យោងតាមគណនីហ្វេសប៊ុកផ្ទាល់របស់ ឈុន សុជាតិ ដែលជាកូនខ្មែរ រៀននៅប្រទេសអូស្ត្រាលី បានបង្កើតវីដេអូថ្មីមួយ ដោយបាននាំយកបង្អែមប្រពៃណីខ្មែរ ដែលជានំល្ពៅផ្សព្វផ្សាយដល់ជនបរទេសនៅប្រទេសអូស្ត្រាលី កំពុងផ្ទុះការសរសើរ និងចែករំលែកពេញបណ្ដាសង្គម។

តាមការបង្ហោះរបស់ ឈុន សុជាតិ នៅថ្ងៃទី០២ ខែធ្នូ ឆ្នាំ២០២៣ បានសរសេររៀបរាប់យ៉ាងដូច្នេះថា៖ «បរទេសសាកនំល្ពៅខ្មែរលើកដំបូង! Australian Taste Cambodian Pumpkin Cake For The First Time នៅក្នុងបេសកកម្មរបស់ខ្ញុំក្នុងការផ្សព្វផ្សាយវប្បធម៌កម្ពុជាដល់ជនបរទេសនៅប្រទេសអូស្ត្រាលី ខ្ញុំបានដើរជុំវិញស៊ីដនីអូប៉េរ៉ាហូស ដើម្បីសុំឱ្យមនុស្សមកសាកល្បងបង្អែមប្រពៃណីខ្មែររបស់យើង គឺនំល្ពៅ។ លទ្ធផលគឺមានការចូលចិត្តនិងការមិនចូលចិត្តចម្រុះ ដោយអ្នកខ្លះបាននិយាយថាពួកគេនឹងញុំាម្ដងទៀត តែអ្នកខ្លះនិយាយថាវាមិនមែនជាប្រភេទអាហារគេនោះទេ » ៕ ទស្សនាវីដេអូខាងក្រោម៖

ប្រភព៖ Chhun Socheat ឈុន សុជាតិ ​