រដ្ឋមន្រ្តី កែវ រតន: ប្រកាសផ្ទេភារកិច្ចប្រធានមន្ទីររ៉ែ និងប្រធានការិយាល័យរ៉ែខេត្តកណ្តាល ឲ្យមកជាមន្រ្តីបម្រើការងារនៅទីស្តីការក្រសួង

(ភ្នំពេញ)៖ រដ្ឋមន្រ្តីក្រសួងរ៉ែ និងថាមពល លោក កែវ រតន: នាថ្ងៃទី២១ ខែធ្នូ ឆ្នាំ២០២៣នេះ បានចេញសេចក្តីប្រកាស ផ្ទេភារកិច្ចមន្ត្រីរាជការ២រូប ម្នាក់ជាប្រធានមន្ទីររ៉ែ និងថាមពល ហើយម្នាក់ទៀតជាប្រធានការិយាល័យរ៉ែ និងថាមពលខេត្តកណ្តាល ឲ្យមកជាមន្រ្តីបម្រើការងារនៅទីស្តីការក្រសួង។

សេចក្តីប្រកាសរបស់ក្រសួងរ៉ែ និងថាមពល ដែលបណ្តាញព័ត៌មាន Fresh News ទទួលបាន បានបញ្ជាក់ឱ្យដឹងទៀតថា មន្ត្រីរាជការទាំង ២រូប រួមមាន៖ លោក ជា សា​រិទ្ធ ផ្ទេរពីប្រធានមន្ទីររ៉ែ និងថាមពលខេត្តកណ្តាល ឱ្យទៅបម្រើការងារជាមន្ត្រី នៅអគ្គាធិការដ្ឋាន និងលោកស្រី ម៉ិច វ៉ាន់ឌី ផ្ទេរពីប្រធានការិយាល័យនៃមន្ទីររ៉ែ និងថាមពលខេត្តកណ្តាល ឱ្យទៅបម្រើការងារជាមន្ត្រី នៅអគ្គាធិការដ្ឋាន៕

ខាងក្រោមនេះជាប្រកាសរបស់ក្រសួងរ៉ែ និងថាមពល៖

ផ្តល់សិទ្ធិដោយ៖ freshnews