(ញូវដេលី)៖ ពិធីបុណ្យ Kumbh Mela របស់អ្នកកាន់សាសនាហិណ្ឌូនៅឥណ្ឌា បានប្រារព្ធឡើងនៅថ្ងៃចន្ទ ទី១៣ ខែមករានេះ ដោយមានអ្នកធ្វើធម្មយាត្រាយ៉ាងច្រើនកុះករ មកចូលរួមការងូតទឹកតាមទំនៀមទំលាប់នៃពិធី នៅឯចំណុចប្រសព្វនៃទន្លេ Ganges, Yamuna និងទន្លេ Saraswati ជាកន្លែងដែលប្រជាជនជឿថា មានអាទិទេពចុះមកជួបគ្នានៅទីនោះ។ នេះបើយោងតាមការចេញផ្សាយដោយទីភ្នាក់ងារសារព័ត៌មាន AFP។ អ្នករៀបចំព្រឹត្តិការនៃពិធីបុណ្យ រំពឹងថានឹងមានមនុស្សចំនួន ៤០០លាននាក់ ដែលជាការប្រមូលផ្តុំមនុស្សដ៏ច្រើនបំផុតមួយ នៃពិភពលោក។ ពិធីបុណ្យ Kumbh Mela មានអាយុកាលរាប់ពាន់ឆ្នាំមកហើយ និងជាការបង្ហាញពីការគោរពចំពោះសាសនា ដោយការងូតទឹកដ៏ពិសិដ្ឋ។ ចំពេលវេលាដែលមានអាកាសធាតុ​​ត្រជាក់ ​មុន​ថ្ងៃ​រះ អ្នក​ធ្វើ​ធម្ម​យាត្រា​បាន​ងើប​ឡើង​ ដើម្បីចាប់ផ្តើមការចេញទៅងូត​ទឹកទន្លេ។ ព្រះសង្ឃហិណ្ឌូ និងចៅអធិការនៃរដ្ឋ Uttar Pradesh លោក Yogi Adityanath បានស្វាគមន៍អ្នកកាន់សាសនាហិណ្ឌូ ដែលមកចូលរួមពិធីបុណ្យនេះ ដោយឡើកលើកថា វាជាបទពិសោធន៍នៃការរួបរួមក្នុងភាពចម្រុះ ការធ្វើសមាធិ ការងូតទឹកដ៏បរិសុទ្ធនៅទីប្រសព្វនៃជំនឿសាសនា និងនៅក្នុងសម័យកាលទំនើប។ ប៉ូលិស​ឥណ្ឌា​និយាយ​ថា ពួកគេ​កំពុង​ធ្វើ​ការ​ល្បាត​ទាំង​ថ្ងៃ​ទាំង​យប់​​ ដើម្បី​ធានា​សុវត្ថិភាព​កម្រិត​ខ្ពស់​សម្រាប់​ព្រឹត្តិការណ៍​នេះ។ អាជ្ញាធរ និងប៉ូលិស ក៏បានរៀបចំទីតាំងផ្តល់ព័ត៌មាន និងកម្មវិធីទូរស័ព្ទ ដើម្បីជួយដល់អ្នកដែលវង្វេងបាត់ផងដែរ៕ […]

(តូក្យូ)៖ រដ្ឋមន្ត្រីការបរទេសជប៉ុន លោក Takeshi Iwaya បាននិយាយនៅថ្ងៃអាទិត្យ ទី១២ ខែមករានេះថាលោកគ្រោងនឹងទៅចូលរួមពិធីស្បថចូលកាន់តំណែងជាប្រធានាធិបតីអាមេរិករបស់លោក ដូណាល់ ត្រាំ នៅថ្ងៃទី២០ ខែមករាខាងមុខនេះ ខណៈរដ្ឋាភិបាលរបស់លោកនាយករដ្ឋមន្ត្រី Shigeru Ishiba សង្ឃឹមរក្សាទំនាក់ទំនងជិតស្និទ្ធជាមួយសហរដ្ឋអាមេរិក។ នេះបើតាមការចេញផ្សាយ ដោយទីភ្នាក់ងារសារព័ត៌មាន Reuters។ ការប្រកាសបែបនេះរបស់លោក Takeshi Iwaya ធ្វើឡើងនៅក្នុងកម្មវិធីមួយរបស់ទូរទស្សន៍ជប៉ុន NHK។ ប្រមុខការទូតជប៉ុនរូបនេះបានគូសបញ្ជាក់ដូច្នេះថា «យើងមានបំណងកសាងទំនាក់ទំនងមួយ ប្រកបដោយការជឿទុកចិត្តជាមួយរដ្ឋបាលលោក ត្រាំ»។ លោក Iwaya បានបន្ថែមថាលោកក៏កំពុងស្វះស្វែងរៀបចំជំនួបជាមួយសមាជិកព្រឹទ្ធសភាអាមេរិក លោក Marco Rubio ដែលត្រូវបានលោក ត្រាំ តែងតាំងជារដ្ឋមន្ត្រីការបរទេស។ ឥណ្ឌា និងអូស្ត្រាលី ក៏បានប្រកាសដែរថារដ្ឋមន្ត្រីការបរទេសរបស់ពួកគេនឹងទៅចូលរួមពិធីស្បថចូលកាន់តំណែងរបស់លោក ដូណាល់ ត្រាំ។ គួរបញ្ជាក់ថា បើតាមកាសែតជប៉ុន Yomiuri Shimbun លោក Ishiba មានគម្រោងបំពេញទស្សនកិច្ចទៅកាន់សហរដ្ឋអាមេរិកនៅខែកុម្ភៈខាងមុខ សម្រាប់កិច្ចប្រជុំកំពូលជាលើកដំបូងរបស់លោក ជាមួយលោក ដូណាល់ ត្រាំ បន្ទាប់ពីនាយករដ្ឋមន្ត្រីជប៉ុនរូបនេះព្យាយាមមិនបានសម្រេចដើម្បីជួបជាមួយលោក ត្រាំ កាលពីខែវិច្ឆិកា ឆ្នាំ២០២៤ […]

(សេអ៊ូល)៖ ប្រធានាធិបតីកូរ៉េខាងត្បូង លោក Yoon Suk Yeol នឹងមិនចូលរួមក្នុងសវនាការផ្លូវការជាលើកដំបូង ដែលនឹងសម្រេចថាតើត្រូវទុក ឬក៏ដកតំណែងរបស់លោក នៅថ្ងៃអង្គារ សប្ដាហ៍ក្រោយនេះនោះទេ។ នេះបើតាមមេធាវីរបស់លោក Yoon ដកស្រង់ចេញផ្សាយដោយទីភ្នាក់ងារសារព័ត៌មាន Yonhap នៅថ្ងៃអាទិត្យ ទី១២ ខែមករា។ លោក Yun Gap-geun ជាមេធាវីម្នាក់របស់លោក Yoon ធ្វើការប្រកាសបែបនេះ ខណៈតុលាការធម្មនុញ្ញកូរ៉េខាងត្បូងគ្រោងនឹងរៀបចំសវនាការទាញហេតុផលលើសេចក្ដីសម្រេចរបស់សភា ដែលបានបោះឆ្នោតដកតំណែងលោក Yoon ពាក់ព័ន្ធនឹងការប៉ុនប៉ងប្រើប្រាស់ច្បាប់អាជ្ញាសឹកមិនបានសម្រេចកាលពីខែធ្នូកន្លងទៅ និងក្នុងបរិបទដែលក្រុមអ្នកស៊ើបអង្កេតកំពុងព្យាយាមចាប់ខ្លួន ប្រធានាធិបតីត្រូវបានព្យួរតំណែងរូបនេះ ដើម្បីសួរចម្លើយក្នុងសំណុំរឿងដាច់ដោយឡែកមួយទៀត ទាក់ទិននឹងការប្រកាសប្រើច្បាប់អាជ្ញាសឹកនេះដែរ។ លោក Yun Gap-geun បានគូសបញ្ជាក់បន្ថែមថា «ខណៈការប៉ុនប៉ងដោយខុសច្បាប់ដើម្បីអនុវត្តដីកាខុសច្បាប់ និងគ្មានសុពលភាពកំពុងប្រព្រឹត្តទៅ វាពិតជាមានការព្រួយបារម្ភពីសុវត្ថិភាព ផ្ទាល់ខ្លួន និងគ្រោះថ្នាក់ជាយថាហេតុណាមួយ។ ដូច្នេះដើម្បីសម្រួលឱ្យលោកប្រធានាធិបតីបង្ហាញខ្លួនក្នុងសវនាការ បញ្ហាសុវត្ថិភាព និងសន្តិសុខគួរតែត្រូវបានដោះស្រាយជាមុនសិន»។ គួរបញ្ជាក់ថា បើតាមលោក Yun លោក Yoon Suk Yeol នឹងបង្ហាញខ្លួននៅក្នុងសវនាការ ប្រសិនបើបញ្ហាដែលលោកបានលើកឡើងត្រូវបានដោះស្រាយ។ តុលាការធម្មនុញ្ញកូរ៉េខាងត្បូង បានប្រកាសថាខ្លួននឹងចាប់ផ្ដើមសវនាការទាញហេតុផលផ្ទាល់មាត់ នៅថ្ងៃអង្គារសប្ដាហ៍ក្រោយនេះ ហើយសវនាការសរុបទាំង៥ដំណាក់កាលនឹងធ្វើឡើងរហូតដល់ថ្ងៃទី៤ […]

(Reuters)៖ ប្រធានាធិបតីអ៊ុយក្រែន លោក វ៉ូឡូឌីមៀ ហ្សេលេនស្គី កាលពីថ្ងៃសៅរ៍ ទី១១ ខែមករា បានអះអាងថាអ៊ុយក្រែនបានចាប់ខ្លួនទាហានកូរ៉េខាងជើង២នាក់ នៅក្នុងតំបន់ Kursk របស់រុស្ស៉ី ហើយដែលនេះគឺជាលើកដំបូងបំផុតដែលអ៊ុយក្រែនប្រកាសពីការចាប់ខ្លួនទាហានកូរ៉េខាងជើងទាំងរស់ ចាប់តាំងពីពួកគេបានប្រឡូកក្នុងសង្រ្គាមកាលពីពេលថ្មីៗនេះ»។ នេះបើ តាមការចេញផ្សាយដោយទីភ្នាក់ងារសារព័ត៌មាន Reuters។ ទាហានកូរ៉េខាងជើងត្រូវបានដាក់ពង្រាយឱ្យទៅជួយកងកម្លាំងរុស្ស៉ី កាលពីខែតុលា ឆ្នាំ២០២៤ ខណៈបើតាមទីក្រុងកៀវ និងសម្ព័ន្ធមិត្តលោកខាងលិចបានវាយតម្លៃថាទាហានកូរ៉េខាងជើង ជាង ១០ ០០០នាក់ ឬច្រើនជាងនេះកំពុងប្រយុទ្ធនៅលើសមរភូមិ។ នៅក្នុងការបង្ហោះមួយលើបណ្ដាញទំនាក់ទំនងសង្គម X លោក ហ្សេលេនស្គី បាននិយាយថាទាហានកូរ៉េខាងជើងដែល ត្រូវបានចាប់ខ្លួនទាំង២នាក់ ត្រូវបានបញ្ជូនទៅកាន់ទីក្រុងកៀវ។ «ដូចគ្នាទៅនឹងឈ្លើយសឹកទាំងអស់ ទាហានកូរ៉េខាងជើងទាំង២នាក់នេះកំពុងទទួលបានការព្យាបាល»។ នេះជាការបញ្ជាក់ របស់លោក ហ្សេលេនស្គី ជាមួយការបន្ថែមថាអ្នកសារព័ត៌មាននឹងត្រូវបានអនុញ្ញាតឱ្យជួបនិយាយជាមួយទាហានកូរ៉េខាងជើងទាំង២រូប។ គួរបញ្ជាក់ថា អ៊ុយក្រែនបានឱ្យដឹងថាទាហានកូរ៉េខាងជើងកំពុងជួយកងកម្លាំងរុស្ស៉ី នៅក្នុងតំបន់ Kursk ជាទីដែលកងទ័ពអ៊ុយក្រែនបានបើកប្រតិបត្តិការវាយលុកថ្មើរជើង កាលពីខែសីហា ឆ្នាំមុន និងកំពុងកាន់កាប់ទឹកដីមួយចំនួន។ ទីក្រុងព្យុងយ៉ាងក៏រងការចោទប្រកាន់ដែរថាបានបញ្ជូនអាវុធទៅឱ្យរុស្ស៉ី តែទាំងរុស្ស៉ី និងកូរ៉េខាងជើងមិនបានទទួលស្គាល់នោះទេ ហើយក៏ មិនទាន់ធ្វើអត្ថាធិប្បាយអ្វីឆ្លើយតបទៅនឹងការអះអាងរបស់លោក ហ្សេលេនស្គី អំពីទាហានកូរ៉េខាងជើងដែលត្រូវបានចាប់ខ្លួនជាឈ្លើយសឹកនោះដែរ៕ ផ្ដល់សិទ្ធិដោយ៖ Freshnews

(បាងកក)៖ របាយការណ៍ដែលចេញផ្សាយដោយគណៈកម្មាធិការអចិន្រ្តៃយ៍រួមសម្រាប់ពាណិជ្ជកម្ម ឧស្សាហកម្ម និងធនាគារ (JSCCIB) បង្ហាញថា ឯកជនបំណុលគ្រួសារនៅប្រទេសថៃ រួមទាំងប្រាក់កម្ចីក្រៅផ្លូវការបានកើនឡើងដល់ជាង ១០០% នៃផលិតផលក្នុងស្រុកសរុប (ផ.ស.ស) ដែលត្រូវបានរំពឹងថានឹងដាក់សម្ពាធលើកំណើនសេដ្ឋកិច្ច។ កាសែតបាងកកប៉ុស្តិ៍បានរាយការណ៍ដោយដកស្រង់ការសិក្សាធ្វើឡើងដោយសាកលវិទ្យាល័យ Chulalongkorn ដែលត្រូវបានចាត់តាំងដោយគណកម្មាធិការ JSCCIB ថា អនុបាតបំណុលគ្រួសារធៀបនឹង ផ.ស.ស បានឈានដល់ ១០៤% នៅក្នុងត្រីមាសទី៤ ឆ្នាំ២០២៤។ ការគណនានេះបានរួមបញ្ចូលទាំងប្រាក់កម្ចីក្រៅផ្លូវការ ដែលមិនត្រូវបានរាប់បញ្ចូលក្នុងស្ថិតិផ្លូវការដែលចេញផ្សាយដោយធនាគារកណ្តាលថៃ។ កន្លងមក ធនាគារកណ្តាលថៃបានឱ្យដឹងថា បំណុលគ្រួសារមានប្រហែល ៩០% នៃផលិតផលក្នុងស្រុកសរុប។ កាសែតបាងកកប៉ុស្តិ៍បានរាយការណ៍ថា ជាមធ្យម បំណុលក្រៅផ្លូវការក្នុងមួយគ្រួសារមានចំនួន ៩៨.៥៣៨បាត ឬប្រហែល ២ ៨៥០ដុល្លារ។ លោក Kobsak Duangdee អគ្គលេខាធិការនៃសមាគមធនាគារថៃត្រូវបានដកស្រង់សម្ដីដោយប្រាប់កាសែតបាងកកប៉ុស្តិ៍ខណៈថ្លែងបន្ទាប់ពីកិច្ចប្រជុំរបស់គណកម្មាធីការ JSCCIB កាលពីថ្ងៃពុធថា ៤០% នៃគ្រួសាររបស់ពលរដ្ឋថៃមានបំណុលក្រៅផ្លូវការ ទាំងម្ចាស់បំណុល ឬអ្នកខ្ចី។ យោងតាមលោក Kobsak កម្រិតបំណុលគ្រួសារខ្ពស់បង្កបញ្ហាប្រឈមដល់កំណើនសេដ្ឋកិច្ចថៃ។ ទោះជាយ៉ាងណា បំណុលក្រៅផ្លូវការមានសារៈសំខាន់ណាស់ក្នុងការជួយដល់សន្ទនីយភាពរបស់គ្រួសារ ដោយបម្រើជាប្រភពមូលនិធិសម្រាប់ទាំងការចំណាយលើការរស់នៅប្រចាំថ្ងៃ និងសកម្មភាពអាជីវកម្ម ជួយគ្រួសារគ្រប់គ្រងភាពអាសន្នផ្នែកហិរញ្ញវត្ថុជាដើម។ យោងតាមការសិក្សាដដែលនេះបានឱ្យដឹងថា […]

(វ៉ាស៉ីនតោន)៖ អនាគតប្រធានាធិបតីអាមេរិក លោក ដូណាល់ ត្រាំ បានស្តីបន្ទោសលោកប្រធានាធិបតី ចូ បៃដិន និងអភិបាលរដ្ឋ California ដែលមកពីគណបក្សប្រជាធិបតេយ្យ ជុំវិញបញ្ហាភ្លើងឆេះព្រៃ បន្តរាលដាលដល់ទីក្រុង Los Angeles របស់សហរដ្ឋអាមេរិក។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃសុក្រ ទី១០ ខែមករា ឆ្នាំ ២០២៥។ ដោយមិនផ្តល់ភស្តុតាង លោក ត្រាំ បានចោទប្រកាន់អភិបាលរដ្ឋ California លោក Gavin Newsom អំពីភាពបរាជ័យផ្សេងៗ រួមទាំងការខ្ជះខ្ជាយទឹកដែលប្រើដើម្បីពន្លត់អគ្គិភ័យ ព្រោះតែចង់ការពារត្រីមួយប្រភេទ។ លោក ត្រាំ បានបង្ហោះសារលើបណ្តាញសង្គម Truth Social ដោយសំដៅលើក្រុមអ្នកប្រជាធិបតេយ្យ ដូច្នេះថា «លោក Gavin Newsom គួរតែលាលែងពីតំណែង។ នេះជាកំហុសរបស់គាត់»។ លោក ត្រាំ បានបន្ថែមថា «ភ្លើងឆេះដ៏សាហាវនៅ Los Angeles បង្ហាញថាពេលវេលាចូលកាន់តំណែង គួរតែមកឱ្យបានលឿនជាងនេះ។ វាជានិមិត្តរូបនៃអសមត្ថភាពជារួម និងការគ្រប់គ្រងមិនបានត្រឹមត្រូវរបស់ លោក បៃដិន […]

(គូឡាឡាំពួ)៖ មន្ត្រីជាន់ខ្ពស់ពីររូបនៃរដ្ឋាភិបាលម៉ាឡេស៊ីបានឱ្យដឹងនៅក្នុងបទសម្ភាសដាច់ដោយឡែកពីគ្នាថា កំណើនសេដ្ឋកិច្ចរបស់ប្រទេសម៉ាឡេស៊ីត្រូវបានរំពឹងថានឹងរក្សាបានកម្រិតកំណើនល្អកាលពីឆ្នាំមុន និងលើសពី ៥% ក្នុងឆ្នាំ២០២៥ ដែលជំរុញដោយការវិនិយោគបរទេស និងគំនិតផ្តួចផ្តើមរបស់រដ្ឋាភិបាលដែលអាចជួយការពារសេដ្ឋកិច្ចពីហានិភ័យសកល។ នេះបើយោងតាមទីភ្នាក់ងារព័ត៌មាន Bloomberg News។ លោក Amir Hamzah Azizan រដ្ឋមន្ត្រីក្រសួងហិរញ្ញវត្ថុទីពីរនៃប្រទេសម៉ាឡេស៊ីបានប្រាប់លោក Haslinda Amin នៃទូរទស្សន៍ Bloomberg នៅក្នុងរាជធានីរដ្ឋបាល Putrajaya កាលពីល្ងាចថ្ងៃពុធថា ប្រទេសម៉ាឡេស៊ីកំពុងស្ថិតនៅលើផ្លូវវិជ្ជមានរួចទៅហើយ ដោយឱនភាពថវិកាកាលពីឆ្នាំមុនទំនងជាទាបជាងគោលដៅដែលមាន ៤,៣% នៃផលិតផលក្នុងស្រុកសរុប។ រដ្ឋាភិបាលម៉ាឡេស៊ីគ្រោងនឹងបង្រួមឱនភាពនេះបន្ថែមទៀតមកនៅត្រឹម ៣,៨% នៃ ផ.ស.ស ក្នុងឆ្នាំ២០២៥។ នៅខាងក្រៅវេទិកាមួយក្នុងទីក្រុងគូឡាឡាំពួ រដ្ឋមន្ត្រីក្រសួងសេដ្ឋកិច្ចម៉ាឡេស៊ីលោក Rafizi Ramli បានប្រាប់ Amin នៃទូរទស្សន៍ Bloomberg ថា តំបន់សេដ្ឋកិច្ចពិសេសមួយដែលប្រទេសម៉ាឡេស៊ីនឹងសហការអភិវឌ្ឍជាមួយសិង្ហបុរី នឹងជួយទ្រទ្រង់សន្ទុះកំណើនសេដ្ឋកិច្ចរបស់ម៉ាឡេស៊ី។ គាត់បានលើកឡើងពីអារម្មណ៍សុទិដ្ឋិនិយមរបស់គាត់ចំពោះកំណើន ផ.ស.ស ដែលថានឹងមានកំណើនលឿនជាងមុន តែបានលើកឡើងពីការប្រុងប្រយ័ត្នចំពោះគោលនយោបាយរបស់រដ្ឋាភិបាលប្រធានាធីបតីជាប់ឆ្នោត ដូណាល់ ត្រាំ ដែលនឹងប៉ះពាល់ដល់ប្រទេសម៉ាឡេស៊ី។ សម្រាប់លោករដ្ឋមន្ត្រីក្រសួងហិរញ្ញវត្ថុ Amir វិញ គាត់បាននិយាយថា គាត់មានទំនុកចិត្តថា សេដ្ឋកិច្ចដែលមានភាពចម្រុះរបស់ប្រទេសនេះនឹងទប់ទល់បាននឹងការគំរាមកំហែងនៃពន្ធគយ […]

(សិង្ហបុរី)៖ ទឹកជំនន់ភ្លាមៗអាចកើតមាននៅក្នុងប្រទេសសិង្ហបុរី ចន្លោះពីថ្ងៃសុក្រ ទី១០ រហូតដល់ថ្ងៃចន្ទ ទី១៣ ខែមករា ដោយសារតែឥទ្ធិពលនៃខ្យល់មូសុង។ នេះបើយោងតាមការចេញផ្សាយដោយទីភ្នាក់ងារសារព័ត៌មាន CNA នៅថ្ងៃព្រហស្បតិ៍ ទី៩ ខែមករា ឆ្នាំ ២០២៥។ ទីភ្នាក់ងារបរិស្ថានជាតិ (NEA) បានឱ្យដឹងថ្ងៃព្រហស្បតិ៍នេះថា ឥទ្ធិពលខ្យល់មូសុង អាចនាំមកនូវភ្លៀង និងខ្យល់បក់បោក ក្នុងរយៈពេល ៤ថ្ងៃបន្ទាប់។ អំឡុងពេលនោះ ក៏អាចមានភ្លៀងធ្លាក់ពីមធ្យមទៅច្រើន ជាមួយនិងអាកាសធាតុត្រជាក់ រួមទាំងខ្យល់ខ្លាំង។ សីតុណ្ហភាពជាមធ្យមប្រចាំថ្ងៃ នឹងធ្លាក់ចុះនៅកម្រិត ២២អង្សាសេ នៅផ្នែកខ្លះនៃប្រទេសសិង្ហបុរី។ ទីភ្នាក់ងារគ្រប់គ្រងទឹកជាតិ PUB បានឱ្យដឹងថា ភ្លៀងធ្លាក់ខ្លាំងអាចគ្របដណ្ដប់លើព្រែកជីក និងប្រឡាយបង្ហូរទឹក ដែលនឹងនាំឱ្យមានទឹកជំនន់ភ្លាមៗ។ ពលរដ្ឋត្រូវបានណែនាំឱ្យប្រើកម្មវិធីទូរស័ព្ទ MyENV ឬឆាណែលតេឡេក្រាម PUB Flood Alerts ដើម្បីទទួលបានការជូនដំណឹងអំពីភ្លៀងធ្លាក់ខ្លាំង ទីតាំងចៀសវាងហានិភ័យនៃទឹកជំនន់ និងបន្តធ្វើបច្ចុប្បន្នភាពលើ ការព្រមានអំពីទឹកជំនន់។ គួរបញ្ជាក់ថា ប្រទេសសិង្ហបុរី ​ងាយ​រង​គ្រោះ​ដោយ​គ្រោះ​ទឹក​ជំនន់​ ពីព្រោះតែ​សណ្ឋាន​ដី​ និង​ការអភិវឌ្ឍទីក្រុងយ៉ាង​ឆាប់រហ័ស។ ព្យុះមួយរំពេចហើយមានកម្លាំងខ្លាំងក្លា សូម្បីតែពេលមិនមានខ្យល់មូសុង ក៏អាចគ្របដណ្ដប់លើព្រែកជីក និងប្រឡាយ […]

(សេអ៊ូល)៖ នៅថ្ងៃព្រហស្បតិ៍ ទី៩ ខែមករា មេធាវីរបស់លោក Yoon Suk Yeol បានអះអាងថា លោកប្រធានាធិបតីកូរ៉េខាងត្បូង នឹងទទួលយកការសម្រេចចិត្តរបស់តុលាការធម្មនុញ្ញ ដែលឥឡូវនេះ កំពុងដំណើរការសំណុំរឿងចោទប្រកាន់ដកតំណែងលោក បើទោះបីជាតុលាការសម្រេចចិត្ត ទម្លាក់រូបលោកចេញពីតំណែងក៏ដោយ។ នេះបើតាមការចេញផ្សាយដោយ ទីភ្នាក់ងារព័ត៌មាន Reuters។ ក្នុងសន្និសីទសារព័ត៌មានមួយ នៅពេលត្រូវបានសាកសួរថា តើលោក Yoon នឹងទទួលយកលទ្ធផលកាត់សេចក្តីជាចុងក្រោយ របស់តុលាការធម្មនុញ្ញដែរឬអត់ ទោះវាចេញមកយ៉ាងណាក៏ដោយនោះ លោក Yoon Kab-keun ដែលជាមេធាវីខាងលើ បានឆ្លើយតបដូច្នេះថា «ប្រសិនបើការសម្រេចចិត្តចេញមក គឺដកតំណែង នោះគ្មានអ្វីអាចត្រូវធ្វើផ្សេង ក្រៅតែពីទទួលយកឡើយ»។ កន្លងមក លោក Yoon បានបដិសេធបង្ហាញខ្លួន តាមសំណើរបស់តុលាការ មុនពេលតុលាការចាប់ផ្តើមបើកសវនាការ លើ​សំណុំរឿងដកតំណែងលោក កាលពីថ្ងៃទី២៧ ខែធ្នូ ឆ្នាំមុន ប៉ុន្តែមេធាវីរបស់លោក បានអះអាងថា រូបលោកមានឆន្ទៈបង្ហាញខ្លួនផ្ទាល់ ដើម្បីតវ៉ាក្តី។ ម៉្យាងវិញទៀត ប្រធានាធិបតីដែលត្រូវព្យួរអំណាចរូបនេះ ក៏បានបដិសេធម្តងហើយម្តងទៀត ចំពោះការកោះហៅ​ជាច្រើនលើកផងដែរ ក្នុងការស៉ើបអង្កេតព្រហ្មទណ្ឌដាក់ដោយឡែកមួយ ពាក់ព័ន្ធការចោទប្រកាន់ថា រូបលោកបានដឹកនាំការបះបោរ តាមរយៈការប្រកាសច្បាប់អាជ្ញាសឹក ដ៏ចម្រូងចម្រាស […]

(វ៉ាស៊ីនតោន)៖ មនុស្សជាង ៣០,០០០ នាក់ រួមទាំងតារាល្បីៗជាច្រើន បានភៀសខ្លួនចេញពីផ្ទះសម្បែង ខណៈដែលភ្លើងឆេះព្រៃបានឆាបឆេះតំបន់ឆ្នេរដ៏ធំ នៃទីក្រុង Los Angeles ពេញមួយយប់។ ភ្លើងបានបំផ្លាញផ្ទះសម្បែងជាច្រើន និងឆេះរាលដាលតាមជម្រាលភ្នំ បង្កឱ្យមានការកកស្ទះចរាចរណ៍ខ្លាំង ខណៈអ្នកស្រុកនាំគ្នាជម្លៀសខ្លួន។ ក្រុមអ្នកព្យាករណ៍អាកាសធាតុបានព្រមានថា ស្ថានភាពអាចនឹងកាន់តែអាក្រក់ ពេញមួយថ្ងៃពុធ ដោយសារខ្យល់ព្យុះ និងលក្ខខណ្ឌស្ងួតហួតហែង កំពុងបង្កើនការលំបាកនៅក្នុងសង្កាត់ប៉ាស៊ីហ្វិក Palisades និងយ៉ាងហោចណាស់ពីរតំបន់ផ្សេងទៀត ក្នុងទីក្រុង Los Angeles។ អភិបាលរដ្ឋកាលីហ្វ័រញ៉ា លោក Gavin Newsom បានប្រកាសដាក់រដ្ឋក្នុងភាពអាសន្នកាលពីថ្ងៃអង្គារ។ តំបន់ Pacific Palisades ដែលជាជម្រករបស់តារាល្បីៗជាច្រើន រងការវាយប្រហារដោយភ្លើងឆេះព្រៃ បណ្តាលឱ្យខូចខាតអគារជាច្រើន និងឆាបឆេះផ្ទៃដីជិត ៣,០០០ ហិចតា។ ការជម្លៀសទ្រង់ទ្រាយធំបានធ្វើឱ្យផ្លូវនានាកកស្ទះយ៉ាងខ្លាំង ហើយអ្នកស្រុកមួយចំនួនត្រូវបង្ខំចិត្តបោះបង់ចោលរថយន្ត ខណៈអណ្តាតភ្លើងបានរាលដាលយ៉ាងលឿន និងផ្សែងខ្មៅ បានហុយឡើងពេញផ្ទៃមេឃ នៃទីក្រុង Los Angeles។ តារាសម្តែង Steve Guttenberg បានរៀបរាប់ប្រាប់ទូរទស្សន៍ KTLA ពីស្ថានភាពដ៏តានតឹង ខណៈមិត្តភក្តិរបស់គាត់ជាប់គាំង មិនអាចជម្លៀសខ្លួនបាន […]