(ភ្នំពេញ)៖ លោក ជិន ប៊ុនធឿន អភិបាលខណ្ឌឫស្សីកែវ បានដាក់បទបញ្ជាយ៉ាងម៉ឺងម៉ាត់ ដល់រដ្ឋបាលសង្កាត់ជាប់ដងទន្លេ ដាច់ខាតត្រូវចុះត្រួតពិនិត្យមានវិធានការ និងចាត់វិធានការតាមនិតិវិធីច្បាប់ជាបន្ទាន់ ដោយគ្មានការយោគយល់ឡើយ នូវរាល់ស្ថានភាពបែរត្រី ផ្ទះបណ្តែតទឹក ផ្ទះទូកតូចៗ និងសំណង់មិនរៀបរយ។ បទបញ្ជារបស់លោក ជិន ប៊ុនធឿន បានដាក់ចេញក្នុងពេលលោកដឹកនាំ កម្លាំងគណៈបញ្ជាការឯកភាពរដ្ឋបាលខណ្ឌដោយផ្ទាល់ ដើម្បីចុះត្រួតពិនិត្យមើលរាល់សកម្មភាព និងស្ថានភាពសំណង់ខុសច្បាប់ បញ្ហារអនាម័យបរិស្ថាន ផ្ទះបណ្តែតទឹក បែរត្រីទាំងឡាយតាមភូមិសាស្ត្រដងទន្លេ នាថ្ងៃទី៣ ខែមេសា ឆ្នាំ២០២៤។ លោកអភិបាលខណ្ឌឫស្សីកែវ បានដាក់បទបញ្ជាបន្ថែមថា សម្រាប់រដ្ឋបាលសង្កាត់ជាប់ដងទន្លេ និងមន្ត្រីជំនាញពាក់ព័ន្ធ ដាច់ខាតត្រូវចាត់ឲ្យមានកងកម្លាំងយាមល្បាតគ្រប់ពេលវេលា និងហាមមិនឲ្យមាន ផ្ទះបណ្តែតទឹកចូលចត និងត្រូវគ្រប់គ្រងស្ថិតិ បែរត្រី ផ្ទះបណ្តែតទឹក ទាំងចាស់ទាំងថ្មីឲ្យបានច្បាស់លាស់ ដើម្បីរៀបចំសណ្តាប់ធ្នាប់តាមដងទន្លេ សម្រួលដល់ផ្លូវនាវាចរ និងប្រព័ន្ធអេកូឡូហ្ស៊ី ជៀសវៀងការខូចខាតធ្ងន់ធ្ងរដល់ជីវចម្រុះក្នុងទឹក ខូចគុណភាពទឹក បំពុលបរិស្ថាន និងប៉ះពាល់ ដល់សោភ័ណភាពទីក្រុង និងសុខភាពរបស់បងប្អូនប្រជាពលរដ្ឋ ដែលបានប្រើប្រាស់ទឹកក្នុងទន្លេនេះ៕ ផ្តល់សិទ្ធិដោយ៖ freshnews

រដ្ឋបាលខណ្ឌឬស្សីកែវ បានចេញសេចក្ដីបំភ្លឺ និងច្រានចោលទាំងស្រុង ចំពោះការផ្សព្វផ្សាយថា មានមន្ដ្រីនៅក្នុងសាលាខណ្ឌឬស្សីកែវ យកដីចំណីប្រឡាយទឹកស្អុយ លក់ឲ្យបុរី ស្ថិតនៅភូមិ បឹងសាឡាង សង្កាត់ឬស្សីកែវ ខណ្ឌឬស្សកែវ រាជធានីភ្នំពេញ។ នេះបើតាមសេចក្ដីបំភ្លឺ របស់រដ្ឋបាលខណ្ឌ ដែលបណ្ដាញព័ត៌មាន Fresh News ទទួលបាននៅថ្ងៃទី០៣ ខែមេសា ឆ្នាំ២០២៤។ ខាងក្រោមនេះ ជាសេចក្ដីបំភ្លឺ របស់រដ្ឋបាលខណ្ឌឬស្សីកែវ ដែលមានខ្លឹមសារទាំងស្រុង៖ ផ្ដល់សិទ្ធិដោយ៖ Fresh News

(ភ្នំពេញ)៖ បុរសម្នាក់បើករថយន្ដមួយគ្រឿង ម៉ាក Mitsubishi Xpander ពាក់ផ្លាកលេខភ្នំពេញ2BU-4356 បានរងនូវការរិះគន់ដូចទឹកបាក់ទំនប់នៅលើបណ្ដាញសង្គម Facebook ក្រោយបើកប្រមាថដល់អ្នកដើរឆ្លងថ្នល់ និងបកត្រឡប់ក្រោយវិញបម្រុងបុកអ្នកដើរនោះថែមទៀត។ វីដេអូកាមេរ៉ាសុវត្ថិភាពប្រមាណ១នាទី ដែលត្រូវគេចែកចាយតាមបណ្ដាញសង្គមបានឃើញថា មានអ្នកថ្មើរជើង៣នាក់ បានដើរឆ្លងផ្លូវ ប៉ុន្ដែមកដល់ពាក់កណ្ដាលផ្លូវរថយន្ដខាងលើ បើកបរក្នុងល្បឿនយ៉ាងលឿន នៅក្នុងទីក្រុងក៏មកដល់ តែមិនបង្អង់ឡើង បើទោះបីឃើញអ្នកឆ្លងផ្លូវយ៉ាងណាក្ដី។ មិនអស់ចិត្តនៅពេលទៅហួសហើយនោះ ក៏ជាន់ហ្វ្រាំងឈប់ហើយបកត្រឡប់ក្រោយវិញ ក្នុងចេតនាចង់ដេញបុកអ្នកថ្នើរជើងទាំង៣នាក់នោះតែម្ដង។ ប៉ុន្ដែក៏ត្រូវអ្នកថ្មើរជើងនោះស្រែកនាំ ហើយរត់គេចទាន់ រួចអ្នកបើករថយន្ដក៏បើកហួសទៅបាត់។ ហេតុការណ៍នេះ បានកើតឡើងនៅល្ងាចថ្ងៃទី០២ ខែមេសា ឆ្នាំ២០២៤ នៅតាមបណ្តោយផ្លូវ៥៩២ សង្កាត់បឹងកក់ទី២ ខណ្ឌទួលគោក ក្បែរស្តុបផ្សារមាន់អាំង។ យ៉ាងណាមិញករណីនេះ អ្នកបើករថយន្ដខាងលើបានរងនូវការរិះគន់ពីមហាជនពេញបណ្ដាញសង្គម ហើយបង្ហាញអំពីទង្វើអសីលធម៌ និងប្រមាថដល់អាយុជីវិតអ្នកដទៃ រហូតអ្នកខ្លះសំណូមពរឲ្យសមត្ថកិច្ច ហៅអ្នកបើកបរនាំមកអប់រំណែនាំថែមទៀត៕ ផ្ដល់សិទ្ធិដោយ៖ Fresh News

បន្ទាប់ពីគាំទ្រ សម្តេចតេជោ ហ៊ុន សែន ឱ្យធ្វើជាប្រធានព្រឹទ្ធសភា នីតិកាលទី៥ សម័យប្រជុំលើកទី១ ព្រឹទ្ធសភា បានបោះឆ្នោតគាំទ្រ លោក ប្រាក់ សុខុន ឱ្យធ្វើជាអនុប្រធានទី១ និងគាំទ្រ លោក អ៊ុច បូររិទ្ធ ឲ្យធ្វើជាអនុប្រធានទី២ នៃព្រឹទ្ធសភាផងដែរ ជាមួយនឹងសំឡេងគាំទ្រ៦២/៦២រូប។ ពិធីបើកសម័យប្រជុំលើកដំបូង នៃព្រឹទ្ធសភា នីតិកាលទី៥ បានធ្វើឡើងក្រោមព្រះរាជាធិបតីភាព ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃកម្ពុជា នាព្រឹកថ្ងៃទី០៣ ខែមេសា ឆ្នាំ២០២៤នេះ ហើយបន្ទាប់ពីនោះ ព្រឹទ្ធសភាក៏បានបោះឆ្នោតជ្រើសរើសក្បាលម៉ាស៊ីនរបស់ខ្លួនសម្រាប់នីតិកាលថ្មី៕ ផ្ដល់សិទ្ធិដោយ៖ Fresh News

(ភ្នំពេញ)៖ បន្ទាប់ពីទទួលជោគជ័យដ៏មហាសាលលើបេសកកម្មដឹកនាំជាតិ ពោរពេញ​ដោយក្តីលំបាកមិន​អាចគណនារយៈពេលជាង ៤០ឆ្នាំក្នុងឋានៈជានាយករដ្ឋមន្ត្រីរបស់កម្ពុជានោះ នៅពេលនេះសម្តេច​តេ​ជោ ហ៊ុន សែន បន្តតួនាទីភារកិច្ចថ្មីជាប្រធានព្រឹទ្ធសភា ដែលជាស្ថាប័នកំពូលមួយរបស់ជាតិ។ ក្នុងសម័យប្រជុំលើកដំបូងព្រឹទ្ធសភានីតិកាលទី៥ នាព្រឹកថ្ងៃពុធ ទី៣ ខែមេសា ឆ្នាំ២០២៤ មួយថ្ងៃ​មុន​ខួប៥៤ឆ្នាំ នៃការប្រែក្លាយជីវិតជាយុទ្ធជនប្រយុទ្ធដណ្តើមអំណាច ថ្វាយសម្តេច នរោត្តម សីហនុនោះ សម្តេចតេជោ ហ៊ុន សែន ទទួលបានការបោះឆ្នោតគាំទ្រពីសមាជិកព្រឹទ្ធសភា ៦២ លើ៦២ សំឡេង ឱ្យធ្វើជាប្រធានដឹកនាំព្រឹទ្ធសភា។ សម្តេចតេជោ ហ៊ុន សែន ក្នុងវ័យ៣២ឆ្នាំ ពោលកាលពី ៤០ឆ្នាំមុន បានឡើងកាន់តំណែងនាយករដ្ឋមន្ត្រី ទទួលបានការគាំទ្រដោយគ្មានការជំទាស់ពីសមាជិកសភា ហើយពេលនេះឡើងកាន់តំណែងប្រធានព្រឹទ្ធសភាដោយគ្មានសំឡេងជំទាស់នោះដែរ ទោះមានសមាជិកព្រឹទ្ធសភា៣រូបមកពីបក្សប្រឆាំងក្តី។ ការបោះឆ្នោតផ្តល់សេចក្តីទុកចិត្តជូន សម្តេចតេជោ ដើម្បីដឹកនាំស្ថាប័នកំពូលមួយនេះ គឺពិតជាបង្ហាញ យ៉ាងជាក់ច្បាស់នូវតួនាទីដ៏ឧត្តុង្គឧត្តមរបស់សមេ្តចតេជោ ដែលប្រជារាស្ត្រខ្មែរច្រើនលើសលប់គោរព ស្រឡាញ់ដ៏ជ្រាលជ្រៅ និងតែងតែមានជំនឿចិត្តយ៉ាងមុតមាំលើគតិបណ្ឌិត និងភាពវៃឆ្លាតរបស់ សម្តេច តេជោ ក្នុងការដឹកនាំប្រទេសជាតិ ក្នុងឋានៈជា នាយករដ្ឋមន្ត្រីនៃព្រះរាជាណាចក្រកម្ពុជា នាពេលកន្លងមក។ ប្រជាជាតិខ្មែរទាំងមូល ពិតជាមានមហាភ័ព្វវាសនាខ្ពស់ក្រៃលែង ដោយមានអគ្គមគ្គុទេ្ទសក៍ដ៏ឆ្នើម […]

(កណ្ដាល)៖ អ្នកនាំពាក្យ នៃស្នងការដ្ឋាននគរបាលខេត្តកណ្ដាល នៅថ្ងៃទី០៣ ខែមេសា ឆ្នាំ២០២៤នេះ បានចេញមកបំភ្លឺ និងច្រានចោលចំពោះការចោទប្រកាន់ថា សមត្ថកិច្ចនៃស្នងការដ្ឋាននគរបាលខេត្ត ចាប់ខ្លួនជនជាតិវៀតណាមម្នាក់ដាក់ពន្ធនាគារ ដោយផ្តើមពីរឿងដឹកឈើទាលស្អុយ១ដើម ស្រង់ពីបាតទន្លេ។ សេចក្ដីបំភ្លឺនោះ បានរៀបរាប់ថា នៅថ្ងៃទី៣១ ខែមីនា ឆ្នាំ២០២៤ កម្លាំងការិយាល័យនគរបាលប្រឆាំងបទល្មើសសេដ្ឋកិច្ចខេត្តកណ្ដាល បានសហការជាមួយក្រុមការងារខណ្ឌរដ្ឋបាលព្រៃឈើខេត្តកណ្ដាល និងកម្លាំងអធិការដ្ឋាននគរបាលស្រុកមុខកំពូល ដើម្បីបន្តនីតិវិធីពាក់ព័ន្ធករណីទូកអូសឈើគ្មានច្បាប់អនុញ្ញាត កាលពីថ្ងៃទី២០ ខែមីនា ឆ្នាំ២០២៤ វេលាម៉ោង២៣៖៣០នាទី នៅចំណុចច្រាំងទឹកទន្លេមេគង្គជិត ស្ពានព្រែកតាមាក់ ភូមិកោះរកា ឃុំព្រែកអាញ្ចាញ ស្រុកមុខកំពូល ខេត្តកណ្ដាល ដែលមានជនសង្ស័យជាម្ចាស់ឈើឈ្មោះ ង៉ូ យ៊ាំងលុង ភេទប្រុស អាយុ៥៦ឆ្នាំ ជនជាតិវៀតណាម មានទីលំនៅភូមិស្ដៅកន្លែង ឃុំដីឥដ្ឋ ស្រុកកៀនស្វាយ ខេត្តកណ្ដាល មុខរបរនេសាទត្រី។ ពេលនោះសមត្ថកិច្ចបានសម្រេចដកហូត ដើមឈើទាលងាប់ ០១ដើម ប្រវែង១៩,៧០ ម៉ែត្រ ទំហំអង្កត់ផ្ចិតចុង០.៩៨៧ម៉ែត្រ ទំហំអង្កត់ផ្ចិតគល់១.៩៧៤ម៉ែត្រ ដែលមានមាឌសរុប៣៣,៨៩០ម៉ែត្រត្រីគុណ ដោយបានធ្វើការស្រង់ចេញពីក្នុងទឹកទន្លេ និងអូសទាញមកលើគោក នៅជាប់ច្រាំងទន្លេមេគង្គ នៅក្បែកន្លែងកើតហេតុ។ បន្ទាប់មក […]

(សៀមរាប)៖ នៅវេលាម៉ោង៧៖២០នាទី រាត្រីថ្ងៃទី០២ ខែមេសា ឆ្នាំ២០២៤ មានករណីភ្លើងឆេះស្ថានីយប្រេងឥន្ធនៈ និងកន្លែងលក់គ្រឿងទេស និងភេសជ្ជៈ ស្ថិតនៅក្នុងភូមិចំបក់ហែ ឃុំពួក ស្រុកពួក ខេត្តសៀមរាប នៅចំណុចស្ថានីយប្រេងឥន្ធនៈ ឈ្មោះ ចិនខ្មៅ ដែលមានម្ចាស់ទីតាំងឈ្មោះ ឈិន ពណ្ណារាយ ភេទស្រី អាយុ៤៤ឆ្នាំ មុខរបរអាជីវករ និងប្ដីឈ្មោះ ជាល សុខ ភេទប្រុស អាយុ៤៤ឆ្នាំ បច្ចុប្បន្នទៅធ្វើការងារ នៅប្រទេសញូហ្សែឡែន។ ក្នុងហេតុការណ៍នេះ ក៏ឃើញមានវត្តមានរបស់លោក ប្រាក់ សោភ័ណ អភិបាលខេត្តសៀមរាប និងនាយករដ្ឋបាលសាលាខេត្ត និងស្នងការរងនគរបាលខេត្ត បានចុះពិនិត្យស្ថានការណ៍ករណីភ្លើងឆេះស្ថានីយប្រេងឥន្ធនៈ និងលក់គ្រឿងទេស និងភេសជ្ជៈនេះផងដែរ។ តាមការបញ្ជាក់របស់លោក ស៊ិន ចាន់ថុល អភិបាលស្រុកពួកបានឲ្យដឹងថា នៅមុនពេលកើតហេតុ មានរថយន្តដឹកប្រេងសាំង ០១គ្រឿង ចំណុះ៣២ពាន់លីត្រ មានប្រេងសាំងចំនួន ៨ពាន់លីត្រ ចូលមកដាក់ប្រេងនៅកន្លែងកើតហេតុខាងលើ។ លុះពេលបង្ហូរប្រេងចូលក្នុងស៊ីទែនកប់ក្នុងដីបានប្រហែល១៥នាទី ស្រាប់តែមានភ្លើងឆាបឆេះ ពេលនោះតៃកុងរថយន្តដឹកប្រេងសាំង បានឡើងបើករថយន្តចេញពីចំណុចកើតហេតុ ទៅទាំងភ្លើងកំពុងឆេះទុយោរបង្ហូរសាំងគ្រវីគ្រវាត់លើផ្លូវ ហើយបន្ទាប់មកភ្លើងដែលឆេះទុយោរបង្ហូរសាំងបានរលត់ទៅវិញ។ […]

(ភ្នំពេញ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានលើកឡើងថា ការរៀបចំកិច្ចប្រជុំមិនបាច់វែងក៏បានដែរ ប៉ុន្តែសំខាន់នោះ គឺការដាក់ចេញគោលដៅ និងអនុវត្តន៍អ្វីដែលទទួលបានពីកិច្ចប្រជុំនោះ ឱ្យបានចេញជាលទ្ធផលទើបជាការប្រសើរ។ សម្តេចធិបតីបញ្ជាក់ទៀតថា បើការប្រជុំរួចហើយ តែមិនយកយោបល់ ដែលបានពីកិច្ចប្រជុំនោះទៅអនុវត្តន៍ នោះកិច្ចប្រជុំស្មើនឹងគ្មានន័យ។ ការថ្លែងរបស់សម្តេចនាយករដ្ឋមន្ត្រី ធ្វើឡើងក្នុងឱកាសអញ្ជើញបិទសន្និបាតក្រសួងអប់រំ យុវជន និងកីឡា នារសៀលថ្ងៃទី២ ខែមេសា ឆ្នាំ២០២៤។ សម្តេចធិបតី ហ៊ុន ម៉ាណែត បានថ្លែងយ៉ាងដូច្នេះថា «ខ្ញុំប្រជុំ ឯកឧត្តម លោកជំទាវ ប្រហែលជាចូលរួមប្រជុំច្រើនហើយ ប្រជុំដែលបានផលប្រយោជន៍ គឺប្រជុំមិនបាច់វែងក៏បាន តែចេញមកមានគោលដៅដែលត្រូវធ្វើបន្ត នេះដែលចាំបាច់។ បើគ្រាន់តែប្រជុំដើម្បីប្រជុំលើកយោបល់ ហើយបូកសរុបចប់ តែធ្វើដដែល អ្វីដែលបានពីកិច្ចប្រជុំ អត់ធ្វើ វាអត់ជោគជ័យ»។ ជាមួយគ្នានេះ សម្តេចបានថ្លែងនូវការកោតសរសើរ និងលើកទឹកចិត្តដល់ក្រសួងអប់រំ ដែលបានប្រមូលធាតុចូលសំខាន់ៗ ពីថ្នាក់ក្រោម ដើម្បីយកមកអភិវឌ្ឍន៍វិស័យអប់រំ។ សម្តេចក៏បានបញ្ជាក់ថា ចំពោះបញ្ហាប្រឈមនានាក្នុងវិស័យអប់រំ រាជរដ្ឋាភិបាលនឹងបន្តបំពេញចំណុចខ្វះខាតទាំងនោះ ទាំងការខ្វះខាតគ្រូ ខ្វះហេដ្ឋារចនាសម្ព័ន្ធ ដូចជាសាលារៀនជាដើម។ សម្តេចសង្កត់ធ្ងន់ថា នៅពេលដែលការខ្វះខាតទាំងនោះ […]

(ស្ទឹងត្រែង)៖ ដោយមើលឃើញពីបរិបថ នៃសង្គមបច្ចុប្បន្នដែលប្រជាពលរដ្ឋងាយប្រឈមទៅនឹងជំងឺទឹកនោមផ្អែម ជំងឺទឹកនោមប្រៃ និងជំងឺលើសឈាមជាដើមនោះ លោកស្រីវេជ្ជបណ្ឌិត ឱ វណ្ណឌីន រដ្ឋលេខាធិការក្រសួងសុខាភិបាល និងជាមន្ដ្រីជំនាញសុខភាពសាធារណៈនោះ បានក្រើនរំលឹកដល់ប្រជាពលរដ្ឋកាត់បន្ថយការទទួលទានអាហារដែលមានសារជាតិប្រៃ ខ្លាញ់ និងស្ករ ហើយមិនត្រូវជក់បារីឡើយ។ ការលើកឡើងរបស់លោកស្រីវេជ្ជបណ្ឌិត ឱ វណ្ណឌីន ធ្វើឡើងនៅរសៀលថ្ងៃទី០១ ខែមេសា ឆ្នាំ២០២៤ ក្នុងឱកាសអញ្ជើញជួបសំណេះសំណាលជាមួយមន្ដ្រីរាជការ បុគ្គលិក នៃមន្ទីរសុខាភិបាលខេត្តស្ទឹងត្រែង ដើម្បីណែនាំ និងដាក់ចេញទិសដៅការងារមួយចំនួន សំដៅពង្រឹងប្រព័ន្ធសុខាភិបាលនៅតាមមូលដ្ឋាន ឲ្យកាន់តែមានគុណភាពខ្ពស់ និងជំនឿទុកចិត្តពីប្រជាពលរដ្ឋ។ លោកស្រី ឱ វណ្ណឌីន បានលើកឡើងនូវពាក្យស្លោកយ៉ាងដូច្នេះថា «តិចអំបិល តិចខ្លាញ់ តិចស្ករ ដែលអត្ថន័យនេះ គឺចង់ឲ្យប្រជាពលរដ្ឋកាត់បន្ថយរបបអាហារ ដូចជា ស្ករ អំបិល និងខ្លាញ់ពីច្រើនមកតិច ហើយហាមការជក់បារីជាដើម»។ មន្ដ្ដ្រីជាន់ខ្ពស់ក្រសួងសុខាភិបាលរូបនេះ ក៏បានក្រើនរំលឹកទៅដល់ប្រធានមណ្ឌលទាំង២០ ដែលកំពុងប្រតិបត្តិផ្ដល់សេវាជូនប្រជាពលរដ្ឋក្នុងមូលដ្ឋានទូទាំងខេត្តស្ទឹងត្រែង ដើម្បីគ្រប់គ្រងឲ្យបាននៅអត្តសញ្ញាណអ្នកជំងឺក្នុងមូលដ្ឋានរបស់ខ្លួននីមួយៗ និងត្រូវផ្សព្វផ្សាយចងក្រងជាក្រុម ដើម្បីងាយគ្រប់គ្រងអ្នកដែលមានជំងឺក្នុងមូលដ្ឋាននោះ ឲ្យពួកគាត់ទទួលបានសេវាព្យាបាលប្រកបដោយប្រសិទ្ធភាព និងទុកចិត្តបំផុត។ លោកស្រី ឱ វណ្ណឌីន បានដាស់តឿនទៅដល់ប្រធានមណ្ឌលទាំង២០ បន្តការយកចិត្តទុកដាក់បន្ថែមទៅលើការផ្ដល់សេវាជូនប្រជាពលរដ្ឋ […]

(ភ្នំពេញ)៖ លោកបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន បានលើកឡើងថា កម្ពុជាស្អាត មិនមានសំណល់ប្លាស្ទិក គឺជាយុទ្ធសាស្រ្តបន្ថែមមួយទៀតអមជាមួយយុទ្ធនាការ កាត់បន្ថយការប្រើប្រាស់ថង់ប្លាស្ទិករបស់ក្រសួងបរិស្ថាន ដែលមានការគាំទ្រ និងចូលរួមប្តេជ្ញាចិត្ត កាត់បន្ថយការប្រើប្រាស់ ប្លាស្ទិកពីសំណាក់ប្រជាពលរដ្ឋ និងសិស្សានុសិស្សប្រមាណ ៧លាន៣ពាន់នាក់។ ការលើកឡើងបែបនេះរបស់លោករដ្ឋមន្រ្តី អ៊ាង សុផល្លែត បានធ្វើឡើងនៅក្នុងជំនួបសម្តែងការគួរសម និងពិភាក្សាការងារជាមួយលោក តាកាហាស៊ី ហ្វូមីអាគី (Takahashi Fumiaki) ប្រធានសមាគមជប៉ុន-កម្ពុជា ព្រមទាំងប្រតិភូអមចំនួន ១២រូបផ្សេងទៀត ដែលសុទ្ធតែជាអ្នកវិនិយោគមកពីប្រទេសជប៉ុននៅទីស្តីការក្រសួងបរិស្ថាន នាថ្ងៃទី០១ ខែមេសា ឆ្នាំ២០២៤។ លោកបណ្ឌិត អ៊ាង សុផល្លែត បានថ្លែងថា ការវិនិយោគបៃតង គឺជាការវិនិយោគដែលមានផលចំណេញទាំងសងខាង គឺភាគីអ្នកវិនិយោគជប៉ុននឹងទទួលបានប្រាក់ចំណេញក្នុងការវិនិយោគរបស់ខ្លួន ចំណែកកម្ពុជាវិញក៏ទទួលបានផលចំណេញដល់បរិស្ថាន តាមរយៈកែច្នៃសំភារៈប្រើប្រាស់ជំនួសថង់ប្លាស្ទិក ដោយផលិតផលធម្មជាតិដែលមានស្រាប់ក្នុងតំបន់ ហើយការកែច្នៃធនធានដែលមានស្រាប់ក្នុងតំបន់នេះ នឹងជួយលើកស្ទួយជីវភាពរបស់ប្រជាជនកម្ពុជាឱ្យទទួលបានប្រាក់ចំណូលបន្ថែម ក្រៅពីចូលព្រៃបាញ់សត្វ និងកាប់ឈើ។ ជាមួយគ្នានេះ ការវិនិយោគដែលជួយឱ្យប្រជាសហគមន៍មានភាពជាម្ចាស់ ឯករាជ្យក្នុងការរស់នៅ ដោយមិនពឹងផ្អែកតែលើរបរចូលព្រៃ ហើយបែរមកដាំដុះដំណាំហូបផ្លែរួមផ្សំបន្ថែម ការដាំស្តារព្រៃឈើ ថែរក្សាការពារសត្វព្រៃសម្រាប់ទេសចរទស្សនា និងផ្តល់សេវាកម្មទេសចរណ៍តាមរមណីយដ្ឋានសហគមន៍ទេសចរណ៍ គឺជាឥរិយាបថវិជ្ជមាន […]