ជូនដំណឹង! ស្អែកនេះ រដ្ឋាករទឹកស្វយ័តក្រុងភ្នំពេញ ផ្អាកផ្គត់ផ្គង់ទឹករយៈពេល៦ម៉ោង ក្នុងសង្កាត់គោកឃ្លាង ខណ្ឌសែនសុខ
រដ្ឋាករទឹកស្វយ័តក្រុងភ្នំពេញ(PPWSA) នឹងផ្អាកការផ្គត់ផ្គង់ទឹក ក្នុងសង្កាត់គោកឃ្លាង ខណ្ឌសែនសុខ រាជធានីភ្នំពេញ រយៈពេល ៦ម៉ោង នៅយប់ថ្ងៃសៅរ៍ ទី០១ ខែមេសា ឆ្នាំ២០២៣ ចាប់ពីម៉ោង៨យប់ ដល់ម៉ោង២ទាបភ្លឺយប់។
យោងតាមសេចក្តីជូនដំណឹងការផ្អាកការផ្គត់ផ្គង់នេះ គឺដើម្បីធ្វើការជីកកាត់ភ្ជាប់បំពង់មេនាំទឹក ទំហំ៨០០ម ទៅទំហំ២៥០មម នៅលើផ្លូវលេខ៥៥P(១០១៩) គ្រោងបញ្ជូនសម្ពាធទឹកមកពីរោងចក្រផលិតទឹកស្អាតបាក់ខែង ដែលត្រូវផ្អាកផ្គត់ផ្គង់ទឹកចាប់ពីផ្លូវលេខ៦២P(១៩៦៦) រហូតដល់ផ្លូវលេខ២៦P(១៩៦៨) ស្ថិតនៅក្នុងភូមិសាស្ត្រ សង្កាត់ គោកឃ្លាង ខណ្ឌសែនសុខ រាជធានីភ្នំពេញ នៅយប់ថ្ងៃសៅរ៍ ទី០១ ខែមេសា ឆ្នាំ២០២៣ ។
ការងារជីកកាត់ ភ្ជាប់បំពង់មេនាំទឹក ទំហំ៨០០មម ទៅទំហំ២៥០មម ខាងលើនេះតម្រូវឱ្យ រដ្ឋាករទឹកស្វយ័តក្រុងភ្នំពេញ ផ្អាកការផ្គត់ផ្គង់ទឹកមួយរយៈពេលប្រមាណជា០៦ម៉ោង គឺចាប់ពីម៉ោង ២០:០០នាទីយប់ ដល់ម៉ោង ០២:០០នាទីយប់ នឹងអាចធ្វើឱ្យគុណភាពទឹកមានភាពល្អក់កករបន្តិចបន្តួចក្រោយពេលធ្វើការកាត់ភ្ជាប់បំពង់មេនេះរួច៕
