(ភ្នំពេញ)៖ រឿងរ៉ាវរបស់អតីតកីឡាករប្រដាល់​ ធី​ ដារ៉ាម៉ា ដែលធ្លាក់ខ្លួនពិការ ត្រូវលក់ភេសជ្ជៈនៅតាមដងផ្លូវដើម្បីដោះស្រាយជីវភាពដែលខ្វះខាតខ្លាំងនោះ បានធ្វើឱ្យមហាជនជាច្រើនសម្តែងក្តីអាណិតអាសូរជាពន់ពេក។ ដោយអ្នកលេងបណ្តាញសង្គមសង្ឃឹមថាសប្បុរសជនអាចជួយអតីតកីឡាកររូបនេះដើម្បីសម្រួលជីវភាពដែលកំពុងខ្វះខាត។ ទោះ ធី ដារ៉ាម៉ា មិនអាចជោគជ័យដូចកីឡាករផ្សេងក៏គាត់ធ្លាប់ចូលរួមចំណែកជាមួយវិស័យកីឡាប្រដាល់គុនខ្មែរនេះផងដែរ។ យោងតាមការបង្ហោះរបស់គណនីហ្វេសប៊ុកឈ្មោះ Pov Rattana បានឱ្យដឹងថា «ទន្ទឹមមានអ្នកឈ្នះ​ លេីកមុខមាត់វិស័យប្រដាល់​ ក៏ត្រូវក្រលេកមេីល​ អ្នកដែលបញ្ចប់អាជីព​ ក្នុងវិស័យមួយនេះដែរ។ សង្ឃឹមថានឹងមានសប្បុរសជនជួយគាត់​ អោយដូចកីឡាករដែលឈ្នះដូចគ្នា​ ។ មិនចង់អោយបញ្ចប់អាជីពទៅ​ ទៅជាចឹងទាំងអស់គ្នា​ទេ !! គាត់លក់នៅស្តុបបូកគោ​ ជួយទិញគាត់ផង !!! ABA នៅលេីផ្លាកគាត់​»។ កន្លងមកក៏មានសប្បុរសជនមួយចំនួនបានជួយផ្តល់ថវិកា ហើយ ធី​ ដារ៉ាម៉ា ក៏បានធ្លាប់ផ្តល់ការបទសម្ភាសន៍ជាមួយនឹងអ្នកសារព័ត៌មានថា មូលហេតុដែលធ្វើឱ្យខ្លួនពិការបែបនេះ ដោយការប្រដាល់នេះមិនអាចធ្វើឱ្យជីវភាពរបស់ខ្លួនល្អប្រសើរឡើង ដូច្នេះហើយ ធី​ ដារ៉ាម៉ា ក៏បានរកការងារធ្វើនៅក្រៅបន្ថែម នៅក្នុងក្រុមហ៊ុនជណ្តើរយន្ត ប៉ុន្តែអកុសលកាលពីឆ្នាំ២០២០ ខ្លួនបានធ្លាក់តាំងពីជាន់ទី៥ អំឡុងពេលបំពេញការងារ៕ ផ្តល់សិទ្ធិដោយ៖ ខ្មែរណូត

ថ្មីៗនេះមានការចែករំលែកនៅលើបណ្តាញសង្គម ដោយបុរសម្នាក់មានគណនីហ្វេសប៊ុកឈ្មោះ Vichet Pin ដែលបានបង្ហាញនូវបទពិសោធន៍របស់ខ្លួនដែលបានធ្វើដំណើរនៅលើផ្លូវល្បឿនលឿនពីភ្នំពេញ ទៅលេងខេត្តព្រះសីហនុ ហើយរថយន្តរបស់ខ្លួនបានបែកកង។ ម្ចាស់រថយន្តរូបនេះបានអះអាងថា ក្រុមការងារផ្លូវល្បឿនលឿន បានជួយដោះកង់ និងចាប់ចូលវិញ ដោយមិនគិតថវិកាសូម្បីមួយសេន។ ប្រភពដដែរបានសរសេររៀបរាប់ថា៖ «កាលពីថ្ងៃទី១៦ ខែធ្នូ ឆ្នាំ២០២២ ខ្ញុំបានធ្វើដំណើរលើផ្លូវល្បឿនលឿនពីភ្នំពេញ ទៅលេងខេត្តព្រះសីហនុ ជាមួយក្រុមគ្រួសារ មកដល់ចំណុចគ.ម ១៧២ រថយន្តរបស់ខ្ញុំបានបែកកង់ ដោយសារស្ថានភាពផ្លូវមានភាពមមាញឹក និងរថយន្តបើកបរមានល្បឿនលឿនៗ ខ្ញុំមានអារម្មណ៍ពិបាកចិត្តយ៉ាងខ្លាំង ថាគួរធ្វើយ៉ាងណា? ប៉ុន្តែដោយសារបានបុណ្យជួយ មួយសន្ទុះក្រោយមកក្រុមការងារផ្លូវល្បឿនក៍បានមកដល់ដែរ ហើយក៍រឹតតែបុកពោះម្តងទៀតដែរ ដោយលឺគេថាខូចឡាននៅលើផ្លូវល្បឿនអស់លុយ។ ប៉ុន្តែមិនដូចការគិតរបស់ខ្ញុំនោះទេផ្ទុយទៅវិញក្រុមការងារផ្លូវល្បឿនលឿនបានមកដល់ដាក់កោណសុវត្ថិភាព និងបើកឡានដាក់ភ្លើងសុំផ្លូវដើម្បីជួយខ្ញុំទៅវិញ មិនតែប៉ុណ្ណោះក្រុមការងារបានជួយដោះកង់ និងចាប់ចូលវិញ ដោយមិនគិតថវិកាសូម្បីមួយសេន។ ខ្ញុំ និងក្រុមគ្រួសារ សូមអរគុណដល់ក្រុមការងារផ្លូវល្បឿនលឿន ដែលមានឥរិយាបថសុភាពរាបសារ និងសំដីទន់ភ្លន់មកកាន់ខ្ញុំ ដែលធ្វើឱ្យអាម្មណ៍ភ័យខ្លាចរបស់ខ្ញុំបានធូររសាយបាត់អស់ទៅ»៕ ផ្តល់សិទ្ធិដោយ៖ ខ្មែរណូត

អ្នកស្រី នួន ស៊ុន្ទរី (ស្រីអូន) អគ្គនាយិកាក្រុមហ៊ុនសម្រស់ធម្មជាតិ និងជា ម្ចាស់ផលិតកម្មរាម នៅថ្ងៃនេះបានឱ្យដឹងថា អ្នកស្រី និងស្វាមី បានចំណាយថវិកាផ្ទាល់ខ្លូន ១៥០០០ដុល្លារអាម៉េរិក ឧបត្ថម្ភធំ នៅក្នុងការប្រកួតកីឡាគុនល្បុក្កតោ ជ្រើសរើសជើងឯកថ្នាក់ជាតិ ប្រចាំឆ្នាំ២០២២។ អគ្គនាយិកាក្រុមហ៊ុនសម្រស់ធម្មជាតិ និងជា ម្ចាស់ផលិតកម្មរាម រូបនេះបានសរសេររៀបរាប់ថា៖ «បន្ទាប់ពីជួយគុនខ្មែរស្អែកនាងខ្ញុំស្រីអូននិងស្វាមីនិងយកថវិកា ១៥០០០ដុល្លារឧបត្ថម្ភធំការប្រកួតក្បាច់គុនល្បុក្កតោថ្នាក់ជាតិម្ដង។ នេះជាការឧបត្ថម្ភលេីកទី៣ហេីយសម្រាប់ការប្រកួតរាល់ឆ្នាំ មិនដែលអញ្ជេីញបងប្អូនចូលរួមទេ ឆ្នាំនេះសូមគោរពអញ្ជេីញបងប្អូនចូលរួមដែរសិន។ សូមគោរពពុកម៉ែបងប្អូន សិស្សនិស្សិតដែលស្រលាញ់ ហើយគាំទ្រគុនល្បុក្កតោ សូមអញ្ជើញចូលរួមទស្សនាដោយសេរី»។ «សូមបញ្ជាក់ថាការប្រកួតកីឡាគុនល្បុក្កតោជ្រើសរើសជើងឯកថ្នាក់ជាតិឆ្នាំ២០២២ នឹងធ្វើឡើងនៅថ្ងៃទី ២៨ ដល់ថ្ងៃទី ៣០ ខែធ្នូ ឆ្នាំ២០២២ ខាងមុខនេះ នៅសកលវិទ្យាល័យភូមិន្ទភ្នំពេញ(សាលដំបូលទូក) ចាប់ពីម៉ោង ៨:០០នាទី-១១:០០នាទីព្រឹក និងពេលរសៀលចាប់ពីម៉ោង ២:០០នាទី-៦:០០នាទីល្ងាច ឧបត្ថម្ភធំដោយ: ក្រុមហ៊ុនសម្រស់ធម្មជាតិ»៕ ផ្តល់សិទ្ធិដោយ៖ ខ្មែរណូត

(កំពត)៖ យុវតីមួយរូបមានឈ្មោះ​ ឆាំ ខេម៉ា មកពីវិទ្យាល័យអង្គរមាស ស្រុកដង់ទង់ ខេត្តកំពត បានប្រឡងជាប់សញ្ញាបត្រមធ្យមសិក្សាទុតិយភូមិ (បាក់ឌុប) សម័យប្រឡងថ្ងៃទី០៥ ខែធ្នូ ឆ្នាំ២០២២ កន្លងទៅនេះ ដោយទទួលបាននិទ្ទេសA។ ជាមួយគ្នានេះដែរ ថ្មីៗនេះមានការចែករំលែកនៅលើបណ្តាញសង្គមនូវជីវិត ប្អូនស្រីជាជ័យលាភីនិទ្ទេសAរូបនេះ ដែលប្អូនស្រីមានជីវភាពខ្វះខាតខ្លាំង ដោយសូម្បីផ្ទះគ្មាននៅផង គឺសង់ត្រឹមជារោងតូចមួយស្នាក់អាស្រ័យសិន។ យោងតាមម្ចាស់គណនីហ្វេសប៊ុកឈ្មោះ An Anana Cuty បានសរសេររៀបរាប់ថា៖ «សុំនិយាយពីសិស្ស ឆាំ ខេម៉ា និន្ទេសA នៃវិទ្យាល័យអង្គរមាស បន្តិច ដោយសារកូនធ្លាប់ជាអតីតសិស្សរបស់លោកគ្រូ តាំងពីសាលាបឋមមកម្ល៉េះ ហើយក៏បានរៀនជាមួយអ្នកគ្រូថ្នាក់ទី៧ និងទី១១បានបន្តិច តែអ្វីដែលអ្នកគ្រូបានដឹងគឺ នាងជាសិស្សម្នាក់ដែលមានសីលធម៌ល្អ មានសុជីវធម៌ល្អ មានចិត្តកតញ្ញូដឹងគុណចំពោះលោកគ្រូ អ្នកគ្រូ និងអាណាព្យាបាល ព្រមទាំងមិត្តភក្តិជាពិសេសនោះអ្វីដែលប្អូនមិនដែលបោះបង់នោះ ទោះបីគ្រួសារក្រក្រីយ៉ាងណាក៏ដោយប្អូនមិនដែលត្អូញត្អែរឬនិយាយប្រាប់ទៅគ្រូណាម្នាក់បានដឹងឡើយ។ ថ្ងៃនេះទើបដឹងច្បាស់ពីប្អូនថា រាល់ថ្ងៃប្អូនមានបងប្អូន៤ នាក់ហើយនាងជាកូនទី១ក្នុងគ្រួសារ ដោយសារជីវភាពខ្វះខាតគ្រួសារត្រូវបង្ខំលក់ផ្ទះ ដើម្បីកូនរៀន សព្វថ្ងៃប្អូនថាមិនមានផ្ទះទេ គឺសង់ត្រឹមជារោងតូចមួយស្នាក់អាស្រ័យសិន ពេលដែលឮបែបហ្នឹងអ្នកគ្រូសែនអាណិតនិងស្ងើចសរសើរកូនដែលបានតស៊ូដល់ចំណុចនេះ។ ថ្ងៃនេះប្អូនបានមកលេងអ្នកគ្រូនិងលោកគ្រូថែមទាំងយកផ្លែឈើមកទៀត។ អរគុណណាស់សម្រាប់ទឹកចិត្តមួយនេះកូន។ ជូនពរកូនអោយជោគជ័យក្នុងជីវិត ជាពិសេសសូមអោយកូនបានសម្រេចតាមប្រាថ្នាណាកូន។ […]

(ភ្នំពេញ)៖ ពិតជាគួរស្ងប់ស្ងែងមែនចំពោះយុវតី យូ សោគន្ធិកា ជាបេក្ខជនប្រលងសញ្ញាបត្រ​មធ្យមសិក្សាទុតិយភូមិ ដែលទទួល​បាន​លំដាប់ពិន្ទុ​ខ្ពស់​ជាង​គេ​បំផុត ​ក្នុង​ចំណោម​បេក្ខជន​ចូល​រួម​ប្រលង​ជិត ១៣​ម៉ឺន​នាក់ សម័យប្រលង ឆ្នាំ២០២២។ យូ សោគន្ធិកា ​ជា​សិស្ស​នៃសាលា​វេស្ទើន​អន្តរជាតិ ​ទទួល​បាន​និទ្ទេស A គ្រប់​មុខ​វិជ្ជា ថ្នាក់​វិទ្យាសាស្រ្ត​ពិត ​ដោយ​លំដាប់​ពិន្ទុ ១០០,០០ ​ពេញតែម្ដង​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​។ សូមជម្រាបថា ក្រសួងអបរំ យុវជន និងកីឡា នៅរសៀលថ្ងៃទី២២ ខែធ្នូ ឆ្នាំ២០២២ បានប្រកាសលទ្ធផលប្រឡង សញ្ញាបត្រមធ្យមសិក្សាទុតិយភូមិជាផ្លូវការ ក្នុងនោះអ្នកទទួលបាននិទ្ទេស A សរុប ចំនួន ១០៤៩នាក់៕ ផ្តល់សិទ្ធិដោយ៖ freshnews

(ភ្នំពេញ)៖ ក្រុមហ៊ុន ហ្គាឡាក់ស៉ី ណាវ៉ាត់ត្រា គ្រុប ឯ.ក របស់អ្នកឧកញ៉ា ឡេង ណាវ៉ាត់ត្រា បានចេញមកច្រានចោលទាំងស្រុងចំពោះការចោទប្រកាន់របស់ស្ថាប័នសារព័ត៌មានមួយថា បានលុបបឹងដាក់លូ និងបំផ្លាញស្ពាន ដែលជាសម្បត្តិរដ្ឋ នៅឃុំបឹងគ្រំ ស្រុកល្វាឯម ខេត្តកណ្ដាល ដែលធ្វើឲ្យប៉ះពាល់យ៉ាងធ្ងន់ធ្ងរដល់កិត្តិយសរបស់ក្រុមហ៊ុន និងអ្នកឧកញ៉ា អគ្គនាយក។ ក្នុងសេចក្ដីជូនដំណឹងដែលបណ្ដាញព័ត៌មាន Fresh News ទទួលបាននៅថ្ងៃទី២៤ ខែធ្នូ ឆ្នាំ២០២២នេះ ក្រុមហ៊ុន ហ្គាឡាក់ស៉ី ណាវ៉ាត់ត្រា គ្រុប ឯ.ក បានស្នើដល់សារព័ត៌មានក្នុងស្រុកមួយនោះ លុបចោលនូវវីដេអូ និងសំណេរជាអក្សរដែលផ្សាយនៅលើទំព័រ Facebook របស់ស្ថាប័ននោះ កាលពីថ្ងៃទី២២ ខែធ្នូ ឆ្នាំ២០២២កន្លងទៅ។ ក្រុមហ៊ុន ហ្គាឡាក់ស៉ី ណាវ៉ាត់ត្រា គ្រុប ឯ.ក បានអះអាងថា ខ្លួននឹងដាក់ពាក្យបណ្ដឹង ដើម្បីសង្គ្រោះសិទ្ធិដែលបានបំពាន ពីសំណាក់អង្គភាពសារព័ត៌មាន គណនី Facebook ខ្មែរខូវឺធីវី តាមច្បាប់ជាធរមាន៕ ផ្តល់សិទ្ធិដោយ៖ freshnews ខាងក្រោមនេះ ជាសេចក្ដីជូនដំណឹងរបស់ក្រុមហ៊ុន៖

(ភ្នំពេញ)៖ ថ្ងៃឆ្លងឆ្នាំសកលជាពេលវេលាដើម្បីអបអរចុងឆ្នាំដែលនឹងកន្លងផុតទៅ ហើយស្វាគមន៍អ្វីដែលនឹងកើតមានក្នុងឆ្នាំថ្មី។ ហើយជាការប្រារព្ធពិធីដ៏ធំបំផុតមួយនៅលើពិភពលោក ព្រោះវាប្រារព្ធថ្ងៃចុងក្រោយនៃឆ្នាំនៅក្នុងប្រតិទិនថ្ងៃទី៣១ ខែធ្នូ មុនពេលចូលឆ្នាំថ្មី។ ក្នុងនោះផងដែរ ក្រៅពីកម្មវិធីកម្សាន្តសប្បាយអបអរឆ្នាំថ្មី បងប្អូនក៏អាចចូលរួមកម្មវិធីសមាធិឆ្លងឆ្នាំ នៅថ្ងៃទី៣១ ខែធ្នូ ឆ្នាំ២០២២ ពីម៉ោង ៤រហូតដល់ម៉ោង៦ល្ងាច នៅវត្តនិគ្រោធវ័ន ហៅគល់ទទឹង មានទីតាំងនៅ ភូមិកោះក្របី សង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ។ កម្មវិធីសមាធិឆ្លងឆ្នាំ នៅវត្តគល់ទទឹង នេះបានប្រារព្ធធ្វើសឹងតែរាល់ឆ្នាំ និងមានការចូលរួមយ៉ាងច្រើនកុះករពីសំណាក់ប្រជាពលរដ្ឋផងដែរ៕ ផ្តល់សិទ្ធិដោយ៖ ខ្មែរណូត

អ្នកមីងអាយុ៥៦ឆ្នាំ ឈ្មោះ ហែម ស៊ីណាត មកពីភូមិថ្មរមៀល ឃុំបន្ទាយឆ្មារ ស្រុកថ្មពួកខេត្តបន្ទាយមានជ័យ ដែលខំតស៊ូប្រឡងយកសញ្ញាបត្រមធ្យមសិក្សាទុតិយភូមិ២០២២ ឱ្យបានដើម្បីបំពេញក្ដីស្រមៃរបស់ខ្លួនដោយចង់ធ្វើជា​គ្រូបង្រៀន​បានប្រាក់យកមកចិញ្ចឹមកូន ៤ នាក់នៅក្នុងបន្ទុក។ ចំពោះលទ្ធផលប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) សម័យប្រឡងថ្ងៃទី ៥ ខែធ្នូ ឆ្នាំ ២០២២ កន្លងទៅនេះ គាត់ពុំទទួលបានជោគជ័យឡើយ ពោលគឺប្រឡងធ្លាក់។ យោងតាមលោក ឡាវ តុលា (Lav Tola Serey Sophorn) ដែលធ្លាប់ធ្វើជាអ្នកសង្កេតកាណ៍នៅមណ្ឌលប្រឡងសកលវិទ្យាល័យជាតិមានជ័យ បានសរសេររៀបរាប់ថា៖ «បេក្ខជនអាយុ ៥៦ឆ្នាំ ប្រលងសញ្ញាបត្រមធ្យមសិក្សាទុតិយភូមិដែលមានវ័យចំណាស់ជាងគេទូទាំងប្រទេស អ្នកម្ដាយ ហែម សុីណាត គាត់បានប្រលងធ្លាក់ហើយម៉ែធ្វើមិនបានល្អ តែកូនលើកទឹកចិត្តម៉ែអោយប្រឹងបន្តទៀតណាម៉ែ ម៉ែធ្វើបានល្អបំផុតហើយណាម៉ែ លេខតុ៤៩៤ នៅមណ្ឌលសកលវិទ្យាល័យជាតិមានជ័យ។ សូមបញ្ជាក់ផងដែលថាខ្ញុំបាន call ទៅអ្នកម្ដាយ ហើយប្រាប់ម្ដាយថា ម៉ែបានប្រលងធ្លាក់ហើយ ម៉ែបាននិយាយថាមិនអីទេកូន ឆ្នាំក្រោយម៉ែដាក់ពាក្យប្រលងទៀត ដើម្បីបំពេញក្ដីស្រម៉ៃរបស់ម៉ែធ្វើជាគ្រូបង្រៀន។ ខ្ញុំសូមកោតសរសើរចំពោះអ្នកម្ដាយដែលអ្នកម្ដាយប្រលងធ្លាក់ហើយនៅតែញញឹមសើចឮសំលេងតាមទូរស័ព្ទបាន ម្ដាយបានប្រលងធ្លាក់ហើយនៅតែតាំងចិត្ដមិនរាថយ នៅក្នុងការតស៊ូ។ អ្វីដែលខ្ញុំបារម្មណ៍បំផុតនោះគឺសុខភាពរបស់គាត់មិនអាចដឹងថាគាត់នៅមានកំលាំងដើរបានល្អប្រសើរឫអត់ទេគាត់ឈឺដៃឈឺជើង ពីមួយឆ្នាំទៅមួយឆ្នាំសុខភាពរបស់គាត់កាន់តែយ៉ាប់យឺនទៅមុខ តែយ៉ាងណាកូនក៏សូមជូនពរម៉ែអោយសម្រេចបំណងម៉ែនៅឆ្នាំក្រោយ […]

(ភ្នំពេញ)៖យុវតី លឹម ឈីងអ៉ី ដែលមហាជនបានស្គាល់កន្លងមក ដោយប្អូនស្រីជាជ័យលាភីមេដាយមាសក្នុងកម្មវិធីប្រកួតគណិតវិទ្យាអន្តរជាតិ-សិង្ហបុរី ២០២០-២០២២។ នៅឆ្នាំនេះយុវតីមកពីវិទ្យាល័យជាស៊ីមសន្ធរម៉ុក បានប្រឡងជាប់សញ្ញាបត្រមធ្យមសិក្សាទុតិយភូមិ (បាក់ឌុប) សម័យប្រឡងថ្ងៃទី ៥ ខែធ្នូ ឆ្នាំ ២០២២ ដោយទទួលបាននិទ្ទេស A ដោយមុខវិជ្ជា ខ្មែរA គណិតB ជីវវិទ្យាA ប្រវត្តិវិទ្យាA គីមីវិទ្យាA រូបវិទ្យាA ភាសាB ជាមួយនឹងលំដាប់ពិន្ទុ ៩៩.៩៣០។ សូមរំលឹកថាយុវតី លឹម ឈីងអ៉ី បានចូលរួមការប្រកួតផ្នែកគណិតវិទ្យា ទាំងថ្នាក់ជាតិ និងអន្តរជាតិ ដោយទទួលបានមេដាយចំនួន៦ផ្នែកគណិតវិទ្យា។ ក្នុងនោះមេដាយ មាសចំនួន៤ និងមេដាយប្រាក់២ ហើយទៅថ្ងៃអនាគតនាងនឹងយកមុខវិជ្ជាគណិត វិទ្យានេះ ដើម្បីទៅបង្កើតជារបស់ថ្មី សាងស្នាដៃថ្មីៗ បង្កើតទ្រឹស្ដីថ្មីៗ រករបបគំហើញ ដើម្បីអាចផលិតបាននូវឧបករណ៍បច្ចេកវិទ្យាសម្រាប់ជួយដល់សង្គមជាតិទាំងមូល។ ការប្រកាសលទ្ធផល ប្រឡងសញ្ញាបត្រមធ្យមសិក្សាទុតិយភូមិ សម័យប្រឡង៖ ៥ ធ្នូ ២០២២ បានប្រព្រឹត្តទៅនៅថ្ងៃទី២២ ខែធ្នូ ឆ្នាំ២០២២ ជាលទ្ធផល បេក្ខជនប្រឡងជាប់សរុប ៩០៩៥០នាក់ […]

(ភ្នំពេញ)៖ យុវតីមួយរូបមានឈ្មោះ​ ខូវ វីណា មកពីសាលា ប៊ែលធី អន្តរជាតិទី១១ (សាខាផ្សារតូច) បានប្រឡងជាប់សញ្ញាបត្រមធ្យមសិក្សាទុតិយភូមិ (បាក់ឌុប) សម័យប្រឡងថ្ងៃទី ៥ ខែធ្នូ ឆ្នាំ ២០២២ កន្លងទៅនេះ ដោយទទួលបាននិទ្ទេស A គ្រប់មុខវិជ្ជា។ យោងតាមលោក លី ប៊ុនឆៃ – Bunchhay LY បានសរសេររៀបរាប់ថា៖ «អបអរសាទរ សិស្សឈ្មោះ ខូវ វីណា មកពីសាលា ប៊ែលធី អន្តរជាតិទី១១ (សាខាផ្សារតូច) ទទួលបាននិទ្ទេស A គ្រប់មុខវិជ្ជា សម័យប្រឡង៖ ០៥ ធ្នូ ២០២២។ (ចំពោះលទ្ធផលសិស្សនិទ្ទេស A សរុប ក្រុមការងារការិយាល័យកណ្តាលនៃសាលា ប៊ែលធី អន្តរជាតិកំពុងបូកស្រង់)»។ ការប្រកាសលទ្ធផល ប្រឡងសញ្ញាបត្រមធ្យមសិក្សាទុតិយភូមិ សម័យប្រឡង៖ ៥ ធ្នូ ២០២២ បានប្រព្រឹត្តទៅនៅថ្ងៃទី២២ ខែធ្នូ […]