(ភ្នំពេញ)៖ និយ័តករទូរគមនាគមន៍កម្ពុជា (ន.ទ.ក.) បានស្នើដល់សាធារណជនចូលរួមរាយការណ៍មកនិយ័តករទូរគមនាគមន៍កម្ពុជា ករណីបានដឹងពីការលក់ ការចែកចាយ ការដំឡើង ឬការប្រើប្រាស់ឧបករណ៍ និងសេវាទូរគមនាគមន៍ខុសច្បាប់ តាមរយៈលេខទូរស័ព្ទ ៦៧៨៩ ឬផ្ញើសារមកកាន់អ៊ីម៉ែល info@trc.gov.kh ដោយនិយ័តករទូរគមនាគមន៍កម្ពុជានឹងរក្សាការសម្ងាត់ជូន។ ការស្នើនេះធ្វើឡើងតាមរយៈសេចក្ដីជូនដំណឹងរបស់និយ័តករទូរគមនាគមន៍កម្ពុជា (ន.ទ.ក.) ស្តីពីការនាំចូល ការផ្គត់ផ្គង់ និងការចែកចាយគ្រឿងសម្ភារបរិក្ខារ និងការប្រើប្រាស់សេវាទូរគមនាគមន៍ខុសច្បាប់ ដែលបានចេញផ្សាយនាថ្ងៃទី៣ ខែកក្កដា ឆ្នាំ២០២៤។ ការចេញសេចក្ដីជូនដំណឹងនេះ ដោយសារនាពេលកន្លងមក មានបុគ្គលមួយចំនួនបានប្រើប្រាស់សេវាអ៊ីនធឺណិត ដែលផ្តល់ដោយក្រុមហ៊ុន Starlink ដែលជាក្រុមហ៊ុនពុំមានអាជ្ញាបណ្ណក្នុងការធ្វើប្រតិបត្តិការ និងផ្តល់សេវាអ៊ីនធឺណិតនៅប្រទេសកម្ពុជា ក៏ដូចជានាំចូលនិងចែកចាយឧបករណ៍ផ្តល់សេវាអ៊ីនធឺណិតក្លែងក្លាយ ហើយអះអាងថាជារបស់ក្រុមហ៊ុន Starlink ដែលធ្វើឱ្យប៉ះពាល់ដល់គុណភាពសេវាទូរគមនាគមន៍ និងសណ្តាប់ធ្នាប់សាធារណៈ។ ដើម្បីទប់ស្កាត់នូវការប្រើប្រាស់គ្រឿងសម្ភារៈបរិក្ខារទូរគមនាគមន៍ខុសច្បាប់ និងការពារផលប្រយោជន៍របស់អ្នកប្រើប្រាស់ និយ័តករទូរគមនាគមន៍កម្ពុជា បានរំលឹកជូនដល់សាធារណជនឱ្យបានជ្រាប ដូចខាងក្រោម៖ * អ្នកប្រើប្រាស់មិនត្រូវដំឡើងនិងប្រើប្រាស់ឧបករណ៍ផ្តល់សេវាអ៊ីនធឺណិតនានា ដែលពុំមានប្រភពច្បាស់លាស់ ឬជួលជាវសេវាអ៊ីនធឺណិតពីក្រុមហ៊ុន ដែលពុំមានអាជ្ញាបណ្ណពីនិយ័តករទូរគមនាគមន៍កម្ពុជាឡើយ។ បញ្ជីឈ្មោះប្រតិបត្តិករទូរគមនាគមន៍ ដែលបានទទួលអាជ្ញាបណ្ណស្របច្បាប់ ត្រូវបានធ្វើបច្ចុប្បន្នជាប្រចាំ និងអាចទាញយកបានពីគេហទំព័រផ្លូវការរបស់និយ័តករទូរគមនាគមន៍កម្ពុជា៖ www.trc.gov.kh។ * ក្រុមហ៊ុនដែលមានបំណងប្រតិបត្តិការនិងផ្តល់សេវាអ៊ីនធឺណិតនៅកម្ពុជា ត្រូវស្នើសុំអាជ្ញាបណ្ណពីនិយ័តករទូរគមនាគមន៍កម្ពុជា។ រាល់ការនាំចូល ផ្គត់ផ្គង់ និងចែកចាយគ្រឿងសម្ភារៈបរិក្ខារទូរគមនាគមន៍ត្រូវស្នើសុំ និងទទួលការអនុញ្ញាតជាមុនពីនិយ័តករទូរគមនាគមន៍កម្ពុជា។ * […]

(ព្រះសីហនុ)៖ ពិធីប្រកាសចូលកាន់មុខតំណែង លោក ម៉ាង ស៊ីណេត ជាអភិបាលខេត្តព្រះសីហនុ ជំនួសលោក គួច ចំរើន ត្រូវបានរៀបចំធ្វើឡើង នារសៀលថ្ងៃទី៣ ខែកក្កដា ឆ្នាំ២០២៤ ក្រោមអធិបតីភាពលោកអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្រ្តីក្រសួងមហាផ្ទៃ និងលោក សាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគររូបនីយកម្ម និងសំណង់។ ថ្លែងក្នុងពិធីនេះ លោកអភិសន្តិបណ្ឌិត ស សុខា បានបង្ហាញក្ដីសង្ឃឹមថា ក្រោមការដឹកនាំរបស់ឯកឧត្តមអភិបាលខេត្តថ្មី រដ្ឋបាលខេត្ត រួមទាំងមន្ត្រី កងកម្លាំង និងប្រជាពលរដ្ឋក្នុងខេត្តព្រះសីហនុ នឹងរួមគ្នាជាកម្លាំងទាក់ទាញ ទាំងក្នុងវិស័យវិនិយោគ និងទេសចរណ៍ ស្របតាមគោលការណ៍ដឹកនាំដ៏ឧត្តុង្គឧត្តមរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា និងសក្ដានុពលជាក់ស្ដែងរបស់ខេត្តព្រះសីហនុ។ ដើម្បីធានាសម្រេចបានគោលបំណងខាងលើនេះ ប្រមុខក្រសួងមហាផ្ទៃកម្ពុជា បានសង្កត់ធ្ងន់ពីភាពចាំបាច់នៃការបន្តពង្រឹងការងារសន្តិសុខនិងសណ្ដាប់ធ្នាប់សាធារណៈ។ ពាក់ព័ន្ធការងារនេះ លោកអភិសន្តិបណ្ឌិត ស សុខា បានគូសបញ្ជាក់អំពីចំណាត់ការដ៏មុតស្រួចរបស់រាជរដ្ឋាភិបាល ដែលមានក្រសួងមហាផ្ទៃ ជាសេនាធិការ បាននិងកំពុងយកចិត្តទុកដាក់ បង្ក្រាបបទល្មើសគ្រប់ប្រភេទ […]

(ភ្នំពេញ)៖ លោក ផាន់ ផល្លា រដ្ឋលេខាធិការ ក្រសួងសេដ្ឋកិច្ច និងហិរញ្ញវត្ថុ បានលើកឡើងថា នៅពេលដែលកម្ពុជា ក្លាយទៅជាប្រទេសចំណូលមធ្យមកម្រិតខ្ពស់ នៅឆ្នាំ២០៣០ អត្រាពលរដ្ឋក្រីក្រនៅកម្ពុជា នឹងធ្លាក់ចុះជាងពេលបច្ចុប្បន្ននេះ​ គឺដោយសារការរីកចម្រើននៃសកម្មភាពសេដ្ឋកិច្ច ស្របពេលដែលយុវជនជំនាន់ក្រោយដែលទទួលបានការបណ្តុះបណ្តាលជំនាញ នឹងធ្វើឱ្យពួកគេទទួលបានចំណូលខ្ពស់ជាងមុន ដែលធ្វើឱ្យចំនួនប្រជាជនក្រីក្រ ស្ថិតក្នុងកម្រិតក្រ១ និងក្រ២ នឹងត្រូវបានកាត់បន្ថយ។ ​បើតាមលោក ផាន់ ផល្លា ប្រទេសដែលអាចចាត់ចូលជាប្រទេសចំណូលមធ្យមកម្រិតខ្ពស់បាន លុះត្រាតែចំណូលមធ្យមរបស់ប្រជាពលរដ្ឋទទួលបានជាង៤ពាន់ដុល្លារក្នុងមួយឆ្នាំ និងប្រទេសដែលមានចំណូលខ្ពស់ ​ គឺចំណូលមធ្យមជាង១ម៉ឺនដុល្លារ ក្នុងមួយឆ្នាំ ដែលតួលេខនេះ​គឺយោងតាមការកំណត់របស់ធនាគារពិភពលោក​។ តែយ៉ាងណាតួលេខនេះ គឺត្រូវបានគណនាផ្លាស់ប្តូរជារៀងរាល់ឆ្នាំផងដែរ។ យោងតាមឯកសារថវិកាសង្ខេបប្រចាំឆ្នាំ២០២៤ របស់ក្រសួងសេដ្ឋកិច្ច និងហិរញ្ញវត្ថុ ផ.ស.ស ឬចំណូលមធ្យមរបស់មនុស្សម្នាក់ៗនៅឆ្នាំ២០២៤ ត្រូវរំពឹងថានឹងកើនដល់ ២ ០៧១ ដុល្លារ ពីចំនួនប៉ាន់ស្មាន ១ ៩១៧ ដុល្លារ ក្នុងឆ្នាំ ២០២៣ ខណៈកាលពីឆ្នាំ ២០២២ មានចំនួន១ ៧៨៤ ដុល្លារ។ សូមជម្រាបថា កម្ពុជាបានចាកចេញពីប្រទេសដែលមានចំណូលទាបក្នុងឆ្នាំ២០១៥ មកជាប្រទេសដែលចំណូលមធ្យមកម្រិតទាប​ ដោយទំហំផលិតផលក្នុងស្រុកសរុប […]

(ភ្នំពេញ)៖ ឧបនាយករដ្ឋមន្ត្រី ហ៊ុន ម៉ានី រដ្ឋមន្រ្តីក្រសួងមុខងារសាធារណៈ បានលើកឡើងថា រាល់ការប្រមាថព្រះមហាក្សត្រ ទោះក្នុងទម្រង់ ឬរូបភាពណាក៏ដោយ គឺប្រៀបបាននឹងការប្រមាថប្រជាជន និងប្រទេសជាតិទាំងមូល ដែលយុវជនកម្ពុជាមិនអាចទទួលយកបាន។ លោក ហ៊ុន ម៉ានី ប្រធានសហភាពសហព័ន្ធយុវជនកម្ពុជា បានបន្តថា «ក្នុងន័យនេះ មិនថាបច្ចុប្បន្ន និងទៅអនាគត ខ្ញុំសូមអំពាវនាវដល់យុវជនខ្មែរជំនាន់ក្រោយ បន្តរួមគ្នាការពារ និងសូមចងចាំថាសកម្មភាពចំបងដែលយុវជនកម្ពុជាត្រូវឈឺឆ្អាល និងរួមគ្នាការពារនោះគឺ ជាតិ ដែលមានប្រជាជាតិ និងប្រជាជន សាសនា និងព្រះមហាក្សត្រ»។ ផ្អែកតាមរដ្ឋធម្មនុញ្ញកម្ពុជា ឆ្នាំ១៩៩៣ ព្រះមហាក្សត្រ អង្គព្រះមហាក្សត្រ មិនអាចនរណារំលោភបំពានបានឡើយ។ ទន្ទឹមនឹងនេះ ក្រមព្រហ្មទណ្ឌកម្ពុជា ក៏បានកំណត់ទោសទណ្ឌចំពោះជនទាំងឡាយណា ដែលប្រមាថចំពោះអង្គព្រះមហាក្សត្រផងដែរ។ មាត្រា៤៣៧ស្ទួន នៃជំពូកទី១ នៃមាតិកាទី១នៃគន្ថីទី៤ នៃក្រមព្រហ្មទណ្ឌ បានចែងថា «ការប្រមាថចំពោះអង្គព្រះមហាក្សត្រ ត្រូវផ្តន្ទាទោសដាក់ពន្ធនាគារពី០១ឆ្នាំ ទៅ០៥ឆ្នាំ និងពិន័យជាប្រាក់ពី ២លានរៀល ទៅ១០លានរៀល។ ចំពោះនីតិបុគ្គលក៏អាចត្រូវបានផ្តនា្ទទោសពិន័យជាប្រាក់ ១០លានរៀល ទៅ៥០លានរៀល ព្រមទាំងទោសបន្ថែមមួយ ឬច្រើន ក្នុងករណីដែលតុលាការរកឃើញថា មានពិរុទ្ធភាពពាក់ព័ន្ធនឹងការប្រមាថចំពោះអង្គព្រះមហាក្សត្រ»៕ ផ្ដល់សិទ្ធិដោយ៖ Fresh […]

(ភ្នំពេញ)៖ សម្តេចតេជោ ហ៊ុន សែន ប្រធានព្រឹទ្ធសភាកម្ពុជា បានអំពាវនាវប្រជា​ពលរដ្ឋ​កុំឱ្យ​ភ្នាល់លុយក្នុងព្រឹត្តិការណ៍ប្រកួតបាល់ទាត់អឺរ៉ុបប្រយ័ត្នសៀង។ ទន្ទឹមការអំពាវនាវពលរដ្ឋកុំឱ្យភ្នាល់លុយក្នុងព្រឹត្តិការណ៍ប្រកួតបាល់ទាត់អឺរ៉ុបនេះ សម្តេចតេជោ ហ៊ុន សែន ក៏បានឆ្លៀតបញ្ជាក់ពាក់ព័ន្ធការទស្សទាយរបស់សម្តេច​កាល​ពីថ្ងៃទី២៨ ខែមិថុនា ឆ្នាំ២០២៤ផងដែរ។ សម្តេចតេជោ ហ៊ុន សែន បានបញ្ជាក់ថា ការទស្សទាយរបស់សម្តេចថាអាល្លឺម៉ង់​នឹង​ឈ្នះនាពេលនោះ គឺសំដៅលើការប្រកួតជម្រុះវគ្គ១៦ក្រុមប៉ុណ្ណោះ មិនសំដៅទៅលើការលើកពាននោះឡើយ។ សម្តេចតេជោបន្ថែមថា ពេលនេះវគ្គ១៦ក្រុម ចំនួន៨ប្រកួត បានឆ្លងផុតហើយ​ សម្តេចមិនអះអាងថាអាល្លឺម៉ង់នឹងឈ្នះទៀតនោះឡើយ។ ដូច្នេះកុំបន្ទោសសម្តេចប្រសិនបើអ្នកគាំទ្រអាលីម៉ង់ភ្នាល់ចាញ់។ សម្តេចតេជោ ក៏បានបញ្ជាក់ពីការទស្សទាយរបស់សម្តេចក្នុងពេលប្រកួតជម្រុះនាពេលកន្លងទៅនេះផងដែរ។ សម្តេចតេជោបានបញ្ជាក់ថា ៨ប្រកួតកន្លងទៅនេះ សម្តេចឈ្នះ ៦ប្រកួតនិងចាញ់​២ប្រកួត។ បើតាមសម្តេចតេជោ ការទស្សទាយរបស់សម្តេចបានធ្វើជាមួយ លោក មួង សារ៉ន ដែលសម្តេចចាត់ទុកជាសត្រូវរបស់សម្តេចដែលតែងប្រកួតជាមួយ ជាពិសេស​ការវាយកូនគោល។ សូមបញ្ជាក់ថា ព្រឹត្តិការណ៍ប្រកួតបាល់ទាត់តំបន់អឺរ៉ុប ដែលតែងធ្វើឡើងរយៈ៤ឆ្នាំម្តងនោះ បានឈានដល់វគ្គ៨ក្រុមហើយ។ វគ្គ១ភាគ៤នេះ ក្រុមម្ចាស់ផ្ទះអាល្លឺងម៉ង់ ជួបក្រុមអេស្ប៉ាញ, បារាំង ជួបព័រទុយហ្គាល់, ហូឡង់ ជួបតួកគី ខណៈអង់គ្លេស ជួបស្វីស។ ការប្រកួតជម្រុះវគ្គ ១ភាគ៤ នឹងធ្វើឡើងនៅថ្ងៃទី៥ ខែកក្កដា […]

(ភ្នំពេញ)៖ នាយឧត្តមសេនីយ៍ ស ថេត អគ្គស្នងការនគរបាលជាតិ បានដាក់បទបញ្ជាម៉ឺងមាត់ឲ្យបញ្ឈប់ជាបន្ទាន់នូវសកម្មភាព នៃការពួនស្នាក់ចាប់ផាកពិន័យអ្នកដែលបើកបរល្មើសច្បាប់ចរាចរណ៍ នៅពេលអនុវត្តវិធានការរឹតបន្ដឹងច្បាប់ចរាចរណ៍។ ការដាក់បទបញ្ជាជាថ្មីរបស់នាយឧត្តមសេនីយ៍ ស ថេត ធ្វើឡើងនៅព្រឹកថ្ងៃទី០៣ ខែកក្កដា ឆ្នាំ២០២៤នេះ ក្នុងឱកាសដឹកនាំកិច្ចប្រជុំដកពិសោធន៍ការងាររឹតបន្ដឹងការអនុវត្តច្បាប់ចរាចរណ៍ផ្លូវគោក នៅទីស្ដីការក្រសួងមហាផ្ទៃ។ ការប្រជុំនេះ ឆ្លើយតបចំពោះស្ថានភាពដែលកំពុងប្រឈមជាមួយការកើនឡើងនៃគ្រោះថ្នាក់ចរាចរណ៍ ក្នុងរយៈពេល៦ខែឆ្នាំ២០២៤នេះ។ នាយឧត្តមសេនីយ៍ អគ្គស្នងការនគរបាលជាតិ បានសង្កត់ធ្ងន់ថា ការអនុវត្តច្បាប់ចរាចរណ៍នេះ ត្រូវពិនិត្យឲ្យបានច្បាស់លាស់ ដោយត្រូវបញ្ឈប់នូវការពួនស្ទាក់ដែលងាយនឹងមានបាតុភាពនានាកើតឡើង។ ការអនុវត្តនេះ ត្រូវធ្វើដោយបើកជំហរ ក្នុងនោះមានទាំងការត្រួតពិនិត្យការប្រើប្រាស់ល្បឿន និងការត្រួតពិនិត្យជាតិស្រវឹងជាដើម។ នាយឧត្តមសេនីយ៍ ស ថេត បានថ្លែងយ៉ាងដូច្នេះថា «ស្នងការនគរបាលរាជធានី-ខេត្ត ត្រូវរៀបចំសម្ភារសាជី ឬក៏បារ៉ាស់ និងការដាក់តាំងនូវម៉ាស៉ីនចាប់ល្បឿនជំហរតែម្ដង ឈប់ជ្រកក្រោមដើមឈើ ក្នុងតូបលក់ដូរ ដែលនាំឲ្យមហាជនរិះគន់។ ការត្រួតពិនិត្យតាមគោលដៅដងផ្លូវជាតិ សូមឲ្យសមត្ថកិច្ចបំពេញនូវកាតព្វកិច្ចជាមួយឯកសណ្ឋាន ប្រកបដោយកាយវិការសុភាពរាបសារ ម៉ឺងម៉ាត់ និងជំនាញច្បាស់លាស់»។ នាយឧត្តមសេនីយ៍ ស ថេត អគ្គស្នងការនគរបាលជាតិ បានបង្ហាញនូវការព្រួយបារម្ភជាខ្លាំង នៅពេលឃើញស្ថានភាពនៃការគ្រោះថ្នាក់ចរាចរណ៍មានការកើនឡើង ហើយភាគច្រើននៃអ្នកគ្រោះថ្នាក់សុទ្ធតែបាត់បង់ជីវិត និងគ្រោះថ្នាក់ធ្ងន់ធ្ងរតែម្ដង។ ក្នុងន័យនេះ នាយឧត្តមសេនីយ៍ ស […]

(សៀមរាប)៖ កម្មវិធីផ្តល់អាហាតាមសាលារៀន បានចាប់ផ្តើមអនុវត្តដោយកម្មវិធីស្បៀងអាហារពិភពលោក (WFP) និងក្រសួងអប់រំ យុវជន និងកីឡា ក្រោមហិរញ្ញប្បទានជំនួយដៃគូអភិវឌ្ឍន៍ ដោយចាប់ផ្ដើម ៦៤សាលា មានអ្នកទទួលផល ៣៧ ,៥០០នាក់ ចាប់តាំងពីឆ្នាំ១៩៩៩មក។ កម្មវិធីផ្តល់អាហារតាមសាលារៀន នៅប្រទេសកម្ពុជា មានសាលារៀនគោលដៅសរុបចំនួន ១,១១៤សាលា ក្នុងខេត្តចំនួន១០ទូទាំងប្រទេស និងមានសិស្សទទួលផលសរុបប្រមាណ ៣០០,០០០នាក់ ដែលដំបូងត្រូវបានអនុវត្តដោយ WFP ក្រោមហិរញ្ញប្បទានរបស់មូលនិធិ McGovern-Dole និងក្រសួងកសិកម្មសហរដ្ឋអាមេរិក (USDA)។ កម្មវិធីនេះបានវិវឌ្ឍជាបន្តបន្ទាប់ស្របតាមបរិបទសង្គម-សេដ្ឋកិច្ច ព្រមជាមួយនឹងការកើនឡើងហេដ្ឋារចនាសម្ព័ន្ធផ្លូវគមនាគមន៍ ទីផ្សារតាមជនបទ និងចរន្ដផលិតកម្មនៅតាមសហគមន៍ជនបទ បានប្រែក្លាយពីកម្មវិធីផ្ដល់អាហារពេលព្រឹកបែបសាមញ្ញ មកជាកម្មវិធីផ្ដល់អាហារតាមសាលារៀនដោយប្រើប្រាស់កសិផលក្នុងសហគមន៍ ជាកម្មវិធីមួយដែលបានជួយជំរុញកសិករឱ្យបង្កើនការដាំដុះ និងចិញ្ចឹមសត្វ។ ជាមួយនឹងការទទួលបានអាហារពេលព្រឹក, សិស្សានុសិស្សកំពុងសិក្សានៅសាលាបឋមសិក្សាល្វា បានស្តែងការសប្បាយរីករាយ និងពោលពាក្យថា ពួកខ្ញុំសប្បាយចិត្តដែលទទួលបានអាហារពេលព្រឹក នៅក្នុងសាលារៀល ដែលធ្វើឱ្យក្រុមគ្រួសារខ្លួនកាត់បន្ថយការចំណាយ ជាពិសេសធ្វើឱ្យសិស្សានុសិស្សទាំងញ៉ាំឆ្អែត មិនវិលមុខពេលកំពុងរៀនដោយសារតែឃ្លានអាហារជាដើម។ នៅឆ្នាំសិក្សា២០១៩-២០២០ កម្មវិធីផ្តល់អាហារតាមសាលារៀន ត្រូវបានដាក់ឱ្យអនុវត្តជាកម្មវិធីរបស់រាជរដ្ឋាភិបាល ក្រោមហិរញ្ញប្បទានថវិការដ្ឋ ដោយយកម៉ូឌែល (Model) ប្រើប្រាស់កសិផលក្នុងសហគមន៍ យោងតាមប្រកាសអន្តរក្រសួងលេខ ០៩០ (ស្ទួន) សហវ.ប្រក ចុះថ្ងៃទី២៣ […]

(កំពង់ស្ពឺ)៖ អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអញ្ជើញប្រកាសចូលកាន់មុខតំណែងអភិបាលខេត្តកំពង់ស្ពឺ ដោយលោក ជាម ច័ន្ទសោភ័ណ ជំនួសលោក វ៉ី សំណាង ត្រូវទៅកាន់មុខតំណែងជា អភិបាលខេត្តតាកែវ នាព្រឹកថ្ងៃទី០៣ ខែកក្កដា ឆ្នាំ២០២៤។ ក្នុងឱកាសនោះមានវត្តមានចូលរួម អភិបាលរងខេត្ត ប្រធានមន្ទីរជុំវិញខេត្ត កងកម្លាំងប្រដាប់អាវុធទាំងបី អភិបាលក្រុង/ស្រុកទាំង៩ ព្រមទាំងមន្ត្រីរាជការជាច្រើន បានចូលរួម។ អភិសន្តិបណ្ឌិត ស សុខា បានថ្លែងថា ២ចំណុចដែលចាប់អារម្មណ៍ខ្លាំងបំផុតក្នុងខេត្តកំពង់ស្ពឺកន្លងមក គឺហាមដាច់ខាតផ្សព្វផ្សាយលើប៉ាណូទីសាធារណៈចំពោះគ្រឿងស្រវ៉ឹង នេះហើយដែលជាគោលបំណងកាត់បន្ថយ គ្រោះថ្នាក់ចារចរណ៍ ដែលសម្លាប់ពលរដ្ឋស្លូតត្រង់រាល់ថ្ងៃ និងមួយទៀតគឺការទាក់ទាញអ្នកវិនិយោគរបស់រដ្ឋបាលខេត្តកំពង់ស្ពឺ ដែលមានសក្តានុពលខ្លាំងផ្នែករោងចក្រ ដែលខេត្តកំពង់ស្ពឺមានអ្នកវិនិយោគចាប់ពីចំនួន ៥លានដុល្លារឡើង ជាខេត្តជាប់លេខ១។ កក្តានេះជំរុញឲ្យមានកំណើនសេដ្ឋកិច្ចតាមជនបទ ដោយសារតែពលរដ្ឋមានការងារធ្វើ។ លោកឧបនាយករដ្ឋមន្ត្រី បានសង្កត់ធ្ងន់ថា ត្រូវបន្តការងារបង្ក្រាបការជួញដូរមនុស្ស ការជួញដូរគ្រឿងញៀន ការចាប់ជំរិតមនុស្ស ដែលប្រើរូបភាពអាសអាភាស ។ល។ ជាងនេះអង្គភាពពាក់ព័ន្ធត្រូវត្រួតពិនិត្យ និងឈានទៅបង្ក្រាប ឲ្យបានការជួញដូរមនុស្ស និងបទល្មើសផ្សេងដែលកើតឡើង។ ដូចគ្នាចំពោះពាក់ព័ន្ធការជួញដូរអាវុធជាតិផ្ទុះ គណៈបញ្ជាការឯកភាពខេត្តកំពង់ស្ពឺ សហការដោយយកចិត្តទុកដាក់ចំពោះការកែច្នៃអាវុធចាស់ទៅជាថ្មី ហើយលក់ទៅឲ្យប្រទេសជិតខាងយើង […]

(ភ្នំពេញ)៖ បុរសម្នាក់ដែលបានរាយខ្សែភ្លើងតជាប់រ៉ឺម៉កលក់បន្លែការពារខ្លាចចោរលួចបណ្ដាលឲ្យឆក់ក្មេងប្រុសម្នាក់ស្លាប់ កាលពីវេលាម៉ោងជាង ១២យប់រំលងអាធ្រាត្រឈានចូលថ្ងៃទី១ ខែកក្កដា ឆ្នាំ២០២៤ នោះនៅក្នុង ភូមិចាក់ជ្រូក សង្កាត់សំរោងក្រោម ខណ្ឌពោធិ៍សែនជ័យនោះ។ ក្រោយគេចខ្លួនបានរយៈពេល៣ថ្ងៃនៅព្រឹកថ្ងៃទី៣ ខែកក្កដា ជនល្មើសក៏បាននាំប្រពន្ធ និងកូនស្រីម្នាក់ ចូលខ្លួនទៅសារភាពនៅប៉ុស្តិ៍នគរបាលរដ្ឋបាលសំរោងក្រោម ដើម្បីទោសកំហុស។ ជនសង្ស័យឈ្មោះ អ៊ាត ចាន់ធឿន ហៅ តាយក្ស អាយុ៥៤ឆ្នាំ មុខរបរលក់បន្លែ រីឯប្រពន្ធឈ្មោះ សោម ធូ អាយុ៥២ឆ្នាំ ហើយកូនស្រីម្នាក់មិនទាន់ស្គាល់អត្តសញ្ញាណនៅឡើយ ស្នាក់នៅបន្ទប់ជួលក្នុងភូមិកើតហេតុខាងលើ និងមានស្រុកកំណើតនៅភូមិធ្លក ឃុំសួង ស្រុកត្បូងឃ្មុំ ខេត្តត្បូងឃ្មុំ។ ចំណែកក្មេងប្រុសដែលស្លាប់នោះឈ្មោះ សន វណ្ណា អាយុ១៣ឆ្នាំ មានឪពុកឈ្មោះឪពុកឈ្មោះ ឈួន សុផល អាយុ៤៣ឆ្នាំ មុខរបរកម្មករសំណង់ និងម្ដាយឈ្មោះ នុត សាមាន អាយុ៣៤ឆ្នាំ មុខរបរកម្មការិនីរោងចក្រ។ មានស្រុកកំណើតភូមិផ្សាលិច ឃុំព្រែកព្នៅ ស្រុកពញាឮ ខេត្តកណ្តាល និងស្នាក់នៅជាមួយឪពុកម្ដាយនៅបន្ទប់ជួល ស្ថិតនៅក្នុងភូមិកើតហេតុ។ ក្រោយនាំខ្លួនខ្លួនទៅដល់ទីតាំងបោះចោលសាកសពក្មេងប្រុសរងគ្រោះ ជនសង្ស័យជាប្ដីបានសារភាពប្រាប់នគរបាលថា គាត់ពិតជាបានរាយខ្សែភ្លើងតជាប់រ៉ឺម៉កមែន […]

(ភ្នំពេញ)៖ អគ្គនាយកដា្ឋនអត្តសញ្ញាណកម្ម បានសម្រេចកែសម្រួលថ្ងៃធ្វើការ នៃការផ្តល់សេវាអត្តសញ្ញាណប័ណ្ណសញ្ជាតិខ្មែរ និងលិខិតឆ្លងដែនធម្មតានៅទីតាំងក្នុងផ្សារអីអនម៉លសែនសុខ ដោយធ្វើការចាប់ពីថ្ងៃពុធ ដល់ថ្ងៃអាទិត្យ និងអនុវត្តចាប់ពីថ្ងៃទី១ ខែកក្កដា ឆ្នាំ២០២៤នេះតទៅ។ យោងតាមលិខិតរបស់លោក តុប នេត អគ្គនាយក នៃអគ្ននាយកដ្ឋានអត្តសញ្ញាណកម្ម បានពន្យល់ថា ដើម្បីបង្កើនប្រសិទ្ធភាពនៃការផ្ដល់សេវាអត្តសញ្ញាណកម្មឱ្យកាន់តែល្អប្រសើរជូនប្រជាពលរដ្ឋ ជួយសម្រួលដល់បងប្អូនមន្ត្រីរាជការ បុគ្គលិក កម្មករ កម្មការិនី របស់ក្រុមហ៊ុន រោងចក្រ សហគ្រាស ឬគ្រឹះស្ថាននានា ដែលមានការមមាញឹកក្នុងម៉ោងការងាររដ្ឋបាល និងដើម្បីមានពេលវេលាសម្រាប់ថែទាំប្រព័ន្ធគ្រប់គ្រង ក្រសួងមហាផ្ទៃ បានសម្រេចកែសម្រួលថ្ងៃធ្វើការនៃការ ផ្តល់សេវាអត្តសញ្ញាណប័ណ្ណសញ្ជាតិខ្មែរ និងលិខិតឆ្លងដែនធម្មតា ដោយដាក់ឱ្យដំណើរការពី ថ្ងៃពុធ រហូត ដល់ថ្ងៃអាទិត្យ (ឈប់សម្រាកនៅថ្ងៃចន្ទ និងអង្គារ) សម្រាប់ទីស្នាក់ការផ្តល់សេវាអត្តសញ្ញាណប័ណ្ណសញ្ជាតិ ខ្មែរ និងលិខិតឆ្លងដែនធម្មតាប្រចាំនៅផ្សារអីអន ម៉ល សែនសុខ ចាប់ពីថ្ងៃទី០១ ខែកក្កដា ឆ្នាំ២០២៤ នេះតទៅ។ សម្រាប់ថ្ងៃចន្ទ និងអង្គារ អគ្គនាយកដ្ឋានអត្តសញ្ញាណកម្ម នឹងដាក់មន្ត្រីប្រចាំការ ដើម្បីបើកអត្តសញ្ញាណប័ណ្ណ សញ្ជាតិខ្មែរ និងលិខិតឆ្លងដែនធម្មតា ជូនប្រជាពលរដ្ឋដែលដល់ថ្ងៃត្រូវមកទទួលយក៕ ផ្តល់សិទ្ធិដោយ៖ Fresh […]