(ភ្នំពេញ)៖ លោកបណ្ឌិត គិន ភា ប្រធានវិទ្យាស្ថានទំនាក់ទំនងអន្តរជាតិនៃកម្ពុជា នៃរាជបណ្ឌិត្យសភាកម្ពុជា បានថ្លែងថា ក្នុងនាមជាតំបន់កំពុងអភិវឌ្ឍដ៏ខ្លាំងក្លាបំផុតមួយរបស់ពិភពលោក អាស៊ីអាគ្នេយ៍គឺជាកន្លែងនៃការប្រកួតប្រជែងយុទ្ធសាស្ត្រដ៏ខ្លាំងក្លាក្នុងចំណោមមហាអំណាចធំៗ ដែលជាតួអង្គសំខាន់នៅក្នុងសេដ្ឋកិច្ចពិភពលោក។ ការថ្លែងបែបនេះរបស់លោកបណ្ឌិត បានធ្វើឡើងក្នុងពិធីចុះអនុស្សរណៈយោគយល់គ្នារវាងវិទ្យាស្ថានទំនាក់ទំនងអន្តរជាតិនៃកម្ពុជា នៃរាជបណ្ឌិត្យសភាកម្ពុជា និងវិទ្យាស្ថានសម្រាប់ចីរភាពនៃសាកលវិទ្យាល័យកូរ៉េ នៅសាលទន្លេសាប អគារខេមរវិទូ នៃរាជបណ្ឌិត្យសភាកម្ពុជា នៅថ្ងៃទី០៥ ខែកក្កដា ឆ្នាំ២០២៤ ក្រោមអធិបតីភាពលោកបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា។ ពិធីនេះមានការចូលរួមផងដែរពីលោកបណ្ឌិត Jae Hyeok Shin នាយកវិទ្យាស្ថានសម្រាប់ចីរភាពនៃសាកលវិទ្យាល័យកូរ៉េ, លោកបណ្ឌិត Sung Kyu Kim នាយកមជ្ឈមណ្ឌលអភិវឌ្ឍន៍ដោយចីរភាពនៃសាកលវិទ្យាល័យកូរ៉េ។ លោកបណ្ឌិត បានលើកឡើងថា អាស៊ីអាគ្នេយ៍គឺជាកន្លែងនៃការប្រកួតប្រជែងយុទ្ធសាស្ត្រដ៏ខ្លាំងក្លាក្នុងចំណោមមហាអំណាចធំៗ ដែលមានទីតាំងជាយុទ្ធសាស្ត្រ និងមានជម្លោះទឹកដីយូរអង្វែង អាចទាក់ទាញមហាអំណាចធំៗដូចជា អាមេរិក និងចិន ឱ្យមកប្រកួតប្រជែងបាន ជាពិសេសតំបន់នេះក៏មានសារៈសំខាន់ជាសាកលទាក់ទងនឹងការប្រែប្រួលអាកាសធាតុ និងជីវចម្រុះ និងភាពបើកចំហរបស់អាស៊ីអាគ្នេយ៍ចំពោះពាណិជ្ជកម្ម និងការវិនិយោគធ្វើឱ្យវាក្លាយជាតួអង្គសំខាន់នៅក្នុងសេដ្ឋកិច្ចពិភពលោក។ លើសពីនេះ លោកបន្តថា សក្ដានុពលនៃទំនាក់ទំនងចិន-អាមេរិក ក៏ដើរតួយ៉ាងសំខាន់ក្នុងការរៀបចំគោលនយោបាយការបរទេសរបស់រដ្ឋអាស៊ីអាគ្នេយ៍ផងដែរ។ កង្វល់ឆ្លងដែនរបស់តំបន់ ដូចជាការផ្លាស់ប្តូរសេដ្ឋកិច្ចយ៉ាងឆាប់រហ័ស ជំងឺរាតត្បាត និងទុក្ខព្រួយរួមគ្នាក្នុងចំណោមប្រជាជនឥស្លាម រួមចំណែកបន្ថែមទៀតដល់សារៈសំខាន់នៃភូមិសាស្ត្ររបស់វា។ […]

(ភ្នំពេញ)៖ ថ្មីទៀតហើយ! ក្មេងទំនើង១ក្រុមដែលមានរហស្សនាមថាក្រុម N.K.V (នាគវ័ន្ត) ចំនួន០៥នាក់ ត្រូវបានអាវុធហត្ថរាជធានីភ្នំពេញ ក្នុងខណ្ឌដូនពេញ បង្ក្រាបខណៈដែលពួកគេនាំគ្នាបង្ហោះម៉ូតូដោយមិនគិតពីហានិភ័យ នៃអាយុជីវិតផ្ទាល់ខ្លួន និងសុវត្ថិភាពរបស់អ្នកធ្វើដំណើរតាមដងផ្លូវ តាំងពីនៅចំណុចបឹងកក់ ចំណុចសួនច្បារវត្តបុទុម រហូតជាប់សំណាញ់ អាវុធហត្ថខណ្ឌដូនពេញនៅចំណុចផ្លូវ១៣​ កែងផ្លូវ​១៣០​ សង្កាត់ផ្សារកណ្ដាលទី១ ខណ្ឌដូនពេញ រាជធានីភ្នំពេញ ក្នុងវេលាម៉ោង០៣:២០នាទីទៀបភ្លឺ ឈានចូល ថ្ងៃទី០៤ ខែកក្កដា ឆ្នាំ២០២៤។ ក្រោមការដឹកនាំរបស់នាយឧត្តមសេនីយ៍ សៅ សុខា អគ្គមេបញ្ជាការរង កងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស, លោកឧត្តមសេនីយ៍ឯក រ័ត្ន ស៊្រាង មេបញ្ជាការរង កងរាជអាវុធហត្ថលើផ្ទៃប្រទេស មេបញ្ជាការ កងរាជអាវុធហត្ថរាជធានីភ្នំពេញ បានចាត់ឲ្យលោកវរសេនីយ៍ឯក សៀ ទីន នាយសេនាធិការកងរាជអាវុធហត្ថរាជធានីភ្នំពេញ ដឹកនាំកម្លាំងជំនាញនិងកម្លាំងមូលដ្ឋានអាវុធហត្ថខណ្ឌទាំង១៤ រួមគ្នាបើកយុទ្ធនាការ ក្តៅធ្វើការបង្ក្រាបក្រុមក្មេងទំនើង ក្នុងភូមិសាស្ត្ររាជធានីភ្នំពេញ យ៉ាងតឹងរឹងបំផុត ដោយចាប់ផ្តើម ពីថ្ងៃទី ២១ ខែមិថុនា ឆ្នាំ២០២៤ គិតមកដល់ត្រឹមថ្ងៃទី ០៤ ខែកក្កដា ឆ្នាំ២០២៤ មានរយៈពេល […]

ភ្នំពេញ)៖ យ៉ាងហោចណាស់ មានយានយន្តសរុបចំនួន ១៧៩គ្រឿងទៀត ត្រូវបាននគរបាលទូទាំងប្រទេសត្រួតពិនិត្យ និងផាកពិន័យ នៅថ្ងៃទី០៥ ខែកក្កដា ឆ្នាំ២០២៤នេះ ក្នុងនោះមានម៉ូតូ ១៤៣គ្រឿង និងរថយន្ត ៣៦គ្រឿង។ នេះបើតាមឧត្តមសេនីយ៍ឯក ឆាយ គឹមខឿន អគ្គស្នងការរង និងជាអ្នកនាំពាក្យអគ្គស្នងការដ្ឋាននគរបាលជាតិ បញ្ជាក់ប្រាប់បណ្តាញព័ត៌មាន Fresh News។ បើតាមអ្នកនាំពាក្យ, សម្រាប់ថ្ងៃទី០៥ ខែកក្កដា ឆ្នាំ២០២៤នេះ នគរបាលចរាចរណ៍ទូទាំងប្រទេសបានត្រួតពិនិត្យ និងផាកពិន័យយានយន្តសរុបចំនួន ១,៥៤៩គ្រឿង ក្នុងនោះមានម៉ូតូ ១,០៦១គ្រឿង និងរថយន្តគ្រប់ប្រភេទ ៤៨៨គ្រឿង។ បទល្មើសដែលត្រូវបានកត់សម្គាល់សម្រាប់ម៉ូតូរួមមាន៖ មួក ស្រវឹង ញៀន ភ្លើង/ផ្លាកជាដើម។ ដោយឡែករថយន្តរួមមាន៖ ឆៀក ដឹកសំពីងសំពោង ស្រវឹង ល្មើសល្បឿន ដឹកសំពីងសំពោង ស្រវឹង កែច្នៃ អត់បណ្ណបើកបរ និងភ្លើង-ផ្លាកជាដើម។ ឧត្តមសេនីយ៍ឯក ឆាយ គឹមខឿន បានថ្លែងអំណរគុណ និងកោតសរសើរដល់ជនរួមជាតិជាអ្នកប្រើប្រាស់ផ្លូវទាំងអស់ ដែលបានចូលរួមគោរពច្បាប់ចរាចរណ៍យ៉ាងល្អប្រសើររយៈពេលកន្លងមកនេះ ជាពិសេសកោតសរសើរ និងអរគុណដល់នគរបាលចរាចរណ៍ដែលបានលះបង់ និងខិតខំប្រឹងប្រែងជំរុញការរឹតបន្តឹងចរាចរណ៍ប្រកបដោយស្មារតី […]

(ភ្នំពេញ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានណែនាំឱ្យ​វាយ​គង ជួង រគាំង ទូងស្គរ ទះប៉ោត និងគោះត្រដោកនៅតាមទី​សាធារណៈសំខាន់ៗ ទីស្ដីការក្រសួង ស្ថាប័នថ្នាក់ជាតិ អង្គភាពរដ្ឋបាលរាជធានី ខេត្ត ក្រុង ស្រុក ខណ្ឌ ឃុំ សង្កាត់ គ្រប់ទីវត្តអារាម មណ្ឌលវិបស្សនា អាស្រម សាលាបុណ្យ វិហារសាសនា ស្នាក់ការ ស៊ូរ៉ាវ សាលារៀនរដ្ឋនិងឯកជន និងទីប្រជុំសហគមន៍ ឱ្យបានកុះករ ក្លៀវក្លា និងមហោឡារិកជាទីមោទនៈ។ ការណែនាំនេះធ្វើឡើងតាមរយៈសារាចររណែនាំមួយនៅថ្ងៃទី៥ ខែកក្កដា ឆ្នាំ២០២៤នេះ។ ក្នុងសារាចររបានកំណត់យកថ្ងៃទី៥ ខែសីហា ជាថ្ងៃអបអរសាទរផ្លូវការនៃព្រឹត្តិការណ៍ជាប្រវត្តិសាស្ត្រសាងសង់ព្រែកជីកហ្វូណនតេជោ។ ក្នុងសារាចររ បានគូសរំលេចថា គម្រោងព្រែកជីកហ្វូណនតេជោ គឺជាគំនិតផ្តួចផ្តើមប្រកប​ដោយចក្ខុវិស័យវែងឆ្ងាយរបស់សម្តេចតេជោ ហ៊ុន សែន ប្រធានព្រឹទ្ធសភា និងជា​ប្រធាន​ក្រុមឧត្តមប្រឹក្សាផ្ទាល់ព្រះមហាក្សត្រ ហើយបាននិងកំពុងអនុវត្ត​ដោយរាជរដ្ឋាភិបាល នីតិកាលទី៧ នៃរដ្ឋសភា ដើម្បីបន្សល់ ទុកជាកេរមរតកប្រវត្តិសាស្ត្រសម្រាប់កូនចៅជំនាន់ក្រោយរាប់ពាន់ឆ្នាំតទៅមុខ។ គម្រោងព្រែកជីកហ្វូណនតេជោ នឹងផ្តល់ផលប្រយោជន៍ដ៏មហាសាលដល់​សង្គម-សេដ្ឋកិច្ចកម្ពុជា ដូចជា ពង្រីកការតភ្ជាប់ប្រព័ន្ធដឹកជញ្ជូន ពហុមធ្យោបាយ […]

(ភ្នំពេញ)៖ សម្តេចមហាបវធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា​ បានណែនាំឲ្យបណ្តាក្រុមការងាររាជរដ្ឋាភិបាល ចុះមូលដ្ឋាននៅតាមទីតាំង ដែលរងគ្រោះពីការផ្ទុះឡើងនូវសត្វល្អិតចង្រៃ បំផ្លាញដំណាំរបស់ប្រជាកសិករ ដើម្បីស្វែងយល់ពីផលប៉ះពាល់ជាក់ស្តែង។ ការណែនាំបែបនេះធ្វើឡើងក្នុងឱកាសដែល សម្តេចធិបតី ហ៊ុន ម៉ាណែត អញ្ជើញជាអធិបតី ដឹកនាំកិច្ចប្រជុំពេញអង្គគណៈរដ្ឋមន្ត្រី នៅវិមានសន្តិភាព នាព្រឹកថ្ងៃទី០៥ ខែកក្កដា ឆ្នាំ២០២៤។ ក្នុងសេចក្តីប្រកាសព័ត៌មាន, សម្តេចធិបតី ហ៊ុន ម៉ាណែត បានណែនាំឲ្យគណៈកម្មាធិការជាតិគ្រប់គ្រងគ្រោះមហន្តរាយ ក្រសួងកសិកម្ម រុក្ខាប្រមាញ់ និងនេសាទ អាជ្ញាធរដែនដី ព្រមទាំងក្រសួង-ស្ថាប័ន ពាក់ព័ន្ធពង្រឹងកិច្ចសហការក្នុងការចុះអន្តរាគមន៍ ដល់ប្រជាជនរងគ្រោះ និងត្រូវគិតគូរលើភាពចាំបាច់ នៃការផ្តល់ជំនួយដូចជា៖ គ្រាប់ពូជ ឬ ធនធានចាំបាច់ដទៃទៀត ដល់ប្រជាកសិកររងគ្រោះ ដើម្បីឲ្យពួកគាត់អាច បន្តការដាំដុះឡើងវិញ។ បន្ថែមពីនោះទៀត សម្តេចធិបតី ហ៊ុន ម៉ាណែត ក៏សូមឲ្យបណ្តាក្រុមការងាររាជរដ្ឋាភិបាល ចុះមូលដ្ឋាននៅតាមទីតាំង ដែលរងគ្រោះពីការផ្ទុះឡើងនូវសត្វល្អិតចង្រៃនេះ ពង្រឹងការចុះមូលដ្ឋាន ដើម្បីស្វែងយល់ពីផលប៉ះពាល់ជាក់ស្តែង ព្រមទាំងរាយការណ៍ និងលើកជាអនុសាសន៍ជាក់លាក់ ជូនរាជរដ្ឋាភិបាលតាមការចាំបាច់។ សូមជម្រាបថា ដោយសារបញ្ហាអាកាសធាតុក្តៅខ្លាំងក្នុងឆ្នាំនេះ និងអូសបន្លាយពេលយូរ បានធ្វើឲ្យវដ្តជីវិតរបស់ដង្កូវហ្វូងកាន់តែខ្លី […]

(ភ្នំពេញ)៖ អាជ្ញាធរអគ្គិសនីកម្ពុជា បានចេញសេចក្តីអំពាវនាវជាថ្មី ដល់អ្នកប្រើប្រាស់អគ្គិសនីទាំងអស់ ដែលបានដំឡើង និងប្រើប្រាស់ប្រព័ន្ធថាមពលពន្លឺព្រះអាទិត្យលើដំបូល ដែលពុំមានការអនុញ្ញាត អញ្ជើញដាក់ពាក្យស្វ័យប្រកាស។ ជាមួយគ្នានេះ អាជ្ញាធរបានណែនាំដល់អ្នកកាន់អាជ្ញាបណ្ណធ្វើសេវាកម្មផ្គត់ផ្គង់អគ្គិសនី ត្រូវធ្វើការផ្សព្វផ្សាយ និងត្រៀមទទួលការធ្វើស្វ័យប្រកាស អំពីការប្រើប្រាស់ប្រព័ន្ធថាមពលពន្លឺព្រះអាទិត្យលើដំបូលរបស់អ្នកប្រើប្រាស់ឋិត ក្នុងតំបន់ផ្គត់ផ្គង់របស់ខ្លួន៕ ផ្ដល់សិទ្ធិដោយ៖ Fresh News

(ភ្នំពេញ)៖ ក្នុងកិច្ចពិភាក្សាលើប្រធានបទ៖ «យន្តការលើកកម្ពស់ផលិតភាព នៃការកែច្នៃអង្ករកម្ពុជា» នៃកម្មវិធី FRESH BUSINESS, លោក សុង សារ៉ន អគ្គនាយកក្រុមហ៊ុននាំចេញអង្គរ Amru Rice បានលើកឡើងពីកត្ដាធំៗចំនួន២ ដែលធ្វើឲ្យកម្ពុជា អាចមានការប្រកួតប្រជែងទីផ្សារ ជាមួយនឹងប្រទេសវៀតណាម និងប្រទេសថៃ ក្នុងការនាំចេញអង្ករ។ លោក សុង សារ៉ន បានបញ្ជាក់យ៉ាងដូច្នេះថា «ក្រុមហ៊ុន Amru Rice បានពិនិត្យលើលទ្ធភាព២ចំណុច ទីមួយ៖ ការប្រតិបត្ដិការឲ្យមានប្រសិទ្ធភាព ដែលធ្វើយ៉ាងណា ដើម្បីកាត់បន្ថយថ្លៃដើម, និងទីពីរ៖ ពិនិត្យលើការគ្រប់គ្រង ក្នុងការចំណាយ, ២ចំណុចនេះ ធ្វើឲ្យយើងអាចមានការប្រកួតប្រជែង ជាមួយនឹងប្រទេសវៀតណាម និងថៃបាន»។ បន្ថែមពីនោះទៀត លោកបានឲ្យដឹងថា ក្រុមហ៊ុន Amru Rice ចំណាយប្រហែល៦០ដុល្លារ ក្នុង១តោន សម្រាប់កែច្នៃស្រូវសើម ឲ្យចេញជាអង្ករ ដើម្បីខ្ចប់នាំចេញ បើប្រៀបធៀបនឹង៥ឆ្នាំមុន ក្រុមហ៊ុនចំណាយជិត ១០០ដុល្លារក្នុង១តោន ដោយឡែកចំពោះវៀតណាម គិតពេលបច្ចុប្បន្ន ចំណាយ ៣០ដុល្លារប៉ុណ្ណោះ៕ ផ្ដល់សិទ្ធិដោយ៖ […]

(ភ្នំពេញ)៖ សម្តេចតេជោ ហ៊ុន សែន ប្រធានព្រឹទ្ធសភាកម្ពុជា នៅថ្ងៃទី៥ ខែកក្កដា ឆ្នាំ២០២៤នេះ បានផ្ញើលិខិតមួយច្បាប់ជូនលោក Laurent Fabius ប្រធានក្រុមប្រឹក្សាធម្មនុញ្ញ ទីក្រុងប៉ារីស ប្រទេសបារាំង ដោយបង្ហាញការរំជួលចិត្តយ៉ាងខ្លាំងចំពោះមរណភាពលោក Roland Dumas អតីតរដ្ឋមន្ត្រីក្រសួងការបរទេស និងជាអតីតប្រធានក្រុមប្រឹក្សាធម្មនុញ្ញបារាំង ដែលធ្លាប់បានជួយកម្ពុជា បង្កើតឱ្យមានកិច្ចព្រមព្រៀងទីក្រុងប៉ារីស ស្តីពីកម្ពុជា ចុះហត្ថលេខា នៅឆ្នាំ១៩៩១។ លិខិតរបស់សម្តេចតេជោ ហ៊ុន សែន មានខ្លឹមសារទាំងស្រុងដូច្នេះថា៖ «ក្នុងនាមប្រជាជនកម្ពុជាទាំងអស់ និងក្នុងនាមខ្លួនខ្ញុំផ្ទាល់ ខ្ញុំសូមចូលរួមរំលែកទុក្ខយ៉ាងស្មោះស្ម័គ្រ និងប្រកបដោយក្តីរំជួលចិត្តយ៉ាងខ្លាំងជាមួយនឹងឯកឧត្តម ចំពោះមរណភាពឯកឧត្តម Roland Dumas អតីតរដ្ឋមន្ត្រីក្រសួងការបរទេស និងជាអតីតប្រធានក្រុមប្រឹក្សាធម្មនុញ្ញ កាលពីថ្ងៃទី០៣ ខែកក្កដា ឆ្នាំ២០២៤កន្លងទៅនេះ។ ប្រជាជនកម្ពុជាភ្ជាប់ឈ្មោះ ឯកឧត្តម Roland Dumas ទៅនឹងភាពជោគជ័យនៃកិច្ចព្រមព្រៀងទីក្រុងប៉ារីស ស្តីពីកម្ពុជាដែលត្រូវបានចុះហត្ថលេខា នៅឆ្នាំ១៩៩១។ សកម្មភាពដ៏ហ្មត់ចត់ និងប្តូរផ្តាច់របស់ឯកឧត្តម Roland Dumas បានអនុញ្ញាតឱ្យបង្កើតមានឡើងនូវលក្ខខណ្ឌ អំណោយផលសម្រាប់សន្តិភាព ការបង្រួបបង្រួមជាតិ និងបង្កើតក្របខណ្ឌសម្រាប់ការកសាងប្រទេសរបស់ខ្ញុំឡើងវិញ បន្ទាប់ទទួលរងការបំផ្លិចបំផ្លាញ ដោយសង្គ្រាមជាងម្ភៃមួយឆ្នាំ […]

(ភ្នំពេញ)៖ លោក សុង សារ៉ន អគ្គនាយកក្រុមហ៊ុននាំចេញអង្ករ Amru Rice បានលើកឡើង របរដាំស្រូវ គឺនៅតែជាមុខរបរស្នូលរបស់កសិករខ្នាតតូចនៅកម្ពុជា និងជាមុខរបរមួយដែលធ្វើឱ្យកសិករ មានលទ្ធភាពទទួលបានប្រាក់ចំណេញបើធៀបនឹងមុខរបរផ្សេងទៀត ខណៈមុខរបរនេះក៏ត្រូវការទុនទាបជាងរបរផ្សេងទៀតផងដែរ។ លោក សុង សារ៉ន លើកឡើងបែបនេះ ធ្វើឡើង កម្មវិធី FRESH BUSINESS ពិភាក្សាលើប្រធានបទ៖ «យន្តការលើកកម្ពស់ផលិតភាពនៃការកែច្នៃអង្ករកម្ពុជា» របស់បណ្តាញព័ត៌មាន Fresh News។ លោកមានប្រសាសន៍ទៀតថា «រយៈពេល៥ឆ្នាំទៀត ស្រូវក៏នូវតែជាអទិភាពសម្រាប់ បងប្អូនកសិករ ដោយសារតែយើងឃើញបរិបទ ប្រទេសជិតខាងយើង ជាពិសេសប្រទេសថៃ ត្បិតថា គាត់ជាប្រទេសមានចំណូលមធ្យម ប៉ុន្តែគាត់នៅតែដាំស្រូវ ហើយវៀតណាមក៏ជាប្រទេសដាំស្រូវដែរ ហើយកាន់តែបង្កើនការផលិតស្រូវ ដូច្នេះយើងមិនអាចបោះបង់បានទេ ប៉ុន្តែត្រូវបញ្រ្ជាបបច្ចេកវិទ្យាឱ្យមានទំនើបកម្ម និងការប្រកួតប្រជែងនៅលើទីផ្សារសម្រាប់ខ្លួនឯងឱ្យកាន់តែល្អប្រសើរទៅៗ»។ ដោយឡែកចំពោះការវិនិយោគលើការនាំចេញអង្ករវិញ លោកបានកត់សម្គាល់ថា បន្ទាប់ពីវិបត្តិជំងឺកូវីដ១៩ មិនទាន់ក្រុមហ៊ុនថ្មីឈានជើងមកទេ យ៉ាងណាមិញ ថ្មីៗនេះ ក្រុមហ៊ុនរបស់ប្រទេសមួយចំនួនដូចជាប្រទេសឥណ្ឌូនេស៊ី បានបង្ហាញបំណងមកវិនិយោគលើវិស័យស្រូវអង្ករនេះ ដើម្បីនាំចេញ ដែលបង្ហាញថា ទីផ្សារអង្ករកម្ពុជានឹងកាន់តែល្អប្រសើរជាងមុន។ «ខ្ញុំមើលទៅទៅអនាគត នឹងមានការវិនិយោគបន្ថែម មិនថាការវិនិយោគជាការបោះទុន ក្នុងការបង្កើនសមត្ថភាពកិនកែច្នៃ ឬក៏វិនិយោគដើម្បីទិញស្រូវស្តុកទុក […]

(ភ្នំពេញ)៖ កម្លាំងនាយកដ្ឋាននគរបាលព្រហ្មទណ្ឌ នៃអគ្គស្នងការដ្ឋាននគរបាលជាតិ ក្រសួងមហាផ្ទៃ បានឃាត់ស្ត្រីសង្ស័យម្នាក់ ពាក់ព័ន្ធករណីរំលោភលើទំនុកចិត្ត នៅក្នុងទំហំទឹកប្រាក់ ប្រមាណ២០ម៉ឺនដុល្លារ។ ការឃាត់ខ្លួនស្ត្រីសង្ស័យ បានធ្វើឡើងកាលពីថ្ងៃទី០៣ ខែកក្ដដា ឆ្នាំ២០២៤ តាមដីកាបញ្ជាឱ្យចូលខ្លួនរបស់លោក ច្រឹង ខ្មៅ ព្រះរាជអាជ្ញា នៃអយ្យការអមសាលាដំបូងរាជធានីភ្នំពេញ។ សូមជម្រាបជូនថា ជនសង្ស័យត្រូវបានដើមបណ្ដឹងដែលមានឈ្មោះ អ៊ឹង ជុងហុង ភេទប្រុស អាយុ៣៨ឆ្នាំ បានដាក់ពាក្យប្ដឹងចូលទៅកាន់នគរបាលព្រហ្មទណ្ឌ កាលពីថ្ងៃទី២ ខែមេសា ឆ្នាំ២០២៤ ពីបទ រំលោភលើទំនុកចិត្ត លើទឹកប្រាក់ចំនួន ២០ម៉ឺនដុល្លារ។ បច្ចុប្បន្ន ជនសង្ស័យត្រូវបានឃាត់ខ្លួនទុកនៅនាយកដ្ឋានព្រហ្មទណ្ឌ ក្រសួងមហាផ្ទៃ ដើម្បីសាកសួរ និងកសាងសំណុំរឿងបញ្ជូនទៅតុលាការដើម្បីចាត់ការតាមផ្លូវច្បាប់៕ ផ្ដល់សិទ្ធិដោយ៖ Fresh news