ចិន៖ ចិនបន្តរកឃើញអ្នកឆ្លងជំងឺកូវីដ-១៩ ចំនួន​ ៥៨នាក់បន្ថែមទៀតសម្រាប់របាយការណ៍នៅក្នុងថ្ងៃអាទិត្យ ទី ៣០ ខែមករា នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅព្រឹកថ្ងៃចន្ទ ទី៣១​ ខែមករានេះ។ បើយោងតាមអាជ្ញាធរសុខាភិបាលចិនបានបញ្ជាក់ថា ក្នុងចំណោមអ្នកឆ្លងថ្មីទាំងនោះគឺមានអ្នកឆ្លងចំនួន ៤០នាក់ជាការចម្លងនៅក្នុងសហគមន៍ ខណៈ ១៨នាក់ផ្សេងទៀតគឺជាករណីនាំចូលមកពីក្រៅប្រទេស។ ក្នុងចំណោមអ្នកឆ្លងនៅតាមសហគមន៍នោះទៀតសោធ គឺមាន ៣ករណីត្រូវបានរកឃើញនៅក្នុងទីក្រុងប៉េកាំង ដែលជាកន្លែងត្រូវទទួលរៀបចំព្រឹត្តិការណ៍កីឡាអូឡាំពិករដូវរងានៅដើមខែកុម្ភៈខាងមុខនេះផងដែរ។ គួរបញ្ជាក់ថា ចិនបានព្យាយាមទប់ស្កាត់ការចម្លងជំងឺកូវីដ-១៩នៅក្នុងសហគមន៍ឲ្យស្ថិតនៅកម្រិតសូន្យមុនពេលព្រឹត្តិការណ៍កីឡាអូឡាំពិករដូវរងាចូលមកដល់ ដើម្បីបង្ការការរាតត្បាតទ្រង់ទ្រាយធំដែលអាចនឹងកើតមានពីព្រឹត្តិការណ៍កីឡាដ៏ធំមួយនេះ ដែលមានមនុស្សជាច្រើននាក់មកពីជុំវិញពិភពលោកត្រូវចូលរួម។ សូមបញ្ជាក់ផងដែរថា គិតត្រឹមពេលនេះចិនបានរកឃើញអ្នកឆ្លងជំងឺកូវីដ-១៩ សរុបចំនួនជាង ១សែននាក់ និងស្លាប់ជាង ៤ពាន់នាក់៕ ដោយ ខ្មែរណូត

កូរ៉េខាងជើង៖ បណ្តាញសារព័ត៌មាន World of Buzz បាយរាយការណ៍ថា ប្រមុខដឹកនាំរបស់ប្រទេសកូរ៉េខាងជើងគឺលោក គីម ជុងអ៊ុន បានបំពាក់នូវបង្គន់អនាម័យនៅក្នុងរថយន្តរបស់គាត់ដើម្បីទុកប្រើប្រាស់ជាលក្ខណៈឯកជន​ ព្រោះរូបគាត់មិនទុកចិត្តក្នុងការប្រើប្រាស់បង្គន់សាធារណៈឡើយ។ ការបំពាក់នូវបង្គន់អនាម័យនេះគឺជាកែច្នៃបន្ថែមទៅលើរថយន្តដែលតាមធម្មតាគ្មានបំពាក់នូវបង្គន់នោះទេ ហើយគ្រប់រថយន្តទាំងអស់ដែលលោក គីម ជុងអ៊ុន ត្រូវប្រើប្រាស់គឺសុទ្ធតែបានបន្ថែមនូវបង្គន់អនាម័យនេះទាំងអស់ម្តង។ ប្រភពខាងលើបានបន្តថា ក្រុមអង្គរក្សរបស់របស់លោក គីម ជុងអ៊ុន ក៏មានភារកិច្ចត្រូវមើលថែបង្គន់ក្នុងរថយន្តទាំងអស់នោះផងដែរ ព្រោះមានតែរូបលោកប៉ុណ្ណោះតែមានសិទ្ធប្រើប្រាស់បង្គន់ទាំងនោះ ហើយអ្នកដែលហ៊ានទៅប្រើប្រាស់បង្គន់ទាំងនោះដោយគ្មានការអនុញ្ញាតអាចនឹងមានទោសរហូតដល់ប្រហារជីវិតទៀតផង។ ចំពោះហេតុផលនៅពីក្រោយរឿងរ៉ាវដ៏តឹងតែងមួយនេះគឺលោក គីម ជុងអ៊ុន ខ្លាចមានគេយកលាមករបស់គាត់ទៅពិសោធន៍និអាចវាយតម្លៃដឹងអំពីស្ថានភាពសុខភាពរបស់គាត់បាន ប្រសិនបើគាត់ទៅប្រើប្រាស់បង្គន់សាធារណៈ។​ គួររម្លឹកជូនថា ក្នុងរយៈពេលជាច្រើនខែចុងក្រោយនេះមានព័ត៌មានជាច្រើនបានរាយការណ៍ថាលោក គីម ជុងអ៊ុន មានជំងឺធ្ងន់ធ្ងររហូតស្រកទម្ងន់អស់ ២០គីឡូ ខណៈបណ្តាញសារព័ត៌មានរដ្ឋកូរ៉េខាងជើងបានអះអាងលោក គីម ជុងអ៊ុន មានសុខភាពល្អធម្មតាហើយរូបលោកគ្រាន់តែសម្រកទម្ងន់ដើម្បីរក្សាសុខភាពប៉ុណ្ណោះ៕ ដោយ៖ ខ្មែរណូត

(វ៉ាស៊ីនតោន)៖ មន្ត្រីជាន់ខ្ពស់អាមេរិកម្នាក់បាននិយាយថាទីក្រុងវ៉ាស៊ីនតោន មានការព្រួយបារម្ភជាខ្លាំងជុំវិញការបង្កើនការធ្វើតេស្ដមីស៊ីលរបស់កូរ៉េខាងជើង ដែលអាចនឹងនាំទៅរកការធ្វើតេស្ដអាវុធនុយក្លេអ៊ែរ និងមីស៊ីលបាលិស្ទីគអន្តរទ្វីប (ICBM) ឡើងវិញ។ នេះបើតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃចន្ទ ទី៣១ ខែមករា ឆ្នាំ២០២២។ មន្ត្រីជាន់ខ្ពស់អាមេរិកខាងលើ ធ្វើការកត់សម្គាល់បែបនេះប្រាប់អ្នកសារព័ត៌មានកាលពីថ្ងៃអាទិត្យចុងសប្ដាហ៍កន្លងទៅនេះ ឆ្លើយតបទៅនឹងសំណួរដែលសួរថា តើអាមេរិកមានការព្រួយបារម្ភថាទីក្រុងព្យុងយ៉ាង អាចនឹងធ្វើតេស្ដអាវុធនុយក្លេអ៊ែរ និងមីស៊ីល ICBM ដែរ ឬក៏យ៉ាងណា? មន្ត្រីរូបនេះដដែលបានបញ្ជាក់ ដូច្នេះថា «ជាការពិតណាស់, យើងពិតជាមានការព្រួយបារម្ភ… ហើយយើងមិនចង់ឃើញការធ្វើតេស្ដរបៀបនេះទៀតទេ ដូច្នេះយើងអំពាវនាវឱ្យកូរ៉េខាងជើង បញ្ឈប់ការធ្វើតេស្ដទាំងនេះតទៅទៀត និងត្រឡប់មករតុចរចាជាថ្មី»។ គួរបញ្ជាក់ថា កូរ៉េខាងជើង នៅថ្ងៃចន្ទនេះដែរ បានចេញមុខអះអាងថាមីស៊ីលដែលខ្លួនបានធ្វើតេស្ត កាលពីថ្ងៃអាទិត្យម្សិលមិញនេះមានឈ្មោះថា វ៉ាសុង ១២ (Hwasong-12) ជាប្រភេទមីស៊ីលបាលីស្ទីករយៈចម្ងាយមធ្យម (IRBM) ហើយក៏ជាមីស៊ីលរយៈចម្ងាយឆ្ងាយដែលទីក្រុងព្យុងយ៉ាង បានធ្វើតេស្ដជាលើកដំបូង បំផុតផងដែរចាប់តាំងពីឆ្នាំ២០១៧មក និងជាលើកទី៧ នៅក្នុងខែមករានេះ៕ ផ្តល់សិទ្ធិដោយ៖ freshnews

រាជធានីភ្នំពេញ៖ យោងតាមការគណនីហ្វេស ប៊ុករបស់ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានឲ្យដឹងថា នៅព្រឹកថ្ងៃអាទិត្យ ១៣រោច ខែបុស្ស ឆ្នាំឆ្លូវ ត្រីស័ក ព.ស. ២៥៦៥ ត្រូវនឹង ថ្ងៃទី៣០ ខែមករា ឆ្នាំ២០២២ នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញចូលរួមក្នុងពិធីប្រគល់-ទទួល វ៉ាក់សាំងបង្ការជំងឺកូវីដ១៩ (AstraZeneca) ចំនួន៣០ម៉ឺនដូស ជាជំនួយរបស់ប្រទេសប៉ូឡូញ ដែលពិធីនេះធ្វើឡើងនៅវិមានសន្តិភាព រាជធានីភ្នំពេញ។ ពិធីនេះ ក៏មានការអញ្ជើញចូលរួមពី លោកជំទាវ Carmen MORENO ឯកអគ្គរដ្ឋទូតនៃសហភាពអឺរ៉ុបប្រចាំកម្ពុជាផងដែរ។ សម្ដេចតេជោ ហ៊ុន សែន មានសេចក្តីសោមនស្សរីករាយក្រៃលែង ដោយបានចូលរួមជាមួយ លោកជំទាវឯកអគ្គរដ្ឋទូតសហភាពអឺរ៉ុបប្រចាំនៅកម្ពុជាដើម្បីទទួលយកវាក់សាំងកូវីដ-១៩ និងបានថ្លែងអំណរគុណដល់ប្រជាជន និងរដ្ឋាភិបាល នៃសាធារណរដ្ឋប៉ូឡូញ ដែលបានផ្ដល់វ៉ាក់សាំងកូវីដ១៩ មកដល់ប្រជាជន និងរាជរដ្ឋាភិបាលកម្ពុជានាពេលនេះ។ សម្តេចតេជោនាយករដ្ឋមន្ត្រី បានមានប្រសាសន៍ថា កម្ពុជាចាត់ទុកការចាក់វ៉ាក់សាំងបង្ការជំងឺកូវីដ-១៩ ជាអាទិភាពយុទ្ធសាស្ត្រ និងវាយតម្លៃខ្ពស់ចំពោះ ការជួយចែករំលែកវ៉ាក់សាំងគ្នា […]

ក្រសួងសុខាភិបាលសិង្ហបុរី (MOH) នៅក្នុងសេចក្តីថ្លែងការណ៍មួយ កាលពីថ្ងៃសុក្រ ទី២៨ ខែមករា ឆ្នាំ២០២២ បានរាយការណ៍ថា ប្រទេសរបស់ខ្លួនបានរកឃើញករណីជំងឺ COVID-19 វ៉ារ្យ៉ង់អូមីក្រុង BA.2 ដែលត្រូវបានគេដឹងថា មានការចម្លងឆាប់រហ័សជាង BA.1 ប៉ុន្តែមិនមានភាពខុសគ្នាខ្លាំងនៅក្នុងការព្យាបាលនោះទេ។ MOH បានឱ្យដឹងថា គិតត្រឹមថ្ងៃទី២៥ ខែមករា មានករណីនាំចូលចំនួន ១៥០ និងករណីក្នុងស្រុកចំនួន ៤៨ ត្រូវបានបញ្ជាក់ថាជា BA.2 ហើយក្រសួងត្រូវការទិន្នន័យ និងការសិក្សាបន្ថែមទៀត ដើម្បីយល់ឱ្យបានពេញលេញអំពីផលប៉ះពាល់នៃភាពធ្ងន់ធ្ងរ ភាពស៊ាំ និងលទ្ធភាពឆ្លងរបស់ BA.2 ។ ជម្រាបដែរថា វ៉ារ្យ៉ង់អូមីក្រុង BA.2 ត្រូវបានកំណត់កាលពីសប្តាហ៍មុន ដោយទីភ្នាក់ងារសន្តិសុខសុខភាពចក្រភពអង់គ្លេស ថាជាវ៉ារ្យ៉ង់ដែលកំពុងស្ថិតក្រោមការស៊ើបអង្កេត ប៉ុន្តែមិនត្រូវបានកំណត់ថា ជាវ៉ារ្យ៉ង់នៃការព្រួយបារម្ភនោះទេ។ BA.2 មិនមានការផ្លាស់ប្តូរហ្សែនជាក់លាក់ដូចជា អូមីក្រុង ដែលអាចប្រើជាប្រូកស៊ី ដើម្បីងាយស្រួលបែងចែកវាឱ្យដាច់ពីវ៉ារ្យ៉ង់ ដែលតា នោះឡើយ។ នេះមានន័យថា BA.2 មានការពិបាកក្នុងការកំណត់អត្តសញ្ញាណ ទោះបីជាតាមរយៈការធ្វើតេស្ដ PCR ប៉ុន្តែអ្នកជំនាញនៅតែអាចកំណត់ BA.2 […]

(ឡុងដ៍)៖ ក្រសួងសុខាភិបាលអង់គ្លេស កាលពីថ្ងៃសុក្រសប្តាហ៍នេះ បានប្រកាសថា ចក្រភពអង់គ្លេសនឹងចាប់ផ្តើមការប្រើប្រាស់ថ្នាំគ្រាប់ សម្រាប់ព្យាបាលអ្នកជំងឺ COVID-19 របស់ក្រុមហ៊ុនអាមេរិក Pfizer នៅខែកុម្ភៈខាងមុខនេះ ដោយផ្តោតជាពិសេសទៅលើ ក្រុមអ្នកដែលមានប្រព័ន្ធភាពស៉ាំទន់ខ្សោយ។ នេះបើតាមការចេញផ្សាយដោយ ទីភ្នាក់ងារសារព័ត៌មាន Reuters នៅថ្ងៃសៅរ៍ ទី២៩ ខែមករា ឆ្នាំ២០២២។ អាជ្ញាធរសុខាភិបាលអង់គ្លេស បានលើកឡើងថា ថ្នាំគ្រាប់ហៅថា ផាក់ឡូវីដ (Paxlovid) របស់ក្រុមហ៊ុន Pfizer នឹងត្រូវបើកឱ្យប្រើប្រាស់នៅក្នុងចក្រភពអង់គ្លេស ចាប់ពីថ្ងៃទី១០ ខែកុម្ភៈ ដើម្បីជួយអ្នកដែលប្រឈមហានិភ័យខ្ពស់ ដោយសារជំងឺ COVID-19។ លោក ស្ទេវិន ផូវីស (Stephen Powis) នាយកវេជ្ជសាស្រ្តនៃសេវាសុខាភិបាលជាតិអង់គ្លេស បានថ្លែងថា យោងតាមលទ្ធផលធ្វើតេស្ត ថ្នាំ Paxlovid អាចកាត់បន្ថយលទ្ធភាពត្រូវចូលមន្ទីរពេទ្យនិងស្លាប់នៃអ្នកឆ្លង COVID-19 បានដល់ទៅជិត៩០ភាគរយ ដែលមានន័យថា វានឹងអាចជួយសង្រ្គោះជីវិតមនុស្សបានយ៉ាងច្រើន។ គួរបញ្ជាក់ថា អង់គ្លេសបានបញ្ជាទិញថ្នាំ Paxlovid សុរប២.៧៥លានឈុត។ វាគឺជាថ្នាំសម្រាប់ព្យាបាលជំងឺ COVID-19 ទី២ ដែលត្រូវបានអនុញ្ញាតឱ្យប្រើប្រាស់នៅចក្រភពអង់គ្លេស […]

(ម៉ូស្គូ)៖ លទ្ធផលនៃការធ្វើជំរឿនប្រជាជនជាប្រវត្តិសាស្ត្រ បានបង្ហាញថា រុស្ស៊ីបានថយចុះចំនួនប្រជាជនរហូតដល់ទៅ ១.០៤លាននាក់ កាលពីឆ្នាំ២០២១ ខណៈអត្រាស្លាប់បានកើនឡើង ក្នុងនោះជំងឺរាតត្បាតសកល COVID-19 ក៏បានរួមចំណែកជំរុញអត្រាស្លាប់នេះផងដែរ។ នេះបើតាមការចេញផ្សាយដោយ សារព័ត៌មានចិន CGTN នារសៀលថ្ងៃសៅរ៍ ទី២៩ ខែមករា ឆ្នាំ២០២២។ ទិន្នន័យពីរដ្ឋាភិបាលរុស្ស៊ីបានបង្ហាញថា អត្រាស្លាប់នៅទូទាំងប្រទេស ដែលមានផ្ទៃដីធំធេងជាងគេលំដាប់ទី ១ នៅលើពិភពលោកមួយនេះ បានកើនឡើងរហូតដល់ទៅ ១៥.១% កាលពីឆ្នាំ ២០២១ បើធៀបនឹងអត្រាកាលពីឆ្នាំ ២០២០។ ទីភ្នាក់ងាររដ្ឋាភិបាលរុស្ស៊ីបានអះអាងថា ការស្លាប់បង្កឡើងដោយជំងឺ COVID-19 បានជួយជំរុញឲ្យអត្រាស្លាប់ កើនឡើងកាន់តែខ្ពស់នៅឆ្នាំ២០២១។ គួរបញ្ជាក់ថា ប្រជាជនរុស្ស៊ីជាង ៦៦០,០០០នាក់ បានបាត់បង់ជីវិត ដោយសារជំងឺ COVID-19 គិតចាប់តាំងពីដើមឆ្នាំ ២០២០ ដែលអ្នកឆ្លងជំងឺនេះ ត្រូវបានរកឃើញដំបូងនៅរុស្ស៊ី។ បន្ថែមពីនេះ កាលពីឆ្នាំ ២០២១ មនុស្សសរុបជាង ២,៤៤៥,០០០នាក់ បានស្លាប់នៅទូទាំងប្រទេសរុស្ស៊ី (ក្នុងនោះក៏បូករួមទាំងអ្នកជំងឺ COVID-19 ដែលបានបាត់បង់ជីវិត នៅក្នុងឆ្នាំ២០២១ ផងដែរ)។ បច្ចុប្បន្ននេះ […]

ក្រុមហ៊ុនឱសថ Merck បានប្រកាសកាលពីថ្ងៃសុក្រថា ថ្នាំពិសោធន៍ជំងឺ COVID-19 របស់ខ្លួន មានប្រសិទ្ធភាពប្រឆាំងនឹងវ៉ារ្យ៉ង់ អូមីក្រុង នេះបើយោងតាមការសិក្សាឯករាជ្យចំនួន ៦ ដែលក្រុមហ៊ុនទទួលបាន។ Merck រួមជាមួយនឹងដៃគូ Ridgeback Biotherapeutics បាននិយាយនៅក្នុងសេចក្តីប្រកាសថា ការសិក្សាបានបង្ហាញថា ថ្នាំលេប Molnupiravir របស់ខ្លួន មានភាពសកម្មប្រឆាំងនឹងជំងឺ COVID-19 វ៉ារ្យ៉ង់អូមីក្រុង។ ដូច្នេះវាបានផ្តល់នូវទំនុកចិត្តបន្ថែមទៀត ចំពោះពលរដ្ឋមានហានិភ័យខ្ពស់ដែលជ្រើសយកជម្រើសប្រើថ្នាំគ្រាប់។ លោកវេជ្ជបណ្ឌិត Dean Y. Li ប្រធានមន្ទីរពិសោធន៍ស្រាវជ្រាវ Merck បាននិយាយថា៖«ការរកឃើញចេញពីការសិក្សាឯករាជ្យជាច្រើននៅក្នុង vitro បានបង្ហាញថា Molnupiravir មានភាពសកម្មជាក់លាក់ប្រឆាំងនឹង អូមីក្រុង ដែលជាវ៉ារ្យ៉ង់ចម្បង ដែលកំពុងចរាចរទូទាំងពិភពលោក។ វាផ្តល់នូវទំនុកចិត្តបន្ថែមលើសក្តានុពលរបស់ Molnupiravir ដែលជាជម្រើសព្យាបាលដ៏សំខាន់ សម្រាប់មនុស្សពេញវ័យមួយចំនួន ដែលឆ្លង COVID-19 កម្រិតស្រាលទៅមធ្យម ហើយមានហានិភ័យខ្ពស់ក្នុងការវិវត្តទៅជាជំងឺធ្ងន់ធ្ងរ»។ គួរឱ្យដឹងដែរថា Molnupiravir ត្រូវបានអនុញ្ញាតក្នុងខែធ្នូ សម្រាប់ប្រើប្រាស់នៅសហរដ្ឋអាមេរិក ចំពោះអ្នកជំងឺ COVID-19 ដែលមានអាយុលើសពី ១៨ឆ្នាំ។ […]

ចំនួនករណីឆ្លងជំងឺ COVID-19 ប្រចាំថ្ងៃរបស់ប្រទេសកូរ៉េខាងត្បូង កំពុងមានការកើនឡើងក្នុងប៉ុន្មានសប្តាហ៍ថ្មីៗនេះ បើទោះបីជាមានវិធានការការពារយ៉ាងតឹងរ៉ឹងក៏ដោយ។ ដូច្នេះហើយ ដើម្បីទប់ស្កាត់ការរីករាលដាលនៃករណីជំងឺ COVID-19 វ៉ារ្យ៉ង់អូមីក្រុង ដែលកំពុងចម្លងយ៉ាងឆាប់រហ័ស រដ្ឋាភិបាលនៃប្រទេសកូរ៉េខាងត្បូង បានប្រកាសឱ្យមានការបន្ដច្បាប់រក្សាគម្លាតសង្គមរយៈពេល ៣សប្ដាហ៍ បន្ថែមទៀត ខណៈដែលច្បាប់ចាស់គឺបានដាក់តាំងតែពីថ្ងៃទី១៨ ខែធ្នូ ឆ្នាំ២០២១ និងមានសុពលភាពរហូតដល់ទី០៦ ខែកុម្ភៈ ឆ្នាំ២០២២ ខាងមុខនេះ។ ពោលគឺច្បាប់ថ្មីនេះនឹងបន្ថែមសុពភាពពីលើនោះទៀត។ ចំណាត់ការនេះបានបង្កឱ្យមានការខឹងសម្បារពីម្ចាស់អាជីវកម្មខ្នាតតូចជាង ២០០ កន្លែង នៅក្នុងទីក្រុងសេអ៊ូល ហើយពួកគេក៏បានធ្វើការតវ៉ា ដោយការកោរសក់ (ដែលអាចមើលបានតាមរយៈវីដេអូខាងក្រោម) ហើយពួកគេបានជំរុញឱ្យរដ្ឋាភិបាលលុបចោលការទប់ស្កាត់ រួមទាំងបម្រាមគោចរនៅម៉ោង ៩យប់ សម្រាប់ភោជនីយដ្ឋាន ហាងកាហ្វេ និងបារ និងដើម្បីអាចឱ្យពួកគេស្រង់ការខាតបង់ផ្នែកហិរញ្ញវត្ថុឡើងវិញ។ គួរឱ្យដឹងដែរថា ប្រទេសកូរ៉េខាងត្បូងបានបន្ដមើលឃើញពីការឆ្លងថ្មីៗក្នុងកំណត់ត្រា ហើយកាលពីម្សិលមិញនេះផ្ទាល់ ដែលត្រូវនឹងថ្ងៃទី២៧ ខែមករា ឆ្នាំ២០២២ ប្រទេសនេះបានកត់ត្រាការឆ្លងថ្មីរហូតដល់ ១៤,៥១៨ នាក់ និងស្លាប់ចំនួន ៣៤ នាក់៕ ដោយ៖ ខ្មែរណូត

(សិង្ហបុរី)៖ ប្រទេសសិង្ហបុរីបានរាយការណ៍ពីករណីឆ្លងកូវីដ១៩ថ្មីៗចំនួន៥,៥៥៤ករណីបន្ថែមទៀត គិតត្រឹមថ្ងៃសុក្រ ទី២៨ ខែមករា ឆ្នាំ២០២២នេះ។ នេះបើយោងតាមការចេញផ្សាយដោយសារព័ត៌មាន CNA ចេញផ្សាយយប់ថ្ងៃសុក្រនេះ។ ក្នុងចំណោមករណីឆ្លងខាងលើមាន២៨២នាក់ជាករណីនាំចូល ក្រៅពីនោះជាករណីឆ្លងក្នុងស្រុក។ ចំណែកអ្នកស្លាប់សរុបនៅទូទាំងប្រទេសកើនដល់៨៥៣នាក់ ក្រោយបានរាយការណ៍ករណីស្លាប់ថ្មីចំនួន៣នាក់ទៀតនៅថ្ងៃនេះ ខណៈករណីឆ្លងកូវីដ១៩សរុបកើនដល់ ៣៣៨,៦២៥ករណី៕ ផ្តល់សិទ្ធិដោយ៖ freshnews