រាជធានីភ្នំពេញ៖ កាលពីថ្ងៃទី២៩ ខែមេសា ឆ្នាំ២០២៣ យោងតាមគណនីហ្វេសប៊ុកផ្ទាល់របស់ ឧកញ៉ា ស្រី ចាន់ថន ដែលជាទីប្រឹក្សារាជរដ្ឋាភិបាល និងជាអនុប្រធានកិត្តិយសសហព័ន្ធកីឡាប្រដាល់គុនខ្មែរ បានប្រកាសឧបត្ថម្ភកីឡាករជម្រើសជាតិ U22 សរុបចំនួន ២,០០០ដុល្លារ និងអ្នកអត្ថាធិប្បាយពីរនាក់ ម្នាក់ ១០០ដុល្លារផងដែរ។

ក្នុងគណនីហ្វេសប៊ុករបស់ ឧកញ៉ា ស្រី ចាន់ថន​ បានសរសេររៀបរាប់យ៉ាងដូច្នេះថា៖ «ក្រុមបាល់ទាត់កម្ពុជាក្រោមអាយុ ២២ឆ្នាំពិតជាអស្ចារ្យណាស់! ក្រោយចប់ការប្រកួតជម្រើសជាតិកម្ពុជាបានឈ្នះ ជម្រើសជាតិទីម័រខាងកើតក្រោមលទ្ធផល ៤ ទល់និង ០។ »

ឧកញ៉ា ស្រី ចាន់ថន បានបន្ថែមថា៖ «ដើម្បីលើកទឹកចិត្តកីឡាករជម្រើសជាតិកម្ពុជា ខ្ញុំនឹងឧបត្ថម្ភកីឡាករជម្រើសជាតិក្រោមអាយុ ២២ឆ្នាំសរុបចំនួន $២,០០០ (ពីរពាន់ដុល្លារសហរដ្ឋអាមេរិក) និងអ្នកអត្ថាធិប្បាយពីរនាក់ ម្នាក់ $១០០ (មួយរយដុល្លារសហរដ្ឋអាមេរិក) ផងដែរ (Admin ជីងចក់ និងដៃគូររបស់គាត់)។ សូមប្អូនៗមកបើកប្រាក់ឧបត្ថម្ភនៅការិយាល័យរបស់ខ្ញុំនៅខាងកើតវិមានឯករាជ្យជារៀងរាល់ម៉ោងធ្វើការ។ ដោយក្តីគោរព និងស្រលាញ់បំផុតពីខ្ញុំបាទ ស្រី ចាន់ថន» ៕ ប្រភព៖ ស្រី ចាន់ថន Srey Chanthorn