នាថ្ងៃទី០៥ ខែមេសា ខាងមុខនេះ យីហោការ៉េមល្បីលំដាប់អន្តរជាតិ Magnum នឹងរៀបចំកម្មវិធីដ៏ធំមួយ និងមិនធ្លាប់មាននៅទីក្រុងភ្នំពេញគឺ Magnum Premiere Gala Dinner នៅសណ្ឋាគារ Hyatt Regency។ កម្មវិធីអាហារពេលល្ងាចយ៉ាងឱឡារឹកនេះ នឹងមានការចូលរួមពីសំណាក់អ្នកជំនួញធំៗលំដាប់ខ្ពស់នៅកម្ពុជា ជាពិសេសរួមទាំងតារាល្បី KOLs លំដាប់កំពូល និងតារាម៉ូដែល
តំណាងម៉ាកយីហោជាច្រើនរូបផងដែរ។

កម្មវិធី Magnum Premiere Gala Dinner អាចនិយាយបានថា ជាកម្មវិធីអាហារពេលល្ងាចដ៏ធំជាងគេមួយនៅដើមឆ្នាំ២០២៤នេះ ដែលនឹងរៀបចំឡើងនៅសណ្ឋាគារផ្កាយ៥ និងជាយីហោលំដាប់ពិភពលោក ជាមួយនឹងការរៀបចំ ដេគ័រក្នុងកម្មវិធីលំដាប់អភិជន ជាមួយនឹងនិមិត្តសញ្ញានៃផលិតផលរបស់ Magnum ដែលត្រូវបានគិតគូរយ៉ាងល្អិតល្អន់ និងប្រណិតសំរាប់ទទួលភ្ញៀវកិត្តិយសចូលរួម ចាប់តាំងពីផ្លូវដើរចូលររហូតទៅដល់ក្នុងកម្មវិធីតែម្ដង។

តោះចាំអ៊ុតមើលទាំងអស់គ្នា ថាតើ! Magnum Premiere Gala Dinner អស្ចារ្យ និងប្រណិតកម្រិតណា ហើយជាពិសេសនោះ តើមានតារា រូបណាខ្លះចូលរួម ជាមួយនឹងការតុបតែងខ្លួនប្លែកៗ ស្រស់ស្អាត យ៉ាងណានោះ កុំភ្លេចរង់ចាំមើលទាំងអស់គ្នា!