អ្នកដឹកនាំរឿង លោក លៀក លីដា ថា តារាសម្តែងមីយ៉ាន់ម៉ាដ៏មានប្រជាប្រិយភាព លោក Paing Takhon នឹងមកដល់កម្ពុជារសៀលនេះ

លោក លៀក លីដា ម្ចាស់​ផលិត​ភាពយន្ត​ « LD Picture» នៅថ្ងៃទី១៩ ខែមេសា ឆ្នាំ២០២៣នេះបានឱ្យដឹងថាតារាសម្តែងមីយ៉ាន់ម៉ា លោក Paing Takhon នឹងមកដល់កម្ពុជារសៀលនេះ ដែលអ្នកគាំទ្រជឿថា​អាចនឹងមកសម្តែងរឿងថ្មីឱ្យផលិតកម្ម LD ដែលពន្យាអស់រយៈពេល៣ឆ្នាំមកហើយ។

ដោយលោកបានបង្ហោះសារយ៉ាងដូច្នេះថា « After waiting 3 year, Finally we make it , Welcome to Cambodia, បងប្អូនណាដែលជា Fan របស់គាត់អាចជួបគាត់ផ្ទាល់និងថតរូបជាមួយគាត់បាននៅប្រលានយន្តហោះម៉ោង៤ល្ងាច, អរគុណដល់សន្តិភាព របស់កម្ពុជាក្រោមការដឹកនាំរបស់សម្តេចពុក ដែលធ្វើអោយប្រទេសយើងមានទំនាក់ទំនងល្អជាមួយគ្រប់ប្រទេស។ អរគុណដល់ក្រសួងវប្បធម៌ ជាពិសេសនាយកដ្ឋានភាពយន្ត និងលោក Pok Borak ដែលតែងតែជួយដោះស្រាយបញ្ហាលើគម្រោងភាពយន្តរបស់ផលិតករគ្រប់រូប អរគុណ»។

សូមរំលឹកថា ភាពយន្តខ្នាតធំរឿងនាឡិការដាស់វិញ្ញាវគ្គ២ ឬ Red Wall របស់ផលិតកម្មLD សហការជាមួយផលិតករមីយ៉ាន់ម៉ា ដែលមានការចូលរួមសម្តែងដោយ លោក Paing Takhon ជាតារាម៉ូដែល និងតារាសម្តែង ជនជាតិមីយ៉ាន់ម៉ា និងMiss Grand Cambodia 2021 កញ្ញា ប៉ូ គីមថេងសុទ្ធធីតា បានពន្យារហូតដល់ទៅ៣ឆ្នាំ ក្នុងការថតដោយសារតែពីវិបត្តិនយោបាយនៅប្រទេសមីយ៉ាន់ម៉ា និងវិបត្តិនៃជំងឺកូវីដ១៩៕