(ឡុងដ៍)៖ អង្គការសុខភាពពិភពលោក WHO កាលពីថ្ងៃសៅរ៍ចុងសប្តាហ៍នេះ បានចេញសេចក្តីសម្រេចថា ជំងឺអុតស្វា (Monkeypox) មិនទាន់ត្រូវចាត់ទុកជា ភាពអាសន្នផ្នែកសុខភាពសាធារណៈអន្តរជាតិនៅឡើយទេ ប៉ុន្តែអគ្គនាយក WHO លោក ថេដ្រូស ហ្គេប្រេយ៉េស៊ូស (Tedros Ghebreyesus) បានថ្លែងថា លោកមានក្តីបារម្ភជាខ្លាំង អំពីការផ្ទុះឡើងនៃជំងឺនេះ។ នេះបើតាមការចេញផ្សាយដោយ ទីភ្នាក់ងារសារព័ត៌មាន Reuters នៅថ្ងៃអាទិត្យ ទី២៦ ខែមិថុនា ឆ្នាំ២០២២។ លោក Tedros បានលើកឡើងយ៉ាងដូច្នេះថា «ខ្ញុំព្រួយបារម្ភជាខ្លាំងអំពីការផ្ទុះឡើងនៃជំងឺអុតស្វា។ ច្បាស់ណាស់ វាគឺជាគំរាមកំហែងផ្នែកសុខាភិបាល ដែលកំពុងបន្តវិវត្តទៅមុខ ហើយរូបខ្ញុំនិងក្រុមមន្រ្តីនៅ WHO កំពុងតាមដានយ៉ាងដិតដល់ជាទីបំផុត»។ ដោយឡែក ក្នុងសេចក្តីថ្លែងការណ៍ផ្សេងមួយទៀត WHO បានលើកឡើងថា ទោះមានការយល់ឃើញខុសគ្នាមួយចំនួនក៏ដោយ ទីបំផុតខ្លួនបានសម្រេចជាឯកច្ឆន្ទថា ក្នុងដំណាក់កាលនេះ គឺការឆ្លងរាលដាលនៃជំងឺអុតស្វា នៅមិនទាន់ជា ភាពអាសន្នផ្នែកសុខភាពសាធារណៈ ដែលគួរឱ្យមានការព្រួយបារម្ភជាអន្តរជាតិ នៅឡើយទេ។ គួរបញ្ជាក់ថា បើតាម WHO ក្នុងរយៈពេល៦សប្តាហ៍ចុងក្រោយ ករណីឆ្លងជំងឺអុតស្វាចំនួនជាង ៣,២០០ករណី និងករណីស្លាប់១ករណី […]

(កូឡុំបូ)៖ ប្រទេសស្រីលង្កាបានប្រកាសបញ្ជូនរដ្ឋមន្ត្រីទៅកាន់ប្រទេសរុស្ស៊ី និងកាតា ដើម្បីព្យាយាមធានាបាននូវប្រេងក្នុងតម្លៃថោក មួយថ្ងៃបន្ទាប់ពីរដ្ឋាភិបាលបាននិយាយថា ខ្លួនមានអ្វីអស់ហើយ ប៉ុន្តែអស់ប្រេងឥន្ធនៈ។ នេះបើយោងតាមការចេញផ្សាយដោយ សារព័ត៌មាន AFP នៅថ្ងៃអាទិត្យ ទី២៦ ខែមិថុនា ឆ្នាំ២០២២។ ទន្ទឹមនឹងនេះ រដ្ឋាភិបាលបានបន្តការបិទស្ថាប័នរដ្ឋមិនសំខាន់រយៈពេលពីរសប្តាហ៍ រហូតដល់មានការជូនដំណឹងបន្ថែម ដើម្បីសន្សំសំចៃប្រេង ដោយរក្សាតែបុគ្គលិកសំខាន់ៗប៉ុណ្ណោះ ដើម្បីផ្តល់សេវាកម្មតិចតួចបំផុត។ រដ្ឋមន្ត្រីថាមពលលោក Kanchana Wijesekera បាននិយាយថា រដ្ឋមន្ត្រីពីររូបនឹងធ្វើដំណើរទៅកាន់ប្រទេសរុស្ស៊ីនៅថ្ងៃចន្ទ ដើម្បីពិភាក្សាអំពីការទទួលបានប្រេងបន្ថែមទៀត បន្ទាប់ពីបានទិញប្រេងឆៅចំនួន ៩០,០០០តោនកាលពីខែមុន។ លោក Wijesekera បានប្រាប់អ្នកយកព័ត៌មាននៅទីក្រុងកូឡុំបូយ៉ាងដូច្នេះថា «រដ្ឋមន្ត្រីពីរនាក់នឹងទៅប្រទេសរុស្ស៊ី ហើយខ្ញុំនឹងទៅប្រទេសកាតានៅថ្ងៃស្អែក ដើម្បីមើលថា តើយើងនឹងទទួលបានលក្ខខណ្ឌពិសេសឬយ៉ាងណា»។ លោក Wijesekera បានប្រកាសកាលពីថ្ងៃសៅរ៍ថា ប្រទេសស្រីលង្កាស្ទើរតែអស់សាំង និងប្រេងម៉ាស៊ូតប្រើប្រាស់ បន្ទាប់ពីការដឹកជញ្ជូនដែលបានគ្រោងទុកជាច្រើន ត្រូវបានពន្យារពេលដោយគ្មានកំណត់ ដោយសារតែហេតុផល «ធនាគារ»។ ប្រជាជននៅតែធ្វើដំណើរនៅលើដងផ្លូវ និងតម្រង់ជួរយ៉ាងវែងអន្លាយនៅតាមស្ថានីយ៍ចាក់សាំងនានាដោយសង្ឃឹមថា នឹងអាចចាក់សាំងរថយន្តរបស់ពួកគេ ខណៈនាយករដ្ឋមន្ត្រីបាននិយាយថា កាលបរិច្ឆេទនៃការមកដល់នៃប្រេងឥន្ធនៈបន្ទាប់ មិនអាចកំណត់បាននោះទេ៕ ផ្តល់សិទ្ធិដោយ៖ freshnews

អ្នកនាំពាក្យរដ្ឋាភិបាលបានបង្ហើបថា លោកឧត្តមសេនីយ៍ ប្រាយុធ ចានអូចា នាយករដ្ឋមន្ត្រីថៃ និងជារដ្ឋមន្ត្រីក្រសួងការពារជាតិ បានសម្តែងសេចក្តីសោមនស្សរីករាយ ដោយទីក្រុងបាងកកជាប់ចំណាត់ថ្នាក់ជាទីក្រុងល្អបំផុតលំដាប់ទី២ លើពិភពលោកសម្រាប់ក្រុម “Digital Nomads” ក្នុងឆ្នាំ២០២២ និងជាប់ចំណាត់ថ្នាក់លេខ១ នៅអាស៊ីក្នុងចំណោមទីក្រុងចំនួន ៨០ ទូទាំងពិភពលោក។ លោក Thanakorn Wangboonkongchana អ្នកនាំពាក្យទីស្តីការនាយករដ្ឋមន្ត្រីបានបង្ហើបថា លោក ប្រាយុធ បានបង្ហាញភាពសប្បាយរីករាយដោយ Instant Offices ដែលស្ថិតនៅក្រោម The Instant Group ដែលជាក្រុមហ៊ុនស្វែងរកការងារដែលអាចបត់បែនបាន ដែលមានមូលដ្ឋាននៅចក្រភពអង់គ្លេស បានចាត់ចំណាត់ថ្នាក់ទីក្រុងបាងកកឱ្យជាប់ចំណាត់ថ្នាក់ជាទីក្រុងល្អបំផុតលំដាប់ទី២ នៅលើពិភពលោកសម្រាប់ប្រភេទ “Digital Nomads” 2022 (Best Digital Nomad Cities Globally 2022) និងជាប់ចំណាត់ថ្នាក់លេខ១ នៅអាស៊ីក្នុងចំណោមទីក្រុងចំនួន ៨០ ទូទាំងពិភពលោក។ បើតាមអ្នកនាំពាក្យ និន្នាកា ” Digital Nomad ” ឬ ហៅថា ក្រុមមនុស្សដែលប្រើប្រាស់ជីវិតនៅខាងក្រៅការិយាល័យដោយធ្វើការផង […]

ស្ថាបនិក និងជានាយកប្រតិបត្តិក្រុមហ៊ុននៃ Meta Platforms លោក Mark Zuckerberg បានបាត់បង់ទ្រព្យសម្បត្តិច្រើនជាង ៥០% ក្នុងឆ្នាំ២០២២។ យោងតាមសន្ទស្សន៍មហាសេដ្ឋី Bloomberg បានឱ្យដឹងថា CEO របស់ក្រុមហ៊ុនបច្ចេកវិទ្យាយក្សមួយនេះ បច្ចុប្បន្នមានទ្រព្យសម្បត្តិ ៥៨.១ ពាន់លានដុល្លារគិតត្រឹមថ្ងៃទី២២ ខែមិថុនា ឆ្នាំ២០២២ ខណៈកាលពីដើមឆ្នាំទ្រព្យមានចំនួន ១២៥.៥ពាន់លានដុល្លារ។ កម្រិតទ្រព្យសម្បត្តិបច្ចុប្បន្នរបស់ Mark មានន័យថា គាត់បានបាត់បង់ជាង ៦៧.៤ ពាន់លានដុល្លារចាប់តាំងពីដើមឆ្នាំ ឬស្មើនឹង ៣៨៩.៥ លានដុល្លារ ក្នុងមួយថ្ងៃអស់រយៈពេល ១៧៣ថ្ងៃ។ ការខាតបង់ទ្រព្យដ៏ច្រើនរបស់ Mark បានធ្វើឱ្យមហាសេដ្ឋីរូបនេះ ធ្លាក់ចេញពីតំណែងអ្នកមានបំផុតទាំង ១០លើលោក មកនៅចំណាត់ថ្នាក់ទី១៧ វិញ។ ជាមួយគ្នានេះ ការបាត់បង់ទ្រព្យជាងពាក់កណ្ដាលនេះ គឺបានកើតឡើងបន្ទាប់ពី​ទ្រព្យសម្បត្តិរបស់​មេធំ Facebook កើន​ដល់ ១៤២ ពាន់​លាន​ដុល្លារ ដែលជាចំនួនខ្ពស់បំផុតមិនធ្លាប់មានកាលពីឆ្នាំមុន។ គួរបញ្ជាក់ផងដែរថា មូលហេតុដែលនាំឱ្យមហាសេដ្ឋីរូបនេះ ខាតបង់ទ្រព្យអស់យ៉ាងច្រើនបែបនេះ គឺ​ដោយសារ​ចំណូលរបស់ Mark ភាគច្រើនបានមកពីភាគហ៊ុន ១៣% […]

(វ៉ាស៉ីនតោន)៖ សេតវិមាន នៅថ្ងៃសុក្រសប្ដាហ៍នេះ (ពេលវេលានៅវ៉ាស៉ីនតោន) បាននិយាយថា សហរដ្ឋអាមេរិក អូស្ត្រាលី ជប៉ុន នូវែលសេឡង់ និងចក្រភពអង់គ្លេស បានបង្កើត «សម្ព័ន្ធភាពក្រៅផ្លូវការ» មួយ ក្នុងគោលបំណងជំរុញទំនាក់ទំនងផ្នែកសេដ្ឋកិច្ច និងការទូតជាមួយបណ្តាប្រទេសប្រជុំកោះប៉ាស៉ីហ្វិក។ នេះបើយោងតាម ការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃសៅរ៍ ទី២៥ ខែមិថុនា ឆ្នាំ២០២២។ រដ្ឋបាលប្រធានាធិបតីអាមេរិក លោក ចូ បៃដិន បានប្តេជ្ញាថានឹងផ្តល់ធនធានបន្ថែមទៀតដល់តំបន់ឥណ្ឌូប៉ាស៉ីហ្វិក ខណៈចិនកំពុងស្វែងរកកិច្ចព្រមព្រៀងទូទាំងតំបន់ ដែលគ្របដណ្តប់លើកិច្ចសហប្រតិបត្តិការផ្នែកសេដ្ឋកិច្ច យោធា និងប៉ូលិស ជាមួយបណ្តាប្រទេសប្រជុំកោះប៉ាស៉ីហ្វិកដែលទទូចចង់បានការវិនិយោគពីបរទេស។ បើតាមសេតវិមាន សម្ព័ន្ធភាពក្រៅផ្លូវការខាងលើ ត្រូវបានគេដាក់ឈ្មោះថា Partners in the Blue Pacific ឬហៅកាត់ថា PBP ហើយនឹងស្វែងរកការគាំទ្រតំបន់ប៉ាស៉ីហ្វិក ក៏ដូចជាពង្រឹងទំនាក់ទំនងផ្នែកសេដ្ឋកិច្ច រវាងបណ្ដាប្រទេសប្រជុំកោះប៉ាស៉ីហ្វិក និងពិភពលោកផ្សេងទៀត។ សេតវិមាន បានគូសបញ្ជាក់ថា «យើងរួបរួមគ្នាប្តេជ្ញាចិត្តក្នុងការគាំទ្រតំបន់ដែលផ្តល់អត្ថប្រយោជន៍ដល់ប្រជាជននៃមហាសមុទ្រប៉ាស៉ីហ្វិក។ យើងក៏រួបរួមគ្នាផងដែរ ក្នុងរបៀបដែលយើងសម្រេចបាននូវចក្ខុវិស័យនេះ ផ្អែកលើគោលការណ៍នៃអធិបតេយ្យ តម្លាភាព គណនេយ្យភាព និងភាគច្រើនទាំងអស់ដែលដឹកនាំដោយ […]

ចិន៖ ហេតុការណ៍ដ៏គួរឱ្យភ្ញាក់ផ្អើលមួយ បានកើតឡើងកាលពីថ្ងៃទី២៣ ខែមិថុនា ឆ្នាំ២០២២ ថ្មីៗនេះ ដោយកូនក្រមុំជនជាតិចិនម្នាក់ បានអញ្ជើញអតីតសង្សារដល់ទៅ ៩នាក់មកចូលរួមមង្គលការរបស់ខ្លួន។ កូនក្រមុំមានឈ្មោះថា Je Ting ដោយពិធីមង្គលការនេះត្រូវបានរៀបចំឡើងនៅក្នុង ទីក្រុង Meizhou ខេត្ត Guangdong ប្រទេសចិន ដោយអតីតមិត្តប្រុសរបស់កូនក្រមុំ ចំនួន ៩ នាក់បានចូលរួមអបអរសាទរមង្គលការរបស់នាង ហើយសុំថតរូបជាមួយកូនក្រមុំ។  រឿងរ៉ាវនេះ​បាន​ក្លាយជា​ប្រធានបទ​ដ៏​ក្តៅគគុក​នៅក្នុង​ពិភព​អន​ឡាញ​ ដោយសារតែគំនិតវិជ្ជមានរបស់កូនក្រមុំ ដែលបានអញ្ជើញអតីតមិត្តប្រុសមកចូលរួមអបអរសាទរដល់នាង ចំណែកអតីតមិត្តប្រុសរបស់កូនក្រមុំបានសូមអបអរសាទរ ថែមទាំងជូនពរអោយកូនក្រមុំ  ជួបតែសេចក្តីសុខ និងថតរូបជាមួយអតីតមិត្តស្រី ស្លៀកឈុតមង្គលការយ៉ាងស្រស់ស្អាតទៀតផង។ ជាមួយគ្នានេះ បន្ទាប់​ពី​ឃ្លីប​នេះ​ត្រូវ​បាន​គេ​ចែក​រំលែក​ជុំវិញ​ពិភព​​អ៉ីនធឺណិត វាបានក្លាយជាការស្វែងរកដ៏ក្តៅគគុកនៅក្នុងបណ្ដាញសង្គមរបស់ប្រទេសចិនភ្លាមៗ និងអ្នក​និយម​លេង​អ៉ីនធឺណិត​មួយ​ចំនួន ដោយ​និយាយ​ថា​កូនក្រមុំ​ពិត​ជា​ស្រស់​ស្អាត ប៉ុន្តែ​ពេល​ឃើញ​មុខ​អតីត​មិត្ត​ប្រុសហើយ សូមសរសើរថា រស់និយមរបស់កូនក្រមុំគឺល្អពិតមែន។ ខណៈ​អ្នក​លេង​អ៉ីនធឺណិត​មួយ​ចំនួន​ ក៏មានការព្រួយ​បារម្ភ​ចំពោះ​កូន​កំលោះ ដោយ​ឆ្ងល់​ថា​ប្ដី​បច្ចុប្បន្ន​នឹង​មាន​អារម្មណ៍​យ៉ាង​ណា? បន្ទាប់ពីឃើញ​អតីត​សង្សាររបស់​ប្រពន្ធជា​ច្រើន​ មកអបអរសាទរ។ ជាងនេះទៅទៀត អ្នកនិយមលេងអ៉ីនធឺណិតមួយចំនួន ឆ្ងល់ថាតើពួកគេស្គាល់កូនក្រមុំឬអត់? ខ្លះចេញ​មក​និយាយ​ថា “តាម​ពិត​បុរស​ទាំង​នេះ​ជា​មិត្ត​រួម​ថ្នាក់នាងដែលធំឡើងជាមួយកូនក្រមុំ ស្គាល់នាងតាំងពីកុមារភាពរហូតដល់ពេញវ័យ” ហើយវាមិនពិតទេដែលនាងមានអតីតមិត្តប្រុសច្រើនបែបនេះ៕ ផ្តល់សិទ្ធិដោយ៖ ខ្មែរណូត

វ៉ាក់សាំងជំងឺកូវីដ-១៩ជំនាន់ក្រោយទំនងជាត្រូវបានផលិតឡើងជាពិសេសសម្រាប់ប្រឆាំងជាមួយនឹងមេរោគនៃជំងឺកូវីដ-១៩ ប្រភេទអូមីក្រុងជាជាងប្រឆាំងជាមួយនឹងមេរោគទម្រង់ដើម នេះបើយោងតាមការវិភាគមួយដែលត្រូវបានចុះផ្សាយដោយបណ្តាញសារព័ត៌មាន Channel News Asia កាលពីថ្ងៃសុក្រ ទី២៤ ខែមិថុនា​ ម្សិលមិញនេះ។ ជាងនេះទៅទៀតក្រុមអ្នកជំនាញជាច្រើនបានព្យាករណ៍ថា វ៉ាក់សាំងជំងឺកូវីដ-១៩ជំនាន់ក្រោយក៏ត្រូវបានរៀបចំឡើងដោយផ្តល់គុណប្រយោជន៍ជាពិសេសសម្រាប់ក្រុមមនុស្សចាស់ និងក្រុមមនុស្សដែលមានប្រព័ន្ធភាពស៊ាំចុះខ្សោយផងដែរ។ ការលើកឡើងរបស់ក្រុមអ្នកជំនាញដូចបានជម្រាបជូនខាងលើនេះត្រូវបានធ្វើឡើយក្រោយគេបានសង្កេតឃើញថា នាពេលបច្ចុប្បន្ននេះក្រុមហ៊ុនផលិតវ៉ាក់សាំងធំៗជាច្រើនដូចជា ក្រុមហ៊ុន Moderna ក្រុមហ៊ុន Pfizer និងក្រុមហ៊ុន Novavax បានសម្រេចជ្រើសយកមេរោគអូមីក្រុងប្រភេទ BA.1 សម្រាប់ធ្វើជាមូលដ្ឋានក្នុងការពិសោធន៍និងផលិតវ៉ាក់សាំងជំនាន់ក្រោយរបស់ពួកគេ ដ្បិតក្រុមហ៊ុនទាំងអស់នោះយល់ឃើញថា មេរោគអូមីក្រុងនឹងក្លាយជាវ៉ារ្យ៉ង់ដែលគ្របដណ្តប់លើករណីឆ្លងភាគច្រើននៅជុំវិញពិភពលោកនាពេលខាងមុខ។ គួររម្លឹកជូនថា កាលពីថ្ងៃទី២២ ខែមិថុនាកន្លងទៅនេះ ក្រុមហ៊ុន Moderna ធ្លាប់បានប្រកាសជាសាធារណៈរួចហើយថា វ៉ាក់សាំងជំនាន់ក្រោយរបស់ក្រុមហ៊ុនខ្លួនគឺមានប្រសិទ្ធភាពខ្ពស់បំផុតសម្រាប់ប្រឆាំងជាមួយនឹងមេរោគអូមីក្រុង ខណៈពេលនេះក្រុមហ៊ុនកំពុងដាក់ស្នើសុំទៅកាន់អាជ្ញាធរដើម្បីអនុម័តឲ្យមានការប្រើប្រាស់ជាផ្លូវការហើយ៕ ផ្តល់សិទ្ធិដោយ៖ ខ្មែរណូត

ប្រទេសស្វីស បាននាំចូលមាសពីរុស្ស៊ីជាលើកដំបូង ចាប់តាំងពីរុស្ស៊ីបានបើកការឈ្លានពានទៅលើអ៊ុយក្រែន នេះបើយោងតាមការចុះផ្សាយរបស់សារព័ត៌មាន yahoo កាលពីថ្ងៃទី២២ ខែមិថុនា ថ្មីៗនេះ។ យោងតាមទិន្នន័យពីរដ្ឋបាលគយសហព័ន្ធស្វីស បានឱ្យដឹងថា មាសជាង ៣តោនត្រូវបានដឹកជញ្ជូនពីប្រទេសរុស្ស៊ីទៅប្រទេសស្វីសក្នុងខែឧសភា ដែលនោះ​ជា​ការ​ដឹក​ជញ្ជូនជាលើក​ដំបូង​ចាប់​តាំង​ពី​ខែ​កុម្ភៈមក។ ការនាំចេញនេះតំណាងឱ្យ ២% នៃការនាំចូលមាសទៅក្នុងមជ្ឈមណ្ឌលកែច្នៃមាសដ៏សំខាន់របស់ស្វីស ហើយមាសដែលបាននាំចូលនេះ​ត្រូវបានចុះបញ្ជីដោយគយស្វីសថា ជាមាសសម្រាប់ចម្រាញ់ ឬ កែច្នៃជាគ្រឿងអលង្ការផ្សេងៗ ខណៈប្រទេសស្វីស មានកន្លែងចម្រាញ់ និងកែច្នៃមាសធំៗចំនួនបួន ដែលរួមគ្នាគ្រប់គ្រងពីរភាគបីនៃមាសរបស់ពិភពលោក។ គួរបញ្ជាក់ផងដែរថា រុស្ស៊ី ជាប្រទេសស្តុកមាសដ៏ធំបំផុតទីប្រាំនៅលើពិភពលោក ហើយកាលពីខែមីនា ឆ្នាំ​២០២២ កន្លងទៅនេះ ឃ្លាំងស្តុកមាសមានតម្លៃជិត ១៤០ពាន់លានដុល្លារ ប៉ុន្តែមិនអាចលក់ ឬនាំចេញទៅប្រទេសណាមួយទេ ដោយសារតែទណ្ឌកម្មពីអឺរ៉ុប និងសហរដ្ឋអាមេរិក ចំពោះការឈ្លានពានរបស់រុស្ស៊ីទៅលើអ៊ុយក្រែន៕ ផ្តល់សិទ្ធិដោយ៖ ខ្មែរណូត

តៃវ៉ាន់៖ រដ្ឋាភិបាលតៃវ៉ាន់កាលពីថ្ងៃសុក្រ ទី២៤ ខែមិថុនាម្សិលមិញនេះបានប្រកាសពីការរកឃើញករណីឆ្លងជំងឺអុតស្វា Monkeypox ជាលើកដំបូងហើយ នេះបើយោងតាមសេចក្តីរាយការណ៍របស់បណ្តាញសារព័ត៌មាន Channel News Asia។ ជំងឺអុតស្វា Monkeypox នៅលើទឹកដីកោះតៃវ៉ាន់នោះគឺជាករណីនាំចូល ត្រូវបានរកឃើញនៅលើខ្លួនយុវជនអាយុជាង ២០ឆ្នាំម្នាក់ដែលទើបត្របល់មកពីសិក្សានៅក្នុងប្រទេសអាឡឺម៉ង់វិញកាលពីថ្ងៃទី១៦ ខែមិថុនាកន្លងទៅនេះ។ ប្រភពខាងលើបានបន្តថា ការរកឃើញករណីឆ្លងជំងឺអុតស្វា Monkeypox នេះត្រូវបានធ្វើឡើងនៅក្នុងអំឡុងពេលដែលជំងឺត្រូវធ្វើចត្តាឡីស័កដើម្បីតាមដានរកជំងឺកូវីដ-១៩ តែយ៉ាងណាក្តីគាត់មិនបានតេស្តវិជ្ជមានជំងឺកូវីដ-១៩នោះទេ។ បើតាមមជ្ឈមណ្ឌលគ្រប់គ្រងជំងឺឆ្លងតៃវ៉ាន់បានបញ្ជាក់ថា កាលពីថ្ងៃទី២០ កន្លងទៅអ្នកជំងឺបានផ្តើមមានអាការៈក្តៅខ្លួន ឈឺបំពងក និងផ្តើមចេញកន្ទួលរមាស់នៅខ្លួន ហើយដោយមានការសង្ស័យខាងគ្រូពេទ្យក៏បានសម្រេចធ្វើតេស្តរកជំងឺអុតស្វា Monkeypox ផង និងធ្វើតេស្តរកជំងឺកូវីដ-១៩ផង តែលទ្ធផលបង្ហាញថា អ្នកជំងឺវិជ្ជមានត្រឹមជំងឺអុតស្វា Monkeypox មួយមុខប៉ុណ្ណោះ៕ ផ្តល់សិទ្ធិដោយ៖ ខ្មែរណូត

នាយករដ្ឋមន្ត្រីស្រីលង្កាលោក Ranil Wickremesinghe បានសារភាពចំពោះសមាជិកសភាថា សេដ្ឋកិច្ច​របស់​ប្រទេស​ដែល​កំពុង​ប្រឈម​នឹង​វិបត្តិ​បាន ​«​ដួល​រលំហើយ​»​ បន្ទាប់​ពី​ការ​ខ្វះខាត​ស្បៀង​អាហារ ថាមពល និង​អគ្គិសនី​ជាច្រើន​ខែ​ក្នុង​ប្រទេស ដែលជាការពង្រឹងវិបត្តិនៃប្រទេសស្រីលង្កា ខណៈ​រដ្ឋាភិបាល​កំពុង​ព្យាយាម​ស្វែង​រក​ប្រភព​កម្ចី​បរទេស​ដើម្បី​ផ្គត់ផ្គង់​ប្រទេស។ ការចេញ​មក​ទទួល​យក​ស្ថានការណ៍​ក្នុង​ប្រទេស​របស់​នាយក​រដ្ឋមន្ត្រី ស្រីលង្កាលើកនេះ មិនមានការបញ្ជាក់ដល់ការ​រីក​ចម្រើន​ថ្មី ដែល​ត្រូវ​បាន​ធ្វើ​ឡើងនោះទេ​ ប៉ុន្តែ​មានគោល​បំណង​ដើម្បីបញ្ជាក់​ថា អ្នក​នយោបាយ​បក្ស​ប្រឆាំង អោយឃើញថា គាត់​ទទួល​បន្ទុក​កិច្ចការ​ដ៏​លំបាក​មួយ​ដែល​មិន​អាច​ដោះស្រាយ​​ក្នុង​ពេល​ឆាប់ៗបាន ព្រោះ​សេដ្ឋកិច្ច​ប្រទេស​នេះ​ ពោរពេញ​ដោយ​បំណុល បាត់បង់ចំណូលទេសចរណ៍ និងផលប៉ះពាល់ផ្សេងទៀត ពីការរាតត្បាតនៃជំងឺកូវីដ-១៩ រួមទាំងតម្លៃទំនិញខ្ពស់។ នាយករដ្ឋមន្ត្រី Wickremesinghe បាននិយាយថា ស្រីលង្កាមិនអាចទិញថាមពលដើម្បីនាំចូលបានទេ ស្របពេលដែលក្រុមហ៊ុនថាមពលរបស់រដ្ឋាភិបាលគឺ Ceylon Petroleum Corporation មានបំណុល $700 លានដុល្លារ ដូច្នេះគ្មានប្រទេស ឬអង្គការណាមួយចង់លក់ប្រេងទៅអោយប្រទេសស្រីលង្កាទេ។ ជាមួយគ្នានេះ ប្រទេសស្រីលង្កាពីមុនបានទទួលប្រាក់កម្ចីចំនួន ៤ពាន់លានដុល្លារពីប្រទេសឥណ្ឌា ដើម្បីជួយទ្រទ្រង់សេដ្ឋកិច្ចរបស់ប្រទេសនេះ ប៉ុន្តែនាយករដ្ឋមន្ត្រី Wickremesinghe បាននិយាយថា ឥណ្ឌាប្រហែលជាមិនអាចជួយស្រីលង្កាក្នុងរយៈពេលវែងដែលមានតម្លៃ ៣០០-៦០០ លានដុល្លារដល់ស្រីលង្កា ដើម្បីទិញថ្នាំពេទ្យ និងសម្ភារៈចាំបាច់ផ្សេងៗទៀតឡើយ។ នាយករដ្ឋមន្ត្រីស្រីលង្កាបានបន្ថែមថា ជំនួយពី IMF ហាក់ដូចជាផ្លូវតែមួយគត់របស់ប្រទេសនេះ បើតាមមន្ត្រី IMF បានធ្វើដំណើរទៅប្រទេសស្រីលង្កា ដើម្បីពិភាក្សាអំពីផែនការស្តារប្រទេសឡើងវិញ ហើយគេរំពឹងថានឹងបញ្ចប់កិច្ចព្រមព្រៀងកម្រិតផ្លូវការមួយនៅចុងខែក្រោយ។  […]