្ថកិច្ចជំនាញ នៃការិយាល័យនគរបាលព្រហ្មទណ្ឌកម្រិតស្រាល ខេត្តពោធិ៍សាត់ បានទទួលពាក្យបណ្ដឹង ពីឈ្មោះលោក វ៉ាន់ ហ៊ាង (ហៅតក) ភេទប្រុស អាយុ៦៧ឆ្នាំ ជនជាតិខ្មែរ រស់នៅភូមិស្ពានថ្ម សង្កាត់រលាប ក្រុងពោធិ៍សាត់ ខេត្តពោធិ៍សាត់ មានតួនាទី ជានាយកប្រតិបត្តិ សាខាកាកបាទក្រហមកម្ពុជា ខេត្តពោធិ៍សាត់។ ក្នុងពាក្យបណ្តឹងនោះ ឈ្មោះ វ៉ាន់ ហ៊ាង បានប្ដឹងទៅលើជនមិនស្គាល់អត្តសញ្ញាណម្នាក់ បានប្រើប្រាស់លេខទូរស័ព្ទ (០៨៥៩៣២៧៨១) ឆបោកឱ្យចែកលុយ និងសម្ភារៈមួយចំនួន […]

(ភ្នំពេញ)៖ នាយឧត្តមសេនីយ៍ សែម សុវណ្ណនី អនុប្រធានទី១ នៃគណៈកម្មាធិការជាតិ និងជាអគ្គនាយកមជ្ឈមណ្ឌលជាតិរក្សាសន្តិភាព បានទទួលមរណភាពហើយ នៅមន្ទីរពេទ្យសាន់រ៉ាយភ្នំពេញ នាវេលាម៉ោង០៦នាទីល្ងាចថ្ងៃទី៨ ខែតុលា ឆ្នាំ២០២៤នេះ ក្នុងជន្មាយុ៦៥ឆ្នាំ ដោយរោគាពាធ។ សពនឹងត្រូវរៀបចំធ្វើបុណ្យតាមពិធីសាសនានៅផ្ទះលេខ២៣ ផ្លូវ៣៨៨ សង្កាត់ទួលស្វាយព្រៃ១ ខណ្ឌបឹងកេងកង រាជធានីភ្នំពេញ៕ ផ្ដល់សិទ្ធិដោយ៖ Fresh News

(បាងកក)៖ តម្លៃអង្ករសក្នុងស្រុករបស់ប្រទេសថៃ បានចាប់ផ្តើមធ្លាក់ចុះ បន្ទាប់ពីប្រទេសឥណ្ឌា បានចាប់ផ្តើមនាំចេញអង្ករសមិនមែន ប្រភេទបាសម៉ាទីជាថ្មី។ ទោះយ៉ាងណា ប្រធានកិត្តិយសសមាគមក្រុមហ៊ុននាំចេញអង្ករថៃ បានឱ្យដឹងថា ការប្រែប្រួលតម្លៃនេះ មិនទាន់ប៉ះពាល់ដល់បរិមាណនាំចេញអង្ករ នៅឆ្នាំនេះនៅឡើយទេ។ យោងតាមកាសែតបាងកកប៉ុស្តិ៍ ប្រធានសមាគមកិត្តិយសលោក Chookiat Ophaswongse បាននិយាយកាលពីថ្ងៃទី២៨ ខែកញ្ញាថា រដ្ឋាភិបាលឥណ្ឌាបានលុបចោលការហាមឃាត់ លើការនាំចេញអង្ករសមិនមែនប្រភេទបាសម៉ាទី ដែលបានដាក់បម្រាបរយៈពេលជាងមួយឆ្នាំមកនេះ ហើយទិន្នផលនៅរដូវប្រមូលផល នៅឆ្នាំ២០២៤នេះ នឹងជួយបង្កើនស្តុកអង្កររបស់រដ្ឋាភិបាល សម្រាប់ការផ្គត់ផ្គង់ក្នុងស្រុក។ ប្រទេសឥណ្ឌាក៏បានកាត់បន្ថយពន្ធនាំចេញអង្ករ ប្រភេទស្ងោពី ២០% មកត្រឹម ១០% ផងដែរ។ កាលពីថ្ងៃចន្ទ អង្ករសប្រភេទបាក់ ៥ភាគរយរបស់ប្រទេសឥណ្ឌា ត្រូវបានជួញដូរក្នុងតម្លៃប្រហែល ៤៩០ដុល្លារអាមេរិក។ លោក Chookiat បានមានប្រសាសន៍ថា៖ «អ្នកទិញ និងអ្នកលក់កំពុងវាយតម្លៃផលប៉ះពាល់ ដែលអាចកើតមានពីការកើនឡើងការផ្គត់ផ្គង់អង្ករឥណ្ឌា និងមានភាពមិនច្បាស់លាស់ អំពីតម្លៃលក់ពិតប្រាកដរបស់ក្រុមហ៊ុននាំចេញអង្កររបស់ឥណ្ឌា»។ ការលុបចោលបម្រាមនាំចេញរបស់ឥណ្ឌា បានបង្កើនការផ្គត់ផ្គង់អង្ករសពិភពលោក រហូតដល់ទៅពី ៥ ទៅ ៦លានតោន។ អង្ករប្រភេទបាក់ ៥% របស់ប្រទេសថៃបានធ្លាក់ចុះមកត្រឹម ៥២០ដុល្លារក្នុងមួយតោនពី ៥៥០ ដុល្លារកាលពីសប្តាហ៍មុន។ ប្រទេសថៃរំពឹងថានឹងសម្រេចបានគោលដៅ […]

(ភ្នំពេញ)៖ ក្រុមកីឡាម៉ូតូទឹកជម្រើសជាតិកម្ពុជា បានដណ្ដើមមេដាយ ៤គ្រឿងបណ្ដោះអាសន្ន (មាស ២ និងប្រាក់ ២) នៃការប្រកួតកីឡាម៉ូតូទឹកពានរង្វាន់កម្រិតពិភពលោក (WGP1 World Serie America-USA) ជុំទី២ នៅសហរដ្ឋអាមេរិក គិតត្រឹមថ្ងៃទី០៩ ខែតុលា ឆ្នាំ២០២៤ ។ បេសកកម្មខាងលើនេះ ក្រុមម៉ូតូទឹកកម្ពុជា មានសមាជិក ៥នាក់ ក្នុងនោះមានក្រុមវីរៈកីឡាករ សាលី អ៊ូមើល ជាប្រធានក្រុមដឹកនាំ និងសិស្សប្អូន សាលី ហ្វីលីន, ម៉ីន អូស្មាន់, កៃ វ៉ាន់ស៊ីដែន និងកីឡាករ ម៉ីន មូសស្តាន ដែលសុទ្ធតែជាកីឡាករឆ្នើមៗរបស់កម្ពុជា ក្នុងការប្រកួតធំៗលើឆាកអន្ដរជាតិនាពេលកន្លងមក ។ ជាលទ្ធផលបណ្ដោះអាសន្ន កីឡាករ សាលី ហ្វីលីន ដណ្ដើមបានមេដាយ ២គ្រឿង រួមមានមេដាយមាស ១ លើវិញ្ញាសា Amateur Runabout 1100 Stock និងមេដាយប្រាក់ ១ លើវិញ្ញាសា […]