រាជធានីភ្នំពេញ៖ នៅថ្ងៃទី២៦ ខែធ្នូ ឆ្នាំ២០២២ យោងតាមគណនីហ្វេសប៊ុកផ្ទាល់របស់លោក សុខ រ៉ាស៊ី ដែលជាពិធីករដ៏មានប្រជាប្រិយភាពមួយរូប និងមានការគាំទ្រជាច្រើនពីសំណាក់មហាជននោះ បានចែករំលែកបទពិសោធន៍មួយ ទៅដល់បងប្អូនដែលចូលចិត្តស្កេន QR CODE មានលុយរៀល និង ដុល្លារ សូមមើលអោយច្បាស់ កុំឱ្យដូចរូបលោក ដោយកាលពីព្រឹកមិញលោក សុខ រ៉ាស៊ី ​បានស្កេន QR code ច្រឡំបាញ់លុយឱ្យផាសអេបជាង ១ម៉ឺនដុល្លារ តែសំំណាងប៉ះចំផាសអេបចិត្តល្អដកលុយអោយវិញ។

ក្នុងនោះ លោក សុខ រ៉ាសុី បានសរសេរយ៉ាងដូច្នេះថា៖ “ភ័យចង់គាំងបេះដូង បងប្អូន ច្រឡំស្កេន បាញ់លុយ អោយបងកង់បី 11100$ តែប៉ះចំបងផាសអេបចិត្តល្អ! ចែករំលែកបទពិសោធន៍ មួយបងប្អូនដែលចូលចិត្តស្កេន QR CODE មានលុយរៀល និង ដុល្លារ សូមមើលអោយច្បាស់កុំអោយដូចខ្ញុំ ជិះPass Apps អស់11100៛ បាញ់លុយអោយបងផាសអេប 11100$ ព្រោះ QR CODE មានសងខាង ដុល្លារ និង រៀល ចេះសំណាង បងរត់កង់បី មកវិញ បាញ់ត្រលប់អត់កើតទៀត តែគាត់ខំចំណាយពេល ទៅបំពេញឯកសារនៅធនាគារ ដកលុយអោយវិញ! “ ៕ ប្រភព៖ Mc Rasy Sok – សុខ រ៉ាសុី