(វ៉ាស៉ីនតោន)៖ សហរដ្ឋអាមេរិក និងកូឡុំប៊ី បានបោះជំហានថយក្រោយវិញ ចេញពីមាត់ជ្រោះនៃសង្រ្គាមពាណិជ្ជកម្ម កាលពីថ្ងៃអាទិត្យ ទី២៦ ខែមករា បន្ទាប់ពីសេតវិមាន បាននិយាយថា កូឡុំប៊ីបានយល់ព្រម ទទួលយកយន្តហោះយោធា ដែលដឹកជនអន្តោប្រវេសន៍ បណ្តេញចេញពីអាមេរិក។ នេះបើតាមការចេញផ្សាយដោយ ទីភ្នាក់ងារព័ត៌មាន Reuters។ ប្រធានាធិបតីអាមេរិក លោក ដូណាល់ ត្រាំ បានគំរាមកំហែងពន្ធនិងទណ្ឌកម្ម ប្រឆាំងកូឡុំប៊ី បន្ទាប់ពីប្រទេសអាមេរិកឡាទីនមួយនេះ បានបដិសេធមិនឱ្យជើងហោះហើរយោធា ដែលដឹកជនអន្តោប្រវេសន៍ បណ្តេញចេញពីសហរដ្ឋអាមេរិក ចុះចត។ វាគឺជាផ្នែកមួយនៃ​ចំណាត់ការបង្រ្កាបបញ្ហាអន្តោប្រវេសន៍ដ៏ម៉ឺងម៉ាត់ និងក្នុងទ្រង់ទ្រាយធំ របស់លោក ត្រាំ។ យ៉ាងណាមិញ ក្រោយមក សេតវិមានបាននិយាយថា ខាងកូឡុំប៊ីទីបំផុតបានយល់ព្រម ទទួលយកជនអន្តោប្រវេសន៍ទាំងនោះវិញហើយ ដូច្នេះទីក្រុងវ៉ាស៉ីនតោន នឹងមិនចេញវិធានការដាក់ពិន័យ តាមការគំរាមនោះទេ។ ចំណែក កូឡុំប៊ីផ្ទាល់ ក៏បានប្រកាសដែរថា ខ្លួនបាន​ជម្នះភាពជាប់គាំង ជាមួយរដ្ឋាភិបាលអាមេរិកហើយ។ គួរបញ្ជាក់ថា កូឡុំប៊ី គឺជាដៃគូពាណិជ្ជកម្មធំបំផុតទី៣ របស់សហរដ្ឋអាមេរិក ប្រចាំនៅតំបន់អាមេរិកឡាទីន ខណៈអាមេរិក គឺជា​ដៃគូពាណិជ្ជកម្មធំជាងគេបង្អស់ របស់កូឡុំប៊ី៕ ផ្ដល់សិទ្ធិដោយ៖ Fresh News

ក្រោយទទួលបានដំណឹងមរណភាពរបស់កញ្ញា នូ មៈនេត្រអាថាណ្ណា ក្រុមហ៊ុន Cambodia Broadcasting Service(CBS) បានចូលរួមរំលែកទុក្ខយ៉ាងក្រៀមក្រំ និងចាត់ទុកមរណភាពរបស់ពិធីការិនីព័ត៌មានល្បីឈ្មោះរូបនេះ គឺជាការបាត់បង់នូវធនធនមនុស្សដ៏សំខាន់សម្រាប់ក្រុមហ៊ុន CBS ហើយក៏ជាការបាត់បង់នូវបញ្ញាវន្តដ៏ឆ្នើមក្នុងវិស័យសារព័ត៌មាន។ តាមរយៈការបង្ហោះនៅលើផេកផ្លូវការនាព្រឹកថ្ងៃទី២៧ ខែមករា ឆ្នាំ២០២៥ នេះ បានគូសបញ្ជាក់ថា ក្រុមហ៊ុន Cambodia Broadcasting Service(CBS) មានទុក្ខយ៉ាងក្រៀមក្រំ សូមជម្រាបជូនបុគ្គលិកគ្រប់ផ្នែក និងសាធារណជន មេត្តាជ្រាបថា កញ្ញា នូ មៈនេត្រអាថាណ្ណា នាយិការងព័ត៌មាន និងជាពិធីការនីព័ត៌មាន CNCបានទទួលមរណភាព នៅវេលាម៉ោង ១១យប់ ថ្ងៃអាទិត្យ ១៣រោច ខែបុស្ស ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២៦ ខែមករា ឆ្នាំ២០២៥ នៅមន្ទីពេទ្យនាទីក្រុងបាងកក ប្រទេសថៃ ក្នុងជន្មាយុ ៣៧ឆ្នាំ ដោយរោគាពាធ។ កញ្ញា នូ មៈនេត្រអាថាណ្ណា បានចូលបម្រើការងារនៅក្រុមហ៊ុន CBS នៅថ្ងៃទី១ ខែកញ្ញា […]

(ភ្នំពេញ)៖ ក្រសួងបរិស្ថាន សូមជូនដំណឹងអំពីស្ថានភាពគុណភាពខ្យល់នៅក្នុងព្រះរាជាណាចក្រកម្ពុជាសម្រាប់ថ្ងៃទី២៦ ខែមករា ឆ្នាំ២០២៥ ចាប់ពីម៉ោង ៥ល្ងាច ដល់ម៉ោង ៧ព្រឹកថ្ងៃទី២៧ ខែមករា ឆ្នាំ២០២៥ ដែលមានកំហាប់ភាគល្អិតនិចលគិតជាមធ្យមស្មើនឹង ២៥.៩២ µg/m3 ធៀបនឹងស្តង់ដា ៥០ ug/m3 និងគិតជាសន្ទស្សន៍គុណភាពខ្យល់គឺ «ល្អណាស់»។ បើតាមលោក ខ្វៃ អាទិត្យា អនុរដ្ឋលេខាធិការ និងជាអ្នកនាំពាក្យក្រសួងបរិស្ថាន បានបញ្ជាក់ថា នៅព្រឹកថ្ងៃទី២៧ ខែមករានេះ គុណភាពខ្យល់គឺមានគុណល្អណាស់ ទាំងនៅរាជធានីភ្នំពេញ និងតាមបណ្តាខេត្តនានា ដូច្នេះសូមប្រជាពលរដ្ឋមេត្តាជ្រាប៕ ផ្ដល់សិទ្ធិដោយ៖ Fresh News

(ភ្នំពេញ)៖ មជ្ឈមណ្ឌលសម្រាប់ការអប់រំឌីជីថល និងការអប់រំពីចម្ងាយនៃក្រសួងអប់រំ យុវជន និងកីឡា តាមរយៈគំនិតផ្តួចផ្តើមពីលោកបណ្ឌិត សាន វឌ្ឍនា រដ្ឋលេខាធិការក្រសួងអប់រំ យុវជន និងកីឡា បានសហការជាមួយសាស្រ្តាចារ្យនៃសាកលវិទ្យាល័យភូមិន្ទភ្នំពេញ និងគ្រូឧទ្ទេសនៃកម្មវិធីសាលារៀនជំនាន់ថ្មី វិទ្យាល័យព្រះស៊ីសុវត្ថិដើម្បីផ្តល់ជូនការបង្រៀនបំប៉នសមត្ថភាពត្រៀមប្រឡងសញ្ញាបត្រមធ្យម​សិក្សា​ទុតិយភូមិដល់សិស្សានុសិស្ស ដែលជាបេក្ខជនត្រៀមប្រឡងដោយឥតគិតថ្លៃ។ ការបង្រៀនបំប៉នសមត្ថភាពនេះ ធ្វើឡើងតាមរយៈការផ្សាយផ្ទាល់នៅក្នុងគេហទំព័រ ឬកម្មវិធីសិក្សាទូរសិក្សា – Duraseksa ដោយគម្រោងនេះត្រូវបានដាក់ឈ្មោះថា «ប្រព័ន្ធបង្រៀនសមកាលកម្ម ឬ Live Teaching System»។ គួរបញ្ជាក់ផងដែរថា ការផ្សាយផ្ទាល់វគ្គបំប៉នសមត្ថភាពត្រៀមបាក់ឌុប Live Teaching ដែលប្អូនៗអាចសិក្សាដោយឥតគិតថ្លៃ និងសិក្សាផ្ទាល់ជាមួយលោកគ្រូនៅវិទ្យាល័យឥន្ទ្រទេវី និងសិក្សាជាក្រុម​តាមរយៈការផ្សាយផ្ទាល់ នៅវិទ្យាល័យគោលដៅសរុបចំនួន ៦៩វិទ្យាល័យទូទាំងរាជធានី-ខេត្ត មានដូចជា៖ វិទ្យាល័យឥន្ទ្រទេវី, វិទ្យាល័យកំបូល, វិទ្យាល័យហ៊ុនសែនបុរី ១០០ខ្នង, វិទ្យាល័យទឹកល្អក់, វិទ្យាល័យព្រែកឯង, វិទ្យាល័យបឹងប្រីយ៍, វិទ្យាល័យជាស៊ីមចំរើនរដ្ឋ, វិទ្យាល័យហ៊ុនសែនប៊ុនរានីច្បារអំពៅ, វិទ្យាល័យហ៊ុនសែនពញាពន់, វិទ្យាល័យហ៊ុនសែន ១ មិថុនា។ វិទ្យាល័យ ក្រពុំឈូក, វិទ្យាល័យ សអ.ព្រៃមេលង, វិទ្យាល័យ ហស.កោះអណ្តែត, វិទ្យាល័យ […]

(ព្រះសីហនុ)៖ ក្រុមអ្នកដឹកជញ្ជូនម្ហូបអាហាររបស់ក្រុមហ៊ុន E-Gets ចំនួន៤នាក់ ក្នុងចំណោមបក្ខពួកជាច្រើនទៀត ត្រូវបានកម្លាំងនគរបាលខេត្តព្រះសីហនុ ចាប់ខ្លួនពាក់ព័ន្ធករណីព្រួតវាយរថយន្ដជនជាតិចិន ដែលបង្កគ្រោះថ្នាក់បុកជាមួយរថយន្ដ២គ្រឿងទៀត តែរត់គេចមិនឈប់ដោះស្រាយ។ កាលពីវេលាម៉ោង៣ទាបភ្លឺ ឈានចូលថ្ងៃទី២៥ ខែមករា ឆ្នាំ២០២៥នេះ មានហេតុការណ៍យ៉ាងអណាធិបតេយ្យមួយកើតឡើង ដោយជនជាតិចិនម្នាក់ត្រូវបានក្រុមអ្នកដឹកជញ្ជូនក្រុមហ៊ុន E-Gets ដេញតាមវាយរថយន្ដ និងខ្លួនប្រាណបណ្ដាលឲ្យរងរបួសធ្ងន់ ដោយសារតែជនជាតិចិននោះ បង្កគ្រោះថ្នាក់ចរាចរណ៍ហើយរត់គេច។ រំលងបានប៉ុន្មានម៉ោងក្រោយ ពោលនៅរសៀលថ្ងៃទី២៥ ខែមករា ឆ្នាំ២០២៥នេះ កម្លាំងសមត្ថកិច្ចបានស្រាវជ្រាវ និងឈានដល់ការចាប់ខ្លួនយុវជនចំនួន៤នាក់ ដើម្បីយកមកធ្វើការសួរនាំ និងចាត់ការតាមនីតិវិធី។ ចំពោះអត្តសញ្ញាណក្រុមយុវជនដែលជាអ្នកដឹកម្ហូបនោះ មិនទាន់ត្រូវបានសមត្ថកិច្ចបង្ហាញឲ្យដឹងនៅឡើយទេ។ យ៉ាងណាមិញ នេះជាហេតុការណ៍មួយដែលមិនគួរកើតឡើងបែបនេះឡើយ ពោលប្រសិនបើក្រុមអ្នកដឹកជញ្ជូននោះឃើញគ្រោះថ្នាក់ ហើយជនបង្ករត់គេចនៅពេលដេញតាមទាន់ គួរណាស់តែរាយការណ៍ជូនសមត្ថកិច្ចដើម្បីចុះអន្ដរាគមន៍ ព្រោះការប្រើហិង្សាបែបនេះគឺនាំឲ្យខ្លួនឯងជាប់ពាក់ព័ន្ធជាមួយបទល្មើសទៅវិញទេ៕ ផ្ដល់សិទ្ធិដោយ៖ Freshnews

(ភ្នំពេញ)៖ គិតត្រឹមថ្ងៃទី២០ ខែមករា ឆ្នាំ២០២៥ អាកាសយានដ្ឋានអន្តរជាតិតេជោ (ភ្នំពេញថ្មី) ការសាងសង់សម្រេចបានជាង ៩៤%ហើយ បើគិតជាទឹកប្រាក់ចំណាយមកដល់ពេលនេះអស់ចំនួនប្រមាណជិត ១ ៤០០លានដុល្លារ ដោយចំណាយលើការងារសាងសង់ និងការងារដោះស្រាយផលប៉ះពាល់។ នេះបើតាមការបញ្ជាក់របស់លោក ស៊ីន ចាន់សិរីវុត្ថា រដ្ឋលេខាធិការ និងអ្នកនាំពាក្យអាកាសចរណ៍ស៊ីវិល ប្រាប់បណ្តាញព័ត៌មាន។ លោកបន្តថា ការងារសំណង់ធំសំខាន់ធំៗ ដូចជាការងារពាក់ព័ន្ធសំណង់ស្ថានីយអ្នកដំណើរ/Passenger Terminal Building, ការងារពាក់ព័ន្ធសំណង់មជ្ឈមណ្ឌល ផ្គត់ផ្គង់ថាមពល/Power House និងការងារពាក់ព័ន្ធទៅនឹងសំណង់ទីលានចតយន្តហោះ/Aircraft Apron-Parking) ត្រូវបញ្ចប់នៅមួយផ្នែកធំនៅក្នុងបំណាច់ខែធ្នូ ឆ្នាំ២០២៤ និងមួយចំនួនតូចក្នុងខែមករា ឆ្នាំ២០២៥នេះ។ ការសាងសង់នេះបុគ្គលិក កម្មករ វិស្វករ និងអ្នកគ្រប់គ្រង ដែលកំពុងបម្រើការងារនៅឯការដ្ឋានសាងសង់ មានចំនួនសរុបប្រមាណជិត ១៦,០០០នាក់ ក្នុងនោះមានខ្មែរជាង ៩០%។ លោកបញ្ជាក់បន្ថែមថា ព្រលានយន្តហោះអន្តរជាតិតេជោ គ្រោងនឹងបញ្ចប់ការសាងសង់និងផ្ទេរនូវប្រតិបត្តិការពីព្រលានយន្តចាស់ទៅព្រលានយន្តហោះថ្មី នៅក្នុងខែឧសភា ឆ្នាំ២០២៥ ហើយ បើគ្មានអ្វីប្រែប្រួលទេនោះ អាកាសយានដ្ឋានអន្តរជាតិតេជោ គ្រោងនឹងដាក់សម្ពោធជាផ្លូវការនៅក្នុងអំឡុងខែកក្កដា ឆ្នាំ២០២៥។ សូមជម្រាបថា ទូរទស្សន៍ដ៏ល្បីរបស់សហរដ្ឋអាមេរិក CNN បានចុះផ្សាយថា […]

(ភ្នំពេញ)៖ ក្មេងទំនើង៩នាក់ ត្រូវបានអាវុធហត្ថរាជធានីភ្នំពេញបង្ក្រាបជាបន្តបន្ទាប់ ព្រមទាំងបានអនុវត្តវិធានការច្បាប់បញ្ជូនទៅតុលាការលើក្រុមដែលមានបទល្មើស និងអនុវត្តវិធានការរដ្ឋបាលចំពោះក្រុមមិនមានបទល្មើស ប្រកបដោយភាពម៉ឹងម៉ាត់បំផុត។ របាយការណ៍របស់កងរាជអាវុធហត្ថរាជធានីភ្នំពេញ បានឲ្យដឹងថា ទី១៖ឈ្មោះ វង់ ចំរើន អាយុ២៥ឆ្នាំ, ទី២៖ឈ្មោះ ខន រិទ្ធិ អាយុ១៨ឆ្នាំ, ទី៣៖ឈ្មោះ វង្ស ចំរើន អាយុ២៥ឆ្នាំ, ទី៤៖ឈ្មោះ អេង កុសល អាយុ២០ឆ្នាំ ត្រូវបានកម្លាំងអាវុធហត្ថរាជធានីភ្នំពេញ ក្នុងខណ្ឌពោធិ៍សែនជ័យចុះអន្តរាគមន៍ឃាត់ខ្លួនកាលពីយប់រំលងអាធ្រាត្រឈានចូល ថ្ងៃទី២១ ខែមករា ឆ្នាំ២០២៥ ខណៈក្រុមនេះ ចេញពីក្លឹបកម្សាន្ដមួយកន្លែង ស្ថិតនៅផ្លូវវេងស្រេង ភូមិជ្រៃកោង សង្កាត់ចោមចៅ២ ខណ្ឌពោធិ៍សែនជ័យ ហើយទាស់ពាក្យសម្តីដាក់គ្នាកើតជាអំពើហិង្សា និងត្រូវបានបញ្ជូនទៅតុលាការក្នុងថ្ងៃទី២៣ ខែមករា ឆ្នាំ២០២៥។ ទី៥៖ឈ្មោះ ឈ្មោះ និត វឌ្ឍនា អាយុ១៤ឆ្នាំ, ទី៦៖ឈ្មោះ ម៉ៅ ដារ៉ូ អាយុ១៥ឆ្នាំ, ទី៧៖ឈ្មោះ ប៉ូច សុវណ្ណចិត្ត្រា អាយុ១៥ឆ្នាំ, ទី៨៖ ឈ្មោះ ណំ សុវណ្ណឧត្តម […]

(ភ្នំពេញ)៖ លោក ខ្វៃ អាទិត្យា អនុរដ្ឋលេខាធិការ និងជាអ្នកនាំពាក្យក្រសួងបរិស្ថាន បានបញ្ជាក់ថា ក្រសួងបរិស្ថាន បានតាមដានគុណភាពខ្យល់ជាប្រចាំ តាមរយៈឧបករណ៍ និងស្ថានីយតាមដានត្រួតពិនិត្យ គុណភាពខ្យល់ចំនួន៦០ នៅទូទាំងប្រទេស បានបង្ហាញថា នៅអំឡុងពេលប៉ុន្មានថ្ងៃនេះមានការកើនឡើង កំហាប់សារធាតុបំពុលខ្យល់ជាពិសេសការកើនឡើងកំហាប់ភាគល្អិត និចលដែលមានវិជ្ឈមាឌតូចជាង ឬស្មើ ២,៥មីក្រូម៉ែត្រ (PM2.5) នៅក្នុងបរិយាកាស។ ស្ថានភាពគុណភាពខ្យល់នៅក្នុងព្រះរាជាណាចក្រកម្ពុជា សម្រាប់ថ្ងៃទី២៥ ខែមករា ឆ្នាំ២០២៥ ចាប់ពីម៉ោង ៥ល្ងាច ដល់ម៉ោង ៧ព្រឹកថ្ងៃទី២៦ ខែមករា ឆ្នាំ២០២៥ ដែលមានកំហាប់ភាគល្អិតនិចលគិតជាមធ្យមស្មើនឹង ៥៣.៦១ µg/m3 ធៀបនឹងស្តង់ដា ៥០ ug/m3 និងគិតជាសន្ទស្សន៍គុណភាពខ្យល់គឺ «មធ្យម»។ នៅក្នុងរបាយការណ៍ ដែលស្រង់បានតាមរយៈឧបករណ៍ និងស្ថានីយត្រួតពិនិត្យគុណឿាពខ្យល់ បានបង្ហាញថា សន្ទស្សន៍ពណ៌ខៀវៈ គុណភាពខ្យល់ល្អណាស់ មានខេត្តកំពត ខេត្តរតនគិរី ខេត្តស្វាយរៀង និងខេត្តត្បូងឃ្មុំពណ៌បៃតងៈ គុណភាពខ្យល់ល្អមាន ខេត្តកំពង់ចាម ខេត្តកំពង់ឆ្នាំង ខេត្តកំពង់ស្ពឺ ខេត្តកំពង់ធំ ខេត្តកណ្តាល ខេត្តមណ្ឌលគីរី […]

(ស្ទឹងត្រែង)៖ គ្រាន់តែនៅក្នុងខែមករា ដើមឆ្នាំ២០២៥នេះ កម្ពុជាទទួលបានកូនផ្សោតកើតថ្មីចំនួន ២ក្បាល ដែលកូនផ្សោតកើតថ្មីទាំង២ក្បាលនេះ ប្រទះឃើញនៅអន្លង់ត្បូងខ្លា ខេត្តស្ទឹងត្រែង ដោយក្រុមការងារស្រាវជ្រាវនៃរដ្ឋបាលជលផល និងអង្គការ WWF។ ក្រុមការងារស្រាវជ្រាវកំណត់អត្តសញ្ញាណកូនផ្សោតកើតថ្មីទី២ នាវេលាម៉ោង២:១៥នាទីរសៀល នាថ្ងៃទី២៤ ខែមករា ឆ្នាំ២០២៥ នៅត្រង់ចំណុចអន្លង់ត្បូងខ្លា ក្នុងភូមិសាស្ត្រភូមិត្បូងខ្លា ឃុំអូម្រះ ស្រុកសៀមបូក ខេត្តស្ទឹងត្រែង។ កូនផ្សោតនេះស្ថិតនៅក្នុងក្រុមសត្វផ្សោតពេញវ័យចំនួន៨ក្បាលផ្សេងទៀត និងបណ្តើរដោយផ្សោតមេដែលមានលេខកូដ៨៩។ នេះជាកូនផ្សោតទី២ ដែលបានកើតនៅដើមឆ្នាំ២០២៥នេះ ដោយកូនផ្សោតកើតថ្មីទី១ក្នុងឆ្នាំ២០២៥ ត្រូវក្រុមអ្នកស្រាវជ្រាវប្រទះឃើញនៅថ្ងៃទី២៣ ខែមករា ឆ្នាំ២០២៥ ពោលគឺតែមួយថ្ងៃប៉ុណ្ណោះ មុនពេលប្រទះឃើញកូនផ្សោតកើតថ្មីទី២។ ក្រសួងកសិកម្ម រុក្ខាប្រមាញ់ និងនេសាទ និងរដ្ឋបាលជលផល បានថ្លែងអំណរគុណចំពោះបងប្អូនឆ្មាំទន្លេ អាជ្ញាធរមូលដ្ឋាន និងប្រជាពលរដ្ឋ ដែលបានចូលរួមថែរក្សានិងការពារធនធានជលផលដ៏មានតម្លៃ។ ទន្ទឹមនេះប្រសិនបងប្អូនប្រជានេសាទ បានប្រទះឃើញសត្វផ្សោត ពិសេសកូនផ្សោត សូមផ្តល់ព័ត៌មានមកសមត្ថកិច្ចជលផល ដែលមានលេខទូរស័ព្ទ ០១២៨៩៧៩៤៣ ០១១៣៥៥៨៨៣ ០៩៩៧៩១៩១៩ ០៩២៩១៨១៤៤ និង ០១៧៨១៨៣៨២៕ ផ្ដល់សិទ្ធិដោយ៖ Freshnews

(ត្បូងឃ្មុំ)៖ លោក គន់ រ័ត្នមុនី អភិបាលរងខេត្តត្បូងឃ្មុំ នាព្រឹកថ្ងៃទី២៥ ខែមករា ឆ្នាំ២០២៥ បានដឹកនាំប្រធានមន្ទីរកសិកម្ម រុក្ខាប្រមាញ់ និងនេសាទ ប្រធានមន្ទីរធនធានទឹកនិងឧតុនិយម សហការជាមួយរដ្ឋបាលស្រុកពញាក្រែក រដ្ឋបាលឃុំអញ្ចើម ស្រុកត្បូងឃ្មុំ រដ្ឋបាលឃុំកក់ ស្រុកពញាក្រែក សហគមន៍កសិកម្មសាមគ្គីកក់ និងប្រជាកសិករ ចុះពិនិត្យស្ថានភាពដំណាំស្រូវរដូវប្រាំងនិងប្រភពទឹក ដើម្បីត្រៀមអន្តរាគមន៍ស្រោចស្រព ករណីមានតម្រូវការទឹកចាំបាច់។ តាមការចុះពិនិត្យមានប្រភពទឹក០៣ប្រភេទ សម្រាប់អន្តរាគមន៍រួមមាន ទឹកអណ្តូង ទឹកកណ្សិនវត្តព្រៃនគរក្នុង និងទំនប់បាក់អាយ។ មកដល់ពេលនេះ ទឹកស្រោចស្រព នៅអាចស្រោចស្រពដំណាំស្រូវបាន។ ទោះយ៉ាងណា ក្រុមការងារបានសំណូមពរដល់បងប្អូនប្រជាកសិករ ត្រូវបូមទឹកស្រោចស្រពដោយសន្សំសំចៃ អាជ្ញាធរឃុំ ត្រូវបន្តតាមដានជាប្រចាំ ករណីខ្វះទឹកជាក់ស្តែង ដុំរាយការណ៍ជាបន្ទាន់មកមន្ទីរជំនាញ ស្រុក ខេត្ត។ ទន្ទឹមនេះ សុំផ្សព្វផ្សាយដល់ប្រជាពលរដ្ឋផ្អាកការដាំដុះបន្ថែមក្នុងឱកាសនេះ។ គួររំលឹកថា ក្នុងរដូវប្រាំងឆ្នាំ២០២៥នេះ ក្នុងឃុំដូនតី មានដាំដុះស្រូវរដូវប្រាំងប្រមាណ ១៥០ហិកតា ឃុំកក់មានដាំដុះលើផ្ទៃដីប្រមាណ ៣០០ហិកតា ដែលកើនលើសពីឆ្នាំ២០២៤ទ្វេរដង។ សូមជម្រាបជូនថា ឆ្នាំ២០២៥នេះ ក្នុងខេត្តត្បូងឃ្មុំ មានដាំដុះស្រូវរដូវប្រាំងប្រមាណ ១៥ ០០០ហិកតា កើនលើសឆ្នាំ២០២៤ […]