(កណ្តាល)៖ លោក គួច ចំរើន អភិបាលខេត្តកណ្តាល នៅព្រឹកថ្ងៃទី១២ ខែកក្កដា ឆ្នាំ២០២៤នេះ បានចេញមកអះអាងថា អាជ្ញាធរមិនមានបិទ មិនឱ្យសម្តែងទីងមោងទេ។ ជាមួយគ្នានេះ លោកអភិបាល បានស្នើរៀបចំឱ្យមានសណ្តាប់ធ្នាប់ល្អ រក្សាបានគុណតម្លៃសិល្បៈវប្បធម៌ខ្មែរ។ លោក គួច ចំរើន បានសរសេរលើ Facebook របស់លោកថា «ខ្ញុំបានឃើញការផ្សព្វផ្សាយ អំពីទីងមោង ថាត្រូវបានបិទ។ ខ្ញុំសូមបញ្ជាក់ថា ពុំមានការបិទទេ ហើយស្នើសុំអោយរៀបចំ ដោយមានសណ្តាប់ធ្នាប់ល្អ រក្សាបាន គុណតម្លៃសិល្បៈវប្បធម៌ខ្មែរយើង។ ខ្ញុំនឹងជួបជាមួយបងប្អូនផ្ទាល់នៅពេលខាងមុខ»។ សូមជម្រាបថា ប៉ុន្មានថ្ងៃនេះមានការផ្ទុះនូវការផ្សព្វផ្សាយលើបណ្តាញសង្គមថា មានការណែនាំឱ្យបិទការសម្តែងទីងមោងរបស់បងប្អូន នៅខេត្តកណ្តាល ទើបធ្វើឱ្យមហាជនមានការងឿងឆ្ងល់ តែពេលនេះអភិបាលខេត្ត បានចេញមកបញ្ជាក់ហើយថា គ្មានការបិទទេ៕ ផ្ដល់សិទ្ធិដោយ៖ Fresh News

(សៀមរាប)៖ លោក អ៉ឹង គឹមលាង អភិបាលរងខេត្តសៀមរាប បានអំពាវនាវដល់ប្រជាពលរដ្ឋ ព្រះសង្ឃ មន្ត្រីរាជការ និងសិស្ស-និស្សិត ត្រូវយកចិត្តទុកដាក់ដាំដើមឈើគ្រប់ប្រភេទឱ្យបានច្រើន នៅតាមវត្តអារាម ទីសាធារណៈ តាមប្រព័ន្ធទំនប់ប្រឡាយ និងតាមដងផ្លូវនានា ដើម្បីជាផលប្រយោជន៍ដល់ខ្លួនឯង ក៏ដូចជាមនុស្សជាតិទាំងមូលផងដែរ។ ការអំពាវនាវយ៉ាងដូច្នេះរបស់លោក អ៉ឹង គឹមលាង បានធ្វើឡើងក្នុងព្រឹត្តិការណ៍ដាំកូនឈើព្រៃលិចទឹកចំនួន ៣ពាន់ដើមរួមមាន៖ កូនរាំង, តាអួរ, ផ្ទោល, កន្សែង, ម្តេញ និងសណ្តាន់ ត្រូវបានយកទៅដាំលើផ្ទៃដីព្រៃលិចទឹករីករឹល ចំនួន ២ហិកតា នៅចំណុចស្រែខ្យង ឃុំសសរស្តម្ភ ស្រុកពួក ខេត្តសៀមរាប ដែលរៀបចំឡើងដោយអង្គការកម្ពុជាអភិវឌ្ឍន៍សហគមន៍ និងបរិស្ថាន ដោយមានការនិមន្តអញ្ជើញចូលរួមពីព្រះសង្ឃ អស់លោក លោកស្រី មន្ទីរពាក់ព័ន្ធអាជ្ញាធរស្រុក មន្ត្រីរាជការ មេឃុំ មេភូមិ កងកម្លាំង យុវជនកាយរិទ្ធ យុវជនកាកបាទក្រហម សិស្សានុសិស្ស អង្គការ និងប្រជាពលរដ្ឋ ប្រមាណជាង២០០នាក់ ចូលរួមផងដែរ។ ក្នុងកិច្ចស្វាគមន៍របស់លោក ស៊ិន ចាន់ថុល អភិបាលស្រុកពួក បានលើកឡើងថា […]

(បរទេស)៖ បន្ទាប់ពីមានការលើកឡើង និងការបង្ហាញពីក្ដីព្រួយបារម្ភជាខ្លាំងទៅលើការឃ្លាំមើលទាក់ទាក់នឹងឯកជនភាព (មើលសារ ឬរូបភាព) របស់អ្នកប្រើប្រាស់។ ក្រុមអ្នកអភិវឌ្ឍន៍កម្មវិធីផ្ញើសារលើពិភពលោក បាននាំគ្នាបញ្ចូលនូវបច្ចេកវិទ្យាមួយដែលមានឈ្មោះថា End-to-end encryption ឬ E2EE។ តើ End-to-end encryption ឬ E2EE គឺជាអ្វី ហើយវាដំណើរការយ៉ាងដូចម្ដេច? E2EE គឺជាវិធីសាស្រ្តមួយដែលត្រូវបានគេប្រើដើម្បីរក្សាសុវត្ថិភាពការហៅទូរស័ព្ទ ឬសាររបស់អ្នកប្រើប្រាស់នៅលើកម្មវិធី Chat ណាមួយ ដោយមិនអនុញ្ញាតឱ្យភាគីទី៣ អាចលួចស្ដាប់ការសន្ទនា ឬអានសារបានឡើយ ក្នុងនោះសូម្បីតែអ្នកផលិតកម្មវិធីនោះដោយផ្ទាល់ក៏មិនអាចចូលទៅស្ដាប់ និងអានសារបានផងដែរ។ និយាយជារួម នៅពេលដែលលោកអ្នកផ្ញើសារទៅឱ្យនរណាម្នាក់ នោះ E2EE វានឹងធ្វើការបំប្លែងសារនោះចេញជាកូដសម្ងាត់ ដែលមិនអាចមាននរណាស្ដាប់ ឬអានបានឡើយ ពោលគឺមានតែអ្នកទទួលសារនោះប៉ុណ្ណោះដែលអាចស្ដាប់ ឬអានសារនោះបាន។ End-to-end encryption គឺបង្កើតឡើងក្នុងគោលបំណងការពារទិន្នន័យពីលួចអាន ឬកែប្រែដោយសម្ងាត់ ក្រៅពីអ្នកផ្ញើ និងអ្នកទទួលពិតប្រាកដ។ សារត្រូវបាន encrypted ដោយអ្នកផ្ញើ ខណៈដែលភាគីទីបី ឬនរណាម្នាក់ មិនមានមធ្យោបាយដើម្បី Decrypt សារនោះបានទេ ដោយវារក្សាទុកនូវសារនោះជា encrypted រហូតទាល់តែសារនោះ បានទៅដល់ដៃអ្នកកទទួល […]

(ភ្នំពេញ)៖ លោក គង់ វិបុល រដ្ឋមន្ត្រីប្រតិភូអមនាយករដ្ឋមន្ត្រី និងអគ្គនាយក នៃអគ្គនាយកដ្ឋានពន្ធដារ បានលើកឡើងថា ជាទូទៅ សហគ្រាសអាចត្រូវបានចុះធ្វើសវនកម្មដល់ទីកន្លែងតែម្តង ក្នុងរង្វង់៣ឆ្នាំ ដើម្បីផ្តល់សេវាពិនិត្យ ផ្ទៀងផ្ទាត់ពីភាពត្រឹមត្រូវ នៃការបំពេញកាតព្វកិច្ចសារពើពន្ធរបស់អ្នកជាប់ពន្ធ ប៉ុន្តែរដ្ឋបាលសារពើពន្ធអាចចុះធ្វើសវនកម្មក្នុងពេលណាមួយ ក៏បានក្នុងករណីរកឃើញថា សហគ្រាសស្ថិតក្នុងចំណាត់ថ្នាក់ ជាសហគ្រាសដែលមានហានិភ័យខ្ពស់ ឬមានភាពមិនប្រក្រតី ក្នុងការអនុវត្តកាតព្វកិច្ចសារពើពន្ធ។ លោកបន្តទៀតថា ដើម្បីជួយគាំទ្រដល់អ្នកជាប់ពន្ធ ក្នុងការបំពេញកាតព្វកិច្ចសារពើពន្ធឲ្យបានត្រឹមត្រូវ អគ្គនាយកដ្ឋានពន្ធដារ បានយកចិត្តទុកដាក់ក្នុងការបន្តធ្វើឲ្យប្រសើរឡើង ជាបន្តបន្ទាប់នូវការផ្ដល់សេវាអ្នកជាប់ពន្ធ ក្នុងគោលដៅលើកកម្ពស់វប្បធម៌បង់ពន្ធ និងពង្រឹងអនុលោមភាពសារពើពន្ធ ដែលនឹងធានាបាននូវចីរភាពចំណូល សម្រាប់ជាប្រយោជន៍នៃថវិកាជាតិ ស្របតាមយុទ្ធសាស្ត្រកៀរគរចំណូលរបស់រាជរដ្ឋាភិបាល។ លោក គង់ វិបុល បានលើកឡើងបែបនេះ តាមរយៈព្រឹត្តិបត្រព័ត៌មានប្រចាំសប្តាហ៍ របស់អគ្គនាយកដ្ឋានពន្ធដារ ដែលចេញផ្សាយនៅថ្ងៃទី១១​ ខែកក្កដា ឆ្នាំ២០២៤នេះ។ យោងតាម «សៀវភៅណែនាំ ស្តីពីបែបបទ និងនីតិវិធីនៃការធ្វើសវនកម្មពន្ធដារ សម្រាប់មន្ត្រីពន្ធដារនិងអ្នកជាប់ពន្ធ» ក្នុងការវិភាគ ឬភាពមិនប្រក្រតីរបស់អ្នកជាប់ពន្ធ រដ្ឋបាលសារពើពន្ធអាចធ្វើការពិនិត្យ និងវិភាគតាមរយៈវិធីសាស្ត្រចំនួន ៣ ដូចខាងក្រោម៖ ១៖ ការវិភាគទូទៅ គឺជាការពិនិត្យបឋមទៅលើស្ថានភាពរួមរបស់សហគ្រាស ក្នុងនោះមានស្ថានភាពនៃការដាក់លិខិតប្រកាសសារពើពន្ធ សកម្មភាពសេដ្ឋកិច្ចឬសកម្មភាពអាជីវកម្ម ការប្រើប្រាស់ប្រព័ន្ធគណនេយ្យ […]

(ភ្នំពេញ)៖ មនុស្សប្រុសស្រី ចំនួន៦នាក់ ដែលជាអ្នកលក់ដូរក្បែគ្នា ហើយបានទាស់ពាក្យសម្ដី រហូតឈានដល់ការប្រើប្រាស់អំពើហិង្សាទៅវិញទៅមក ត្រូវបានកម្លាំងនគរបាលខណ្ឌឫស្សីកែវ ឃាត់ខ្លួន និងបញ្ជូនទៅកាន់សាលាដំបូងរាជធានីភ្នំពេញ។ ហេតុការណ៍អំពើហិង្សានេះ បានកើតឡើងនៅយប់ថ្ងៃទី០៩ ខែកក្កដា ឆ្នាំ២០២៤ នៅផ្លូវ១០០៣ ក្រុមទី១ ភូមិស្វាយប៉ាក សង្កាត់ស្វាយប៉ាក ខណ្ឌឫស្សីកែវ។ មន្ដ្រីនគរបាលមូលដ្ឋាន បានឲ្យដឹងថា ភាគីទី១៖មានឈ្មោះ ហ៊ុន រស់ ភេទប្រុស អាយុ៣៥ឆ្នាំ មុខរបរលក់ដូរ (ឃាត់ខ្លួន) និងឈ្មោះ ថន ស្រី ភេទស្រី អាយុ៣២ឆ្នាំ មុខរបរលក់ដូរ (ឃាត់ខ្លួន) អ្នកទាំងពីរនាក់ត្រូវជាប្ដីប្រពន្ធ មានទីលំនៅភូមិសែនសុខ៧ សង្កាត់ឃ្មួញ ខណ្ឌសែនសុខ រាជធានីភ្នំពេញ។ ចំណែកភាគីម្ខាងទៀតរួមមាន ​ឈ្មោះ រ៉ន ផល ភេទស្រី អាយុ៣២ឆ្នាំ ​មុខរបរលក់ដូរ មានទីលំនៅ ភូមិព្រែកឫស ឃុំសំបូរមាស ស្រុកមុខកំពូល ខេត្តកណ្ដាល (ឃាត់ខ្លួន), ឈ្មោះ គ្រុយ ក្រូច អាយុ៤២ឆ្នាំ […]

(កណ្ដាល)៖ លោក គួច ចំរើន អភិបាលខេត្ដកណ្ដាល នៅថ្ងៃទី១១ ខែកក្កដា ឆ្នាំ២០២៤នេះ បានដឹកនាំអភិបាលរង, ប្រធានមន្ទីរកសិកម្មខេត្ដ រួមទាំងអាជ្ញាធរមូលដ្ឋានស្រុក ចុះទៅពិនិត្យមើលស្ថានភាព ជាក់ស្ដែងស្រូវ របស់ប្រជាកសិករ នៅក្នុងស្រុកលើកដែក ខេត្ដកណ្ដាល ដែលបំផ្លាញដោយរុយស ក្នុងនោះមានភូមិចំនួន៤ បានទទួលរងការប៉ះពាល់។ ក្នុងឱកាសចុះពិនិត្យនេះលោក គួច ចំរើន បានប្រាប់ឲ្យប្រធានមន្ទីរកសិកម្មខេត្ដ ត្រូវចុះពិនិត្យ និងជួយអន្ដរាគមន៍ ជូនដល់ប្រជាកសិករ ដែលរងការប៉ះពាល់ស្រូវ ដែលបំផ្លាញដោយរុយស តាមរយៈការបាញ់ថ្នាំធម្មជាតិ ដើម្បីកម្ចាត់។ លោក គួច ចំរើន ក៏បានណែនាំឲ្យមន្ត្រីជំនាញ ត្រូវចុះត្រួតពិនិត្យ និងតាមដានជាប្រចាំ ចំពោះបញ្ហារុយពណ៌ស ដែលបំផ្លាញស្រូវប្រជាពលរដ្ឋនេះផងដែរ។ បើតាមការបញ្ជាក់របស់ក្រសួងកសិកម្ម, រុយសនេះ មានដងខ្លួនស្រទន់ ដែលគ្របដណ្តប់ដោយស្លាបពណ៌ស ដែលបំផ្លាញដំណាំស្រូវ មានឈ្មោះវិទ្យាសាស្ត្រ Aleurocybotus indicus David & Subramaniam ហើយវដ្តជីវិតរបស់រុយស មានរយៈពេល១៧ ទៅ២៤ថ្ងៃ ដែលរុយស១ក្បាល អាចពងបានពីចន្លោះ ១០០-២០០ពង ហើយវាពងផ្នែកខាងក្រោមនៃស្លឹកស្រូវ។ […]

(ភ្នំពេញ)៖ នៅក្នុងពិធីបើកសម្ពោធ «ពិព័រណ៍ផ្សព្វផ្សាយ និងចែកកូនឈើក្រោមមូលបទ «ពន្លកបៃតង» និងវេទិកាកេសរកូលជាតិលើកទី៤ នារសៀលថ្ងៃទី១០ ខែកក្កដា ឆ្នាំ២០២៤ លោកបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន បានគូសបញ្ជាក់ថា ការដាំដើមឈើនៅពេលនេះ គឺការវិនិយោគ ទុនទុកជូនមនុស្សជំនាន់ក្រោយ។ ពោល គឺយើងកំពុងតែរៀបចំផ្ទះ និងកំណប់ទ្រព្យទុកសម្រាប់កូនចៅជំនាន់ក្រោយ។ លោករដ្ឋមន្ត្រីក្រសួងបរិស្ថាន បានថ្លែងថា នៅក្នុងអាណត្តិទី៧ នៃរដ្ឋសភារាជរដ្ឋាភិបាលបានដាក់ចេញនូវយុទ្ធសាស្ត្របញ្ចកោណ ដំណាក់កាលទី១ ហើយតាមរយៈយុទ្ធសាស្ត្រនេះ សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានធ្វើការណែនាំ និងចង្អុលបង្ហាញដល់ក្រសួងបរិស្ថានឱ្យរៀបចំឡើងនូវយុទ្ធសាស្ត្រ ចក្រា ដែលមានសរសរស្ដម្ភបី នោះគឺ ភាពស្អាត ភាពបៃតង និងចីរភាព។ ជាមួយគ្នានេះដែរ រដ្ឋមន្រ្តី អ៊ាង សុផល្លែត បានបន្ថែមថា ភាពបៃតងនៅទីនេះ ជាម៉ាស៊ីនបន្សុទ្ធខ្យល់បរិសុទ្ធសម្រាប់ទ្រទ្រង់ជីវិតយើងគ្រប់គ្នា។ គ្មានខ្យល់បរិសុទ្ធសម្រាប់ដកដង្ហើម សុខភាព របស់យើងគឺមិនល្អនោះទេ។ លើសពីនេះទៅទៀត ដើមឈើជាប្រភពចំណូល ដែលកម្ពុជាយើងអាចទទួលបានច្រើននាពេលអនាគត។ បណ្ឌិត អ៊ាង សុផល្លែត បានគូសបញ្ជាក់យ៉ាងដូច្នេះថា៖ «ការដាំដើមឈើនៅពេលនេះ គឺការវិនិយោគ ទុនទុកជូនមនុស្សជំនាន់ក្រោយ ទទួលបានផលទាំងសេដ្ឋកិច្ច […]

(សៀមរាប)៖ ដើមឈើធំៗល្មមស្រស់ស្អាតជាអត្តសញ្ញាណជាតិ ជាប្រភេទឈើរបស់កម្ពុជា ២៦,០០០ដើម កំពុងដាក់ដាំក្នុងក្រុងសៀមរាប នេះបើតាម page (ប្រាក់ សោភ័ណ-Prak Sophoan) និង Facebook ផ្លូវការរបស់លោក ប្រាក់ សោភ័ណ (Prak Sophoan) អភិបាលខេត្តសៀមរាប បានបង្ហោះនៅថ្ងៃទី១១ ខែកក្កដា ឆ្នាំ២០២៤នេះ។ លោកអភិបាលខេត្ត ក៏បានអំពាវនាវសូមឱ្យ «ពុកម៉ែបងប្អូនចូលរួមជួយថែរក្សារ មេត្តាជួយស្រោចទឹកព្រឹកល្ងាច ដើម្បីជាម្លប់ដល់ភ្ញៀវជាតិនិងអន្តរជាតិ ជាពិសេសលើកសម្រស់ក្រុងយើងនិងបង្កើតម្លប់ដល់ពុកម៉ែបងប្អូនទាំងអស់គ្នា។សូមចូលរួមបំពេញក្តីស្រមៃបៃតងនៃខេត្តសៀមរាបយើង❤️️»៕ ផ្តល់សិទ្ធិដោយ៖ Fresh News

ភ្នំពេញ)៖ អគ្គិសនីកម្ពុជា (EDC) បានចេញសេចក្តីជូនដំណឹង ស្តីពីការអនុវត្តការងារជួសជុល ផ្លាស់ប្តូរដំឡើងបរិក្ខារនានា និងរុះរើគន្លងខ្សែបណ្តាញ អគ្គិសនីរបស់អគ្គិសនីកម្ពុជា ដើម្បីបង្កលក្ខណៈងាយស្រួលដល់ការដ្ឋានពង្រីកផ្លូវ នៅថ្ងៃទី១១ ខែកក្កដា ឆ្នាំ២០២៤ ដល់ថ្ងៃទី១៤ ខែកក្កដា ឆ្នាំ២០២៤ នៅតំបន់មួយចំនួនទៅតាមពេលវេលា និងទីកន្លែងដូចសេចក្តីជូនដំណឹងលម្អិតខាងក្រោម។ អគ្គិសនីកម្ពុជាបានបញ្ជាក់ថា «ទោះជាមានការខិតខំថែរក្សា មិនឲ្យមានការប៉ះពាល់ ដល់ការផ្គត់ផ្គង់អគ្គិសនីធំដុំ ប៉ុន្តែការផ្គត់ផ្គង់ចរន្តអគ្គិសនី នៅតំបន់ខាងលើ អាចនឹងមានការរអាក់រអួលខ្លះៗ ជៀសមិនផុតដែលយើងខ្ញុំ ស្នើសុំអភ័យទោសទុកជាមុន» ៕ ផ្ដល់សិទ្ធិដោយ៖ Fresh News សូមអានសេចក្តីជូនដំណឹង របស់អគ្គិសនីកម្ពុជា ដូចខាងក្រោម ៖

(ភ្នំពេញ)៖ លោក កែវ រតនៈ រដ្ឋមន្ត្រីក្រសួងរ៉ែ និងថាមពល នៅថ្ងៃទី១១ ខែកក្កដា ឆ្នាំ២០២៤នេះ បានចេញនូវវីដអូថ្មីមួយទៀត ដោយពន្យល់បន្ថែមពាក់ព័ន្ធប្រភពអគ្គិសនីពន្លឺព្រះអាទិត្យ ដើម្បីឱ្យបងប្អូនប្រជាជនរដ្ឋកាន់តែជ្រាបច្បាស់។ លោករដ្ឋមន្ត្រីបញ្ជាក់ថា អគ្គិសនីពន្លឺព្រះអាទិត្យនានា អានុភាពមិនលើស ១០គីឡូវ៉ាត់ភ្ជាប់ជាមួយបណ្តាញសាធារណៈ ត្រូវធ្វើស្វ័យប្រកាសទៅអ្នកផ្គត់ផ្គង់អគ្គិសនីនៅមូលដ្ឋាន ហើយគ្មានត្រូវបង់លុយ ឬសុំច្បាប់ទេ។ ជាមួយគ្នានេះ កាលពីវីដេអូមុនលោករដ្ឋមន្ត្រីបានបញ្ជាក់ផងដែរថា ការដាក់ប្រព័ន្ធអគ្គិសនីពន្លឺព្រះអាទិត្យ មិនភ្ជាប់ជាមួយបណ្តាញសាធារណៈ ទោះមានទំហំនិងអនុភាពប៉ុណ្ណាក៏ដោយ មិនចាំបាច់ប្រកាសនិងរាយការណ៍នោះទេ៕ ផ្ដល់សិទ្ធិដោយ៖ Fresh News