(បរទេស)៖ រឿង «Avatar: The Way Of Water» បានវ៉ាដាច់រឿង «Spider-Man: No Way Home» ក្លាយជាភាពយន្តរកចំណូលបានខ្ពស់បំផុត ក្នុងអំឡុងពេលជំងឺរាតត្បាតកូវីដ-១៩។ នេះបើតាមការចេញផ្សាយរបស់សារព័ត៌មាន Straits Times នៅថ្ងៃទី២០ ខែមករា ឆ្នាំ២០២៣។ ក្រុមហ៊ុន Disney បាននិយាយនៅក្នុងសេចក្តីថ្លែងការណ៍មួយកាលពីថ្ងៃពុធសប្តាហ៍នេះថា ខ្សែភាពយន្តដែលដឹកនាំដោយ James Cameron Avatar វគ្គ២ ទទួលបានចំណូល ១.៩៣ពាន់លានដុល្លារអាមេរិក នៅទូទាំងពិភពលោក ខណៈរឿង «Spider-Man: No Way Home» របស់ក្រុមហ៊ុន Sony Group ចេញផ្សាយក្នុងខែធ្នូ ឆ្នាំ២០២១ រកចំណូលបាន ១.៩២ពាន់លានដុល្លារ។ ការរីករាលដាលនៃមេរោគ Covid-19 បានជំរុញឱ្យរោងកុនទូទាំងពិភពលោកត្រូវបិទ ហើយអ្នកទស្សនាភាពយន្តមួយចំនួនបានជ្រើសរើសជៀសវាងកន្លែងសាធារណៈ។ តែយ៉ាងណា នៅពេលដែលជំងឺរាតត្បាតធូរស្បើយឡើងវិញ អ្នកទស្សនាភាពយន្តបាននាំគ្នាទៅមើលកុន តាមគន្លងថ្មី ដើម្បីទទួលបទពិសោធន៍ក្នុងរោងកុនដូចពេលមុន។ រឿង «Avatar: The […]

(វ៉ាស៊ីនតោន)៖ មន្ទីរបញ្ចកោណ នៅថ្ងៃព្រហស្បតិ៍សប្ដាហ៍នេះ (ម៉ោងនៅវ៉ាស៊ីនតោន) បានប្រកាសផ្ដល់ជំនួយយោធាបន្ថែម ២.៥ពាន់លានដុល្លារ សម្រាប់អ៊ុយក្រែន ហើយនៅក្រោមកញ្ចប់ជំនួយយោធាថ្មីនេះ ក្នុងនោះរួមមានការផ្ដល់ជាលើកដំបូងនូវរថពាសដែក Stryker និងរថពាសដែកប្រយុទ្ធ Bradley បន្ថែមដែលអាចនឹង ត្រូវបានប្រើទប់ទល់នឹងប្រតិបត្តិការវាយលុកសាជាថ្មីណាមួយរបស់រុស្ស៉ី។ នេះបើតាមការចេញផ្សាយដោយទីភ្នាក់ងារសារព័ត៌មាន AFP នៅថ្ងៃសុក្រ ទី២០ ខែមករា ឆ្នាំ២០២៣។ ការប្រកាសពីកញ្ចប់ជំនួយយោធាថ្មីខាងលើ ធ្វើឡើងតែមួយថ្ងៃប៉ុណ្ណោះ មុននឹងបណ្ដាប្រទេសលោកខាងលិចជួបប្រជុំគ្នានៅឯមូលដ្ឋានទ័ពអាកាសមួយ ក្នុងប្រទេស អាល្លឺម៉ង់ នៅថ្ងៃសុក្រសប្ដាហ៍នេះ ដើម្បីពិភាក្សាពីការផ្ដល់ជំនួយយោធាឱ្យអ៊ុយក្រែន។ បើតាមមន្ទីរបញ្ចកោណ នៅក្នុងកញ្ចប់ជំនួយយោធាថ្មីនេះរួមមានរថពាសដែក Stryker ចំនួន៩០គ្រឿង និងរថពាសដែកប្រយុទ្ធ Bradley ចំនួន៥៩គ្រឿង បន្ថែមពីលើរថពាសដែកប្រយុទ្ធ Bradley ៥០គ្រឿងដែលសហរដ្ឋអាមេរិកបញ្ជូនឱ្យ អ៊ុយក្រែន នៅក្រោមកញ្ចប់យោធាកាលពីពេលមុន។ គួរបញ្ជាក់ថា នៅក្រោមកញ្ចប់ជំនួយយោធាថ្មីខាងលើ ក៏មានគ្រាប់រំសេវសម្រាប់ប្រព័ន្ធមីស៊ីល HIMARS ដែលរុស្ស៉ីបានប្រើយ៉ាងមានប្រសិទ្ធភាពនៅលើសមរភូមិ នាពេលកន្លងមក។ ប៉ុន្តែមិនមានរថក្រោះប្រយុទ្ធ M1 Abrams ដែលអ៊ុយក្រែនបានស្នើសុំនោះទេ ខណៈមានសេចក្ដីរាយការណ៍ថាអាល្លឺម៉ង់នឹងបញ្ជូនរថក្រោះធុនធ្ងន់ របស់ខ្លួនឱ្យអ៊ុយក្រែន បើសហរដ្ឋអាមេរិកធ្វើដូចគ្នានេះដែរ៕ ផ្តល់សិទ្ធិដោយ៖ freshnews

តម្លៃស៊ុតបានកើនឡើងជាង ២ដង នៅកន្លែងខ្លះក្នុងប្រទេសជប៉ុន ចំពេលមានការរីករាលដាលនៃជំងឺផ្តាសាយបក្សីដែលមិនធ្លាប់មានពីមុនមកនៅទូទាំងប្រទេស។ ជម្រាបដែរថា ប្រទេសជប៉ុនបានសម្លាប់សត្វស្លាបជាង ១០ លានក្បាល គិតត្រឹមថ្ងៃអង្គារសប្តាហ៍មុន ដែលជាកំណត់ត្រាខ្ពស់បំផុតសម្រាប់រដូវកាលតែមួយ។ ការកើនឡើងនៃតម្លៃចំណីដែលបង្កឡើងដោយការលុកលុយរបស់រុស្ស៊ីលើអ៊ុយក្រែន ក៏បានរួមចំណែកធ្វើឱ្យតម្លៃស៊ុតកើនឡើងផងដែរ។ ផ្សារទំនើបមួយនៅក្នុងខេត្ត Gunma បាននិយាយថា ពួកគេបានទិញស៊ុតពីកសិដ្ឋានបសុបក្សីក្នុងស្រុក ខណៈបញ្ហាកង្វះស៊ុតបានបណ្តាលឱ្យតម្លៃកើនឡើងពី ៣០ ទៅ ៤០% បើប្រៀបធៀបទៅនឹងឆ្នាំធម្មតា។ ពួកគេលក់ពងមាន់ខ្នាតមធ្យមដែលមាន ១០គ្រាប់ ក្នុង ១កញ្ចប់ តម្លៃ ២៩៨ យ៉េន ឬប្រហែល ២.៣ ដុល្លារ ដែលខ្ពស់ជាងឆ្នាំមុនជិត ២.៥ ដង។ អតិថិជន​នៅ​ផ្សារ​ទំនើប​ម្នាក់​បាន​និយាយ​ថា នាង​ប្រើ​ស៊ុត​រាល់​ថ្ងៃ ដូច្នេះ​តម្លៃ​ហក់ឡើងខ្ពស់​ពិត​ជា​ប៉ះពាល់​ដល់​ថវិកា​គ្រួសារ។ លោក Nakajima Daiki ដែលជាអ្នកទទួលខុសត្រូវលើការទិញស៊ុតនៅផ្សារទំនើបនិយាយថា គាត់មិនដែលធ្លាប់មានបទពិសោធន៍ ដែលតម្លៃស៊ុតឡើងខ្ពស់ក្នុងរយៈពេលខ្លីបែបនេះពីមុនមកនោះទេ៕ ផ្តល់សិទ្ធិដោយ៖ ខ្មែរណូត

(បាងកក)៖ ក្រុមហ៊ុន Hua Seng Heng Gold Futures ដែលបានចុះបញ្ជីនៅផ្សារភាគហ៊ុនថៃបានឱ្យដឹងថា តម្លៃមាសរំពឹងថានឹងឡើងដល់កម្រិតខ្ពស់ក្នុងរយៈពេល ៨ខែគឺ ១ ៩៥០ដុល្លារក្នុងមួយអោន (៨,៣ជី) នៅសប្តាហ៍នេះដោយសារការភ័យខ្លាចមានការដើរថយក្រោយនៃសេដ្ឋកិច្ចសកល។ នេះបើយោងតាមកាសែតបាងកកប៉ុស្តិ៍។ តម្លៃមាសបានកើនឡើង ២៣,៥ដុល្លារនៅពេលបិទការជួញដូរនៅថ្ងៃសុក្រ ដែលធ្វើឱ្យតម្លៃកើនដល់កម្រិតខ្ពស់បំផុតចាប់តាំងពីខែមេសាឆ្នាំ២០២២ ដល់ ១ ៩២១,៨ដុល្លារដោយសារការធ្លាក់ចុះថ្លៃប្រាក់ដុល្លារ។ នៅពេលដែលអតិផរណានៅសហរដ្ឋអាមេរិកបានថយចុះមកត្រឹម ៦,៥៥% នៅក្នុងខែធ្នូពី ៧,១% នៅខែវិច្ឆិកា ទីផ្សាររំពឹងថា ធនាគារកណ្តាលអាមេរិក (Fed) នឹងបន្ថយល្បឿនការដំឡើងអត្រាការប្រាក់។ យោងតាមកាសែតបាងកកប៉ុស្តិ៍ តម្លៃមាសបានកើនឡើង ៥,២៦% ចាប់តាំងពីដើមឆ្នាំនេះមក។ ក្រុមហ៊ុន Hua Seng Heng Gold Futures បានឱ្យដឹងថា តម្លៃមាសអាចបន្តកើនឡើងក្នុងរយៈពេលខ្លី ប៉ុន្តែអាចនឹងមានការកែប្រែការព្យាករនេះបន្ទាប់ពីបុណ្យចូលឆ្នាំចិនរួចដែលនឹងប្រព្រឹត្តទៅនៅថ្ងៃទី២២ ខែមករា។ កាលពីសប្តាហ៍មុន សហរដ្ឋអាមេរិកបានចេញផ្សាយសន្ទស្សន៍តម្លៃទំនិញប្រើប្រាស់របស់ខ្លួន ដែលឆ្លុះបញ្ចាំងពីការធ្លាក់ចុះអតិផរណារបស់អាមេរិក។ ព្រឹត្តិការណ៍មួយទៀតដែលនឹងប៉ះពាល់ដល់ការប្រែប្រួលតម្លៃមាសក្នុងសប្តាហ៍នេះគឺវេទិកាសេដ្ឋកិច្ចពិភពលោក (WEF) ឆ្នាំ២០២៣ ដែលប្រារព្ធឡើងនៅទីក្រុងដាវ៉ូស ប្រសិនស្វ៊ីសចាប់ពីថ្ងៃទី១៦ ដល់ ២០ ខែមករា។ […]

កំពូលកីឡាករ Lionel Messi គឺប្រៀបដូចជានិមិត្ត​រូបសម្រាប់​​អាហ្សង់ទីនទាំងមូល ព្រោះថាប្រជាជនរបស់ប្រទេសនេះ មានការគោរព និងស្រឡាញ់កីឡាកររូបនេះខ្លាំងណាស់ រាប់​ចាប់តាំង​ពី​​ការសាក់​រូបលើខ្លួន រហូត​ដល់​ផ្ទាំង​គំនូរនៅលើជញ្ជាំងជាដើម​ បន្ទាប់​ពីគាត់ ក្នុងនាមជាប្រធានក្រុម បានដឹកនាំ​ក្រុម​ជម្រើស​ជាតិឱ្យ​ឈ្នះ​ពាន​រង្វាន់​បាល់ទាត់​ពិភពលោក World Cup នៅប្រទេសកាតា កាលពីពេលថ្មីៗនេះ។ ជាក់ស្ដែងម្ចាស់ចម្ការពោតមួយកន្លែង នៅ Los Condores ក្នុងខេត្ត Cordoba ក៏បានរកឃើញគំនិតមួយ ក្នុងការអបអរឱកាសនេះ ដោយការដាំពោតនៅក្នុងចម្ការដ៏ធំរបស់គាត់ចេញជាមុខកីឡាករ Messi តែម្ដង។ លោក Maximiliano Spinazze ដែលជាម្ចាស់ចម្ការបាននិយាយថា នេះគឺជាការអបអរចំពោះសមិទ្ធ​ផលរបស់កីឡាករ Messi និងក្រុមជម្រើសជាតិ​​ ដែលបាននាំយកនូវជ័យជម្នះឱ្យអាហ្សង់ទីនជាលើកដំបូង រាប់ចាប់តាំងពីលោក Diego Maradona បានដឹកនាំក្រុមឱ្យបានឈ្នះលើកចុងក្រោយបំផុតនៅឆ្នាំ១៩៨៦។ ពោលគឺអស់រយៈពេលជាង ៣០ឆ្នាំមកហើយ ដែលក្រុមជម្រើសជាតិអាហ្សង់ទីនមិនអាចទទួលជ័យជម្នះជូនប្រទេសរបស់ពួកគេ។ លោកបាននិយាយថា៖ «សម្រាប់ខ្ញុំគឺ Messi គ្មាននរណាប្រៀបបាន»។ ដោយបន្ថែមថា៖«ឥឡូវ​នេះ​ពួក​គេ ​គឺ​ជា​ម្ចាស់​ជើង​ឯក​ពិភព​លោក ខ្ញុំអាចដាំដំណាំនេះដើម្បីបង្ហាញពីភាពរីករាយរបស់ខ្ញុំ»។ ជម្រាបផងដែរថា ចម្ការពោតមួយនេះត្រូវបានរចនាដោយវិស្វករកសិកម្មលោក Carlos Faricelli ដោយការសរសេរកូដនៅលើម៉ាស៊ីនសាបព្រួសគ្រាប់ពោត។ ធ្វើដូចនេះវាអាចឱ្យម៉ាស៊ីនដាំតាមលំនាំច្បាស់លាស់ ដោយមានកន្លែងខ្លះដាំជារង្វើលៗ ហើយខ្លះទៀតមានសភាពក្រាស់ឃ្មឹក […]

(កង់បេរ៉ា)៖ រដ្ឋមន្រ្តីការពារជាតិអូស្រ្តាលី លោក រីឆាដ ម៉ាល (Richard Marles) បានប្រកាសថា ប្រទេសអូស្រ្តាលីនឹងបញ្ជូនកងទ័ព ៧០នាក់ទៅកាន់អឺរ៉ុប ដើម្បីជួយផ្តល់ការបណ្តុះបណ្តាលដល់ទាហានអ៊ុយក្រែន។ នេះបើតាមការចេញផ្សាយដោយ ទីភ្នាក់ងារព័ត៌មាន TASS នៅថ្ងៃព្រហស្បតិ៍ ទី១៩ ខែមករា ឆ្នាំ២០២៣។ លោក ម៉ាល បានប្រាប់ថា សមាជិករហូតដល់៧០នាក់ នៃកងកម្លាំងការពារជាតិអូស្រ្តាលី នឹងចាកចេញពីទីក្រុងដាវីន (Darwin) ក្នុងសប្តាហ៍នេះ ឆ្ពោះទៅចូលរួមជាមួយប្រទេសដៃគូដទៃទៀត នៅចក្រភពអង់គ្លេស ដើម្បីផ្តល់ការហ្វឹកហាត់ដ៏សំខាន់ ដល់ទាហាន​អ៊ុយក្រែន។ លោករដ្ឋមន្រ្តីការពារជាតិអូស្រ្តាលីបានបន្ថែមថា កម្មវិធីផ្តល់ការហ្វឹកហាត់ដែលដឹកនាំ និងមានមូលដ្ឋាននៅចក្រភពអង់គ្លេសនោះ នឹងផ្តោតជាចម្បងទៅលើការហាត់រៀនយុទ្ធសាស្រ្តកងទ័ពជើងគោក សម្រាប់បរិស្ថាននៅតាមទីក្រុងនិងទីកន្លែងមានព្រៃឈើ។ លោក ម៉ាល ក៏បានគូសបញ្ជាក់ដែរថា នឹងមិនមានកងទ័ពអូស្រ្តាលីណាម្នាក់ ដែលត្រូវចូលទៅដល់ក្នុងប្រទេសអ៊ុយក្រែន ក្រោមក្របខណ្ឌនៃកម្មវិធីបណ្តុះបណ្តាលនេះឡើយ។ គួរបញ្ជាក់ថា មកទល់បច្ចុប្បន្ន អូស្រ្តាលីបានផ្តល់ជំនួយសរុបទំហំ៦៥៥លានដុល្លារដល់អ៊ុយក្រែន ក្នុងនោះ៤៧៥លានដុល្លារ គឺជាជំនួយយោធា។ បរិក្ខារយោធាដែលទីក្រុងកង់បេរ៉ាបានផ្តល់ឱ្យទីក្រុងកៀវ រួមមានដូចជារថយន្តយោធាការពារគ្រាប់ Bushmaster ចំនួន៩០គ្រឿង, កាំភ្លើងធំហោវីតសឺ M777 ៦គ្រឿង, រថពាសដែក M113 […]

(វែលីងតោន)៖ នាយករដ្ឋមន្ត្រីនូវែលសេឡង់ លោកស្រី ចាស៊ីនដា អាឌឺន (Jacinda Ardern) បាននិយាយថាលោកស្រីនឹងមិនឈរឈ្មោះនៅក្នុងការបោះឆ្នោតសកល សាជាថ្មីឡើយ ហើយនឹងលាលែងពីតំណែងយ៉ាងយូរនៅដើមខែកុម្ភៈក្រោយនេះ។ នេះបើតាមការចេញផ្សាយដោយទីភ្នាក់ងារសារព័ត៌មាន AFP នៅថ្ងៃព្រហស្បតិ៍ ទី១៩ ខែមករា ឆ្នាំ២០២៣។ លោកស្រី អាឌឺន ធ្វើការប្រកាសខាងលើនៅក្នុងសេចក្ដីថ្លែងការណ៍មួយតាមកញ្ចក់ទូរទស្សន៍ នៅថ្ងៃព្រហស្បតិ៍នេះ ជាមួយការបញ្ជាក់ថាការបោះឆ្នោតសកលនឹងត្រូវ ប្រព្រឹត្តទៅនៅថ្ងៃទី១៤ ខែតុលា ឆ្នាំ២០២៣នេះ ខណៈអាណត្តិរបស់លោកស្រីនឹងត្រូវបញ្ចប់យ៉ាងយូរនៅថ្ងៃទី៧ ខែកុម្ភៈខាងមុខ។ គួរបញ្ជាក់ថា នៅក្នុងសេចក្ដីថ្លែងការណ៍ដដែល លោកស្រី អាឌឺន ក៏បានបង្ហាញក្ដីរំពឹងដែរថាគណបក្សពលករ (Labour Party) អាចនឹងទទួលជ័យជម្នះនៅក្នុង ការបោះឆ្នោតសកលខាងមុខ ហើយការបោះឆ្នោតជ្រើសរើសមេដឹកនាំថ្មីរបស់គណបក្សពលករ នឹងត្រូវធ្វើឡើងនៅថ្ងៃអាទិត្យចុងសប្ដាហ៍នេះ។ ជាមួយគ្នានោះដែរ ឧបនាយករដ្ឋមន្ត្រីនូវែលសេឡង់ និងដែលកំពុងកាន់តួនាទីជារដ្ឋមន្ត្រីហិរញ្ញវត្ថុផងនោះ គឺលោក ហ្ក្រែន រ៉ូបឺតសុន (Grant Robertson) បានអះអាងលោកនឹងចូលរួម នៅក្នុងការបោះឆ្នោតជ្រើសរើសមេដឹកនាំថ្មីរបស់គណបក្សពលករឡើយ៕ ផ្តល់សិទ្ធិដោយ៖ freshnews

រដ្ឋាភិបាលឥណ្ឌូណេស៊ីបានជំរុញឱ្យអាជ្ញាធរសុខាភិបាលក្នុងតំបន់ ត្រូវត្រួតពិនិត្យគ្រឹះស្ថានម្ហូបអាហារ និងស្នើឱ្យមាតាបិតាមានការប្រុងប្រយ័ត្ន បន្ទាប់ពីមានសេចក្តីរាយការណ៍ថា កុមារប្រមាណជា ២៥នាក់ បានធ្លាក់ខ្លួនឈឺក្រោយហូបនំមួយប្រភេទ ដែលមានផ្ទុកសារធាតុនីត្រូហ្សែនរាវ (liquid nitrogen-infused)។ នំប្រភេទនេះត្រូវបានគេហៅថា chiki ngebul ឬ នំដង្ហើមនាគ គឺជានំផ្អែមមានចម្រុះពណ៌ ដែលត្រូវបានស្រោបដោយផ្សែងនីត្រូហ្សែន ហើយពួកគេក៏បានស្រូបហឺតផ្សែងទាំងនោះចូលក្នុងពោះ តាមរយៈច្រមុះ និងមាត់របស់ពួកគេ។ អាហារសម្រន់ប្រភេទនេះ បានវាយលុកយ៉ាងខ្លាំងលើប្រព័ន្ធផ្សព្វផ្សាយសង្គម ជាពិសេសនៅក្នុងចំណោមក្មេងៗតូចតែម្ដង។ នៅក្នុងសេចក្តីថ្លែងការណ៍កាលពីពេលថ្មីៗនេះ ក្រសួងសុខាភិបាលឥណ្ឌូនេស៊ីបានលើកឡើងពីគ្រោះថ្នាក់នៃការទទួលទានអាហារសម្រន់ប្រភេទនេះ ដោយខ្លួនបានពន្យល់ថា ការទទួលទាននំប្រភេទនេះក្នុងរយៈពេលយូរ អាចនាំឱ្យមានបញ្ហាសុខភាពធ្ងន់ធ្ងរ។ ក្រសួង​បាន​ព្រមាន​ថា ការ​ទទួលទាន​អាហារ​សម្រន់​ដែល​បញ្ចូល​ជាតិនីត្រូហ្សែន​ច្រើន​ពេក អាច​នាំ​ឱ្យ​រលាក​ក្រពះ រលាក រលាក​ស្បែកដោយសារភាពត្រជាក់ខ្លាំង (cold burn) ព្រម​ទាំង​ខូចខាត​ដល់​សរីរាង្គ​ខាងក្នុង។ ម្យ៉ាងវិញទៀត ការ​ស្រូប​ផ្សែង​ក្នុង​រយៈ​ពេល​យូរ​ ក៏​អាច​នាំ​ឱ្យ​មាន​ការ​ពិបាក​ដក​ដង្ហើម​ធ្ងន់ធ្ងរ​ផងដែរ។ គិតមកទល់ពេលនេះ កុមារ​ចំនួន ២៥នាក់​ បាន​រង​ផល​ប៉ះពាល់ដល់សុខភាព ​បន្ទាប់​ពី​បាន​ហូប​អាហារ​សម្រន់ ដោយ​ក្នុង​នោះកុមារ ២​នាក់ ​ត្រូវ​បញ្ជូនទៅ​ព្យាបាល​នៅ​មន្ទីរពេទ្យ៕ ផ្តល់សិទ្ធិដោយ៖ ខ្មែរណូត

(ប៉ារីស)៖ លោកយាយ លូស៉ីល រ៉ង់ដុង (Lucile Randon) ដែលជាដូនជីម្នាក់នៅឯប្រទេសបារាំង និងជាប់ឈ្មោះជាមនុស្ស ដែលមានវ័យចំណាស់ជាងគេបំផុត នៅលើពិភពលោកនោះ គឺបានទទួលមរណភាពហើយកាលពីថ្ងៃអង្គារសប្តាហ៍នេះ នៅអាយុ១១៨ឆ្នាំ។ នេះបើតាមការចេញផ្សាយដោយ ទីភ្នាក់ងារព័ត៌មាន AFP នៅថ្ងៃពុធ ទី១៨ ខែមករា ឆ្នាំ២០២៣។ ដំណឹងមរណភាពខាងលើត្រូវបានប្រកាសដោយលោក ដេវីដ តាវេលឡា (David Tavella) អ្នកនាំពាក្យមណ្ឌលថែទាំជនចាស់ជរា សាំង-កាតឺរីន-ឡាបួរ (Sainte-Catherine-Laboure) ស្ថិតនៅក្រុងទូឡុង (Toulon) ភាគខាងត្បូងនៃប្រទេសបារាំង។ លោកយាយ រ៉ង់ដុង បានកើតនៅថ្ងៃទី១១ ខែកុម្ភៈ ឆ្នាំ១៩០៤ ជាពេលដែលរដ្ឋញូយ៉ករបស់សហរដ្ឋអាមេរិក ទើបតែបើកសម្ពោធស្ថានីយរថភ្លើង​ក្រោមដីលើកដំបូងរបស់ខ្លួន ហើយមួយទសវត្សរ៍ទៀត ទើបសង្រ្គាមលោកលើកទី១ចាប់ផ្តើម។ លោកយាយបានក្លាយជាដូនជីនៅ​អាយុ៤១ឆ្នាំ។ គួរបញ្ជាក់ថា ដូនចាស់ លូស៉ីល រ៉ង់ដុង បានក្លាយជាបុគ្គលមានវ័យចំណាស់ជាងគេលើលោក បន្ទាប់ពីលោកយាយ កាណេ តាណាកា (Kane Tanaka) ដែលជាជនជាតិជប៉ុន បានទទួលមរណភាពនៅអាយុ១១៩ឆ្នាំ កាលពីឆ្នាំ២០២២៕ ផ្តល់សិទ្ធិដោយ៖ freshnews

Microsoft អាច​ប្រកាស​ពី​ការ​បញ្ឈប់​បុគ្គលិក​ក្នុង​រយៈពេល​ប៉ុន្មាន​ថ្ងៃ​ខាង​មុខ។ លទ្ធភាពនៃក្រុមហ៊ុនបច្ចេកវិទ្យាយក្សក្នុងការបញ្ឈប់ផ្នែកសំខាន់នៃកម្លាំងការងាររបស់ខ្លួនត្រូវបានរាយការណ៍ជាលើកដំបូងដោយSky Newsហើយក្រោយមកត្រូវបានបញ្ជាក់ដោយទីភ្នាក់ងារព័ត៌មាន Bloomberg។ Sky News បានដាក់ចំនួននៃការកាត់បន្ថយប្រហែល៥%នៃកម្លាំងការងារ ២២០,០០០ នាក់របស់ក្រុមហ៊ុន ឬប្រហែល ១១,០០០ បុគ្គលិក។ អ្នកនាំពាក្យរបស់ Microsoft បានប្រាប់ Engadget ថាក្រុមហ៊ុនមិនធ្វើអត្ថាធិប្បាយលើពាក្យចចាមអារ៉ាម និងការរំពឹងទុកនោះទេ។ ប្រសិនបើប្រភពត្រឹមត្រូវ ការបញ្ឈប់ការងារដ៏ធំនេះនឹងប្រព្រឹត្តទៅនៅមុនថ្ងៃទី២៤ ខែមករា។ ក្នុងប៉ុន្មានសប្តាហ៍ថ្មីៗនេះ ក្រុមហ៊ុនបច្ចេកវិទ្យាធំៗជាច្រើនបានប្រកាសកាត់បន្ថយ ដោយក្រុមហ៊ុន Amazon បង្ហាញពីផែនការកាត់បន្ថយការងារចំនួន ១៨,០០០នាក់ ឬប្រហែល ៦% នៃកម្លាំងការងាររបស់ខ្លួន ខណៈដែល Meta បានកាត់បន្ថយប្រហែល ១១,០០០ មុខតំណែង។ ក្រោមកម្មសិទ្ធិរបស់ Elon Musk Twitter ក៏បានកាត់បន្ថយការងាររាប់ពាន់នាក់ផងដែរ។ ដូចគ្នានេះដែរ បុគ្គលិកចំនួន ៦,០០០នាក់នៅក្រុមហ៊ុនផលិតកុំព្យូទ័រ HP បានបាត់បង់ការងាររបស់ពួកគេ៕ ប្រភព៖ yahoo