(ភ្នំពេញ)៖ សម្រាប់លទ្ធផលនៃការប្រលងមធ្យមសិក្សាទុតិយភូមិចំណេះ​ទូទៅ និងបំពេញវិជ្ជា ឬហៅថា បាក់ឌុប សម័យប្រឡង៖ ០៥ ធ្នូ ២០២២ មានបេក្ខជនម្នាក់ ឈ្មោះ ម៉ុង ប៊ុនផេង មកពីវិទ្យាល័យហ៊ុនសែនស្អាង ខេត្តកណ្តាល ដែលទទួលបាននិទ្ទេសA ដល់ទៅ៦មុខវិជ្ជា គណិត A រូប A គីមី A ជីវៈ A ខ្មែរ A ប្រវត្តិ A អង់គ្លេស B ។ ការប្រកាសលទ្ធផល ប្រឡងសញ្ញាបត្រមធ្យមសិក្សាទុតិយភូមិ សម័យប្រឡង៖ ៥ ធ្នូ ២០២២ បានប្រព្រឹត្តទៅនៅថ្ងៃទី២២ ខែធ្នូ ឆ្នាំ២០២២ ជាលទ្ធផល បេក្ខជនប្រឡងជាប់សរុប ៩០៩៥០នាក់ ត្រូវជា ៧២.៣៣ ភាគរយនៃចំនួនបេក្ខជនមក ប្រឡង។ បេក្ខជនជាប់និទ្ទេស A ចំនួន ១០៤៩ នាក់, និទ្ទេស B […]

(ភ្នំពេញ)៖ ស្នងការនគរបាលខេត្តកំពត លោកឧត្តមសេនីយ៍ទោ ម៉ៅ ច័ន្ទមធុរិទ្ធ បានធ្វើការបដិសេធច្រានចោលទាំងស្រុង ដោយថាលោកមិនបានឆាតទៅតារាសម្តែង An na Rose ឡើយ និងប្រកាសថា មានជនអនាមិកបង្កើតគណនី Telegram ក្លែងក្លាយក្នុងគោលបំណងមិនល្អ។ លោកឧត្តមសេនីយ៍ទោ ម៉ៅ ច័ន្ទមធុរិទ្ធ បានប្រកាសជូនដំណឹងយ៉ាងដូច្នេះថា ដោយបានឃើញមានជនអនាមិកបោកប្រាស់បានបង្កើតគណនី​ Telegram ដោយយករូប​លោក ទៅផ្ញើសារក្នុងន័យមិនល្អ និងធ្វើឱ្យប៉ះពាល់មកលើកិត្តិយសរបស់លោកស្នងការ។ លោកឧត្តមសេនីយ៍ទោ ម៉ៅ ច័ន្ទមធុរិទ្ធ​ បានសរសេររៀបរាប់ថា៖ «សូមជំរាបទៅកញ្ញា An na Rose ខ្ញុំមិនដែលស្គាល់កញ្ញាពីមុនមកទេ ហើយក៏មិនបានឆាតទៅកញ្ញាតាម telegram ដែរ ហើយលេខខាងលើនោះមិនមែនជាលេខទូរស័ព្ទរបស់ខ្ញុំដែរ។ មានជនអនាមិកបានយករូបខ្ញុំទៅបង្កើតជា Telegram ដើម្បីឆាតទៅកញ្ញាឬទៅអ្នកដទៃផ្សេងទៀតក្នុងគោលបំណងអាក្រក់ណាមួយ។ ខ្ញុំសូមបដិសេធទាំងស្រុងចំពោះបញ្ហាអ្វីមួយដែលបានកើតឡើងចំពោះលេខទូរស័ព្ទខាងលើដែលយករូបខ្ញុំទៅបង្កើតជា Telegram និងសូមឱ្យកញ្ញា An na Rose លុបសារដែលកញ្ញាបានសរសេរនៅក្នុង Facebook របស់កញ្ញាចេញជៀសវាងការយល់ច្រលំណាមួយមកលើរូបខ្ញុំ និងធ្វើឱ្យប៉ះពាល់មកលើកិត្តិយសរបស់ខ្ញុំ»៕ ផ្តល់សិទ្ធិដោយ៖ ខ្មែរណូត

(ភ្នំពេញ)៖ យុវជនម្នាក់ណាត់នារី២នាក់ដែលជាអ្នកស្គាល់គ្នា ទៅញាំបង្អែម និងប្រហិតនៅមុខអាកាសយានដ្ឋានអន្ដរជាតិភ្នំពេញជាមួយគ្នា ស្រាប់តែឃើញឱកាសល្អនារី២នាក់នោះ បានលួចម៉ូតទៅបាត់ដោយសុវត្ថិភាព។ ហេតុការណ៍នេះ បានកើតឡើងនៅវេលាម៉ោង១០យប់ ថ្ងៃទី១៨ ខែធ្នូ ឆ្នាំ២០២២ ស្ថិតក្នុងភូមិព្រៃទា២ សង្កាត់ចោមចៅទី៣ ខណ្ឌពោធិ៍សែនជ័យ។ ប៉ុន្ដែធ្វើសកម្មភាពសម្រេចបានតែមួយយប់ ក៏ត្រូវសមត្ថកិច្ចស្រាវជ្រាវរកឃើញ បង្ក្រាបបានទាំងក្រុមសរុបចំនួន១៣នាក់ នៅព្រឹកថ្ងៃទី១៩ ខែធ្នូ ឆ្នាំ២០២២នេះ ព្រោះតែម៉ូតូរបស់ជនរងគ្រោះមានភ្ជាប់ GPS។ ជនសង្ស័យទាំង១៣នាក់នោះ ត្រូវបង្ក្រាបបាននៅដីឡូតិ៍មួយកន្លែង ស្ថិតក្នុងសង្កាត់កំបូល ខណ្ឌកំបូល។ សមត្ថកិច្ចបានបញ្ជាក់ថា យុវជនរងគ្រោះឈ្មោះ ចែម រ៉ាម៉ា អាយុ២៨ឆ្នាំ មុខរបរកម្មកររោងចក្រ មានទីលំនៅភូមិខ្ចៅ សង្កាត់បឹងធំ ខណ្ឌកំបូល។ ខណៈម៉ូតូដែលត្រូវបាននារីរូបស្រស់យកទៅនោះ ម៉ាក Honda Dream C125 ស៊េរីឆ្នាំ២០២២ ពណ៌ក្រហម ពាក់ផ្លាកលេខភ្នំពេញ1JU-6279។ ដោយឡែក ជនសង្ស័យដែលបង្ក្រាបបាននេះ មានរហ័ស្សនាម «KP ZIN» ដែលកន្លងមកតែងធ្វើសកម្មភាព ស្ទាក់គប់កញ្ចក់រថយន្តតាមផ្លូវ ប្រើប្រាស់គ្រឿងញៀន ដើរបង្កអំពើហិង្សាជាដើម។ យុវជនរងគ្រោះ បានឲ្យដឹងថា ខ្លួន […]

(ភ្នំពេញ)៖ ឆម ស្រីផាច យុវតីខ្មែរផលិតវីដេអូអាហារបែបស្រុកស្រែចម្ការជាមួយសំនៀងរដឺនៗ បច្ចុប្បន្នទទួលបានការគាំទ្រខ្លាំងពីមហាជន ហើយពេលនេះហ្វេសប៊ុកផេករបស់កញ្ញាមានអ្នកតាមដល់ទៅ ១លាននាក់ឯណោះ។ នៅថ្ងៃនេះដែរ កញ្ញា ឆម ស្រីផាច ក៏បានធ្វើការផ្តល់សម្ភាសន៍ជាមួយនឹងក្រុមការងារ KHMERNOTE នូវប្រវត្តិខ្លះៗរបស់កញ្ញា។ យុវតីរូបនេះមានស្រុកកំណើតនៅខេត្តបន្ទាយមានជ័យ បានបញ្ចប់ការសិក្សាបរិញ្ញាបត្រផ្នែក Business។ កញ្ញាបានប្រាប់ថា តាមពិតឡើង កញ្ញាបានបង្កើតផេកតាំងពីឆ្នាំ២០១៧ ប៉ុន្តែដោយខ្លួនមមាញឹកជាមួយនឹងការសិក្សា ក៏បានផ្អាកសកម្មភាពនៅក្នុងផេករហូតដល់ទៅ៣-៤ឆ្នាំ។ ស្រីផាច បានបន្តថា ក្រោយបញ្ចប់ការសិក្សាភ្លាម ខ្លួនក៏ធ្លាប់បានដាក់ពាក្យចូលធ្វើការដែរ តែគេបានបដិសេដមិនជ្រើសរើស ខ្លួនក៏សម្រេចចិត្តមកផលិតវីដេអូវិញតែម្តង។ កត្តាដែលធ្វើឱ្យខ្លួនចាប់ផ្តើមផលិតមាតិកាវីដេអូអាហារបែបនេះ កញ្ញាបានឱ្យដឹងថា ដោយសារតែមានបងប្រុសជាអ្នកផលិតវីដេអូស្រាប់ ហើយគាត់ផ្តល់យោបល់អោយកញ្ញាផង ទើបខ្លួនជ្រើសរើសការថតម្ហូបនេះ​។ «ជាមួយនឹងការចាប់ផ្តើមផលិតវីដេអូនេះដំបូងឡើងគឺមានឧបសគ្គគួរសមដោយយើងមានបញ្ហាថវិកាសម្រាប់ទិញម្ហូប បញ្ហាឧបករណ៍ថតព្រោះខ្ញុំកាលដំបូងមានត្រឹមតែទូរស័ព្ទមួយគ្រឿងប៉ុណ្ណោះ តែមួយរយៈចុងក្រោយនេះខ្ញុំបានសន្សំលុយទិញទូរស័ព្ទថ្មីមួយទៀតទុកគ្រាន់ថត»។ ទាក់ទងនឹងក្រុមការងារ កញ្ញាបានឱ្យដឹងថា ជាទូទៅកញ្ញាថតបាន១ទៅ២វីដេអូក្នុងមួយថ្ងៃ មានក្រុមការងារ២នាក់ ពោលគឺ កញ្ញា និងអ្នកថតដែលត្រូវជាប្អូនបង្កើត ដោយពេលខ្លះក៏មានឪពុកម្តាយរបស់ខ្លួនជួយនិងគាំទ្រចំពោះការផលិតមាតិកានេះផងដែរ។ ឆម ស្រីផាច បានឱ្យដឹងថា ខ្លួនទើបតែបានធ្វើវីដេអូពេញលេញរយៈពេល៤ខែចុងក្រោយនេះទេ ប៉ុន្តែមិននឹកស្មានថាមានការគាំទ្រខ្លាំងពីមហាជន ដូច្នេះហើយជាមួយនឹងការគាំទ្រយ៉ាងខ្លាំងក្លា កញ្ញា ឆម ស្រីផាច បានសម្តែងក្តីរីករាយជាខ្លាំង និងអរគុណពុកម៉ែបងប្អូន […]

នៅព្រឹកនេះមានការចែករំលែកពេញបណ្តាញសង្គមនូវវីដេអូមួយដែលបង្ហាញ ម៉ូតូមួយគ្រឿង បានធ្វើដំណើរបញ្រ្ចាសទិសនៅលើផ្លូវល្បឿនលឿន មិនខ្លាចល្មើសច្បាប់ផាកពិន័យ។ សកម្មភាពត្រូវបានថតដោយម្ចាស់រថយន្ត ដែលមានគណនីហ្វេសប៊ុកឈ្មោះ Thon BunPheng ដោយបង្ហាញថាម៉ូតូមួយគ្រឿង នេះលើជិះល្មើសច្បាប់ចរាចរណ៍បញ្រ្ចាសទិស នៅលើគន្លងវ៉ាជែង ធ្វើឱ្យអ្នកលេងបណ្តាញសង្គមជាច្រើនសម្តែងការហួសចិត្តជាខ្លាំង។ សូមរំលឹកថាយានយន្តគ្រប់ប្រភេទដែលបើកបរបញ្ច្រាសទិសចរាចរណ៍ លើគន្លងវ៉ាជែង ត្រូវបាននគរបាលចរាចរណ៍ ធ្វើការព្រមាន និងអប់រំ ដោះស្រាយតាមនីតិវិធី ជាច្រើនករណីមកហើយ។ ក្នុងនោះផងដែរក្រសួងសាធារណការ និងដឹកជញ្ជូន ក៏តែងតែធ្វើការក្រើនរម្លឹកជាថ្មីម្តងទៀត ចំពោះអ្នកបើកបរយានយន្តគ្រប់រូប មិនថាលើផ្លូវល្បឿនលឿន ឬផ្លូវប្រភេទណាឡើយ ត្រូវតែគោរពច្បាប់ចរាចរណ៍ផ្លូវគោក និងគោលការណ៍សុវត្ថិភាពក្នុងការបើកបរ ឱ្យបានម៉ឺងម៉ាត់ជាទីបំផុត ដើម្បីជៀសវាងគ្រោះថ្នាក់ចរាចរណ៍ និងទទួលបានសុវត្ថិភាពក្នុងការធ្វើដំណើរទាំងអស់គ្នា៕ ផ្តល់សិទ្ធិដោយ៖ ខ្មែរណូត

(ភ្នំពេញ)៖ បន្ទាប់ពីមើលឃើញព័ត៌មានតាមប្រព័ន្ធសង្គម រៀបរាប់យ៉ាងច្រើនអំពីកម្មការិនីកាត់ដេរឈ្មោះ សឿន ស្រីអូន អាយុ២២ឆ្នាំ ដែលជាស្ត្រីរងគ្រោះធ្ងន់ធ្ងរ ក្រោយពេទ្យនៃមន្ទីរសម្រាកព្យាបាល និងសម្ភពដើមអង្គ្រង កាយយកសាកសពទារកក្នុងផ្ទៃ ដោយទាំងពោះវៀនចេញមកក្រៅ ឯកឧត្តមឧបនាយករដ្ឋមន្ត្រី ហោ ណាំហុង និងលោកស្រី នៅថ្ងៃទី៨ ខែធ្នូ ឆ្នាំ២០២២ បានអញ្ជើញទៅសួរសុខទុក្ខ លើកទឹកចិត្ត និងឧបត្ថម្ភថវិកាចំនួន ៤០លានរៀល ដល់ស្ត្រីរងគ្រោះរូបនេះ ដែលកំពុងសម្រាកព្យាបាល នៅមន្ទីរពេទ្យកាល់ម៉ែត្រ។ ឯកឧត្តមឧបនាយករដ្ឋមន្ត្រី ហោ ណាំហុង ក្នុងនាមប្រធានមូលនិធិ ហោ ណាំហុង-បូរី ហោ បានបរិច្ចាគថវិកា ៤០លានរៀលនោះ ជូនទៅគ្រួសារស្ត្រីរងគ្រោះ ដើម្បីសងបំណុលគេនៅក្នុងភូមិស្រុក និងដើម្បីចៀសវាងការខ្ចីធនាគារ ក៏ដូចជាបញ្ចាំទ្រព្យសម្បត្តិជាដើម ខណៈមន្ទីរពេទ្យកាល់ម៉ែត្រមិនយកថ្លៃព្យាបាល លើស្ត្រីរងគ្រោះរូបនេះទេ។ មូលនិធិ ហោ ណាំហុង-បូរី ហោ បានចំណាយថវិកាកន្លងមកជួយសាងសង់អគារ ៣ជាន់ នៅខេត្តកំពង់ចាម សម្រាប់កុមារពិការនិងគថ្លង់ អស់ថវិកាជាង ២០ម៉ឺនដុល្លារអាមេរិក ជួយប្រចាំខែដល់បុរីទារក និងកុមារជាតិ គិតមកដល់ពេលនេះប្រមាណ ៣៤ម៉ឺនដុល្លារដុល្លារអាមេរិក។ បន្ថែមលើនេះ […]

(ភ្នំពេញ)៖ លោក អ៊ាង សុផល្លែត ជំនួយការផ្ទាល់របស់សម្តេចតេជោ ហ៊ុន សែន នាយករដ្ឋមន្ត្រីកម្ពុជា និងជារដ្ឋលេខាធិការក្រសួងបរិស្ថាន ប្រកាសផ្តល់ផ្កាស្បៃរឿងប្រមាណ ១លានទង ជូនដល់អ្នកមានបំណងយកទៅដាំដុះលំអរលំនៅឋាន ឬនៅតាមទីតាំងនានា។ លោក អ៊ាង សុផល្លែត កាលពីពេលថ្មីៗនេះ បានដាំផ្កាស្បៃរឿងដោយផ្ទាល់ដៃ ប្រមាណ ១លានទង ដើម្បីលំអរលំនៅឋានក្នុងថ្ងៃរៀបអាពាហ៍ពិពាហ៍ កូនស្រីរបស់លោក។ បច្ចុប្បន្នផ្កាស្បៃរឿងនេះ បានលូតលាស់យ៉ាងល្អ។ លោក អ៊ាង សុផល្លែត បានគូសបញ្ជាក់ថា ការដែលលោកចែកផ្កាស្បៃរឿងនេះ គឺសង្ឃឹមថា ពូជផ្កានេះនឹងរីកសាយធ្វើឱ្យបរិស្ថានតាមលំនៅឋាន និងតាមផ្លូវសាធារណៈកាន់តែស្រស់បំព្រង។ អ្នកដែលចង់បានផ្កាស្បៃរឿងនេះ ទៅដាំដុះបន្តអាចទៅយកនៅតាមបណ្តោយផ្លូវ៥៩៨ ក្រោមដើមត្នោតរបងផ្ទះលោកឧបនាយករដ្ឋមន្ត្រី ជា សុផារ៉ា រដ្ឋមន្ត្រីរៀបចំដែនដីនគរូបនីយកម្ម និងសំណង់។ លោក អ៊ាង សុផល្លែត បានឱ្យដឹងថា ក្រោយពីការប្រកាសផ្តល់ផ្កានេះហើយ គឺមានប្រជាពលរដ្ឋជាច្រើន បានទៅទាក់ទងយកផ្កា។ ត្រឹមរយៈពេលប្រមាណពីរម៉ោង ផ្កាជាង ២ម៉ឺនគុម្ពត្រូវបានចែកជូនដល់អ្នកមានបំណងយកទៅដាំដុះបន្ត។ ទន្ទឹមនឹងការប្រកាសផ្តល់ផ្កាហើយនោះ លោក អ៊ាង សុផល្លែត ក៏បានចែករំលែកពីរបៀបដាំដុះផ្កានេះផងដែរ។ អំពីផ្កាស្បៃរឿង៖ […]

(ភ្នំពេញ)៖ មហាជនប្រាកដច្បាស់ជានៅចាំ កុមារ ហ៊ឺ ទៀង គីមហុង ដែលមានភាពលេចធ្លោជាខ្លាំង ដោយកាលពីឆ្នាំ២០១៧កុមាររូបនេះ បានធ្វើឱ្យសាធារណជនមានការភ្ញាក់ផ្អើលជាខ្លាំងជាមួយនឹងសមត្ថភាពវ័យឆ្លាត ដោយកាលនោះកុមាររូបនេះមានអាយុទើបតែ៧ឆ្នាំប៉ុណ្ណោះតែមានសមត្ថភាពធ្វើគណិតវិទ្យាថ្នាក់ទី ១២បានយ៉ាងល្អ។ ក្នុងនោះផងដែរ ហ៊ឺ ទៀង គីមហុង ក្នុងឆ្នាំនេះមានវ័យ១៣ឆ្នាំក៏ទើបតែបានបញ្ចប់ការប្រឡងសញ្ញាបត្រមធ្យមសិក្សាទុតិយភូមិ សម័យកាលប្រឡង ០៥ ធ្នូ ២០២២ នេះបើយោងតាមការបង្ហោះរបស់លោក ដួង តារា ជំនួយការផ្ទាល់របស់សម្តេចតេជោ ហ៊ុន សែន។ លោកបានសរសេររៀបរាប់ថា៖ «គីម ហុង អាយុ១៣ឆ្នាំហើយ! ប្រឡងបាក់ឌុបរួចនៅថ្ងៃទី ៦ ធ្នូ ២០២២! ពូពិតជាសប្បាយរីករាយនិងសូមអបអរសាទរក្មួយ ហ៊ឺ ទៀងគីមហុង ដែលបានខិតខំរៀនសូត្ររហូតឈានដល់ការប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) សម័យប្រឡងថ្ងៃទី០៥ ធ្នូ ២០២២ ដែលទើបបានបញ្ចប់នៅថ្ងៃទី ០៦ ធ្នូ នេះ។ ផ្អែកលើសមត្ថភាពដ៏ពិសេសនេះ ពូសង្ឃឹមថាក្មួយនឹងប្រឡងជាប់ជាក់ជាមិខាន ។ ខ្ញុំសូមអរគុណ ឯកឧត្តមបណ្ឌិត លី ឆេង អគ្គនាយកប៊ែលធី គ្រុប […]

(ភ្នំពេញ)៖ នៅរសៀលថ្ងៃទី៦ ខែធ្នូ ឆ្នាំ២០២២ លោក ផែង វណ្ណៈ បានឱ្យដឹងថាបន្ទាប់​ពី​ទទួល​បាន​សំណូមពរ​ជាច្រើន​ពី​ប្រជាពលរដ្ឋ ឱ្យជួយរកយុត្តិធម៌ ចំពោះករណីជនបង្កបើកបរទាំងស្រវឹងលើស ល្បឿនកំណត់បុកមួយគ្រួសារដែលមានកូនតូច ហើយព្យាយាមរត់គេចនៅលើស្ពានជ្រោយចង្វារ។ ពេលនេះក្រុមមេធាវីស្ម័គ្រចិត្តសម្ដេចតេជោ បានទៅ​ជួបគ្រួសារ​ជនរងគ្រោះ​ហើយ​ ដេីម្បី​ការពារ​តាមផ្លូវ​ច្បាប់។ លោក​ ផែង​ វណ្ណៈ បានសរសេររៀបរាប់ថា៖ «ឯកឧត្តម​ គី​ តិច​ ប្រធាន​ក្រុម​មេធាវី​ស្ម័គ្រចិត្ត​សម្ដេចតេជោ​ បានថ្លែងប្រាប់​ខ្ញុំ​តាម​ទូរស័ព្ទ​នៅមុននេះបន្តិចថា​ បន្ទាប់​ពី​ទទួល​បាន​សំណូមពរ​ជាច្រើន​ពី​ប្រជាពលរដ្ឋ​ឱ្យជួយ​រកយុត្តិធម៌ជូន​គ្រួសារ​មួយរួមទាំង​ទារកម្នាក់ផង​ដែល​ត្រូវរថយន្តបុកបង្កគ្រោះថ្នាក់​ធ្ងន់ធ្ងរ​នោះ​ ឯកឧត្តម​ បានចាត់​តាំង​មេធាវី​ស្ម័គ្រចិត្ត​សម្ដេចតេជោ​ ទៅ​ជួបគ្រួសារ​ជនរងគ្រោះ​ហើយ​ ដេីម្បី​ការពារ​តាមផ្លូវ​ច្បាប់​ ។ សូមបញ្ជាក់​ជូនថា​ ករណី​បុកមនុស្សស្លាប់​និងរបួសជាច្រេីន​នាក់​ គ្រាន់​តែបង់លុយ​ ២៥០០​ ដុល្លារ​បញ្ចប់​រឿង​ធ្វើ​អោយ​មហាជន​រិះគន់​កក្រើក​​ហ្វេសប៊ុក​ និង​ ទាមទារឱ្យយកជនបង្កទៅ​ផ្ដន្ទាទោសតាមច្បាប់​»៕ ផ្តល់សិទ្ធិដោយ៖ ខ្មែរណូត

(បន្ទាយមានជ័យ)៖ ថ្មីៗនេះមានការចែករំលែកនៅលើបណ្តាញសង្គម បង្ហាញនូវបេក្ខជនប្រឡងបាក់ឌុបមួយរូបដែលមានវ័យ៥៦ឆ្នាំ នៅតែតស៊ូប្រឡងបាក់ឌុប ដើម្បីបានសញ្ញាបត្រមធ្យមសិក្សាទុតិយភូមិ គោលបំណងចង់ធ្វើជាគ្រូបង្រៀន គ្រាន់បានកម្រៃចិញ្ចឹមគ្រួសារ។ យោងតាមការបង្ហោះរបស់អ្នកសង្កេតការណ៍ស្ម័គ្រចិត្តឈ្មោះ Lav Tola Serey Sophorn ដែលនៅមណ្ឌលសកលវិទ្យាល័យជាតិមានជ័យ សង្កាត់ទឹកថ្លា ក្រុងសិរីសោភ័ណ បានសរសេររៀបរាប់ថា «បេក្ខជនអាយុ៥៦ឆ្នាំ អ្នកម្ដាយអើយ ម៉ែចាស់ហើយ ម៉ែគេម៉ែយើង អ្នកម្ដាយតស៊ូណាស់ ដើម្បីបំពេញក្ដីស្រម៉ៃ ដើម្បីយកសញ្ញាបត្រមធ្យមសិក្សាទុតិយភូមិ២០២២។ ខ្ញុំបានលួចសួរគាត់ថា អ្នកម្ដាយយកសញ្ញាបត្រធ្វើអីម្ដាយចាស់ហើយ គាត់ថាចង់ធ្វើគ្រូបង្រៀនបានលុយមកចិញ្ចឹមកូន ហើយគាត់ថាម៉ែគ្មានកម្លាំងឯណាទៅធ្វើការធ្ងន់បានទេ ម្ដាយគ្មានកំលាំង ម្ដាយដើរក៏មិនចង់រួច ឈឺដៃឈឺជើង កូននៅផ្ទះគ្មានអីហូប។ ខ្ញុំក៏សួរបន្តថាម្ដាយមកពីណាគាត់ថា មកពីវត្តថ្មរមៀល មកម្នាក់ឯង មានភារកិច្ចចិញ្ចឹមកូន៤នាក់ បងប្អូនដឹងទេ ជីវិតនៃការតស៊ូគឺធំធេងណាស់។ ហើយម្ដាយមកមានស្ពាយទឹកមួយដប បាយមួយប្រអប់ដាក់កាបូបមក គាត់ចាស់ហើយ ការចងចាំក៏មិនសូវជាល្អដូចក្មេងយើងដែរ ខ្ញុំអាណិតណាស់។ គាត់មកប្រលងនៅមណ្ឌលសកលវិទ្យាល័យជាតិមានជ័យ សង្កាត់ទឹកថ្លា ក្រុងសិរីសោភ័ណ។ ខ្ញុំបានសុំការអនុញ្ញាតផុសពីគាត់ហើយ ព្រោះខ្ញុំបានជួបគាត់នៅមណ្ឌលប្រលង ក្នុងនាមខ្ញុំជាអ្នកអង្កេតការ បងប្អូនអាចជួយគាត់តាមរយៈខ្ញុំបាន ABA : ទាន់ចិត្ដរបស់ខ្ញុំ 500268207»៕ ផ្តល់សិទ្ធិដោយ៖ ខ្មែរណូត