(ភ្នំពេញ)៖ អ្នកជំនាញក្នុងវិស័យទេសចរណ៍ បានបង្ហាញសុទិដ្ឋនិយម ចំពោះដំណើរទស្សនកិច្ចផ្លូវរដ្ឋរបស់ លោក ស៊ី ជីនពីង ប្រធានាធិបតីចិន មកកាន់កម្ពុជា នឹងក្លាយជាផ្នែកមួយ ក្នុងការទាក់ទាញភ្ញៀវទេសចរចិនកម្ពុជា ឱ្យបានតាមការរំពឹងទុករបស់រដ្ឋាភិបាលកម្ពុជា ជាពិសេសជួយលុបបំបាត់នូវព័ត៌មានអវិជ្ជមានទាំងឡាយ ដែលបុគ្គលមួយចំនួន បានផ្សព្វផ្សាយមិនល្អពីកម្ពុជា។ ការបង្ហាញសុទិដ្ឋនិយមនេះ ស្របពេលដែលភាគីកម្ពុជា-ចិន បន្តឯកភាពកំណត់យកឆ្នាំ២០២៥ ជា «ឆ្នាំទេសចរណ៍កម្ពុជា-ចិន» និងលើកទឹកចិត្តប្រជាពលរដ្ឋខ្លួន ឲ្យធ្វើដំណើររវាងប្រទេសទាំងពីរ។ លោក ធួន ស៊ីណាន ប្រធានសមាគមទេសចរណ៍អាស៊ីបាស៊ីហ្វិក (PATA) បានលើកឡើងថា ការជំរុញរបស់ប្រធានាធិបតីចិន ឱ្យប្រជាជនរបស់ខ្លួនមកដើរកម្សាន្តនៅកម្ពុជា គឺជាដែលជាអ្វីដែលអ្នកប្រកបរបរ ក្នុងវិស័យទេសចរណ៍កំពុងរង់ចាំ ខណៈក្រោយការរីករាលដាលនៃជំងឺកូវីដ១៩ កម្ពុជាទទួលបានភ្ញៀវទេសចិន នៅមានកម្រិតនៅឡើយ។ លោកបានកត់សម្គាល់ថា ចាប់តាំងពីជំងឺកូវីដ១៩ ស្រាកស្រាន្តមកទេសចរចិន បានត្រឡប់មកដើរកម្សាន្តនៅបណ្តាប្រទេសជិតខាងកម្ពុជាហើយ រួមទាំងឡាវផងដែរ។ ដោយឡែក នៅតែកម្ពុជា តែទទួលបានភ្ញៀវទេសចរចិនតិចតួច ក្នុងរង្វង់ជាង ៨០ម៉ឺននាក់ប៉ុណ្ណោះ ក្នុងមួយឆ្នាំ។ ហើយក្នុងចំណោម ៨០ម៉ឺននាក់នេះ គឺមាន ៣ប្រភេទ រួមកម្មករ ពាណិជ្ជករចេញ-ចូល និងភ្ញៀវដើរកម្សាន្ត។ លោកលើកឡើងថា ការមកតិចតូចនៃទេសចរចិននេះ គឺដោយសារតែរដ្ឋាភិបាលចិន […]

(កំពង់ស្ពឺ)៖ រយៈពេល៣ខែ ឆ្នាំ២០២៥ កម្លាំងកងរាជអាវុធហត្ថខេត្តកំពង់ស្ពឺ បានបង្ក្រាបបទល្មើសព្រហ្មទណ្ឌ និងបទល្មើសគ្រឿងញៀន បានសរុបចំនួន៥៥លើក។ ប្រតិបត្តិការនេះធ្វើឡើងក្រោមបទបញ្ជារបស់លោកឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺ។ ក្នុងនោះមានបទល្មើសព្រហ្មទណ្ឌចំនួន ១៧លើករួមមាន៖ ករណីរំលោភសេពសន្ធវៈចំនួន ១លើក, ករណីលួចចំនួន ២លើក, ករណីហិង្សា ក្មេងទំនើងចំនួន ០៥លើក, ករណីហិង្សាដោយចេតនា ចំនួន ៣លើក, ករណីហិង្សានៅក្នុងគ្រួសារ ចំនួន៣លើក, ករណីកាន់កាប់អាវុធដោយគ្មានការអនុញ្ញាតចំនួន ចំនួន២លើក និងករណីល្បែងស៉ីសងខុសច្បាប់ ១លើក។ ដោយក្នុងនោះបានឃាត់ខ្លួនជនសង្ស័យចំនួន៥៧នាក់ មានស្ត្រីចំនួន ១៧នាក់ រួមទាំងរឹបអូសបានវត្ថុតាងម៉ូតូចំនួន ១៧គ្រឿង, ទូរស័ព្ទដៃចំនួន ៤០គ្រឿង ព្រមទាំងវត្ថុតាងមួយចំនួនទៀត។ ដោយឡែករយៈពេល៣ខែ ដូចគ្នានេះកម្លាំងកងរាជអាវុធហត្ថបានបង្ក្រាបទល្មើសគ្រឿងញៀនចំនួន ៣៨លើក ឃាត់ខ្លួនជនសង្ស័យចំនួន ៥៧នាក់ ក្នុងនោះមានស្ត្រីចំនួន ៤នាក់។ ដោយដកហូតបានវត្ថុតាងគ្រឿងញៀន ចំនួន ១៥៧កញ្ចប់ ស្មើនឹង៤៥៤,៨១ក្រាម, ទូរស័ព្ទខូចដែលបានលាក់គ្រឿងញៀនចំនួន ៣គ្រឿង, ជញ្ចីងសម្រាប់ថ្លឹងគ្រឿងញៀនចំនួន ៨គ្រឿង, ឧបករណ៍សម្រាប់ប្រើប្រាស់គ្រឿងញៀនចំនួន ថង់សម្រាប់ច្រកគ្រឿងញៀនមួយចំនួន ឧបករណ៍ជក់បារីអេឡិចត្រនិក […]

(ភ្នំពេញ)៖ កូនប្រុសសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា គឺកុមារា ហ៊ុន ពេជមុន្នីរិទ្ធិសិដ្ឋ ទទួលបានមេដាយមាសមួយគ្រឿងទៀតហើយ ពីការប្រលងគណិតវិទ្យាកម្រិតពិភពលោកនៅប្រទេសអូស្ត្រាលី។ លោកជំទាវបណ្ឌិត ពេជ ចន្ទមុន្នី បានបញ្ជាក់លើទំព័រហ្វេសប៊ុកថា ការប្រលងនេះ មានកុមារា កុមារីមកពីប្រទេសចំនួន១៥ប្រទេស។ សូមបញ្ជាក់ថា កុមារា ហ៊ុន ពេជមុន្នីរិទ្ធិសិដ្ឋ ជាកុមារាកម្ពុជាមួយរូប ដែលមានភាពខ្លាំងពូកែខាងគណិតវិទ្យា ហើយតែងចូលរួមប្រកួតប្រជែងកម្រិតតំបន់ និងពិភពលោកជាបន្តបន្ទាប់ ហើយក៏តែងតែដណ្តើមបានមេដាយមាសផងដែរ។ ទាំងសម្តេចតេជោ ហ៊ុន សែន ជាជីតា, សម្តេចមហាបវរធិបតី និងលោកជំទាវបណ្ឌិត ជាឪពុកម្តាយនោះ តែងបង្ហាញមោទនភាពចំពោះកុមារា ហ៊ុន ពេជមុន្នីរិទ្ធិសិដ្ឋ៕ ផ្ដល់សិទ្ធិដោយ៖​ Fresh News

(ថៃ)៖ នាល្ងាចថ្ងៃទី១៨ ខែមេសា ឆ្នាំ២០២៥នេះ លោក សេង សក្តា រដ្ឋលេខាធិការ តំណាងដ៏ខ្ពង់ខ្ពស់របស់លោក ហេង សួរ រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈ និងលោក ហ៊ុន សារឿន ឯកអគ្គរាជទូតកម្ពុជាប្រចាំប្រទេសថៃ ព្រមទាំងមានការចូលរួមពីថ្នាក់ដឹកនាំក្រសួងការងារ, តំណាងក្រុមការងារ ESEA, និងតំណាងសមាគមទីភ្នាក់ងារជ្រើសរើសពលករកម្ពុជា (ACRA) បាននាំយកសារលិខិតរំលែកមរណទុក្ខ និងថវិការបស់សម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត ចំនួន១ម៉ឺនដុល្លារ ជូនក្រុមគ្រួសារនៃសពពលករខ្មែរលោក ផល្លា រតនា ដែលកំពុងធ្វើបុណ្យសពនៅក្នុងប្រទេសថៃ។ លោក ផល្លា រតនា អាយុ ២៤ឆ្នាំជាពលករខ្មែរដែលធ្វើការ និងរស់នៅក្នុងប្រទេសថៃបានទទួលមរណភាព ដោយសារការរញ្ជួយដីក្នុងប្រទេសថៃ កាលពីថ្ងៃទី២៨ ខែមីនា ឆ្នាំ២០២៥។ នៅក្នុងពិធីបូជាសពដែលបានរៀបចំធ្វើនៅវត្តបាភ្លីយ៉ៃក្លាង ឃុំបាងភ្លីយ៉ៃ ស្រុកបាភ្លី ខេត្តសាមុទ្រប្រាកាន ប្រទេសថៃ ឯកឧត្តម សេង សក្តា បានសម្តែងនូវសមានទុក្ខក្តុកក្តួលរន្ធត់ចិត្ត និងសេចក្តីសោកស្តាយស្រណោះអាឡោះអាល័យជាទីបំផុត […]

(ភ្នំពេញ)៖ អភិបាលរាជធានីភ្នំពេញ លោក ឃួង ស្រេង សូមថ្លែងអំណរគុណដល់ថ្នាក់ដឹកនាំគ្រប់ជាន់ថ្នាក់ នៃរដ្ឋបាលខណ្ឌទាំង១៤, កងកម្លាំងប្រដាប់អាវុធទាំងអស់ និងសមត្ថកិច្ចពាក់ព័ន្ធនៃរាជធានីភ្នំពេញ ដែលបានបំពេញភារកិច្ចរបស់ខ្លួនយ៉ាងខ្ជាប់ខ្ជួន ក្នុងការពង្រឹងសន្តិសុខ សណ្តាប់ធ្នាប់សាធារណៈរបៀបរៀបរយ និងការរៀបចំប្រារព្ធសង្ក្រាន្តវត្តភ្នំ និងពិធីបុណ្យចូលឆ្នាំថ្មី ប្រព្រឹត្តទៅដោយភាពសប្បាយរីករាយ និងប្រកបដោយសណ្តាប់ធ្នាប់ សុខសុវត្ថិភាព មានសោភ័ណភាព និងសេចក្ដីថ្លៃថ្នូរ សាកសមជាបេះដូង នៃប្រទេសកម្ពុជា។ ជាមួយនោះដែរ អភិបាលរាជធានីភ្នំពេញ លោក ឃួង ស្រេង សូមថ្លែងអរគុណចំពោះបងប្អូនប្រជាពលរដ្ឋទាំងអស់ ដែលបានចូលរួមលេងកំសាន្តនៅភូមិសាស្រ្តរាជធានីភ្នំពេញ ប្រកបដោយភាពថ្លៃថ្នូរ មានសុជីវធម៌ សីលធម៌ គោរពគ្នាទៅវិញទៅមក ប្រកបដោយការយោគយល់គ្នាក្នុងនាមខ្មែរនិងខ្មែរ។ លោក ឃួង ស្រេង អភិបាលរាជធានីភ្នំពេញ បានបញ្ជាក់ថា កិច្ចខិតខំប្រឹងប្រែងយកចិត្តទុកដាក់ ប្រកបដោយស្មារតីទទួលខុសត្រូវរបស់ ថ្នាក់ដឹកនាំ អាជ្ញាធរខណ្ឌទាំង១៤ និងកងកម្លាំងទាំងអស់ គឺជាសក្ខីកម្មឆ្លុះបញ្ចាំងឱ្យឃើញអំពីសុឆន្ទៈ មនសិការ និងការលះបង់កម្លាំង កាយចិត្ត ពេលវេលា សេចក្តីសុខផ្ទាល់ខ្លួន ចូលរួមចំណែកជាមួយរាជរដ្ឋាភិបាល ធ្វើឱ្យព្រឹត្តិការណ៍នេះ សម្រេចបានជោគជ័យយ៉ាងត្រចះត្រចង់ ដោយបានលើកស្ទួយកិត្តិយស និងកិត្យានុភាពជាតិនៅលើឆាកអន្តរជាតិ ព្រមទាំងទទួលបាននូវការគាំទ្រកោតសរសើរ លើកទឹកចិត្តដ៏ខ្ពង់ខ្ពស់ពី […]

(ភ្នំពេញ)៖ សម្ដេចបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានសារលិខិតរំលែកមរណទុក្ខផ្ញើជូន លោក សៅ ផល្លា និងលោកស្រី ឆាយ សោភ័ណ្ឌ ព្រមទាំងក្រុមគ្រួសារ ចំពោះមរណភាពរបស់ លោក ផល្លា រតនា ត្រូវជាកូនរបស់ លោក និងលោកស្រី ដែលបានទទួលមរណភាពក្នុងអាយុ ២៤ឆ្នាំ នៅក្នុងគ្រោះរញ្ជួយដី នៅប្រទេសថៃ កាលពីថ្ងៃទី២៨ ខែមីនា ឆ្នាំ២០២៥ ខណៈកំពុងស្នាក់នៅ និងធ្វើការនៅប្រទេសថៃ។ សូមជម្រាបថា ក្រសួងការងារ និងបណ្តុះបណ្តាលវិជ្ជាជីវៈ នៅថ្ងៃទី១៧ ខែមេសា ឆ្នាំ២០២៥ បានចេញសេចក្តីជូនដំណឹងស្តីពី មរណភាពនៃពលករខ្មែរដែលបណ្តាលមកពីការរញ្ជួយដីនៅប្រទេសថៃ។ ក្រសួងបានបញ្ជាក់ថា យោងតាមសេចក្តីជូនដំណឹងពីវិទ្យាស្ថានវេជ្ជសាស្ត្រកោសល្យវិច័យនៃមន្ទីរពេទ្យនគរបាលជាតិប្រទេសថៃ អំពីលទ្ធផលនៃការពិនិត្យ កោសល្យវិច័យ DNA ក្រសួងបានទទួលដំណឹងថា លោក ផល្លា រតនា ដែលត្រូវជាកូនរបស់ លោក សៅ ផល្លា និង លោកស្រី ឆាយ សោភ័ណ្ឌ បានទទួលមរណភាពក្នុងអាយុ ២៤ឆ្នាំ […]

(ភ្នំពេញ)៖ ភាគីចិនបានកោតសរសើរកិច្ចខិតខំប្រឹងប្រែងរបស់កម្ពុជា ក្នុងការបង្ក្រាបល្បែងស៊ីសងខុសច្បាប់តាមប្រព័ន្ធអ៊ីនធឺណេត និងការឆបោកតាមប្រព័ន្ធបច្ចេកវិទ្យា ព្រមទាំងប្តេជ្ញាចិត្តក្នុងការពង្រឹង ការសម្របសម្រួល និងកិច្ចសហប្រតិបត្តិការអនុវត្តច្បាប់ ដើម្បីបង្ក្រាបឧក្រិដ្ឋកម្មឆ្លងដែន រួមទាំងល្បែងឆ្លងដែនខុសច្បាប់ ការជួញដូរគ្រឿងញៀន ការរត់ពន្ធមនុស្ស និងការក្លែងបន្លំ។ នេះបើតាមសេចក្តីប្រកាសព័ត៌មានក្រសួងការបរទេស និងសហប្រតិបត្តិការអន្តរជាតិ ស្តីពីលទ្ធផលដំណើរទស្សនកិច្ចផ្លូវរដ្ឋមកកាន់កម្ពុជារបស់លោក ស៉ី ជីនពីង ប្រធានាធិបតីចិន ដែលបណ្តាញព័ត៌មាន Fresh News ទទួលបាន នៅថ្ងៃទី១៨ ខែមេសា ឆ្នាំ២០២៥នេះ។ រាជរដ្ឋាភិបាលកម្ពុជា និងរដ្ឋាភិបាលចិន បានបន្តឯកភាពគ្នាក្នុងការពង្រឹងយន្តការកិច្ចសហប្រតិបត្តិការរវាងកងកម្លាំងប្រដាប់អាវុធ និងរក្សាការផ្លាស់ប្តូរទស្សនកិច្ចជាញឹកញាប់នៅគ្រប់កម្រិត។ នៅក្នុងសេចក្តីប្រកាសព័ត៌មានបានឲ្យដឹងថា ចំពោះកិច្ចសហប្រតិបត្តិការលើវិស័យការពារជាតិ និងសន្តិសុខ ភាគីទាំងពីរបានឯកភាព ពង្រឹងយន្តការកិច្ចសហប្រតិបត្តិការរវាងកងកម្លាំងប្រដាប់អាវុធ នៃប្រទេស​ទាំងពីរ រក្សាការផ្លាស់ប្តូរទស្សនកិច្ចជាញឹកញាប់នៅគ្រប់កម្រិត និងបង្កើនសកម្មភាពកិច្ចសហប្រតិបត្តិការ រួមទាំងការហ្វឹកហ្វឺន និងសមយុទ្ធរួម ដូចជាការសង្គ្រោះបន្ទាន់ ការជួយសង្គ្រោះក្នុងគ្រាមហន្តរាយ និងការកែលម្អផ្នែកសេវាវេជ្ជសាស្ត្រ និងភស្តុភារកម្ម។ ក្រសួងការបរទេស បានបញ្ជាក់ដែរថា ចំពោះសន្តិសុខមនុស្សជាតិ ភាគីទាំងពីរបានទទួលស្គាល់ការគំរាមកំហែងជាសកលដែលបង្កឡើងដោយការប្រែប្រួលអាកាសធាតុ ហើយប្តេជ្ញាពង្រឹងការការពារបរិស្ថាន ជំរុញកិច្ចសហការថាមពលស្អាត រួមមាន៖ វារីអគ្គិសនី ថាមពលព្រះអាទិត្យ និងថាមពលខ្យល់។ កម្ពុជាបានវាយតម្លៃ ខ្ពស់ចំពោះជំនួយឧបត្ថម្ភរបស់ចិន ការបណ្តុះបណ្តាលធនធានមនុស្ស […]

(ភ្នំពេញ)៖ នៅព្រឹកថ្ងៃទី១៨ ខែមេសា ឆ្នាំ២០២៥, សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានជួបពិភាក្សាការងារជាមួយលោក វ៉ាង តុងចូវ (Wang Tongzhou) ប្រធានក្រុមហ៊ុន China Communications Construction Company (CCCC) នៅវិមានសន្តិភាព។ ក្នុងជំនួបនោះ, លោក វ៉ាង តុងចូវ បានសម្ដែងការពេញចិត្តយ៉ាងខ្លាំងចំពោះការផ្ដោតអាទិភាពខ្ពស់របស់រាជរដ្ឋាភិបាលកម្ពុជា លើការសាងសង់ និងអភិវឌ្ឍហេដ្ឋារចនាសម្ព័ន្ធរូបវ័ន្ត និងថ្លែងអំណរគុណចំពោះរាជរដ្ឋាភិបាលកម្ពុជា ដែលបានធានានូវបរិយាកាសវិនិយោគល្អ។ លោកបានគោរពរាយការណ៍ជូនសម្ដេចបវរធិបតី អំពីប្រតិបត្តិការអាជីកម្មរបស់ក្រុមហ៊ុន CCCC ដែលជាក្រុមហ៊ុនវិស្វកម្មចិនឈានមុខគេលើវិស័យហេដ្ឋារចនាសម្ព័ន្ធដឹកជញ្ជូន ការជីកស្តារព្រែកជីក ក៏ដូចជាប្រព័ន្ធស្រោចស្រពធំៗ ជាដេីម។ បច្ចុប្បន្ន ក្រុមហ៊ុនមានប្រតិបត្តិការអាជីវកម្ម នៅក្នុង ១៥៨ ប្រទេស ជុំវិញពិភពលោក។ លោកបានបន្តថា ក្រុមហ៊ុន China Road and Bridge Corporation (CRBC) ដែលជាក្រុមហ៊ុនបុត្រសម្ព័ន្ធរបស់ក្រុមហ៊ុន CCCC ជាអ្នកទទួលបន្ទុកសាងសង់ព្រែកជីកហ្វូណនតេជោ។ លោក វ៉ាង តុងចូវ […]

(ភ្នំពេញ)៖ និយ័តករអាជីវកម្មអចលនវត្ថុនិងបញ្ចាំ បានចេញសេចក្តីជូនដំណឹង ស្តីពីការប្រកបអាជីវកម្មបញ្ចាំ និងប្រាតិភោគដោយអនុប្បទាន ដោយគ្មានអាជ្ញាបណ្ណពីនិយ័តករអាជីវកម្មអចលនវត្ថុ និងបញ្ចាំ។ ខាងក្រោមនេះជាបញ្ជីរាយនាមអាជីវកម្មទាំង ២០៖ ផ្ដល់សិទ្ធិដោយ៖ Fresh News

(ភ្នំពេញ)៖ កញ្ញា ហេង ស្រីស្រស់ គឺជាពិធីការិនីចេញពីទូរទស្សន៍ជាតិកម្ពុជា ដែលមានបទពិសោធន៍ជាង១០ឆ្នាំ ក្នុងអាជីពជាអ្នកអានព័ត៌មាន និងជាអ្នកសម្របសម្រួលកម្មវិធីថ្នាក់ជាតិ និងអន្តរជាតិបានយ៉ាងល្អ និងស្ទាត់ជំនាញ។ ស្រីស្រស់ ទទួលបានការកោតសរសើរយ៉ាងច្រើនពីថ្នាក់ដឹកនាំ និងភ្ញៀវកិត្តិយស ដែលបានចូលរួមក្នុងកម្មវិធី ពិសេសក្រុមការងារខាងភាគីចិន ដែលកញ្ញាសម្របសម្រួលកម្មវិធីដោយភាពស្វាហាប់ មានទំនុកចិត្ត និងមានស្នាមញញឹមជាប់ជានិច្ច។ កញ្ញាគឺជាធនធានមួយដ៏ល្អរបស់ប្រទេសកម្ពុជា។ គួរបញ្ជាក់ថា កញ្ញា ហេង ស្រីស្រស់ ត្រូវបានជ្រើសរើសជាពិធីការិនីក្នុងកម្មវិធីសំខាន់ៗ នៃព្រឹត្តិការផ្លាស់ប្តូរប្រជាជន និងប្រជាជន ក្រោមប្រធានបទ «កម្ពុជា-ចិនរួមចិត្ត រួមដំណើរតែមួយ» ដែលជាកម្មវិធីដ៏សំខាន់ ដែលរៀបចំឡើងដើម្បីអបអរសាទរ និងអមដំណើរការបំពេញទស្សនកិច្ចផ្លូវរដ្ឋរបស់ប្រធានាធិបតី ស៊ី ជិនពីង មកកាន់ប្រទេសកម្ពុជា៕ ផ្ដល់សិទ្ធិដោយ​៖ Fresh News