ថៃ៖ មាន​រឿង​ដ៏​គួរ​ឲ្យ​ចាប់​អារម្មណ៍មួយ​របស់​អ្នក​បើក​យន្តហោះវ័យក្មេងម្នាក់នៅខេត្ត Udon  ដែលផ្លាស់ប្ដូរអាជីពពីអ្នកបើកយន្តហោះ​មក​បើក Grab តស៊ូ​ដើម្បី​ជីវិត។ នៅក្នុងទំព័រហ្វេសប៊ុកមួយដែលមានឈ្មោះថា Ditthawat Wongkamchan បានបង្ហោះរូបថត និងសារបង្ហាញពីអារម្មណ៍យ៉ាងសោកស្ដាយថា “មានវាហើយ ប៉ុន្តែមិនបានប្រើទៅវិញ” ប៉ុន្តែមានហើយកក់ក្តៅចិត្ត មកបន្តអាយុកាលនៃប័ណ្ណបើកបរយន្តហោះ នាកន្លែងចាស់។ នៅពេលដែលត្រូវដើរទៅយកប័ណ្ណក៏មានអារម្មណ៍ខ្មាស់គួរសមដែរណាបាទ បន្ទាប់មកក៏មានបុគ្គលិកមកសួរថា បងអញ្ជើញមកទទួលឯកសារជំនួសមែនទេ? 

អ្នក​ដែល​បង្ហោះ​ទំព័រ​ហ្វេសប៊ុក​ខាង​លើ​ គឺ​លោក Ditthawat Wongkhamchan ឬ Eddie មាន​ស្រុក​កំណើត​នៅ​ស្រុក Muang ខេត្ត Udon Thani។ បានប្រឡងជាប់អ្នកបើកយន្តហោះអោយក្រុមហ៊ុនពាណិជ្ជកម្ម​អស់​រយៈពេល​ជាច្រើន​ឆ្នាំ ហើយក៏បានផ្លាស់ទៅរស់នៅទីក្រុងបាងកកវិញ។ លោក Ditthawat  ឬ  Eddie បង្ហើបប្រាប់អ្នកសារព័ត៌មានដូច្នេះថា « ដើមឡើយរូបលោកជាអ្នកបើកយន្តហោះសម្រាប់ក្រុមហ៊ុនអាកាសចរណ៍ឯកជនមួយ  ប៉ុន្តែដោយសារ ផលប៉ះពាល់នៃជំងឺកូវីដ-១៩ ក៏មិនបានហោះហើរទេ ហើយជាលទ្ធផលគ្មានប្រាក់ចំណូល ដែលពួកគាត់ត្រូវធ្វើជាមេគ្រួសារ រកចំណូលបានខ្ទង់មុឺនដុល្លារ ក្នុងមួយខែ ប៉ុន្តែពេលនេះបែរជាចំណូលស្មើសូន្យទៅវិញ»។

លោកគិតថា ពិតជាមិនអាចនៅស្ងៀមបានទៀតទេ គឺ លោកត្រូវការរកលុយ។ ដូច្នេះ​ហើយ​បាន​សម្រេច​ចិត្ត​បើក​ Grab ដើម្បី​ដឹកជញ្ជូន​អាហារ  បង្កើនចំណូលអោយ​គ្រប់គ្រាន់​ក្នុង​អំឡុង​ពេល​ដែល​លោក មិនបានបើក​យន្តហោះ។ លោកទទួល​ស្គាល់​ថា​ខ្លួនលោកធ្លាប់​បើកយន្តហោះ​កាល​ពី​មុន ហើយ​ងាក​មក​​ដឹក​ជញ្ជូន​ម្ហូប​អាហារ​របស់ Grab វា​ពិត​ជា​រំភើប​ដូច​បើក​យន្តហោះ​ថ្មី។ នៅពេលដែលវាកំពុងតែរីកចម្រើន លោកក៏ស៊ាំនឹងវាដែរ។ សូមអរគុណ Grab សម្រាប់គ្រាលំបាកនេះ។

ក្នុងនោះក៏មានមហាជនជាច្រើនបានបញ្ចេញមតិ និងលើកទឹកចិត្ត ដូចជា “ចាំមើល អាកាសយានដ្ឋានបើកហើយ ត្រឡប់មកធ្វើការវិញទេមិត្ត” ក្នុងន័យលើកទឹកចិត្តពីមហាជនយ៉ាងច្រើនកុះករ។

ផ្តល់សិទ្ធិដោយ៖ ខ្មែរណូត