(វ៉ាស៉ីនតោន)៖ នៅថ្ងៃអង្គារ ទី២ ខែកញ្ញា លោក ដូណាល់ ត្រាំ ប្រធានាធិបតីសហរដ្ឋអាមេរិក បានចេញមកច្រានចោលពាក្យចរចាមអារ៉ាមតាមបណ្តាញសង្គម ដែលថាលោកធ្លាក់ខ្លួនឈឺ រួមទាំងពាក្យចរចាមអារ៉ាមដែលថាលោកបានស្លាប់ ថាគឺជា «ព័ត៌មានក្លែងក្លាយ»។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters។ លោក ត្រាំ មិនបានបង្ហាញខ្លួនជាសាធារណៈ ឬធ្វើសន្និសីទសារព័ត៌មានប៉ុន្មានថ្ងៃកាលពីសប្តាហ៍មុន ដែលជារឿងគួរឱ្យកត់សម្គាល់មួយ សម្រាប់លោកប្រធានាធីបតីអាយុ ៧៩ឆ្នាំរូបនេះ។ កត្តាអាយុ រូបភាពថ្មីៗរបស់លោកដែលមានស្នាមជាំនៅលើដៃ និងហើមកជើង រួមទាំងភាពស្ងប់ស្ងាត់ពីការិយាល័យរាងពងក្រពើ នាំឱ្យពាក្យចរចាមអារ៉ាមអំពីសុខភាពរបស់លោកផ្ទុះឡើង។ មានគណនីជាច្រើន បង្ហោះដាក់ចំៗថាប្រធានាធិបតីទី ៤៥ និងទី៤៧របស់សហរដ្ឋអាមេរិក បានបាត់បង់ជីវិត ខណៈសេតវិមានក៏មិនបានចេញមកបកស្រាយភ្លាមៗដែរ។ នៅពេលអ្នកកាសែតរបស់ Fox News និយាយអំពីពាក្យចរចាអារ៉ាមនោះ លោក ត្រាំ បានចោទសួរថា «ពិតឬ? ខ្ញុំមិនបានដឹងសោះ។ តើគេដឹងមកពីណា? ដោយបន្ថែមថា «វាជាព័ត៌មានក្លែងក្លាយ»។ លោក ត្រាំ បញ្ជាក់ទៀតថា លោកបានធ្វើសន្និសីទសារព័ត៌មានច្រើនកាលពីសប្តាហ៍មុន ទើបមិនបានធ្វើអ្វីអស់រយៈពេលពីរថ្ងៃ ហើយបែរជាមានពាក្យចរចាមអារ៉ាមបែបនេះ៕ ផ្ដល់សិទ្ធិដោយ៖ Fresh News

(ភ្នំពេញ)៖ កាលពីយប់ថ្ងៃទី២ ខែកញ្ញា ឆ្នាំ២០២៥ លោកឪ ចម ចិត្រ ព្រះចៅអធិការវត្តឯករង្សី បានបញ្ជាក់ជូនទៅកាន់អ្នកគាំទ្រថា ទូក «នរិន្ទរង្សី ពិជ័យចិត្របុត្រ» នឹងមិនចូលរួមប្រកួតទូកអ៊ុំនៅឆ្នាំនេះនោះទេ ដ្បិតចំណុះទូកមួយចំនួនកំពុងតែបំពេញភារកិច្ចការពារជាតិនៅសមរភូមិខាងមុខ។ បើតាមសំណេរនៅលើគណនីផ្លូវការរបស់អ្នករាំក្បាលទូក «នរិន្ទរង្សី ពិជ័យចិត្របុត្រ» លោក វ៉ាន់ វណ្ណៈ បានបញ្ជាក់ថា «ចំណុះទូកនរិន្ទរង្សីពិជ័យចិត្របុត្រទាំងអស់ដែលជាកងកម្លាំងគ្រប់ប្រភេទកំពុងបំពេញភារកិច្ចក្នុងសមរភូមិក្នុងបុព្វហេតុជាតិមាតុភូមិ…ឆ្នាំនេះយើងប្រយុទ្ធដែរតែ មិនមែនសមរភូមិលើព្រះគង្គាទេ គឺសមរភូមិការពារដែនបុរី»។ សូមជម្រាបថា រាជរដ្ឋាភិបាលកម្ពុជា នៅព្រឹកថ្ងៃទី៣ ខែកញ្ញា ឆ្នាំ២០២៥ បានសម្រេចផ្អាកការប្រារព្ធព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក នៅតាមដងទន្លេសាប មុខព្រះបរមរាជវាំង រាជធានីភ្នំពេញ ដែលគ្រោងនឹងប្រព្រឹត្តទៅនៅថ្ងៃ១៤កើត ១៥កើត និង១រោច ខែកត្តិក ឆ្នាំម្សាញ់ សប្តស័ក ពុទ្ធសករាជ២៥៦៩ ត្រូវនឹងថ្ងៃទី៤ ទី៥ និងទី៦ ខែវិច្ឆិកា ឆ្នាំ២០២៥។ ដោយឡែកចំពោះការរៀបចំពិធីបុណ្យអុំទូក បណ្តែតប្រទីប និងសំពះព្រះខែ អកអំបុក នៅតាមបណ្តាខេត្តនានា អាចប្រព្រឹត្តទៅជាធម្មតាតាមទំនៀមទម្លាប់ប្រពៃណី និងតាមលទ្ធភាពជាក់ស្តែងរបស់អាជ្ញាធរ […]

(ប៉េកាំង)៖ ចិននៅថ្ងៃពុធ ទី៣ ខែកញ្ញា បានចាប់ផ្ដើមធ្វើព្យុហយាត្រាយោធាដ៏ធំបំផុតមួយមិនធ្លាប់មាន ដើម្បីប្រារព្ធខួបលើកទី៨០ នៃការចុះចាញ់សង្រ្គាមរបស់ជប៉ុន អំឡុងសង្រ្គាមលោកលើកទី២ ដែលចិនហៅថាទិវាជ័យជម្នះថ្ងៃទី៣ ខែកញ្ញា ជាមួយការប្ដេជ្ញាចំពោះការអភិវឌ្ឍប្រកបដោយសន្តិភាព នៅក្នុងពិភពលោកមួយដែលឱបរឹតដោយ ភាពចលាចល និងមិនច្បាស់លាស់។ នេះបើតាមការចេញផ្សាយដោយសារព័ត៌មានចិន People’s Daily។ ផ្ដល់សិទ្ធិដោយ៖ Fresh News

(ភ្នំពេញ)៖ នៅព្រឹកថ្ងៃពុធ ទី៣ ខែកញ្ញា ឆ្នាំ២០២៥ ក្រសួងការពារជាតិ នៃព្រះរាជាណាចក្រកម្ពុជា បានសម្របសម្រួលជូនក្រុមអ្នកសង្កេតការណ៍អន្តរកាល (IOT) រួមមាន៖ ម៉ាឡេស៊ី ឥណ្ឌូនេស៊ី ឡាវ ហ្វីលីពីន និងវៀតណាម ដឹកនាំដោយ លោកវរសេនីយ៍ឯក NAZLEE BIN ABDUL RAHIM អនុព័ន្ធយោធាម៉ាឡេស៊ី ប្រចាំព្រះរាជាណាចក្រកម្ពុជា បានចេញដំណើរពីក្រសួងការពារជាតិ ឆ្ពោះទៅ ខេត្តពោធិ៍សាត់ ដើម្បីចុះសង្កេតការណ៍ ផ្ទៀងផ្ទាត់ និងរាយការណ៍ អំពីស្ថានភាពព្រំដែនក្រោយបទឈប់បាញ់។ គួរបញ្ជាក់ផងដែរថា បេសកកម្មរបស់ក្រុមអ្នកសង្កេតការណ៍ អន្តរកាល (IOT) ខាងលើនេះគឺ បានកើតចេញពីលទ្ធផលនៃកិច្ចប្រជុំពិសេស ដែលបានធ្វើឡើងនៅថ្ងៃទី២៨ ខែកក្កដា ឆ្នាំ២០២៥ នៅទីក្រុងពូត្រាយៃយ៉ា ប្រទេសម៉ាឡេស៊ី និងកិច្ចប្រជុំវិសាមញ្ញ នៃគណៈកម្មាធិការព្រំដែនទូទៅកម្ពុជា-ថៃ (GBC) ដែលបានបញ្ចប់កាលពីថ្ងៃទី៧ ខែសីហា ឆ្នាំ២០២៥ កន្លងទៅ។ On Wednesday Morning, 03 September 2025The Ministry of […]

(ហ្សាការតា)៖ ប៉ូលិសឥណ្ឌូណេស៉ី បានបាញ់ឧស្ម័នបង្ហូរទឹកភ្នែកទៅលើក្រុមអ្នកតវ៉ា នៅក្បែរសាកលវិទ្យាល័យធំចំនួន ២ ក្នុងទីក្រុង Bandung ដោយនិស្សិត និងអាជ្ញាធរនិយាយថា កាន់តែបន្ថែមភាពតានតឹងលើបាតុកម្ម ដែលបណ្តាលឱ្យមានមនុស្សស្លាប់ ៨នាក់រួចហើយ។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃអង្គារ ទី២ ខែកញ្ញា ឆ្នាំ ២០២៥។ តាមការបង្ហោះលើបណ្តាញសង្គម Instagram អាជ្ញាធរបានបាញ់ឧស្ម័នបង្ហូរទឹកភ្នែកមកលើហ្វូងមនុស្ស នៅក្បែរសាកលវិទ្យាល័យ Islamic University of Bandung (UNISBA) និងសាកលវិទ្យាល័យ Pasundan ចម្ងាយជាង ១៤០គីឡូម៉ែត្រ ភាគខាងលិចរដ្ឋធានីហ្សាការតា។ និស្សិតសាកលវិទ្យាល័យ Pasundan ម្នាក់ ប្រាប់ Reuters ថា អាជ្ញាធរបានបាញ់ឧស្ម័នបង្ហូរទឹកភ្នែកនៅខាងក្រៅច្រកចូល និងបាញ់គ្រាប់កៅស៊ូផងដែរ​ បណ្តាលឱ្យមានអ្នករបួស ១នាក់។ ប៉ូលិសនិយាយថា អាជ្ញាធរមិនបានចូលទៅ ច្រកទ្វារសាកលវិទ្យាល័យទេ ប៉ុន្តែព្យាយាមបំបែកក្រុមបាតុករមិនមែននិស្សិត ដើម្បីបន្លំខ្លួនក្នុងចំណោមពួកគេ និងកំពុងបិទផ្លូវ។ គួរបញ្ជាក់ថា បាតុកម្មតវ៉ាបានផ្ទុះឡើងនៅរដ្ឋធានីហ្សាការតា តាំងពីសប្ដាហ៍មុន ជុំវិញការដំឡើងប្រាក់ឧបត្ថម្ភថ្លៃឈ្នួលផ្ទះ ឱ្យតំណាងរាស្ត្រ ហើយកាន់តែរាលដាលខ្លាំង បន្ទាប់ពីរថយន្ដប៉ូលិស […]

(ខាទុំ)៖ កាលពីថ្ងៃចន្ទ ទី១ ខែសីហា ក្រុមឧទ្ទាមនៅស៊ូដង់ បានឱ្យដឹងថា មនុស្សយ៉ាងហោច១០០០នាក់ បានបាត់បង់ជីវិត ក្នុងគ្រោះរអិលបាក់ដីដ៏អាក្រក់ ដែលបានលេបត្របាក់ភូមិមួយទាំងស្រុង នៅតំបន់ជួរភ្នំ Marra ភាគខាងលិចប្រទេសអាហ្រ្វិកមួយនេះ ដោយបន្សល់ទុកមនុស្សតែម្នាក់គត់ នៅរស់រានមានជីវិត។ នេះបើតាមការចេញផ្សាយដោយ ទីភ្នាក់ងារព័ត៌មាន Reuters។ ក្រុមឧទ្ទាម Sudan Liberation Movement/Army បាននិយាយថា ហេតុការណ៍ខាងលើ បានកើតឡើងកាលពីថ្ងៃទី៣១ ខែសីហា បន្ទាប់ពីភ្លៀងបានធ្លាក់ខ្លាំងជាច្រើនថ្ងៃជាប់គ្នា។ ក្រុមឧទ្ទាមនេះ ដែលគ្រប់គ្រងតំបន់ខាងលើ ស្ថិតក្នុងតំបន់ Durfur របស់ស៊ូដង់ បានដង្ហោយសុំឱ្យអង្គការសហប្រជាជាតិ ក៏ដូចជាទីភ្នាក់ងារមនុស្សធម៌ដទៃទៀត ជួយដល់កិច្ចប្រឹងប្រែងទាញយកសាកសពជនរងគ្រោះ ដែលរួមមានទាំងបុរស ស្រ្តី និងកុមារ។ បើតាមក្រុម Sudan Liberation Movement/Army ភូមិរងគ្រោះ ត្រូវបានបំផ្លាញទាំងស្រុង។ គួរបញ្ជាក់ថា ប្រជាជនស៊ូដង់ ដែលរត់គេចពីសង្រ្គាមស៉ីវិលរវាងកងទ័ពស៊ូដង់ និងកងកម្លាំងទាហានប៉ារ៉ា RSF នៅរដ្ឋ North Darfur បាននាំគ្នាជ្រកកោននៅតំបន់ជួរភ្នំ Marra បើទោះបីជាកន្លែងខ្វះខាតស្បៀងអាហារ និងថ្នាំពេទ្យក៏ដោយ។ […]

(ភ្នំពេញ)៖ បន្ទាប់ពីប៉ុន្មានថ្ងៃនេះ នៅលើបណ្តាញទំនាក់ទំនងសង្គម ផ្ទុះការវែកញែកយ៉ាងច្រើន ករណីឃាត់រថយន្តដឹកអង្ករដំណើប នាំចូលពីប្រទេសឡាវតាមច្រកកំពង់ស្រឡៅ ខេត្តព្រះវិហារ ដោយចោទប្រកាន់ថាអង្ករដំណើបទាំងនោះជារបស់ថៃ និងចោទថាមន្ត្រីកម្ពុជាខ្វះមនសិការជាតិនិយមផងដែរនោះ, នៅរសៀលថ្ងៃទី២ ខែកញ្ញា ឆ្នាំ២០២៥នេះ បណ្ឌិត គុណ ញឹម រដ្ឋមន្ត្រីប្រតិភូអមនាយករដ្ឋមន្ត្រី និងជាអគ្គនាយកនៃអគ្គនាយកដ្ឋានគយ​ និងរដ្ឋាករកម្ពុជា បានបញ្ជាក់ឱ្យដឹងថា អង្ករដំណើបជាង៨០តោននោះ គឺជាអង្កររបស់ប្រទេសឡាវ នាំចូលមកម្ពុជា មិនមែនជារបស់ប្រទេសថៃឡើយ។ លោករដ្ឋមន្ត្រីប្រតិភូបញ្ជាក់ថា «អង្ករដំណើបទាំងអស់នោះ គឺនាំចូលពីឡាវ ហើយមានបង់ពន្ធ ដូចមានលិខិតបញ្ជាក់ជូន»។ ជាមួយគ្នានេះ លោកអគ្គនាយកបានសំណូមដល់បងប្អូន អ្នកប្រើប្រាស់បណ្តាញសង្គម សូមពិចារណា និងស្វែងរកការពិតឱ្យបានច្បាស់លាស់ មុននឹងបញ្ចេញមតិនានា ដែលប៉ះពាល់ដល់កិត្តយស និងសេចក្តីថ្លៃថ្នូររបស់អ្នកដទៃ។ បើតាមមន្ត្រីគយ អង្ករដំណើបដែលនាំចូលពីប្រទេសឡាវនេះ គឺអ្នកនាំចូលដឹកជញ្ជូនតាមទូកហើយបង់ពន្ធ បន្ទាប់ពីបង់ពន្ធរួចម្ចាស់ទំនិញបានយកអង្ករដំណើបទាំងនោះ មករក្សាទុកនៅក្នុងឃ្លាំង ពេលមានតម្រូវការបញ្ជាទិញពីរាជធានីភ្នំពេញ ឬខេត្តផ្សេងៗ ទើបដឹកចេញតាមរថយន្តទៅកាន់ទីតាំងដែលមានតម្រូវការទាំងនោះ។ ពាក់ព័ន្ធស្ថានភាពការខ្វះខាតអង្ករដំណើបនៅកម្ពុជា លោក លន់ យ៉េង អគ្គលេខាធិការសហព័ន្ធស្រូវអង្ករកម្ពុជា បានបញ្ជាក់ឱ្យដឹងថា បច្ចុប្បន្ននេះកម្ពុជា មានការខ្វះខាតអង្ករដំណើបមួយចំនួន ដែលចាំបាច់ត្រូវនាំចូលពីប្រទេសឡាវ វៀតណាម និងថៃ ប៉ុន្តែក្នុងចំណោមប្រទេសទាំង៣នេះ ការនាំចូលពីប្រទេសឡាវមានច្រើន […]

(សៀមរាប)៖ លោក ​តឹក ទត់ ​អាយុ៥៨​ឆ្នាំ ​កើត​នៅ​ភូមិ​​នគរ​ក្រៅ ​សង្កាត់​គោក​ចក ​ក្រុង​សៀមរាប​ កំពុង​​បន្ត​រស់​នៅ​ក្នុង​ទឹក​ ដី​នៃ​ភូមិ​កំណើត​របស់​គាត់ រហូត​មក​ដល់​សព្វ​ថ្ងៃ​​​។​​ បច្ចុប្បន្ន​​ គាត់​ជា​អ្នក​ឆ្លាក់​ក្បាច់ ​​​នៅ​ប្រាសាទ​ជម ជាប្រាសាទមួយ ក្នុងក្រុមប្រាសាទព្រះពិធូរ មានទីតាំងស្ថិតនៅក្នុងក្រុងអង្គរធំ ដែល​ចម្លាក់ក្បាច់មួយចំនួន មានការខូចខាតទៅ​ហើយ ឱ្យលេច​ចេញ​ជា​រូប​រាង​សិល្បៈ​លើ​ថ្ម​ឡើង​វិញ​ ​ដើម្បី​រក្សា​មរតកដែល​បន្សល់​ទុក​​ពី​ដូនតា​ខ្មែរ ​​ឱ្យ​បាន​គង់វង្ស​តទៅ​មុខ​ទៀត​។​ លោក ​តឹក ទត់ ​បានឱ្យ​ដឹង​ថា គាត់​បាន​ធ្វើ​ការ​ជា​អ្នក​ឆ្លាក់​ក្បាច់​ចម្លាក់​នៅ​លើ​ថ្ម ​នៅ​តាម​ការ​ដ្ឋាន​ជួសជុល​ប្រាសាទ​បុរាណរយៈ​ពេល​ជាង​៣០​ឆ្នាំ​មក​ហើយ​។​ លោក​បាន​ចូល​ធ្វើការ​ជា​អ្នក​ជួសជុល​ប្រាសាទ​បុរាណ ​ដំបូង​ជាមួយក្រុមការងារនៃ​រដ្ឋាភិបាល​ជប៉ុន​សម្រាប់ការអភិរក្សអង្គរ Japanese Government Team for Safeguarding Angkor (J​​S​A) ប្រទេសជប៉ុន ​កាល​ពី​ឆ្នាំ​១៩៩០។ ​ចាប់​តាំង​ពី​ពេល​នោះ​មក ​លោក ​បាន​ចាប់​យក​ជំនាញ​ជា​អ្នក​ឆ្លាក់​ក្បាច់​ចម្លាក់​លើ​ថ្ម​​នៅ​​តាម​ប្រាសាទ​បុរាណ ​នៅ​ត្រង់​កន្លែងណា​ដែល​បាត់ ឬមើលមិនសូវច្បាស់ គឺឆ្លាក់ឱ្យ​ឃើញចម្លាក់ឡើងវិញទៅ​តាម​ទម្រង់​ដែល​ធ្លាប់​មាន​ពី​មុន។​ លោក​ តឹក ទត់ ​បាន​រៀន​សូត្រ​​ផ្នែក​អក្សរ​សាស្រ្ត​ខ្មែរ ​បាន​ត្រឹម​ថ្នាក់​ទី​៤​បឋម​សិក្សា​ប៉ុណ្ណោះ ​ក៏​ប៉ុន្តែ ក្នុង​រយៈ​ពេល​ជាង​៣០​ឆ្នាំ​មក​នេះ លោក​មាន​ស្នាដៃ​ជួស​ជុល​ប្រាសាទ​បុរាណ​ជា​ច្រើន​​ដូច​ជា បណ្ណាល័យ​នៅ​ប្រាសាទ​បាយ័ន ​បណ្ណាល័យ​របស់​ប្រាសាទ​អង្គរ​វត្ត ប្រាសាទ​នាង​១២ […]

(សេអ៊ូល)៖ មេដឹកនាំកូរ៉េខាងជើង លោក គីម ជុងអ៊ុន បានធ្វើដំណើរឆ្លងព្រំដែនចូលក្នុងទឹកដីចិនហើយ នៅព្រឹកថ្ងៃអង្គារ ទី២ ខែកញ្ញា ដើម្បីចូលរួមក្នុងពិធីព្យុហយាត្រាយោធា ក្នុងទីក្រុងប៉េកាំង នាឱកាសប្រារព្ធខួបនៃការចុះចាញ់របស់ជប៉ុននៅក្នុងសង្រ្គាមលោកលើកទី២ ដែលចិនហៅថាជាទិវាជ័យជម្នះ។ នេះបើតាមប្រព័ន្ធផ្សព្វផ្សាយរដ្ឋកូរ៉េខាងជើង ដកស្រង់ចេញផ្សាយដោយទីភ្នាក់ងារសារព័ត៌មាន Reuters។ តាមកាសែតកូរ៉េខាងជើង Rodong Sinmun លោក គីម ជុងអ៊ុន បានចាកចេញពីទីក្រុងព្យុងយ៉ាងកាលពីថ្ងៃចន្ទ ហើយបានឆ្លងព្រំដែនចូលទៅក្នុងទឹកដីចិននៅព្រឹកថ្ងៃអង្គារនេះ។ លោក គីម ត្រូវបានរំពឹងថានឹងបង្ហាញវត្តមាននៅឯពិធីព្យុហយាត្រាយោធាដ៏សម្បើមមួយក្នុងទីក្រុងប៉េកាំង នៅថ្ងៃពុធ ទី៣ ខែកញ្ញា ជាមួយប្រធានាធិបតីចិន លោក ស៊ី ជីនពីង និងមេដឹកនាំបរទេសដទៃទៀតរួមមានលោកប្រធានាធិបតីរុស្ស៉ី លោក វ្ល៉ាឌីមៀ ពូទីន និងប្រធានាធិបតីអ៉ីរ៉ង់ លោក Masoud Pezeshkian។ នេះគឺជាលើកដំបូងបំផុតដែលលោក គីម ចូលរួមក្នុងព្រឹត្តិការណ៍ដ៏ធំមួយជាមួយមេដឹកនាំបរទេសដទៃ។ កាសែត Rodong Sinmun ក៏បានចេញផ្សាយផងដែរនូវរូបភាពរបស់លោក គីម អមដំណើរដោយមន្ត្រីជាន់ខ្ពស់កូរ៉េខាងជើង ដូចជារដ្ឋមន្ត្រីការបរទេសកូរ៉េខាងជើង លោកស្រី Choe Son Hui […]

(អូស្ត្រាលី)៖ លោក លី ស៊ីដេត ឧបការីទេសាភិបាល និងជាអគ្គបេឡា ធនាគារជាតិនៃកម្ពុជា នាថ្ងៃទី១ ខែកញ្ញា ឆ្នាំ២០២៥ បានអញ្ជើញចូលរួមសម្ពោធការដាក់បញ្ចូលប្រាក់រៀល ក្នុងតារាងជួញដូររូបិយប័ណ្ណនៅបញ្ជរប្តូរប្រាក់របស់ក្រុមហ៊ុន Travelex នៅអាកាសយានដ្ឋានអន្តរជាតិមែលប៊ន ប្រទេសអូស្រ្តាលី ដោយមានការចូលរួមពី លោក Adam Nezval ប្រធានប្រតិបត្តិការសាច់ប្រាក់ និងក្រដាសប្រាក់លក់ដុំ (Head of Wholesale Banknotes & Cash Operations) ប្រចាំប្រទេសអូស្រ្តាលី និងប្រទេសនូវែលសេឡង់នៃក្រុមហ៊ុន Travelex។ កិច្ចសហការរវាងធនាគារជាតិនៃកម្ពុជា និងក្រុមហ៊ុន Travelex ក្នុងការដាក់ឱ្យមានការជួញដូរប្រាក់រៀល នៅប្រទេសអូស្រ្តាលីនេះ នឹងជួយសម្រួលឱ្យភ្ញៀវទេសចរអូស្រ្តាលី ដែលធ្វើដំណើរមកទស្សនាប្រទេសកម្ពុជា និងភ្ញៀវទេសចរកម្ពុជា ដែលធ្វើដំណើរទៅប្រទេសអូស្រ្តាលី អាចប្តូរប្រាក់រៀលយកប្រាក់ដុល្លារអូស្ត្រាលី ឬប្តូរប្រាក់ដុល្លារអូស្រ្តាលីយកប្រាក់រៀលបានងាយស្រួល ដែលនឹងរួមចំណែកជួយជំរុញភ្ញៀវទេសចរអូស្រ្តាលីឱ្យមកទស្សនាប្រទេសកម្ពុជាកាន់តែច្រើន។ ធនាគារជាតិនៃកម្ពុជា បានបញ្ជាក់ថា វត្តមានប្រាក់រៀលនៅលើតារាងជួញដូរក្នុងប្រទេសអូស្រ្តាលី ជាសក្ខីភាពបញ្ជាក់ថា ប្រាក់រៀលអាចជួញដូរលើទីផ្សារអន្តរជាតិ និងឆ្លុះបញ្ចាំងអំពីកំណើននៃជំនឿទុកចិត្ត ក៏ដូចជាការទទួលស្គាល់កាន់តែទូលំទូលាយលើប្រាក់រៀល។ នេះជាលទ្ធផលនៃកិច្ចខិតខំប្រឹងប្រែងរបស់ធនាគារជាតិនៃកម្ពុជា ក្នុងការរក្សាស្ថិរភាពប្រាក់រៀលអស់រយៈពេលជាងពីរទសវត្សកន្លងមក។ គួររំលេចថា នេះជាលើកទីបួនហើយ ដែលក្រុមហ៊ុន Travelex […]