(ឧត្តរមានជ័យ)៖ សេចក្ដីរាយការណ៍ពីតំបន់ព្រំដែន បានឲ្យដឹងថា នៅវេលាថ្ងៃត្រង់ថ្ងៃទី២៧ ខែកក្កដា ឆ្នាំ២០២៥ យោធាឈ្លានពានសៀម បានបន្តវាយប្រហារកម្ពុជាទាំងកម្រោង និងទទឹងទិស ដោយបាញ់ផ្លោង និងទម្លាក់ គ្រាប់បែកចូលមូលដ្ឋានជនស៉ីវិលរបស់កម្ពុជានៅសង្កាត់សំរោង ក្រុងសំរោង បណ្ដាលឲ្យឆេះផ្ទះប្រជាពលរដ្ឋអស់ជាច្រើន។ មួយផ្នែកទៀត បានបណ្ដាលឲ្យខូចខាតផ្ទះប្រជាពលរដ្ឋនៅឃុំគូរ ស្រុកបន្ទាយអំពិល។ បើតាមសេចក្ដីរាយការណ៍ដដែល, ក្នុងភូមិសាស្ដ្រខេត្តឧត្តរមានជ័យ នៅថ្ងៃនេះមានការប្រយុទ្ធគ្នាយ៉ាងខ្លាំង ហើយកងទ័ពកម្ពុជាបានវ៉ៃបណ្ដេញសត្រូវឈ្លានពាន និងបន្តឈរជើងគ្រប់គ្រងក្នុងសមរភូមិរបស់ខ្លួនយ៉ាងរឹងមាំ។ ដោយឡែក នៅតំបន់ថ្មដូន បានប្រែមកស្ងប់ស្ងាត់ការប្រយុទ្ធគ្នា បន្ទាប់ពីកងទ័ពកម្ពុជាបាញ់ផ្លោងកម្ទេចរថក្រោះរបស់កងទ័ពសៀមអស់ជាច្រើនគ្រឿង ដើម្បីបន្ដយកប្រៀបលើសមរភូមិ មិនឲ្យឈរជើងបានឡើយ។ បើទោះបីមានការដាក់សម្ពាធ ការបន្ថែមកម្លាំងរបស់យោធាសៀមយ៉ាងណាក្ដី ប៉ុន្ដែកងកម្លាំងប្រដាប់អាវុធរបស់កម្ពុជា មិនរួញរានឹងការគម្រាមកំហែងនេះឡើយ ពោលនៅតែការពារយ៉ាងរឹងមាំដែនអធិបតេយ្យកម្ពុជា មិនឲ្យបាត់បង់សូម្បីមួយមីល្លីម៉ែត្រនោះទេ។ រាជរដ្ឋាភិបាលកម្ពុជា កងទ័ព និងប្រជាជនកម្ពុជា រួមគ្នាជាធ្លង់មួយ៕ ផ្ដល់សិទ្ធិដោយ៖ Freshnews

(ភ្នំពេញ)៖ សម្តេចតេជោ ហ៊ុន សែន ប្រធានព្រឹទ្ធសភាកម្ពុជា បានលើកឡើងថា រដ្ឋាភិបាលកម្ពុជា នឹងរៀបចំពិធីបុណ្យសពយុទ្ធជនពលី ឱ្យបានសមរម្យជាវីរជន។ រាជរដ្ឋាភិបាល ក្រសួងការពារជាតិ បណ្ដាអង្គភាពកងទ័ព ថ្នាក់ដឹកនាំជាតិ និងក្រោមជាតិ សហការគ្នារៀបចំពិធីបុណ្យសពយុទ្ធជនពលី និងដោះស្រាយគោលនយោបាយ ឱ្យបានសមរម្យជាវីរៈជនរបស់ជាតិខ្មែរយើង៕ ផ្ដល់សិទ្ធិដោយ៖ Freshnews

(ភ្នំពេញ)៖ សម្តេចនាយករដ្ឋមន្រ្តី ហ៊ុន ម៉ាណែត នៅថ្ងៃទី២៧ ខែកក្កដា ឆ្នាំ២០២៥ បានបញ្ជាឲ្យក្រសួង អាជ្ញាធរខេត្ត កងកម្លាំង ពាក់ព័ន្ធទាំងអស់ យកចិត្តទុកដាក់រៀបចំដឹកជញ្ជូនបងប្អូនពលករខ្មែរ និងយកចិត្តទុកដាក់ជនភៀសសឹក ដោយសារការប្រយុទ្ធគ្នារវាងកងទ័ពកម្ពុជា និងថៃ។ សម្តេចធិបតី ហ៊ុន ម៉ាណែត បានរៀបរាប់ជាមួយខ្លឹមសារទាំងស្រុងនៅលើបណ្តាញសង្គម៖ ចំពោះការវិលត្រឡប់ក្នុងទ្រង់ទ្រាយធំរបស់បងប្អូនពលករខ្មែរយើងពីប្រទេសថៃ និងជនភៀសសឹកដោយសារការប្រយុទ្ធគ្នារវាងកងទ័ពកម្ពុជា និងកងទ័ពថៃ រាជរដ្ឋាភិបាលបានចាត់វិធានការចាំបាច់ជាបន្តបន្ទាប់ ចាប់តាំងពីថ្ងៃផ្ទុះអាវុធទី២៤ កក្កដា ២០២៥ ដើម្បីសម្របសម្រួល៖ ក្រសួង-ស្ថាប័នពាក់ព័ន្ធ កងកម្លាំងប្រដាប់អាវុធគ្រប់ប្រភេទ និងរដ្ឋបាលខេត្តជាប់ព្រំដែនថៃទាំង៧ បានសម្របសម្រួលការឆ្លងកាត់ព្រំដែន និងសុំចតបណ្ដោះអាសន្នរបស់បងប្អូននៅតំបន់ព្រំដែនតាមការចាំបាច់។ ក្រសួងការពារជាតិ កងទ័ពជើងគោក សាលារាជធានីភ្នំពេញ សហការជាមួយបណ្ដាខេត្តជាប់ព្រំដែនកម្ពុជា-ថៃ បានរៀបរថយន្តដើម្បីដឹកជញ្ជូនបងប្អូនពីព្រំដែន ត្រឡប់ទៅស្រុកកំណើត។ រដ្ឋបាលរាជធានី-ខេត្ត ក្រុមការងារថ្នាក់ជាតិចុះជួយបណ្ដាលរាជធានី-ខេត្ត សហការដើម្បីជួយសម្របសម្រួលក្នុងការទទួលបងប្អូនប្រជាពលរដ្ឋ ដែលវិលត្រឡប់មកពីប្រទេសថៃនៅតាមភូមិសាស្ត្រទទួលខុសត្រូវរបស់ខ្លួន។ ដោយឡែកចំពោះប្រជាពលរដ្ឋជាជនភៀសសឹក ដែលត្រូវជន្លាសចេញពីតំបន់ប្រយុទ្ធគ្នា គណៈកម្មការជាតិគ្រប់គ្រងគ្រោះមហន្តរាយ បានសហការជាមួយក្រសួងស្ថាប័នពាក់ព័ន្ធ រដ្ឋបាលខេត្តពាក់ព័ន្ធ រៀបចំទួលសុវត្ថិភាព ក៏ដូចជាដោះស្រាយស្នាក់នៅ ហូបចុក និងសុខាភិបាលជូនបងប្អូន។ ក្រសួងសេដ្ឋកិច្ចហិរញ្ញវត្ថុ ក្រសួងសុខាភិបាលសហការដោះស្រាយតាមដំណើរការជាក់ស្ដែងធ្វើយ៉ាងណា យកចិត្តទុកដាក់លើជីវភាពរស់នៅនិងសុខសប្បាលភាពរបស់បងប្អូនដំណាក់កាលលំបាកនេះ។ ជាមួយគ្នាដែលខ្ញុំសូមចូលរួមរំលែកទុក្ខចំពោះវីរៈកងទ័ពកម្ពុជាដែលបានពលី និងប្រជាជនស៊ីវិលដែលបានស្លាប់ដោយសារការប្រយុទ្ធគ្នានេះ។ […]

(ភ្នំពេញ)៖ អង្គការអ្នកប្រជាធិបតេយ្យនិយមកណ្តាលអន្តរជាតិ (Centrist Democrat International-IDC-CDI) បានកំពុងតាមដានយ៉ាងយកចិត្តទុកដាក់នូវការប៉ះទង្គិចដោយប្រដាប់អាវុធដ៏គ្រោះថ្នាក់នាពេលថ្មីៗនេះ នៅតាមបណ្តោយព្រំដែនកម្ពុជា-ថៃ។ អង្គការនេះ បានសម្តែងនូវការព្រួយបារម្ភជាខ្លាំងចំពោះជម្លោះ ប្រដាប់អាវុធដែលកំពុងតែបន្តកើតមានឡើងឥតឈប់ឈរ ជាពិសេសចំពោះមហន្តរាយមនុស្សធម៌ដ៏ ធំធេង នៅតាមតំបន់ព្រំដែននៃភាគីទាំងពីរ និងជំរុញឱ្យភាគីទាំងពីរអត់ធ្មត់ដើម្បីបញ្ចៀសការឡើង កម្ដៅនៃការប៉ះទង្គិចគ្នាដោយប្រដាប់អាវុធ ស្របពេលដោះស្រាយជម្លោះតាមរយៈកិច្ចសន្ទនា និងការទូត។ ក្នុងស្មារតីនេះ អង្គការ IDC-CDI សូមអំពាវនាវឱ្យភាគីទាំងពីរដូចតទៅ៖ ១- បញ្ឈប់ការប្រយុទ្ធគ្នា បន្តកាត់បន្ថយភាពតានតឹង និងចរចាដោយភាពស្មោះត្រង់ ដើម្បីបញ្ចៀស ការរីករាលដាលនៃជម្លោះនៅក្នុងតំបន់ ដែលអាចប៉ះពាល់ដល់សន្តិភាព ស្ថិរភាព និងការអភិវឌ្ឍ នៃប្រទេសទាំងពីរ និងតំបន់ទាំងមូល។ ២- ទប់ស្កាត់ការប្រើប្រាស់កងកម្លាំងយោធា ការវាយប្រហារ ឬសកម្មភាពនានា ដែលអាចបង្កគ្រោះថ្នាក់ ឬការបំផ្លិចបំផ្លាញដល់តំបន់បេតិកភណ្ឌពិភពលោក និងតំបន់វប្បធម៌ជាទីសក្ការៈផ្សេងទៀត ដែល បំពានលើយន្តការអន្តរជាតិក្នុងការការពារបេតិកភណ្ឌវប្បធម៌។ ៣- លើកកម្ពស់តម្លៃនៃសន្តិភាព និងការដោះស្រាយវិវាទដោយសន្តិវិធី តាមរយៈកិច្ចសន្ទនា និងការចរចា ដោយភាពស្មោះត្រង់ ផ្អែកលើច្បាប់អន្តរជាតិ ដើម្បីជាប្រយោជន៍រួមរបស់មនុស្សជាតិ និង ៤- ប្រកាន់ខ្ជាប់នូវយុត្តិធម៌អន្តរជាតិ និងដោះស្រាយជម្លោះដោយគោរពច្បាប់អន្តរជាតិ ដែលមាន អង្គការសហប្រជាជាតិជាស្នូល ហើយប្តេជ្ញាចិត្តប្រកាន់ខ្ជាប់នូវគោលការណ៍សន្តិភាពក្នុងក្របខណ្ឌ អាស៊ាន និងតំបន់ពាក់ព័ន្ធផ្សេងៗទៀត រួមទាំងការគោរពគ្នាទៅវិញទៅមកចំពោះបូរណភាពទឹកដី និងអធិបតេយ្យភាព […]

(ភ្នំពេញ)៖ ក្រសួងអប់រំ យុវជន និងកីឡា បានបញ្ជាក់ឱ្យដឹងថា គិតត្រឹមព្រឹកថ្ងៃទី២៧ ខែកក្កដា ឆ្នាំ២០២៥នេះ សាលារៀនចំនួន៦០០ ត្រូវបានទិតទ្វារ ក្នុងខេត្តជាប់ព្រំដែនចំនួន៥ ដែលប៉ះពាល់ដល់សិស្សានុសិស្សចំនួន ១៥ម៉ឺននាក់ និងគ្រូបង្រៀនជាង ៦០០០នាក់ មិនអាចទទួលបានការសិក្សា ដោយសារតែការឈ្លានពានរបស់ថៃ។ បើតាមការបញ្ជាក់របស់ លោកស្រីឧត្តមសេនីយ៍ឯក ម៉ាលី សុជាតា អ្នកនាំពាក្យការពារជាតិ រយៈពេល៤ថ្ងៃ នៃការវាយប្រហារឈ្លានពានរបស់ថៃ ធ្វើឱ្យពលរដ្ឋកម្ពុជា ២.៥ម៉ឺនគ្រួសារ ត្រូវបានជម្លៀសចេញពីលំនៅដ្ឋាន។ លោកស្រីបានមានប្រសាសន៍ថា សកម្មភាពរបស់ភាគីថៃ ទាំងគឃ្លើន និងទាំងកម្រោល ធ្វើឱ្យប៉ះពាល់យ៉ាងធ្ងន់ធ្ងរដល់ជនស៊ីវិល សាលារៀន ដល់ហេដ្ឋារចនាសម្ព័ន្ធផ្សេងៗទៀតផងដែរ៕ ផ្ដល់សិទ្ធិដោយ៖ Freshnews

(ភ្នំពេញ)៖ លោកស្រីឧត្តមសេនីយ៍ឯក ម៉ាលី សុជាតា អ្នកនាំពាក្យការពារជាតិ នៅព្រឹកថ្ងៃទី២៧ ខែកក្កដា ឆ្នាំ២០២៥ បានគូសបញ្ជាក់ថា៤ថ្ងៃ នៃការវាយប្រហារឈ្លានពានរបស់ថៃ ធ្វើឱ្យពលរដ្ឋកម្ពុជា ២,៥ម៉ឺនគ្រួសារ ត្រូវបានជម្លៀសចេញពីលំនៅដ្ឋាន និងកុមារ១៣ម៉ឺននាក់ មិនអាចសិក្សាបាន។ លោកស្រី បានមានប្រសាសន៍ថា សកម្មភាពរបស់ភាគីថៃ ទាំងគឃ្លើន និងទាំងកម្រោល ធ្វើឱ្យប៉ះពាល់យ៉ាងធ្ងន់ធ្ងរដល់ជនស៊ីវិល សាលារៀន ដល់ហេដ្ឋារចនាសម្ព័ន្ធផ្សេងៗទៀតផងដែរ។ «រយៈពេល៤ថ្ងៃ នៃការឈ្លានពានរបស់ភាគីថៃមកលើកម្ពុជា យើងឃើញថា ស្ថានភាពជនភៀសសឹក បានធ្វើការផ្លាស់ប្តូរទីលំនៅ និងរងរបួស មានការកើនឡើង ក្នុងនោះចំពោះតួលេខជនភៀសសឹកទាំង៣ខេត្ត គឺខេត្តព្រះវិហារ ឧត្តរមានជ័យ និងខេត្តពោធិ៍សាត់ ​កើនឡើងរហូតដល់ ២៥ពាន់គ្រួសារ និងចំនួន ៨ម៉ឺននាក់»។ នេះបើតាមការគូសបញ្ជាក់របស់អ្នកនាំពាក្យក្រសួងការពារជាតិ។ លោកស្រីឧត្តមសេនីយ៍ឯក បានបន្តថា គិតត្រឹមត្រឹមម៉ោង១២ម្សិលមិញនេះ គឺសាលារៀនចំនួន ៥៣៦កន្លែង ក្នុងចំណោម១៤ស្រុក នៃខេត្តទាំង៥ ដែលរងផលប៉ះពាល់ គឺមានសិស្សចំនួន ១៣ម៉ឺននាក់ ដែលរងផលប៉ះពាល់នៃការគំរាមកំហែង ការវាយប្រហារ ទន្ទ្រានឈ្លានពានរបស់ភាគីថៃ ដែលធ្វើឱ្យសិស្ស១៣ម៉ឺននាក់ មិនអាចទទួលបានការសិក្សាដូចស្ថានភាពដើម៕ ផ្ដល់សិទ្ធិដោយ៖ Fresh […]

(ភ្នំពេញ)៖ បើទោះបីជាថៃឯកភាពឲ្យមាន «បទឈប់បាញ់» តាមគំនិតផ្ដួចផ្ដើម របស់ប្រធានាធិបតីអាមេរិក លោក ដូណាល់ ត្រាំ យ៉ាងណាក្ដី ប៉ុន្តែទាហានថៃនៅតែបន្តបាញ់ប្រហារមកលើដែនអធិបតេយ្យភាពរបស់កម្ពុជា ដោយគ្មានញញើតដៃ នៅព្រឹកថ្ងៃទី២៧ ខែកក្កដា ឆ្នាំ២០២៥នេះ។ អ្នកនាំពាក្យក្រសួងការពារជាតិ ឧត្តមសេនីយ៍ឯក ម៉ាលី សុជាតា តាមរយៈសន្និសីទសារព័ត៌មានបង្ហាញបច្ចុប្បន្នភាព នាព្រឹកថ្ងៃទី២៧ ខែកក្កដា ឆ្នាំ២០២៥នេះ បានបញ្ជាក់ថា មកទល់ម៉ោងនេះគឺជាថ្ងៃទី៤ ដែលទាហានថៃ នៅតែបន្តឈ្លានពានដីកម្ពុជាទាំងកម្រោល បង្កើនការទម្លាក់គ្រាប់បែក ជាពិសេសគ្រាប់ចង្កោម ដោយគ្មានញញើតនៃច្បាប់អន្តរជាតិ។ លោកស្រីបានបញ្ជាក់យ៉ាងដូច្នេះថា «ទាហានថៃនៅតែបន្តឈ្លានពានមកលើទឹកដីកម្ពុជា យ៉ាងកំរោល និងគ្មានញញើតនៃច្បាប់អន្តរជាតិ​ ទង្វើយ៉ាងគគ្លើននេះបានពង្រីកដល់ដែនដែនអធិបតេយ្យភាពកម្ពុជា គិតចាប់ពីថ្ងៃទី២៤ ខែកក្កដា ឆ្នាំ២០២៥ មកទល់ពេលនេះ គឺជាថ្ងៃទី៤ហើយ»។ បើតាមអ្នកនាំពាក្យក្រសួងការពារជាតិ, តំបន់នៃការរំលោភបំពានបានកើនដោយសារជម្លោះព្រំដែន​ ការគម្រាមកំហែង ការដាក់សម្ពាធ និងការការចល័តនូវសព្វាវុធផងដែរ។ ចំនួននៃការរំលោភបំពាន ពីសំណាក់ភាគីថៃទាំងទទឹងទិស និងមិនរើសទីតាំង មិនរើសគោលដៅ បានបង្កវិនាសកម្មជាច្រើនជារៀងរាល់ថ្ងៃ ដោយបំផ្លិចបំផ្លាញ នូវហេដ្ឋារចនាសម្ព័ន្ធដល់ជនស៊ីវិល ក្នុងនោះរួមទាំង វត្តអារាម មណ្ឌលសុខភាព ស្ថានីយ៍ប្រេងឥន្ធនៈ ផ្សារ […]

(ភ្នំពេញ)៖ លោក ជុំ សុន្ទរី អ្នកនាំពាក្យក្រសួងការបរទេស និងសហប្រតិបត្តិការអន្តរជាតិ​ នៅថ្ងៃទី២៧ ខែកក្កដា ឆ្នាំ២០២៥នេះ ​បានគូសបញ្ជាក់ថា កម្ពុជាស្វាគមន៍ចំពោះការអំពាវនាវរបស់ ក្រុមប្រឹក្សាសន្តិសុខអង្គការសហជាតិ ដែលជំរុញឱ្យមានកិច្ចចរចា បញ្ចប់ជម្លោះ។ ការគូសបញ្ជាក់បែបនេះ ធ្វើឡើងក្នុងសន្និសីទសារព័ត៌មាន បង្ហាញបច្ចុប្បន្នភាព ថ្ងៃទី៤ នៃការបង្កសង្គ្រាមរបស់យោធាថៃឈ្លានពានដែនអធិបតេយ្យកម្ពុជា នាព្រឹកថ្ងៃទី២៧ ខែកក្កដា ឆ្នាំ២០២៥ ដែលរៀបចំដោយអ្នកនាំពាក្យរាជរដ្ឋាភិបាលកម្ពុជា។ លោក ជុំ សុន្ទរី បានបញ្ជាក់យ៉ាងដូច្នេះថា «កម្ពុជាស្វាគមន៍ការអំពាវនាវរបស់ ក្រុមប្រឹក្សាសន្តិសុខអង្គការសហជាតិ ឲ្យមានដំណោះស្រាយដោយសន្ដិវិធី ហើយយើងជំរុញឲ្យប្រទេសថៃ ត្រឡប់ទៅវេទិកាការទូតវិញ ជាជាងថៃធ្វើការចោទប្រកាន់ ដោយគ្មានមូលដ្ឋាននានាប្រឆាំង ជាមួយនឹងកម្ពុជា»។ បន្ថែមពីនោះទៀត លោក ជុំ សុន្ទរី បានលើកឡើងថា កម្ពុជាបន្តប្តេជ្ញាចិត្ត ក្នុងការររកដំណោះស្រាយប្រកបដោយសន្តិវិធី និងច្បាប់អន្តរជាតិ ហើយកម្ពុជាប្តេជ្ញាការពារទឹកដីរបស់ខ្លួន។ លោក ជុំ សុន្ទរី បានបញ្ជាក់ដឹងថា អគ្គលេខាធិការ អង្គការសហប្រជាជាតិ បានអំពាវនាវឱ្យមានកិច្ចឈប់បាញ់រវាងកម្ពុជា-ថៃ និងដោះស្រាយគ្នាដោយសន្តិវិធី៕ ផ្ដល់សិទ្ធិដោយ៖ Fresh News

(ភ្នំពេញ)៖ លោក ជុំ សុន្ទរី អ្នកនាំពាក្យក្រសួងការបរទេស និងសហប្រតិបត្តិការអន្តរជាតិកម្ពុជា បានបញ្ជាក់ថា កម្ពុជាប្រកាសបដិសេធយ៉ាងដាច់អហង្ការ ចំពោះការចោទប្រកាន់ដោយគ្មានមូលដ្ឋានរបស់ក្រសួងការបរទេសថៃ ដែលថា កម្ពុជាបានវាយប្រហារទៅលើជនស៊ីវិល និងមន្ទីរពេទ្យរបស់ខ្លួន និងបានរំលោភលើច្បាប់មនុស្សធម៌អន្តរជាតិ ដោយអ្នកនាំពាក្យក្រសួងការបរទេសកម្ពុជា បានអះអាងថា ការចោទប្រកាន់នេះជាការបំភ្លៃការពិតដោយចេតនារបស់ភាគីថៃតែប៉ុណ្ណោះ។ លោក ជុំ សុន្ទរី បានថ្លែងដូចនេះ នាព្រឹកថ្ងៃទី២៧ ខែកក្កដា ឆ្នាំ២០២៥ ក្នុងសន្និសីទសារព័ត៌មានបង្ហាញបច្ចុប្បន្នភាព ថ្ងៃទី៤ នៃការបង្កសង្គ្រាមរបស់យោធាថៃឈ្លានពានដែនអធិបតេយ្យកម្ពុជា។ លោក ជុំ សុន្ទរី បានថ្លែងដូចនេះថា «ពាក់ព័ន្ធនឹងការផ្សាយរបស់ប្រព័ន្ធឃោសនារបស់ថៃ ដែលបានផ្សាយកាលពីថ្ងៃទី២៦ ខែកក្កដា ម្សិលមិញនេះ ដែលបានលើកឡើងថា ក្រសួងការបរទេសថៃ បានប្រកាសថា ថៃកំពុងតែត្រៀមរៀបចំដើម្បីធ្វើការប្ដឹងតវ៉ាទៅ គណៈកម្មាធិការអន្តរជាតិនៃកាកបាទក្រហម ហើយប្ដឹងទៅតុលាការឧក្រិដ្ឋកម្មអន្តរជាតិ អាយ.ស៊ី.ស៊ី ចោទប្រកាន់កម្ពុជាថា បានរំលោភច្បាប់មនុស្សធម៌អន្តរជាតិ ជាពិសេសគឺចោទដោយគ្មានមូលដ្ឋានសំអាងថា កម្ពុជាបានវាយប្រហារទៅលើជនស៊ីវិល និងមន្ទីរពេទ្យ ពាក់ព័ន្ធនឹងការចោទប្រកាន់នេះ ខ្ញុំសូមប្រកាសបដិសេធយ៉ាងដាច់អហង្ការ ចំពោះការចោទប្រកាន់គ្មានមូលដ្ឋានរបស់ក្រសួងការបរទេសថៃ»។ លោក ជុំ សុន្ទរី បានបន្ថែមថា ការអះអាងរបស់ប្រទេសថៃ ដែលថា កងកម្លាំងកម្ពុជាបើកការវាយប្រហារដោយមិនរើសមុខលើជនស៊ីវិល និងទីតាំងសាធារណៈ […]

(UN)៖ អគ្គលេខាធិការអង្គការសហប្រជាជាតិ (UN) លោក António Guterres បានបង្ហាញការព្រួយបារម្ភយ៉ាងខ្លាំងអំពីជម្លោះប្រដាប់អាវុធ នៅតំបន់ព្រំដែនរវាង កម្ពុជា និងថៃ ជាមួយការអំពាវនាវឱ្យមានបទឈប់បាញ់ជាបន្ទាន់។ នេះបើតាមការទំព័រ Facebook របស់ UN។ លោក António Guterres បានគូសបញ្ជាក់ថា «ខ្ញុំសូមជំរុញឱ្យភាគីទាំងសងខាងយល់ព្រមទទួលយកបទឈប់បាញ់ជាបន្ទាន់ និងដោះស្រាយរាល់បញ្ហាតាមរយៈ កិច្ចសន្ទនា។ លោកបន្ថែមថា «ខ្ញុំនៅរង់ចាំជួយជានិច្ចដល់កិច្ចប្រឹងប្រែងឆ្ពោះទៅរកដំណោះស្រាយ ដោយសន្តិវិធីដើម្បីបិទបញ្ចប់ជម្លោះ»៕ ផ្ដល់សិទ្ធិដោយ៖ Fresh News