ទិដ្ឋភាពអ្នកដំណើរនៅអាកាសយានដ្ឋានអន្តរជាតិសៀមរាបអង្គរ ចន្លោះថ្ងៃទី១-៤ ខែកក្កដា ឆ្នាំ២០២៤, ជាមធ្យមមានអ្នកដំណើរ ២០០០នាក់ក្នុង ១ថ្ងៃ
(សៀមរាប)៖ តាមរយៈវីដេអូដែលថតដោយមន្ត្រីឈរជើង នៅអាកាសយានដ្ឋានអន្តរជាតិសៀមរាបអង្គរ ចន្លោះថ្ងៃទី១ ដល់ទី៤ ខែកក្កដា ឆ្នាំ២០២៤ បានបង្ហាញពីទិដ្ឋភាពភ្ញៀវទេសចរដែលធ្វើដំណើរមកខេត្តសៀមរាប នៅតែមាន គ្រាន់តែមានចំនួនតិចជាងមុន (រដូវ High Season)។
![](https://image.freshnewsasia.com/2021/id-021/fn-2024-07-04-16-18-24-0.jpg)
បើតាមការបញ្ជាក់របស់លោក ស៉ីន ចាន់សិរីវុត្ថា រដ្ឋលេខាធិការ និងជាអ្នកនាំពាក្យអាកាសចរស៉ីវិល បានបញ្ជាក់ប្រាប់បណ្តាញព័ត៌មាន Fresh News នៅថ្ងៃទី៤ ខែកក្កដានេះថា សម្រាប់កាសយានដ្ឋានអន្តរជាតិសៀមរាអង្គរ ជាមធ្យមក្នុងរដូវកាល High Season កន្លងមក មានអ្នកដំណើរចេញ-ចូលអាកាសយានដ្ឋានអន្តរជាតិសៀមរាអង្គរ ជាមធ្យមមានប្រមាណជាង២៥០០ ទៅ ២៦០០ នាក់ក្នុង១ថ្ងៃ និងជើងហោះហើរជាមធ្យមមានប្រមាណជាង៤០ជើង/ថ្ងៃ (ទ្វេទិស)។ រីឯរដូវកាល Low Season នេះ មានអ្នកដំណើរចេញ-ចូលអាកាសយានដ្ឋានអន្តរជាតិសៀមរាអង្គរ ជាមធ្យមប្រមាណជាង ២០០០ ទៅ២២០០ នាក់ក្នុង១ថ្ងៃ និងជើងហោះហើរជាមធ្យមប្រមាណជាង៣០ជើង/ថ្ងៃ (ទ្វេទិស) ។
លោកបន្តថា ភាគច្រើននៃការហោះហើរពីប្រទេសអាស៊ាន និងពីប្រទេសចិន ក្នុងនោះមានភ្ញៀវចម្រុះជាតិសាសន៍ អាស៊ាន៧៥% និងអឺរ៉ុប ២៥%។ បច្ចុប្បន្នមានក្រុមហ៊ុនអាកាសចរណ៍ចំនួន១១ ធ្វើការហោះហើរចេញ-ចូល អាកាសយានដ្ឋានសៀមរាបអង្គរ ក្នុងនោះមានក្រុមហ៊ុនអាកាសចរណ៍អន្តរជាតិចំនួន៩ និងក្រុមហ៊ុនអាកាសចរណ៍ក្នុងស្រុកចំនួន២។
បើតាមការបញ្ជាក់របស់លោក ស៉ីន ចាន់សិរីវុត្ថា នៅរយៈពេល៥ខែដើមឆ្នាំ២០២៤នេះ កម្ពុជាទទួលបានអ្នកដំណើរតាមផ្លូវអាកាសមានចំនួន ២.៦ លាននាក់។ ប៉ុន្មានខែចុងក្រោយនេះ ចំនួនអ្នកដំណើរតាមផ្លូវអាកាសមានការធ្លាក់ចុះបន្តិច តែបើធៀបទៅនឹងខែមុន (រវាងខែមិថុនា ធៀបនឹងខែឧសភា) ចំនួនអ្នកដំណើរមានការធ្លាក់ចុះប្រមាណជិត ៨%៕ ផ្ដល់សិទ្ធិដោយ៖ Fresh News
![](https://image.freshnewsasia.com/2021/id-021/fn-2024-07-04-16-18-24-1.jpg)
![](https://image.freshnewsasia.com/2021/id-021/fn-2024-07-04-16-18-24-2.jpg)
![](https://image.freshnewsasia.com/2021/id-021/fn-2024-07-04-16-18-25-3.jpg)
![](https://image.freshnewsasia.com/2021/id-021/fn-2024-07-04-16-18-25-4.jpg)
![](https://image.freshnewsasia.com/2021/id-021/fn-2024-07-04-16-18-25-5.jpg)
![](https://image.freshnewsasia.com/2021/id-021/fn-2024-07-04-16-18-25-6.jpg)
![](https://image.freshnewsasia.com/2021/id-021/fn-2024-07-04-16-18-25-7.jpg)
![](https://image.freshnewsasia.com/2021/id-021/fn-2024-07-04-16-18-31-0.jpg)
![](https://image.freshnewsasia.com/2021/id-021/fn-2024-07-04-16-18-31-1.jpg)
![](https://image.freshnewsasia.com/2021/id-021/fn-2024-07-04-16-18-31-2.jpg)
![](https://image.freshnewsasia.com/2021/id-021/fn-2024-07-04-16-18-31-3.jpg)
![](https://image.freshnewsasia.com/2021/id-021/fn-2024-07-04-16-18-31-4.jpg)
![](https://image.freshnewsasia.com/2021/id-021/fn-2024-07-04-16-18-31-5.jpg)
![](https://image.freshnewsasia.com/2021/id-021/fn-2024-07-04-16-18-31-6.jpg)
![](https://image.freshnewsasia.com/2021/id-021/fn-2024-07-04-16-18-31-7.jpg)