(ភ្នំពេញ)៖ ក្នុងឋានៈកម្ពុជាជាម្ចាស់ផ្ទះរៀបចំកិច្ចប្រជុំត្រួតពិនិត្យឡើងវិញលើកទី៥ នៃអនុសញ្ញាហាមប្រាមការប្រើប្រាស់មីនប្រឆាំងមនុស្ស(អនុសញ្ញាអូតាវ៉ា) ឬកិច្ចប្រជុំកំពូលសៀមរាប-អង្គរ ស្តីពីពិភពលោកមួយដែលគ្មានមីន ដែលនឹងប្រព្រឹត្តិទៅនៅខេត្តសៀមរាប ចាប់ពីថ្ងៃទី២៥-២៩ ខែវិច្ឆិកា ឆ្នាំ២០២៤ នាពេលខាងមុខដ៏ខ្លី កម្ពុជានឹងរៀបចំព្រឹត្តិការណ៍ពិសេសៗមួយចំនួន ក្នុងនោះមាន «ដើរដង្ហែក្បួនដើម្បីពិភពលោកមួយដែលគ្មានមីន March For A Mine-Free World» នាព្រឹកថ្ងៃទី២៤ ខែវិច្ឆិកា ឆ្នាំ២០២៤ ដោយចេញដំណើរចាប់ពីមុខប្រាសាទអង្គរវត្ត ទៅដល់ទីលានជល់ដំរី ក្នុងរយៈចម្ងាយ៤ គីឡូម៉ែត។ ការដើរដង្ហែក្បួននេះ គឺជាព្រឹត្តិការណ៍ដ៏មានសារៈសំខាន់មួយសម្រាប់វិស័យសកម្មភាពមីនសកល ក្នុងការអំពាវនាវ និងជំរុញឱ្យមានកិច្ចខិតខំប្រឹងប្រែងរួមទៅកាន់ពិភពលោក ដើម្បីបញ្ចប់ការរងគ្រោះ និងទុក្ខវេទនា បង្កឡើងដោយមីនប្រឆាំងមនុស្ស ដែលមានអ្នកចូលរួមប្រមាណជា ៣០០០នាក់រួមមាន៖ គណៈប្រតិភូជារដ្ឋភាគី១៦៤ប្រទេស រដ្ឋមិនមែនភាគី ស្ថាប័នអន្តរជាតិជុំវិញពិភពលោក ក្រសួង/ស្ថាប័នកម្ពុជា តំណាងស្ថានទូតប្រចាំកម្ពុជា ដៃគូអភិវឌ្ឍន៍ រដ្ឋបាលខេត្តសៀមរាប កងកម្លាំងប្រដាប់អាវុធ ប្រតិបត្តិករសកម្មភាពមីន មន្រ្តីរាជការ វិស័យឯកជន សិល្បៈករ ប្រជាពលរដ្ឋ លោកគ្រូ-អ្នកគ្រូ សិស្សានុសិស្ស និងភាគីពាក់ព័ន្ធក្នុងខេត្ត។ ក្នុងដំណើរឆ្ពោះទៅកិច្ចប្រជុំកំពូលសៀមរាប-អង្គរ, ទេសរដ្ឋមន្រ្តី លី ធុជ អនុប្រធានទី១ អាជ្ញាធរមីន […]

(ភ្នំពេញ)៖ មហាកុដិសម្តេចព្រះមហាសុមេធាធិបតី ជួន ណាត សម្ដេចព្រះសង្ឃរាជថ្នាក់ទី១ នៃគណៈមហានិកាយ ដែលមានអាយុកាល៧៤ឆ្នាំ ត្រូវបានជួសជុលក្នុងដំណាក់ទី១រួចរាល់ហើយ ដើម្បីជាប្រយោជន៍ដល់សាសនា វប្បធម៌ និងរួមចំណែកទាក់ទាញភ្ញៀវទេសចរបែបសាសនា។ មហាកុដិកុដិរបស់សម្តេចព្រះសង្ឃរាជ ជួន ណាត ​ត្រូវបានជួលជុលនៅដើមឆ្នាំ២០២៣ ​ដែលបានឧបត្ថម្ភថវិកា​ដោយ កិត្តិសេដ្ឋាបណ្ឌិត ចម ប្រសិទ្ធ ​តំណាងរាស្រ្តមណ្ឌល ខេត្តកែប និងជាឧត្តមទីប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា។ ​មហាកុដិសម្តេចព្រះមហាសុមេធាធិបតី ជួន ណាត ត្រូវបានធ្វើការពង្រឹង និងជួសជុលកែលម្អទៅលើការងារពង្រឹងគ្រឿងផ្គុំសំណង់ខាងក្រោម , ការងារជួសជុលកែលម្អស្ថាបត្យកម្មខាងក្រៅ និងខាងក្នុង និងការងារជួសជុលកែលម្អ និងពង្រឹងគ្រឿងផ្គុំដំបូល។ ពិធីប្រគល់-ទទួល មហាកុដិសម្តេចព្រះមហាសុមេធាធិបតី ជួន ណាត ក្រោយកែលម្អ ជួលជុលរួច បានធ្វើឡើងនាថ្ងៃទី១៩ ខែវិច្ឆិកា ឆ្នាំ២០២៤នេះ ក្រោមអធិបតីភាពសម្តេចព្រះមហាអរិយវង្ស បណ្ឌិត យ៉ន សេងយៀត ព្រះចៅអធិការវត្តឧណ្ណាលោម និងកិត្តិសេដ្ឋាបណ្ឌិត ចម ប្រសិទ្ធ ឧត្តមទីប្រឹក្សាផ្ទាល់ព្រះមហាក្សត្រនៃព្រះរាជាណាចក្រកម្ពុជា។ សម្តេចព្រះមហាអរិយវង្ស បណ្ឌិត យ៉ន សេងយៀត ព្រះចៅអធិការវត្តឧណ្ណាលោម […]

(ភ្នំពេញ)៖ រដ្ឋសភានៅប៉ុន្មាននាទីមុននេះ បោះឆ្នោតគាំទ្រទាំងស្រុងលើការកែសម្រួល និងតែងតាំងបំពេញបន្ថែមសមាសភាពរាជរដ្ឋាភិបាល។ រដ្ឋសភា ក្រោមសំឡេង១១២/១១២សំឡេង បានបោះឆ្នោតឯកភាពទាំងស្រុងលើការតែងតាំង លោក ប្រាក់ សុខុន ជាឧបនាយករដ្ឋមន្រ្តី រដ្ឋមន្រ្តីក្រសួងការបរទេស និងការតែងតាំងលោក សុខ ចិន្តាសោភា ជាឧបនាយករដ្ឋមន្រ្តី។ នេះជាការកែសម្រួលសមាសភាពរាជរដ្ឋាភិបាល លើកទី២ហើយ ក្នុងរាជរដ្ឋាភិបាល អាណត្តិទី៧ ដឹកនាំដោយ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា ដែលលើកទី១ ត្រូវបានធ្វើឡើងកាលពីខែកញ្ញា ឆ្នាំ២០២៤ ដោយ លោក សុខ សូកេន ផ្លាស់ទៅជារដ្ឋមន្រ្តីក្រសួងអធិការកិច្ច ហើយលោក ហួត ហាក់ ផ្លាស់ទៅជារដ្ឋមន្រ្តីក្រសួងទេសចរណ៍ជំនួស លោក សុខ សូកេន។ លោក ប្រាក់ សុខុន វ័យ៧០ឆ្នាំ គឺជាអតីតរដ្ឋមន្រ្តីក្រសួងការបរទេស ចាប់ពីឆ្នាំ២០១៦ រហូតដល់ឆ្នាំ២០២៣ ក្នុងពេល សម្តេចតេជោ ហ៊ុន សែន កាន់តំណែងជានាយករដ្ឋមន្រ្តី។ ក្នុងរាជរដ្ឋាភិបាល អាណត្តិទី៧ និងក្រោយការបោះឆ្នោតជ្រើសតាំងសមាជិកព្រឹទ្ធសភា អាណត្តិទី៥ […]

(ភ្នំពេញ)៖ បណ្តាក្រុមហ៊ុនវិនិយោគរបស់ជប៉ុន បានចាប់អារម្មណ៍វិនិយោគលើវិស័យកសិកម្ម ការកែច្នៃម្ហូបអាហារ និងវិស័យវារីវប្បកម្មនៅកម្ពុជា។ បំណងនេះត្រូវបានស្តែងឡើងតាមរយៈជំនួបពិភាក្សាមួយរវាងសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា ជាមួយលោក តាកាហាស៊ី ហ្វូមីអាគី (TAKAHASHI Fumiaki) ប្រធានសមាគមជប៉ុន-កម្ពុជា និងគណៈប្រតិភូ នៅព្រឹកថ្ងៃអង្គារ ទី១៩ ខែវិច្ឆិកា ឆ្នាំ២០២៤នេះ។ ក្នុងជំនួបនេះ លោកប្រធានសមាគមជប៉ុន-កម្ពុជា បានជម្រាបសម្ដេចបវរធិបតី អំពីវឌ្ឍនភាពការងា​ររបស់សមាគមក្នុងរយៈពេលកន្លងមក ដែលបានចូលរួមចំណែកក្នុងការជំរុញទំនាក់ទំនង និងកិច្ច​សហ​ប្រតិបត្តិការរវាងជប៉ុន និង កម្ពុជា។ លោកប្រធានសមាគម បានជម្រាបសម្ដេចមហាបវរធិបតី ថា សមាគមក៏បានបើកដំណើរការិយាល័យរបស់ខ្លួន ប្រចាំនៅកម្ពុជាកាលពីខែមេសា ឆ្នាំ២០២៤ និងបានសហការជាមួយក្រសួង-ស្ថាប័នពាក់ព័ន្ធ នៃរាជរដ្ឋាភិបាលកម្ពុជា បង្កើតសាលាបណ្ដុះបណ្ដាលជំនាញវិជ្ជាជីវៈចំនួន៣ ដែលរួមមាន៖ សាលាបណ្ដុះបណ្ដាលជំនាញជួសជុលយានយន្ត, សាលាបណ្ដុះបណ្ដាលជំនាញតុបតែង និងកែសម្ផស្ស និងសាលាបណ្ដុះបណ្ដាលជំនាញវិស្វកម្មព័ត៌មានវិទ្យា។ លោកប្រធានសមាគម បន្ថែមថា ដំណើរបេសកកម្មធុរកិច្ចនៅកម្ពុជានាឱកាសនេះ មានក្រុមហ៊ុន​ជប៉ុន​​ចំនួន២៦ បានចូលរួម និងបានបង្ហាញចំណាប់អារម្មណ៍ក្នុងការស្វែងរកឱកាសវិនិយោគ​នៅ​កម្ពុជាលើវិស័យមួយចំនួន​ដូចជា​៖​ វិស័យកសិកម្ម, ការកែច្នៃម្ហូបអាហារ និងវិស័យវារីវប្បកម្ម។ លោកប្រធានសមាគម បានគោរពជម្រាបសម្ដេចបវរធិបតីបន្ថែមទៀតថា​សមាគមបានខិតខំផ្សព្វផ្សាយអំពីសក្កានុពលកម្ពុជា ដើម្បីទាក់ទាញក្រុមហ៊ុនវិនិយោគជប៉ុន ជាពិសេសប្រភេទសហគ្រាសធុនតូច​ និងមធ្យម […]

(តាកែវ)៖ សាកសពស្ដ្រីម្នាក់ ត្រូវបានគេប្រទះឃើញ នៅក្រោមដើមឈើ ដែលគេយកមកផ្លុងចោល បង្កឲ្យមានការភ្ញាក់ផ្អើលជាខ្លាំង នៅថ្ងៃទី១៩ ខែវិច្ឆិកា ឆ្នាំ២០២៤នេះ នៅចំណុចភូមិម្រះព្រៅខាងកើត ឃុំចំបក់ ស្រុកបាទី ខេត្តតាកែវ។ ការសន្និដ្ឋានរបស់សមត្ថកិច្ចជំហានដំបូងបញ្ជាក់ថា សាកសពស្ដ្រីរូបនេះ ស្លាប់ដោយសារប្រតិកម្មថ្នាំ ហើយត្រូវបានម្ចាស់គ្លីនិក យកមកផ្លុងចោល។ តាមការបញ្ជាក់របស់ក្រុមគ្រួសារបានឲ្យដឹងថា កាលពីថ្ងៃទី១៨ ខែវិច្ឆិកាម្សិលមិញស្ដ្រីរងគ្រោះឈ្មោះ ណាំ ចន្ធូ និងកូនតូចអាយុ៣ឆ្នាំ ជិះម៉ូតូចេញពីផ្ទះទៅគ្លីនិកមួយកន្លែង ដើម្បីចាក់ថ្នាំ ប៉ុន្ដែមិនឃើញត្រឡប់មកផ្ទះវិញឡើយ។ ក្រោយមកក្រុមគ្រួសារបាននាំគ្នាដើររក ស្រាប់តែប្រទះឃើញម៉ូតូ និងកូនតូច តែមិនទាន់រកឃើញស្ដ្រីជាម្ដាយឡើយ។ រហូតដល់ព្រឹកថ្ងៃទី១៩ ខែវិច្ឆិកា ឆ្នាំ២០២៤នេះ ស្រាប់តែមានសេចក្ដីរាយការណ៍ថា ស្ដ្រីរងគ្រោះត្រូវបានគេប្រទះឃើញស្លាប់ នៅក្រោមដើមឈើមួយកន្លែង។ ទាក់ទិនករណីនេះ លោកឧត្តមសេនីយត្រី ហ៉ិន សុខេង ស្នងការរងទទួលផែនព្រហ្មទណ្ឌខេត្តតាកែវ បានប្រាប់បណ្ដាញព័ត៌មាន Fresh News ឲ្យដឹងថា តាមរយៈការធ្វើកោសល្យវិច្ឆ័យសមត្ថកិច្ចបានសន្និដ្ឋានថា ស្ដ្រីរងគ្រោះស្លាប់ដោយសារការប្រតិកម្មថ្នាំ។ ដោយឡែក ម្ចាស់គ្លីនិកឯកជនដែលចាក់ថ្នាំឲ្យស្ដ្រីរងគ្រោះ ត្រូវបានសមត្ថកិច្ចឃាត់ខ្លួន ដើម្បីធ្វើការសួរនាំផងដែរ។ ស្ដ្រីម្ចាស់គ្លីនិក ដែលត្រូវបានឃាត់ខ្លួនឈ្មោះ ស៊ុន​ ម៉ារីណា […]

(ភ្នំពេញ)៖ អ្នកជំនាញសេដ្ឋកិច្ច និងទេសចរណ៍ បានកត់សម្គាល់ថា កំណើនភ្ញៀវទេសចរនៅថ្ងៃ​ព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក រយៈពេល៣ថ្ងៃ ​បានរួមចំណែកយ៉ាងសំខាន់ នៅក្នុងដំណើរសេដ្ឋកិច្ច ដោយភ្ញៀវទេសចរម្នាក់យ៉ាងហោចណាស់ បានចំណាយប្រមាណពី ២៥ដុល្លារទៅ ៤០ដុល្លារ ក្នុងមួយថ្ងៃ។ យោង​​តាមរបាយការណ៍របស់ក្រសួងទេសចរណ៍ ដែលបណ្ដាញព័ត៌មាន Fresh News បានឱ្យដឹងថា ក្នុងឱកាសព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក រយៈពេល៣ថ្ងៃ ចាប់ពីថ្ងៃទី១៤ដល់១៦ ខែវិច្ឆិកា ឆ្នាំ២០២៤ មានភ្ញៀវទេសចរជាតិ និងអន្តរជាតិចេញដើរលេងកម្សាន្តទូទាំងប្រទេសសរុប ៧,៨៤៤,៣៨៨នាក់ ក្នុងនោះមានទេសចរជាតិ​ចំនួន ៧,៧៥៥,០៩២នាក់ កើនឡើង ២១.៤% និងទេសចរបរទេសមានចំនួន ៨៩,២៩៦នាក់ កើនឡើង ២៨.៧%ធៀបនឹងរយៈពេលដូចគ្នាឆ្នាំ២០២៣។ រាជធានីភ្នំពេញទទួលបានភ្ញៀវទេសចរច្រើនជាងគេ ដែលមានប្រមាណជាង៦​លាននាក់ និងខេត្តសៀមរាប ទទួលបានភ្ញៀវទេសចរប្រមាណជាង ៣០ម៉ឺននាក់។ លោកបណ្ឌិត ហុង វណ្ណៈ អ្នកជំនាញសេដ្ឋកិច្ចនៃរាជ្យបណ្ឌិតសភាកម្ពុជា បានប្រាប់បណ្តាញព័ត៌មាន Fresh News ថា ភ្ញៀវទេសចរដែលបានចេញដើរកម្សាន្ត នៅក្នុងពិធីបុណ្យអុំទូក បានចូលរួមចំណែកនៅក្នុង​សកម្មភាពសេដ្ឋកិច្ច​​ […]

(ភ្នំពេញ)៖ គណៈកម្មាធិការជាតិរៀបចំការបោះឆ្នោត ហៅកាត់ គ.ជ.ប នាថ្ងៃទី១៩ ខែវិច្ឆិកា ឆ្នាំ២០២៤នេះ បានចេញសេចក្ដីសម្រេចលុបឈ្មោះ លោក ប្រាក់ សុខុន ពីបេក្ខជនជាប់ឆ្នោតសមាជិកព្រឹទ្ធសភា នីតិកាលទី៥ របស់គណបក្សប្រជាជនកម្ពុជា មណ្ឌលភូមិភាគទី១ រាជធានីភ្នំពេញហើយ។ ការចេញសេចក្ដីសម្រេចនេះ ធ្វើឡើងបន្ទាប់ពីរដ្ឋសភាបានចេញប្រកាសផ្លូវការអំពីការបើកកិច្ចប្រជុំពេញអង្គ ដើម្បីបោះឆ្នោតផ្តល់សេចក្តីទុកចិត្តលើបេក្ខភាព លោក ប្រាក់ សុខុន ជាឧបនាយករដ្ឋមន្រ្តី រដ្ឋមន្រ្តីក្រសួងការបរទេស និងសហប្រតិបត្តិការអន្តរជាតិ ជំនួស លោក សុខ ចិន្តាសោភា ដែលនឹងត្រូវស្នើតែងតាំងជាឧបនាយករដ្ឋមន្រ្តី ដែលជាតំណែងជាន់ខ្ពស់ក្នុងជួររាជរដ្ឋាភិបាល៕ ផ្ដល់សិទ្ធិដោយ៖ Fresh News

(ក្រចេះ)៖ លោកវរសេនីយ៍ត្រី វិន ថុន នាយប៉ុស្ដិ៍នគរបាលរដ្ឋបាលឃុំឫស្សីកែវ ស្រុកព្រែកប្រសព្វ ខេត្តក្រចេះ ត្រូវបានថ្នាក់លើហៅទៅសួរនាំ និងអនុវត្តវិន័យកងកម្លាំង ពាក់ព័ន្ធករណីផ្ទុះអាវុធចំនួន២គ្រាប់ ដែលរូបលោកបានបង្កកាលពីយប់ថ្ងៃទី១៧ ខែវិច្ឆិកា ឆ្នាំ២០២៤ ក្រោយប៉ទង្កិចដោយពាក្យសម្ដីជាមួយគណៈកម្មការទូកងវត្តឫស្សីកែវ។ ទាក់ទិនករណីនេះ លោកវរសេនីយ៍ឯក ចាន់ សុផល្លា អធិការនគរបាលស្រុកព្រែកប្រសព្វ បានឲ្យដឹងនៅថ្ងៃទី១៩ ខែវិច្ឆិកា ឆ្នាំ២០២៤ថា លោកនាយប៉ុស្ដិ៍ឃុំឫស្សីកែវ ត្រូវបានបញ្ជូនទៅកាន់ស្នងការដ្ឋាននគរបាលខេត្តក្រចេះ នៅថ្ងៃទី១៨ ខែវិច្ឆិកាម្សិលមិញ ដើម្បីធ្វើការសួរនាំ។ ដើមចមដែលនាំឲ្យមានករណីផ្ទុះអាវុធដែលបង្កដោយលោកនាយប៉ុស្ដិ៍នេះ ត្រូវបានប្រភពព័ត៌មានបញ្ជាក់ថា ដើមចេញពីទំនាក់ពាក្យសម្ដីដោយសារការបែងចែកលុយមិនស្មើគ្នា ជាមួយសមាជិកក្រុមប្រឹក្សាឃុំ និងជាគណៈកម្មការ ទូកងវត្តឫស្សីកែវ។ ​ហេតុការណ៍ផ្ទុះអាវុធនេះ មិនបណ្ដាលឲ្យអ្នកណាម្នាក់រងគ្រោះថ្នាក់នោះទេ ដោយលោកមេប៉ុស្ដិ៍បាញ់ឡើងលើចំនួន២គ្រាប់ ខណៈភាគីគណៈកម្មការទូក ក៏មិនបានដាក់ពាក្យបណ្ដឹងនោះដែរ។ យ៉ាងណាមិញ លោកឧត្តមសេនីយ៍ត្រី ហន ប៉ូច អ្នកនាំពាក្យស្នងការដ្ឋាននគរបាលខេត្តក្រចេះ បានបញ្ជាក់ដែរថា លោកវរសេនីយ៍ត្រី វិន ថុន នាយប៉ុស្តិ៍នគរបាលរដ្ឋបាលឃុំឫស្សីកែវ បច្ចុប្បន្នកំពុងជាប់អនុវត្តវិន័យរបស់កងកម្លាំង នៅការិយាល័យបុគ្គលិក នៃស្នងការដ្ឋាននគរបាលខេត្តក្រចេះ៕ ផ្ដល់សិទ្ធិដោយ៖ Fresh News

(ភ្នំពេញ)៖ អគ្គនាយកដ្ឋានគយ និងរដ្ឋាករកម្ពុជា ឬ អគ្គនាយកដ្ឋានសុខភាពសត្វ និងផលិតកម្មសត្វ បានចេញសេចក្តីជូនដំណឹងរួមគ្នាថ្មីមួយ ដោយបញ្ជាក់អំពីលក្ខខណ្ឌតម្រូវសម្រាប់ក្រុមហ៊ុនដែលចង់នាំចូលសាច់បង្កក។ សេចក្តីជូនដំណឹងដែលបណ្តាញព័ត៌មាន Fresh News ទទួលបានបញ្ជាក់ថា ដើម្បីអាចប្រកបអាជីវកម្មនាំចូលមុខទំនិញសាច់បង្កកបាន ក្រុមហ៊ុនត្រូវមានការទទួលស្គាល់ជាជាមុន ជាក្រុមហ៊ុនមានគុណវុឌ្ឍ ដោយត្រូវដាក់ពាក្យស្នើសុំមកអគ្គនាយកដ្ឋានគយ និងរដ្ឋាករកម្ពុជា ឬ អគ្គនាយកដ្ឋានសុខភាពសត្វ និងផលិតកម្មសត្វ និងត្រូវមានលក្ខណសម្បត្តិ តាមលក្ខខណ្ឌតម្រូវដូចខាងក្រោម៖ * មានកម្មវត្ថុអាជីវកម្មសមស្របដូចជា «នាំចូលសាច់បង្កក ឬមានកម្មវត្ថុអាជីវកម្មពាក់ព័ន្ធនឹងការនាំចូលសាច់» * មានប្រភពផ្គត់ផ្គង់សាច់បង្កកពីក្រៅប្រទេសច្បាស់លាស់ * ត្រូវមានឃ្លាំងរក្សាគុណភាពសាច់បង្កក ស្របតាមលក្ខណៈបច្ចេកទេសត្រឹមត្រូវ និង * ត្រូវធានាអះអាងជាលាយលក្ខណ៍អក្សរថា «នឹងប្រើប្រាស់មធ្យោបាយដឹកជញ្ជូន និងចែកចាយសាច់បង្កក ដែលមានលក្ខណៈបច្ចេកទេសសមស្រប»៕ ផ្ដល់សិទ្ធិដោយ៖ Fresh News

(បាត់ដំបង)៖ ក្នុងឱកាសព្រះរាជពិធីបុណ្យអុំទូក ដែលកន្លងផុតទៅថ្មីៗនេះ ទូកង «នរិន្ទរង្សីពិជ័យចិត្របុត្រ» បានឆក់យកបេះដូងប្រជាពលរដ្ឋស្ទើរតែពេញផ្ទៃប្រទេស ដោយសារតែភាពទន់ភ្លន់ និងភាពប្រកាន់ខ្ជាប់នូវប្រពៃណីទំនៀមទម្លាប់ខ្មែររបស់ទូកងនេះ។ ជាមួយនឹងប្រជាប្រិយភាពរបស់ទូកងនេះ មានជនខិលខូចមួយចំនួន បានក្លែងបន្លំបង្កើត Page Facebook ទូកង «នរិន្ទរង្សីពិជ័យចិត្របុត្រ» ដោយធ្វើការរៃអង្គាលលុយពីប្រជាពលរដ្ឋ និងប្រើប្រាស់ពាក្យសម្ដីមិនសមរម្យ។ ជាមួយគ្នានេះ Facebook Page ផ្លូវការរបស់ទូកង «នរិន្ទរង្សីពិជ័យចិត្របុត្រ» នៅថ្ងៃទី១៩ ខែវិច្ឆិកានេះ បានអំពាវនាវដល់បងប្អូនប្រជាពលរដ្ឋ កុំចាញ់បោកជនឆក់ឱកាសទាំងនោះ។ Facebook Page ផ្លូវការរបស់ទូកង «នរិន្ទរង្សីពិជ័យចិត្របុត្រ» បានលើកឡើងដូច្នេះ៖ «សូមគោរពជម្រាបជូនបងប្អូនដែលតាមដានផេក នរិន្ទរង្សីពិជ័យចិត្របុត្រ មេត្តាជ្រាបថា យើងបានរកឃើញ និងទទួលបានដំណឹងអំពីគណនី ដែលយកឈ្មោះយើងទៅប្រើ ហើយប្រើពាក្យពេចន៍មិនសមរម្យ និងដើម្បីប្រយោជន៍ផ្ទាល់ខ្លួនពោល គឺរកលុយតាមហ្វេសប៊ុកតាមរយៈ View និងរៃអង្គាសប្រាក់ ក្រោមរូបភាពស្វែងរកការផ្ដល់ជំនួយ (ឆបោក)។ ផេកហ្វេសប៊ុកផ្លូវការរបស់ទូកង នរិន្ទរង្សីពិជ័យចិត្របុត្រ វត្តឯករង្សី មានតែមួយគត់ ហើយគណនី Tik Tok ឬគណនីផ្សេងទៀតក៏ពុំមានដែរ។ រាល់ផេក ឬគណនីទាំងឡាយណា ដែលយកឈ្មោះ «នរិន្ទរង្សីពិជ័យចិត្របុត្រ» […]