(ភ្នំពេញ)៖ ចៅប្រុសរបស់សម្តេចតេជោ ហ៊ុន សែន និងជាកូនប្រុសពៅរបស់សម្តេចបវរធិបតី ហ៊ុន ម៉ាណែត គឺកុមារា ហ៊ុន ពេជមុន្នីរិទ្ធិសិដ្ឋ នៅថ្ងៃទី១៦ ខែមករា ឆ្នាំ២០២៥នេះ ទើបទទួលបានមេដាយមាសគ្រឿងថែមទៀត ពីការប្រឡងវិញ្ញាសាគណិតវិទ្យា Angkor Mathematics Competition (AMC)។ ទាំងសម្តេចតេជោ ហ៊ុន សែន និងសម្តេចបវរធិបតី ហ៊ុន ម៉ាណែត សុទ្ធតែបានអបអរសាទរចំពោះការទទួលបានមេដាយមាសថ្មីមួយថែមទៀតនេះ។ សម្តេចនាយករដ្ឋមន្ត្រី ហ៊ុន ម៉ាណែត បានបង្ហោះរូបថតកុមារា ហ៊ុន ពេជមុន្នីរិទ្ធិសិដ្ឋ ជាមួយខ្លឹមសារថា «អបអរសាទរកូនប្រុស ដែលបានទទួលមេដាយមាសមួយបន្ថែមទៀត។ មេដាយថ្មីនេះ គឺទទួលបានក្នុងការប្រឡងវិញ្ញាសាគណិតវិទ្យា Angkor Mathematics Competition (AMC)»។ សម្រាប់សម្តេចតេជោ ហ៊ុន សែន វិញបានបង្ហោះរូបចៅប្រុសជាមួយខ្លឹមសារថា «ចៅសិទ្ធទទួលបានមេដាយមាសមួយគ្រឿងទៀតហើយ ដែលបានមកដោយសារការប្រឡងជាមួយកុមារពីប្រទេសផ្សេងទៀត។ ក្រោយការទទួលមេដាយមិនទាន់ចូលផ្ទះទេ មកជំរាបយាយតាសិន»។ សូមជម្រាបថា កុមារា ហ៊ុន ពេជមុន្នីរិទ្ធិសិដ្ឋ ជាញឹកញាប់បានទទួលមេដាយមាសជាច្រើន ក្នុងការប្រឡងវិញ្ញាសាគណិតវិទ្យា៕ ផ្ដល់សិទ្ធិដោយ៖ Fresh News

(រតនគិរី)៖ ក្រោមការយកចិត្តទុកដាក់ជួយសង្គ្រោះពីសំណាក់ក្រុមគ្រូបពេទ្យ ស្ត្រីម្នាក់រស់នៅក្នុងក្រុមគ្រួសារដែលមានជីវភាពក្រីក្រ នៅស្រុកវ៉ើនសៃ ខេត្តរតនគិរី បានសម្រាលកូននៅលើទូកដោយជោគជ័យ កាលពីវេលាម៉ោង៩៖០០នាទីព្រឹកថ្ងៃទី១៦ ខែមករា ឆ្នាំ២០២៥ និងបានបញ្ជូនទៅ​សម្រាកព្យាបាលនៅមណ្ឌលសុខភាពឃុំហាត់ប៉ក់ ស្រុកវ៉ើនសៃរួចរាល់ហើយ។ បើតាមលោកវេជ្ជបណ្ឌិត អេង គុណវុឌ្ឍ ប្រធានការិយាល័យជំងឺឆ្លង និងចាក់ថ្នាំបង្ការនៃមន្ទីរសុខាភិបាលខេត្តរតនគិរី បានប្រាប់ភ្នាក់ងារ Fresh News នៅរសៀលថ្ងៃទី១៦ ខែមករា ឆ្នាំ២០២៥នេះថា ដោយមានការណែនាំពី​​លោក ជា សានិត ប្រធានមន្ទីរសុខាភិបាលខេត្តរតនគិរី ឲ្យក្រុមគ្រូពេទ្យតាមមណ្ឌលសុខភាពប្រចាំការ ២៤ម៉ោង លើ២៤ម៉ោង ក្នុងការជួយអន្តរាគមន៍ប្រជាពលរដ្ឋ​ដែលជួបប្រទះជំងឺផ្សេងៗ ដូច្នេះស្ត្រីឆ្លងទន្លេខាងលើ ជួយសង្គ្រោះបានទាន់ពេលវេលា។ បើតាមលោកគ្រូពេទ្យ សែន រដ្ឋា ប្រធានមណ្ឌលសុខភាពហាត់ប៉ក់ ប្រាប់ឲ្យដឹងថា ស្ត្រីឆ្លងទន្លេលើទូកមានឈ្មោះ វ៉ាន់ នី អាយុ៣១ឆ្នាំ (កូនស្រី) និងប្តីឈ្មោះ បឿន កី អាយុ ២៩ឆ្នាំ។ រហូតមកដល់ពេលស្ត្រីឆ្លងទន្លេ និងទារិកាមានសុខភាពល្អប្រសើរក្រោមការមើលថែពីក្រុមគ្រូពេទ្យ។ លោកបន្តថា គ្រួសារខាងលើនេះមានជីវភាពទីទល់ក្រ ដូច្នេះសូមអំពាវនាវសប្បុរសជនជាជួយឧបត្ថម្ភគ្រួសារពួកគាត់ផង៕ ផ្ដល់សិទ្ធិដោយ៖ Fresh News

(ភ្នំពេញ)៖ ឈានចូលដល់វ័យ ៨១ឆ្នាំហើយ លោកតា ឡាច រិ បានសម្រេចចិត្តដាក់ពាក្យចូលរួម​ ក្នុងកម្មវិធី​​សរសេរតាមអានជាសាធារណៈ ឈ្មោះថា «សំណេរអង្គរ» លើកទី២។ លោកតា ឡាច រិ មកពីភូមិខ្សាច់ពោយ សង្កាត់វត្តគរ ក្រុងបាត់ដំបង ខេត្តបាត់ដំបង។ លោកតា បានប្រាប់បណ្តាញព័ត៌មាន Fresh News នៅថ្ងៃទី១៦ ខែមករា ឆ្នាំ២០២៥នេះថា លោកគឺជាអតីតគ្រូបង្រៀនមកពីអនុវិទ្យាល័យវត្តគរ និងបានចូលនិវត្ត ជាង២០ឆ្នាំហើយ គឺតាំងពីឆ្នាំ១៩៩៩។ ការចូលរួមប្រកួត «សំណេរអង្គរ» លើកទី២ គ្រួសាររបស់លោកតា មានគ្នា៤នាក់ ដែលបានដាក់ពាក្យប្រកួត គឺ លោកតា, កូន២នាក់ និងចៅម្នាក់។ បើតាមប្រសាសន៍ លោកតា ឡាច រិ, ការចូលរួមប្រកួត «សំណេរអង្គរ» លើកទី២ មានការជំរុញពីកូនចៅរបស់លោកតាផ្ទាល់តែម្តង ហើយលោកតាក៏បានត្រៀមខ្លួនរួចហើយដែរ។ លោកតាបានបញ្ជាក់ប្រាប់ចំពោះមូលហេតុការចូលរួមប្រកួតដូច្នេះថា «ខ្ញុំមានបំណងលេងកម្សាន្តនៅអង្គរវត្ត និងចូលមើលកម្មវិធីសំណេរអង្គរផង។ ពេលនោះ កូនចៅបានប្រាប់ឲ្យដាក់ពាក្យប្រកួតតែម្តង ប៉ុន្តែខ្ញុំបានត្រៀមខ្លួនរួចហើយ មិនមែនមិនត្រៀមខ្លួននោះទេ»។ សម្រាប់ […]

(ភ្នំពេញ)៖ លោកស្រី ឃី មុន្នី អគ្គនាយិការងក្រុមហ៊ុននាំចេញអង្ករ Amru Rice Cambodia នាថ្ងៃទី១៦ ខែមករា ឆ្នាំ២០២៥នេះ បានអំពាវនាវឱ្យបងប្អូនប្រជាពលរដ្ឋខ្មែរ រួមគ្នាជួយទិញអង្ករខ្មែរ ដើ​ម្បីជួយដល់ប្រជាកសិករ ស្របពេលដែលស្រូវ OM5451 របស់កសិករ កំពុងជោរជន់ និងមានតម្លៃធ្លាក់ចុះទៅតម្លៃធម្មតាបើធៀបទៅនឹងតម្លៃស្រូវ OM5451 កាលពីឆ្នាំ២០២០។ លោកស្រី ឃី មុន្នី បានបញ្ជាក់ឱ្យដឹងថា ការធ្លាក់នៃតម្លៃស្រូវ OM5451 មិនមានអ្វីគួរឱ្យចម្លែកនោះទេ ដោយសារតម្លៃស្រូវប្រភេទនេះ​ពីមុនមក គឺមិនមាន​តម្លៃថ្លៃនោះទេ ទើបតែឆ្នាំ២០២៣ និង ឆ្នាំ២០២៤កន្លងទៅនេះ ដែលប្រទេសឥណ្ឌាបានបិទការនាំចេញអង្ករសរបស់ខ្លួន ទៅកាន់ទីផ្សារ ទើបធ្វើឱ្យទីផ្សារមានតម្រូវការស្រូវនេះជាខ្លាំង បានធ្វើឱ្យប្រទេសដែល​មានស្រូវ OM5451នេះ មានឱកាសលក់នៅក្នុងតម្លៃមួយដែលថ្លៃបាន តែពេលនេះឥណ្ឌា​បានបើកទីផ្សារនាំចេញអង្ករសរបស់ខ្លួនឡើងវិញ ទើបធ្វើឱ្យស្រូវនេះ មានការធ្លាក់ថ្លៃវិញ។ តែទោះយ៉ាងណាលោកស្រី ឃី មុន្នី ក្នុងនាមជាអគ្គនាយិការងក្រុមហ៊ុននាំចេញអង្ករ Amru Rice Cambodia បានអំពាវនាវឱ្យបងប្អូនប្រជាពលរដ្ឋខ្មែរ ជួយទិញអង្ករដែលជារបស់ខ្មែរ ដើម្បីជួយដល់​ប្រជា​ពលរដ្ឋខ្មែរ ដោយលោកស្រីបានបញ្ជាក់ដូចនេះថា «មោះយុទ្ធនាការទិញអង្ករខ្មែរ មួយគ្រួសារជួយជាវ 200kg (4បេ) […]

(ភ្នំពេញ)៖ ក្រុមក្មេងទំនើងចំនួន២៩នាក់ ពាក់ព័ន្ធករណីកាប់ប្លន់ និងហិង្សាបំផ្លិចបំផ្លាញទ្រព្យសម្បត្តិអ្នកទៃ ត្រូវបានស្នងការដ្ឋាននគរបាលរាជធានីភ្នំពេញ បង្ហាញមុខជាសាធារណៈនៅព្រឹកថ្ងៃទី១៦ ខែមករា ឆ្នាំ២០២៥នេះ មុនធ្វើការបញ្ជូនទៅកាន់សាលាដំបូងរាជធានីភ្នំពេញ ដើម្បីផ្ដន្ទាទោសតាមច្បាប់។ លោកឧត្តមសេនីយ៍ត្រី ប៊ុន សត្យា ស្នងការរងនគបាលរាជធានីភ្នំពេញ ទទួលផែននគរបាលព្រហ្មទណ្ឌ បានប្រាប់បណ្តាញព័ត៌មាន​ Fresh News​ ឲ្យដឹងថា ដោយមានបទបញ្ជាពីលោកឧត្តមសេនីយ៍ឯក ជួន ណារិន្ទ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ បានបញ្ជាកម្លាំងជំនាញការិយាល័យព្រហ្មទណ្ឌកម្រិតស្រាល និងការិយាល័យព្រហ្មទណ្ឌកម្រិតធ្ងន់ សហការជាមួយអធិការដ្ឋាននគរបាលខណ្ឌ ចំនួន៦ រួមមាន ខណ្ឌ៧មករា ខណ្ឌពោធិ៍សែនជ័យ ខណ្ឌកំបូល ខណ្ឌច្បារអំពៅ ខណ្ឌសែនសុខ និងខណ្ឌដូនពេញ បានធ្វើការស្រាវជ្រាវក្នុងរយៈពេល៣ថ្ងៃ បង្ក្រាបឃាត់ខ្លួនជនសង្ស័យជាបន្តបន្ទាប់ចំនួន១០ករណី សរុបចំនួន២៩នាក់ និងចាប់យកវត្ថុតាងមួយចំនួន។ លោកឧត្តមសេនីយ៍ត្រី ប៊ុន សត្យា បានបញ្ជាក់ថា ក្នុងនោះមានករណីលួចចំនួន៨ករណី ឃាត់បានចំនួន៩នាក់, លួចមានស្ថានទម្ងន់ទោសកាប់យកផ្លាកលេខម៉ូតូចំនួន១ករណី ឃាត់ខ្លួនបានចំនួន៨នាក់, ហិង្សាដោយចេតនា១ករណី ឃាត់ខ្លួនបានចំនួន៧នាក់ និងធ្វើឲ្យខូចខាតចេតនា១ករណី ឃាត់ខ្លួនចំនួន៥នាក់។ នៅក្នុងយុទ្ធនាការបង្ក្រាបក្មេងទំនើងនេះ សមត្ថកិច្ចបង្ក្រាបបានចំនួន៣ក្រុម ឃាត់ខ្លួនបានជនសង្ស័យចំនួន២០នាក់ ក្នុងនោះ៖ *ទី១៖ ក្រុមវត្តកម្សាន្ត […]

(ឧត្តរមានជ័យ)៖ លោកបណ្ឌិត លី ធុជ ទេសរដ្ឋមន្ត្រីទទួលបន្ទុកបេសកកម្មពិសេស អនុប្រធានទី១ អាជ្ញាធរកម្ពុជា គ្រប់គ្រងសកម្មភាពកំចាត់មីន និងសង្គ្រោះជនពិការដោយសារមីន បានសារលិខិតរំលែកមរណទុក្ខផ្ញើជូន ក្រុមគ្រួសារនៃសពអ្នកបោសសម្អាតមីនពលីក្នុងប្រតិបត្តិការបោសសម្អាតមីន នៅភូមិត្រពាំងប្រិយ៍ ឃុំបាក់អន្លូង ស្រុកត្រពាំងប្រាសាទ ខេត្តឧត្តរមានជ័យ។ តាមរយៈសារលិខិតរំលែកទុក្ខ, លោកបណ្ឌិត លី ធុជ បានថ្លែងថា៖ «ក្នុងនាម សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងជាប្រធាន អាជ្ញាធរកម្ពុជាគ្រប់គ្រងសកម្មភាពកំចាត់មីន និងសង្គ្រោះជនពិការដោយសារមីន និងលោកជំទាវបណ្ឌិត និងក្នុងនាមថ្នាក់ដឹកនាំ មន្ត្រីរាជការ បុគ្គលិក នៃអាជ្ញាធរកម្ពុជាគ្រប់គ្រងសកម្មភាពកំចាត់មីន និងសង្គ្រោះជនពិការដោយសារមីន ខ្ញុំពិតជាមានសេចក្ដីក្ដុកក្ដួលរំជួលចិត្ត និងសោកស្តាយឥតឧបមាដោយបានទទួល ដំណឹងអំពីពលីកម្មរបស់លោក អឿន ចាន់ដារ៉ា និងលោក ពៅ នេពីន ជាបុគ្គលិកបោសសម្អាតមីន របស់មជ្ឈមណ្ឌលសកម្មភាពកំចាត់មីនកម្ពុជា ក្នុងឧបទ្ទវហេតុផ្ទុះមិនអំឡុងពេលកំពុងប្រតិបត្តិការបោសសម្អាតមីន នៅភូមិត្រពាំងប្រីយ៍ ឃុំបាក់អន្លូង ស្រុកត្រពាំងប្រាសាទ ខេត្តឧត្តរមានជ័យ នៅវេលាម៉ោង ៧:៤៥ នាទីព្រឹកថ្ងៃទី១៦ ខែមករា ឆ្នាំ២០២៥។ ក្នុងវេលាប្រកបដោយសមានទុក្ខដ៏សែនក្រៀមក្រំនេះ ខ្ញុំសូមពាំនាំនូវសាររំលែកមរណទុក្ខដ៏ក្រៀមក្រំ […]

(ភ្នំពេញ)៖ ក្នុងកិច្ចប្រជុំដកបទពិសោធន៍ការងារគ្រប់គ្រងសន្តិសុខឯកជន រវាងអគ្គស្នងការដ្ឋាននគរបាលជាតិ ជាមួយក្រុមហ៊ុនផ្តល់សេវាសន្តិសុខឯកជន និងសហគ្រាស គ្រឹះស្ថាននាន នាយឧត្តមសេនីយ៍ ស ថេត អគ្គស្នងការនគរបាលជាតិ បានណែនាំដល់ក្រុមហ៊ុនផ្តល់សេវាសន្តិសុខឯកជន និងសហគ្រាសគ្រឹះស្ថាននានាទាំងអស់ ហាមដាច់ខាតជ្រើសរើសជនបរទេសឲ្យបម្រើការងារជាកម្លាំងភ្នាក់ងារសន្តិសុខឯកជន។ ក្នុងកិច្ចប្រជុំដែលបានប្រព្រឹត្តទៅនៅព្រឹកថ្ងៃទី១៦ ខែមករា ឆ្នាំ២០២៥នេះ នាទីស្ដីការក្រសួងមហាផ្ទៃ នាយឧត្តមសេនីយ៍ ស ថេត បានគូសបញ្ជាក់ថា គ្រប់ក្រុមហ៊ុនផ្ដល់សេវា និងសហគ្រាស គ្រឹះស្ថាន នៅពេលជ្រើសរើសភ្នាក់ងារសន្តិសុខឯកជន ត្រូវអនុវត្តតាមប្រកាសលេខ១០២០ ប្រ.កចុះថ្ងៃទី១១ ខែមេសា ឆ្នាំ២០១៧ របស់ក្រសួងមហាផ្ទៃ និងស្របតាមលក្ខខណ្ឌច្បាប់ស្តីពីការងារ នៃព្រះរាជាណាចក្រកម្ពុជា។ ទន្ទឹមនោះ នាយឧត្តមសេនីយ៍ អគ្គស្នងការនគរបាលជាតិ បានអំពាវនាវដល់ក្រុមហ៊ុនផ្ដល់សេវាសន្ដិសុខឯកជន និងសហគ្រាស គ្រឹះស្ថានទាំងអស់ ត្រូវរាយការណ៍ឲ្យបានជាប់ជាប្រចាំ នូវចំនួនភ្នាក់ងារសន្តិសុខឯកជន ដែលបានជ្រើសរើសមកអគ្គស្នងការដ្ឋាននគរបាលជាតិ តាមរយៈនាយកដ្ឋានគ្រប់គ្រងសន្តិសុខឯកជន ដើម្បីបញ្ចូលសាវតាភ្នាក់ងារសន្តិសុខឯកជន ទៅក្នុងប្រព័ន្ធគ្រប់គ្រងតាមបច្ចេកវិទ្យាឌីជីថល។ ដោយឡែក ចំពោះទីតាំងស្នាក់នៅបណ្តោះអាសន្ន ឬទីតាំងរស់នៅប្រមូលផ្តុំរបស់ភ្នាក់ងារសន្តិសុខឯកជន ត្រូវរាយការណ៍ជូនសមត្ថកិច្ចនៅមូលដ្ឋាន និងត្រូវបំពេញបែបបទរដ្ឋបាល ឲ្យបានត្រឹមត្រូវ ដូចជាការចុះបញ្ជីស្នាក់នៅជាដើម។ បន្ថែមពីនេះ ត្រូវចាត់បញ្ជូនភ្នាក់ងារសន្តិសុខឯកជន ឲ្យមកទទួលការបណ្តុះបណ្តាលបំប៉នជំនាញអំពីតួនាទី ភារកិច្ច និងមេរៀនមូលដ្ឋានគ្រឹះផ្សេងៗ […]

(សេអ៊ូល)៖ ទីភ្នាក់ងារពន្លត់អគ្គីភ័យជាតិ បានរាយការណ៍ឱ្យដឹងថា នៅថ្ងៃពុធនេះបុរសម្នាក់បានដុតខ្លួនឯង នៅជិតការិយាល័យស៊ើបអង្កេតអំពើពុករលួយរបស់ប្រទេសកូរ៉េខាងត្បូង ជាទីកន្លែងដែលប្រធានាធិបតី ដែលត្រូវបានចោទប្រកាន់ លោក Yoon Suk Yeol កំពុងត្រូវបានសាកសួរ ជុំវិញការចោទប្រកាន់ពីបទបះបោរ។ នេះបើយោងតាមការចេញផ្សាយដោយ ទីភ្នាក់ងារសារព័ត៌មាន Reuters។ បុរសវ័យ ៦០ឆ្នាំរូបនេះ បានរងរបួសភ្លើងឆេះយ៉ាងធ្ងន់ធ្ងរ និងសន្លប់បាត់ស្មារតី បន្ទាប់ពីហេតុការណ៍នេះបានកើតឡើងកាលពីវេលាម៉ោង ៨ យប់ ម៉ោងក្នុងស្រុក។ ទោះជាយ៉ាងណា ទីភ្នាក់ងារព័ត៌មានយ៉ុនហាប់បានរាយការណ៍ថា បុរសនោះបានស្លាប់ហើយ។ គួរបញ្ជាក់ថា នៅពេលកើតហេតុ មនុស្សរាប់សិបនាក់ដែលតវ៉ាប្រឆាំងនឹងការចាប់ខ្លួនលោក Yoon ពាក់ព័ន្ធនឹងការសម្រេចចិត្តដ៏ចម្រូងចម្រាសរបស់លោក ក្នុងការប្រកាសច្បាប់អាជ្ញាសឹក កាលពីថ្ងៃទី ៣ ខែធ្នូ នៅតែបន្តការប្រមូលផ្តុំនៅខាងក្រៅការិយាល័យ។ ការប្រកាសច្បាប់អាជ្ញាសឹកនោះបានធ្វើឱ្យប្រទេសកូរ៉េខាងត្បូង ធ្លាក់ក្នុងភាពចលាចលនយោបាយយ៉ាងខ្លាំង៕ ផ្ដល់សិទ្ធិដោយ៖ Fresh News

(ភ្នំពេញ)៖ លោក ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ នៅថ្ងៃទី១៥ ខែមករា ឆ្នាំ២០២៥នេះ បានអំពាវនាវដល់ម្ចាស់ដីដែលជួយដីឱ្យកសិករធ្វើស្រែ សូមជួយបន្ធូរបន្ថយថ្លៃឈ្នួល ព្រោះតែពេលនេះ តម្លៃស្រូវ OM ធ្លាក់ចុះ ដែលធ្វើឱ្យប្រាក់ចំណេញរបស់កសិករធ្លាក់ចុះ ខុសពីពេលមុនៗ។ ការលើកឡើងរបស់រដ្ឋមន្ត្រី ឌិត ទីណា ធ្វើឡើងក្នុងសន្និសីទសារព័ត៌មាន ស្តីពីស្ថានភាពថ្លៃស្រូវ និងការប្រមូលផលស្រូវប្រាំង ដែលរៀបចំដោយក្រសួងកសិកម្ម និងអង្គភាពអ្នកនាំពាក្យរាជរដ្ឋាភិបាល។ លោករដ្ឋមន្ត្រីបានថ្លែងដូច្នេះថា «ជាការអំពាវនាវសុំឱ្យបងប្អូនយើងដែលជួលដីឱ្យ បងប្អូនយើងផ្សេងៗទៀត សម្រាប់ដាំដុះស្រូវអូអឹម (OM) គួរតែពិចារណាក្នុងការបន្ធូរបន្ថយតម្លៃ […] សូមឱ្យមានការយោគយល់គ្នា ព្រោះតម្លៃស្រូវអូអឹមនេះ មិនដូចពីមុនទៀតទេ ដែលត្រូវពិចារណាជួយគ្នាក្នុងគ្រានេះ»។ ជាមួយគ្នានេះ លោករដ្ឋមន្ត្រីក៏បានបញ្ជាក់ពីការត្រៀមខ្លួនរួចជាស្រេច របស់ក្រសួងកសិកម្ម ក្នុងការចាំជួយដល់កសិករ ដែលត្រូវប្រមូលផលស្រូវក្នុងឱកាសបុណ្យចូលឆ្នាំចិន-វៀតណាមខាងមុខ ប្រសិនបើឈ្មួញទិញស្រូវនាំចេញទៅវៀតណាម ផ្អាកសកម្មភាពរបស់ពួក ដើម្បីអបអរក្នុងបុណ្យចូលឆ្នាំ៕ សូមស្តាប់ការលើកឡើងរបស់លោករដ្ឋមន្ត្រីកសិកម្ម៖ ផ្ដល់សិទ្ធិដោយ៖ Fresh News

(ភ្នំពេញ)៖ លោកបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុក ជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB ) បានឱ្យដឹងថា គិតមកដល់ពេលបច្ចុប្បន្ននេះ រាជរដ្ឋាភិបាលតាមរយៈធនាគារ ARDB បានទម្លាក់ថវិកា ៥លើករួចមកហើយ ដើម្បីអភិវឌ្ឍន៍វិស័យស្រូវអង្ករ និងរក្សាស្ថេរភាពថ្លៃ ដែលមានទំហំទឹកប្រាក់ប្រមាណជាង២០០លានដុល្លារ ខណៈនៅថ្ងៃទី១៥ មករា ឆ្នាំ២០២៥នេះ រាជរដ្ឋាភិបាលបានសម្រេចទម្លាក់ថវិកាប្រមាណ ៣០លានដុល្លារបន្ថែមទៀត ដើម្បីជួយដល់ការរក្សាលំនឹងថ្លៃស្រូវរបស់កសិករនាពេលនេះ។ លោក បណ្ឌិត កៅ ថាច លើកឡើងបែបនេះ ធ្វើឡើងនៅក្នុងសន្និសីទសារព័ត៌មាន ស្តីពី «ស្ថានភាពថ្លៃស្រូវ និងការប្រមូលផលស្រូវប្រាំង» ដែលរៀបចំឡើងដោយអង្គភាពអ្នកនាំពាក្យរាជរដ្ឋាភិបាល សហការជាមួយក្រសួងកសិកម្ម រុក្ខាប្រមាញ់ និងនេសាទ នៅរសៀល ថ្ងៃទី១៥ ខែមករា ឆ្នាំ២០២៥នេះ។ លោកបានគូសបញ្ជាក់ថា បញ្ហាស្រូវអង្ករ គឺជាបញ្ហាដែលរាជរដ្ឋាភិបាលបានយកចិត្តទុកដាក់ខ្ពស់ ព្រោះពាក់ព័ន្ធនឹងសុវត្ថិភាពស្បៀង និងការធ្វើពាណិជ្ជកម្ម។ ហេតុដូច្នេះហើយ ចាប់តាំងពីឆ្នាំ២០១៦ មករាជរដ្ឋាភិបាលបានទម្លាក់ថវិកាជាបន្តបន្ទាប់ ដែលរហូតមកដល់ពេលនេះ ទម្លាក់បាន៥លើករួចមកហើយ ដើម្បីទ្រទ្រង់លើវិស័យស្រូវអង្ករទាំងមូល និងដើម្បីជំរុញការអភិវឌ្ឍក្នុងវិស័យ និងធ្វើឱ្យមានស្ថេរភាពថ្លៃ ដែលក្នុងនោះធនាគារ ARDB […]