ប្រធានាធិបតីស្រីលង្កា ត្រូវបានមន្រ្តីអន្តោប្រវេសន៍ហាមឃាត់នៅព្រលានយន្តហោះ ខណៈកំពុងព្យាយាមរត់គេចខ្លួនទៅក្រៅប្រទេស
ទីភ្នាក់ងារព័ត៌មាន AFP បានរាយការណ៍ដោយដកស្រង់សម្តីមន្ត្រីរដ្ឋាភិបាលមួយចំនួនថា ប្រធានាធិបតីស្រីលង្កាលោក Gotabaya Rajapaksa ត្រូវបានមន្ត្រីអន្តោប្រវេសន៍នៅព្រលានយន្តហោះ ហាមឃាត់ខណៈព្យាយាមរត់គេចខ្លួនឡើងយន្តហោះដើម្បីចាកចេញពីប្រទេស។ តាមប្រភពព័ត៌មានបានឱ្យដឹងថា កាលពីថ្ងៃសោរិ៍ លោក Gotabaya បានភៀសខ្លួនចេញពីលំនៅដ្ឋានរបស់លោកក្នុងទីក្រុង Colombo មុនពេលបាតុកររាប់ម៉ឺននាក់សម្រុកចូលលំនៅដ្ឋាន ដើម្បីភៀសខ្លួនទៅក្រុងឌូបៃ ប្រទេសអារ៉ាប់រួម។
លោក Gotabaya ត្រូវបានក្រុមមន្រ្តីអន្តោប្រវេសន៍ បដិសេធមិនផ្តល់ជូនសេវាកម្ម VIP សម្រាប់លិខិតឆ្លងដែនរបស់លោកនោះឡើយ ខណៈលោក បានទទូចថា លោកនឹងមិនប្រើច្បាប់នេះទេ ព្រោះតែខ្លាចរងគ្រោះដោយសារអ្នកដំណើរនៅព្រលានផ្សេងទៀត។ យ៉ាងណាមិញ ជាលទ្ធផល លោក Gotabaya និងភរិយាបានចំណាយពេលពេញយប់សម្រាកនៅជំរុំយោធាក្បែរអាកាសយានដ្ឋានសំខាន់របស់ប្រទេស ដោយសារការខកជើងហោះហើរចំនួន ៤នៅយប់ថ្ងៃព្យាយាមគេចខ្លួននោះ៕ ផ្តល់សិទ្ធិដោយ៖ ខ្មែរណូត
អត្ថបទទាក់ទង
