(ម៉ាឡេស៊ី)៖ កម្ពុជា-ម៉ាឡេស៊ី នឹងចាប់ផ្តើមទូទាត់ប្រាក់រវាងប្រទេសទាំងពីរ តាមរយៈ ឃ្យូអរកូដ (QR Code) ពោលគឺប្រជាពលរដ្ឋម៉ាឡេស៊ីអាច​ទូទាត់ប្រាក់ដោយស្កេន QR Code នៅ​កម្ពុជា ហើយប្រជាពលរដ្ឋកម្ពុជាក៏អាចធ្វើការទូទាត់ដោយស្កេន QR Code នៅក្នុងប្រទេសម៉ាឡេស៊ីវិញផងដែរ។ ការបើកផ្លូវឱ្យប្រទេសកម្ពុជា-ម៉ាឡេស៉ី អាចទូទាត់ប្រាក់តាមរយៈ QR Code បន្ទាប់ពីធនាគារកណ្តាលនៃប្រទេសទាំងពីរ នាថ្ងៃទី២៧ ខែកុម្ភៈ ឆ្នាំ២០២៤នេះ បានចុះអនុស្សារណៈយល់យោគគ្នា ស្តីពីកិច្ចសហប្រតិបត្តិការជំរុញនវានុវត្តន៍ហិរញ្ញវត្ថុ និងប្រព័ន្ធទូទាត់សងប្រាក់ ដើម្បីជំរុញកិច្ចសហប្រតិបត្តិការឱ្យកាន់តែជិតស្និទ្ធ ព្រមទាំងលើកកម្ពស់នវានុវត្តន៍ហិរញ្ញវត្ថុ និងការទូទាត់ឆ្លងដែនប្រកបដោយប្រសិទ្ធភាព និងសុវត្ថិភាពបន្ថែមទៀត ដើម្បីផ្ដល់ជាប្រយោជន៍ដល់ប្រជាពលរដ្ឋ និងធុរជនរបស់ប្រទេសទាំងពីរ។ ​អនុស្សារណៈយល់យោគគ្នាបានចុះហត្ថលេខាដោយលោក​ស្រីបណ្ឌិត ជា សិរី ទេសាភិបាលធនាគារជាតិនៃកម្ពុជា និង ​លោក Abdul RasheedGhaffour ទេសាភិបាលធនាគារកណ្ដាលម៉ាឡេស៊ី ​​ក្រោមអធិបតីភាពដ៏ខ្ពង់ខ្ពស់របស់លោក Arwar Ibrahim នាយករដ្ឋមន្ត្រីនៃប្រទេសម៉ាឡេស៊ី និងសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃ​កម្ពុជា ក្នុងដំណើរទស្សនកិច្ចផ្លូវការរបស់សម្ដេចនៅប្រទេសម៉ាឡេស៊ី​​។ យោងតាមសេចក្តីប្រកាសព័ត៌មានរបស់ធនាគារជាតិបានគូសបញ្ជាក់ថា អនុស្សរណៈយោគយល់រវាងធនាគារជាតិនៃកម្ពុជា និងធនាគារកណ្ដាលម៉ាឡេស៊ីនេះ ត្រូវបានរៀបចំឡើងជាមូលដ្ឋានសម្រាប់ កិច្ចសហប្រតិបត្តិការ​ មានវិសាលភាពគ្របដណ្តប់លើទម្រង់ជាច្រើន […]

(ម៉ាឡេស៊ី)៖ ដំណើរទស្សនកិច្ចរបស់សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា ទៅកាន់ប្រទេស​ម៉ា​ឡេស៊ី ក្រៅតែពីប្រកាសលើកកម្ពស់ទំនាក់ទំនង និងកិច្ចសហប្រតិបត្តិការឱ្យកាន់តែល្អប្រសើរហើយ​នោះ ក៏បានជជែកដល់កិច្ចការការពារជាតិ និងសន្តិសុខផងដែរ។ ជាពិសេសបានឯកភាពជំរុញសក្តា​នុពេលសេដ្ឋកិច្ច ទេសចរណ៍ និងការតភ្ជាប់ថាមពលតាមបាត់សមុទ្រ។ បណ្តាញសង្គមរបស់សម្តេចធិបតីនាយករដ្ឋមន្ត្រីកម្ពុជា បានឱ្យដឹងថា ក្នុងជំនួបពិភាក្សាការងារទ្វេភាគីនៃដំណើរទស្សនកិច្ចជាផ្លូវការរបស់សម្តេចធិបតី ហ៊ុន ម៉ាណែត នៅម៉ាឡេស៊ីនថ្ងៃទី២៧ ខែកុម្ភៈ ឆ្នាំ២០២៤នេះ លោក អាន់វ៉ា អ៉ីប្រាហ៉ីម នាយករដ្ឋមន្ត្រីម៉ាឡេស៊ី បានស្វាគមន៍យ៉ាងកក់ក្តៅបំផុត។ តាមរយៈសម្តេចធិបតី, លោកនាយករដ្ឋមន្ត្រីម៉ាឡេសុី បានផ្តាំផ្ញើសួរសុខទុក្ខ សម្តេចតេជោ ហ៊ុន សែន អតីតនាយករដ្ឋមន្ត្រីកម្ពុជាផងដែរ។ សម្តេចធិបតី បានសម្តែងក្តីរីករាយចំពោះជំនួបពិភាក្សាការងារទ្វេភាគីនេះ និងបានថ្លែងអំណរគុណ​នាយក​រដ្ឋមន្ត្រីម៉ាឡេស៊ី ដែលបានទទួលបដិសណ្ឋារកិច្ចស្វាគមន៍​យ៉ាងកក់ក្តៅចំពោះដំណើរទស្សនកិច្ច​របស់​សម្តេច​ធិបតី និងគណ:​ប្រតិភូ។ សម្តេចធិបតីនាយករដ្ឋមន្ត្រី បានបញ្ជាក់ថា តាមរយៈការធ្វើទស្សនកិច្ចផ្លូវការរបស់លោកនាយករដ្ឋមន្ត្រី​កាល​ពីខែមីនា ឆ្នាំ២០២៣ និងដំណើរទស្សនកិច្ចផ្លូវការរបស់សម្តេចធិបតី នាឱកាសនេះ នឹងរួមចំណែក​ក្នុង​ការ​ធ្វើឱ្យទំនាក់ទំនងដ៏យូរលង់រវាងកម្ពុជា-ម៉ាឡេស៊ី ឱ្យកាន់តែស៊ីជម្រៅថែមទៀត។ ក្នុងជំនួបនេះ សមភាគីទាំងពីរ បានវាយតម្លៃខ្ពស់លើលទ្ធផលនៃកិច្ចសហប្រតិបត្តិការទ្វេភាគីកន្លងមក និងបាន​ផ្លាស់​ប្ដូរយោបល់ពីការពង្រឹង និងពង្រីកកិច្ចសហប្រតិបត្តិការលើវិស័យជាច្រើន ដែលរួមមាន៖ វិស័យនយោ​បាយ ការពារជាតិ សន្តិសុខ […]

(ភ្នំពេញ)៖ នៅក្នុងឆ្នាំ២០២៣ តំបន់សេដ្ឋកិច្ចពិសេស រ៉ូយ៉ាល់គ្រុប ភ្នំពេញ (PPSP) ទទួលប្រាក់ចំណេញសុទ្ធកើនឡើងដល់ ៧.៨៨លានដុល្លារ ដែលកើនឡើងប្រមាណ២៧៦% បើធៀបនឹងឆ្នាំ២០២២។ លោក ហុង សុហួរ ប្រតិភូរាជរដ្ឋាភិបាលទទួលបន្ទុក ជាអគ្គនាយកផ្សារមូលបត្រកម្ពុជា បានលើកឡើងថា ថ្លៃភាគហ៊ុនរបស់តំបន់សេដ្ឋកិច្ចពិសេស រ៉ូយ៉ាល់គ្រុប ភ្នំពេញ មានសភាពធូរថ្លៃខ្លាំងបើធៀប នឹងភាពរីកចម្រើនរបស់ក្រុមហ៊ុន ក្នុងរយៈពេលប៉ុន្នានឆ្នាំនេះ និងលើកទឹកចិត្តឱ្យវិនិយោគិន ងាកមកវិនិយោគរយៈពេលវែង ក្នុងបរិបទនៃស្ថានភាពទីផ្សារបច្ចុប្បន្ន។ របាយការណ៍ប្រាក់ចំណេញសុទ្ធរបស់ PPSP និងការលើកឡើងរបស់មេផ្សារហ៊ុន ធ្វើឡើងកម្មវិធី «វេទិកាក្រុមហ៊ុនចុះបញ្ជី» រៀបចំឡើងដោយផ្សារមូលបត្រកម្ពុជា សហការជាមួយរ៉ូយ៉ាល់គ្រុប ភ្នំពេញអេសអ៊ីហ្សិត ក្រោមប្រធានបទ «វឌ្ឍនភាពរបស់ក្រុមហ៊ុន រ៉ូយ៉ាល់ គ្រុប ភ្នំពេញ អេសអ៊ីហ្សិត ម.ក»។ លោក UEMATSU Hiroshi នាយកប្រតិបត្តិក្រុមហ៊ុន រ៉ូយ៉ាល់គ្រុប ភ្នំពេញអេសអ៊ីហ្សិត បានបញ្ជាក់ថា ចាប់តាំងពីអ្នកឧកញ៉ា គិត ម៉េង បានក្លាយជាប្រធានក្រុមប្រឹក្សាឃើញថា រ៉ូយ៉ាល់គ្រុប ភ្នំពេញអេសអ៊ីហ្សិត ទទួលបានការចាប់អារម្មណ៍កាន់តែច្រើន និងទទួលបានវិនិយោគិនចូលមកវិនិយោគ […]

(ភ្នំពេញ)៖ ក្រសួងអប់រំ យុវជន និងកីឡា បានចេញសេចក្ដីណែនាំ ស្ដីពី ការលេីកកម្ពស់ការប្រេីប្រាស់សំណេរ និងអក្ខារាវិរុទ្ធភាសាខ្មែរ ឲ្យបានត្រឹមត្រូវ។ នេះបេីតាមសេចក្ដីណែនាំ ដែលបណ្ដាញព័ត៌មាន Fresh News ទទួលបាននៅថ្ងៃទី២៧ ខែកុម្ភៈ ឆ្នាំ២០២៤៕ ខាងក្រោមនេះ​ ជាសេចក្ដីណែនាំ ដែលមានខ្លឹមសារទាំងស្រុង៖ ផ្តល់សិទ្ធិដោយ៖ freshnews

(ភ្នំពេញ)៖ ក្រសួងកសិកម្ម រុក្ខាប្រមាញ់ និងនេសាទ បានបង្ហាញបញ្ជីឈ្មោះ និងលេខទំនាក់ទំនងរោងម៉ាស៊ីនស្រូវ នៅតាមបណ្ដាខេត្តមួយចំនួន៕ ខាងក្រោមនេះជាបញ្ជីឈ្មោះរោងម៉ាស៉ីនកិនស្រូវតាមបណ្តាខេត្តមួយចំនួន៖ ផ្តល់សិទ្ធិដោយ៖ freshnews

(ភ្នំពេញ)៖ រយៈពេលជិត២ឆ្នាំ គឺចាប់ពីថ្ងៃទី២៣ ខែមីនា ឆ្នាំ២០២២ ដល់ថ្ងៃទី២៦ ខែកុម្ភៈ ឆ្នាំ២០២៤ អាជ្ញាធរបានបង្ក្រាប​បទល្មើស​នេសាទ បានជាច្រើនករណីនៅតាមបណ្តាខេត្ត​ចំនួន៦ ជាប់បឹងទន្លេសាប និងបានបញ្ជូនសំណុំរឿងទៅតុលាការ ៧១ករណី ចេញដីកាកោះ២០នាក់ ​ខណៈអ្នកប្រព្រឹត្តិបទល្មើស ៣១នាក់ ត្រូវបានតុលាការសម្រេចឃុំខ្លួន។ នេះបើយោងតាមរបាយការរបស់ក្រសួងកសិកម្ម រុក្ខាប្រមាញ់ និងនេសាទ ដែលបណ្តាញព័ត៌មាន Fresh News ទទួលបាននៅថ្ងៃទី២៧ ខែកុម្ភៈ​ ឆ្នាំ២០២៤នេះ។ បើតាមក្រសួងកសិកម្មក្នុងរយៈពេល២ជិតឆ្នាំនេះ ការបង្រ្កាបបទល្មើសនេសាទ រឹបអូសបានអួនអូសទឹកសាប៥៣វង់, ម៉ាញ់១៤វង់, ឆក់ត្រជាក់និងក្តៅ ១ ៤៧៣គ្រឿង, ឈិបយន្ត ២៣គ្រឿង, អួនហ៊ុម ៣៣វង់, របាំងស្បៃមុងនិងសាច់អួន១ ៦៥០ ៦១៧ម៉ែត្រ,​ លូនិងលប ១៥ ២២៩មាត់, បង្គោលចម្រឹង ៧៦៨ ២១១ដើម, ឈ្នក់រួមផ្សំភ្លើង១១៩វង់, កាណូត១៧៦គ្រឿង និងម៉ាស៊ីន៨៤គ្រឿង​។ ឧបករណ៍ទាំងនេះត្រូវបានបង្រ្កាបនៅតាមបណ្តាខេត្តជាប់បឹងទន្លេសាបរួមមាន៖ ​១.ខេត្តកំពង់ឆ្នាំង៖ គិតចាប់ពីថ្ងៃទី២៣ ខែមីនា ឆ្នាំ២០២២ដល់ថ្ងៃទី២៦ ខែកុម្ភៈ […]

(ភ្នំពេញ)៖ លទ្ធផលនៃការរឹតបន្ដឹងច្បាប់ចរាចរណ៍ និងត្រួតពិនិត្យជាតិអាល់កុលនៅយប់ថ្ងៃទី២៦ ខែកុម្ភៈ ឆ្នាំ២០២៤ ដែលដឹកនាំផ្ទាល់ដោយលោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការដ្ឋាននគរបាលរាជធានីភ្នំពេញ បានឃាត់យានយន្ដល្មើស៦០គ្រឿង ក្នុងនោះរថយន្ត១៦គ្រឿង និងម៉ូតូ៤៤គ្រឿង។ ប្រតិបត្តិការនេះធ្វើឡើងដោយអនុវត្តតាមបទបញ្ជារបស់នាយឧត្តមសេនីយ៍ ស ថេត អគ្គស្នងការនគរបាលជាតិ និងតបតាមអនុសាសន៍ដ៏ខ្ពង់ខ្ពស់របស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ដ្រីនៃកម្ពុជា សំដៅទប់ស្កាត់ និងបង្ការករណីគ្រោះថ្នាក់ចរាចរណ៍ ដែលជាសញ្ញាគួរឲ្យព្រួយបារម្ភ។ ជាលទ្ធផល តាមបណ្តាអធិការដ្ឋាននគរបាលខណ្ឌ បានចុះអនុវត្តរឹត បន្តឹងច្បាប់ចរាចរណ៍ផ្លូវគោក និងត្រួតពិនិត្យជាតិអាល់កុលដូចខាងក្រោម៖ ឃាត់យានយន្តល្មើស សរុបចំនួន៦០គ្រឿង (រថយន្ត ចំនួន១៦គ្រឿង, ម៉ូតូ ចំនួន៤៤គ្រឿង)៖ *ទី១៖ ល្មើសជាតិស្រវឹង ចំនួន៣៦គ្រឿង៖ កម្រិត០.២៥-០.៣៩ mg/L ចំនួន១៣គ្រឿង អ្នកបើកបរម៉ូតូ ចំនួន៨នាក់ អ្នកបើកបររថយន្ត ចំនួន៥នាក់, កម្រិត ០.៤០mg/L ឡើង ចំនួន២៣គ្រឿង អ្នកបើកបរម៉ូតូ ចំនួន១៧នាក់ និងអ្នកបើកបររថយន្ត ចំនួន៦នាក់។ *ទី២៖ បទល្មើសផ្សេងៗ […]

(ភ្នំពេញ)៖ គណៈកម្មការប្រដាល់សកលអាជីពកម្ពុជា (CPBC) អមសហព័ន្ធកីឡាប្រដាល់សកលកម្ពុជា បានប្រកាសរៀបចំការប្រកួតប្រដាល់សកលអាជីពជាថ្មី នាថ្ងៃទី២៩ ខែកុម្ភៈ ឆ្នាំ២០២៤ ដើម្បីបំពេញលក្ខខណ្ឌឈានទៅស្នើសុំចូលជាសមាជិកស្ថាប័នប្រដាល់សកលអាជីព (World Boxing Council-WBC)។ យោងតាមការជូនដំណឹងរបស់សហព័ន្ធ ការប្រកួតលក្ខណៈអាជីពនេះ នឹងមាន ៨គូ ដែលតម្រូវឲ្យប្រកួតស្របតាមបទបញ្ជាការប្រកួត និងបទប្បញ្ញត្តិរបស់ក្រុមប្រឹក្សាប្រដាល់ពិភពលោក (WBC)។ ការប្រកួតនឹងធ្វើឡើងនៅសង្វៀនដំបូលទូក នៃពហុកីឡដ្ឋានជាតិអូឡាំពិក ដែលអ្នកគាំទ្រអាចចូលរួមទស្សនាដោយសេរី។ ប្រភពខាងលើបន្ដថា «កម្មវិធីប្រកួតនេះ រៀបចំឡើងក្នុងគោលបំណងបំពេញនូវលក្ខខណ្ឌ ដើម្បីសុំចូលជាសមាជិករបស់ស្ថាប័ន ប្រដាល់សកលអាជីពពិភពលោក (WBC) ដោយនឹងមានការអញ្ជើញចូលរួមពីថ្នាក់ដឹកនាំរបស់ស្ថាប័ន WBC មកពីប្រទេសជប៉ុន ដើម្បីធ្វើការត្រួតពិនិត្យ និងវាយតម្លៃ ដោយផ្ទាល់ផងដែរ»។ តាមការជូនដំណឹងដដែលបន្ថែមថា ប្រសិនបើកម្ពុជាបានចូលជាសមាចិក WBC អ្វីដែលជាអត្ថប្រយោជន៍ គឺកីឡាករ-កីឡាការិនីកម្ពុជា នឹងមានសិទ្ធិចូលរួមការប្រកួតប្រដាល់សកលអាជីព ដែលស្ថិតក្រោមការគ្រប់គ្រង និងរៀបចំឡើងដោយស្ថាប័ន WBC។ ហេតុនេះទើប CPBC ក៏ដូចជាសហព័ន្ធខិតខំរៀបចំ និងបំពេញលក្ខខណ្ឌ ដើម្បីក្លាយជាសមាជិកស្ថាប័ន WBC។ សូមរំឮកថា កាលពីឆ្នាំ២០២២ សហព័ន្ធកីឡាប្រដាល់សកលកម្ពុជា ក៏ធ្លាប់រៀបចំការប្រកួតប្រដាល់សកលអាជីពផងដែរ ដើម្បីសម្រួចទិសដៅស៊ីហ្គេម ឆ្នាំ២០២៣ […]

(ភ្នំពេញ)៖ រដ្ឋបាលរាជធានីភ្នំពេញ បានឲ្យដឹងថា ព្រះរាជពិធីបុណ្យទក្ខិណានុប្បទានឧទ្ទិសព្រះរាជ មហាកុសលថ្វាយព្រះវិញ្ញាណក្ខន្ធព្រះសព សម្តេចព្រះអគ្គមហាសង្ឃរាជាធិបតី កិត្តិឧទ្ទេសបណ្ឌិត ទេព វង្ស សម្តេចព្រះមហាសង្ឃរាជ នៃព្រះរាជាណាចក្រកម្ពុជា ប្រារព្ធធ្វើឡើងនៅវត្តឧណ្ណាលោម ស្ថិតក្នុងសង្កាត់ជ័យជំនះ ខណ្ឌដូនពេញ រាជធានីភ្នំពេញ។ យោងតាមសេចក្ដីជូនដំណឹងស្ដីពីការបញ្ចៀសចរាចរ ដែលបណ្ដាញព័ត៌មាន Fresh News ទទួលបាននៅថ្ងៃទូ២៧ ខែកុម្ភៈ ឆ្នាំ២០២៤នេះ បានឲ្យដឹងថា ព្រះរាជពិធីបុណ្យ នឹងមានការចូលរួមគោរពព្រះវិញ្ញាណក្ខន្ធពីគណៈសង្ឃ ព្រះថេរានុត្ថេរៈ សម្តេច ទ្រង់ ឯកឧត្តម លោកជំទាវ អ្នកឧកញ៉ា ឧកញ៉ា លោក លោកស្រី និងពុទ្ធបរិស័ទ ទៅតាមប្រពៃណី ពុទ្ធសាសនាខ្មែរ។ ដើម្បីរក្សាបាននូវសន្តិសុខ សុវត្ថិភាព សណ្ដាប់ធ្នាប់ របៀបរៀបរយសាធារណៈ និងបញ្ចៀសបាននូវការ កកស្ទះចរាចរ ក្នុងព្រះរាជពិធីបុណ្យខាងលើ រដ្ឋបាលរាជធានីភ្នំពេញ នឹងធ្វើការបញ្ចៀសចរាចរជាបណ្តោះអាសន្ន នូវយានយន្តគ្រប់ប្រភេទ ដែលធ្វើដំណើរឆ្លងទីតាំងប្រារព្ធព្រះរាជពិធីបុណ្យ ចាប់ពីថ្ងៃទី២៧ ខែកុម្ភៈ រហូតដល់ថ្ងៃទី០៣ ខែមីនា ឆ្នាំ២០២៤៕ ខាងក្រោមនេះ ជាតម្រាយផ្លូវដែលត្រូវបញ្ចៀស៖ […]

(បរទេស)៖ នៅថ្ងៃចន្ទដើមសប្តាហ៍នេះ ក្រុមហ៊ុនទេសចរណ៍អាមេរិក Expedia បានឱ្យដឹងថាខ្លួនកំពុងបញ្ឈប់បុគ្គលិកប្រមាណ ១,៥០០នាក់នៅទួទាំងពិភពលោក ឬប្រហែលនឹង ៩ភាគរយនៃចំនួនបុគ្គលិកសរុបខ្លួន។ ខណៈការបញ្ឈប់ការងារនេះ គឺដោយសារតែតម្រូវការធ្វើដំណើរហាក់ធ្លាក់ចុះ នឹងបង្ខំឱ្យក្រុមហ៊ុនត្រូវតែរៀបចំរចនាសម្ព័ន្ធឡើងវិញដើម្បីកាត់បន្ថយចំណាយ។ នេះបើយោងតាមការចេញផ្សាយរបស់សារព័ត៌មាន Reuters នៅថ្ងៃទី២៦ ខែកុម្ភៈ ឆ្នាំ២០២៤។ យោងតាមរបាយការណ៍ចុះផ្សាយថ្មីៗនេះបានឱ្យដឹងថា ការរៀបចំរចនាសម្ព័ន្ធក្រុមហ៊ុនឡើងវិញ បន្ទាប់ពី Expedia បានព្រមានកាលពីដើមខែកុម្ភៈនេះថា ប្រាក់ចំណូលដែលខ្លួននឹងរកបានក្នុងឆ្នាំ២០២៤ នេះនឹងមានកម្រិតមធ្យម ស្របពេលដែលតម្លៃសំបុត្រយន្តហោះធ្លាក់ចុះ។ ជាងនេះទៅទៀត Expedia បានគូសបញ្ជាក់ដែរថា នាយកប្រតិបត្តិ (CEO) លោក Peter Kern ក៏កំពុងលាលែងពីតំណែងផងដែរ ដូច្នេះហើយក្រុមហ៊ុនត្រូវតែបង្ខំចិត្តកាត់បន្ថយបុគ្គលិកមួយចំនួនចេញ។ ពោលគឺក្រុមហ៊ុននឹងទុកតែបុគ្គលិកស្នូលដែលចាំបាច់ប៉ុណ្ណោះ ក្រៅពីនេះនឹងត្រូវបានជម្រុះចេញ។ ជុំវិញការរៀបចំរចនាសម្ព័ន្ធក្រុមហ៊ុនឡើងវិញនេះ Expedia បាននិយាយថា ខ្លួននឹងត្រូវចំណាយអស់ច្រើនក្នុងនោះរួមមាន ការគិតថ្លៃពន្ធសរុប រួមទាំងការចំណាយសាច់ប្រាក់ទៅលើបុគ្គលិកដែលរងផលប៉ះពាល់ក្នុងការបញឈប់ បើតាមការរំពឹងទុក អាចនឹងមានចន្លោះពី ៨០លានដុល្លារ ដល់ទៅ ១០០លានដុល្លារឯណោះ។ Expedia បានបន្តទៀតថា ពេញមួយឆ្នាំ២០២៤ នេះកំណើននៃការធ្វើដំណើរនឹងកើនឡើងយឺត ឬអាចនឹងថេរតែម្តង។ គួរជម្រាបដែរថា Expedia គឺជាក្រុមហ៊ុនទេសចរណ៍អនឡាញរបស់អាមេរិក […]