ខេត្តកំពង់ធំ រកឃើញអ្នកជំងឺកូវីដ ចំនួន៩នាក់ ដែលជាអ្នកដំណើរមកពីភ្នំពេញ និងម្នាក់ទៀតមកពីខេត្តព្រះសីហនុ

ខេត្តកំពង់ធំ៖ យោងតាមការចុះផ្សាយរបស់ រដ្ឋបាល ខេត្តកំពង់ធំ បានចេញសេចក្តីប្រកាសព័ត៌មានរបស់រដ្ឋបាលខេត្តកំពង់ធំ ស្តីពីការរកឃើញអ្នកវិជ្ជមានជំងឺកូវីដ១៩ ចំនួន ០៩នាក់ នៅថ្ងៃទី១៥ ខែឧសភា ឆ្នាំ២០២១ ដោយយោងតាមលទ្ធផលនៃការធ្វើតេស្តរហ័ស ក្នុងនោះមកពីរាជធានីភ្នំពេញចំនួន ០៨នាក់ និងមកពីព្រះសីហនុចំនួន ០១នាក់។

រដ្ឋបាលខេត្តសូមអំពាវនាវដល់អ្នកដែលធ្លាប់ពាក់ព័ន្ធនឹងអ្នកវិជ្ជមានទាំងអស់ខាងលើ សូមរួសរាន់ទំនាក់ទំនងទៅអាជ្ញាធរ ឬមណ្ឌលសុខភាព ដែលនៅកៀកបំផុត ដើម្បីយកសំណាកវិភាគរកមេរោគកូវីដ-១៩ និងធ្វើចត្តាឡីស័កនៅមណ្ឌលចត្តាឡីស័កខេត្ត ក្រុង/ស្រុក ឬនៅផ្ទះដោយខ្លួនឯងរយៈពេល ១៤ថ្ងៃ ឲ្យបានត្រឹមត្រូវ។

សូមបញ្ជាក់ផងដែរថា មកទល់ពេលនេះ ខេត្តកំពង់ធំបានរកឃើញអ្នកវិជ្ជមានជំងឺកូវីដ-១៩ សរុបចំនួន ១០៧នាក់ ស្រី ៥៥នាក់ ក្នុងនោះបានជាសះស្បើយចំនួន ២៤នាក់ ស្រី ១៥នាក់។ អ្នកជំងឺដែលនៅសល់ចំនួន ៨៣នាក់ ស្រី ៤០នាក់ កំពុងសម្រាកព្យាបាលនៅមន្ទីរពេទ្យខេត្ត មន្ទីរពេទ្យបង្អែកបារាយណ៍-សន្ទុក មន្ទីរពេទ្យបង្អែកស្ទោង និងមណ្ឌលវិទ្យាល័យ ជាស៊ីម ប្រឡាយ ៕

សូមអានសារលិខិតលម្អិតដូចខាងក្រោម៖

ប្រភព​៖ រដ្ឋបាល ខេត្តកំពង់ធំ