(ព្រុចសែល)៖ សហភាពអឺរ៉ុប (EU) កំពុងព្រាងឡើងនូវផែនការ ដើម្បីប្រមូលមូលនិធិ ២០ពាន់លានអឺរ៉ូ ឬស្មើនឹងជាង ២២ពាន់លានដុល្លារ ដើម្បីផ្ដល់ឱ្យអ៊ុយក្រែន នូវអាវុធ គ្រាប់រំសេវ និងជំនួយយោធានានា ខណៈកងកម្លាំងអ៊ុយក្រែនកំពុងដឹកនាំប្រតិបត្តិការវាយបកប្រឆាំងនឹងកងកម្លាំងរុស្ស៉ី នៅឯតំបន់ភាគខាងកើត និងភាគខាងត្បូង នៃប្រទេស។ នេះបើតាមការចេញផ្សាយដោយទីភ្នាក់ងារសារព័ត៌មាន AFP នៅថ្ងៃសុក្រ ទី២១ ខែកក្កដា ឆ្នាំ២០២៣។ លោក Josep Borrell ជាប្រមុខគោលនយោបាយការបរទេសអឺរ៉ុប បានលើកឡើងនូវផែនការមានរយៈពេល ៤ឆ្នាំខាងលើ នៅក្នុងកិច្ចប្រជុំថ្នាក់រដ្ឋមន្ត្រីការបរទេស EU ក្នុងទីក្រុងព្រុចសែល កាលពីថ្ងៃព្រហស្បតិ៍សប្ដាហ៍នេះ។ នៅក្រោយកិច្ចប្រជុំ លោក Borrell បាននិយាយថាសហភាពអឺរ៉ុប នឹងកែប្រែជំនួយដែលមានស្រាប់នាពេលបច្ចុប្បន្ន ទៅជាការប្ដេជ្ញាចិត្តរយៈពេលវែង ដើម្បីគាំទ្រសន្តិសុខ និងភាពធន់របស់អ៊ុយក្រែន។ «យើងស្នើឱ្យមានការបង្កើតផ្នែកពិសេសមួយស្ដីពីការសម្របសម្រួលសន្តិភាពអឺរ៉ុប ដើម្បី ផ្ដល់ជំនួយ ៥ពាន់លានអឺរ៉ូ ក្នុងមួយឆ្នាំ មានរយៈពេល ៤ឆ្នាំ សម្រាប់ការការពារជាតិដែលអ៊ុយក្រែនត្រូវការ»។ នេះជាការបញ្ជាក់បន្ថែមរបស់លោក Borrell។ គួរបញ្ជាក់ថា សំណើខាងលើដែលលើកឡើងដោយលោក Josep Borrell ធ្វើឡើង […]

ស្ដេចប្រដាល់ហ្វីលីពីន Manny Pacquiao បានជិះយន្តហោះឯកជនរបស់គាត់មកដល់នៅទីក្រុងបាងកក របស់ប្រទេសថៃ នៅថ្ងៃព្រហស្បតិ៍ម្សិលមិញ នាម៉ោងប្រហែល ៣រសៀល ដើម្បីចូលរួមសន្និសីទសារព័ត៌មានស្តីពីការប្រកួត ដែលនឹងគ្រោងធ្វើឡើងនៅខែមករា ឆ្នាំក្រោយ ជាមួយនឹងអ្នកប្រដាល់ថៃ Buakaw Banchamek។ កីឡាករហ្វីលីពីន ដែលហៅក្រៅថា PacMan ត្រូវបានទទួលស្វាគមន៍ដោយអ្នកគាំទ្រ និងប្រព័ន្ធផ្សព្វផ្សាយនៅអាកាសយានដ្ឋានអន្តរជាតិដនមឿង មុនពេលឆ្ពោះទៅសណ្ឋាគារ។ នាយកប្រតិបត្តិរបស់ Fresh Air Festival លោក Vinij Lertratanachai បានឱ្យដឹងថា លោកកំពុងរៀបចំព្រឹត្តិការណ៍កីឡាដ៏សំខាន់មួយនៅក្នុងប្រទេសថៃ ដែលជាការប្រកួតរវាង Buakaw និង Pacquiao។ លោក Vinij បាននិយាយថា អ្នកប្រដាល់ជើងខ្លាំងទាំង ២ នឹងប្រកួតក្នុង «The Match of Legends» ឬ «The Match 3» ដែលគ្រោងនឹងធ្វើឡើងនៅខែមករា ឆ្នាំ២០២៤ នៅទីក្រុងបាងកក។ ចាប់តាំងពីឆ្នាំ១៩៩៥ លោក Pacquiao ដែលកំពុងមានវ័យ ៤៤ឆ្នាំ […]

(បាងកក)៖ អនុប្រធានរដ្ឋសភាថៃ បានឱ្យដឹងនៅថ្ងៃព្រហស្បតិ៍នេះថា សម័យប្រជុំរួមមួយទៀតរវាងរដ្ឋសភានិងព្រឹទ្ធសភាថៃ នឹងត្រូវធ្វើឡើង​នៅសប្តាហ៍ក្រោយ ដើម្បីព្យាយាមបោះឆ្នោតជ្រើសរើសនាយករដ្ឋមន្រ្តីសាជាថ្មី ប៉ុន្តែលោក Pita Limjareonrat អស់សិទ្ធិចូលរួមតទៀត​ហើយ។ នេះបើតាមការចេញផ្សាយដោយ ទីភ្នាក់ងារព័ត៌មាន AFP នៅថ្ងៃព្រហស្បតិ៍ ទី២០ ខែកក្កដា ឆ្នាំ២០២៣។ កិច្ចប្រឹងប្រែងប៉ុនប៉ងក្លាយជានាយករដ្ឋមន្រ្តីថ្មីរបស់លោក Pita ជាមេដឹកនាំគណបក្ស Move Forward ដែលឈ្នះបានអាសនៈ​ច្រើនជាងគេបង្អស់ ក្នុងការបោះឆ្នោតសកល កាលពីខែឧសភា គឺត្រូវរលាយសាបសូន្យទៅវិញ នៅពេលសភាថៃបានសម្រេចបដិសេធចំពោះ ការតែងតាំងលោកសាជាថ្មី ជាបេក្ខជននាយករដ្ឋមន្រ្តី កាលពីថ្ងៃពុធសប្តាហ៍នេះ បន្ទាប់ពីលោក Pita បានទទួលបរាជ័យម្តងរួចមកហើយ ក្នុងការបោះឆ្នោតរើសនាយករដ្ឋមន្រ្តី កាលពីសប្តាហ៍មុន។ អនុប្រធានរដ្ឋសភាថៃ លោក ភីចិត ជួមួងផាន់ (Pichet Chuamuangphan) បានលើកឡើងនៅថ្ងៃព្រហស្បតិ៍នេះ បុគ្គលម្នាក់អាចត្រូវតែងតាំងជាបេក្ខជននាយករដ្ឋមន្រ្តី បានតែម្តងប៉ុណ្ណោះ​ក្នុងសម័យប្រជុំសភាមួយ។ កាលពីក្នុងថ្ងៃពុធដដែល តុលាការធម្មនុញ្ញថៃ ក៏បានព្យួរសមាជិកភាពសភារបស់លោក Pita ផងដែរ ពាក់ព័ន្ធសំណុំរឿងដែលចោទថា លោកបានបំពានច្បាប់បោះឆ្នោត តាមរយៈការកាន់កាប់ភាគហ៊ុន នៅក្នុងក្រុមហ៊ុនប្រព័ន្ធផ្សព្វផ្សាយមួយ ដែលឈប់ដំណើរការយូរមកហើយ។ ទង្វើរបស់សភានិងតុលាការធម្មនុញ្ញាថៃប្រឆាំងនឹងលោក […]

(វ៉ាស៊ីនតោន)៖ សហរដ្ឋអាមេរិក នៅថ្ងៃពុធសប្ដាហ៍នេះ (ម៉ោងនៅវ៉ាស៊ីនតោន) បានប្រកាសផ្ដល់ជំនួយយោធាបន្ថែមទំហំ ១.៣ពាន់លានដុល្លារ សម្រាប់អ៊ុយក្រែន នៅក្នុងសង្រ្គាមប្រឆាំងនឹងការឈ្លានពានពីរុស្ស៉ី ហើយកញ្ចប់ជំនួយនេះក្នុងនោះរួមមានប្រព័ន្ធការពារដែនអាកាស ដ្រូន និងគ្រាប់រំសេវ។ នេះបើតាមការចេញផ្សាយដោយទីភ្នាក់ងារ សារព័ត៌មាន AFP នៅថ្ងៃព្រហស្បតិ៍ ទី២០ ខែកក្កដា ឆ្នាំ២០២៣។ នៅក្នុងសេចក្ដីថ្លែងការណ៍មួយ មន្ទីរបញ្ចកោណនៃក្រសួងការពារជាតិអាមេរិក បានគូសបញ្ជាក់ដូច្នេះថា «ការប្រកាសនេះ គឺជាការចាប់ផ្ដើមដំណើរការនៃកិច្ចសន្យាមួយ ដើម្បី ផ្ដល់សមត្ថភាពជាអាទិភាពបន្ថែមដល់អ៊ុយក្រែន»។ មន្ទីរបញ្ចកោណ បានបន្ថែមទៀតថានៅក្នុងកញ្ចប់ជំនួយយោធាខាងលើ រួមមានប្រព័ន្ធមីស៊ីល NASAMS ចំនួន ៤គ្រឿង និងគ្រាប់រំសេវ ព្រមទាំងគ្រាប់កំាភ្លើងធំ ១៥២មីលីម៉ែត្រ ឧបករណ៍ដោះគ្រាប់មីន និងដ្រូន។ គួរបញ្ជាក់ថា សហរដ្ឋអាមេរិក បាន និងកំពុងប្រើប្រាស់មូលនិធិ ក្នុងកម្មវិធីផ្ដល់ជំនួយយោធាសម្រាប់អ៊ុយក្រែន ឬហៅកាត់ថា USAI ដែលអនុញ្ញាតឱ្យរដ្ឋបាលលោក ចូ បៃដិន ទិញអាវុធពីឧស្សាហកម្មអាវុធអាមេរិក ជំនួសឱ្យការដកអាវុធចេញពីឃ្លាំងស្ដុក។ ការប្រកាសផ្ដល់ជំនួយបន្ថែមនេះទៀតសោត កើតមានឡើង បន្ទាប់ពីមានកិច្ចប្រជុំតាមប្រព័ន្ធ វីដេអូមួយនៃក្រុមចម្រុះ Ukraine Defense Contact […]

(បាងកក)៖ សភារបស់ថៃ នៅថ្ងៃពុធនេះបានបដិសេធមិនឱ្យមេដឹកនាំគណបក្ស Move Forward គឺលោក Pita Limjaroenrat ឈរឈ្មោះជាបេក្ខជននាយករដ្ឋមន្ត្រី នៅក្នុង ការបោះឆ្នោតជុំទី២នេះនោះទេ។ នេះបើតាមប្រធានរដ្ឋសភាថៃ ដកស្រង់ចេញផ្សាយដោយទីភ្នាក់ងារសារព័ត៌មាន AFP នៅថ្ងៃពុធ ទី១៩ ខែកក្កដា ឆ្នាំ២០២៣។ ប្រធានរដ្ឋសភាថៃ លោក Wan Muhamad Noor Matha បានគូសបញ្ជាក់ដូច្នេះថា «លោក Pita មិនអាចត្រូវបានតែងតាំង (ជាបេក្ខជននាយករដ្ឋមន្ត្រី) ជាលើកទី២ នៅក្នុងសម័យប្រជុំរួមនេះនោះឡើយ»។ គួរបញ្ជាក់ថា តុលាការធម្មនុញ្ញថៃ នៅថ្ងៃពុធនេះដែរ បានសម្រេចចិត្តព្យួរតំណែងសមាជិកសភាមេដឹកនាំគណបក្ស Move Forward គឺលោក Pita Limjaroenrat ជាបណ្តោះអាសន្នហើយ តបតាមអនុសាសន៍របស់គណៈកម្មការរៀបចំការបោះឆ្នោតនៃប្រទេសថៃ។ គណៈកម្មការរៀបចំការបោះឆ្នោតនៃប្រទេសថៃ កាលពីថ្ងៃទី១២ ខែកក្កដា បានផ្តល់អនុសាសន៍ទៅកាន់តុលាការធម្មនុញ្ញថៃ ឱ្យព្យួរសមាជិកភាពសភារបស់មេដឹកនាំ គណបក្ស Move Forward គឺលោក Pita Limjaroenrat ជាបណ្តោះអាសន្នសិន ជុំវិញការចោទប្រកាន់ថា […]

(បាងកក)៖ តុលាការធម្មនុញ្ញថៃ នៅថ្ងៃពុធ ទី១៩ ខែកក្កដានេះ បានសម្រេចចិត្តព្យួរតំណែងសមាជិកសភាមេដឹកនាំគណបក្ស Move Forward គឺលោក Pita Limjaroenrat ជាបណ្តោះអាសន្នហើយ តបតាមអនុសាសន៍របស់គណៈកម្មការរៀបចំការបោះឆ្នោតនៃប្រទេសថៃ។ ​នេះបើតាមការចេញផ្សាយដោយទីភ្នាក់ងារសារព័ត៌មាន AFP។ គណៈកម្មការរៀបចំការបោះឆ្នោតនៃប្រទេសថៃ កាលពីថ្ងៃទី១២ ខែកក្កដា បានផ្តល់អនុសាសន៍ទៅកាន់តុលាការធម្មនុញ្ញថៃ ឱ្យព្យួរសមាជិកភាពសភារបស់មេដឹកនាំគណបក្ស Move Forward គឺលោក Pita Limjaroenrat ជាបណ្តោះអាសន្នសិន ជុំវិញការចោទប្រកាន់ថា រូបលោកបានរំលោភលើច្បាប់បោះឆ្នោត ពាក់ព័ន្ធនឹងការកាន់កាប់ភាគហ៊ុន នៅក្នុង ក្រុមហ៊ុនប្រព័ន្ធផ្សព្វផ្សាយមួយដែលលែងដំណើរការជាយូរមកហើយ។ បន្ថែមពីលើនេះ តុលាការធម្មនុញ្ញថៃក៏យល់ព្រមបើកសវនាការលើសំណុំរឿងនេះផងដែរ ខណៈមានការ រំពឹងថាជាច្រើនថាលោក Pita អាចនឹងត្រូវបានគេដកហូតសមាជិកភាពសភារបស់លោក។ តែទោះជាបែបនេះក្ដី លោក Pita នៅតែអាចឈរឈ្មោះជាបេក្ខជននាយករដ្ឋមន្ត្រីបានដដែល។ ការសម្រេចចិត្តរបស់តុលាការធម្មនុញ្ញថៃ នៅថ្ងៃពុធនេះ ធ្វើឡើងចំថ្ងៃតែមួយដែល សម័យប្រជុំរួមរដ្ឋសភា និងព្រឹទ្ធសភា កំពុងប្រព្រឹត្តទៅដើម្បីបោះឆ្នោតសម្រេចចុងក្រោយថាតើលោក Pita អាចក្លាយជានាយករដ្ឋមន្ត្រីថ្មីរបស់ថៃ ឬក៏យ៉ាងណា៕ ផ្តល់សិទ្ធិដោយ៖ freshnews

(បរទេស)៖ រឿងរ៉ាវផ្ទុះការតវ៉ានៅហូលីវូដ ហាក់មិនទាន់ស្វែងរកដំណោះស្រាយបាននៅឡើយទេ ខណៈដែលនៅពេលនេះទាំងតារាសម្ដែង និងអ្នកនិពន្ធអាមេរិកជាច្រើន បាននាំគ្នាចេញមុខធ្វើកូដកម្ម នៅខាងក្រៅអគារ Netflix និងស្ទូឌីយោផលិតកុនផ្សេងៗទៀត នៅសហរដ្ឋអាមេរិក ដើម្បីទាមទារការដំឡើងប្រាក់ឈ្នួល និងអត្ថប្រយោជន៍ផ្សេងៗ សម្រាប់ពួកគេពីការចាក់ផ្សាយភាពយន្តតាមអនឡាញ។ នេះបើតាមការចេញផ្សាយ ដោយសារព័ត៌មាន Sky News នៅថ្ងៃទី១៨ ខែកក្កដា ឆ្នាំ២០២៣។ នេះជាលើកដំបូងក្នុងរយៈពេល ៦៣ឆ្នាំមកនេះ ដែលសហជីពតំណាងឲ្យតារាសម្តែង ដែលហៅថា SAG- និងសហជីពអ្នកនិពន្ធហៅថា WGA បានរួមគ្នា ធ្វើកូដកម្មដំណាលគ្នានៅតាមផ្លូវនៃទីក្រុង Los Angeles ដើម្បីទាមទារឡើងប្រាក់ឈ្នួល ព្រមទាំងអត្ថប្រយោជន៍នានានៅក្នុងសម័យថ្មីនេះ ក្នុងនោះបូករួមទាំងការធានាថា ការងាររបស់ពួកគេនឹងមិនត្រូវបានជំនួស និងកេងចំណេញដោយបច្ចេកវិទ្យាបញ្ញាសិប្បនិម្មិត AI នោះឡើយ។ តារាហូលីវូដជាច្រើនបាននិងកំពុង ចូលរួមជាមួយអ្នកនិពន្ធអត្ថបទភាពយន្ត និងទូរទស្សន៍ ក្នុងការធ្វើកូដកម្មឈប់ពីការងារ និងទាមទារឲ្យស្ទូឌីយោធំៗនៅសហរដ្ឋអាមេរិក បញ្ឈប់ការថតទាំងអស់នៅពេលនេះ ខណៈដែលការចរចាតម្លើងប្រាក់ឈ្នួលរបស់ពួកគេ មិនទាន់ទទួលបានជោគជ័យ។ គួរបញ្ជាក់ថា កូដកម្មរបស់សហជីពអ្នកសម្ដែង និងអ្នកនិពន្ធ ដែលជាកិច្ចខិតខំប្រឹងប្រែងរួមគ្នាលើកដំបូង ក្នុងរយៈពេលជាង ៦០ឆ្នាំនេះ នឹងបន្ថែមការខូចខាតសេដ្ឋកិច្ច ពីការផ្អាកការងាររបស់អ្នកនិពន្ធដែលបានចាប់ផ្តើមតាំងពីថ្ងៃទី០២ ខែឧសភា […]

(បរទេស)៖ អាជ្ញាធររុស្ស៊ីចាប់ផ្តើមហាមឃាត់មន្រី្តដែលមម្រើការក្នុងជួររដ្ឋាភិបាលទាំងអស់របស់ខ្លួនមិនឱ្យប្រើប្រាស់ឧបករណ៍របស់ Apple ទៀតនោះទេរាប់ចាប់ពី iPhone និងឧបករណ៍មួយចំនួនទៀត។ នេះបើយយោងតាមការចេញផ្សាយរបស់សារព័ត៌មាន Engadget នៅថ្ងៃទី១៨ ខែកក្កដា ឆ្នាំ២០២៣។ គិតត្រឹមថ្ងៃចន្ទសប្តាហ៍នេះក្រសួងពាណិជ្ជកម្មរបស់រុស្ស៊ីបានចាប់ផ្តើមហាមឃាត់លើបុគ្គលិកបម្រើការរបស់ខ្លួនពីការប្រាស់ iPhone ទាំងអស់។ មិនត្រឹមតែប៉ុណ្ណោះនៅមានទីភ្នាក់ងារផ្សេងទៀត រួមទាំងក្រសួងទូរគមនាគមន៍ និងក្រសួងពាក់ព័ន្ធរបស់រុស្ស៊ីត្រៀមចាប់ផ្តើមអនុវត្តការហាមឃាត់ឆាប់ៗខាងមុខនេះ។ ប្រភពពីកាសែត The Financial Time បានឱ្យដឹងថា ការហាមឃាត់នេះនឹងគ្របដណ្តប់លើផលិតផលទាំងអស់របស់ Apple។ តែយ៉ាងណាក្នុងករណីលើកលែងខ្លះបុគ្គលិកជួររដ្ឋាភិបាលនៅតែអាចប្រើប្រាស់ iPhone បាន តែហាមដាច់ខាតមិនឱ្យមានពាក់ព័ន្ធនឹងការងារដ្ឋាភិបាលនោះទេ។ ខណៈការហាមឃាត់នេះកើតឡើងបន្ទាប់ពីសេវាសន្តិសុខសហព័ន្ធ (FSB) របស់រុស្ស៊ីបានអះអាងនៅដើមខែមិថុនាថាកន្លងទៅ ខ្លួនបានរកឃើញថាមាន «ប្រតិបត្តិការចារកម្មដោយទីភ្នាក់ងារស៊ើបការណ៍សម្ងាត់អាមេរិក» ពាក់ព័ន្ធនឹងឧបករណ៍ Apple ។ FSB បានបន្តទៀតថា គេបានរកឃើញមាន iPhone រាប់ពាន់គ្រឿង រួមទាំងឧបករណ៍ដែលប្រើប្រាស់ដោយមន្រ្តីកាទូតរបស់ប្រទេសរុស្ស៊ី ជាមួយនឹងបណ្តាប្រទេសដែលមានសម្ព័ន្ធអង្គការណាតូត្រូវបានលួចចូល ប៉ុន្តែត្រូវគេរកឃើញតាមរយៈកម្មវិធីត្រួតពិនិត្យយ៉ាងល្អិតល្អន់របស់រុស្ស៊ី។ គួរជម្រាបដែរថា ចាប់តាំងពីការលុកលុយរបស់ប្រទេសរុស្ស៊ីលើអ៊ុយក្រែនកាលពីខែកុម្ភៈកន្លងទៅ Apple បានកាត់ផ្តាច់ការចូលប្រើប្រាស់ Apple Pay រួមទាំងបញ្ឈប់ការលក់ផលិតផលទាំងអស់នៅក្នុងប្រទេសរុស្ស៊ី។ នៅពេលនោះ Apple បានបញ្ជាក់យ៉ាងច្បាស់ថា ការសម្រេចចិត្តនេះគឺដើម្បីឆ្លើយតបទៅនឹងការលុកលុយដោយកកត់សម្គាល់ថា […]

(ប៉េកាំង)៖ អាជ្ញាធរឧតុនិយមចិនបានព្យាករថាព្យុះត្រូពិកមួយឈ្មោះ ថាលីម (Talim) នឹងបក់បោកទៅដល់តំបន់ដីគោកដោយប្រែទៅជាព្យុះទីហ្វុងមួយ នៅភាគខាងត្បូងនៃ ប្រទេសចិន នៅយប់ថ្ងៃចន្ទសប្ដាហ៍នេះ ខណៈអាជ្ញាធចិនបានលុបចោលជើងហោះហើរជាច្រើន ព្រមទាំងហៅទូក ឬកប៉ាល់ឡើងមកច្រាំងវិញ និងព្រមានប្រជាជនក្នុងតំបន់ឱ្យ ស្នាក់នៅក្នុងផ្ទះ។ នេះបើតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃចន្ទ ទី១៧ ខែកក្កដា ឆ្នាំ២០២៣។ រដ្ឋបាលឧតុនិយមចិន ក៏បានប្រកាសអាសន្នកម្រិតពណ៌ទឹកក្រូចសម្រាប់ព្យុះ Talim ផងដែរនៅថ្ងៃចន្ទនេះជាមួយការបញ្ជាក់ថាព្យុះនេះត្រូវបានគេរំពឹងថានឹងបង្កើនឥទ្ធិពលក្លាយ ទៅជាព្យុះទីហ្វុងដ៏ខ្លាំងមួយ នៅពេលដែលវាបក់បោកទៅដល់តំបន់ដីគោកស្ថិតនៅតាមបណ្ដោយឆ្នេរភាគខាងត្បូង ចាប់ពីខេត្តក្វាងទុង (Guangdong) ដល់ខេត្តហៃណាន់ (Hainan)។ គួរបញ្ជាក់ថា ចិនមានកម្រិតប្រកាសអាសន្នពីអាកាសធាតុចំនួន ៤ពណ៌ ហើយក្នុងនោះពណ៌ទឹកក្រូច ជាការប្រកាសអាសន្នធ្ងន់ធ្ងរកម្រិតលេខ២។ ព្យុះ Talim នឹងក្លាយជា ព្យុះទីហ្វុងទី៤ នៅក្នុងឆ្នាំនេះ ប៉ុន្តែវានឹងក្លាយជាព្យុះទីហ្វុងលើកដំបូងដែលបក់បោកដល់តំបន់ដីគោកក្នុងប្រទេសចិន។ បើតាមរដ្ឋបាលឧតុនិយមចិន គិតត្រឹមព្រឹកថ្ងៃចន្ទនេះ ព្យុះ Talim កំពុងស្ថិតនៅចម្ងាយ ៣៧៥គីឡូម៉ែត្រពីភាគអាគ្នេយ៍នៃទីក្រុងសានជាំង (Zhanjiang) នៃខេត្តក្វាងទុង ហើយកំពុងបក់បោកក្នុងល្បឿន ២០គីឡូម៉ែត្រក្នុងមួយម៉ោង៕ ផ្តល់សិទ្ធិដោយ៖ freshnews

(កូរ៉េ)៖ BLACKPINK ដែលជាក្រុមចម្រៀងនារីល្បីនោះ ទទួលបានចំនួនអ្នក Subscribe រហូតដល់ជាង ៩០លាននាក់នៅលើ YouTube ដោយបានពង្រឹងជំហររបស់ក្រុមនេះ ឲ្យកាន់តែមានមុខមាត់បន្ថែមក្នុងវិស័យតន្ត្រី។ ការទទួលបានបែបនេះ គឺធ្វើឲ្យ BLACKPINK ក្លាយជាតារាចម្រៀងដំបូងគេបង្អស់លើពិភពលោកហើយ ដែលទទួលបានអ្នកចុច Subscribe ច្រើនបែបនេះ​។ នេះបើតាមការចេញផ្សាយ ដោយសារព័ត៌មាន Korea Times នៅថ្ងៃទី១៧ ខែកក្កដា ឆ្នាំ២០២៣។ យោងតាមផលិតកម្ម YG បានឲ្យដឹងថា BLACKPINK បានឈាន Subscribe រហូតដល់ទៅ ៩០លាននាក់លើ YouTube នៅម៉ោង ៥៖៣៦នាទីព្រឹកថ្ងៃចន្ទនេះ ពោលគឺខ្ទង់៧ឆ្នាំ និងមួយខែ បន្ទាប់ពី Channel YouTube ផ្លូវការរបស់ពួកគេ បានបង្កើតឡើង។ កាលពីខែកក្កដា ឆ្នាំ២០២០ ក្រុមចម្រៀងនេះបានក្លាយជាសិល្បការិនីដំបូង ដែលមិនមានស្នាដៃជាភាសាអង់គ្លេស ហើយទទួលបានចំនួនអ្នកតាមដានច្រើនបំផុតទី៥ លើ YouTube។ ក្រុម BLACKPINK បានប្រមូលការចូលទស្សនាសរុប ចំនួន ៣២.២ពាន់លានដង នៃវីដេអូរបស់ពួកគេនៅលើ […]