(វ៉ាស៊ីនតោន)៖ ក្រុមអ្នកជំនាញផ្នែកសុខាភិបាល និងអភិបាលរដ្ឋនានានៃសហរដ្ឋអាមេរិក បានចេញសេចក្តីព្រមានធ្ងន់ៗដូចគ្នា នៅថ្ងៃព្រហស្បតិ៍សប្តាហ៍នេះ ដោយជំរុញពលរដ្ឋអាមេរិកាំងទាំងអស់ ត្រៀមខ្លួនឲ្យបានរួចរាល់ សម្រាប់ស្ថានភាពធ្ងន់ធ្ងរនៃព្យុះរលកបោកបក់ បង្កឡើងដោយមេរោគបំប្លែងថ្មី អូមីក្រុង (Omicron) ដែលបានគំរាមកំហែងមន្ទីរពេទ្យ, សាលារៀន និងវិស័យផ្សេងៗទៀត ជាពិសេសគឺកំពុងប៉ះពាល់ដល់ ជីវិតរស់នៅប្រចាំថ្ងៃរបស់ពួកគេ។ នេះបើតាមការចេញផ្សាយដោយ ទីភ្នាក់ងារសារព័ត៌មាន Reuters នាព្រឹកថ្ងៃសុក្រ ទី៣១ ខែធ្នូ ឆ្នាំ២០២១។ ការព្រមានខាងលើនេះបានកើតមានឡើង បន្ទាប់ពីរបាយការណ៍ឆ្លងរាតត្បាតជំងឺ COVID-19 ប្រចាំថ្ងៃនៅទូទាំងសហរដ្ឋអាមេរិក កាលពីថ្ងៃព្រហស្បតិ៍សប្តាហ៍នេះ បានបង្ហាញអំពីចំនួនអ្នកឆ្លងរហូតដល់ទៅជាង ៤សែននាក់ ហើយភាគច្រើន គឺត្រូវបានបង្កឡើងដោយ Omicron។ មន្ត្រីរដ្ឋាភិបាលសហព័ន្ធអាមេរិក ទើបតែបានចេញសារព្រមានបន្ថែម អំពីការធ្វើចរាចរណ៍ទូទៅ ដើម្បីទប់ស្កាត់ការឆ្លងរាតត្បាត ខណៈអាជ្ញាធរសុខាភិបាល ក៏កំពុងត្រៀមអនុម័ត វ៉ាក់សាំងបង្ការ COVID-19 «ដូសជំរុញ» សម្រាប់ក្មេងជំទង់អាយុចាប់ពី ១២ឆ្នាំ ដល់ ១៥ឆ្នាំ ផងដែរ។ បើគិតជាភាគរយវិញ អំលុងពេល ៧ថ្ងៃមកនេះ សហរដ្ឋអាមេរិកបានមើលឃើញករណីឆ្លង COVID-19 ជាមធ្យមជិត ៣០០,០០០នាក់ក្នុងមួយថ្ងៃ ដែលជាអត្រាឆ្លងប្រចាំថ្ងៃខ្ពស់់ជាងគេបំផុត […]

(សេអ៊ូល)៖ នៅទីបំផុតការដោះលែងអតីតប្រធានាធិបតីកូរ៉េខាងត្បូង លោកស្រី ផាក គឺនហេ (Park Geun-hye) ដែលបច្ចុប្បន្នមានវ័យ ៦៩ឆ្នាំ ត្រូវបានធ្វើឡើងជាផ្លូវការហើយនៅព្រឹកថ្ងៃសុក្រ ទី៣១ ខែធ្នូ ឆ្នាំ២០២១នេះ បន្ទាប់ពីលោកស្រីបានជាប់ឃុំឃាំងអស់រយៈពេល ៤ឆ្នាំ និង ៩ខែ ពាក់ព័ន្ធនឹងរឿងក្តីពុកលួយ ដែលបានធ្វើឲ្យលោកស្រីអស់អំណាច។ នេះបើតាមការចេញផ្សាយដោយ ទីភ្នាក់ងារសារព័ត៌មាន Yonhap។ លោកស្រី Park Geun-hye ត្រូវបានតុលាការកំពូលកូរ៉េខាងត្បូង កាត់ទោសឲ្យជាប់ពន្ធនាគាររយៈពេល ២២ឆ្នាំ កាលពីខែមីនា ឆ្នាំ២០១៧ បន្ទាប់ពីលោកស្រីត្រូវបានទម្លាក់ចេញពីតំណែង ពាក់ព័ន្ធនឹងរឿងអាស្រូវពុករលួយ និងការគប់គិតជាមួយមិត្តជិតស្និទ្ធ ដែលត្រូវបានគេជឿជាក់ថា ជាអ្នកជំរុញឲ្យលោកស្រីប្រព្រឹត្តទង្វើបែបនេះ។ គួរបញ្ជាក់ថា ការដោះលែងលោកស្រី Park Geun-hye ត្រូវបានធ្វើឡើង បន្ទាប់ពីប្រធានាធិបតីកូរ៉េខាងត្បូងលោក មូន ចេអ៊ីន (Moon Jae-in) កាលពីសប្តាហ៍មុននេះ បានសម្រេចផ្តល់ការលើកលែងទោសដល់រូបលោកស្រី ដោយយោងលើមូលហេតុថា លោកស្រីមានបញ្ហាសុខភាពធ្ងន់ធ្ងរ និងដើម្បីជាសញ្ញាបង្ហាញអំពីការរួបរួមជាតិ ចំពោះមុខការបោះឆ្នោតប្រធានាធិបតីអាណត្តិថ្មី ដែលនឹងប្រព្រឹត្តទៅនាដើមឆ្នាំ២០២២ ខាងមុខនេះ។ តាមពិតទៅលោកស្រី Park […]

(វ៉ាស៉ីនតោន)៖ ក្រុមអ្នកជំនាញផ្នែកជំងឺឆ្លង បានបង្ហាញការមិនទុកចិត្តចំពោះ គោលការណ៍ថ្មីរបស់រដ្ឋាភិបាលអាមេរិក ដែលសម្រេចកាត់បន្ថយ រយៈពេលនៃការដាក់ខ្លួនឱ្យនៅដាច់ពីគេ សម្រាប់អ្នកជំងឺ COVID-19 ដែលមិនចេញរោគសញ្ញា ដោយថាវាហាក់ធូររលុងពេក ដែលអាចនាំឱ្យមានការឆ្លងរាលដាលកាន់តែខ្លាំងថែមទៀត ខណៈសហរដ្ឋអាមេរិកកំពុងប្រឈមនឹងការកើនឡើងនៃករណីឆ្លង ដែលជំរុញដោយវីរុសបំប្លែងថ្មី Omicron។ នេះបើតាមការចេញផ្សាយដោយ ទីភ្នាក់ងារសារព័ត៌មាន Reuters នៅថ្ងៃព្រហស្បតិ៍ ទី៣០ ខែធ្នូ ឆ្នាំ២០២១។ ក្នុងសប្តាហ៍នេះ មជ្ឈមណ្ឌលគ្រប់គ្រងនិងបង្ការជំងឺ (CDC) របស់សហរដ្ឋអាមេរិក បានសម្រេចបន្ថយរយៈពេលគួរដាក់ខ្លួនឱ្យនៅដាច់ដោយឡែកពីគេឯង សម្រាប់អ្នកជំងឺ COVID-19 ដែលមិនបង្ហាញរោគសញ្ញា ពី១០ថ្ងៃមកនៅត្រឹម៥ថ្ងៃវិញ ហើយក្រោយពេលនោះ ពួកគេតម្រូវឱ្យពាក់ម៉ាសរយៈពេល៥ថ្ងៃបន្ថែមទៀត។ មជ្ឈមណ្ឌល CDC អាមេរិកបានលើកឡើងថា ហេតុផលចម្បងមួយ គឺមកពីការកំពុងរាតត្បាតយ៉ាងឆាប់រហ័សនៃវីរុសបំប្លែងថ្មី Omicron ដែលអាចបង្ខំឱ្យកម្លាំងពលកម្មកាន់តែច្រើនថែមទៀត នៅតាមឧស្សាហកម្មផ្សេងៗ ត្រូវស្នាក់នៅផ្ទះក្នុងពេលប៉ុន្មានសប្តាហ៍ខាងមុខ បើទោះបីជាពួកគេមិនមានអាការៈអ្វី ឬក៏បង្កហានិភ័យក្នុងការចម្លងជំងឺទៅកាន់អ្នកដទៃក៏ដោយ។ យ៉ាងណាក្តី គោលការណ៍ថ្មីនេះ បានបង្កក្តីបារម្ភជាខ្លាំងក្នុងចំណោមក្រុមអ្នកជំនាញ ព្រោះវាមិនបានបែងចែកឱ្យច្បាស់រវាង អ្នកបានចាក់វ៉ាក់សាំង និងអ្នកមិនបានចាក់វ៉ាក់សាំង ដែលជាសះស្បើយពីជំងឺវិញក្នុងកម្រិតខុសគ្នា។ ម៉្យាងវិញទៀត គោលការណ៍នោះ ថែមទាំងមិនតម្រូវឱ្យមានការធ្វើតេស្តបញ្ជាក់ទៀតផង មុនពេលពួកគេអាចត្រឡប់ទៅបំពេញការងារ ឬធ្វើប្រាស្រ័យទាក់ទងក្នុងសង្គមវិញ។ […]

(សេអ៊ូល)៖ អតីតប្រធានាធិបតីកូរ៉េខាងត្បូង លោកស្រី ផាក គឺនហេ (Park Geun-hye) ត្រូវបានអាជ្ញាធរកំណត់ ឲ្យធ្វើការដោះលែងចេញពីពន្ធនាគារ នៅវេលាពាក់កណ្តាលយប់ថ្ងៃព្រហស្បតិ៍នេះតែម្តង (ម៉ោងនៅទីក្រុងសេអ៊ូល) តែប៉ុន្មានថ្ងៃប៉ុណ្ណោះបន្ទាប់ពីលោកស្រី ទទួលបានការលើកលែងទោសពីរដ្ឋាភិបាល។ នេះបើតាមការចេញផ្សាយដោយ ទីភ្នាក់ងារសារព័ត៌មាន Yonhap នារសៀលថ្ងៃព្រហស្បតិ៍ ទី៣០ ខែធ្នូ ឆ្នាំ២០២១។ កាលពីសប្តាហ៍មុននេះ ប្រធានាធិបតីកូរ៉េខាងត្បូងលោក មូន ចេអ៊ីន (Moon Jae-in) បានសម្រេចផ្តល់ការលើកលែងទោសពិសេសមួយ ដល់លោកស្រី Park Geun-hye ដោយយោងលើមូលហេតុចម្បងៗចំនួន ២ នោះគឺលោកស្រីកំពុងមានបញ្ហាសុខភាពធ្ងន់ធ្ងរ និងដើម្បីជាសញ្ញាបង្ហាញអំពីការរួបរួមជាតិ ខណៈការបោះឆ្នោតជ្រើសរើស ប្រធានាធិបតីកូរ៉េខាងត្បូងអាណត្តិថ្មី នឹងឈានចូលមកដល់នៅក្នុងពេលឆាប់ៗ។ លោកស្រី ផាក គឺនហេ ដែលបច្ចុប្បន្នមានវ័យ ៦៩ឆ្នាំ ត្រូវបានគេដឹងថា កំពុងជាប់ពន្ធនាគារជាមួយនឹងជំងឺប្រចាំការធ្ងន់ធ្ងរ។ លោកស្រី ផាក បានក្លាយជាប្រធានាធិបតីកូរ៉េខាងត្បូង ដំបូងគេក្នុងប្រវត្តិសាស្ត្រ ដែលត្រូវបានទម្លាក់ចេញពីតំណែង ពេលកំពុងកាន់អំណាចកាលពីឆ្នាំ២០១៧ ដោយតុលាការធម្មនុញ្ញ ជុំវិញរឿងអាស្រូវពុករលួយ និងការគប់គិតគ្នាជាមួយមនុស្សជំនិត ក្នុងការទទួលបានប្រាក់មូលនិធិ រាប់លានដុល្លារពីក្រុមហ៊ុនធំៗក្នុងប្រទេស […]

មិចស៊ីកូ៖ ប្រជាពលរដ្ឋមិចស៊ីកូជាច្រើននាក់បាននាំគ្នាប្តឹងទាមទារប្រាក់សំណងពីប្រទេសចិននិងអង្គការសុខភាពពិភពលោកជុំវិញវិបត្តិនៃការរាតត្បាតជំងឺកូវីដ ១៩ ដែលបង្កឲ្យមានផលប៉ះពាល់យ៉ាងខ្លាំងចំពោះសេដ្ឋកិច្ចនិងសង្គមក្នុងប្រទេសមិចស៊ីកូ។ ពលរដ្ឋមិចស៊ីកូម្នាក់គឺលោក Jaime Michaus អាយុ ៦៣ឆ្នាំបានប្រាប់ឲ្យដឹងថា ជំងឺកូវីដ ១៩​ បានឆកយកជីវិតកូនស្រីវ័យ ២៦ឆ្នាំរបស់គាត់និងបានបន្សល់ទុកចៅស្រីម្នាក់ទើបមានអាយុជាង ១ខែឲ្យគាត់ត្រូវមើលថែ ដែលវាជាប​ន្ទុកដ៏ធំមួយសម្រាប់គាត់ជាមនុស្សចាស់និងបានចូលនិវត្តន៍ពីការងារួចទៅហើយ។ បុរសចំណាស់រូបនេះបានបន្តថា គាត់មិនមានសង្ឃឹមច្រើននោះទេក្នុងការទទួលបានប្រាក់សំណងតាមពាក្យបណ្តឹងរបស់គាត់នោះ តែយ៉ាងណាក្តីគាត់ត្រូវតែធ្វើរឿងនេះព្រោះវាជារឿងត្រឹមត្រូវដែលជនរងគ្រោះគួរតែធ្វើ ហើយបើក្នុងករណីដែលគាត់អាចទទួលបានប្រាក់សំណងពិតមែននោះគឺវានឹងក្លាយជារឿងល្អបំផុតសម្រាប់ចៅស្រីរបស់គាត់។ បើយោងតាមការចុះផ្សាយរបស់បណ្តាញសារព័ត៌មាន Channel News Asia បានឲ្យដឹងថា ពាក្យបណ្តឹងរបស់ក្រុមពលរដ្ឋមិចស៊ីកូទាំងនោះត្រូវបានដាក់ទៅកាន់តុលាការអន្តជាតិ Poplavsky International Law Offices ដែលមានមូលដ្ឋាននៅក្នុងទីក្រុង Buenos Aires ប្រទេសអាហ្សង់ទីន។ ក្នុងពាក្យបណ្តឹងនោះគឺពលរដ្ឋមិចស៊ីកូបានទាមទារប្រាក់សំណងចំនួន ២០០,០០០​ដុល្លារអាមេរិកសម្រាប់អ្នកជំងឺកូវីដ​ ១៩ម្នាក់ដែលបានធ្លាក់ខ្លួនឈឺធ្ងន់ធរ និង ៨០០,០០០ដុល្លារចំពោះអ្នកដែលបានស្លាប់។ គួរបញ្ជាក់ជូនថា គិតត្រឹមពេលនេះប្រទេសមិចស៊ីកូបានរកឃើញអ្នកឆ្លងជំងឺកូវីដ ១៩ សរុបចំនួន ៣,៩៦១,៦៦២នាក់ និងស្លាប់ចំនួន ២៩៩,១៣២នាក់៕ ដោយ៖ ខ្មែរណូត

យោងតាមការចុះផ្សាយរបស់សារព័ត៌មាន The Nation បានឱ្យដឹងថា អភិបាលក្រុងបាងកក លោក Pol General Asawin Kwanmuang បានចុះហត្ថលេខាលើបទបញ្ជារបស់រដ្ឋបាលក្រុងបាងកកដើម្បី បិទកន្លែងកម្សាន្ត ហាងស្រា បារ ហាងខារ៉ាអូខេ ហាងម៉ាស្សា និងគ្រឹះស្ថានដែលបម្រើសេវាកម្មស្រដៀងគ្នានេះ រហូតដល់ថ្ងៃទី ១៥ ខែមករា ឆ្នាំ២០២២។ យ៉ាងណាមិញ ខាងអភិបាលក្រុងបាងកក មិនបានបញ្ជាក់ពីហេតុផលដែលឈានដល់ការបិទនោះទេ ប៉ុន្តែអាចនឹងជាវិធានការសម្រាប់ទប់ស្កាត់ការរីករាលដាលជំងឺកូវីដ-១៩ ខណៈបច្ចុប្បន្នប្រទេសថៃកំពុងវាយប្រហារដោយកូវីដ-១៩ រ៉ាវ្យ៉ង់ អូមីក្រុង។ គួរឱ្យដឹងថា កន្លែងកម្សាន្ត ហាងស្រា បារ ហាងខារ៉ាអូខេ ហាងម៉ាស្សា ត្រូវបានបញ្ជាឱ្យបិទបន្ទាប់ពីត្រូវបានអនុញ្ញាតឱ្យបើកឡើងវិញចាប់ពីថ្ងៃទី៣១ ខែធ្នូ ខាងមុខនេះ៕ ដោយ៖ ខ្មែរណូត

ក្រសួងសុខភាពសាធារណៈថៃបានរាយការណ៍កាលពីថ្ងៃពុធថា ប្រទេសថៃបានរកឃើញករណីជំងឺ COVID-19 បំប្លែងខ្លួនថ្មី អូមីក្រុង ចំនួន ៧៤០ ករណី គិតមកទល់នឹងបច្ចុប្បន្ន ដែលក្នុងនោះមានអ្នកមកពីក្រៅប្រទេសចំនួន ៤៨៩នាក់ និងការឆ្លងក្នុងសហគមន៍ចំនួន ២៥១ករណី។ លោកវេជ្ជបណ្ឌិត Suphakit Sirilak អគ្គនាយកនៃនាយកដ្ឋានវិទ្យាសាស្ត្រវេជ្ជសាស្ត្របាននិយាយថា ទោះបីជាករណីថ្មីនៃជំងឺ COVID-19 ភាគច្រើននៅតែជាវ៉ារ្យ៉ង់ ដែលតា ក៏ដោយ ប៉ុន្តែករណីរបស់ អូមីក្រុង បានចាប់ផ្តើមលេចឡើងកាន់តែខ្លាំងឡើងៗ។ គាត់បាននិយាយថា ការឆ្លងទាក់ទងនឹងវ៉ារ្យ៉ង់ អូមីក្រុង ត្រូវបានរកឃើញនៅក្នុងខេត្តយ៉ាងហោចណាស់ចំនួន ៣៣ របស់ប្រទេសថៃ ដែលក្នុងនោះមានខេត្តចំនួន ១៩ គឺឆ្លងតាមរយៈការចម្លងនៅក្នុងសហគមន៍។ លោកបន្ថែមថា អ្នក​ជំងឺ​ក្នុង​ស្រុក​ជា​ច្រើន​នាក់​​ គឺមាន​ទំនាក់​ទំនង​ទៅ​នឹង​ការ​ចម្លង​ពី​ចង្កោម​ផ្ទុះនៅក្រុងកាឡាស៊ីន។ លោក Suphakit បាននិយាយថា ទីក្រុងបាងកក កាឡាស៊ីន និងភូកេត មានច្រើនជាង ៦០% នៃករណី អូមីក្រុង នៅក្នុងប្រទេសថៃ ខណៈដែលការឆ្លងក្នុងស្រុកភាគច្រើនមានទំនាក់ទំនងជាមួយភ្ញៀវបរទេស៕ ដោយ៖ ខ្មែរណូត

(ហ្សឺណែវ)៖ អគ្គនាយកអង្គការសុខភាពពិភពលោក (WHO) លោក ថេដ្រូស អាដាណម (Tedros Adhanom Ghebreyesus) បានចាត់ទុកថា ទ្វីបអឺរ៉ុបកំពុងប្រឈមនឹង «ស៊ូណាមិនៃករណីឆ្លងជំងឺ COVID-19» ដោយសារតែសន្ទុះនៃកំណើនករណីឆ្លងប្រចាំថ្ងៃ ដែលបង្កឡើងដោយវីរុស Omicron។ នេះបើតាមការចេញផ្សាយដោយ សារព័ត៌មានចិន CGTN នាព្រឹកថ្ងៃព្រហស្បតិ៍ ទី៣០ ខែធ្នូ ឆ្នាំ២០២១។ អគ្គនាយក WHO បានថ្លែងនៅក្នុងសន្និសីទសារព័ត៌មានមួយ នៅឯទីស្នាក់ការកណ្តាលរបស់ខ្លួន ក្នុងទីក្រុងហ្សឺណែវថា ការគំរាមកំហែងផ្ទួនៗគ្នា កំពុងកើនឡើងយ៉ាងឆាប់រហ័សនៅអឺរ៉ុប នោះគឺសន្ទុះនៃករណីឆ្លងជំងឺ COVID-19 និងការចូលសម្រាកមន្ទីរពេទ្យ ព្រមទាំងការស្លាប់ផងដែរ។ ឧទាហរណ៍ជាក់ស្តែង ចក្រភពអង់គ្លេសបានរកឃើញករណីឆ្លង COVID-19 រហូតដល់ទៅជាង ១៨០,០០០នាក់ កាលពីថ្ងៃពុធសប្តាហ៍នេះ ខណៈបារាំងវិញ គឺរហូតដល់ទៅជាង ២០០,០០០នាក់ក្នុងមួយថ្ងៃដូចគ្នា។ WHO បានព្រមានកាលពីដើមសប្តាហ៍នេះថា ហានិភ័យបង្កឡើងដោយ Omicron នៅតែបន្តស្ថិតក្នុងកម្រិតខ្ពស់ណាស់ ហើយកាលពីសប្តាហ៍មុននេះ ករណីឆ្លង COVID-19 ទូទាំងពិភពលោក បានកើនឡើងរហូតដល់ទៅ ១១%។ គួរបញ្ជាក់ថា […]

(ឡុងដ៍)៖ ចក្រភពអង់គ្លេសនៅថ្ងៃពុធសប្តាហ៍នេះ បានប្រកាសពីការរកឃើញករណីឆ្លងជំងឺ COVID-19 រហូតដល់ ១៨៣,០៣៧នាក់ នៅក្នុងកំលុងពេល ២៤ម៉ោង ដែលជាការកើនឡើងខ្ពស់បំផុតមិនធ្លាប់មាន ហើយបើធៀបនឹងតួលេខកាលពីមួយថ្ងៃមុនវិញ គឺបានកើនឡើងជាង ៥៣,០០០ករណីបន្ថែម។ នេះបើតាមការចេញផ្សាយដោយ ទីភ្នាក់ងារសារព័ត៌មាន Reuters នាព្រឹកថ្ងៃព្រហស្បតិ៍ ទី៣០ ខែធ្នូ ឆ្នាំ២០២១។ អាជ្ញាធរសុខាភិបាលអង់គ្លេសបានឲ្យដឹងថា ចំនួនករណីឆ្លងស្ទុះងើបឡើងយ៉ាងគំហុកនេះ គឺដោយសារតែការរាតត្បាតកាន់តែខ្លាំង នៃមេរោគ COVID-19 បំប្លែងថ្មី Omicron ដែលមានសមត្ថភាពចម្លងយ៉ាងឆាប់រហ័ស។ បើតាមរបាយការណ៍ចុងក្រោយ វីរុស Omicron កំពុងរ៉ាប់រងករណីឆ្លង COVID-19 ប្រចាំថ្ងៃរហូតដល់ទៅ ៩០% ទៅហើយ នៅទូទាំងចក្រភពអង់គ្លេស។ ទោះជាយ៉ាងណា នាយករដ្ឋមន្ត្រីអង់គ្លេសលោក បូរីស ចនសុន (Borish Johnson) បានគូសបញ្ជាក់រួចហើយថា លោកនឹងមិនដាក់ចេញនូវវិធានការរឹតត្បិតអ្វីនោះឡើយ នៅក្នុងឱកាសប្រារព្ធទិវាឆ្លងឆ្នាំសកលខាងមុខនេះ។ លោក ចនសុន បានសង្កត់ធ្ងន់ថា ប្រជាជនអង់គ្លេសក្នុងចំនួនច្រើនរហូតដល់ទៅជាង ៣៣លាននាក់ (៥៨% នៃចំនួនប្រជាជនសរុប) បានទទួលការចាក់វ៉ាក់សាំងបង្ការ COVID-19 ដូសជំរុញ […]

(ហាណូយ)៖ ក្រសួងសុខាភិបាលវៀតណាមនៅថ្ងៃពុធនេះ បានប្រកាសរកឃើញករណីឆ្លងថ្មីៗ នៃជំងឺកូវីដ១៩ ចំនួន១៣,៨៨៩ករណីបន្ថែមទៀត ក្នុងរយៈពេល២៤ម៉ោងចុងក្រោយនេះ។ នេះបើតាមការចេញផ្សាយ ដោយទីភ្នាក់ងារសារពត៌មាន Viet Nam News នៅយប់ថ្ងៃទី២៩ ខែធ្នូ ឆ្នាំ២០២១។ ករណីឆ្លងខាងលើជាករណីឆ្លងក្នុងស្រុកទាំងអស់។ រដ្ឋធានីហាណូយដែលបច្ចុប្បន្នកំពុងប្រែក្លាយជាចំណុចកណ្តាល នៃការផ្ទុះរីករាលដាលជំងឺនេះ បានរ៉ាប់រងសម្រាប់ករណីឆ្លងថ្មីថ្ងៃនេះចំនួន១,៧៦៦ករណី ខណៈហូជីមិញបានរាយការណ៍ ចំនួន៧០២ករណី។ ចំណែកខេត្តដែលមានករណីឆ្លងច្រើនដែរនោះគឺរួមមានដូចជា ខេត្ត Vĩnh Long ចំនួន៩១៧ករណី, ខេត្ត Tây Ninh ចំនួន៩៣៨ករណី និងខេត្ត Khánh Hòa ចំនួន៧៩៣ករណី។ ក្នុងរបាយការណ៍ថ្ងៃពុធនេះដែរ ក្រសួងសុខាភិបាលវៀតណាម ក៏បានប្រកាសពីករណីអ្នកស្លាប់ថ្មី ដោយសារជំងឺកូវីដ១៩ ចំនួន២៤៥នាក់បន្ថែមទៀតផងដែរ។ សរុបមកវិញ គិតត្រឹមយប់ថ្ងៃទី២៩ ខែធ្នូ ឆ្នាំ២០២១នេះវៀតណាមមានករណីឆ្លងកូវីដ-១៩ សរុបនៅទូទាំងប្រទេសចំនួន ១,៦៩៤,៨៧៤នាក់ ក្នុងនោះអ្នកជំងឺជាសះស្បើយចំនួន ១,៣០២,៥៤២នាក់ ចំណែកអ្នកស្លាប់សរុបចំនួន ៣១,៨៧៧នាក់៕ ផ្តល់សិទ្ធិដោយ៖ freshnews