អង្គរក្សស៉ីវិល ២នាក់របស់ឧកញ៉ា ធាង ទ្រី ទទួលស្គាល់កំហុស និងសុំទោសមហាជនជាសាធារណៈ, ស្នងការសម្រេចឲ្យត្រឡប់ទៅវិញ ជាមួយកិច្ចសន្យាបញ្ឈប់សកម្មភាព

(ភ្នំពេញ)៖ អង្គរក្សស៊ីវិលទាំង២នាក់របស់ឧកញ៉ា ធាង ទ្រី ត្រូវបានលោកឧត្តមសេនីយ៍ឯក ជួន ណារិន្ទ អគ្គស្នងការរង នណិងជាស្នងការនគរបាលរាជធានីភ្នំពេញ សម្រេចឲ្យធ្វើកិច្ចសន្យាអប់រំបញ្ឈប់សកម្មភាពទាំងនេះ រួចអនុញ្ញាតឲ្យត្រឡប់ទៅវិញ។

ការធ្វើកិច្ចសន្យាអប់រំនេះ បន្ទាប់ពីពួកគេទទួលស្គាល់កំហុស និងបានចេញវីដេអូសុំទោសជាសាធារណ: និងសុំឲ្យមហាជនលើកលែងទោស។ អ្នកទាំង២នាក់ រួមមាន ឈ្មោះ យឿង វិចិត្រ អាយុ២៩ឆ្នាំ និងឈ្មោះ ឡូត សាន់ថុន អាយុ៣២ឆ្នាំ។

ជាមួយគ្នានេះ លោកឧត្តមសេនីយ៍ឯក ជួន ណារិន្ទ បានសង្កត់ធ្ងន់ថា ក្នុងករណីពួកគេទាំងពីរនាក់ ប្រព្រឹត្តទង្វើមិនគួរគប្បីបែបនេះម្ដងទៀត នឹងត្រូវសមត្ថកិច្ចឃាត់ខ្លួន ហើយអនុវត្តតាមផ្លូវច្បាប់ ដោយគ្មានការលើកលែង៕ ផ្ដល់សិទ្ធិដោយ៖ Fresh News