SEA GAMES

SEA Games: សហព័ន្ធកីឡាបាល់ទាត់កម្ពុជា៖ មិនមានករណីមនុស្សម្នាក់ ទទួលបានសំបុត្រ ៥០សន្លឹក សម្រាប់មើលបាល់ទាត់ឡើយ

BY
Naren
April 27, 2023
SEA Games: សហព័ន្ធកីឡាបាល់ទាត់កម្ពុជា៖ មិនមានករណីមនុស្សម្នាក់ ទទួលបានសំបុត្រ ៥០សន្លឹក សម្រាប់មើលបាល់ទាត់ឡើយ

(ភ្នំពេញ)៖ លោក កែវ សារ៉េត អគ្គលេខាធិការសហព័ន្ធកីឡាបាល់ទាត់កម្ពុជា បានថ្លែងប្រាប់បណ្តាញ Fresh News នៅថ្ងៃទី២៧ ខែមេសា ឆ្នាំ២០២៣ថា មិនមានករណីមនុស្សម្នាក់ ទទួលបានសំបុត្រ ចំនួន ៥០សន្លឹក សម្រាប់មើលការប្រកួតបាល់ទាត់វិញ្ញាសារផ្នែកបុរស អាយុក្រោម ២២ឆ្នាំឡើយ។

បើតាមការលើកឡើងរបស់លោក កែវ សារ៉េត បានឲ្យដឹងទៀតថា ចំពោះករណីការចែកចាយរឿងមនុស្សម្នាក់ ទទួលបានសំបុត្រ ៥០សន្លឹក គឺជាការថតលេងសើចខុសទំនង របស់មន្ត្រីសហព័ន្ធកីឡាបាល់ទាត់កម្ពុជា ទើបត្រូវមហាជនរិះគន់។

លោក កែវ សារ៉េត បានសម្តែងការពេញចិត្តលើលោក ប្រាក់ សុវណ្ណារ៉ា មន្ត្រីម្នាក់របស់សហព័ន្ធកីឡាបាល់ទាត់កម្ពុជា ដែលបានចេញមកបកស្រាយករណីនេះទាន់ពេលវេលា។ ជាមួយគ្នានេះ លោកក៏ស្នើសូមឲ្យមន្ត្រីមានការ ប្រុងប្រយ័ត្នខ្ពស់ ពេលធ្វើសកម្មភាពនានា ជាពិសេសការបង្ហោះសារលើបណ្តាញសង្គម។

លោក កែវ សារ៉េត បានស្រង់ខ្លឹមសារបកស្រាយរបស់លោក ប្រាក់ សុវណ្ណារ៉ា យ៉ាងដូច្នេះ «គ្មាននរណាម្នាក់ មានសិទ្ធិទទួលបានសំបុត្រទាំងដុំទេ។ អ្នកទទួល សុទ្ធតែជាអ្នកតំណាងក្លិប ទទួលពីសហព័ន្ធផ្ទាល់ ដែលសហព័ន្ធផ្តល់ជូនគ្រប់ក្លិបទាំងអស់ រាល់ការប្រកួតអន្តរជាតិ មិនមែនតែលើកហ្នឹងទេ។ ហើយប្អូនវិសាល ដែលមិត្តភក្តិថត Tiktok​ គឺជានាយបេសកកម្ម ដែលមានតួនាទីទទួលសំបុត្រចែកជូនគ្រប់ប្រទេស ដែលពាក់ព័ន្ធចូលគាំទ្រក្រុមរបស់ខ្លួន។ សូមពិចារណាផង មិនគួរមើលតែមួយជ្រុងទេ»។

សូមជម្រាបថា ក្រុមបាល់ទាត់ជម្រើសជាតិយុវជនអាយុក្រោម ២២ឆ្នាំឥណ្ឌូនេស៊ី ត្រូវប៉ះហ្វីលីពីន ជាគូបើកឆាកប្រភេទកីឡាបាល់ទាត់ ផ្នែកបុរសក្នុងព្រឹត្តិការណ៍កីឡាប្រចាំតំបន់អាស៊ីអាគ្នេយ៍ (SEA Games) ឆ្នាំ២០២៣ នៅកម្ពុជា។ នេះជាការប្រកួតសន្សំពិន្ទុមុនគេចេញពីពូល A ក្នុងចំណោម ៥ក្រុមរួមមានឥណ្ឌូនេស៊ី ហ្វីលីពីន ទីម័រខាងកើត មីយ៉ាន់ម៉ា និងម្ចាស់ផ្ទះកម្ពុជា នៃយុទ្ធនាការមានរយៈពេល ២ឆ្នាំម្តងលើកទី៣២ នេះ។

ក្រៅពីឥណ្ឌនេស៊ី ប៉ះហ្វីលីពីន នាម៉ោង ៤៖០០នាទីរសៀលថ្ងៃទី២៩ ខែមេសា ឆ្នាំ២០២៣ នោះ U22 របស់ម្ចាស់ផ្ទះកម្ពុជា ក៏ត្រូវប៉ះ U22 ទីម័រខាងកើតផងដែរនៅម៉ោង ៧យប់ថ្ងៃដដែលក្នុងពហុកីឡដ្ឋានជាតិអូឡាំពិកតែមួយគត់ គ្រាដែលសំបុត្រចូលទស្សនាពុំមានគិតថ្លៃឡើយ។ ប៉ុន្តែ សំបុត្រសម្រាប់ចូលទស្សនាត្រូវបានចែកអស់យ៉ាងឆាប់រហ័សបំផុត។

តាមរយៈសារពិសេស សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅថ្ងៃទី២៥ ខែមេសា ឆ្នាំ២០២៣ បានផ្ញើសារណែនាំជូនអភិបាលរាជធានី-ខេត្ត ឱ្យរៀបចំការបញ្ចាំងស្លាយផ្សាយបន្តផ្ទាល់ការប្រកួតបាល់ទាត់ ក្រោយសាលទស្សនាមិនអាចផ្ទុកមនុស្សច្រើនតាមតម្រូវការជាក់ស្តែង៕ ផ្តល់សិទ្ធិដោយ៖ Fresh News

Share This Post:

SEA GAMES

អបអរសាទរ! កីឡាករ វ៉ាន់ វុន បានឈ្នះមេដាយប្រាក់ ប្រភេទកីឡាអត្តពលកម្ម លើវិញ្ញាសាប្រណាំងរទេះ T54 ចំងាយ១០០ម៉ែត្រ

BY
Khmerpress
June 5, 2023
អបអរសាទរ! កីឡាករ វ៉ាន់ វុន បានឈ្នះមេដាយប្រាក់ ប្រភេទកីឡាអត្តពលកម្ម លើវិញ្ញាសាប្រណាំងរទេះ T54 ចំងាយ១០០ម៉ែត្រ

(ភ្នំពេញ)៖ អបអរសាទរ! កីឡាករ វ៉ាន់ វុន ដែលបានឈ្នះមេដាយប្រាក់ ប្រភេទកីឡាអត្តពលកម្ម លើវិញ្ញាសាប្រណាំងរទេះ T54 ចំងាយ១០០ម៉ែត្រ នៃព្រឹត្តិការណ៍កីឡាអាស៊ានប៉ារ៉ាហ្គេម លើកទី១២ ដែលការប្រកួតធ្វើឡើងនៅពហុកីឡដ្ឋានជាតិមរតកតេជោ, ថ្ងៃទី០៥ ខែមិថុនា ឆ្នាំ២០២៣៕ ផ្តល់សិទ្ធិដោយ៖ freshnews

Share This Post:

SEA GAMES

អាស៊ានប៉ារ៉ាហ្គេម៖ តារាងចំនួនមេដាយ គិតត្រឹមម៉ោង ១៖០០នាទី ថ្ងៃទី០៥ ខែមិថុនានេះ ម្ចាស់ផ្ទះកម្ពុជា កំពុងមានមេដាយសរុប ១២គ្រឿង

BY
Khmerpress
June 5, 2023
អាស៊ានប៉ារ៉ាហ្គេម៖ តារាងចំនួនមេដាយ គិតត្រឹមម៉ោង ១៖០០នាទី ថ្ងៃទី០៥ ខែមិថុនានេះ ម្ចាស់ផ្ទះកម្ពុជា កំពុងមានមេដាយសរុប ១២គ្រឿង

(ភ្នំពេញ)៖ គិតត្រឹមម៉ោង ១៖០០នាទី នាព្រឹកថ្ងៃទី០៥ ខែមិថុនានេះ ម្ចាស់ផ្ទះកម្ពុជា កំពុងមានមេដាយសរុប ១២គ្រឿង ឈរលេខរៀងទី៨ រួមមានមេដាយមាស ២, ប្រាក់ ៥ និងសំរឹទ្ធ ៥គ្រឿង, ខណៈក្រុមឥណ្ឌូនេស៊ី នៅតែបន្តឈរនាំមុខកំពូលតារាង ដោយរកបានមេដាយសរុប ៩៧គ្រឿងជាបណ្តោះអាសន្ន, នៃព្រឹត្តិការណ៍កីឡាអាស៊ានប៉ារ៉ាហ្គេម លើកទី១២ ឆ្នាំ២០២៣៕ ផ្តល់សិទ្ធិដោយ៖ freshnews

Share This Post:

SEA GAMES

អាស៊ានប៉ារ៉ាហ្គេម ២០២៣៖ ក្រុមបាល់បោះជិះរទេះជនពិការនារីកម្ពុជា ដណ្ដើមបានមេដាយមាស លើវិញ្ញាសានារី (៣នាក់ ទល់ ៣នាក់)

BY
Khmerpress
June 3, 2023
អាស៊ានប៉ារ៉ាហ្គេម ២០២៣៖ ក្រុមបាល់បោះជិះរទេះជនពិការនារីកម្ពុជា ដណ្ដើមបានមេដាយមាស លើវិញ្ញាសានារី (៣នាក់ ទល់ ៣នាក់)

(ភ្នំពេញ)៖ អបអរសារទ ក្រុមបាល់បោះជិះរទេះជនពិការនារីកម្ពុជា ដណ្ដើមបានមេដាយមាស ក្រោយយកឈ្នះនារីថៃ ១១-៩ លើវិញ្ញាសានារី (៣នាក់ ទល់ ៣នាក់) នៃការប្រកួតកីឡាអាស៊ានប៉ារ៉ាហ្គេម លើកទី១២ ឆ្នាំ២០២៣ ដែលការប្រកួតធ្វើឡើងនៅមជ្ឈមណ្ឌលកីឡាក្នុងសាល នៃពហុកីឡដ្ឋានជាតិមរតកតេជោ នៅព្រឹកថ្ងៃទី០៣ ខែមិថុនា ឆ្នាំ២០២៣។

នេះជាមេដាយមាសលើកដំបូង នៃការដណ្តើមបានមេដាយមាស ក្នុងព្រឹត្តិការណ៍កីឡាអាស៊ានប៉ារ៉ាហ្គេម លើកទី១២ ឆ្នាំ២០២៣ សម្រាប់ក្រុមម្ចាស់ផ្ទះកម្ពុជា លើកប្រភេទកីឡាបាល់បោះរទេះជនពិការផ្នែកនារី ក្នុងវិញ្ញាសា (៣នាក់ ទល់ ៣នាក់) និងជាការការពារមេដាយមាស បានសម្រេចរបស់ក្រុមកម្ពុជា បន្ទាប់ពីធ្វើបាននៅអាស៊ាប៉ារ៉ាហ្គេម លើកទី១១ នៅឥណ្ឌុនេស៊ី ឆ្នាំ២០២២ ៕ ផ្តល់សិទ្ធិដោយ៖ freshnews

Share This Post: