(ភ្នំពេញ)៖ រយៈពេល៥ថ្ងៃ ចាប់ពីថ្ងៃទី២ ដល់ថ្ងៃទី៦ ខែឧសភា ឆ្នាំ២០២២នេះ អគ្គនាយកដ្ឋានគយ និងរដ្ឋាករកម្ពុជា បានធ្វើការបង្ក្រាបរថយន្តស៊េរីទំនើបអត់ពន្ធចំនួន១៤គ្រឿង នៅទូទាំងប្រទេស ដែលសុទ្ធសឹងជ្រកក្រោមផ្លាកលេខក្លែងក្លាយ។ រថយន្តទាំង១៤គ្រឿង ដែលអគ្គនាយកដ្ឋានគយ និងរដ្ឋាករកម្ពុជា បង្ក្រាបបានក្នុងរយៈពេល១សប្តាហ៍នេះរួមមាន៖ ១-រថយន្តម៉ាក LEXUS CT200h ពណ៌ស ចង្កូតឆ្វេង ស្លាកលេខ កម្ពុជា RA.TA108 ឆ្នាំម៉ូដែល 2012 ២-រថយន្តម៉ាក LEXUS RX450h ពណ៌ស ចង្កូត ឆ្វេង ស្លាកលេខ 2AM-0296 ឆ្នាំម៉ូដែល 2010 ៣-រថយន្តម៉ាក LEXUS GS300 ពណ៌ស ចង្កូតឆ្វេង ស្លាកលេខ ភ្នំពេញ 2AP-1559 ឆ្នាំម៉ូដែល 2006 ៤-រថយន្តម៉ាក LEXUS RX330 ពណ៌ស ចង្កូតឆ្វេង ស្លាកលេខ ភ្នំពេញ 2BF-0018 ឆ្នាំម៉ូដែល 2004 […]

យោងតាមការចុះផ្សាយរបស់សារព័ត៌មាន yahoo បានចេញផ្សាយថា ភាគហ៊ុនរបស់ក្រុមហ៊ុន Alibaba Group Holding Limited បានបាត់បង់តម្លៃទីផ្សាររាប់ពាន់លានដុល្លារក្នុងរយៈពេលតែប៉ុន្មាននាទី បន្ទាប់ពីប្រព័ន្ធផ្សព្វផ្សាយរដ្ឋរបស់ចិន CCTV News បានរាយការណ៍ថា បុរសម្នាក់ដែលមាននាមត្រកូល Ma ត្រូវបានឃុំខ្លួនកាលពីខែមុន ដោយចោទប្រកាន់ពីបទបាន​ឃុបឃិត​ជាមួយ​អង្គការ​ប្រឆាំង​រដ្ឋាភិបាល​ក្រៅប្រទេស និង​បទ​ញុះញង់​ឲ្យ​មាន​អបគមន៍។ នៅពេលបានឮពីព័ត៌មាននេះ វិនិយោគិនជាច្រើនបានលក់ភាគហ៊ុនរបស់ពួកគេនៅ Alibaba កាលពីថ្ងៃអង្គារ បន្ទាប់ពី CCTV News បានចេញផ្សាយរបាយការណ៍ព័ត៌មានមិនច្បាស់លាស់ អំពីការចាប់ខ្លួនបុរសម្នាក់ដែលមានឈ្មោះ Ma នេះនៅទីក្រុង Hangzhou ខេត្ត Zhejiang ដែលជាមូលដ្ឋានរបស់ Alibaba ។ ហើយព័ត៌មានមិនច្បាស់លាស់នេះ បានធ្វើឱ្យក្រុមហ៊ុន Alibaba ខាតបង់ថវិកាប្រមាណ 26.5 ពាន់លានដុល្លារ។ យ៉ាងណាមិញ Global Times ដែលជាកាសែតភាសាអង់គ្លេសមួយរបស់ប្រទេសចិន បានចេញផ្សាយថា បុរសឈ្មោះ Ma ដែលត្រូវបានគេចាប់ខ្លួននោះ មានអាយុ ៣៧ឆ្នាំ ធ្វើការនៅក្រុមហ៊ុនបច្ចេកវិទ្យាមួយ នៅ Wenzhou ខេត្ត […]

រដ្ឋមន្ត្រីក្រសួងការពារជាតិអាល្លឺម៉ង់លោកស្រី Christine Lambrecht បានប្រកាសនៅថ្ងៃសុក្រនេះថា ប្រទេសអាល្លឺម៉ង់នឹងផ្គត់ផ្គង់ដល់ប្រទេសអ៊ុយក្រែន នូវរថពាសដែកបាញ់ដោយខ្លួនឯងចំនួន ៧ គ្រឿង នេះបើតាមការចុះផ្សាយរបស់សារព័ត៌មាន Deutsche Welle ។ រថពាសដែកទាំងនោះត្រូវបានគេស្គាល់ថាជា Panzerhaubitzen 2000 ដែលជាយានជំនិះដែលបំពាក់ដោយកាណុងកាំភ្លើងធំ ដែលអាចបាញ់ផ្លោងបានចម្ងាយ ៤០គីឡូម៉ែត្រ ហើយភាគីអាល្លឺម៉ង់​ ក៏​នឹង​ផ្តល់​ការ​ហ្វឹកហ្វឺន​ពី​របៀប​ប្រើ​ប្រាស់របស់វាទៅឱ្យអ៊ុយក្រែនផងដែរ។ លោកស្រី Lambrecht បានធ្វើសេចក្តីប្រកាសក្នុងអំឡុងពេលធ្វើដំណើរទៅកាន់ប្រទេសស្លូវ៉ាគី ដើម្បីជួបជាមួយទាហានអាល្លឺម៉ង់ ដែលត្រូវបានដាក់ពង្រាយនៅក្នុងប្រទេសអឺរ៉ុបខាងកើត ដែលមានព្រំដែនតូចមួយជាមួយអ៊ុយក្រែន។ ក្រសួងការពារជាតិអាឡឺម៉ង់មិនបានបញ្ជាក់ពេលវេលាសម្រាប់ការបញ្ជូនរថពាសដែកចម្បាំងទាំងនោះទេ ប៉ុន្តែការបណ្តុះបណ្តាលទៅទាហានអ៊ុយក្រែនគ្រោងនឹងចាប់ផ្តើមនៅសប្តាហ៍ក្រោយនេះ។ លោកស្រី Lambrecht បាន​និយាយ​ថា Panzerhaubitzen 2000 ​នឹង​ត្រូវ​បញ្ជូន​ទៅអ៊ុយក្រែន ​នៅពេល​ដែល​ទាហាន​អ៊ុយក្រែន​ចេះ​ពី​របៀប​ប្រើ​វា៕ ផ្តល់សិទ្ធិដោយ៖ ខ្មែរណូត

មេដឹកនាំកំពូលរបស់ប្រទេសចិន គឺលោក ស៊ី ជីនពីង បានចេញការព្រមានខ្លាំងៗ ប្រឆាំងនឹងអ្នកដែលមានមន្ទិលលើគោលនយោបាយ zero-COVID របស់ប្រទេសចិន ទាក់ទងនឹងការបិទទ្វារដ៏តឹងរ៉ឹង និងជាញឹកញយ ដែលបានធ្វើឱ្យមានការមិនសប្បាយចិត្តជាសាធារណៈ និងខូចខាតយ៉ាងធ្ងន់ធ្ងរដល់សេដ្ឋកិច្ចជាតិ។ នៅក្នុងកិច្ចប្រជុំដែលដឹកនាំដោយលោក ស៊ី កាលពីថ្ងៃព្រហស្បតិ៍ គណៈកម្មាធិការអចិន្ត្រៃយ៍ការិយាល័យនយោបាយកំពូលរបស់បក្សកុម្មុយនិស្តដែលកំពុងកាន់អំណាចបានប្តេជ្ញាថា ពួកគេនឹងប្រកាន់ខ្ជាប់នូវគោលនយោបាយ zero-COVID ហើយតស៊ូយ៉ាងម៉ឺងម៉ាត់ប្រឆាំងនឹងពាក្យសម្ដី និងអំពើណាមួយដែលបំភ្លៃ ភាពមានមន្ទិលសង្ស័យ ឬបដិសេធគោលនយោបាយបង្ការជំងឺរាតត្បាតរបស់ចិន។ នេះជាលើកទីមួយហើយដែលលោក ស៊ី បានថ្លែងសុន្ទរកថា អំពីការប្រយុទ្ធប្រឆាំងរបស់ចិនចំពោះជំងឺ COVID-19 ចាប់តាំងពីកំហឹងជាសាធារណៈ បានផ្ទុះឡើងជុំវិញការបិទទ្វារដ៏អាក្រក់នៅទីក្រុងសៀងហៃ។ គណៈកម្មាធិការនៅក្នុងការប្រជុំ ដែលមានសមាជិកចំនួន ៧រូប បាននិយាយថា៖«យុទ្ធសាស្ត្របង្ការ និងគ្រប់គ្រងរបស់យើង ត្រូវបានកំណត់ដោយធម្មជាតិ និងជាបេសកកម្មរបស់គណបក្ស គោលនយោបាយរបស់យើងអាចឈរលើការសាកល្បងជាប្រវត្តិសាស្ត្រ វិធានការរបស់យើងមានលក្ខណៈវិទ្យាសាស្ត្រ និងមានប្រសិទ្ធភាព។ យើងបានឈ្នះការប្រយុទ្ធដើម្បីការពារទីក្រុង Wuhan ហើយយើងពិតជានឹងអាចឈ្នះសមរភូមិដើម្បីការពារទីក្រុងសៀងហៃ»។ គណៈកម្មាធិការអចិន្ត្រៃយ៍ក៏បានទាមទារឱ្យកម្មាភិបាលមាន «ការយល់ដឹងយ៉ាងជ្រាលជ្រៅ ពេញលេញ និងទូលំទូលាយ» អំពីគោលនយោបាយ ដែលកំណត់ដោយថ្នាក់ដឹកនាំកណ្តាលរបស់គណបក្ស៕ ផ្តល់សិទ្ធិដោយ៖ ខ្មែរណូត

អាកាសធាតុក្តៅបែបនេះ ជឿថា បងប្អូនភាគច្រើនប្រាកដជាពឹងលើម៉ាសុីនត្រជាក់ជាមិនខាន ដើម្បីឲ្យសីតុណ្ហភាពនៅក្នុងបន្ទប់ ឬក្នុងផ្ទះចុះត្រជាក់។ សម្រាប់បងប្អូនដែលកំពុងរកទិញម៉ាសុីនត្រជាក់ដាក់បន្ទប់នោះ មុនដឹងដាក់នៅទីតាំងគួរ គប្បីត្រូវដឹងដឹងថា តើគួរដាក់កន្លែងណា ដើម្បីជួយអោយត្រជាក់ល្អ និងមិនសុីភ្លើងទៀតនោះ។ យោងតាមប្រភពព័ត៌មានរបស់ Sanook ដែលបានចុះផ្សាយកាលពីថ្ងៃទី០១ ឧសភា បានណែនាំអំពីទីតាំងដែលជួយអោយការបំពាក់ម៉ាសុីនត្រជាក់របស់បងប្អូនត្រឹមត្រូវសមស្របទៅតាមតម្រូវការ មានដូចជា៖ ម៉ាស៊ីនត្រជាក់មិនគួរត្រូវបានដំឡើងនៅខាងលើទ្វារទេ៖ មូលហេតុដែលយើងមិនគួរដំឡើងម៉ាស៊ីនត្រជាក់នៅពីលើទ្វារនោះ ព្រោះជាធម្មតាយើងត្រូវបើក ​​និងបិទទ្វារជាប្រចាំ ដែលធ្វើអោយអាកាសធាតុខាងក្រៅចូលមកបាន ដែលធ្វើឱ្យម៉ាស៊ីនត្រជាក់ធ្វើការកាន់តែពិបាក ដោយសារតែពួកគេត្រូវរក្សាបន្ទប់ឱ្យត្រជាក់គ្រប់ពេលវេលា។ ដំឡើងម៉ាស៊ីនត្រជាក់ ដើម្បីចែកចាយភាពត្រជាក់ពេញបន្ទប់៖ មនុស្សជាច្រើនជ្រើសរើសដំឡើងម៉ាស៊ីនត្រជាក់ពីលើក្បាល។  វាប្រៀបដូចជាយើងដេកនៅក្រោមម៉ាស៊ីនត្រជាក់ ដែលម៉ាស៊ីនត្រជាក់នឹងបញ្ចេញតែភាព ត្រជាក់ដល់រាងកាយ ប៉ុន្តែមិនសាយភាយភាពត្រជាក់ពេញបន្ទប់នោះទេ។ ម៉ាស៊ីនត្រជាក់មិនគួរត្រូវពន្លឺព្រះអាទិត្យទេ៖ ប្រសិនបើទីតាំងរបស់ម៉ាស៊ីនត្រជាក់ត្រូវកម្តៅថ្ងៃ នោះម៉ាស៊ីនត្រជាក់នឹងត្រូវបានទទួលកម្តៅ នឹងធ្វើឱ្យម៉ាស៊ីនត្រជាក់ធ្វើការកាន់តែខ្លាំង លើសពីនេះទៀត ប្រសិនបើបន្ទប់ត្រូវបានប៉ះពាល់នឹងពន្លឺព្រះអាទិត្យគ្រប់ពេលវេលា សីតុណ្ហភាពនៅក្នុងបន្ទប់កាន់តែខ្ពស់ នោះនៅពេលដែលបើកម៉ាសុីនត្រជាក់និងធ្វើអោយម៉ាសុីនត្រជាក់ធ្វើការកាន់តែធ្ងន់ទៀតផង។ ពិនិត្យកម្ពស់ពិដាន៖ តើអ្នកដឹងទេថា ពិដាននៅក្នុងបន្ទប់ដេកមានកម្ពស់ប៉ុន្មាន? ចំណែកម៉ាស៊ីនត្រជាក់ជាប់ជញ្ជាំងមិនបានជួយធ្វើឱ្យបន្ទប់មិនត្រជាក់ទេ។ ប៉ុន្តែគួរប្តូរពីម៉ាស៊ីនត្រជាក់ដាក់ជញ្ជាំង មកជាម៉ាស៊ីនត្រជាក់ជាប់ពិដាន វានឹងអាចឱ្យម៉ាស៊ីនត្រជាក់ចែកចាយភាពត្រជាក់បានកាន់តែស្មើគ្នាជាង។ ផ្តល់សិទ្ធិដោយ៖ ខ្មែរណូត

(កៀវ)៖ នាយករដ្ឋមន្ត្រីអ៊ុយក្រែន លោក ដេននីស ស្ម៊ីហាល់ (Denis Shmyhal) បានប្រាប់សន្និសីទម្ចាស់ជំនួយ នៅក្នុងទីក្រុង វ៉ាសូវី (Warsaw) ថា ចាប់តាំងពីចុងខែកុម្ភៈមក ប្រទេសលោកខាងលិច បានផ្តល់ជំនួយផ្នែកយោធា និងហិរញ្ញវត្ថុដល់អ៊ុយក្រែន ចំនួន១២ពាន់លានដុល្លារ។ នេះបើតាមការចុះផ្សាយរបស់សារព័ត៌មានរុស្ស៉ី Tass នៅថ្ងៃសុក្រ ទី៦ ខែឧសភា ឆ្នាំ២០២២។ បើតាមទីភ្នាក់ងារសារព័ត៌មានអ៊ុយក្រែន Ukrinform ដែលបានដកស្រង់សម្តីលោក Shmyhal, «ចាប់តាំងពីការចាប់ផ្តើម នៃសង្រ្គាមទ្រង់ទ្រាយធំមក អ៊ុយក្រែនបានទទួលជំនួយសរុបជាង ១២ពាន់លានដុល្លារ ក្នុងទម្រង់ជាការផ្គត់ផ្គង់អាវុធនិងជំនួយហិរញ្ញវត្ថុ ខណៈដែលក្នុងកិច្ចប្រជុំតុមូលរបស់ធនាគារពិភពលោក នាទីក្រុងវ៉ាស៊ីនតោន កាលពីចុងខែមេសាកន្លងទៅ លោក Shmyhal បានថ្លែងថា អ៊ុយក្រែនត្រូវការជំនួយផ្នែកហិរញ្ញវត្ថុចន្លោះពី ៤ទៅ៥ពាន់លានដុល្លារ ក្នុង១ខែសម្រាប់ទស្សនវិស័យរយៈពេលខ្លីប៉ុណ្ណោះ»។ គួរបញ្ជាក់ថា ជារឿយៗ ប្រធានាធិបតីរុស្ស៉ី លោក វ្ល៉ាឌីមៀ ពូទីន បានលើកឡើងថា ប្រតិបត្តិការពិសេសបស់ទីក្រុងមូស្គូ ដែលលោកខាងលិចហៅថាជាការឈ្លានពាន គឺមានគោលដៅបំផ្លាញហេដ្ឋារចនាសម្ព័ន្ធយោធាមិនមែនដើម្បីកាន់កាប់ទឹកដីអ៊ុយក្រែននោះទេ៕ ផ្តល់សិទ្ធិដោយ៖ freshnews

ថៃ៖ តាមប្រភពព័ត៌មានរបស់ sanook ដែលបានចុះផ្សាយកាលពីថ្ងៃទី០៥ ខែឧសភា ឆ្នាំ២០២២ បានឲ្យដឹងថា មានករណីមួយបានកើតឡើងទៅលើកម្មការិនីរោងចក្រម្នាក់ត្រូវបានបុរសម្នាក់បោកអោយរៀបចំមង្គលការជាមួយ ប៉ុន្តែចុងក្រោយនិយាយលែងចេញ ដោយសារតែខាងប្រុងរត់ចោល ហើយថែមទាំងមានបំណុលដល់ទៅជិត១មុឺនដុល្លារទៀត។ ដោយហេតុការណ៍ខាងលើបានកើតឡើងនៅខេត្តប្រាជីនបុរី ប្រទេសថៃ។ ក្រោយសមត្ថកិច្ចបានទទួលបណ្តឹងពីនារីរងគ្រោះម្នាក់ដែលមានឈ្មោះថា Namthip វ័យ៤០ឆ្នាំ ប្រកបរបរជាកម្មការិនីរោងចក្រ មួយកន្លែង បានរៀបរាប់ឲ្យដឹងថា «រូបនាងបានមានទំនាក់ទំនងជាមួយបុរសម្នាក់អះអាងថា ខ្លួនជាទាហ៊ាន ក្រោយមកអ្នកទាំង២បានជជែកគ្នាអំពីការរៀបចំមង្គលការជាមួយនាងក៏ដូចជាក្រុមគ្រួសារផងដែរ។ លុះថ្ងៃមង្គលក៏បានមកដល់ នៅថ្ងៃនោះដែរកម្មវិធីបានរៀបចំឡើង ដោយមានការទទួលទានអាហារលក្ខណៈតុចិន ដោយមានចំនួនសរុបជាង ៥០តុ សម្រាប់ទទួលភ្ញៀវដែលបានអញ្ជើញមកចូលរួម ប៉ុន្តែកូនក្រមុំក៏ដូចជាសាច់ញាតិកូនក្រមុំ បែរជាត្រូវទទួលភ្ញៀវតែម្នាក់ឯងទៅវិញ លុះពេលវេលាកាន់តែរំកិលទៅមុខ គ្មានវត្តមានរបស់កូនកំលោះឡើយ។ ដោយខាងសាច់ញាតិកូនក្រមុំនិងកូនក្រមុំព្យាយាមខលទៅកូនកំលោះ ប៉ុន្តែទាក់ទងមិនបាន ទើបចុងក្រោយដឹងការពិតថា នាងត្រូវបានគេបោកប្រាស់ ហើយអ្វីដែលកាន់តែឈឺចាប់បំផុតនោះគឺ « ក្រោយពិធីត្រូវបានបញ្ចប់នាងជំពាក់បំណុលក្នុងការរៀបចំពិធីមង្គលការនេះជាង ១មុឺនដុល្លាថែមទៀតផង ទើបសម្រេចចិត្តមកដាក់ពាក្យបណ្តឹងចំពោះសមត្ថកិច្ច។ ក្រោយពីសមត្ថកិច្ចបានសួរនាំជនរងគ្រោះ រូបនាងនិងមិត្តប្រុសបានរាប់អានមើលចិត្តមើលថ្លើមគ្នារយៈពេលជាង១ឆ្នាំហើយ។ ដោយក្នុងអំឡុងពេលនោះ គាត់ប្រាប់ថា គាត់ជាទាហ៊ាន ហើយថែមទាំងទទួលការងារជាអង្គរក្សអោយអ្នកធំទៀតផង។ ដោយសារតែការនិយាយស្តីនិងរៀបចំខ្លួនបានល្អ អត្តចរិកល្អ ចុះសម្រុងជាមួយអ្នកផ្ទះបានកាន់តែល្អហើយថែមទាំងជួយមើលការខុសត្រូវរាល់ថ្ងៃ។ ដោយមុនកើតហេតុមិត្តប្រុសនាងបាននិយាយឡើងថា «ចង់សុំនាងរៀបការ» ទើបជាមូលហេតុនៃការរៀបចំពិធីមង្គលការនេះឡើងមក៕ ផ្តល់សិទ្ធិដោយ៖ ខ្មែរណូត

(បែរឡាំង)៖ អធិការបតីអាល្លឺម៉ង់ លោក អូឡាហ្វ សូលសិ៍ (Olaf Scholz) និងប្រធានាធិបតីអាមេរិក លោក ចូ បៃដិន បានឯកភាពគ្នាថានឹងមិនទទួលស្គាល់ ទឹកដីដែលរុស្ស៉ីវាយយកបាន ឬកាន់កាប់នៅក្នុងប្រទេសអ៊ុយក្រែនជាដាច់ខាត។ នេះបើតាមអ្នកនាំពាក្យរដ្ឋាភិបាលអាល្លឺម៉ង់ ដកស្រង់ចេញផ្សាយដោយ ទីភ្នាក់ងារសារព័ត៌មាន Reuters នៅថ្ងៃសុក្រ ទី៦ ខែឧសភា ឆ្នាំ២០២២។ ថ្លែងនៅក្នុងលក្ខខណ្ឌមិនបញ្ចេញឈ្មោះ អ្នកនាំពាក្យរដ្ឋាភិបាលអាល្លឺម៉ង់ ខាងលើដដែល បានឱ្យដឹងទៀតថានៅក្នុងកិច្ចសន្ទនាតាមទូរស័ព្ទ នៅថ្ងៃព្រហស្បតិ៍ សប្ដាហ៍នេះ មេដឹកនាំនៃប្រទេសទាំង២ ក៏បានថ្កោលទោសផងដែរលើការអត្ថាធិប្បាយកាលពីពេលថ្មីៗនេះពីសំណាក់ថ្នាក់ដឹកនាំរុស្ស៉ីដែលព្យាយាម បង្ខូចកិត្តិយស ជុំវិញភាពស្របច្បាប់តាមបែបប្រជាធិបតេយ្យរបស់មេដឹកនាំអ៊ុយក្រែន។ អ្នកនាំពាក្យរូបនេះបានបញ្ជាក់ដូច្នេះថា «មេដឹកនាំទាំង២ បានឯកភាពគ្នាថាអ៊ុយក្រែនចាំបាច់ ទទួលបានការគាំទ្របន្ថែម ជាការអនុវត្តសិទ្ធិស្របច្បាប់ក្នុងការការពារខ្លួន»។ គួរបញ្ជាក់ថា បើតាមសេតវិមាន, លោក ចូ បៃដិន ក៏បានបង្ហាញការស្វាគមន៍ការផ្ដល់ជំនួយយោធារបស់អាល្លឺម៉ង់ដល់អ៊ុយក្រែន ព្រមទាំងការសន្យាផ្ដល់ជំនួយ មនុស្សធម៌កាលពីពេលថ្មីៗនេះផងដែរ៕ ផ្តល់សិទ្ធិដោយ៖ freshnews

(វ៉ាស៊ីនតោន)៖ សេតវិមាននៅថ្ងៃព្រហស្បតិ៍សប្ដាហ៍នេះ បាននិយាយថាសហរដ្ឋអាមេរិកមានជំនឿចិត្តថាខ្លួនអាចដោះស្រាយរាល់កង្វល់ផ្នែកសន្តិសុខ របស់ប្រទេសស៊ុយអែត និងហ្វាំងឡង់ នៅចន្លោះពេលបន្ទាប់ពីពួកគេដាក់ពាក្យសុំចូល NATO និងមុនពេលបក្សសម្ព័ន្ធយោធាមួយនេះទទួលយកប្រទេស ទាំង២ជាសមាជិក។ នេះបើតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃសុក្រ ទី៦ ខែឧសភា ឆ្នាំ២០២២។ ស៊ុយអែត និងហ្វាំងឡង់ត្រូវបានគេរាយការណ៍ថាអាចនឹងសម្រេចចិត្តថាតើគួរតែដាក់ពាក្យសុំចូល NATO ជាផ្លូវការ ឬក៏យ៉ាងណា នៅក្នុងខែឧសភានេះ ប៉ុន្តែ ព្រមពេលជាមួយគ្នា ក៏មានការព្រួយបារម្ភផងដែរពីការចាត់វិធានការឆ្លើយតបពីសំណាក់រុស្ស៉ី ដែលធ្លាប់ព្រមានអាមេរិក និង NATO ថាការទទួល យកប្រទេសទាំង២ ចូលជាសមាជិក នឹងបង្កផលវិបាកធ្ងន់ធ្ងរមិនអាចស្មានបាន។ យ៉ាងណាក៏ដោយ ថ្លែងនៅក្នុងសន្និសីទសារព័ត៌មានខ្លីមួយ អ្នកនាំពាក្យសេតវិមាន លោកស្រី ជេន សាគី (Jen Psaki) បានបញ្ជាក់ដូច្នេះថា «យើងមាន ជំនឿចិត្តថាយើងអាចដោះស្រាយរាល់ក្ដីកង្វល់របស់ប្រទេសទាំង២ នៅចន្លោះពេលដាក់ពាក្យសុំចូលជាសមាជិក NATO និងក្រោយពេលត្រូវបានទទួល ស្គាល់ជាសមាជិកផ្លូវការ»។ គួរបញ្ជាក់ថា កាលពីថ្ងៃពុធសប្ដាហ៍នេះ, រដ្ឋមន្ត្រីការបរទេសស៊ុយអែត ក៏បានអះអាងដែរថាសហរដ្ឋអាមេរិកយល់ព្រមផ្ដល់ការធានាសន្តិសុខឱ្យស៊ុយអែត តែមិនបានបញ្ជាក់លម្អិតអ្វីផ្សេងលើសពីនេះទេ៕ ផ្តល់សិទ្ធិដោយ៖ freshnews

ប្រធានាធិបតីអ៊ុយក្រែនលោក Volodymyr Zelenskyy បានស្នើសុំឱ្យអគ្គលេខាធិការអង្គការសហប្រជាជាតិ គឺលោក Antonio Guterres បន្តជំនួយក្នុងការជម្លៀសពលរដ្ឋចេញពីរោងចក្រដែក Azovstal នៅតំបន់ Mariupol ភាគខាងកើតប្រទេសអ៊ុយក្រែន។ ការិយាល័យប្រធានាធិបតីអ៊ុយក្រែនបានរាយការណ៍នៅលើគេហទំព័រផ្លូវការរបស់ខ្លួនកាលពីថ្ងៃពុធថា លោក Zelenskyy បានស្នើសុំបែបនេះ ក្នុងអំឡុងពេលសន្ទនាតាមទូរស័ព្ទជាមួយលោក Guterres ។ ការិយាល័យប្រធានាធិបតីអ៊ុយក្រែនបាននិយាយថា លោក Zelenskyy បានថ្លែងអំណរគុណចំពោះលោក Guterres ដោយផ្ទាល់ ចំពោះការខិតខំប្រឹងប្រែងរបស់គាត់ក្នុងការជម្លៀសពលរដ្ឋចេញ Azovstal ។ ការិយាល័យបានដកស្រង់សំដីរបស់លោក Zelenskyy ដែលបានថា៖«ជីវិតរបស់មនុស្សដែលនៅទីនោះគឺមានគ្រោះថ្នាក់។ មនុស្សគ្រប់គ្នាមានសារៈសំខាន់ចំពោះយើង។ យើងសុំជំនួយរបស់អ្នកដើម្បីជួយសង្គ្រោះពួកគេ»៕ ផ្តល់សិទ្ធិដោយ៖ ខ្មែរណូត