(ហាណូយ)៖ ប្រធានាធិបតីអាមេរិក លោក ចូ បៃដិន កាលពីថ្ងៃអាទិត្យចុងសប្ដាហ៍កន្លងទៅនេះបានសាទរដល់ទំនាក់ទំនងជិតស្និទ្ធជាមួយវៀតណាម ខណៈប្រទេស ទាំង២ បានចុះកិច្ចព្រមព្រៀងពង្រឹងកិច្ចសហប្រតិបត្តិការឱ្យកាន់តែស៊ីជម្រៅ ជាពិសេសលើវិស័យសឺមីកុងឌុចទ័រ។ នេះបើតាមការចេញផ្សាយដោយ ទីភ្នាក់ងារសារព័ត៌មាន AFP នៅថ្ងៃចន្ទ ទី១១ ខែកញ្ញា ឆ្នាំ២០២៣។ ការលើកកម្ពស់ «ភាពជាដៃគូយុទ្ធសាស្ត្រគ្រប់ជ្រុងជ្រោយ» ជាមួយទីក្រុងហាណូយ គឺផែ្នកមួយនៃកិច្ចខិតខំប្រឹងប្រែងរបស់ទីក្រុងវ៉ាស៊ីនតោន ក្នុងការបង្កើតបណ្ដាញ សម្ព័ន្ធមិត្តអាស៊ី និងប៉ាស៊ីហ្វិក ចំពោះមុខការកើនឡើងឥទ្ធិពលចិន។ ភាពជាដៃគូថ្មីរវាងសហរដ្ឋអាមេរិក និងវៀតណាម ក្នុងនោះរួមមានទាំងកិច្ចព្រមព្រៀងមួយស្ដីពី សឺមីកុងឌុចទ័រ ដែលក្នុងនោះសហរដ្ឋអាមេរិកបានប្ដេជ្ញាចិត្តជួយវៀតណាម អភិវឌ្ឍន៍សមត្ថភាពរបស់ខ្លួន និងពង្រីកការផលិត។ មិនតែប៉ុណ្ណោះ ក៏មានផងដែរ កិច្ចព្រមព្រៀងស្ដីពីធនធានរ៉ែកម្រ ដែលសម្រាប់ប្រើប្រាស់ក្នុងការផលិតឧបករណ៍ទំនើបៗដូចជាស្មាតហ្វូន និងរថយន្ដអគ្គិសនីជាដើម។ លោក ចូ បៃដិន បានប្រាប់អ្នកសារព័ត៌មានបន្ទាប់ពីជំនួបជាមួយមេដឹកនាំវៀតណាមថា ភាពជាដៃគូជាមួយវៀតណាម គឺជាផ្នែកមួយនៃការជំរុញមួយនៃរដ្ឋបាលរបស់ លោក ដើម្បីបង្ហាញដល់ប្រទេសជាដៃគូក្នុងតំបន់ឥណ្ឌូប៉ាស៊ីហ្វិក និងពិភពលោកថាសហរដ្ឋអាមេរិក ក៏ជាប្រជាជាតិប៉ាស៊ីហ្វិកមួយដែរ ហើយសហរដ្ឋអាមេរិកក៏នឹងមិន ចាកចេញទៅទីកន្លែងណាផ្សេងនោះដែរ។ គួរបញ្ជាក់ថា តាមរយៈការចុះកិច្ចព្រមព្រៀងខាងលើដែលសម្រេចឡើង អំឡុងដំណើរទស្សនកិច្ចរបស់លោក ចូ បៃដិន នៅទីក្រុងហាណូយ […]

(បរទេស)៖ ក្រុមហ៊ុនបច្ចេកវិទ្យាយក្ស Apple នឹងរៀបចំព្រឹត្តិការណ៍ប្រកាសចេញត្រកូល iPhone 15 ជំនាន់ថ្មីបំផុតរបស់ខ្លួននៅរយៈពេល ៣ថ្ងៃខាងមុខនេះ។ ពោលគឺ នៅថ្ងៃទី ១២ ខែកញ្ញា សប្តាហ៍ក្រោយតែម្តង ដែលក្នុងព្រឹត្តិការណ៍ដ៏ធំនោះនឹងមានប្រកាសចេញនូវឧបករណ៍ថ្មីៗជាច្រើនបន្ថែមទៀត។ នេះបើយោងតាមការចេញផ្សាយរបស់សារព័ត៌មាន AppleInsider នៅថ្ងៃទី០៩ ខែកញ្ញា ឆ្នាំ២០២៣។ ក្រុមហ៊ុន Apple បានបញ្ជាក់ថា ខ្លួនបានផ្ញើលិខិតអញ្ជើញទៅកាន់អ្នកចូលរួមទស្សនាដោយផ្ទាល់នឹងតាមរយៈអនឡាញរួចរាល់ហើយ ដែលទីតាំងសម្រាប់រៀបចំព្រឹត្តិការណ៍ដ៏ធំប្រចាំឆ្នាំនេះនឹងធ្វើឡើងនៅរោងមហោស្រព Steve Jobs ក្នុង Apple Park រដ្ឋកាលីហ្វ័រញ៉ា។ ព្រឹត្តិការណ៍ដ៏ធំរបស់ Apple នេះមានឈ្មោះថា «Wonderlust» ដែលមានន័យថា ការពុះពារក្នុងការធ្វើដំណើរ។ Apple នឹងចាប់ផ្តើមប្រារព្ធព្រឹត្តិការណ៍នេះនៅម៉ោង ១០ព្រឹកតទៅម៉ោងនៅសហរដ្ឋអាមេរិក ដែលត្រូវនឹងម៉ោង ១២យប់រំលងអាធ្រាតម៉ោងនៅក្នុងប្រទេសកម្ពុជា។ មិនខុសពីរាល់ដងទេ Apple នឹងចាក់ផ្សាយបន្តផ្ទាល់តាមអ៊ីនធឺណិតដែលមាននៅលើ Apple.com ក៏ដូចជានៅក្នុងកម្មវិធី Apple TV ផងដែរ។ គួរជម្រាបដែរថា ក្នុងព្រឹត្តិការណ៍នោះ Apple នឹងប្រកាសបង្ហាញស្មាតហ្វូនជំនាន់ថ្មីរបស់ខ្លួន ទាំង ៤ម៉ូដែល […]

ឥណ្ឌូនេស៊ី៖ កំពូលប៉ូលិសចិត្តធម៌ម្នាក់កំពុងទទួលបានការចាប់អាមរ្មណ៍យ៉ាងខ្លាំងនៅលើបណ្តាញសង្គមក្នុងប្រទេសឥណ្ឌូនេស៊ី ក្រោយរូបគាត់បានធ្វើរឿងដ៏ភ្ញាក់ផ្អើលមួយទៅកាន់អ្នកទោសកំពុងជាប់ក្នុងពន្ធនាគារម្នាក់នៅក្នុងថ្ងៃខួបកំណើតរបស់អ្នកទោសរូបនោះ។ លោកប៉ូលិសចិត្តធម៌រូបនេះមានឈ្មោះថា Ferdinand Malambae ជាមនុស្សដែលចូលធ្វើអំពើល្អនៅក្នុងសង្គម ជាពិសេសនោះគឺជួយអ្នកដែលកំពុងជួបទុកលំបាក់ ខណៈអ្នកទោសដែលបានទទួលនូវអារម្មណ៍ភ្ញាក់ផ្អើលមិននឹកស្មាននោះមានឈ្មោះថា Boyok។ បើយោងតាមការចុះផ្សាយរបស់បណ្តាញសារព័ត៌មាន World of Buzz បានឲ្យដឹងថា នៅក្នុងថ្ងៃខួបកំណើតនោះលោកប៉ូលិស Ferdinand Malambae បានសម្តែងធ្វើជាទៅសួរនាំអ្នកទោស Boyok ថា៖ ខ្ញុំឮអ្នកទោសជាច្រើននិយាយថា​ ឯងបាននិយាយដើមខ្ញុំច្រើនណាស់ តើខ្ញុំបានធ្វើអ្វីខ្លះមិនល្អដាក់ឯងទៅ? ពេលនោះអ្នកទោស​Boyok បានប្រកែកថាមិនបាននិយាយអ្វីឡើយ តែលោកប៉ូលិសបានសម្តែងធ្វើជាខឹងខ្លាំងឡើងៗ និងបញ្ជាឲ្យអ្នកទោសរូបនោះត្រូវប្រាប់ពីថ្ងៃខែឆ្នាំកំណើតពិតប្រាកដរបស់គេដោយឲ្យនិយាយខ្លាំងៗ។ បន្តិចក្រោយមកនៅពេលដែលអ្នកទោស Boyok កំពុងតែភ័យព្រោះខ្លាចទទួលរងនូវការពិន័យនោះ ស្រាប់តែលោកប៉ូលិស Ferdinand Malambae បានយកនំភីហ្សាមួយប្រអប់ដោយមានទាំងការដុតទៀនសម្រាប់ជាថ្ងៃខួបកំណើតផងទៅឲ្យអ្នកទោសរូបនោះដល់កន្លែងឃុំឃាំងដើម្បីឲ្យគេផ្លុំពន្លត់និងធ្វើការបួងសួងសុំសំណាងល្អ៕ ផ្តល់សិទ្ធិដោយ៖ ខ្មែរណូត

(រ៉ាបា)៖ ចំនួនអ្នកស្លាប់ដោយសារគ្រោះរញ្ជួយដីដ៏ខ្លាំងមួយ ដែលបានវាយប្រហារលើប្រទេសម៉ារ៉ុក កាលពីយប់ថ្ងៃសុក្រកន្លងទៅនេះ បានកើនដល់ ៦៣២នាក់ហើយ និង៣២៩នាក់ផ្សេងទៀតរងរបួស។ នេះបើតាមក្រសួងមហាផ្ទៃនៃប្រទេសម៉ារ៉ុក ដកស្រង់ចេញផ្សាយដោយ ទីភ្នាក់ងារសារព័ត៌មាន AFP។ ក្រសួងមហាផ្ទៃម៉ារ៉ុក បានឱ្យដឹងនៅថ្ងៃសៅរ៍នេះថាចំនួនអ្នកស្លាប់ត្រូវបានរាយការណ៍នៅក្នុងខេត្ត និងទីក្រុងជាច្រើន រួមមាន អាល់ហាអ៊ូស (al-Haouz) ម៉ារ៉ាកេស (Marrakesh,) អ៊ូអាហ្សាហ្សាត (Ouarzazate) អាហ្ស៉ីឡាល់ (Azilal) ឈីឆាអ៊ូអា (Chichaoua) និងតារូដាន់ (Taroudant)។ ចំណែក ក្នុងចំណោមមនុស្សរងរបួសចំនួន ៣២៩នាក់ មាន៥១នាក់ កំពុងស្ថិតនៅក្នុងស្ថានភាពធ្ងន់ធ្ងរ និងសង្រ្គោះបន្ទាន់។ គួរបញ្ជាក់ថា គ្រោះរញ្ជួយដីកម្រិត ៦.៨រ៉ិចទ័រ បានវាយប្រហារលើប្រទេសម៉ារ៉ុក កាលពីយប់ថ្ងៃសុក្រកន្លងទៅនេះ ដោយបង្កការរំញ័រចាប់ពី ទីក្រុងរ៉ាបា ស្ថិតនៅភាគខាងជើង រហូតដល់ទីក្រុងស៊ីឌី អ៉ីហ្វនី (Sidi Ifni) ស្ថិតនៅភាគខាងត្បូង និងទីក្រុងជាច្រើនទៀត។ បើតាម ទីភ្នាក់ងារភូមិវិទ្យាអាមេរិក USGS ចំណុចកណ្ដាលនៃគ្រោះរញ្ជួយដីខាងលើ ស្ថិតនៅក្បែរទីក្រុង អ៊ូកៃមេឌិន (Oukaimeden) នៃតំបន់ […]

(រ៉ាបា)៖ ក្រសួងមហាផ្ទៃនៃប្រទេសម៉ារ៉ុក បានឱ្យដឹងនៅថ្ងៃសៅរ៍ ទី៩ ខែកញ្ញានេះថាគ្រោះរញ្ជួយដីដ៏ខ្លាំងមួយដែលបានវាយប្រហារលើ ប្រទេសម៉ារ៉ុក កាលពីយប់ថ្ងៃសុក្រកន្លងទៅនេះ បានផ្ដាច់ជីវិតមនុស្ស ២៩៦នាក់ និង១៥៣នាក់ផ្សេងទៀតរងរបួស។ នេះបើតាមការចេញ ផ្សាយដោយទីភ្នាក់ងារសារព័ត៌មាន AFP។ នៅក្នុងសេចក្ដីថ្លែងការណ៍មួយ ក្រសួងមហាផ្ទៃម៉ារ៉ុក បានគូសបញ្ជាក់ដូច្នេះថា «បើតាមសេចក្ដីរាយការេណ៍ជាបឋម គ្រោះរញ្ជួយដីបាន សម្លាប់មនុស្ស ២៩៦នាក់ នៅក្នុងខេត្ត និងទីក្រុងជាច្រើន រួមមាន អាល់ហាអ៊ូស (al-Haouz) ម៉ារ៉ាកេស (Marrakesh,) អ៊ូអាហ្សាហ្សាត (Ouarzazate) អាហ្ស៉ីឡាល់ (Azilal) ឈីឆាអ៊ូអា (Chichaoua) និងតារូដាន់ (Taroudant)»។ ក្រសួងបន្ថែមថាមនុស្ស ១៥៣នាក់ ក៏បានរងរបួស និងកំពុងសម្រាក់ព្យាបាលនៅមន្ទីរពេទ្យផងដែរ។ គួរបញ្ជាក់ថា គ្រោះរញ្ជួយដីកម្រិត ៦.៨រ៉ិចទ័រ បានវាយប្រហារលើប្រទេសម៉ារ៉ុក កាលពីយប់ថ្ងៃសុក្រកន្លងទៅនេះ ដោយបង្កការរំញ័រចាប់ពី ទីក្រុងរ៉ាបា ស្ថិតនៅភាគខាងជើង រហូតដល់ទីក្រុងស៊ីឌី អ៉ីហ្វនី (Sidi Ifni) ស្ថិតនៅភាគខាងត្បូង និងទីក្រុងជាច្រើនទៀត។ បើតាម ទីភ្នាក់ងារភូមិវិទ្យាអាមេរិក […]

(អ៉ីស្លាម៉ាបាដ)៖ ក្រុមអ្នកជួយសង្គ្រោះជាង ១៥០នាក់ កំពុងព្យាយាមជួយសង្រ្គោះបុរសជនជាតិអាមេរិកម្នាក់ ដែលបានធ្លាក់ខ្លួនឈឺ ហើយ ជាប់ក្រោមរូងភ្នំ ជម្រៅប្រហែល ១,០០០ម៉ែត្រ នៅឯភាគខាងត្បូងប្រទេសតួកគី។ នេះយោងតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃសុក្រ ទី៨ ខែកញ្ញា ឆ្នាំ២០២៣។ ក្រុមមន្ត្រីតួកគី បានឲ្យដឹងថា លោក ម៉ាក ឌីឃី (Mark Dickey) អាយុ ៤០ឆ្នាំ ស្ថិតក្នុងបេសកកម្មរុករកអន្តរជាតិនៅក្នុងរូងភ្នំម័រកា (Morca) នៃតំបន់ភ្នំតូរូស (Taurus) ហើយនៅពេលកំពុងបំពេញការងារក៏មានអាការៈហូរឈាមក្នុងក្រពះពោះវៀន ទើបត្រូវជាប់នៅក្រោមរូងភ្នំនោះ។ ប្រធានសហព័ន្ធធ្វើការពាក់ព័ន្ធនឹងរូងភ្នំរបស់តួកគី TUMAF លោក ប៊ូលែន ជែន (Bulent Genc) បានប្រាប់ Reuters «ក្រុមសង្រ្គោះអន្តរជាតិ ជាច្រើន រួមទាំងមកពីប្រទេសក្រូអាត និងអ៉ីតាលី បានចូលរួមក្នុងប្រតិបត្តិការជួយសង្រ្គោះ ដោយបែងចែកជា ៧ផ្នែក។ ប្រតិបត្តិការជួយសង្គ្រោះ នឹងចំណាយពេល ១០ថ្ងៃ ប៉ុន្តែវាអាចឆាប់ ឬយូជាងនេះ អាស្រ័យលើស្ថានភាពរបស់គាត់ តែពេលនេះលោក ឌីកឃី […]

(ប៉េកាំង)៖ ទីក្រុងហុងកុង នៅថ្ងៃសុក្រ ទី៨ ខែកញ្ញានេះត្រូវបានជន់លិចដោយសារទឹកជំនន់ បង្កឡើងដោយភ្លៀងធ្លាក់ខ្លាំងបំផុតមិនធ្លាប់មាន ក្នុងរយៈពេលជិត ១៤០ឆ្នាំ និងបង្កការរំខាន់យ៉ាងខ្លាំងដល់ការធ្វើចរាចរក្នុងទីក្រុង។ នេះបើតាមការចេញផ្សាយដោយទីភ្នាក់ងារសារព័ត៌មាន AFP។ ផ្លូវជាច្រើន និងស្ថានីយ៍រថភ្លើងក្រោមដីមួយចំនួន នៅក្នុងទីក្រុងហុងកុងបានជន់លិច រីឯសាលារៀនជាច្រើនត្រូវបង្ខំចិត្តបិទទ្វារ ជាបណ្ដោះអាសន្ន។ ដោយឡែក អាជ្ញាធរក្នុងទីក្រុង សិនជិន (Shenzhen) ស្ថិតនៅក្បែរទីក្រុងហុងកុង ក៏បានរាយការណ៍ដែរពីកម្រិតទឹកភ្លៀងខ្ពស់ បំបែកកំណត់ត្រាថ្មីមួយចាប់តាំងពីឆ្នាំ១៩៥២មក។ ក្រុមអ្នកជំនាញ បាននិយាយថាការប្រែប្រួលអាកាសធាតុបានធ្វើឱ្យព្យុះត្រូពិក កើតឡើងកាន់តែញឹកញាប់ ដោយនាំមកជាមួយនូវភ្លៀងធ្លាក់ខ្លាំង ដែលបង្កជាគ្រោះទឹកជំនន់ភ្លាមៗ។ ភ្លៀងធ្លាក់ខ្លាំងបានចាប់ផ្ដើមវាយប្រហារទីក្រុងហុងកុង កាលពីថ្ងៃព្រហស្បតិ៍សប្ដាហ៍នេះ ហើយក្នុងពេល ត្រឹមតែប៉ុន្មានម៉ោងប៉ុណ្ណោះ អាជ្ញាធរឧតុនិយមបានកត់ត្រាកម្រិតកម្ពស់ទឹកភ្លៀងដល់ទៅ ១៥៨.១មីលីម៉ែត្រ ដែលនេះជាកម្រិតទឹកភ្លៀងខ្ពស់ បំផុតមិនធ្លាប់មាន គិតចាប់តាំងពីឆ្នាំ១៨៨៤មក។ ភ្លាមៗ មិនទាន់មានសេចក្ដីរាយការណ៍ពីជនរងគ្រោះណាម្នាក់ ឡើយ។ គួរបញ្ជាក់ថា ព្យុះទីហ្វុង ២ គឺសាវឡា (Saola) និងហៃគូអ៉ិ (Haikui) បានវាយប្រហារលើភាគខាងត្បូង ប្រទេសចិនកាលពីចុងសប្ដាហ៍មុន ខណៈទីក្រុងហុងកុង អាចគេចផុតពីការវាយប្រហារដោយផ្ទាល់ពីព្យុះទាំង២នេះ។ ប៉ុន្តែ ភ្លៀងធ្លាក់ខ្លាំងលើទីក្រុងហុងកុង គឺបណ្ដាលមកពីចំហាយ សេសសល់នៃព្យុះទីហ្វុង […]

(ហ្សាការតា)៖ នាឱកាសចូលរួមកិច្ចប្រជុំកំពូលអាស៊ាន នាយករដ្ឋមន្ត្រីជប៉ុន លោក ហ្វូមីអុ គីស៉ីដា (Fumio Kishida) កាលពីថ្ងៃពុធសប្តាហ៍នេះ បានពន្យល់ពី គោលជំហររបស់ជប៉ុនលើការបញ្ចេញទឹកចម្រោះសារធាតុវិទ្យុសកម្មចេញពីរោងចក្រនុយក្លេអ៊ែរ Fukushima ទៅកាន់នាយករដ្ឋមន្ត្រីចិន លោក លី ឈាង (Li Qiang)។ នេះបើយោងតាមការចេញផ្សាយដោយទីភ្នាក់ងារសារព័ត៌មាន AFP នៅថ្ងៃព្រហស្បតិ៍ ទី៧ ខែកញ្ញា ឆ្នាំ២០២៣។ លោក គីស៉ីដា បានប្រាប់អ្នកសារព័ត៌មានឲ្យដឹងថា «អំឡុងពេលជជែកគ្នានោះ ខ្ញុំបានពន្យល់ពីគោលជំហររបស់ជប៉ុន ជុំវិញការចាត់ចែងបញ្ចេញទឹកចម្រោះ ចេញពីរោងចក្រ Fukushima ទៅកាន់លោកនាយករដ្ឋមន្ត្រី លី។ លោក គីស៉ីដា ​បាន​បដិសេធ​និយាយ​ពី​ការឆ្លើយតបរបស់លោក លី។ បើតាមក្រសួងការបរទេសជប៉ុន នេះជាការពិភាក្សាកម្រិតខ្ពស់លើកទី១ រវាងប្រទេសទាំងពីរចាប់តាំងពីមានការបញ្ចេញទឹកចម្រោះសារធាតុវិទ្យុសកម្មចេញពី រោងចក្រ Fukushima។ គួរបញ្ជាក់ថា ជប៉ុន បានបញ្ចេញទឹកចម្រោះសារធាតុវិទ្យុសកម្មចេញពីរោងចក្រនុយក្លេអ៊ែរ Fukushima ចូលទៅក្នុងមហាសមុទ្រប៉ាស៊ីហ្វិក កាលពីខែសីហា ដោយទទួលរងនូវប្រតិកម្មយ៉ាងខ្លាំងពីសំណាក់ ប្រទេសចិន និងឈានដល់ការ​ដាក់​បម្រាម​លើ​ការ​នាំ​ចូល​អាហារសមុទ្រ​ទាំងអស់​ពី​​ជប៉ុន៕ ផ្តល់សិទ្ធិដោយ៖ freshnews

(ព្រុចសែល)៖ បណ្តាប្រទេសកំពុងអភិវឌ្ឍន៍បានដាក់ចេញនូវសំណើស្នើសុំមូលនិធិ UN ១០០ពាន់លានដុល្លារនៅឆ្នាំ២០៣០ ដើម្បីដោះស្រាយការខូចខាតដែល បណ្តាលមកពីការប្រែប្រួលអាកាសធាតុ ខណៈប្រទេសនានាត្រៀមពិភាក្សាអំពីអ្នកដែលនឹងត្រូវទទួលបានអត្ថប្រយោជន៍ និងអ្នកដែលត្រូវចំណាយ នៅឯ កិច្ចប្រជុំកំពូលអង្គការសហប្រជាជាតិស្តីពីអាកាសធាតុ (COP28)។ នេះបើយោងតាមការចេញផ្សាយដោយទីភ្នាក់ងារសារព័ត៌មាន AFP នៅថ្ងៃព្រហស្បតិ៍ ទី៧ ខែកញ្ញា ឆ្នាំ ២០២៣។ ប្រទេសនានា នឹងកំណត់ព័ត៌មានលម្អិតនៃការខូចខាតដោយសារការប្រែប្រួលអាកាសធាតុ នៅក្នុងកិច្ចប្រជុំកំពូល ដែលនឹងប្រព្រឹត្តទៅចាប់ពីថ្ងៃទី៣០ ខែវិច្ឆិកា ដល់ថ្ងៃទី១២ ខែធ្នូ ឆ្នាំ២០២៣ នៅទីក្រុងឌូបៃ។ ប្រសិនបើសំណើត្រូវបានទទួលយក នោះវានឹងក្លាយជាមូលនិធិដំបូងរបស់អង្គការសហប្រជាជាតិ សម្រាប់ ការដោះស្រាយបញ្ហាដែលបណ្តាមកពីគ្រោះរាំងស្ងួត ទឹកជំនន់ និងការកើនឡើងនៃកម្រិតទឹកសមុទ្រ។ នៅក្នុងកិច្ចប្រជុំគណៈកម្មាធិការអង្គការសហប្រជាជាតិ កាលពីសប្តាហ៍មុន ប្រទេសកំពុងអភិវឌ្ឍន៍ រួមទាំងនៅក្នុងតំបន់អាហ្រ្វិក អាមេរិកឡាទីន អាស៉ីប៉ាស៊ីហ្វិក និងដែនកោះតូចៗ បានស្នើឡើងថា មូលនិធិសម្រាប់ដោះស្រាយការបំផ្លិចបំផ្លាញដោយសារតែកត្តាអាកាសធាតុគួរតែរៀបចំយ៉ាងហោចណាស់ ១០០ពាន់លានដុល្លារនៅឆ្នាំ២០៣០។ ទឹកប្រាក់ចំនួន ១០០ពាន់លានដុល្លារនេះ គួរតែជាកម្រិតសមរម្យ និងអាចផ្តល់សំណាញ់សុវត្ថិភាពបាន នៅពេលដែលផលប៉ះពាល់ផ្នែកអាកាសធាតុដាក់បន្ទុកលើសពីសមត្ថភាពរបស់ប្រទេសមួយ។ គួរបញ្ជាក់ថា ទោះជាយ៉ាងណាក៏ដោយ ការសម្រេចចិត្តនៅ COP28 ត្រូវការការគាំទ្រជាឯកច្ឆន្ទពីប្រទេសជិត ២០០ ដែលចូលរួមកិច្ចប្រជុំកំពូល […]

(បាងកក)៖ កាសែត Wall Street Journal បានរាយការណ៍កាលពីថ្ងៃពុធថា ប្រទេសចិនបានបញ្ជាមន្ត្រីនៅតាមទីភ្នាក់ងារនានារបស់រដ្ឋាភិបាលកណ្តាលមិនឱ្យប្រើប្រាស់ទូរស័ព្ទ iPhone របស់ក្រុមហ៊ុន Apple និងឧបករណ៍អេឡិចត្រូនិចម៉ាកបរទេសផ្សេងទៀតសម្រាប់ធ្វើការងារ ឬនាំឧបករណ៍ទាំងនោះចូលកន្លែងធ្វើការឡើយ។ កាសែត WSJ បានរាយការណ៍ដោយដកស្រង់សម្ដីរបស់ប្រភពមួយដែលបានដឹងពីករណីនេះថា ការបញ្ជាមិនឱ្យប្រើទូរស័ព្ទ iPhone និងឧបករណ៍អេឡិចត្រូនិចម៉ាកបរទេសផ្សេងទៀតនេះ ត្រូវបានដាក់ចេញដោយមន្ត្រីថ្នាក់លើទៅកាន់បុគ្គលិករបស់ពួកគេក្នុងរយៈពេលប៉ុន្មានសប្តាហ៍ថ្មីៗនេះ ហើយវាមិនច្បាស់ទេថាតើការបញ្ជានេះត្រូវបានធ្វើឡើងទូលំទូលាយកម្រិតណានោះ។ ការហាមឃាត់នេះធ្វើឡើងនៅមុនព្រឹត្តិការណ៍របស់ក្រុមហ៊ុន Apple នៅសប្តាហ៍ក្រោយ ដែលអ្នកវិភាគជឿថានឹងមានការដាក់បង្ហាញទូរស័ព្ទ iPhone ស៊េរីថ្មី ហើយអាចបង្កឱ្យមានការព្រួយបារម្ភក្នុងចំណោមក្រុមហ៊ុនបរទេសដែលកំពុងប្រតិបត្តិការនៅក្នុងប្រទេសចិន នៅពេលដែលភាពតានតឹងរវាងចិន និងអាមេរិកកើនឡើង។ សេចក្តីរាយការណ៍របស់កាសែត WSJ មិនបានបញ្ចេញឈ្មោះក្រុមហ៊ុនផលិតទូរស័ព្ទផ្សេងទៀតក្រៅពីក្រុមហ៊ុន Apple នោះទេ។ ក្រុមហ៊ុន Apple និងការិយាល័យព័ត៌មានរបស់ក្រុមប្រឹក្សារដ្ឋរបស់ចិន ដែលជាទីភ្នាក់ងារឆ្លើយតបទៅនឹងសំណួររបស់ប្រព័ន្ធផ្សព្វផ្សាយក្នុងនាមរដ្ឋាភិបាលចិនមិនបានឆ្លើយតបភ្លាមៗទៅនឹងសំណើសុំការអត្ថាធិប្បាយរបស់ទីភ្នាក់ងារព័ត៌មានរ៉យទ័រឡើយ។ អស់រយៈពេលជាងមួយទសវត្សរ៍មកនេះ ប្រទេសចិនបាននិងកំពុងព្យាយាមកាត់បន្ថយការពឹងផ្អែកលើបច្ចេកវិទ្យាបរទេស ដោយស្នើឱ្យក្រុមហ៊ុនរដ្ឋដែលពាក់ព័ន្ធដូចជាធនាគារប្តូរទៅបប្រើសូហ្វវែរក្នុងស្រុក និងលើកកម្ពស់ការផលិតបន្ទះឈីបក្នុងស្រុក។ ទីក្រុងប៉េកាំងបានរៀបចំយុទ្ធនាការនេះនៅឆ្នាំ២០២០ នៅពេលដែលមេដឹកនាំរបស់ខ្លួនបានស្នើឡើងនូវអ្វីដែលគេហៅថា គំរូកំណើន «dual circulation» ដើម្បីកាត់បន្ថយការពឹងផ្អែកលើទីផ្សារ និងបច្ចេកវិទ្យានៅក្រៅប្រទេស ដោយសារការព្រួយបារម្ភរបស់ខ្លួនអំពីសន្តិសុខទិន្នន័យបានកើនឡើង។ នេះបើយោងតាមទីភ្នាក់ងារព័ត៌មានរ៉យទ័រ៕ ផ្តល់សិទ្ធិដោយ៖ freshnews