តារា​សម្តែង​ជើងចាស់ លោកស្រី នូ សណ្ដាប់ និងជាព្រឹទ្ធបុរសរងមហាវិទ្យាល័យសិល្បៈនាដសាស្រ្ត បានទទួលមរណភាពហើយនៅវេលាម៉ោង១១ព្រឹក ថ្ងៃសុក្រ ១កើត ខែបុស្ស ឆ្នាំខាល ចត្វាស័ក ព.ស. ២៥៦៦ ត្រូវនឹងថ្ងៃទី២៣ ខែធ្នូ ឆ្នាំ២០២២ នេះ។

បើយោងតាមការបង្ហោះរបស់ផេកហ្វេសប៊ុក Amazing Cambodia បានសរសេររៀបរាប់ថា៖ «សាស្រ្តាចារ្យ នូ សណ្ដាប់ ឯកទេសល្ខោននិយាយ ជាតួម្តាយក្នុងភាពយន្តរឿង ទឹកចិត្តម្តាយ ដ៏ល្បីល្បាញទូទាំងប្រទេស (ថតកាលពីឆ្នាំ២០០៣) បានទទួលមរណភាពវេលាហើយ វេលាម៉ោង១១ព្រឹក ថ្ងៃសុក្រ ១កើត ខែបុស្ស ឆ្នាំខាល ចត្វាស័ក ព.ស. ២៥៦៦ ត្រូវនឹងថ្ងៃទី ២៣ ខែធ្នូ ឆ្នាំ២០២២ នេះ។ សូមវិញ្ញាណក្ខ័ន្ធអ្នកគ្រូទៅកាន់សុគតិភព និងសូមចូលរួមរំលែកទុក្ខដ៏ក្រៀមក្រំមួយនេះចំពោះគ្រួសារសពពីចម្ងាយ»។ ​តាម​ប្រភព​អ្នកសិល្បៈ​បុរាណ និងមហាជនជាច្រើន បាន​ចូលរួម​រំលែក​ទុក្ខ យ៉ាង​ក្រៀមក្រំ​នេះ តាម​សារ​រំលែក​ទុក្ខ ក្នុង​បណ្តាញ​សង្គម​ហ្វេ​ស​ប៊ុ​ក​ផងដែរ៕ ផ្តល់សិទ្ធិដោយ៖ ខ្មែរណូត