(ភ្នំពេញ)៖ កីឡាករកម្ពុជា វូ ដុងហួន បានយកឈ្នះកីឡាករថៃ Suriya Suwannasingh លើវិញ្ញាសាការ៉ុម៣បាំងបុរស ដោយលទ្ធផល៤០ ទល់នឹង៧ ដែលការប្រកួតធ្វើឡើងនៅថ្ងៃទី១០ ខែឧសភា ឆ្នាំ២០២៣ ម៉ោង៦ល្ងាច នៅផ្សារអ៉ីអន២ ជាន់ទី៣ នៅថ្ងៃទី០៩ ខែឧសភា ឆ្នាំ២០២៣។ ជ័យជម្នះនេះ នាំឲ្យកីឡាករកម្ពុជា វូ ដុងហួន ដែលជាគ្រូបង្វឹករបស់កីឡាការិនី ស្រួង ភាវី ផងនោះ បន្តឡើងទៅវគ្គពាក់កណ្តាលផ្តាច់ព្រ័ត្រ ហើយក៏នឹងជួបកីឡាករវៀតណាមផងដែរ។ កីឡាករកម្ពុជា វូ ដុងហួន (Woo Dong Hoon) បានយកឈ្នះកីឡាករខ្លាំងជើងខ្លាំងលេខ១ លើពិភពលោក សញ្ជាតិហ្វីលីពីន រីយេស (Efren Reyes) លើវិញ្ញាសាការ៉ុម ៣បាំង (Carom 3C) ដោយលទ្ធផល៤០ ទល់នឹង១៥ ហើយឈានទៅវគ្គ៨ក្រុម។ ការប្រកួតប៊ីយ៉ាការ៉ុម ៣បាំង វិញ្ញាសាបុរស រវាងកីឡាករកម្ពុជា វូ ដុងហួន និងកីឡាករហ្វីលីពីន […]

មេតា (Meta) បានចូលរួមអបអរដល់ប្រទេសកម្ពុជា ក្នុងការធ្វើជាម្ចាស់ផ្ទះស៊ីហ្គេមលើកទី៣២ និងអាស៊ានប៉ារ៉ាហ្គេមលើកទី១២ ឆ្នាំ២០២៣។ មេតាបានសរសេរថា៖«អបអរសាទរកម្ពុជាធ្វើជាម្ចាស់ផ្ទះកីឡាស៊ីហ្គេមលើកទី៣២ និងកីឡាអាស៊ានប៉ារ៉ាហ្គេមលើកទី១២ នៅឆ្នាំ ២០២៣ នេះ! យើងខ្ញុំសូមជូនពរដល់អត្តពលិកទាំងអស់ជួបតែសំណាងល្អ និងជោគជ័យក្នុងកិច្ចខិតខំប្រឹងប្រែងរបស់ពួកគេ។ សូម​ចូលរួមគ្នា​ដើម្បី​អបអរ​សាទរ​ស្មារតី​កីឡា និង​ការ​រួបរួម​គ្នា​ក្នុង​ពេល​ដ៏​រំភើប​នេះ។» #SEAGamesinCambodia2023 #AsianParaGames2023

រាជធានីភ្នំពេញ៖ នារសៀលថ្ងៃទី១០ ខែឧសភា ឆ្នាំ២០២៣ កីឡាករគុនខ្មែរ ហ៊ីម គឹមរៀង បានឈ្នះមេដាយមាស លើវិញ្ញាសាគុនខ្មែរបុរស ក្នុងប្រភេទទម្ងន់ ៥៤គីឡូក្រាម បន្ទាប់ពីបានយកឈ្នះកីឡាករឡាវ នៃព្រឹត្តិការណ៍កីឡាស៊ីហ្គេម នៅពហុកីឡដ្ឋានជាតិមរតកតេជោ ៕ ប្រភព៖ ទីភ្នាក់ងារសារព័ត៌មានកម្ពុជា

(ភ្នំពេញ)៖ អបអរសាទរ កីឡាករកម្ពុជា នន់ ស្រមោចក្រហម ទទួលបានមេដាយមាស ក្នុងព្រឹត្តិការណ៍កីឡាអាស៊ីអាគ្នេយ៍លើកទី៣២ ឆ្នាំ២០២៣ ក្នុងប្រភេទកីឡាបញ្ចសីលា លើវិញ្ញាសាប្រយុទ្ធបុរស ទម្ងន់៤៥គីឡូ ដោយឥណ្ឌូនេស៊ី បោះបង់ការប្រកួត ធ្វើឡើនៅមជ្ឈមណ្ឌលពិព័រណ៍អន្តរជាតិជ្រោយចង្វារ (OCIC) , ថ្ងៃទី១០ ខែឧសភា ឆ្នាំ២០២៣៕ ផ្តល់សិទ្ធិដោយ៖ freshnews

(ភ្នំពេញ)៖ កីឡាករគុនខ្មែរ ខាំ ខ្លានាង បានឈ្នះមេដាយមាស នៃព្រឹត្តិការណ៍ស៊ីហ្គេម លើកទី៣២ ក្រោយយកឈ្នះកីឡាករវៀតណាម Le Cong Nghi ដោយពិន្ទុលើវិញ្ញាសាប្រយុទ្ធទម្ងន់ ៥១គីឡូក្រាម ក្នុងជំនួបវគ្គផ្ដាច់ព្រ័ត្រ នៅរសៀលថ្ងៃទី១០ ខែឧសភា ឆ្នាំ២០២៣ នេះ ធ្វើឡើងនៅសាដំរីនៃពហុកីឡដ្ឋានជាតិមរតកតេជោ៕ ផ្តល់សិទ្ធិដោយ៖ freshnews

កាលពីថ្ងៃច័ន្ទ ទី០៨ ខែឧសភា ឆ្នាំ២០២៣ កន្លងទៅថ្មីៗនេះ កីឡាករទ្រីយ៉ាត្លុងរបស់សិង្ហបុរី Bryce Chong បានសុំមិត្តស្រីរបស់គាត់ ដែលទាក់ទងគ្នាជាច្រើនឆ្នាំរៀបការ នៅឯឆ្នេរកែប របស់ប្រទេសកម្ពុជា នេះបើតាមការចុះផ្សាយរបស់សារព័ត៌មាន The Straits Times។ កីឡាករវ័យ ២៦ ឆ្នាំរូបនេះ បានលុតជង្គង់នៅនឹងមុខមិត្តស្រីរបស់គាត់ ដែលមានឈ្មោះថា Sheryl Foo មិនប៉ុន្មានម៉ោង បន្ទាប់ពីចប់ភារកិច្ចនៅក្នុងព្រឹត្តិការណ៍ស៊ីហ្គេមលើកទី៣២ ដែលកម្ពុជាកំពុងធ្វើជាម្ចាស់ផ្ទះ។ លោក Bryce Chong បានសុំមិត្តស្រីរៀបការ នៅចំពោះ​មុខ​មិត្ត​រួម​ក្រុម និង​មិត្តភ័ក្ដិ ​ដែល​បាន​មក​ជួប​ជុំ​គ្នា​ដើម្បី​ធ្វើ​ជា​សាក្សី​ក្នុង​ឱកាស​ដ៏​សំខាន់នេះ។ ជម្រាបដែរថា លោក Bryce Chong បានឈ្នះមេដាយសំរឹទ្ធដំបូងឱ្យសិង្ហបុរី សម្រាប់វិញ្ញាសាអាគ័រត្លុងផ្នែកបុរស (aquathlon) កាលពីថ្ងៃសៅរ៍ ប៉ុន្តែគាត់ធ្វើបានត្រឹមចំណាត់ថ្នាក់ទី៥ប៉ុណ្ណោះ ក្នុងវិញ្ញាសាទ្រីយ៉ាត្លុងកាលពីថ្ងៃច័ន្ទ។ ដំបូងឡើយ គាត់គិតចង់សុំមិត្តស្រីរៀបការនៅកន្លែងប្រារព្ធពិធីទទួលមេដាយ ប៉ុន្តែមានមនុស្សច្រើនពេកទើបគាត់មកសុំនាងរៀបការនៅឯឆ្នេរកែបវិញ។ ទោះបីជាគាត់បានភ័យផង អរផងយ៉ាងណាក៏ដោយ មិត្តស្រីរបស់គាត់ក៏បាន «យល់ព្រម» ចំពោះសំណើសុំរៀបការរបស់លោក Bryce Chong យ៉ាងរីករាយបំផុត៕ ផ្តល់សិទ្ធិដោយ៖ ខ្មែរណូត

(ភ្នំពេញ)៖ អបអរសាទរ ក្រុមកីឡាការិនីវ៉ូស៊ូជម្រើសជាតិកម្ពុជា ដែលបានឈ្នះមេដាយមាស លើវិញ្ញាសា សម្ដែងប្រយុទ្ធប្រើប្រាស់អាវុធ ជាក្រុម នៃព្រឹត្តិការណ៍កីឡាស៊ីហ្គេម២០២៣ ការធ្វើឡើងនៅមជ្ឈមណ្ឌលពិព័រណ៍អន្តរជាតិជ្រោយចង្វារ (OCIC), ថ្ងៃទី១០ ខែឧសភា ឆ្នាំ២០២៣៕ ផ្តល់សិទ្ធិដោយ៖ freshnews

រាជធានីភ្នំពេញ៖ នៅថ្ងៃទី១០ ខែឧសភា ឆ្នាំ២០២៣ យោងតាមគណនីហ្វេសប៊ុកផ្ទាល់របស់ ឧកញ៉ា ស្រី ចាន់ថន បានធ្វើការសំណូមពរដល់បងប្អូនកម្ពុជាទាំងអស់ សូមរក្សាសេចក្ដីថ្លៃថ្នូរក្នុងនាមជាម្ចាស់ផ្ទះ ជាពិសេសកុំបង្ហោះរូបភាពជាមួយអត្ថន័យបែបញុះញង់បញ្ឆេះកំហឹង។ ក្នុងសំនេរលោក ឧកញ៉ាស្រី ចាន់ថន បានសរសេររៀបរាប់ថា៖ «បងប្អូនជនរួមជាតិជាទីគោរពនៅថ្ងៃនេះ ប៊ួខាវ ចេញដំណើរមកហើយមកជាមួយក្រុមកីឡាឃីកបុកស៊ីងរបស់គាត់ ដើម្បីធ្វើការប្រកួតចាប់ពីថ្ងៃទី១៣ ខែឧសភាតទៅនៅស៊ីហ្គេម២០២៣។ សង្ឃឹមថាបងប្អូនកម្ពុជាយើងទាំងអស់គ្នារក្សាសេចក្ដីថ្លៃថ្នូរក្នុងនាមម្ចាស់ផ្ទះយើងចាំ៦៤ឆ្នាំហើយ សម្រាប់ការរៀបចំព្រឹត្តិការណ៍ស៊ីហ្គេម ជាពិសេសខ្ញុំសំណូមពរតាមផេកកុំបង្ហោះរូបភាពជាមួយអត្ថន័យបែបញុះញង់បញ្ឆេះកំហឹងថែមយើងត្រូវយល់ពីអត្ថន័យនៃស៊ីហ្គេមគឺដើម្បីចំណងមិត្តភាពអាស៊ាន។ (ខ្មែររូបរួមគ្នាខ្មែរអាចធ្វើបាន) ដោយក្ដីគោរពនិងស្រឡាញ់បំផុតពីខ្ញុំបាទស្រី ចាន់ថន» ៕ ប្រភព៖ ស្រី ចាន់ថន Srey Chanthorn

(ភ្នំពេញ)៖ អបអរសាទរ កីឡាករគុនខ្មែរ ភុន ពិសិដ្ឋ ដែលបានឈ្នះមេដាយមាស លើវិញ្ញាសាគុនខ្មែរបុរស ប្រភេទទម្ងន់ ៤៨គីឡូក្រាម បន្ទាប់ពីយកឈ្នះកីឡាករវៀតណាម Duong Duc Bao នៃព្រឹត្តិការណ៍កីឡាស៊ីហ្គេម២០២៣ ការប្រកួតធ្វើនៅសាលដំរី នៃពហុកីឡដ្ឋានជាតិមរតកតេជោ, ថ្ងៃទី១០ ខែឧសភា ឆ្នាំ២០២៣៕ ផ្តល់សិទ្ធិដោយ៖ Fresh News

(ភ្នំពេញ)៖ អបអរសាទរ កីឡាករគុនខ្មែរ ម៉ាប់ ធារ៉ា ដែលបានឈ្នះមេដាយមាស លើវិញ្ញាសា គុនខ្មែរបុរស ទម្ងន់ ៤៥គីឡូក្រាម បន្ទាប់ពីយកឈ្នះកីឡាករវៀតណាម Vo Nhuan Phong នៃព្រឹត្តិការណ៍កីឡាស៊ីហ្គេម២០២៣ ការប្រកួតធ្វើនៅពហុកីឡដ្ឋានជាតិមរតកតេជោ, ថ្ងៃទី១០ ខែឧសភា ឆ្នាំ២០២៣៕ ផ្តល់សិទ្ធិដោយ៖ freshnews