(ភ្នំពេញ)៖ ក្រសួងសុខាភិបាល នៅថ្ងៃទី២៥ ខែកុម្ភៈ ឆ្នាំ២០២៥នេះ បានចេញសេចក្តីជូនដំណឹង ស្តីពីការរកឃើញផលិតផល SUPER XL និង AMOUR មានផ្ទុកសារធាតុហាមឃាត់ Sildenafil។ បើតាមក្រសួងសុខាភិបាល សារធាតុហាមឃាត់ Sildenafil អាចប៉ះពាល់ដល់សុខភាពធ្ងន់ធ្ងរ ឈានដល់ការបាត់បង់ជីវិតទៀតផង៕ ខាងក្រោមនេះជាសេចក្តីជូនដំណឹង របស់ក្រសួងសុខាភិបាល៖ ផ្ដល់សិទ្ធិដោយ៖ Fresh News

(ភ្នំពេញ)៖ ឆ្លើយតបជាមួយស្ថានភាពមិនច្បាស់លាស់នៃសភាពការណ៍ពិភពលោក នៅព្រឹកថ្ងៃទី២៤ ខែកុម្ភៈ ឆ្នាំ២០២៥នេះ លោកសន្ដិបណ្ឌិត នេត សាវឿន ឧបនាយករដ្ឋមន្ដ្រី និងជាប្រធានគណៈកម្មាធិការជាតិសន្ដិសុខ អាកាសចរណ៍ស៉ីវិល បានដាក់ចេញការណែនាំដាច់ខាតឲ្យគ្រប់បណ្ដាអង្គភាព ស្ថាប័នទាំងអស់ដែលមានកម្លាំងឈរជើងនៅអាកាសយានដ្ឋានអន្ដរជាតិ ត្រូវបន្ដពង្រឹងការងារសន្ដិសុខ សណ្ដាប់ធ្នាប់ និងគ្មានអំពើភេវរកម្ម។ ក្នុងឱកាសអញ្ជើញដឹកនាំកិច្ចប្រជុំបូកសរុបលទ្ធផលការងារយៈពេល១ឆ្នាំ របស់គណៈកម្មាធិការជាតិសន្ដិសុខអាកាសចរណ៍ ឧបនាយករដ្ឋមន្ដ្រី នេត សាវឿន បានធ្វើការវាយតម្លៃខ្ពស់ចំពោះការខិតខំប្រឹងប្រែរបស់គ្រប់បណ្ដាអង្គភាព និងស្ថាប័នពាក់ព័ន្ធទាំងអស់ ដែលរួមសហការគ្នាបំពេញតួនាទី ភារកិច្ចប្រកបដោយការទទួលខុសត្រូវ និងជោគជ័យនាពេលកន្លងមក។ ឧបនាយករដ្ឋមន្ដ្រី នេត សាវឿន ក៏បានឲ្យគិតគូរអំពីការធ្វើសមយុទ្ធផងដែរ ទាំងការធ្វើសមយុទ្ធលើតុ និងសមយុទ្ធនៅទីតាំងជាក់ស្ដែង ខណៈការងារធានាសន្ដិសុខ សណ្ដាប់ធ្នាប់ នៅអាកាសយដ្ឋានអន្ដរជាតិទាំងអស់ គឺមិនអាចធ្វេសប្រហែសបានឡើយ។ លោកកត់សម្គាល់ថា កន្លងមកអង្គភាព ស្ថាប័នពាក់ព័ន្ធបានរួមសហការគ្នាបំពេញបានយ៉ាងល្អយ៉ាងណាក្ដី ពិសេសពង្រឹងការចេញចូលបានយ៉ាងល្អប្រសើរ។ ប្រធានគណៈកម្មាធិការជាតិសន្ដិសុខអាកាសចរណ៍ស៉ីវិល ឧបនាយករដ្ឋមន្ដ្រី នេត សាវឿន បានថ្លែងយ៉ាងដូច្នេះថា «ចំពោះការរក្សាដាច់ខាតនូវសន្ដិសុខ និងគ្មានអំពើភេវរកម្ម ប្រគល់ជូនឯកឧត្តម ទេសរដ្ឋមន្ដ្រី ឱម យ៉ិនទៀង ជួយដឹកនាំដោយផ្ទាល់ដល់អង្គភាពនគរបាល អាវុធ កងយោធពលខេមរភូមិន្ទ។ ត្រូវគិតទាំងសមយុទ្ធលើស្ថានភាពជាក់ស្ដែង កន្លងមកយើងធ្វើបានល្អខ្ញុំសូមកោតសរសើរ តែយើងត្រូវធ្វើបន្ដទៀត»។ […]

(ក្រចេះ)៖ មន្ត្រីជំនាញនៃមន្ទីរ៉ែ និងថាមពលខេត្តក្រចេះ បានសហការជាមួយកម្លាំងនគរបាលសេដ្ឋកិច្ច នៃស្នងការដ្ឋាននគរបាលខេត្តក្រចេះ ចុះបង្ក្រាបទីតាំងធ្វើអាជីវកម្មរ៉ែមាសចំនួន២កន្លែង ដោយធ្វើកិច្ចសន្យាផ្អាកសកម្មភាពនៃការរុករក។ ប្រតិបត្តិការបង្ក្រាបនេះធ្វើឡើងនៅព្រឹកថ្ងៃទី២៤ ខែកុម្ភៈ ឆ្នាំ២០២៥ នៅចំណុចអូត្រូន ស្ថិតនៅក្នុងភូមិអូពោរ ឃុំក្បាលដំរី ស្រុកអូគ្រៀងសែនជ័យ ខេត្តក្រចេះ។ លោក រត្ន័ តុលា ប្រធានមន្ទីររ៉ែ និងថាមពលខេត្តក្រចេះ បានឱ្យដឹងថា ប្រតិបត្តិការបង្ក្រាបនេះមន្ត្រីជំនាញរបស់លោក សហការជាមួយកម្លាំងអធិការ ដ្ឋាននគរបាលស្រុកអូរគ្រៀងសែនជ័យ និងកម្លាំងនគរបាលសេដ្ឋកិច្ច នៃស្នងការដ្ឋាននគរបាលខេត្តក្រចេះ គឺបានបង្ក្រាបទីតាំងអាជីវកម្មរ៉ែមាសចំនួន២ ដែលកំពុងធ្វើសកម្មភាពនៃកា រុករករ៉ែមាសខុសច្បាប់។ ប្រធានមន្ទីរបានបញ្ជាក់ថា ការចុះបង្ក្រាបនេះ កម្លាំងសមត្ថកិច្ចពាក់ព័ន្ធមិនបានដកហូតយកឧបករណ៍សម្ភារៈ អ្វីនោះទេដោយគ្រាន់តែហៅម្ចាស់ទីតាំងទាំងពីរនោះមកធ្វើកិច្ចសន្យាហើយបញ្ឈប់សកម្មភាពជាបន្ទាន់ ប្រសិនបើនៅតែបន្តសកម្មភាពទៀតអាជ្ញាធរ និងសមត្ថកិច្ចជំនាញនឹងចាត់វិធានផ្លូវច្បាប់៕ ផ្ដល់សិទ្ធិដោយ៖ Fresh News

(ភ្នំពេញ)៖ លោកបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្រ្តី រដ្ឋមន្ត្រីក្រសួងអប់រំ យុវជន និងកីឡា បានលើកឡើងថា ក្រសួងបាននិងកំពុងកែលម្អកម្មវិធីសិក្សា អភិវឌ្ឍសៀវភៅសិក្សា និងបង្កើនម៉ោងសិក្សាពី ៤ម៉ោង ក្នុង១ថ្ងៃ ទៅ ៦ម៉ោង ក្នុង១ថ្ងៃ ឬ ៤០ម៉ោង ក្នុង១សប្តាហ៍ សម្រាប់សាលាបឋមសិក្សា និងបង្កើតក្លិបសិក្សា ដើម្បីឱ្យសិស្សធ្វើស្វ័យសិក្សា ជួយសិស្សរៀនយឺត និងអនុវត្តសកម្មភាពក្រៅម៉ោងសិក្សាផងដែរ។ ការលើកឡើងបែបនេះរបស់ លោកបណ្ឌិតសភាចារ្យ ហង់ជួន ណារ៉ុន បានធ្វើឡើងនៅព្រឹកថ្ងៃទី២៤ ខែកុម្ភៈ ឆ្នាំ២០២៥ នៅក្នុងពិធីបើកសន្និបាតបូកសរុបការងារអប់រំ យុវជន និងកីឡាឆ្នាំសិក្សា ២០២៣-២០២៤ និងទិសដៅឆ្នាំសិក្សា ២០២៤-២០២៥ក្រោមប្រធានបទ «អភិវឌ្ឍមូលធនមនុស្សឆ្ពោះទៅសម្រេចចក្ខុវិស័យកម្ពុជាឆ្នាំ២០៥០» នៅវិទ្យាស្ថានបច្ចេកវិទ្យាកម្ពុជា ដែលរយៈពេលបីថ្ងៃ។ នៅក្នុងពិធីបើកសន្និបាតនេះ លោកបណ្ឌិតសភាចារ្យ ហង់ជួន ណារ៉ុន បានថ្លែងបញ្ជាក់យ៉ាងដូច្នេះថា៖ «ក្រសួងបាននិងកំពុងកែលម្អកម្មវិធីសិក្សា អភិវឌ្ឍសៀវភៅសិក្សា និងបង្កើនម៉ោងសិក្សាពី ៤ម៉ោង ក្នុង១ថ្ងៃ ទៅ៦ម៉ោង ក្នុង១ថ្ងៃ ឬ ៤០ម៉ោង ក្នុង១សប្តាហ៍ […]

(យូអិន)៖ សហរដ្ឋអាមេរិក កំពុងព្យាយាមទទូចឱ្យប្រទេសនានា ជាសមាជិកមហាសន្និបាតអង្គការសហប្រជាជាតិ (UN) ផ្តល់ការគាំទ្រដល់សេចក្តីសម្រេចដែលខ្លួនស្នើឡើង សម្រាប់ឱកាសខួប៣ឆ្នាំ នៃសង្រ្គាមឈ្លានពានរបស់រុស្ស៉ីនៅអ៊ុយក្រែន នាថ្ងៃចន្ទនេះ ហើយជំទាស់រាល់ការចង់កែសម្រួលណាមួយ ព្រមទាំងបោះឆ្នោតប្រឆាំង សេចក្តីសម្រេចដាច់ដោយឡែកមួយទៀត ដែលព្រាងឡើងដោយអ៊ុយក្រែន និងក្រុមប្រទេសអឺរ៉ុប។ នេះបើតាមការចេញផ្សាយដោយ ទីភ្នាក់ងារព័ត៌មាន Reuters នាថ្ងៃចន្ទ ទី២៤ ខែកុម្ភៈ ឆ្នាំ២០២៥។ ក្នុងកំណត់ទូតដែលផ្ញើចេញ កាលពីថ្ងៃអាទិត្យកន្លងទៅនេះ សហរដ្ឋអាមេរិក បានពិពណ៌នាថា សេចក្តីសម្រេចដែលខ្លួនព្រាងឡើង គឺជាសេចក្តីសម្រេចសម្លឹងឆ្ពោះទៅកាន់អនាគត ដែលផ្តោតលើគំនិតយ៉ាងសាមញ្ញមួយ គឺបិទបញ្ចប់សង្រ្គាម។ កំណត់ទូតដដែល បានបន្តថា តាមរយៈសេចក្តីសម្រេចនេះ បណ្តារដ្ឋជាសមាជិក អាចបង្កើតកម្លាំងចលករពិតប្រាកដ ដើម្បីឆ្ពោះទៅរកសន្តិសុខនិងសន្តិភាពអន្តរជាតិ ខណៈការរក្សាការពារសន្តិសុខ និងសន្តិភាពអន្តរជាតិ គឺជាគោលបំណងចម្បង នៃអង្គការសហប្រជាជាតិ (UN) ហើយបានស្នើឱ្យប្រទេសនានា បោះឆ្នោតជំទាស់ចំពោះសេចក្តីសម្រេចដទៃទៀត ឬការប៉ុនប៉ងធ្វើវិសោធនកម្មនានា ដែលលើកឡើង អំឡុងកិច្ចប្រជុំនាថ្ងៃចន្ទនេះ។ សេចក្តីសម្រេចរបស់អាមេរិក ដែលស្នើឡើងកាលពីថ្ងៃសុក្រសប្តាហ៍មុន ប្រជែងគ្នាជាមួយសេចក្តីសម្រេចដាច់ដោយឡែក ផ្សេងមួយទៀត របស់សហភាពអឺរ៉ុបនិងអ៊ុយក្រែន ដែលបន្ទរសាជាថ្មី នូវការទាមទារកន្លងមករបស់ UN ឱ្យរុស្សីដកកងទ័ព និងបញ្ឈប់អរិភាព ហើយប្តេជ្ញាចំពោះបូរណភាពទឹកដីរបស់អ៊ុយក្រែន។ […]

(បន្ទាយមានជ័យ)៖ គណៈបញ្ជាការដឹកនាំស្រាវជ្រាវ ស៊ើបអង្កេត និងបង្ក្រាបបទល្មើសគ្រប់ប្រភេទ នៃក្រសួងមហាផ្ទៃ បានឱ្យដឹងថា នៅថ្ងៃទី២២ និងថ្ងៃទី២៣ ខែកុម្ភៈ ឆ្នាំ២០២៥ ក្រុមប្រតិបត្តិការរបស់គណៈបញ្ជាការ បានចុះត្រួតពិនិត្យជាក់ស្តែងលើទីតាំងចំនួន២កន្លែង ស្ថិតក្នុងភូមិសាមគ្គីមានជ័យ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ បន្ទាប់ពីបានធ្វើការស្រាវជ្រាវស៊ើបអង្កេតលើទីតាំងខាងលើរយៈពេលជាង៣ខែកន្លងមក។ ការឈានទៅបង្ក្រាបទីតាំងទាំងពីរខាងលើនេះ ធ្វើឡើងក្រោមបទបញ្ជាដ៏ម៉ឺងម៉ាត់បំផុតរបស់លោកអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ក៏ដូចជាការចង្អុលដឹកនាំដោយផ្ទាល់របស់នាយឧត្តមសេនីយ៍ ស ថេត អគ្គស្នងការនគរបាលជាតិ។ អ្នកនាំពាក្យអគ្គស្នងការនគរបាលជាតិ បានបញ្ជាក់ថា ការឆ្មក់ចូលក្នុងទីតាំងខាងលើ សមត្ថកិច្ចបានរកឃើញជនបរទេសចំនួន២៣០នាក់ (ស្រី៦៨នាក់) ក្នុងនោះមានជនជាតិថៃចំនួន១២៣នាក់ (ស្រី៥៩នាក់)។ ជនបរទេសទាំងនោះ កំពុងសំងំលាក់ខ្លួនលួចលាក់ធ្វើប្រតិបត្តិការអនឡាញខុសច្បាប់ ដោយមានមេក្លោងជាជនជាតិចិន និងស្ថិតក្នុងស្ថានភាពរស់នៅធម្មតា ព្រមទាំងទទួលយកការងារខុសច្បាប់ទាំងនោះដោយស្ម័គ្រចិត្ត។ ពលរដ្ឋថៃទាំង១២៣នាក់ នគរបាលជាតិកម្ពុជា នឹងស្នើសុំកិច្ចសហការជាមួយនគរបាលភូមិន្ទថៃ ដើម្បីមានវិធានការបន្ត ក៏ដូចជាសហការដើម្បីកំណត់មុខសញ្ញាមេក្លោងសំខាន់ដទៃទៀត នឹងឈានទៅស្វែងរក ចាប់ខ្លួនជនល្មើស ជាមេក្លោងយកមកអនុវត្តច្បាប់ នៃព្រះរាជាណាចក្រកម្ពុជា។ ចំពោះជនបរទេស ផ្សេងទៀតសមត្ថកិច្ចកំពុងធ្វើការសាកសួរ និងចាត់វិធានតាមច្បាប់នៃព្រះរាជាណាចក្រកម្ពុជា៕ ផ្ដល់សិទ្ធិដោយ៖ Fresh News

(វ៉ាទីកង់)៖ កាលពីថ្ងៃអាទិត្យ ទី២៣ ខែកុម្ភៈ បុរីវ៉ាទីកង់បានឱ្យដឹងថា សម្តេចសង្ឃកាតូលិក ប៉ាប ហ្រ្វង់ស៉ីស ដែលកំពុងព្រះប្រឈួន​ជំងឺស្មុគស្មាញពាក់ព័ន្ធផ្លូវដង្ហើម បន្តស្ថិតក្នុងស្ថានភាពធ្ងន់ធ្ងរ ២ថ្ងៃជាប់គ្នា ខណៈទ្រង់បានស្ថិតនៅមន្ទីរពេទ្យរហូតមក តាំងតែពី​ពាក់កណ្តាលខែនេះ។ នេះបើតាមការចេញផ្សាយដោយ ទីភ្នាក់ងារព័ត៌មាន Reuters។ សម្តេចប៉ាប ហ្រ្វង់ស៉ីស ដែលមានព្រះជន្ម៨៨ព្រះវស្សាហើយនោះ ត្រូវបានបញ្ជូនទៅកាន់មន្ទីរពេទ្យ Gemelli ក្នុងទីក្រុងរ៉ូម និងបន្តស្ថិតនៅទីនោះ តាំងពីថ្ងៃទី១៤ ខែកុម្ភៈ ហើយកាលពីថ្ងៃសៅរ៍ចុងសប្តាហ៍កន្លងទៅ បុរីវ៉ាទីកង់បានពិពណ៌នាស្ថានភាពរបស់ទ្រង់ ថាមានសភាពធ្ងន់ធ្ងរជាលើកដំបូង។ ចំពោះមុខដំណឹងសម្តេចប៉ាបទ្រង់ព្រះប្រឈួន ជាច្រើនថ្ងៃបែបនេះ គ្រឹស្តសាសនិកជាច្រើន បាននាំគ្នាយកផ្កានិងសារជូនពរ ទៅដាក់នៅខាងក្រៅ មន្ទីរពេទ្យ Gemelli ដើម្បីបួងសួងឱ្យសម្តេច ចាប់ជាសះស្បើយឡើងវិញ។ គួរបញ្ជាក់ថា ទ្រង់បានក្លាយជាសម្តេចប៉ាប ចាប់តាំងពីឆ្នាំ២០១៣មក ហើយរយៈពេលប្រមាណជា ២ឆ្នាំចុងក្រោយនេះ ទ្រង់បានជួប​បញ្ហាព្រះរាជសុខភាពជាច្រើន។ ជាពិសេសនោះ គឺទ្រង់ងាយរងគ្រោះពីការឆ្លងមេរោគសួត ដោយសារសម្តេចប៉ាប ហ្រ្វង់ស៉ីស បានកើតជំងឺរលាកស្រោមសួត តាំងពីក្មេង ហើយធ្លាប់វះយកផ្នែក នៃសួតមួយចំហៀងរបស់ទ្រង់ចេញ ថែមទៀតផង៕ ផ្ដល់សិទ្ធិដោយ៖ Fresh News

(កំពង់ស្ពឺ)៖ លោកបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន នៅថ្ងៃអាទិត្យ ទី២៣ ខែកុម្ភៈ ឆ្នាំ២០២៥ បានអញ្ជើញចុះពិនិត្យតំបន់ភ្នំខ្នងផ្សារ ដែលកន្លងមកមានអ្នកទៅលេងលក្ខណៈផ្សងព្រេងច្រើនមានទាំងទេសចរជាតិ និងអន្តរជាតិ ស្ថិតក្នុងភូមិសាស្រ្តឧទ្យានជាតិជួរភ្នំក្រវាញ នៅក្នុងភូមិតាំងបំពង់ តំបន់រលាក់កង់ជើង ឃុំតាសាល ស្រុកឱរ៉ាល់ ខេត្តកំពង់ស្ពឺ ដើម្បីបង្កើនឱ្យកាន់តែមានភាពទាក់ទាញ ដើម្បីផ្សារភ្ជាប់ជាមួយនឹងសហគមន៍ និងជួយបង្កើនសេដ្ឋកិច្ចរបស់ប្រជាពលរដ្ឋនៅតាមមូលដ្ឋាន។ លោករដ្ឋមន្រ្តីបានធ្វើដំណើរទស្សនកិច្ច ដោយថ្មើរជើងចម្ងាយឡើងភ្នំជាង៣គីឡូ និងបានឆ្លងកាត់តំបន់ទេសភាពធម្មជាតិ យ៉ាងល្អប្រណីត ដូចជាវាលស្រល់បៃតងស្រស់ ខ្យល់អាកាសបរិសុទ្ធ ឆ្លងកាត់ភ្នំខ្នងក្រពើ បន្តទៅភ្នំខ្នងស្រូវ និងបន្តមកតំបន់ភ្នំខ្នងផ្សារ ដែលរដូវនេះ បានរំលេចចេញឱ្យឃើញទេសភាពដូចក្រាលព្រំពណ៌មាសលើភ្នំ គួរជាទីមនោរម្យ។ លោកបណ្ឌិត អ៊ាង សុផល្លែត មានប្រសាសន៍ថា ស្របតាមគោលនយោបាយ យុទ្ធសាស្រ្តបញ្ចកោណដំណាក់កាលទី១ របស់រាជរដ្ឋាភិបាលកម្ពុជា នីតិកាលទី៧ នៃរដ្ឋសភា និងតាមការណែនាំរបស់ប្រមុខរាជរដ្ឋាភិបាលកម្ពុជា សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា ក្រសួងបរិស្ថាន បានកំពុងពិនិត្យលើការអភិវឌ្ឍគោលដៅលំហែបៃតង ដើម្បីតភ្ជាប់កន្លែងនីមួយៗ ដែលមានសម្បតិ្តធម្មជាតិឬបេតិកភណ្ឌ ដែលមានសកម្មភាពទេសចរណ៍ ដើម្បីផ្តល់ផលប្រយោជន៍ដល់សហគមន៍។ សូមបញ្ជាក់ថា នៅថ្ងៃដដែល លោកបណ្ឌិត […]

(កៀវ)៖ ប្រធានាធិបតីអ៊ុយក្រែន លោក វ៉ូឡូឌីមៀ ហ្សេលេនស្គី បាននិយាយថា លោកសុខចិត្តបោះបង់តំណែង ប្រសិនបើការចាកចេញនេះ នាំមកនូវសន្តិភាពសម្រាប់អ៊ុយក្រែន ឬអាចដោះដូរនឹងការចូលជាសមាជិកអង្គការណាតូ (NATO)។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃចន្ទ ទី២៤ ខែកុម្ភៈ ឆ្នាំ ២០២៥។ នៅពេលត្រូវបានសួរថា តើលោកមានការត្រៀមខ្លួនចាកចេញពីតំណែងទេ ប្រសិនបើវានឹងនាំមកនូវការធានាសន្តិភាព? លោក ហ្សេលេនស្គី បញ្ជាក់ថា «ខ្ញុំបានត្រៀមខ្លួនរួចរាល់ហើយ។ ប្រសិនបើ ដើម្បីសន្តិភាពអ៊ុយក្រែន ប្រសិនបើអ្នកពិតជាត្រូវការឱ្យខ្ញុំចាកចេញពីមុខតំណែងរបស់ខ្ញុំ»។ លោក ហ្សេលេនស្គី បានបន្ថែមថា «ខ្ញុំ​អាចប្តូរយក​សមាជិកភាព​ណាតូ​បាន បើមាន​លក្ខខណ្ឌបែប​នោះ ​ហើយនឹងចាកចេញ​ភ្លាមៗ»។ គួរបញ្ជាក់ថា ការអត្ថាធិប្បាយរបស់លោក ហ្សេលេនស្គី ទំនងជាចង់ឆ្លើយតបនឹងប្រធានាធិបតីអាមេរិក លោក ដូណាល់ ត្រាំ ដែលជំរុញឱ្យមានការបោះឆ្នោត ហើយថែមទាំងហៅរូបលោកជាជនផ្តាច់ការទៀត ជុំវិញការបន្តដឹកនាំអ៊ុយក្រែនក្នុងអាណត្តិ ៥ឆ្នាំ ដែលអស់សុពលភាពកាលឆ្នាំ ២០២៤៕ ផ្ដល់សិទ្ធិដោយ៖ Fresh News

(ភ្នំពេញ)៖ ក្រសួងប្រៃសណីយ៍ និងទូរគមនាគមន៍ បានចេញសេចក្តីជូនដំណឹង ដោយអញ្ជើញ ក្រុមហ៊ុន កែបស្តារ ដេតា សេនធ័រ មេនេចម៉ិន ឯ.ក និង ក្រុមហ៊ុន វេហា ដាតា សេនធ័រ ឯ.ក ដើម្បីជួបពិភាក្សាអំពីវឌ្ឍនភាពដំណើរការអាជីវកម្មមជ្ឈមណ្ឌលទិន្នន័យ។ សេចចក្តីជូនដំណឹងរបស់ក្រសួងប្រៃសណីយ៍និងទូរគមនាគមន៍ មានខ្លឹមសារថា សូមអញ្ជើញ លោកនាយកប្រតិបត្តិ ឬតំណាងមានសិទ្ធិសម្រេចនៃក្រុមហ៊ុន វេហា ដាតា សេនធ័រ ឯ.ក (VEHAA DATA CENTER CO., LTD.) និង ក្រុមហ៊ុន កែបស្តារ ដេតា សេនធ័រ មេនេចម៉ិន ឯ.ក (KEPSTAR DATA CENTRE MANAGEMENT CO., LTD.) ជាលើកចុងក្រោយ ដើម្បីចូលជួបពិភាក្សាអំពីវឌ្ឍនភាពដំណើរការអាជីវកម្មមជ្ឈមណ្ឌលទិន្នន័យរបស់ក្រុមហ៊ុន។ កន្លងមក ក.ប.ទ. ធ្លាប់បានអញ្ជើញក្រុមហ៊ុនជាលាយលក្ខណ៍អក្សរចំនួនបីលើករួចមកហើយ ក៏ប៉ុន្តែក្រុមហ៊ុនមិនបានឆ្លើយតបតាមការអញ្ជើញរបស់ ក.ប.ទ. ឡើយ។ ដូចនេះ ក.ប.ទ. សម្រេចទុករយៈពេល […]