(កោះកុង)៖ លោកស្រី មិថុនា ភូថង អភិបាល នៃគណៈអភិបាលខេត្តកោះកុង នៅថ្ងៃទី១៤ ខែមិថុនា ឆ្នាំ២០២៥ បានបញ្ជាក់ថា តំបន់សេដ្ឋកិច្ចពិសេសខេត្តកោះកុង ត្រូវការជ្រើសរើសកម្មករកម្មការិនីចំនួន ២,៧០០នាក់ ដែលមានប្រាក់ឈ្នួលចាប់ពី ៣០០ដុល្លារ និងមានការលើកទឹកចិត្តផ្សេងទៀត ស្ថិតនៅ ភូមិនាងកុក ស្រុកមណ្ឌលសីមា ខេត្តកោះកុង។ បងប្អូនដែលមានចំណាប់អារម្មណ៍ អាចទាក់ទងតាមលេខទូរស័ព្ទ: ០១០ ២៣៦៦៥៥/០៩៦ ៩១៩១៩៩៨៕ ផ្ដល់សិទ្ធិដោយ៖ Fresh News

(ភ្នំពេញ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានប្រកាសអំពីការត្រៀមលក្ខណៈរួចជាស្រេចក្នុងការសម្របសម្រួលដោះស្រាយ ករណីមានការវិលត្រឡប់ក្នុងទ្រង់ទ្រាយធំដោយមូលហេតុណាមួយរបស់បងប្អូនពលករខ្មែរពីប្រទេសថៃ។ តាមបណ្តាញសង្គមហ្វេសប៊ុក សម្តេចបានបញ្ជាក់ទាំងស្រុងដូច្នេះថា៖ «ក្នុងករណីមានការវិលត្រឡប់ក្នុងទ្រង់ទ្រាយធំដោយមូលហេតុណាមួយ របស់បងប្អូនពលករខ្មែរយើងពីប្រទេសថៃ រាជរដ្ឋាភិបាលបានត្រៀមលក្ខណៈរួចជាស្រេចក្នុងការសម្របសម្រួលដោះស្រាយ៖ ក្រសួង-ស្ថាប័នពាក់ព័ន្ធ កងកម្លាំងប្រដាប់អាវុធគ្រប់ប្រភេទ និងរដ្ឋបាលខេត្តជាប់ព្រំដែនថៃទាំង៧ ត្រៀមសម្របសម្រួលការឆ្លងកាត់ព្រំដែន និងស្នាក់នៅ ហូបចុក បណ្ដោះអាសន្នរបស់បងប្អូននៅតំបន់ព្រំដែន។ ក្រសួងការពារជាតិ កងទ័ពជើងគោក សាលារាជធានីភ្នំពេញ ត្រៀមរថយន្ត ដើម្បីដឹកជញ្ជូនបងប្អូនពីព្រំដែន ត្រឡប់ទៅស្រុកកំណើត។ ក្រសួងការងារ និងបណ្ដុះបណ្ដាលវិជ្ជាជីវៈ ត្រៀមជួយស្វែងរកការងារក្នុងប្រទេសជូនបងប្អូនដែលត្រលប់មកវិញ ដោយបច្ចុប្បន្ននៅក្នុងប្រទេសយើងនៅខ្វះកម្លាំងពលកម្មជាមធ្យមជាង ៧ម៉ឺននាក់។ ក្រសួងសេដ្ឋកិច្ច និងហិរញ្ញវត្ថុ ក្រសួងស្ថាប័នពាក់ព័ន្ធ ត្រៀមលក្ខណៈក្នុងការជួយអន្តរាគមន៍ ដល់បងប្អូនពលករខ្មែរដែលត្រូវត្រឡប់មកវិញក្នុងការសម្រួលជីវភាពប្រចាំថ្ងៃ តាមរយៈកញ្ចប់អន្តរាគមន៍សេដ្ឋកិច្ច និងសង្គមកិច្ចមួយចំនួន។ ជាមួយគ្នានេះ ខ្ញុំសូមអំពាវនាវឲ្យសមាគមធនាគារនៅកម្ពុជា និងសមាគមមីក្រូហិរញ្ញវត្ថុកម្ពុជា ពិនិត្យលទ្ធភាពក្នុងការជួយសម្រាលបន្ទុកហិរញ្ញវត្ថុ សម្រាប់បងប្អូនប្រជាពលករ ដែលត្រលប់មកពីថៃវិញ ចំពោះអ្នកដែលមានជាប់ជំពាក់បំណុលជាមួយធនាគារ ឬគ្រឹះស្ថានមីក្រូហិរញ្ញវត្ថុ ទៅតាមលទ្ធភាព ឬក្នុងមួយរយៈពេលកំណត់ណាមួយដែលអាចធ្វើទៅបាន។ ពេលប្រទេសជាតិ និងប្រជាពលរដ្ឋខ្មែរយើងប្រឈមនឹងបញ្ហា ស្មារតី សាមគ្គី ឯកភាពជាតិ និងការជួយគ្នាទៅវិញទៅមក គឺជាចំណុចខ្លាំងរបស់ប្រជាជាតិខ្មែរយើង»៕ ផ្ដល់សិទ្ធិដោយ៖ Fresh […]

(កោះកុង)៖ ក្រុមហ៊ុនអគ្គិសនីកម្ពុជា នៅល្ងាចថ្ងៃទី១៣ ខែមិថុនា ឆ្នាំ២០២៥ បានបង្វែរប្រើបណ្តាញជាតិអនុស្ថានីយ៍ឬស្សីជ្រុំ ភ្លាមៗតភ្ជាប់ទៅ ឃុំប៉ាកខ្លង ស្រុកមណ្ឌលសីមា ខេត្តកោះកុង ក្រោយក្រុមហ៊ុនថៃ កាត់ផ្តាច់អគ្គិសនី ដែលផ្គត់ផ្គង់ទៅកាន់ឃុំនេះ ដែលនៅជាប់ព្រំដែន។ ការបង្វែរប្រើបណ្តាញអគ្គិសនីជាតិ បានធ្វើឡើងភ្លាមៗតែម្តង ដោយមិនមានការរាំងស្ទះទេ។ កន្លងទៅ លោក កែ​វ រតនៈ រដ្ឋមន្រ្តីក្រសួងរ៉ែ និងថាមពល បានបញ្ជាក់ថា ពេលនេះកម្ពុជាមានអគ្គិសនីគ្រប់គ្រាន់ ហើយកម្ពុជាមិនបានយកអគ្គិសនីពីប្រទេសថៃតចូលបណ្តាញជាតិនោះទេ៕ ផ្ដល់សិទ្ធិដោយ៖ Fresh News

(ភ្នំពេញ)៖ ភាពតានតឹងនៅតាមបណ្ដោយព្រំដែនកម្ពុជា​-ថៃ កាន់តែកើនកម្ដៅឥតថមថយ ខណៈដែលភាគីកម្ពុជាប្រកាន់ជំហរការទូត និងច្បាប់អន្តរជាតិ ប៉ុន្តែភាគីថៃបានជ្រើសរើសយកសង្គ្រាមជាដំណោះស្រាយ ដោយទាត់ចោលទាំងស្រុងនូវច្បាប់អន្តរជាតិ។ មុនកិច្ច​ប្រជុំ JBC ចាប់ផ្តើមនៅរាជធានីភ្នំពេញ នាព្រឹកថ្ងៃទី១៤ ខែមិថុនា ឆ្នាំ០២២៥នេះ ថៃបានប្រកាសចង់ធ្វើសង្គ្រាមជាមួយកម្ពុជា។ មេភូមិភាគ២ របស់ថៃ លោក Boonsin Padklang ប្រកាសថា ថៃចង់ធ្វើសង្គ្រាមជាមួយកម្ពុជា ហើយថៃនឹងមិនទៅតុលាការ ICJ ជាដាច់ខាត។ មេទាហានរូបនេះបន្តថាប្រសិនជាកម្ពុជាចង់ដោះស្រាយ គឺត្រូវធ្វើសង្គ្រាម ហើយនេះជាជម្រើសដែលអាចដោះស្រាយបាន។ ការធ្វើសង្គ្រាមគឺជារឿងមួយដែលកម្ពុជាមិនចង់ឃើញ ព្រោះថាកម្ពុជាតែងប្រកាន់ជំហរថែរក្សាសន្តិភាពរហូតមក។ នេះមិនមែនមានន័យថា កម្ពុជាខ្លាចរអារចំពោះថៃនោះទេ កម្ពុជាមានបទពិសោធន៍ឆ្អែតឆ្អន់នឹងសង្គ្រាម ទាហានដ៏អង់អាចក្លាហានរបស់កម្ពុជា រួមទាំងសព្វាវុធផ្សេងៗ ត្រូវបានបញ្ជូនទៅដល់ព្រំដែន តាំងពីក្រោយថ្ងៃផ្ទុះអាវុធនាថ្ងៃទី២៨ ខែឧសភា ឆ្នាំ២០២៥ មកម្ល៉េះ ដើម្បីការពារបូរណភាពទឹកដី ក្នុងករណីដែលមានការឈ្លានពានណាមួយពីសំណាក់ទាហានថៃ កម្ពុជាក៏នឹងតបតយ៉ាងស្វាហាប់ផងដែរ។ ទោះជាយ៉ាងនេះក្តី កម្ពុជាបាន និងកំពុងប្រើប្រាស់យន្តការផ្សេងៗទៀត ក្នុងនោះមានយន្តការបច្ចេកទេស ការចរចាទ្វេភាគី និងយន្តការច្បាប់អន្តរជាតិផងដែរ។ ការសម្រេចដាក់ពាក្យបណ្តឹងទៅតុលាការយុត្តិធម៌អន្តរជាតិ (ICJ) របស់កម្ពុជា សម្រាប់បញ្ហាវិវាទនៅចំណុចប្រាសាទតាមាន់តូច ប្រាសាទតាមាន់ធំ ប្រាសាទតាក្របី និងចំណុចមុំបី គឺជាការសម្រេចចិត្តប្រកបដោយភាពចាស់ទុំខាងនយោបាយ […]

(ព្រះវិហារ)៖ ប្រជាពលរដ្ឋដែលកំពុងចល័តទៅកាន់តំបន់សុវត្ថិភាព និងងាយរងគ្រោះបំផុត រស់នៅតាមតំបន់ដាច់ស្រយាលជាប់ព្រំដែន ក្នុងទីតាំងចំនួនបី គឺនៅភូមិសែនរុងរឿង១ ឃុំទឹកក្រហម ស្រុកជាំក្សាន្ត ប្រជាពលរដ្ឋ ៤០៩គ្រួសារ, នៅភូមិបុះ ឃុំភ្នំពេញ ស្រុកគូលែន ប្រជាពលរដ្ឋ ២៩៩គ្រួសារ និងនៅភូមិដា ឃុំចំរើន ស្រុកសង្គមថ្មី ប្រជាពលរដ្ឋ ២៩២គ្រួសារ ខេត្តព្រះវិហារ នៅថ្ងៃទី១៣ ខែមិថុនា ឆ្នាំ២០២៥ បានទទួលអំណោយសម្រាលការលំបាកពីសម្ដេចកិត្ដិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា។ ការចុះសំណាលសួរសុខទុក្ខ និងផ្ដល់អំណោយមនុស្សធម៌ខាងលើនេះ បានធ្វើឡើងក្រោមវត្ដមានលោក យូ ឡាណា អគ្គលេខាធិការរងទី២ កាកបាទក្រហមកម្ពុជា និងលោក គីម រិទ្ធី ប្រធានគណៈកម្មាធិការសាខាកាកបាទក្រហមកម្ពុជា ខេត្តព្រះវិហារ។ មានមតិស្វាគមគន៍នាឱកាសនោះ លោក គីម រិទ្ធី ប្រធានគណៈកម្មាធិការសាខាកាកបាទក្រហមកម្ពុជា ខេត្តព្រះវិហារ តំណាងប្រជាពលរដ្ឋក្នុងខេត្តទាំងអស់ ថ្លែងអំណរគុណយ៉ាងជ្រាលជ្រៅបំផុតចំពោះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលជានិច្ចកាលតែងតែយកចិត្តទុកដាក់ពីសុខទុក្ខរបស់បងប្អូនប្រជាពលរដ្ឋដែលងាយរងគ្រោះ និងរងគ្រោះបំផុត […]

(ភ្នំពេញ)៖ នៅព្រឹកថ្ងៃទី១៤ ខែមិថុនា ឆ្នាំ២០២៥នេះ ក្រុមការងារកិច្ចការព្រំដែនកម្ពុជា និងថៃ នឹងបើកកិច្ចប្រជុំគណៈកម្មការចម្រុះខណ្ឌសីមា និងបោះបង្គោលព្រំដែនគោក (JBC) កម្ពុជា-ថៃ នៅរាជធានីភ្នំពេញ។ កិច្ចប្រជុំនេះបានធ្វើឡើងនៅសណ្ឋាគារសូហ្វីតែល ភ្នំពេញ។ នៅថ្ងៃទី១៤ ខែមិថុនានេះ គឺជាខួបទី២៥ឆ្នាំ នៃអនុស្សរណៈយោគយល់គ្នារវាងកម្ពុជា-ថៃ ឆ្នាំ២០០០ (MoU2000) ដែលកម្ពុជាតែងតែយកមកជាសំអាង រាល់ពេលដោះស្រាយជម្លោះជាមួយភាគីថៃ ហើយនៅថ្ងៃនេះ ក៏ជាថ្ងៃដំបូង នៃកិច្ចប្រជុំ JBC រវាងកម្ពុជាថៃ ក្រោយផ្ទុះជម្លោះប្រដាប់អាវុធ ថ្ងៃ២៨ឧសភាផងដែរ។ ភាគីកម្ពុជា ដឹកនាំដោយ លោក ឡាំ ជា រដ្ឋមន្ត្រីទទួលបន្ទុករដ្ឋលេខាធិការដ្ឋានកិច្ចការព្រំដែន ចំណែកភាគីរដ្ឋាភិបាលថៃ តំណាងដោយលោក ប្រាសាស ប្រាសាសវិនិច្ឆ័យ (Prasas Prasasvinitchai) ទីប្រឹក្សាក្រសួងការបរទេស ទទួលបន្ទុកកិច្ចការព្រំដែន ដែលជាមន្រ្តីការទូតជើងចាស់ជំនាន់ជម្លោះព្រះវិហារ។ ការបើកកិច្ចប្រជុំគណៈកម្មការចម្រុះខណ្ឌសីមា និងបោះបង្គោលព្រំដែនគោក (JBC) កម្ពុជា-ថៃនេះ បានធ្វើឡើងបន្ទាប់ជម្លោះព្រំដែនគោក រវាងប្រទេសទាំងពីរ បានផ្ទុះឡើងនៅតំបន់មុំ៣ ស្ថិតនៅភូមិតេជោមរកត ឃុំមរកត ស្រុកជាំក្សាន្ត ខេត្តព្រះវិហារ ខណៈដែលទាហានថៃ បានលួចឆ្មក់មកបាញ់ប្រហារបណ្តាឱ្យកងទ័ពកម្ពុជាម្នាក់បានពលី កាលពីថ្ងៃទី២៨ […]

(បរទេស)៖​ ក្នុងខែនេះ វេទិកា AI ឈានមុខគេបំផុតរបស់ចិនបានធ្វើអ្វីមួយមិនធ្លាប់មានពីមុនមក​ ពោលគឺបាន​បិទទាំងស្រុង​ អំឡុងពេលសិស្សប្រឡងថ្នាក់ជាតិ។ ចាប់ពីថ្ងៃទី៧​ ដល់ថ្ងៃទី១០​ ខែមិថុនា ក្រុមហ៊ុនចិនដូចជា ByteDance, Alibaba និង Tencent បានសហការគ្នា ដើម្បីផ្អាកមុខងារ​ chatbot ដោយឲ្យវាឈប់ដំណើរការ និងទប់ស្កាត់សំណួរទាក់ទងនឹងការប្រឡងទាំងអស់ ដើម្បីបង្ការ ការបន្លំឬលួចចម្លងក្នុងការប្រឡង។ ការប្រឡងចូលមហាវិទ្យាល័យនេះ​ ត្រូវបានគេស្គាល់ថាជាការប្រឡងដែលតឹងរឹងបំផុតមួយនៅលើពិភពលោក។ សិស្សជាង ១៣លាននាក់បានចូលរួមការប្រឡងនេះជារៀងរាល់ឆ្នាំ ហើយដេីម្បីមានសិទ្ធចូលរៀននៅសាកលវិទ្យាល័យល្បីៗ។ ដើម្បីធានាឲ្យមានភាពត្រឹមត្រូវ ក្រុមហ៊ុន AI ដូចជា Doubao, DeepSeek និង Kimi របស់ Moonshot បានបិទសេវាកម្មសំខាន់ៗរបស់ខ្លួន។ សិស្សដែលព្យាយាមប្រេី​ AI ដេីម្បីសួរ សំណួរឬរូបភាពនៃការប្រឡងបានជួបនឹងសារបដិសេធថា៖ “មុខងារនេះមិនអាចប្រើបានបណ្តោះអាសន្ន”។ នេះមិនមែនជាកំហុសប្រព័ន្ធទេ — ប៉ុន្តែជាគោលនយោបាយច្បាស់លាស់មួយដែលកំណត់ឡេីង​ ដេីម្បីភាពត្រឹមត្រូវ។ អាជ្ញាធរចិនក៏បានប្រើប្រាស់ AI ដើម្បីត្រួតពិនិត្យអាកប្បកិរិយានៅក្នុងបន្ទប់ប្រឡងផងដែរ ដោយប្រើបច្ចេកវិទ្យាចាប់សញ្ញា និងសម្លឹងឃើញដើម្បីស្វែងរកសកម្មភាពមិនប្រក្រតី​ ដែលនេះជាដំណើរបង្រួមជាតិនៃការត្រួតពិនិត្យ ដើម្បីថែរក្សាជំនឿជាក់លើប្រព័ន្ធអប់រំដែលកំពុងជួបបញ្ហាពីបច្ចេកវិទ្យាគ្រប់ជ្រុងជ្រោយ។ គួរជម្រាបថា​ ចលនានេះបង្ហាញថា […]

(កោះកុង)៖ អនុវត្តតាមបទបញ្ជារបស់ប្រមុខនៃរាជរដ្ឋាភិបាលកម្ពុជា សម្ដេចមហាបវរធិបតី ហ៊ុន ម៉ាណែត ដើម្បីកុំឲ្យមានការប្រមាថពីក្រុមជ្រុលនិយមភាគីថៃ ដែលគំរាមម្ដងហើយម្ដងទៀត ដើម្បីកាត់ផ្ដាច់ប្រព័ន្ធ Internet, មន្ដ្រីមន្ទីរប្រៃសណីយ៍ និងទូរគមនាគមន៍ ខេត្តកោះកុង បានចុះទៅកាត់ខ្សែ Internet របស់ថៃដោយខ្លួនឯងតែម្ដង មិនរង់ចាំឲ្យភាគីថៃផ្ដាច់នោះទេ នៅច្រកទ្វារព្រំដែនអន្ដរជាតិចាំយាម។ នេះបើតាមលោកស្រី មិថុនា ភូថង អភិបាលខេត្តកោះកុង បានប្រាប់បណ្តាញព័ត៌មាន Fresh News។ ក្រៅពីច្រកទ្វារព្រំដែនអន្ដរជាតិចាំយាម ដែលត្រូវបានកម្ពុជាកាត់ផ្ដាច់ខ្សែបញ្ជូន Internet ពីប្រទេសថៃ គឺមាននៅច្រកទ្វារព្រំដែនអន្ដរជាតិប៉ោយប៉ែតមួយទៀត ដែលបានកាត់ផ្ដាច់តាំងពីយប់រំលងអធ្រាត្រមកម្ល៉េះ ក្រោយបទបញ្ជារបស់សម្ដេចនាយករដ្ឋមន្ដ្រី។ បើទោះបីខ្សែ Internet របស់ថៃត្រូវបានកាត់ផ្ដាច់ក៏ដោយ ប៉ុន្ដែមិនបានជះឥទ្ធិពល និងប៉ះពាល់ដល់អ្នកប្រើប្រាស់របស់កម្ពុជាឡើយ ពោលនៅពេលនេះមន្ដ្រីជំនាញកំពុងបង្វែរការប្រើប្រាស់ Internet មួយផ្នែករបស់ថៃ មកប្រើប្រាស់ប្រព័ន្ធនៅក្នុងស្រុកវិញ៕ ផ្ដល់សិទ្ធិដោយ៖ Fresh News

(ភ្នំពេញ)៖ ក្រសួងសុខាភិបាល នាយប់ថ្ងៃទី១៣​ ខែមិថុនា ឆ្នាំ២០២៥នេះ បានចេញសេចក្តីប្រកាសព័ត៌មាន​ ស្តីពីករណីជំងឺផ្តាសាយបក្សី លើស្ត្រីម្នាក់អាយុ ៦៥ឆ្នាំ ដែលមានទីលំនៅក្នុងភូមិក្រាំងអំពិល ឃុំតាំងយ៉ាប ស្រុកព្រៃកប្បាស ខេត្តតាកែវ។ ក្រសួងសុខាភិបាលបានឱ្យដឹងថា មានអ្នកជំងឺផ្តាសាយបក្សីចំនួន ០១ករណី កើតលើស្ត្រីអាយុ ៦៥ឆ្នាំ ត្រូវបានបញ្ជាក់ថា វិជ្ជមានវីរុសផ្តាសាយបក្សីប្រភេទហាស់៥ អ៊ិន១ (H5N1) ពីវិទ្យាស្ថានប៉ាស្ទ័រកម្ពុជា នៅថ្ងៃទី១២ ខែឧសភា ឆ្នាំ២០២៥ ដែលអ្នកជំងឺ មានរោគសញ្ញា គ្រុនក្តៅ ក្អក ហត់ ស្អកនិងពិបាកដកដង្ហើម។ បច្ចុប្បន្នអ្នកជំងឺកំពុងទទួលបានការថែទាំយ៉ាងយកចិត្តទុកដាក់ពីសំណាក់ក្រុមគ្រូពេទ្យ៕ ផ្ដល់សិទ្ធិដោយ៖ Fresh News

(ភ្នំពេញ​)៖​ ផ្ទះជួសជុលម៉ាស៉ីនត្រជាក់មួយកន្លែង ត្រូវបានអគ្គិភ័យឆាបឆេះយ៉ាងសន្ធោសន្ធៅ បណ្ដាលឲ្យស្លាប់មួយគ្រួសារ សមាជិក៤នាក់។ ហេតុការណ៍នេះបានកើតឡើងនៅវេលាម៉ោង ៥៖០៥នាទីទាបភ្លឺ ថ្ងៃទី១៣ ខែមិថុនា ឆ្នាំ២០២៥ ស្ថិតនៅចំណុចផ្លូវបេតុង ភូមិជ្រៃកោង សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ។ លោកវរសេនីយ៍ឯក ព្រហ្ម យ៉ន នាយការិយាល័យនគរបាលបង្ការពន្លត់អគ្គិភ័យ និងសង្គ្រោះ នៃស្នងការដ្ឋាននគរបាលរាជធានីភ្នំេពញ បានប្រាប់ឲ្យបណ្តាញព័ត៌មាន Fresh News ដឹងថា ដោយមានការអនុវត្តតាមបទបញ្ជារបស់លោកឧត្តមសេនីយ៍ឯក ជួន ណារិន្ទ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ បានណែនាំដល់កម្លាំងជំនាញការិយាល័យនគរបាលបង្ការពន្លត់អគ្គិភ័យ និងសង្គ្រោះ ត្រូវធ្វើការយកចិត្តទុកដាក់ខ្ពស់នៅក្នុងប្រតិបត្តិការជួយសង្គ្រោះប្រជាពលរដ្ឋឲ្យបានទាន់ពេលវេលា។ ដោយទទួលបានបទបញ្ជាលោកវរសេនីយ៍ឯក ព្រហ្ម យ៉ន នាយការិយាល័យ បានដឹកនាំបញ្ជាផ្ទាល់ដល់កងកម្លាំងសមត្ថកិច្ចជំនាញ ឲ្យចេញជួយអន្តរាគមន៍បាញ់ទឹកពន្លត់ឲ្យទាន់ពេលវេលា កុំឲ្យមានការឆាបឆេះបន្តដល់ផ្ទះដែលនៅក្បែរនោះ។ លោកវរសេនីយ៍ឯក ព្រហ្ម យ៉ន ក៏បានបន្តថា ដោយនៅក្នុងប្រតិបត្តិការខាងលើនេះ កម្លាំងសមត្ថកិច្ចជំនាញ បានប្រើប្រាស់រថយន្តពន្លត់អគ្គិភ័យចំនួន១១គ្រឿង ក្នុងនោះរថយន្តការិយាល័យរាជធានីភ្នំពេញ ចំនួន០៥គ្រឿង ប្រេីប្រាស់ទឹក អស់០៤ឡាន ស្មេីរនឹង២២ម៉ែត្រគូប និងរថយន្តជំនួយមកពីកងពលតូចលេខ៧០ ចំនួន០៦គ្រឿង ប្រើប្រាស់ទឹកអស់០១ឡាន ស្មើរ […]